Génesis 35
35
Bet-elchö Jacobman Dios Yaya bendicionninta churanqan
1Tsaypitanam Jacobta Dios Yaya nirqan: <<Imaykaykita apakurkur aywakuy Bet-elchö täkunaykipaq. Wawqiki Esaúpita qeshpir aywakuykaptiki yuripunqaq#Gén. 28.10-22. Bet-elman chaykur altarta perqanki adoramänaykipaq>>.
2Dios Yaya tsaynö niptinmi tsurinkunatawan warminkunata y serviqninkunatapis Jacob nirqan: <<Ima ïdulukunatapis katsirqa llapanta jitariyay. Tsaynölla purificäkur armapäkurnin llatapaykikunatapis cambiakuyay. 3Kananqa Bet-elman aywarmi altarta perqashaq imaypis yanapamaq Dios Yayallata adoranapaq. Paymi alläpa sufrir maypa puriptïpis yanapamashqa>>.
4Tsaynö niptinmi katsiyanqan ïdulukunata arëtikunata#35.4 Tsay arëtikunaqa qatitsikuyänanpaq y ïdulukunata adorayänanpaqmi karqan. Tsaymi Jacob munarqantsu pipis katsinanta. jipiskir Jacobta entregayarqan. Tsaykunatam Siquem cercanchö encina jacha chakinman pamparqan.
5Täkuyanqanpita aywakuyaptinmi tsay partichö täkuq runakunapa shonqunkunata Dios Yaya mantsatsirqan mana qatipäyänanpaq. 6Tsaymi Jacobwan aywaqkuna llapan chäyarqan Canaánchö kaykaq Luz markaman. Tsay markapa jukaq shutinmi Bet-el. 7Tsaychö altarta Jacob perqarkurmi shutin churarqan El-Bet-el#35.7 El-Bet-el ninanqa Bet-elchö yuripunqan Dios ninanmi. shutin kananpaq. Tsaynö shutin churarqan wawqinpita qeshpir aywakuykaptin Dios Yaya tsaychö yuripunqanpitam.
8Bet-elchö Jacob kaykaptinmi Débora wañukurqan. Déboram Rebecata pishinpita qeshpitsishqa karqan. Wañuskiptinnam Bet-el marka cercanchö encina jacha chakinman pampayarqan. Tsay partipa shutinmi churarqan Alón-bacut#35.8 Alón-bacut ninanqa waqay encina ninanmi. shutin kananpaq.
9Padan-arampita Jacob kutiykämuptinmi Dios Yaya yapay yuripuskir bendicionninta churar nirqan: 10<<Kananpitaqa mananam Jacobnatsu shutiki kanqa, sinöqa Israelnam>>.#Gén. 32.28. Tsaynö nirmi shutinta cambiarqan.
11Mastam Dios Yaya nirqan: <<Noqam kä El-Shaddai.#35.11 El-Shaddai ninanqa poderösu Dios ninanmi. Qampita miraqkuna atskaman mirayätsun. Paykunamanmi bendicionnïta churashaq maytsikaman mirar atska nacionkuna kayänanpaq. Paykunapitam reykunapis kayanqa. 12Qamtam entregashayki Abrahamta y Isaacta rikätsinqä chakrakunata y raqrakunata. Wañukuptikipis qampita miraqkunatam entregashaq>>.#Gén. 17.4-8.
13Tsaynö Jacobwan parlaskirmi Dios Yaya aywakurqan.
14Tsaymi Dios Yayawan parlanqan kaqchö shuytu rumita Jacob ichïtsirqan. Tsaypitam Dios Yayata adorar tsay shuytu rumi jananman vïnutawan aceitita wiñarqan. 15Dios Yayawan parlanqanpitam tsay partipa shutin Jacob churarqan Bet-el#35.15 Bet-el ninanqa Diospa wajin ninanmi. shutin kananpaq.#Gén. 28.19.
Raquel wañukunqan
16Bet-elchö täkunqanpitam Efrataman Jacob aywakurqan. Tsayman chaykuyaptinmi killan paqtaskiptin Raquel qeshyakunanpaq tsaripukurqan. Qeshyakuyta mana puëdirmi alläpa ñakarqan.
17Tsaynö ñakaptinmi Raquelta partëra nirqan: <<Valorta tsariy. Kanan yuriq wawaykipis ollqum kanqa>>.
18Antsa wañunaykarnam Raquel nirqan: <<Benoni#35.18a Benoni ninanqa ñakarraq qeshyakunqä wawä ninanmi. katsun kay wawäpa shutin>>. Taytannam tsay tsurinpa shutin churarqan Benjamínta#35.18b Benjamín ninanqa kuyay tsurin ninanmi.. 19Alläpa ñakar qeshpikuskirmi Raquel wañukurqan. Wañukuskiptinnam Efrataman aywaq näni lädunman pampayarqan. Tsay partitam kananqa Belén niyan. 20Raquelta pampayanqan jananmanmi señal kananpaq shuytu rumita Jacob ichïtsirqan. Tsay rumim kananyaqpis musyatsimantsik maychö Raquel pamparanqanta.
Rubén jutsata ruranqan
21Raquelta pampanqanpita aywakurmi Israel#35.21 Israelqa Jacobpa jukaq shutinmi karqan. patsakurqan Edar törri washaläninman. 22Tsaychö täkuykäyaptinmi Jacobpa tsurin Rubén yaykapuskir taytanpa concubïnan Bilhawan puñurqan. Tsurin tsaynö yaykapunqanta musyaykurmi taytan alläpa rabyakurqan.
Jacobpa tsurinkuna
1 Crónicas 2.1-2
Israelpam chunka ishkay ollqu tsurinkuna kayarqan.
23Leapa mayor wawanmi karqan Rubén.
Paypa qepanman yuriqkunam kayarqan Simeón, Leví, Judá, Isacar y Zabulón.
24Raquelpanam wawankuna kayarqan Joséwan Benjamín.
25Raquelpa serviqnin Bilhapa wawankunanam kayarqan Danwan Neftalí.
26Leapa serviqnin Zilpapa wawankunanam kayarqan Gadwan Aser.
Jacobpam tsay llapan tsurinkuna Padan-aramchö yuriyarqan.
Isaac wañukunqan
27Tsaypitanam Arbapa cercan Mamre partiman Jacob aywarqan taytan Isaacta watukaq. Arbapa jukaq shutinmi Hebrón. Tsaychömi Abrahampis unay täkurqan.#Gén. 13.18. 28Pachak pusaq chunka (180) watam Isaac kawarqan. 29Alläpa awkinyashqana wañukurmi unay ayllunkunawan tinkuq aywakurqan. Ayantanam Esaúwan Jacob pampayarqan.
Currently Selected:
Génesis 35: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Génesis 35
35
Bet-elchö Jacobman Dios Yaya bendicionninta churanqan
1Tsaypitanam Jacobta Dios Yaya nirqan: <<Imaykaykita apakurkur aywakuy Bet-elchö täkunaykipaq. Wawqiki Esaúpita qeshpir aywakuykaptiki yuripunqaq#Gén. 28.10-22. Bet-elman chaykur altarta perqanki adoramänaykipaq>>.
2Dios Yaya tsaynö niptinmi tsurinkunatawan warminkunata y serviqninkunatapis Jacob nirqan: <<Ima ïdulukunatapis katsirqa llapanta jitariyay. Tsaynölla purificäkur armapäkurnin llatapaykikunatapis cambiakuyay. 3Kananqa Bet-elman aywarmi altarta perqashaq imaypis yanapamaq Dios Yayallata adoranapaq. Paymi alläpa sufrir maypa puriptïpis yanapamashqa>>.
4Tsaynö niptinmi katsiyanqan ïdulukunata arëtikunata#35.4 Tsay arëtikunaqa qatitsikuyänanpaq y ïdulukunata adorayänanpaqmi karqan. Tsaymi Jacob munarqantsu pipis katsinanta. jipiskir Jacobta entregayarqan. Tsaykunatam Siquem cercanchö encina jacha chakinman pamparqan.
5Täkuyanqanpita aywakuyaptinmi tsay partichö täkuq runakunapa shonqunkunata Dios Yaya mantsatsirqan mana qatipäyänanpaq. 6Tsaymi Jacobwan aywaqkuna llapan chäyarqan Canaánchö kaykaq Luz markaman. Tsay markapa jukaq shutinmi Bet-el. 7Tsaychö altarta Jacob perqarkurmi shutin churarqan El-Bet-el#35.7 El-Bet-el ninanqa Bet-elchö yuripunqan Dios ninanmi. shutin kananpaq. Tsaynö shutin churarqan wawqinpita qeshpir aywakuykaptin Dios Yaya tsaychö yuripunqanpitam.
8Bet-elchö Jacob kaykaptinmi Débora wañukurqan. Déboram Rebecata pishinpita qeshpitsishqa karqan. Wañuskiptinnam Bet-el marka cercanchö encina jacha chakinman pampayarqan. Tsay partipa shutinmi churarqan Alón-bacut#35.8 Alón-bacut ninanqa waqay encina ninanmi. shutin kananpaq.
9Padan-arampita Jacob kutiykämuptinmi Dios Yaya yapay yuripuskir bendicionninta churar nirqan: 10<<Kananpitaqa mananam Jacobnatsu shutiki kanqa, sinöqa Israelnam>>.#Gén. 32.28. Tsaynö nirmi shutinta cambiarqan.
11Mastam Dios Yaya nirqan: <<Noqam kä El-Shaddai.#35.11 El-Shaddai ninanqa poderösu Dios ninanmi. Qampita miraqkuna atskaman mirayätsun. Paykunamanmi bendicionnïta churashaq maytsikaman mirar atska nacionkuna kayänanpaq. Paykunapitam reykunapis kayanqa. 12Qamtam entregashayki Abrahamta y Isaacta rikätsinqä chakrakunata y raqrakunata. Wañukuptikipis qampita miraqkunatam entregashaq>>.#Gén. 17.4-8.
13Tsaynö Jacobwan parlaskirmi Dios Yaya aywakurqan.
14Tsaymi Dios Yayawan parlanqan kaqchö shuytu rumita Jacob ichïtsirqan. Tsaypitam Dios Yayata adorar tsay shuytu rumi jananman vïnutawan aceitita wiñarqan. 15Dios Yayawan parlanqanpitam tsay partipa shutin Jacob churarqan Bet-el#35.15 Bet-el ninanqa Diospa wajin ninanmi. shutin kananpaq.#Gén. 28.19.
Raquel wañukunqan
16Bet-elchö täkunqanpitam Efrataman Jacob aywakurqan. Tsayman chaykuyaptinmi killan paqtaskiptin Raquel qeshyakunanpaq tsaripukurqan. Qeshyakuyta mana puëdirmi alläpa ñakarqan.
17Tsaynö ñakaptinmi Raquelta partëra nirqan: <<Valorta tsariy. Kanan yuriq wawaykipis ollqum kanqa>>.
18Antsa wañunaykarnam Raquel nirqan: <<Benoni#35.18a Benoni ninanqa ñakarraq qeshyakunqä wawä ninanmi. katsun kay wawäpa shutin>>. Taytannam tsay tsurinpa shutin churarqan Benjamínta#35.18b Benjamín ninanqa kuyay tsurin ninanmi.. 19Alläpa ñakar qeshpikuskirmi Raquel wañukurqan. Wañukuskiptinnam Efrataman aywaq näni lädunman pampayarqan. Tsay partitam kananqa Belén niyan. 20Raquelta pampayanqan jananmanmi señal kananpaq shuytu rumita Jacob ichïtsirqan. Tsay rumim kananyaqpis musyatsimantsik maychö Raquel pamparanqanta.
Rubén jutsata ruranqan
21Raquelta pampanqanpita aywakurmi Israel#35.21 Israelqa Jacobpa jukaq shutinmi karqan. patsakurqan Edar törri washaläninman. 22Tsaychö täkuykäyaptinmi Jacobpa tsurin Rubén yaykapuskir taytanpa concubïnan Bilhawan puñurqan. Tsurin tsaynö yaykapunqanta musyaykurmi taytan alläpa rabyakurqan.
Jacobpa tsurinkuna
1 Crónicas 2.1-2
Israelpam chunka ishkay ollqu tsurinkuna kayarqan.
23Leapa mayor wawanmi karqan Rubén.
Paypa qepanman yuriqkunam kayarqan Simeón, Leví, Judá, Isacar y Zabulón.
24Raquelpanam wawankuna kayarqan Joséwan Benjamín.
25Raquelpa serviqnin Bilhapa wawankunanam kayarqan Danwan Neftalí.
26Leapa serviqnin Zilpapa wawankunanam kayarqan Gadwan Aser.
Jacobpam tsay llapan tsurinkuna Padan-aramchö yuriyarqan.
Isaac wañukunqan
27Tsaypitanam Arbapa cercan Mamre partiman Jacob aywarqan taytan Isaacta watukaq. Arbapa jukaq shutinmi Hebrón. Tsaychömi Abrahampis unay täkurqan.#Gén. 13.18. 28Pachak pusaq chunka (180) watam Isaac kawarqan. 29Alläpa awkinyashqana wañukurmi unay ayllunkunawan tinkuq aywakurqan. Ayantanam Esaúwan Jacob pampayarqan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.