KUPUTUKA 42
42
Vayaya jaVosefwe naveza kuEjipitu nakulanda tiliku
1Jino #Vili. 7.12.Yakova evwile ngwavo, kuEjipitu kuli tiliku. Yakova ambile kuli vana venyi vamalunga ngwenyi, Muli nakulitalila ika?
2Avambile ngwenyi, Talenu, ngunevu ngwavo, kuEjipitu kuli tiliku. Yenu kuze, mukatulanjileko, mangana tuyoye, kucina natufwa.
3Kaha vayaya jaYosefwe vamalunga likumi vayile vakalande tiliku kuEjipitu.
4Oloze Mbenjamine, songo yaYosefwe, Yakova kamutumine navayayenyi hamweko. Mwomwo ambile ngwenyi, Kucina pamo lupi naluka-muwana.
5Jino vana valsalele vayile nakulanda muli vaze vayile, mwomwo zala yakalombolombo yize yapwile mulifuci lyaKanane.
6Yosefwe apwile nguvulu mulifuci, ikiye vene uze alanjixilenga vatu vakulifuci vosena. Vayaya jaYosefwe vejile, valifukwile kuli ikiye nameso avo hamavu.
7Yosefwe amwene vayayenyi, kaha avatacikijile. Oloze aliswekele nge weka kuli vakivo, ahanjikile kuli vakivo namazu amakalu. Avehwile ngwenyi. Munafumu kulihi? Vamwambile ngwavo, Tunafumu kulifuci lyaKanane, tuneza nakulanda kulya.
8Yosefwe atacikijile vayayenyi, Oloze vakivo kavamutacikijileko.
9Yosefwe anukile kulota cenyi avalotele, kaha avambile ngwenyi, Enu muvandoji. Muneza nakutala lifuci omu lili uselesele.
10Vamwambile ngwavo, Nduma, mwata. Oloze etu vangamba jove tuneza nakulanda kulya.
11Tuvosena tuvana valunga umwe. Tuvatu vamucano, etu vangamba jove katwexi tuvandojiko.
12Avambile ngwenyi, Ciku, oloze muneza nakutala lifuci omu lili uselesele.
13Vamwambile ngwavo, Etu vangamba jove tunapu tulikumi navavali muundumbu wetu. Tuvana valunga umwe wakulifuci lyaKanane. Uze wakanyike noholili ali kuli setu, kaha umwe wauciko.
14Yosefwe avambile ngwenyi, Mwomwo vene ngunahanjika kuli enu ngwami, Enu muvandoji.
15Munavamyeseka ngana. Nakuyoya caFwalo tu, enu kamwexi kufuma kunoko, xina kuvanga songo yenu wakanyike neza kuno.
16Tumenu mukwenu umwe, aye nakusanyika songo yenu. Kahenu navamikasa, mangana veseke mazu enu numba nge munapu muvaka-mucano. Mokomoko nakuyoya caFwalo tu, enu Camwenemwene muvandoji.
17Kaha avasokelele vosena mumwe mwakuvalamina makumbi atatu.
18Halikumbi lyamucitatu Yosefwe avambile ngwenyi, Lingenu ngana, muyoye, mwomwo ami ngunamwivu Kalunga woma.
19Kaci nge muvatu vamucano, kaha ndumbwenu umwe vamukase muzuvo yakamenga, oloze enu yenu mutwale tiliku kuli vaze vakujizuvo jenu vali nazala.
20Kaha kangunehelenu songo yenu wakanyike, ngoco mazu enu nawakalumbunuka amucano, kaha kamwexi kufwako. Valingile ngoco.
21Kaha valihanjikixile ngwavo, Camwenemwene tunapaye hali songo yetu, mwomwo twamwene luyando lwamwono wenyi omu atulembelelele, kaha katwamwivwililileko. Xikaho luyando elu lunatuwane.
22Luvene avakumbulwile ngwenyi, Kangwamyambileko, numba? ngwami, Kanda muvulumuna hali ou kanyikeko. Oloze enu kamwevwililileko. Xikaho nawa talenu, vali nakwihula manyingenyi.
23Kavatacikijileko ngwavo, Yosefwe nevuko, mwomwo hakaci kavo hapwile muka-kulumbununa mazu, xikaho.
24Alumukile nakuvaseza, kaha alilile. Ahilukile ceka kuli vakivo, ahanjikile navo, kaha akwacile Ximeyone mukaci kavo, amukaxile kumeso avo.
25Yosefwe avalwezele vangamba ngwenyi, vasulise jituku javo natiliku, vahilwise nawa jimbongo jamutu himutu mutuku yenyi, vavahane nawa pau jamujila. Mukiko vene muvavalingilile.
26Vatwikile vimbulu javo tiliku yavo, vafumine kuze.
27Kucilombo, omu akasunwine minavo umwe tuku yenyi mangana ahane cimbulu cenyi kulya, amwenemo jimbongo jenyi, kaha kumana, japwile kukanwa katuku yenyi.
28Ambile kuli vandumbwenyi ngwenyi, Vanahilwisa jimbongo jami, talenu, jili mutuku yami. Kaha vevwile mumicima yavo cau, valyalumukilile nakucikima ngwavo, Eyi natulingila Kalunga ika?
29Vahetele kuli sevo Yakova mulifuci lyaKanane, vamulwezele vyuma vyosena vize vyavawanyine, ngwavo,
30Uze lunga, mwata walifuci, ahanjikile mazu amakalu kuli etu, atujinyine nge tuvandoji mulifuci.
31Twamwambile ngwetu, Tuvatu vamucano, katwexi tuvandojiko.
32Ngwetu, Tumalunga likumi navavali muundumbu wetu, tuvana vasetu lika. Umwe wauciko, kaha wakanyike ali lelo lino kuli setu kulifuci lyaKanane.
33Uze lunga, mwata walifuci, atwambile ngwenyi, Munangukatacikijila ngwami, muvatu vamucano, ngana. Sezenu ndumbwenu umwe kuli ami, twalenu kulya kuli vaze vakujizuvo jenu vali nazala, yenunga kwenu,
34kangunehelenu songo yenu wakanyike. Kaha nangukatacikiza ngwami, enu kamwexi muvandojiko, ngwami, muvatu vamucano. Ngoco nangukamihana ceka ndumbwenu, kaha namukasepa mulifuci.
35Kaha casolokele, omu vasukumwine vyamujituku javo, kumana, lifunda lyajimbongo jamutu himutu lyapwile mutuku yenyi. Kahomu vamwene vakivo nasevo mafunda ajimbongo, vevwile woma.
36Sevo Yakova avambile ngwenyi, Munanguvindamisa vana vami. Yosefwe wauci, naXimeyone nawa wauci, kaha namusaka kuya naMbenjamine nawa. Vyuma vyosenevi vili hali ami.
37Luvene ahanjikile kuli ise ngwenyi, Kaci nge kangwexi kumuneha ceka kuli oveko, kajihe vana vami vamalunga vavali. Nguhaneyo mumavoko ami, kaha nangukamuneha ceka kuli ove.
38Amwambile ngwenyi, Mwanami kexi kuya nayenuko. Mwomwo yayenyi nafu lyehi, ikiye uka wenyi nasaleho. Kaci nge lupi nalukamuwana mujila namuya, kaha namuka-xikumwisa jivwi jami #42.38:Tala 37.34.kuXeyole nakulyonyinga.
Currently Selected:
KUPUTUKA 42: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
KUPUTUKA 42
42
Vayaya jaVosefwe naveza kuEjipitu nakulanda tiliku
1Jino #Vili. 7.12.Yakova evwile ngwavo, kuEjipitu kuli tiliku. Yakova ambile kuli vana venyi vamalunga ngwenyi, Muli nakulitalila ika?
2Avambile ngwenyi, Talenu, ngunevu ngwavo, kuEjipitu kuli tiliku. Yenu kuze, mukatulanjileko, mangana tuyoye, kucina natufwa.
3Kaha vayaya jaYosefwe vamalunga likumi vayile vakalande tiliku kuEjipitu.
4Oloze Mbenjamine, songo yaYosefwe, Yakova kamutumine navayayenyi hamweko. Mwomwo ambile ngwenyi, Kucina pamo lupi naluka-muwana.
5Jino vana valsalele vayile nakulanda muli vaze vayile, mwomwo zala yakalombolombo yize yapwile mulifuci lyaKanane.
6Yosefwe apwile nguvulu mulifuci, ikiye vene uze alanjixilenga vatu vakulifuci vosena. Vayaya jaYosefwe vejile, valifukwile kuli ikiye nameso avo hamavu.
7Yosefwe amwene vayayenyi, kaha avatacikijile. Oloze aliswekele nge weka kuli vakivo, ahanjikile kuli vakivo namazu amakalu. Avehwile ngwenyi. Munafumu kulihi? Vamwambile ngwavo, Tunafumu kulifuci lyaKanane, tuneza nakulanda kulya.
8Yosefwe atacikijile vayayenyi, Oloze vakivo kavamutacikijileko.
9Yosefwe anukile kulota cenyi avalotele, kaha avambile ngwenyi, Enu muvandoji. Muneza nakutala lifuci omu lili uselesele.
10Vamwambile ngwavo, Nduma, mwata. Oloze etu vangamba jove tuneza nakulanda kulya.
11Tuvosena tuvana valunga umwe. Tuvatu vamucano, etu vangamba jove katwexi tuvandojiko.
12Avambile ngwenyi, Ciku, oloze muneza nakutala lifuci omu lili uselesele.
13Vamwambile ngwavo, Etu vangamba jove tunapu tulikumi navavali muundumbu wetu. Tuvana valunga umwe wakulifuci lyaKanane. Uze wakanyike noholili ali kuli setu, kaha umwe wauciko.
14Yosefwe avambile ngwenyi, Mwomwo vene ngunahanjika kuli enu ngwami, Enu muvandoji.
15Munavamyeseka ngana. Nakuyoya caFwalo tu, enu kamwexi kufuma kunoko, xina kuvanga songo yenu wakanyike neza kuno.
16Tumenu mukwenu umwe, aye nakusanyika songo yenu. Kahenu navamikasa, mangana veseke mazu enu numba nge munapu muvaka-mucano. Mokomoko nakuyoya caFwalo tu, enu Camwenemwene muvandoji.
17Kaha avasokelele vosena mumwe mwakuvalamina makumbi atatu.
18Halikumbi lyamucitatu Yosefwe avambile ngwenyi, Lingenu ngana, muyoye, mwomwo ami ngunamwivu Kalunga woma.
19Kaci nge muvatu vamucano, kaha ndumbwenu umwe vamukase muzuvo yakamenga, oloze enu yenu mutwale tiliku kuli vaze vakujizuvo jenu vali nazala.
20Kaha kangunehelenu songo yenu wakanyike, ngoco mazu enu nawakalumbunuka amucano, kaha kamwexi kufwako. Valingile ngoco.
21Kaha valihanjikixile ngwavo, Camwenemwene tunapaye hali songo yetu, mwomwo twamwene luyando lwamwono wenyi omu atulembelelele, kaha katwamwivwililileko. Xikaho luyando elu lunatuwane.
22Luvene avakumbulwile ngwenyi, Kangwamyambileko, numba? ngwami, Kanda muvulumuna hali ou kanyikeko. Oloze enu kamwevwililileko. Xikaho nawa talenu, vali nakwihula manyingenyi.
23Kavatacikijileko ngwavo, Yosefwe nevuko, mwomwo hakaci kavo hapwile muka-kulumbununa mazu, xikaho.
24Alumukile nakuvaseza, kaha alilile. Ahilukile ceka kuli vakivo, ahanjikile navo, kaha akwacile Ximeyone mukaci kavo, amukaxile kumeso avo.
25Yosefwe avalwezele vangamba ngwenyi, vasulise jituku javo natiliku, vahilwise nawa jimbongo jamutu himutu mutuku yenyi, vavahane nawa pau jamujila. Mukiko vene muvavalingilile.
26Vatwikile vimbulu javo tiliku yavo, vafumine kuze.
27Kucilombo, omu akasunwine minavo umwe tuku yenyi mangana ahane cimbulu cenyi kulya, amwenemo jimbongo jenyi, kaha kumana, japwile kukanwa katuku yenyi.
28Ambile kuli vandumbwenyi ngwenyi, Vanahilwisa jimbongo jami, talenu, jili mutuku yami. Kaha vevwile mumicima yavo cau, valyalumukilile nakucikima ngwavo, Eyi natulingila Kalunga ika?
29Vahetele kuli sevo Yakova mulifuci lyaKanane, vamulwezele vyuma vyosena vize vyavawanyine, ngwavo,
30Uze lunga, mwata walifuci, ahanjikile mazu amakalu kuli etu, atujinyine nge tuvandoji mulifuci.
31Twamwambile ngwetu, Tuvatu vamucano, katwexi tuvandojiko.
32Ngwetu, Tumalunga likumi navavali muundumbu wetu, tuvana vasetu lika. Umwe wauciko, kaha wakanyike ali lelo lino kuli setu kulifuci lyaKanane.
33Uze lunga, mwata walifuci, atwambile ngwenyi, Munangukatacikijila ngwami, muvatu vamucano, ngana. Sezenu ndumbwenu umwe kuli ami, twalenu kulya kuli vaze vakujizuvo jenu vali nazala, yenunga kwenu,
34kangunehelenu songo yenu wakanyike. Kaha nangukatacikiza ngwami, enu kamwexi muvandojiko, ngwami, muvatu vamucano. Ngoco nangukamihana ceka ndumbwenu, kaha namukasepa mulifuci.
35Kaha casolokele, omu vasukumwine vyamujituku javo, kumana, lifunda lyajimbongo jamutu himutu lyapwile mutuku yenyi. Kahomu vamwene vakivo nasevo mafunda ajimbongo, vevwile woma.
36Sevo Yakova avambile ngwenyi, Munanguvindamisa vana vami. Yosefwe wauci, naXimeyone nawa wauci, kaha namusaka kuya naMbenjamine nawa. Vyuma vyosenevi vili hali ami.
37Luvene ahanjikile kuli ise ngwenyi, Kaci nge kangwexi kumuneha ceka kuli oveko, kajihe vana vami vamalunga vavali. Nguhaneyo mumavoko ami, kaha nangukamuneha ceka kuli ove.
38Amwambile ngwenyi, Mwanami kexi kuya nayenuko. Mwomwo yayenyi nafu lyehi, ikiye uka wenyi nasaleho. Kaci nge lupi nalukamuwana mujila namuya, kaha namuka-xikumwisa jivwi jami #42.38:Tala 37.34.kuXeyole nakulyonyinga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.