Lucas 7
7
Capitanpa serviqninta Jesús kutikätsinqan
Mateo 8.5-13; Juan 4.43-54
1Runakunata yachatsir ushaskirnam Capernaúm markaman Jesús aywarqan. 2Tsaychömi Roma capitanpa kuyay serviqnin antsa qeshyaykarqan. 3Tsay capitannam Jesús ruranqankunata musyaskir Israel mayor runakunata Jesúsman mandarqan shamur serviqninta kutikätsinanpaq.
4Tsaymi paykuna chaykur Jesústa rugakur niyarqan: <<Taytay, capitannïkuna alli runa kanqan rayku serviqninta kutikaykatsinaykipaq aywaykulläshun. 5Payqa markantsiktapis alli rikarmi sinagögatapis shäritsishqa>>.
6Tsaynö rugayaptinmi paykunawan Jesús aywarqan. Peru wajiman chaykäyaptinnam amïgunkunata capitán kacharqan Jesústa niyänanpaq: <<Taytay, amanash afanakur aywankinatsu. Mana Israel runa karshi wajinman yaykunaykita mantsakullan. 7Tsayshi kikin shallämushqatsu. Kayllapitash serviqnin kutikaskinanpaq niykullanki. 8Paypis mandaqninpa mandäduntash ruran. Tsaynöllash soldädunkunapis mandädunchö kayan. Soldädunta <ayway> niptinshi aywayan y <shamuy> niptinshi shayämun. Serviqninta <kayta ruray> niptinshi ruran>>.
9Tsayta wiyaykurmi Jesús kushikur qatiqnin runakunata nirqan: <<Noqam niyaq: Kay runa creyikunqantanöqa manam Israel runakunachö tarishkätsu>>.
10Capitán mandanqan runakuna kutiskirmi serviqnin kutikashqana kaykaqta tariyarqan.
Viüdapa wawanta Jesús kawatsinqan
11Tsaypitanam discïpulunkunawan Naín markaman Jesús aywayarqan. Paykunawanmi maytsikaq runakunapis aywayarqan. 12Markaman yaykuykarnam wañushqata pampaq atskaq runakuna apaykäyaqwan Jesús tinkurqan. Tsay ayaqa viüdapa japallallan ollqu wawanmi karqan. 13Viüda waqaykaqta rikaykurmi Jesús llakipar nirqan: <<Ama waqaytsu>>.
14Tsaynö nir kirmata yataykuptinmi wintuqkuna ichiskiyarqan. Jesúsnam nirqan: <<¡Jöven, sharkuy!>>
15Tsaynö niykuptinmi kawaskamur parlar qallaykurqan. Viüdatanam wawan kawashqatana entregaykurqan. 16Tsayta rikaykurmi llapan runakuna mantsakar Dios Yayata alabar niyarqan: <<¡Poderösu profëtam chämushqa! ¡Dios Yayam kuyanqan runakunaman shamushqa!>>
17Tsaymi entëru Judeachö y maytsay markakunachö Jesús ruranqankunata musyayarqan.
Bautizaq Juanpa discïpulunkuna Jesúsman aywayanqan
Mateo 11.2-6
18Jesús ruranqankunata musyaykurmi Bautizaq Juanta discïpulunkuna willayarqan. Tsaymi ishkaq discïpulunkunata qayaskir 19Señor Jesúsman tapukuq kachar nirqan: <<¿Qamkush kanki Dios Yaya kachamunqan Cristo o juktaraqkush shuyäyäshaq?>>
20Jesúsman chaykurnam niyarqan: <<Taytay, Bautizaq Juanmi mandayämarqun. ¿Qamkush kanki shamunanpaq kaq Cristo o juktaraqkush shuyäyäshaq?>>
21Tapuqnin chäyanqan höram Jesús kutikätsirqan atskaq qeshyaykaqkunata, ñakaqkunata, supayyuqkunata y atskaq qaprakunatapis.
22Tsaynam Jesús nirqan: <<Kutir rikäyanqaykita y wiyayanqaykita Juanta willayay. Qaprakunam rikäyan. Puriyta mana puëdiqkunam puriyan. Leprawan qeshyaqyashakunam kutikäyan. Mana wiyaqkunam wiyayan. Wañushqakunam kawayämun. Waktsakunam Dios Yayapa alli willakuyninta wiyaykäyan. 23Yarpäyanqannö mana ruraptïpis mana ajayaypa noqaman confiakamuq runaqa kushishqam kawanqa>>.
Bautizaq Juan Diospa profëtan kanqan
Mateo 11.7-15
24Juanpa discïpulunkuna kutiskiyaptinnam runakunata Jesús nirqan: <<¿Imaqtan tsunyaman aywayarqayki? ¿Shoqushta wayra kuyutsiqta rikaqku? 25Manasïqa ¿imata rikaqtan aywayarqayki? ¿Alli llatapashqa runata rikaqku? Musyayanqaykinöpis alli llatapan shukushqa runakunaqa reypa wajinchömi kayan. 26Tsaypunqa ¿ima rikaqtan aywayarqayki? ¿Profëta rikaqku? ¡Awmi! Noqam niyaq: Paynöqa manam ni mayqan profëtapis kashqatsu. 27Juanta kachamunanpaqmi qellqashqa kaykan: <Nänita pitsaqnö runakuna alistakuyänanpaqmi willakuqnïta puntaykita kachashaq>.#Mal. 3.1.
28<<Noqam niyaq: Llapan profëtakunapitapis masmi Bautizaq Juanqa tantiyan. Tsaynö kaptinpis Dios Yayapa mandakuyninman tsayraq yaykuqkunam Juanpitapis mas tantiyayan>>.
29(Juan willakunqanta wiyaykurmi impuestu cobrakuqkunapis Dios Yayata cäsur Juan bautizananpaq aywayarqan. 30Peru fariseukunawan ley yachatsikuqkunam sïqa Diosta mana cäsur bautizakuyarqantsu.)
Bautizaq Juanpaq y Jesúspaq runakuna parlayanqan
Mateo 11.16-19
31Mastam Jesús nirqan: <<Kanan tiempu runakunata ¿imamanraq iwalatsïman? ¿Imanötan kayan? 32Paykunaqa pläzachö pukllaq wamrakunanöllam kayan. Tsay wamrakunam qayaykachar niyan: <Lawtata töcayaptïpis manam tushuyankitsu. Llakinaypaq cantuta cantayaptïpis manam waqayankitsu>. Tsay wamrakunanömi kanan tiempu runakuna kayan. 33Bautizaq Juan tantata mana mikuptin y vïnuta mana upyaptinmi niyanki: <¡Payqa supaypa poderninchömi kaykan!> 34Runapa Tsurin mikuptin y upyaptinmi niyanki: <¡Kay runaqa alläpa mikuq y upyaqmi! ¡Impuestu cobraqkunapa y jutsasapakunapa amïgunmi!> 35Tsaynö niyaptikipis discïpulükuna Dios Yaya munanqannö kawayaptinmi Juanta y noqata Dios Yaya kachayämanqan musyakan>>.
Jutsasapakuna perdonashqa kar Dios Yayata mas kuyayanqan
36Tsaypitanam juk fariseo runa Jesústa convidarqan wajinchö mikuyänanpaq. Chaykurnam mësaman Jesús jamaykurqan. 37Fariseupa wajinchö Jesús mikuykanqanta musyaskirmi prostitüta warmi alabastro rumipita rurashqa pömuchö perfümin aptashqa charqan. 38Jesúspa qepanman qonqurikuykur waqaptinmi chakinkunaman weqin shuturqan. Tsay shutunqantanam aqtsanwan tsakiskatsir Jesúspa chakinta mutsaykur apanqan perfümita wiñarqan.#7.38 Tsay witsaymi runakuna patsaman kinkishyaykur mikuyaq. Tsaynö mikuyaptinmi Jesúspa chakinman perfümita wiñarqan.
39Tsayta rikarmi Jesústa convidaq fariseo shonqullanchö nirqan: <<Kay runa Diospa profëtan karqa kay yataqnin warmi alläpa mana alli ruraq kanqanta musyanmanmi>>.
40Tsaynam Jesús nirqan: <<Simón, jukta nishayki>>.
Paynam nirqan: <<Mä willamay, rabí>>.
41Jesúsnam nirqan: <<Ishkaq runakunash juk runata dëbiyänaq. Jukaqshi pitsqa pachak (500) junaq arur gänanqanta dëbinaq y jukaqnash pitsqa chunka (50) junaq arur gänanqanta dëbinaq. 42Imanöpapis pägakuyta mana puëdiyaptinshi ishkantapis cobranaqnatsu. Kanan mä, nimay. ¿Mayqan kaqtan prestaqnin runata mas kuyanqa?>>
43Simónnam nirqan: <<Mas atskata dëbiqnin kaq runach>>.
Tsaynam Jesús nirqan: <<Rasuntam ninki>>.
44Tsaynö niskirnam warmita rikaykur Simónta nirqan: <<Kay warmi ruranqanta ¿rikarquykiku? Wajikiman chämuptï manam yakuta qaramaruykitsu chakïta mayllanäpaq. Peru kay warmim sïqa weqinwan chakïkunata oquskatsir aqtsanwan tsakitsimushqa. 45Qamqa manam saludamarnï mutsamarquykitsu. Paymi sïqa wajikiman yaykamunqanpita mana dëjaypa chakïta mutsamushqa. 46Umämanpis manam aceitita wiñämushkankitsu. Paymi sïqa chakïman perfümita wiñämushqa. 47Tsaymi niq: Kay warmiqa maytsika jutsanta perdonaptïmi alläpa kuyamar tsaynö ruramashqa. Peru wakinmi sïqa jutsannaq kayanqanta yarpar janan shonqulla kuyayäman>>.
48Warmitanam nirqan: <<Llapan jutsaykitam perdonaq>>.
49Tsaynam mësachö jamaykaqkuna kikinkunapura ninakuyarqan: <<¡Pitan payqa runapa jutsanta perdonananpaq!>>
50Jesúsnam warmita nirqan: <<Noqaman creyikamurmi salvakashkanki. Kananqa kushishqana aywakuy>>.
Currently Selected:
Lucas 7: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Lucas 7
7
Capitanpa serviqninta Jesús kutikätsinqan
Mateo 8.5-13; Juan 4.43-54
1Runakunata yachatsir ushaskirnam Capernaúm markaman Jesús aywarqan. 2Tsaychömi Roma capitanpa kuyay serviqnin antsa qeshyaykarqan. 3Tsay capitannam Jesús ruranqankunata musyaskir Israel mayor runakunata Jesúsman mandarqan shamur serviqninta kutikätsinanpaq.
4Tsaymi paykuna chaykur Jesústa rugakur niyarqan: <<Taytay, capitannïkuna alli runa kanqan rayku serviqninta kutikaykatsinaykipaq aywaykulläshun. 5Payqa markantsiktapis alli rikarmi sinagögatapis shäritsishqa>>.
6Tsaynö rugayaptinmi paykunawan Jesús aywarqan. Peru wajiman chaykäyaptinnam amïgunkunata capitán kacharqan Jesústa niyänanpaq: <<Taytay, amanash afanakur aywankinatsu. Mana Israel runa karshi wajinman yaykunaykita mantsakullan. 7Tsayshi kikin shallämushqatsu. Kayllapitash serviqnin kutikaskinanpaq niykullanki. 8Paypis mandaqninpa mandäduntash ruran. Tsaynöllash soldädunkunapis mandädunchö kayan. Soldädunta <ayway> niptinshi aywayan y <shamuy> niptinshi shayämun. Serviqninta <kayta ruray> niptinshi ruran>>.
9Tsayta wiyaykurmi Jesús kushikur qatiqnin runakunata nirqan: <<Noqam niyaq: Kay runa creyikunqantanöqa manam Israel runakunachö tarishkätsu>>.
10Capitán mandanqan runakuna kutiskirmi serviqnin kutikashqana kaykaqta tariyarqan.
Viüdapa wawanta Jesús kawatsinqan
11Tsaypitanam discïpulunkunawan Naín markaman Jesús aywayarqan. Paykunawanmi maytsikaq runakunapis aywayarqan. 12Markaman yaykuykarnam wañushqata pampaq atskaq runakuna apaykäyaqwan Jesús tinkurqan. Tsay ayaqa viüdapa japallallan ollqu wawanmi karqan. 13Viüda waqaykaqta rikaykurmi Jesús llakipar nirqan: <<Ama waqaytsu>>.
14Tsaynö nir kirmata yataykuptinmi wintuqkuna ichiskiyarqan. Jesúsnam nirqan: <<¡Jöven, sharkuy!>>
15Tsaynö niykuptinmi kawaskamur parlar qallaykurqan. Viüdatanam wawan kawashqatana entregaykurqan. 16Tsayta rikaykurmi llapan runakuna mantsakar Dios Yayata alabar niyarqan: <<¡Poderösu profëtam chämushqa! ¡Dios Yayam kuyanqan runakunaman shamushqa!>>
17Tsaymi entëru Judeachö y maytsay markakunachö Jesús ruranqankunata musyayarqan.
Bautizaq Juanpa discïpulunkuna Jesúsman aywayanqan
Mateo 11.2-6
18Jesús ruranqankunata musyaykurmi Bautizaq Juanta discïpulunkuna willayarqan. Tsaymi ishkaq discïpulunkunata qayaskir 19Señor Jesúsman tapukuq kachar nirqan: <<¿Qamkush kanki Dios Yaya kachamunqan Cristo o juktaraqkush shuyäyäshaq?>>
20Jesúsman chaykurnam niyarqan: <<Taytay, Bautizaq Juanmi mandayämarqun. ¿Qamkush kanki shamunanpaq kaq Cristo o juktaraqkush shuyäyäshaq?>>
21Tapuqnin chäyanqan höram Jesús kutikätsirqan atskaq qeshyaykaqkunata, ñakaqkunata, supayyuqkunata y atskaq qaprakunatapis.
22Tsaynam Jesús nirqan: <<Kutir rikäyanqaykita y wiyayanqaykita Juanta willayay. Qaprakunam rikäyan. Puriyta mana puëdiqkunam puriyan. Leprawan qeshyaqyashakunam kutikäyan. Mana wiyaqkunam wiyayan. Wañushqakunam kawayämun. Waktsakunam Dios Yayapa alli willakuyninta wiyaykäyan. 23Yarpäyanqannö mana ruraptïpis mana ajayaypa noqaman confiakamuq runaqa kushishqam kawanqa>>.
Bautizaq Juan Diospa profëtan kanqan
Mateo 11.7-15
24Juanpa discïpulunkuna kutiskiyaptinnam runakunata Jesús nirqan: <<¿Imaqtan tsunyaman aywayarqayki? ¿Shoqushta wayra kuyutsiqta rikaqku? 25Manasïqa ¿imata rikaqtan aywayarqayki? ¿Alli llatapashqa runata rikaqku? Musyayanqaykinöpis alli llatapan shukushqa runakunaqa reypa wajinchömi kayan. 26Tsaypunqa ¿ima rikaqtan aywayarqayki? ¿Profëta rikaqku? ¡Awmi! Noqam niyaq: Paynöqa manam ni mayqan profëtapis kashqatsu. 27Juanta kachamunanpaqmi qellqashqa kaykan: <Nänita pitsaqnö runakuna alistakuyänanpaqmi willakuqnïta puntaykita kachashaq>.#Mal. 3.1.
28<<Noqam niyaq: Llapan profëtakunapitapis masmi Bautizaq Juanqa tantiyan. Tsaynö kaptinpis Dios Yayapa mandakuyninman tsayraq yaykuqkunam Juanpitapis mas tantiyayan>>.
29(Juan willakunqanta wiyaykurmi impuestu cobrakuqkunapis Dios Yayata cäsur Juan bautizananpaq aywayarqan. 30Peru fariseukunawan ley yachatsikuqkunam sïqa Diosta mana cäsur bautizakuyarqantsu.)
Bautizaq Juanpaq y Jesúspaq runakuna parlayanqan
Mateo 11.16-19
31Mastam Jesús nirqan: <<Kanan tiempu runakunata ¿imamanraq iwalatsïman? ¿Imanötan kayan? 32Paykunaqa pläzachö pukllaq wamrakunanöllam kayan. Tsay wamrakunam qayaykachar niyan: <Lawtata töcayaptïpis manam tushuyankitsu. Llakinaypaq cantuta cantayaptïpis manam waqayankitsu>. Tsay wamrakunanömi kanan tiempu runakuna kayan. 33Bautizaq Juan tantata mana mikuptin y vïnuta mana upyaptinmi niyanki: <¡Payqa supaypa poderninchömi kaykan!> 34Runapa Tsurin mikuptin y upyaptinmi niyanki: <¡Kay runaqa alläpa mikuq y upyaqmi! ¡Impuestu cobraqkunapa y jutsasapakunapa amïgunmi!> 35Tsaynö niyaptikipis discïpulükuna Dios Yaya munanqannö kawayaptinmi Juanta y noqata Dios Yaya kachayämanqan musyakan>>.
Jutsasapakuna perdonashqa kar Dios Yayata mas kuyayanqan
36Tsaypitanam juk fariseo runa Jesústa convidarqan wajinchö mikuyänanpaq. Chaykurnam mësaman Jesús jamaykurqan. 37Fariseupa wajinchö Jesús mikuykanqanta musyaskirmi prostitüta warmi alabastro rumipita rurashqa pömuchö perfümin aptashqa charqan. 38Jesúspa qepanman qonqurikuykur waqaptinmi chakinkunaman weqin shuturqan. Tsay shutunqantanam aqtsanwan tsakiskatsir Jesúspa chakinta mutsaykur apanqan perfümita wiñarqan.#7.38 Tsay witsaymi runakuna patsaman kinkishyaykur mikuyaq. Tsaynö mikuyaptinmi Jesúspa chakinman perfümita wiñarqan.
39Tsayta rikarmi Jesústa convidaq fariseo shonqullanchö nirqan: <<Kay runa Diospa profëtan karqa kay yataqnin warmi alläpa mana alli ruraq kanqanta musyanmanmi>>.
40Tsaynam Jesús nirqan: <<Simón, jukta nishayki>>.
Paynam nirqan: <<Mä willamay, rabí>>.
41Jesúsnam nirqan: <<Ishkaq runakunash juk runata dëbiyänaq. Jukaqshi pitsqa pachak (500) junaq arur gänanqanta dëbinaq y jukaqnash pitsqa chunka (50) junaq arur gänanqanta dëbinaq. 42Imanöpapis pägakuyta mana puëdiyaptinshi ishkantapis cobranaqnatsu. Kanan mä, nimay. ¿Mayqan kaqtan prestaqnin runata mas kuyanqa?>>
43Simónnam nirqan: <<Mas atskata dëbiqnin kaq runach>>.
Tsaynam Jesús nirqan: <<Rasuntam ninki>>.
44Tsaynö niskirnam warmita rikaykur Simónta nirqan: <<Kay warmi ruranqanta ¿rikarquykiku? Wajikiman chämuptï manam yakuta qaramaruykitsu chakïta mayllanäpaq. Peru kay warmim sïqa weqinwan chakïkunata oquskatsir aqtsanwan tsakitsimushqa. 45Qamqa manam saludamarnï mutsamarquykitsu. Paymi sïqa wajikiman yaykamunqanpita mana dëjaypa chakïta mutsamushqa. 46Umämanpis manam aceitita wiñämushkankitsu. Paymi sïqa chakïman perfümita wiñämushqa. 47Tsaymi niq: Kay warmiqa maytsika jutsanta perdonaptïmi alläpa kuyamar tsaynö ruramashqa. Peru wakinmi sïqa jutsannaq kayanqanta yarpar janan shonqulla kuyayäman>>.
48Warmitanam nirqan: <<Llapan jutsaykitam perdonaq>>.
49Tsaynam mësachö jamaykaqkuna kikinkunapura ninakuyarqan: <<¡Pitan payqa runapa jutsanta perdonananpaq!>>
50Jesúsnam warmita nirqan: <<Noqaman creyikamurmi salvakashkanki. Kananqa kushishqana aywakuy>>.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.