Hechos 12
12
Carcelchö Pedro qaykuranqan
1Tsay witsaymi Jesucristuman creyikuqkunata astatsiyta munar rey Herodes wakinta prësu achkutsirqan. 2Tsaynöllam apóstol Juanpa wawqin Santiagutapis espädawan wañutsiyänanpaq mandarqan. 3Wañutsinqanpita Israel runakuna kushikuyanqanta rikarmi Pedrutapis prësu achkutsirqan. Tsay karqan Levadürannaq Tantata Mikuna fiesta#12.3 Tsay witsaymi Levadürannaq Tantata Mikuna fiestawan Pascuapis tsay junaqlla qallaykuq. Tsay fiestakunata qanchis junaqmi rurayaq. witsaymi. 4Pascua fiesta#Éxo. 12.1-27. ushayraq llapan runakunapa puntanchö juzgayta munarmi carcelman qaykatsirqan. Tsaypitam täpayänanpaq chusku grüpu soldädukunata mandarqan. Cada grüpuchömi chusku soldädukuna kayarqan.
5Carcelchö Pedruta qaykurätsiyaptinmi Jesucristuman creyikuqkuna Dios Yayata mana dëjaypa mañakuyarqan.
Carcelpita Pedruta ángel jipinqan
6Herodes juzgananpaq patsa manaraq waraptinmi ishkay soldädukunapa chawpinchö cadenawan watashqa Pedro puñuykarqan. Wakin soldädukunanam punkuchö täpaykäyarqan. 7Tsaynö kaykaptinmi Señor Jesucristo kachamunqan ángel illaqpita atsikyar Pedruta yuripurqan. Custillanta yataykur rikcharkatsirmi nirqan: <<¡Pedro, apuray shäriy!>>
Niptinmi jina höra Pedro wataranqan cadenakuna makinpita kachakaskirqan.
8Tsaypitam ángel nirqan: <<Saslla wachakäkurkur llanqikita shukukuy>>.
Shukukurkuptinmi nirqan: <<Capötikita shukukurkur qepalläta shamuy>>.
9Pedrunam angelpa qepallanpa aywarqan. Carcelpita rasunpa yarquykanqanta manam tantiyarqantsu, tsaypa rantinmi revelacionta rikaykanqanta yarparqan. 10Rurichö kaq soldädukunata y pullan punkuchö kaq soldädukunata päsaskirmi cälliman yarquna kaq fiërru punkumanna chäyarqan. Tsay punku kikillan kichakaskiptinmi cällimanna yarquyarqan. Tsaypita juk esquïnata aywaykäyaptinmi ángel illakaskirqan.
11Tsaymi cällichö kaykanqanta tantiyaskir Pedro nirqan: <<Kananmi sïqa rasunpa musyä salvamänanpaq angelninta Dios Yaya kachamunqanta. Paymi salvamashqa Herodespita y Israel runakuna wañutsiyämänan kaykaptin>>.
12Dios Yaya salvanqanta tantiyaskirmi Juanpa maman Maríapa wajinman aywarqan. Juanpa jukaq shutinmi karqan Marcos. Tsaychömi atskaq qorikaykur Pedrupaq Dios Yayata mañakuykäyarqan. 13Chaykur punkuta Pedro takakuptinmi pï kanqantapis rikaq Rode shutiyuq jipash yarqurqan. Tsay jipashmi Maríapa serviqnin karqan. 14Parlakuyninpita Pedro kanqanta reqiskirmi alläpa kushikurqan. Tsaymi punkutapis manana kichar Pedro kaykanqanta willakuq ruriman cörrilla kutirqan.
15Willaptinmi niyarqan: <<¡Imanöpatan Pedro kanqa!>>
<<Rasunpam Pedro>> niptinmi mana creyir niyarqan: <<Angelnin parlamuq imatach wiyapukushkanki>>.
16Tsayyaqmi Pedro yapay yapay punkuta takakurqan. Punkuta kichaskirnam Pedro kanqanta rikaykur llapan mantsakäyarqan. 17Upälla kayänanpaqmi makinwan señallapa Pedro willakurqan carcelpita Señor Jesucristo imanö jipimunqanta. Tsaypitanam nirqan: <<Carcelpita yarqamunqäta Santiaguta#Mat. 13.55; Juan 7.3-5; Hech. 1.14. y wakin wawqikunata y panikunatapis willayay>>.
Tsaypitanam yarquskir jukläpana aywarqan.
18Carcelchö Pedro mana warämushqa kaptinmi soldädukuna <<Pedruta ¿imaraq päsashqa?>> nir imanakayta puëdiyarqantsu. 19Maytsaypa ashitsirpis mana tarirmi täpaq soldädukunata shumaq tapuskir Herodes mandarqan tsay soldädukunata wañutsiyänanpaq. Tsaypitam Judeapita Cesareaman Herodes aywarqan.
Herodes wañunqan
20Tiruchö y Sidónchö täkuq runakuna Herodespa contran rurashqa kayaptinmi Herodes rabyar tsay markakunaman mikuyta apatsiyta munarqannatsu. Tsaynö kaptinmi tsay runakuna Herodesman kachayarqan parlayämunanpaq. Manaraq parlarmi Herodespa yanapaqnin Blastuwan amistäta rurayarqan. Blastunam Herodeswan parlarqan Tiro y Sidón runakunawan amistananpaq. 21Herodesnam juk junaq paykunawan parlayänanpaq jitapurqan. Tsay junaq chämuptinmi mas allin kaq llatapanta shukukur juzgakunanpaq sillaman jamaykurnin runakunata parlapämurqan. 22Tsayta wiyaykurmi runakuna jinchi niyarqan: <<¡Kay parlamuqqa manam runatsu, sinöqa juk diosmi!>>
23Dios Yayallata adorayänanpaq Herodes mana niptinmi Señor Jesucristo kachamunqan ángel jina höra castigarqan. Tsaymi Herodesqa kuru ushaypa wañurqan.
24Dios Yayapa willakuyninta willakuyaptinmi maytsaychö runakuna atskaq creyikuyarqan. 25Bernabéwan Saulunam wawqikuna y panikuna apatsiyanqanta Jerusalénman chaykatsir#Hech. 11.28-30. Marcos niyanqan Juanta pusharkur Antioquíaman kutiyarqan.
Currently Selected:
Hechos 12: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Hechos 12
12
Carcelchö Pedro qaykuranqan
1Tsay witsaymi Jesucristuman creyikuqkunata astatsiyta munar rey Herodes wakinta prësu achkutsirqan. 2Tsaynöllam apóstol Juanpa wawqin Santiagutapis espädawan wañutsiyänanpaq mandarqan. 3Wañutsinqanpita Israel runakuna kushikuyanqanta rikarmi Pedrutapis prësu achkutsirqan. Tsay karqan Levadürannaq Tantata Mikuna fiesta#12.3 Tsay witsaymi Levadürannaq Tantata Mikuna fiestawan Pascuapis tsay junaqlla qallaykuq. Tsay fiestakunata qanchis junaqmi rurayaq. witsaymi. 4Pascua fiesta#Éxo. 12.1-27. ushayraq llapan runakunapa puntanchö juzgayta munarmi carcelman qaykatsirqan. Tsaypitam täpayänanpaq chusku grüpu soldädukunata mandarqan. Cada grüpuchömi chusku soldädukuna kayarqan.
5Carcelchö Pedruta qaykurätsiyaptinmi Jesucristuman creyikuqkuna Dios Yayata mana dëjaypa mañakuyarqan.
Carcelpita Pedruta ángel jipinqan
6Herodes juzgananpaq patsa manaraq waraptinmi ishkay soldädukunapa chawpinchö cadenawan watashqa Pedro puñuykarqan. Wakin soldädukunanam punkuchö täpaykäyarqan. 7Tsaynö kaykaptinmi Señor Jesucristo kachamunqan ángel illaqpita atsikyar Pedruta yuripurqan. Custillanta yataykur rikcharkatsirmi nirqan: <<¡Pedro, apuray shäriy!>>
Niptinmi jina höra Pedro wataranqan cadenakuna makinpita kachakaskirqan.
8Tsaypitam ángel nirqan: <<Saslla wachakäkurkur llanqikita shukukuy>>.
Shukukurkuptinmi nirqan: <<Capötikita shukukurkur qepalläta shamuy>>.
9Pedrunam angelpa qepallanpa aywarqan. Carcelpita rasunpa yarquykanqanta manam tantiyarqantsu, tsaypa rantinmi revelacionta rikaykanqanta yarparqan. 10Rurichö kaq soldädukunata y pullan punkuchö kaq soldädukunata päsaskirmi cälliman yarquna kaq fiërru punkumanna chäyarqan. Tsay punku kikillan kichakaskiptinmi cällimanna yarquyarqan. Tsaypita juk esquïnata aywaykäyaptinmi ángel illakaskirqan.
11Tsaymi cällichö kaykanqanta tantiyaskir Pedro nirqan: <<Kananmi sïqa rasunpa musyä salvamänanpaq angelninta Dios Yaya kachamunqanta. Paymi salvamashqa Herodespita y Israel runakuna wañutsiyämänan kaykaptin>>.
12Dios Yaya salvanqanta tantiyaskirmi Juanpa maman Maríapa wajinman aywarqan. Juanpa jukaq shutinmi karqan Marcos. Tsaychömi atskaq qorikaykur Pedrupaq Dios Yayata mañakuykäyarqan. 13Chaykur punkuta Pedro takakuptinmi pï kanqantapis rikaq Rode shutiyuq jipash yarqurqan. Tsay jipashmi Maríapa serviqnin karqan. 14Parlakuyninpita Pedro kanqanta reqiskirmi alläpa kushikurqan. Tsaymi punkutapis manana kichar Pedro kaykanqanta willakuq ruriman cörrilla kutirqan.
15Willaptinmi niyarqan: <<¡Imanöpatan Pedro kanqa!>>
<<Rasunpam Pedro>> niptinmi mana creyir niyarqan: <<Angelnin parlamuq imatach wiyapukushkanki>>.
16Tsayyaqmi Pedro yapay yapay punkuta takakurqan. Punkuta kichaskirnam Pedro kanqanta rikaykur llapan mantsakäyarqan. 17Upälla kayänanpaqmi makinwan señallapa Pedro willakurqan carcelpita Señor Jesucristo imanö jipimunqanta. Tsaypitanam nirqan: <<Carcelpita yarqamunqäta Santiaguta#Mat. 13.55; Juan 7.3-5; Hech. 1.14. y wakin wawqikunata y panikunatapis willayay>>.
Tsaypitanam yarquskir jukläpana aywarqan.
18Carcelchö Pedro mana warämushqa kaptinmi soldädukuna <<Pedruta ¿imaraq päsashqa?>> nir imanakayta puëdiyarqantsu. 19Maytsaypa ashitsirpis mana tarirmi täpaq soldädukunata shumaq tapuskir Herodes mandarqan tsay soldädukunata wañutsiyänanpaq. Tsaypitam Judeapita Cesareaman Herodes aywarqan.
Herodes wañunqan
20Tiruchö y Sidónchö täkuq runakuna Herodespa contran rurashqa kayaptinmi Herodes rabyar tsay markakunaman mikuyta apatsiyta munarqannatsu. Tsaynö kaptinmi tsay runakuna Herodesman kachayarqan parlayämunanpaq. Manaraq parlarmi Herodespa yanapaqnin Blastuwan amistäta rurayarqan. Blastunam Herodeswan parlarqan Tiro y Sidón runakunawan amistananpaq. 21Herodesnam juk junaq paykunawan parlayänanpaq jitapurqan. Tsay junaq chämuptinmi mas allin kaq llatapanta shukukur juzgakunanpaq sillaman jamaykurnin runakunata parlapämurqan. 22Tsayta wiyaykurmi runakuna jinchi niyarqan: <<¡Kay parlamuqqa manam runatsu, sinöqa juk diosmi!>>
23Dios Yayallata adorayänanpaq Herodes mana niptinmi Señor Jesucristo kachamunqan ángel jina höra castigarqan. Tsaymi Herodesqa kuru ushaypa wañurqan.
24Dios Yayapa willakuyninta willakuyaptinmi maytsaychö runakuna atskaq creyikuyarqan. 25Bernabéwan Saulunam wawqikuna y panikuna apatsiyanqanta Jerusalénman chaykatsir#Hech. 11.28-30. Marcos niyanqan Juanta pusharkur Antioquíaman kutiyarqan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.