Леѵі́тъ 24
24
ГЛАВА̀ к҃д.
1 И҆ речѐ гдⷭ҇ь къ мѡѷсе́ю, гл҃ѧ: 2 #И҆схо́д. к҃з: к҃.заповѣ́ждь сынѡ́мъ і҆н҃лєвымъ, да во́змꙋтъ тѝ є҆ле́й ѿ ма́сличїѧ чи́стъ и҆сцѣже́нъ въ свѣтѣ́нїе, да гори́тъ свѣти́ло всегда̀, 3 внѣ̀ завѣ́сы въ ски́нїи свидѣ́нїѧ, #а҃ Ца́рств. г҃: г҃.и҆ возжига́ти бꙋ́дꙋтъ є҆го̀ а҆арѡ́нъ и҆ сы́нове є҆гѡ̀ ѿ ве́чера до заꙋ́тра пред̾ гдⷭ҇емъ непреста́ннѡ, #И҆схо́д. к҃з: к҃а.зако́ннѡ вѣ́чнѡ въ ро́ды ва́шѧ: 4 #И҆схо́д. к҃є: л҃а; І҆ѡа́н. а҃: з҃.на свѣти́лницѣ чи́стѣмъ возжига́ти бꙋ́дете свѣти̑ла пред̾ гдⷭ҇емъ да́же до оу҆́тра. 5 #И҆схо́д. к҃є: л҃; Матѳ. в҃і: д҃; Лꙋк. ѕ҃: г҃.И҆ во́змете мꙋкѝ пшени́чны, и҆ сотворитѐ ѿ неѧ̀ двана́десѧть хлѣ́бѡвъ: двꙋ̀ десѧти́нъ да бꙋ́детъ хлѣ́бъ є҆ди́нъ: 6 #И҆схо́д. к҃є: л҃.и҆ возложи́те и҆̀хъ на два̀ положє́нїѧ, по шестѝ хлѣ́бѡвъ є҆ди́но положе́нїе на трапе́зѣ чи́стѣ пред̾ гдⷭ҇емъ: 7 и҆ возложи́те на є҆ди́но положе́нїе лїва́нъ чи́стъ и҆ со́ль, #І҆ѡа́н. ѕ҃: л҃є.и҆ да бꙋ́дꙋтъ хлѣ́бы въ па́мѧть предлежа́щыѧ пред̾ гдⷭ҇емъ: 8 #Матѳ. в҃і: є҃.въ де́нь сꙋббѡ́ты да предлага́ютсѧ пред̾ гдⷭ҇емъ всегда̀ ѿ сынѡ́въ і҆н҃левыхъ, завѣ́тъ вѣ́чный: 9 #Леѵі́т. и҃: л҃а; И҆схо́д. к҃ѳ: л҃в; Матѳ. в҃і: д҃; Ма́рк. в҃: к҃ѕ.и҆ да бꙋ́дꙋтъ а҆арѡ́нꙋ и҆ сынѡ́мъ є҆гѡ̀, и҆ да снѣдѧ́тъ ѧ҆̀ на мѣ́стѣ ст҃ѣ, сꙋ́ть бо ст҃а̑ѧ ст҃ы́хъ: сїѐ и҆̀мъ ѿ же́ртвъ гдⷭ҇ꙋ въ зако́нъ вѣ́чный. 10 И҆ и҆зы́де сы́нъ жены̀ і҆н҃лтѧныни, и҆ се́й бѣ̀ сы́нъ є҆гѵ́птѧнина въ сынѣ́хъ і҆н҃левыхъ: и҆ прѧ́хꙋсѧ въ полцѣ̀ и҆́же ѿ і҆н҃лтѧныни и҆ мꙋ́жъ і҆н҃лтѧнинъ: 11 #Второзак. к҃и: н҃и; Матѳ. ѳ҃: г҃.и҆ наре́къ сы́нъ жены̀ і҆н҃лтѧныни и҆́мѧ (гдⷭ҇не) проклѧ̀. И҆ приведо́ша є҆го̀ къ мѡѷсе́ю. И҆́мѧ же ма́тере є҆гѡ̀ салѡмі́ѳъ, дще́рь даврі́ина, ѿ пле́мене да́нова. 12 #Чи́сл. є҃і: л҃д.И҆ вверго́ша є҆го̀ въ темни́цꙋ, разсꙋди́ти ѡ҆ не́мъ повелѣ́нїемъ гдⷭ҇нимъ. 13 И҆ речѐ гдⷭ҇ь къ мѡѷсе́ю, гл҃ѧ: 14 и҆зведѝ клѧ́вшаго внѣ̀ полка̀, и҆ да возложа́тъ всѝ слы́шавшїи рꙋ́цѣ своѝ на главꙋ̀ є҆гѡ̀, и҆ да побїю́тъ є҆го̀ ка́менїемъ ве́сь со́нмъ: 15 и҆ сынѡ́мъ і҆н҃лєвымъ глаго́ли и҆ рече́ши къ ни̑мъ: человѣ́къ человѣ́къ, и҆́же а҆́ще проклене́тъ бг҃а своего̀, грѣ́хъ прїи́метъ: 16 #И҆схо́д. к҃: з҃; Матѳ. к҃ѕ: ѯ҃є.нарица́ѧй же и҆́мѧ гдⷭ҇не сме́ртїю да оу҆́мретъ: ка́менїемъ да побїю́тъ є҆го̀ ве́сь со́нмъ і҆н҃льскїй: а҆́ще тꙋзе́мецъ, и҆лѝ пришле́цъ, є҆гда̀ нарече́тъ и҆́мѧ гдⷭ҇не, да оу҆́мретъ: 17 #И҆схо́д. к҃а: в҃і.и҆ человѣ́къ, и҆́же а҆́ще порази́тъ всѧ́кꙋ дꙋ́шꙋ человѣ́чꙋ, и҆ оу҆́мретъ, сме́ртїю да оу҆́мретъ: 18 и҆ и҆́же а҆́ще оу҆да́ритъ скота̀, и҆ оу҆́мретъ, да возда́стъ дꙋ́шꙋ вмѣ́стѡ дꙋшѝ: 19 и҆ а҆́ще кто̀ сотвори́тъ #И҆схо́д. к҃а: к҃д; Второзак. ѳ҃і: к҃а.поро́къ бли́жнемꙋ, ꙗ҆́коже сотворѝ є҆мꙋ̀, та́кожде и҆ є҆мꙋ̀ да сотворѧ́тъ: 20 и҆зломле́нїе за и҆зломле́нїе, ѻ҆́ко за #И҆схо́д. к҃а: к҃д; Второзак. ѳ҃і: к҃а; Матѳ. є҃: л҃и.ѻ҆́ко, зꙋ́бъ за зꙋ́бъ: ꙗ҆́коже сотвори́лъ поро́къ человѣ́кꙋ, та́кожде да сотворѧ́тъ и҆ є҆мꙋ̀: 21 и҆́же а҆́ще оу҆да́ритъ человѣ́ка, и҆ оу҆́мретъ сме́ртїю да оу҆́мретъ: 22 #И҆схо́д. в҃і: м҃ѳ; Второзак. а҃: ѕ҃і.ѡ҆правда́нїе є҆ди́но бꙋ́детъ прише́лцꙋ и҆ тꙋзе́мцꙋ, ꙗ҆́кѡ а҆́зъ є҆́смь гдⷭ҇ь бг҃ъ ва́шъ. 23 И҆ глаго́ла мѡѷсе́й къ сынѡ́мъ і҆н҃лєвымъ, и҆ и҆зведо́ша клѧ́вшаго внѣ̀ полка̀, и҆ поби́ша є҆го̀ ка́менїемъ ве́сь со́нмъ: и҆ сы́нове і҆н҃лєвы сотвори́ша, ꙗ҆́коже заповѣ́да гдⷭ҇ь мѡѷсе́ю.
Currently Selected:
Леѵі́тъ 24: CS1751C
Highlight
Copy
Compare
Share
Want to have your highlights saved across all your devices? Sign up or sign in
historic text maintained by the United Bible Societies
Леѵі́тъ 24
24
ГЛАВА̀ к҃д.
1 И҆ речѐ гдⷭ҇ь къ мѡѷсе́ю, гл҃ѧ: 2 #И҆схо́д. к҃з: к҃.заповѣ́ждь сынѡ́мъ і҆н҃лєвымъ, да во́змꙋтъ тѝ є҆ле́й ѿ ма́сличїѧ чи́стъ и҆сцѣже́нъ въ свѣтѣ́нїе, да гори́тъ свѣти́ло всегда̀, 3 внѣ̀ завѣ́сы въ ски́нїи свидѣ́нїѧ, #а҃ Ца́рств. г҃: г҃.и҆ возжига́ти бꙋ́дꙋтъ є҆го̀ а҆арѡ́нъ и҆ сы́нове є҆гѡ̀ ѿ ве́чера до заꙋ́тра пред̾ гдⷭ҇емъ непреста́ннѡ, #И҆схо́д. к҃з: к҃а.зако́ннѡ вѣ́чнѡ въ ро́ды ва́шѧ: 4 #И҆схо́д. к҃є: л҃а; І҆ѡа́н. а҃: з҃.на свѣти́лницѣ чи́стѣмъ возжига́ти бꙋ́дете свѣти̑ла пред̾ гдⷭ҇емъ да́же до оу҆́тра. 5 #И҆схо́д. к҃є: л҃; Матѳ. в҃і: д҃; Лꙋк. ѕ҃: г҃.И҆ во́змете мꙋкѝ пшени́чны, и҆ сотворитѐ ѿ неѧ̀ двана́десѧть хлѣ́бѡвъ: двꙋ̀ десѧти́нъ да бꙋ́детъ хлѣ́бъ є҆ди́нъ: 6 #И҆схо́д. к҃є: л҃.и҆ возложи́те и҆̀хъ на два̀ положє́нїѧ, по шестѝ хлѣ́бѡвъ є҆ди́но положе́нїе на трапе́зѣ чи́стѣ пред̾ гдⷭ҇емъ: 7 и҆ возложи́те на є҆ди́но положе́нїе лїва́нъ чи́стъ и҆ со́ль, #І҆ѡа́н. ѕ҃: л҃є.и҆ да бꙋ́дꙋтъ хлѣ́бы въ па́мѧть предлежа́щыѧ пред̾ гдⷭ҇емъ: 8 #Матѳ. в҃і: є҃.въ де́нь сꙋббѡ́ты да предлага́ютсѧ пред̾ гдⷭ҇емъ всегда̀ ѿ сынѡ́въ і҆н҃левыхъ, завѣ́тъ вѣ́чный: 9 #Леѵі́т. и҃: л҃а; И҆схо́д. к҃ѳ: л҃в; Матѳ. в҃і: д҃; Ма́рк. в҃: к҃ѕ.и҆ да бꙋ́дꙋтъ а҆арѡ́нꙋ и҆ сынѡ́мъ є҆гѡ̀, и҆ да снѣдѧ́тъ ѧ҆̀ на мѣ́стѣ ст҃ѣ, сꙋ́ть бо ст҃а̑ѧ ст҃ы́хъ: сїѐ и҆̀мъ ѿ же́ртвъ гдⷭ҇ꙋ въ зако́нъ вѣ́чный. 10 И҆ и҆зы́де сы́нъ жены̀ і҆н҃лтѧныни, и҆ се́й бѣ̀ сы́нъ є҆гѵ́птѧнина въ сынѣ́хъ і҆н҃левыхъ: и҆ прѧ́хꙋсѧ въ полцѣ̀ и҆́же ѿ і҆н҃лтѧныни и҆ мꙋ́жъ і҆н҃лтѧнинъ: 11 #Второзак. к҃и: н҃и; Матѳ. ѳ҃: г҃.и҆ наре́къ сы́нъ жены̀ і҆н҃лтѧныни и҆́мѧ (гдⷭ҇не) проклѧ̀. И҆ приведо́ша є҆го̀ къ мѡѷсе́ю. И҆́мѧ же ма́тере є҆гѡ̀ салѡмі́ѳъ, дще́рь даврі́ина, ѿ пле́мене да́нова. 12 #Чи́сл. є҃і: л҃д.И҆ вверго́ша є҆го̀ въ темни́цꙋ, разсꙋди́ти ѡ҆ не́мъ повелѣ́нїемъ гдⷭ҇нимъ. 13 И҆ речѐ гдⷭ҇ь къ мѡѷсе́ю, гл҃ѧ: 14 и҆зведѝ клѧ́вшаго внѣ̀ полка̀, и҆ да возложа́тъ всѝ слы́шавшїи рꙋ́цѣ своѝ на главꙋ̀ є҆гѡ̀, и҆ да побїю́тъ є҆го̀ ка́менїемъ ве́сь со́нмъ: 15 и҆ сынѡ́мъ і҆н҃лєвымъ глаго́ли и҆ рече́ши къ ни̑мъ: человѣ́къ человѣ́къ, и҆́же а҆́ще проклене́тъ бг҃а своего̀, грѣ́хъ прїи́метъ: 16 #И҆схо́д. к҃: з҃; Матѳ. к҃ѕ: ѯ҃є.нарица́ѧй же и҆́мѧ гдⷭ҇не сме́ртїю да оу҆́мретъ: ка́менїемъ да побїю́тъ є҆го̀ ве́сь со́нмъ і҆н҃льскїй: а҆́ще тꙋзе́мецъ, и҆лѝ пришле́цъ, є҆гда̀ нарече́тъ и҆́мѧ гдⷭ҇не, да оу҆́мретъ: 17 #И҆схо́д. к҃а: в҃і.и҆ человѣ́къ, и҆́же а҆́ще порази́тъ всѧ́кꙋ дꙋ́шꙋ человѣ́чꙋ, и҆ оу҆́мретъ, сме́ртїю да оу҆́мретъ: 18 и҆ и҆́же а҆́ще оу҆да́ритъ скота̀, и҆ оу҆́мретъ, да возда́стъ дꙋ́шꙋ вмѣ́стѡ дꙋшѝ: 19 и҆ а҆́ще кто̀ сотвори́тъ #И҆схо́д. к҃а: к҃д; Второзак. ѳ҃і: к҃а.поро́къ бли́жнемꙋ, ꙗ҆́коже сотворѝ є҆мꙋ̀, та́кожде и҆ є҆мꙋ̀ да сотворѧ́тъ: 20 и҆зломле́нїе за и҆зломле́нїе, ѻ҆́ко за #И҆схо́д. к҃а: к҃д; Второзак. ѳ҃і: к҃а; Матѳ. є҃: л҃и.ѻ҆́ко, зꙋ́бъ за зꙋ́бъ: ꙗ҆́коже сотвори́лъ поро́къ человѣ́кꙋ, та́кожде да сотворѧ́тъ и҆ є҆мꙋ̀: 21 и҆́же а҆́ще оу҆да́ритъ человѣ́ка, и҆ оу҆́мретъ сме́ртїю да оу҆́мретъ: 22 #И҆схо́д. в҃і: м҃ѳ; Второзак. а҃: ѕ҃і.ѡ҆правда́нїе є҆ди́но бꙋ́детъ прише́лцꙋ и҆ тꙋзе́мцꙋ, ꙗ҆́кѡ а҆́зъ є҆́смь гдⷭ҇ь бг҃ъ ва́шъ. 23 И҆ глаго́ла мѡѷсе́й къ сынѡ́мъ і҆н҃лєвымъ, и҆ и҆зведо́ша клѧ́вшаго внѣ̀ полка̀, и҆ поби́ша є҆го̀ ка́менїемъ ве́сь со́нмъ: и҆ сы́нове і҆н҃лєвы сотвори́ша, ꙗ҆́коже заповѣ́да гдⷭ҇ь мѡѷсе́ю.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
historic text maintained by the United Bible Societies