Hechos 14
14
Iconio markachö willakuyanqan
1Tsaypitanam Iconio markachö Pabluwan Bernabé sinagögaman yaykuyarqan. Tsaychö shumaq willakuyaptinmi Israel runakuna y mana Israel runakunapis Jesucristuman atskaq creyikuyarqan. 2Peru mana creyikuq kaq Israel runakunam sïqa wakin mana Israel runakunata willapäyarqan Jesúsman creyikuqkunapa contran shäriyänanpaq.
3Contran shäriyaptinmi Pabluwan Bernabé Dios Yayaman confiakurnin atska junaq mana mantsakur willakuyarqan. Salvamänapaq willakuynin rasunpa kanqanta musyayänanpaqmi milagrukunata rurayänanpaqpis Dios Yaya yanaparqan.
4Peru tsaynö kaptinpis tsay markachö täkuq runakuna kikinpura piñanakurmi wakinqa Israel runakunapa favornin shäriyarqan y wakinnam apostolkunapa favornin shäriyarqan. 5Tsaymi Israel runakuna y mana Israel runakunapis apostolkunata saqmar wañutsiyänanpaq autoridäkunawan willanakuyarqan. 6Tsayta musyaykurmi Pabluwan Bernabé qeshpir aywakuyarqan Listraman, Derbiman y Licaoniachö wakin markakunaman. 7Tsay markakunachömi Dios Yayapa alli willakuyninta willakuyarqan.
Listra markachö Pabluta saqmayanqan
8Listra markachömi yurinqanpitana mana puriq rata runa karqan. 9Paymi Pablo parlanqankunata wiyar jamaykarqan. Tsayta Pablo rikaykurmi kutikänanpaq Dios Yayaman creyikuykanqanta tantiyaskir 10jinchi nirqan: <<¡Sharkur shumaq ichiy!>>
Tsaynö niptinmi sas ichirkur puriyta qallaykurqan.
11Tsayta rikarmi kikinkunapa idiömanchö runakuna niyarqan: <<¡Dioskunam runa tukurlla noqantsikman shayämushqa!>>
12Tsaymi Bernabéta Zeus niyarqan. Y Pablutana willakuq kaptin Hermes niyarqan.#14.12 Zeustam latín idiömachö Jupiter niyan. Hermestanam latín idiömachö Mercurio niyan. 13Tsay marka yaykunachömi Zeus niyanqan diosta adorayänan templu karqan. Apostolkunata adorayänanpaq törukunata pishtar waykayta munayaptinmi tsay templuchö servikuq sacerdöti waytankuna wallqashqa törukunata marka punkuman qatirqan.
14Tsayta tantiyaskirmi apóstol Pabluwan apóstol Bernabé llatapankunatapis rachiskir#Gén. 37.29; Jos. 7.6; 2Rey. 2.12; Mar. 14.63. runakuna kaqman cörrilla aywaykur niyarqan: 15<<¡Taytakuna, ama tsayta rurayaytsu! noqakunapis qamkunanö runallam kayä. Noqakunaqa shayämushkä manakaq dioskunata dëjaskir imayyaqpis kawaq Dios Yayatana adorayänaykipaq tantiyatsiyänaqpaqmi. Paymi ciëluta, kay patsata, lamarta y llapan imaykatapis kamashqa. 16Ñawpataqa kikinkuna munayanqannölla kawayänäpaqmi runakunata Dios Yaya dëjarqan. 17Tsaynö dëjaskirpis pïmaytam tantiyatsin rasunpa kaq Dios kanqanta y kuyakuq kanqanta. Paymi mikuynikikuna alli wayunanpaq tamyatapis tamyatsimun y kushishqa kawanapaq mikuytapis alistapämantsik>>.
18Peru tsaynö tantiyatsiptinpis Pablutawan Bernabéta mana adorayänanpaq unaytaraqmi tantiyayarqan.
19Tsaypitanam apostolkunata chikiq Israel runakuna Antioquíapita y Iconiupitapis Listraman chäyarqan. Pablupa contran shäriyänanpaq runakuna willapäyaptinmi Pabluta pitiqpaq saqmaskiyarqan. Wañushqana kanqanta yarparmi qarachashqa apar markapita jukläman jitaskiyarqan. 20Tsaychö discïpulukuna juntaraykäyaptinmi kawaskamur markaman Pablo kutirqan. Tsaypita waräninnam Derbe markaman Bernabéwan aywayarqan.
Pabluwan Bernabé Siriaman kutiyanqan
21Derbiman chaykur alli willakuyta willakuyaptinmi atskaq runakuna Jesúsman creyikur discïpulunkuna kayarqan. Tsaypitanam Listra, Iconio y Antioquía markakunaman kutiyarqan. 22Tsay markakunaman chaykurmi Jesúspa discïpulunkunata#14.22, 28 Discïpulukunapaq parlarmi Jesucristuman creyikuqkunapaq parlan. mana ajayaypa creyikuyänanpaq animatsir niyarqan: <<Dios Yayapa mandakuyninman yaykunapaqqa tukuyläya ñakaytaraqmi päsashun>>.
23Tsaynöllam wawqikunata y panikunata yanapayänanpaq cada iglesiachö mayor wawqikunata churayarqan. Tsaypitanam ayunar y Dios Yayata mañakur creyikuyanqan Señor Jesucristupa poderninman dëjayarqan.
24Pisidia provinciapita kutirnam Panfilia provinciamanna chäyarqan. 25Perge markachöpis Dios Yayapa willakuyninta willakuskirmi Atalia markaman aywayarqan. 26Tsaypitam büquiwan Antioquíaman kutiyarqan. Antioquíapitam puntatapis wawqikuna y panikuna willakur puriyänanpaq kachashqa kayarqan. Kachayanqan höram paykunata yanapananpaq Dios Yayata mañakuyarqan. 27Antioquíaman chaykurnam wawqikuna y panikuna qorikäyaptin Dios Yaya alli yanapanqanta willakuyarqan. Tsaynöllam willakuyarqan mana Israel runakunapis Jesucristuman creyikuyänanpaq Dios Yaya permïtinqanta. 28Pabluwan Bernabé tsaychö unayyaqmi discïpulukunawan quëdayarqan.
Currently Selected:
Hechos 14: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Hechos 14
14
Iconio markachö willakuyanqan
1Tsaypitanam Iconio markachö Pabluwan Bernabé sinagögaman yaykuyarqan. Tsaychö shumaq willakuyaptinmi Israel runakuna y mana Israel runakunapis Jesucristuman atskaq creyikuyarqan. 2Peru mana creyikuq kaq Israel runakunam sïqa wakin mana Israel runakunata willapäyarqan Jesúsman creyikuqkunapa contran shäriyänanpaq.
3Contran shäriyaptinmi Pabluwan Bernabé Dios Yayaman confiakurnin atska junaq mana mantsakur willakuyarqan. Salvamänapaq willakuynin rasunpa kanqanta musyayänanpaqmi milagrukunata rurayänanpaqpis Dios Yaya yanaparqan.
4Peru tsaynö kaptinpis tsay markachö täkuq runakuna kikinpura piñanakurmi wakinqa Israel runakunapa favornin shäriyarqan y wakinnam apostolkunapa favornin shäriyarqan. 5Tsaymi Israel runakuna y mana Israel runakunapis apostolkunata saqmar wañutsiyänanpaq autoridäkunawan willanakuyarqan. 6Tsayta musyaykurmi Pabluwan Bernabé qeshpir aywakuyarqan Listraman, Derbiman y Licaoniachö wakin markakunaman. 7Tsay markakunachömi Dios Yayapa alli willakuyninta willakuyarqan.
Listra markachö Pabluta saqmayanqan
8Listra markachömi yurinqanpitana mana puriq rata runa karqan. 9Paymi Pablo parlanqankunata wiyar jamaykarqan. Tsayta Pablo rikaykurmi kutikänanpaq Dios Yayaman creyikuykanqanta tantiyaskir 10jinchi nirqan: <<¡Sharkur shumaq ichiy!>>
Tsaynö niptinmi sas ichirkur puriyta qallaykurqan.
11Tsayta rikarmi kikinkunapa idiömanchö runakuna niyarqan: <<¡Dioskunam runa tukurlla noqantsikman shayämushqa!>>
12Tsaymi Bernabéta Zeus niyarqan. Y Pablutana willakuq kaptin Hermes niyarqan.#14.12 Zeustam latín idiömachö Jupiter niyan. Hermestanam latín idiömachö Mercurio niyan. 13Tsay marka yaykunachömi Zeus niyanqan diosta adorayänan templu karqan. Apostolkunata adorayänanpaq törukunata pishtar waykayta munayaptinmi tsay templuchö servikuq sacerdöti waytankuna wallqashqa törukunata marka punkuman qatirqan.
14Tsayta tantiyaskirmi apóstol Pabluwan apóstol Bernabé llatapankunatapis rachiskir#Gén. 37.29; Jos. 7.6; 2Rey. 2.12; Mar. 14.63. runakuna kaqman cörrilla aywaykur niyarqan: 15<<¡Taytakuna, ama tsayta rurayaytsu! noqakunapis qamkunanö runallam kayä. Noqakunaqa shayämushkä manakaq dioskunata dëjaskir imayyaqpis kawaq Dios Yayatana adorayänaykipaq tantiyatsiyänaqpaqmi. Paymi ciëluta, kay patsata, lamarta y llapan imaykatapis kamashqa. 16Ñawpataqa kikinkuna munayanqannölla kawayänäpaqmi runakunata Dios Yaya dëjarqan. 17Tsaynö dëjaskirpis pïmaytam tantiyatsin rasunpa kaq Dios kanqanta y kuyakuq kanqanta. Paymi mikuynikikuna alli wayunanpaq tamyatapis tamyatsimun y kushishqa kawanapaq mikuytapis alistapämantsik>>.
18Peru tsaynö tantiyatsiptinpis Pablutawan Bernabéta mana adorayänanpaq unaytaraqmi tantiyayarqan.
19Tsaypitanam apostolkunata chikiq Israel runakuna Antioquíapita y Iconiupitapis Listraman chäyarqan. Pablupa contran shäriyänanpaq runakuna willapäyaptinmi Pabluta pitiqpaq saqmaskiyarqan. Wañushqana kanqanta yarparmi qarachashqa apar markapita jukläman jitaskiyarqan. 20Tsaychö discïpulukuna juntaraykäyaptinmi kawaskamur markaman Pablo kutirqan. Tsaypita waräninnam Derbe markaman Bernabéwan aywayarqan.
Pabluwan Bernabé Siriaman kutiyanqan
21Derbiman chaykur alli willakuyta willakuyaptinmi atskaq runakuna Jesúsman creyikur discïpulunkuna kayarqan. Tsaypitanam Listra, Iconio y Antioquía markakunaman kutiyarqan. 22Tsay markakunaman chaykurmi Jesúspa discïpulunkunata#14.22, 28 Discïpulukunapaq parlarmi Jesucristuman creyikuqkunapaq parlan. mana ajayaypa creyikuyänanpaq animatsir niyarqan: <<Dios Yayapa mandakuyninman yaykunapaqqa tukuyläya ñakaytaraqmi päsashun>>.
23Tsaynöllam wawqikunata y panikunata yanapayänanpaq cada iglesiachö mayor wawqikunata churayarqan. Tsaypitanam ayunar y Dios Yayata mañakur creyikuyanqan Señor Jesucristupa poderninman dëjayarqan.
24Pisidia provinciapita kutirnam Panfilia provinciamanna chäyarqan. 25Perge markachöpis Dios Yayapa willakuyninta willakuskirmi Atalia markaman aywayarqan. 26Tsaypitam büquiwan Antioquíaman kutiyarqan. Antioquíapitam puntatapis wawqikuna y panikuna willakur puriyänanpaq kachashqa kayarqan. Kachayanqan höram paykunata yanapananpaq Dios Yayata mañakuyarqan. 27Antioquíaman chaykurnam wawqikuna y panikuna qorikäyaptin Dios Yaya alli yanapanqanta willakuyarqan. Tsaynöllam willakuyarqan mana Israel runakunapis Jesucristuman creyikuyänanpaq Dios Yaya permïtinqanta. 28Pabluwan Bernabé tsaychö unayyaqmi discïpulukunawan quëdayarqan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.