Hechos 13

Bernabéta y Sauluta Espíritu Santu akranqan

1Antioquía iglesiachömi profëtakuna y yachatsikuqkuna kayarqan Bernabé, Yana Runa niyanqan Simón, Cirenipita Lucio, Manaén y Saulo. Manaénwan rey Herodesqa tsay wajillachö qeshpirmi kayarqan. 2Jukpunnam Dios Yayaman creyikuqkuna ayunar alabaykäyaptin Espíritu Santu nirqan: <<Bernabéta y Sauluta churayay willakuynïta willakur puriyänanpaq. Tsaypaqmi paykunata qayashkä>>.

3Ayunaskirnam Bernabépa y Saulupa umanman makinkunata churar Dios Yayata mañakuyarqan. Tsaypitanam paykunata despachayarqan.

Chiprichö willakuyanqan

4Espíritu Santu tsaynö kachaptinmi Bernabéwan Saulo Seleucia markaman chäyarqan. Tsaypitanam büquiman lätarkur Chipre islaman aywayarqan. 5Salamina markaman chaykurmi sinagögakunachö Dios Yayapa willakuyninta willakuyarqan. Marcos niyanqan Juanpis paykunata yanaparmi purirqan.

6Chipripa päsaqnö willakurmi Pafos markaman chaykur Barjesús shutiyuq Israel runata tariyarqan. Payqa profëta tukuq brüjum karqan. 7Tsay brüjum Chipripa mandakuqnin Sergio Pauluta yanapar purirqan. Sergio Pauluqa alli yarpayyuq runam karqan. Dios Yayapa willakuyninta wiyayta munarmi Bernabétawan Sauluta qayatsirqan. 8Peru tsay brüjunam paykunapa contran shärir Sergio Pauluta amatsarqan willakuyanqanta mana chaskinanpaq. Barjesústaqa brüju kaptinmi Elimas#13.8 Elimas ninanqa brüju ninanmi. niyaq.

9Tsaynö amatsaptinmi Saulo rabyarqan. (Saulupa jukaq shutinmi Pablo karqan.) Tsaymi rikaraykur Espíritu Santupa poderninwan 10nirqan: <<¡Qamqa diablupa munayninta rurarmi Dios Yayapa contran kaykanki! ¿Imayyaqtan runakunata engañar Dios Yayapa willakuqnin tukunki? 11Tsaynö kanqaykipitam Dios Yayapa castïgunwan qapra tikrar juk tiempuyaq atsikyay patsata rikankitsu>>.

Tsaynö niptinmi jina höra qapra tikraskirqan. Maypapis aywayta mana puëdirmi janchayänanpaq runakunata rugakurqan. 12Qaprayanqanta rikaykur y Diospa willakuyninta wiyanqanpita kushikurmi Sergio Paulo creyikurqan.

Pisidiachö kaq Antioquía markachö willakunqan

13Tsaypitanam büquiman lätarkur Pafos markapita Panfiliachö Perge markaman Pablo yanapaqninkunawan aywayarqan. Tsaychö paykunata dëjaskirmi Marcos niyanqan Juan Jerusalénman kutikurqan. 14Perge markapita aywarmi Pisidiachö Antioquía markaman Bernabéwan Pablo chäyarqan. Jamay junaq kaptinmi sinagögaman aywayarqan. 15Leykunata y profëtakuna qellqayanqanta liyir ushaskiptinmi sinagögachö mandakuqkuna Pabluwan Bernabé jamayanqanman juk runata kachayarqan ninanpaq: <<Wawqikuna, imallapis yachatsiyämänaykipaq kaptinqa yachaykatsiyällämay>>.

16Tsaymi Pablo ichirkur runakuna upälla kayänanpaq makinta pallarkur nirqan: <<Israel runakuna y Dios Yayapita mantsakuq mana Israel runakunapis, yachatsiyanqaqta shumaq wiyayämay. 17Adoranqantsik Dios Yayash unay castantsikkunata akraskir Egiptuchö juklä runa kaykäyaptinpis jatun nación kayänanpaq yanapanaq.#Éxo. 1.7. Tsaypitanash milagrukunata rurar Egiptupita jipimunaq.#Éxo. 12.51. 18Chusku chunka (40) watanö desiertupa purir mana cäsukuyaptinpis pacienciakunaqshi.#Núm. 14.34; Deut. 1.31. 19Tsaypita Canaánman chaykatsirnash qanchis nacionkunata#Deut. 7.1. ushakaskatsir herenciankuna entreganaq.#Jos. 14.1. 20Egiptuchö kayanqanpita Canaánchö herenciankunata chaskiyanqanyaq chusku pachak pitsqa chunka (450) watanöshi päsanaq.

<<Canaánchönash profëta Samuel#1Sam. 3.20. kawanqan witsayyaq Dios Yaya juezkunata churanaq mandakuq kayänanpaq.#Jue. 2.16. 21Tsaypitanash mandaqninkuna rey kananpaq runakuna mañakuyaptin#1Sam. 8.5. Benjamín trïbu Cispa tsurin Saúlta churanaq.#1Sam. 10.21. Payshi chusku chunka (40) wata rey kanaq. 22Tsaypitanash Saúlta jipiskir Davidtana rey kananpaq churanaq. Paypaqshi Dios Yaya ninaq: <Isaípa tsurin Davidmi noqa munanqänö kawar llapan ninqäkunata cäsukunqa>.#1Sam. 13.14; 16.12-13; Sal. 89.20.

23<<Tsaypitanam Dios Yaya prometinqannölla rey David castapita salvamaqnintsik Jesús Israelchö yurirqan. 24Manaraq Jesús willakuptinmi Israel runakunata Bautizaq Juan willarqan jutsankunapita arrepentikur bautizakuyänanpaq.#Mar. 1.4; Luc. 3.3. 25Tsaypita wañunanpaq wallkallana pishiykaptinmi Juan nirqan: <¿Pï kanqätatan yarpäyanki? Manam Cristutsu kä. Cristuqa qepätaraqmi shamunqa.#Juan 1.20. Noqaqa llanqinpa watunta paskanällapaqpis manam välïtsu>.#Mat. 3.11; Mar. 1.7; Luc. 3.16; Juan 1.27.

26<<Abrahampita miraq Israel wawqikuna y Dios Yayapita mantsakuq mana Israel runakuna, noqantsikmanmi salvakänapaq alli willakuy chämushqa. 27Jerusalénchö täkuq runakuna y autoridäninkunaqa profëtakuna qellqayanqanta cada jamay junaq sinagögachö liyirpis Jesúspaq qellqayanqanta manam tantiyayarqantsu. Tsaymi profëtakuna qellqayanqanta cumplir Jesústa wañutsiyarqan. 28Jutsannaq kaykaptinmi Jesústa wañutsinanpaq Pilatuta rugayarqan.#Mat. 27.22-23; Mar. 15.13-14; Luc. 23.21-23. 29Profëtakuna qellqayanqannöllam llapan päsarqan. Wañuskiptinmi cruzpita jipiskir pampayarqan.#Mat. 27.57-61; Mar. 15.42-47; Luc. 23.50-56; Juan 19.38-42. 30Peru Dios Yayanam kawatsimushqa. 31Tsaypitanam Galileapita Jerusalénman#Hech. 1.3. paqtan aywaq discïpulunkunata atska kuti yuripurqan. Paykunam Jesúspaq kanan willakuyan.

32<<Tsaynöllam noqakunapis Dios Yayapa willakuyninta willaykäyaq. Unay castantsikkunata prometinqantam 33Dios Yaya cumplishqa. Tsaynö cumplirqan Jesucristuta kawaskatsimurmi. Ishkay kaq salmuchöpis Jesucristupaqmi nin:

<< <Qammi tsurï kanki.

Kanan junaqpitam taytayki kä>.#Sal. 2.7.

34Jesucristo kawamur manana ni imaypis wañunanpaq kanqantam Dios Yaya nin:

<Davidta prometinqä santu bendicionkunatam qamta qarashayki.

Tsay prometinqätam imaypis cumplishaq>.#Isa. 55.3.

35Tsaynöllam juk salmuchöpis qellqashqa kaykan:

<Santu serviqniki kaptïmi sepultürachö cuerpü ismünantapis munankitsu>.#Sal. 16.10.

36<<Manam kikinpaqtsu David tsaynö qellqarqan. Davidqa Dios Yaya munanqanta cumpliskir wañukuptinmi unay castankuna pamparäyanqanchö paypapis cuerpun ushakarqan. 37Peru Jesústam sïqa Dios Yaya kawatsimushqa. Tsaymi paypa cuerpunqa sepultürachö ushakashqatsu.

38<<Wawqikuna, ninqäta shumaq tantiyakuyay. Jesucristo raykum jutsantsikta Dios Yaya perdonamantsik. 39Llapan payman creyikuq kaqtaqa Dios Yayam jutsannaqta chaskin. Moisés qellqanqan leykunata cumplinqanpitaqa manam ni pipis salvakantsu. 40Cuidädu profëtakuna qellqayanqanchö ninqannötaq qamkunatapis päsayäshunkiman. 41Paykuna qellqayanqanchömi nin:

<< <Mana creyikuqkuna, alläpa mantsakäyay.

Alläpa mantsakaypaq kaqkunata ruranäpaqnam kaykä.

Imanö ruranäpaq kanqanta willayäshuptikipis manam creyiyankitsu> >>.#Hab. 1.5.

42Sinagögapita Pabluwan Bernabé yarquskiyaptinmi [mana Israel runakuna] rugayarqan jukaq jamay junaqpis yapay yachatsiyänanpaq. 43Pabluwan y Bernabéwanmi Israel runakuna y Diosta cäsuq mana Israel runakunapis atskaq aywayarqan. Paykunatam Pablo animatsirqan llakipäkuq Dios Yayaman imaypis creyikuyänanpaq.

Mana Israel runakunatana willakuyänanpaq ninqan

44Jukaq jamay junaqnam tsay markachö cäsi llapan runakuna Diospa willakuyninta wiyayta munar sinagögaman qorikäyarqan. 45Peru atskaq runakunata rikarmi wakin Israel runakuna Pabluta chikir parlanqanta manakaqman churayarqan.

46Tsaymi Pabluwan Bernabé mana mantsakur niyarqan: <<Israel runakuna kayaptikim Dios Yayapa willakuyninta puntata willayashkaq. Peru tsaynö willaykäyaptiqpis mana ushakaq kawayta manam chaskiyta munayankitsu. Mana chaskiyaptikim mana Israel runakunatana willakuyäshaq. 47Paykunata willanapaqmi Dios Yaya nishqa:

<< <Qamtam churashkaq maytsay nacionkunapaq aktsi kanaykipaq.

Tsaynöpam maytsaychöpis runakuna salvakäyanqa> >>.#Isa. 49.6.

48Tsaynö parlayanqanta wiyarmi mana Israel runakuna kushikur Dios Yayata alabayarqan. Tsaynöpam mana ushakaq kawayta tariyänanpaq Dios Yaya akranqankuna llapanpis Jesucristuman creyikuyarqan.

49Tsaymi Dios Yayapa willakuyninta Pabluwan Bernabé markan markan willakuyarqan. 50Peru paykunapa contran shäriyänanpaqmi Dios Yayata cäsuq alli rikashqa warmikunata y reqishqa runakunata Israel runakuna willapäyarqan. Contran shärir tsay markakunapita qarquyaptinmi 51chakinkunachö polvuta tapsikuskir#Mat. 10.14; Mar. 6.11; Luc. 9.5; 10.11. Iconio markamanna Pabluwan Bernabé aywakuyarqan. 52Jesucristupa discïpulunkunam#13.52 Discïpulukunapaq parlarmi Jesucristuman creyikuqkunapaq parlaykan. Espíritu Santupa poderninchö kar kushishqa kawakuyarqan.

Currently Selected:

Hechos 13: qxn

Highlight

Copy