KUPUTUKA 44
44
Lupasa navalutonda
1Yosefwe amulwezele muka-kumulamina vyuma muzuvo yenyi ngwenyi, Sulisa jituku javaze malunga jato nakulya nge omu vanahase kumbata. Kaha haka jimbongo jamutu himutu kukanwa katuku yenyi.
2Haka nawa lupasa lwami lwapalata kukanwa katuku yayou wakanyike, najimbongo jenyi jandando yatiliku nawa. Alingile nge mwayile lizu lize ahanjikile Yosefwe.
3Linwomu kwalingile to nacimene, vasuwile vaze malunga navimbulu javo.
4Kahomu valingile hivanalovoka lyehi munganda, ximbu kanda vaye kwakusuku, Yosefwe ambile kuli muka-kumulamina vyuma vyenyi ngwenyi, Katuka, vakavangize vaze malunga. Kaha hakuvawana, kavehule ngwove, Enu munaxixisa kupihya mukuwaha, mwomwo ika?
5Elu lukiko luze eji kunwinanga mwata wami nakulutahisa nawa nyi? Hakulinga ngoco munalingi mwamupi.
6Kaha avawanyine avambulilile mazu awa.
7Vamwambile ngwavo, Mwata wetu nahanjikila mazu awa ika? Etu vangamba jove kulinga cuma cangoco cijila!
8Tala, jimbongo jize twawanyine kutunwa twajituku jetu twakunehe-langajo ceka kufuma kulifuci lyaKanane. Nyi ngacilihi natwiva cipwe ulu cipwe palata muzuvo yamwata wove?
9Etu vangamba jove, Wexowo nauwana ali nalwo afwenga, kaha nayetu nawa natupwa tuvandungo jamwata wetu.
10Avambile ngwenyi, Cipwe jino nge mwaya mazu enu. Ou nanguwana ali nalwo mwapwa ndungo yami, kahenu kamwexi kupwa namulongako.
11Kaha vanguhwixile nakutula mutu himutu tuku yenyi hamavu, nakukasununa mutu himutu tuku yenyi.
12Atalatalilemo, alivangile kuli ou wamukulwane, akumixile kuli ou wakanyike. Kaha lupasa aluwanyine mutuku yaMbenjamine.
13Kaha vapulile mahinavo, valemene mutu himutu cimbulu cenyi, vakindulukile kunganda.
14Yuta navandumbwenyi vahetele kuzuvo ya Yosefwe, vamuwanyine acili kuze. Valimbilile cameso-hamavu kumeso enyi.
15Yosefwe avehwile ngwenyi, Eyi munalingi ika? Kamwatacikijileko tahi, ngwenu, mutu nge ami mwahasa kutaha?
16Yuta amwambile ngwenyi, Natukwambove mwata wami ngwetu ika? Natuhanjika ngwetu ika? Nyi natulisambisa ngacilihi? Kalunga nasolola mulonga wayetu vangamba jove. Tala, etu tuvandungo jayove mwata wami, nayetu nayou nawa vanawane nalupasa.
17Yosefwe amwambile ngwenyi, Ami kulinga ngoco cijila! Ou vanawane nalupasa, ikiye mwapwa ndungo yami, oloze enu, yenunga nakeke kuli senu.
Yuta mwahakwila Mbenjamine
18Jino Yuta apandamine kuli ikiye, amwambile ngwenyi, Ove mwata wami, acitave ami ngamba yove kuhanjika kalizu kuli ove mwata wami, mwane. Kanda wivwa matoto kuli ami ngamba yoveko, mwomwove unapu nge omu apwa Fwalo.
19Ove mwata wami watwihwiletu vangamba jove ngwove, Enu muli nasenu cipwe nandumbwenu walunga tahi?
20Twambile kuli ove mwata wami ngwetu, Tuli nasetu, ikiye kaxinakaji, ali namwanenyi wahauxinakaji wenyi, ikiye kanyike. Yayenyi afwa lyehi, ikiye kaha nasaleho mujimo lyanaye, kaha ise amuzanga.
21Ove wambile kuli etu vangamba jove ngwove, Munehenu kuno kuli ami mangana ngumumone nameso ami.
22Twambile kuli ove mwata wami ngwetu, Mukweze kexi kuhasa kuseza iseko. Mwomwo kaci nge mwaseza ise, kaha ise mwafwa.
23Kahove wambile kuli etu vangamba jove ngwove, Xina kuvanga muneza nasongo yenu wakanyike, mokomoko kamwexi kukamona ceka meso amiko.
24Kaha casolokele, omu twahetele kuli ngamba yove tata, twamwambulilile mazu ayove mwata wami.
25Setu atwambile ngwenyi, Yenu ceka mukatulanjile tumwe twakulya.
26Twamwambile ngwetu, Katwexi kuhasa kuyako. Kaci nge tuli nasongo yetu wakanyike, kaha natuya. Mwomwo katwexi kukahasa kumona meso ayauze lungako, kuvanga tuli nasongo yetu wakanyike.
27Ngamba yove tata atwambile ngwenyi, Enu munatacikiza, ngwasemene vana vamalunga vavali napwevo lyami.
28Umwe asuwukile kuli ami, kaha ngwalyambile ngwami, Camwenemwene vanamusanyula lyehi sanyusanyu. Nakulikumbi lyalelo ami kumumona ceka pimbi.
29Kaci nge namungutambula nauno nawa, kaci nge lupi nalukamuwana, kaha namukaxikumwisa jivwi jami #44.29:Tala 37.34.kuXeyole nakupihilila.
30Xikaho jino, omu nangukaheta kuli ngamba yove tata, kaha katwexi namukwezeko, hamono mwono wenyi unalifutwila namwono wamukweze mumwe,
31kaha nacikasoloka, ikiye hakumona katwexi namukwezeko himwafwa. Ngoco etu vangamba jove natukaxikumwisa jivwi jangamba yove setu #44.29:Tala 37.34.kuXeyole nakulyonyinga.
32Mwomwo ami ngamba yove ngwalilingixile kupwa ngucijikilo kuli tata hali mukweze. Ngwamwambile ngwami, Kaci nge kangwexi kumuneha ceka kuli oveko, kaha nangukapwanga namulonga kuli ove tata haya myaka yosena.
33Xikaho jino, acitave ami ngamba yove ngutwame kuxisa muli mukweze ngupwenga ngundungo yayove mwata wami, kahou mukweze ayenga navayayenyi.
34Mwomwo kaci nge kangwexi namukwezeko, nangukahasa ngacilihi kuya kuli tata? Kucina nangukamona lupi luze nalukamuwana tata.
Currently Selected:
KUPUTUKA 44: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
KUPUTUKA 44
44
Lupasa navalutonda
1Yosefwe amulwezele muka-kumulamina vyuma muzuvo yenyi ngwenyi, Sulisa jituku javaze malunga jato nakulya nge omu vanahase kumbata. Kaha haka jimbongo jamutu himutu kukanwa katuku yenyi.
2Haka nawa lupasa lwami lwapalata kukanwa katuku yayou wakanyike, najimbongo jenyi jandando yatiliku nawa. Alingile nge mwayile lizu lize ahanjikile Yosefwe.
3Linwomu kwalingile to nacimene, vasuwile vaze malunga navimbulu javo.
4Kahomu valingile hivanalovoka lyehi munganda, ximbu kanda vaye kwakusuku, Yosefwe ambile kuli muka-kumulamina vyuma vyenyi ngwenyi, Katuka, vakavangize vaze malunga. Kaha hakuvawana, kavehule ngwove, Enu munaxixisa kupihya mukuwaha, mwomwo ika?
5Elu lukiko luze eji kunwinanga mwata wami nakulutahisa nawa nyi? Hakulinga ngoco munalingi mwamupi.
6Kaha avawanyine avambulilile mazu awa.
7Vamwambile ngwavo, Mwata wetu nahanjikila mazu awa ika? Etu vangamba jove kulinga cuma cangoco cijila!
8Tala, jimbongo jize twawanyine kutunwa twajituku jetu twakunehe-langajo ceka kufuma kulifuci lyaKanane. Nyi ngacilihi natwiva cipwe ulu cipwe palata muzuvo yamwata wove?
9Etu vangamba jove, Wexowo nauwana ali nalwo afwenga, kaha nayetu nawa natupwa tuvandungo jamwata wetu.
10Avambile ngwenyi, Cipwe jino nge mwaya mazu enu. Ou nanguwana ali nalwo mwapwa ndungo yami, kahenu kamwexi kupwa namulongako.
11Kaha vanguhwixile nakutula mutu himutu tuku yenyi hamavu, nakukasununa mutu himutu tuku yenyi.
12Atalatalilemo, alivangile kuli ou wamukulwane, akumixile kuli ou wakanyike. Kaha lupasa aluwanyine mutuku yaMbenjamine.
13Kaha vapulile mahinavo, valemene mutu himutu cimbulu cenyi, vakindulukile kunganda.
14Yuta navandumbwenyi vahetele kuzuvo ya Yosefwe, vamuwanyine acili kuze. Valimbilile cameso-hamavu kumeso enyi.
15Yosefwe avehwile ngwenyi, Eyi munalingi ika? Kamwatacikijileko tahi, ngwenu, mutu nge ami mwahasa kutaha?
16Yuta amwambile ngwenyi, Natukwambove mwata wami ngwetu ika? Natuhanjika ngwetu ika? Nyi natulisambisa ngacilihi? Kalunga nasolola mulonga wayetu vangamba jove. Tala, etu tuvandungo jayove mwata wami, nayetu nayou nawa vanawane nalupasa.
17Yosefwe amwambile ngwenyi, Ami kulinga ngoco cijila! Ou vanawane nalupasa, ikiye mwapwa ndungo yami, oloze enu, yenunga nakeke kuli senu.
Yuta mwahakwila Mbenjamine
18Jino Yuta apandamine kuli ikiye, amwambile ngwenyi, Ove mwata wami, acitave ami ngamba yove kuhanjika kalizu kuli ove mwata wami, mwane. Kanda wivwa matoto kuli ami ngamba yoveko, mwomwove unapu nge omu apwa Fwalo.
19Ove mwata wami watwihwiletu vangamba jove ngwove, Enu muli nasenu cipwe nandumbwenu walunga tahi?
20Twambile kuli ove mwata wami ngwetu, Tuli nasetu, ikiye kaxinakaji, ali namwanenyi wahauxinakaji wenyi, ikiye kanyike. Yayenyi afwa lyehi, ikiye kaha nasaleho mujimo lyanaye, kaha ise amuzanga.
21Ove wambile kuli etu vangamba jove ngwove, Munehenu kuno kuli ami mangana ngumumone nameso ami.
22Twambile kuli ove mwata wami ngwetu, Mukweze kexi kuhasa kuseza iseko. Mwomwo kaci nge mwaseza ise, kaha ise mwafwa.
23Kahove wambile kuli etu vangamba jove ngwove, Xina kuvanga muneza nasongo yenu wakanyike, mokomoko kamwexi kukamona ceka meso amiko.
24Kaha casolokele, omu twahetele kuli ngamba yove tata, twamwambulilile mazu ayove mwata wami.
25Setu atwambile ngwenyi, Yenu ceka mukatulanjile tumwe twakulya.
26Twamwambile ngwetu, Katwexi kuhasa kuyako. Kaci nge tuli nasongo yetu wakanyike, kaha natuya. Mwomwo katwexi kukahasa kumona meso ayauze lungako, kuvanga tuli nasongo yetu wakanyike.
27Ngamba yove tata atwambile ngwenyi, Enu munatacikiza, ngwasemene vana vamalunga vavali napwevo lyami.
28Umwe asuwukile kuli ami, kaha ngwalyambile ngwami, Camwenemwene vanamusanyula lyehi sanyusanyu. Nakulikumbi lyalelo ami kumumona ceka pimbi.
29Kaci nge namungutambula nauno nawa, kaci nge lupi nalukamuwana, kaha namukaxikumwisa jivwi jami #44.29:Tala 37.34.kuXeyole nakupihilila.
30Xikaho jino, omu nangukaheta kuli ngamba yove tata, kaha katwexi namukwezeko, hamono mwono wenyi unalifutwila namwono wamukweze mumwe,
31kaha nacikasoloka, ikiye hakumona katwexi namukwezeko himwafwa. Ngoco etu vangamba jove natukaxikumwisa jivwi jangamba yove setu #44.29:Tala 37.34.kuXeyole nakulyonyinga.
32Mwomwo ami ngamba yove ngwalilingixile kupwa ngucijikilo kuli tata hali mukweze. Ngwamwambile ngwami, Kaci nge kangwexi kumuneha ceka kuli oveko, kaha nangukapwanga namulonga kuli ove tata haya myaka yosena.
33Xikaho jino, acitave ami ngamba yove ngutwame kuxisa muli mukweze ngupwenga ngundungo yayove mwata wami, kahou mukweze ayenga navayayenyi.
34Mwomwo kaci nge kangwexi namukwezeko, nangukahasa ngacilihi kuya kuli tata? Kucina nangukamona lupi luze nalukamuwana tata.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.