Yoanɛ 9
9
Yezo asara lɛ kɔli mɛ adu lo na ziba lɛ lo
1Mbanga lá kɔi ndo Yezo so ta lege ɔ ko, lo hũ kɔli mɛ adu lo na ziba lɛ lo. 2La ava Yezo ahũnda Yezo ya: “Wa hangɔ lo tɛ Nzapa, kɔli olo asi na ziba lɛ lo ya nɛ? Na lo siɔ ye tɛ lo nvɛni, bere na lo siɔ ye tɛ awa dúngɔ lo?” 3Yezo agbinya hɛ̃ la ya: “Ipɔ, ta lo si na ziba lɛ lo na lo siɔ ye tɛ lo, bere na lo siɔ ye tɛ awa dúngɔ lo ma. Kanda lo si na ni ya, azi ahũ lɛ kwa tɛ Nzapa ti ndo lo.” 4Yezo apa nga ya: “Na ngoi ko la ndo ade yango ko, ale e ndoli kwa tɛ wa tongɔ mbi. Bi na vungɔ, ko ta zo kɔi alengbi ti Iingɔ kwa ma. 5Ko na ngoi olo mbi dɛ ge lɛ sese ko, mbi wa vurungɔ na ndo na lo tɛ azi.” 6Yezo ĩ tɛnɛ so wɛ ko, lo ku solo tise, lo kuru na sese yakere, lo mu, lo hĩni na le wa ziba ko. 7Lo pa hɛ̃ wa ziba ko ya: “Gwe ka Siloe, ka ndo mɛ andogbɔ̃ na ngu, mɔ̃ kpo lɛ mɔ.” (Nda ili ti Siloe ya: “Ato lo tongɔ.”) Wa ziba ko anɔ asi kai, akpo lɛ lo. Ko na diringɔ lo ko, lo hũ ndo ngbɛ̃.
8La azi mɛ ndodu so gunda da tɛ wa ziba ko, na azi mɛ ndo ahũ lo uzu na yɔngɔ ndo apa ya: “Kɔli mɛ ndo ndodu tise, ndoyɔyɔ ndo na ti azi ko, ta lo lo mɛ ma?” 9Ambanga ya: “Lo la.” Ambanga mɛ ndɛ̃ ya: “Ipɔ, ta lo la ma, zo ni akpa lo kpangɔ.” La lo nvɛni lo pa ya: “Mbi la.” 10Azi ko ĩ ma so ko, ala hũnda lo ya: “Wa kɔdɛ mɛ mɔ ti hũ ndo sia?” 11Wa ziba ko agbinya hɛ̃ la ya: “Kɔli kɔi, ili lo Yezo la akuru solo na sese yakere, ahĩni na lɛ mbi. So pɛni, lo pa hɛ̃ mbi ya, mbi gwe ka Siloe, mbi kpo lɛ mbi. Mbi nɔ mbi kpo lɛ mbi, la mbi hũ ndo.” 12Ala hũnda lo ya: “Kɔli ni ko so wa?” Lo gbinya hɛ̃ la ya, ta ni hĩnga ma.
Afarizeo ahũnda wa ziba na lo tɛ zo mɛ asara lɛ lo
13La azi amu kɔli mɛ ziba tɛ lo awe, anɔ na lo ka tɛ Afarizeo. 14Kanda lá ko ndo Yezo akuru solo na sese, ahĩni na lɛ kɔli ko, la lo hũ ndo ko, adu ndo lá ti wɔngɔ tɛrɛ. 15Nda mɛ ndo Afarizeo ahũnda nga lo na se mɛ lo ti hũ na ndo la. Ko lo gbinya hɛ̃ la ya: “Lo hĩni lɛ mbi na sese mɛ lo kuru, mbi nɔ mbi kpo lɛ mbi, la mbi hũ ndo na olo mɛ.” 16La ambanga Afarizeo apa ya: “Wa lingɔ ye olo ko, ta lo lo ka tɛ Nzapa ma, na lo mɛ ya, ta lo tɔndɔ ndia ti lá ti wɔngɔ tɛrɛ ma.” Ambanga mɛ ndɛ̃ ahũnda ya: “Se zo adu wa lingɔ siɔ ye ko, kɔdɛ mɛ lo lengbi ti lingɔ gi tɛrɛ aye ti kpɛnɛ olo sia?” Ta nyɔ Afarizeo ase ndo kɔi ma, nda mɛ ndo popo tɛ la akangbi sɛ la.
17Ala ti hũnda kɔli ko ya: “Zo mɛ asara lɛ mɔ ko, mɔ nvɛni mɔ ndopa tɛ mɔ ngĩ ya nɛ?” Kɔli ko agbinya hɛ̃ la ya: “Lo wa pangɔ nyɔ Nzapa.” 18Kanda uzu ti agbia tɛ Ayuda ilingɔ awa dúngɔ wa ziba ko, ta ala ye ndo ya, kɔli ko ndo uzu wa ziba, la lo ti lo hũ ndo ma. 19Agbia tɛ Ayuda ĩ ili awa dúngɔ lo, ala ĩ ga ko, agbia ni ahũnda la ya: “Nyi ĩ lo biani? Ĩ ye ya ĩ dú ndo lo na ziba lɛ lo? Wa ali sia la lo ti lo hũ ndo na olo mɛ sia?” 20Awa dúngɔ kɔli ko agbinya hɛ̃ agbia ya: “E hĩnga ya lo nyi e, e hĩnga nga ya, e dú ndo lo na ziba lɛ lo. 21Kanda ta e hĩnga kɔdɛ mɛ lo ti lo hũ na ndo na olo mɛ ma. Ta e hĩnga nga zo mɛ asara lɛ lo, la lo ti lo hũ ndo ma. Wa ĩ hũnda lo nvɛni, lo ti zo wɛ, lo lengbi ti gbinyangɔ tɛnɛ.” 22Awa dúngɔ lo apa ndo nga so, ta sanga ma, ala ndokpɛ ndo mbɛtɔ tɛ agbia tɛ Ayuda, na lo mɛ ya, agbia tɛ Ayuda apia ndo amangbi ya, zo zu ko la apa ya Yezo lo Mɛsia ko, ani gbanzi lo na lingɔ ya da sambela. 23Na lo ni ndo la awa dúngɔ kɔli ko apa ya: “Lo ti zo wɛ, lo lengbi ti gbinyangɔ tɛnɛ, ĩ hũnda lo nvɛni.”
24Afarizeo ti ili kɔli mɛ ziba tɛ lo awe, apa hɛ̃ lo ya: “Nyɔ ngɛ gbɛlɛ Nzapa so fangɔ ya, mɔ tɛnɛ beta tɛnɛ. E hĩnga tɛ e ya, wa sarangɔ lɛ mɔ adu wa lingɔ siɔ ye.” 25La lo gbinya hɛ̃ la ya: “Bere lo wa lingɔ siɔ ye ee, ta mbi hĩnga ma. Ye mɛ mbi hĩnga bo kɔi la, mbi ndo wa ziba, ko na olo ko, mbi ndohũ ndo.” 26Ala hũnda lo ya: “Ye mɛ lo li na mɔ nɛ? Lo sara lɛ mɔ ni nga sia?” 27Lo gbinya hɛ̃ la ya: “Mbi pa fɛrɛ hɛ̃ ĩ wɛ, ko ta ĩ ma mbi ma. Ko nda mɛ ĩ ti ĩ ye ya, mbi ti tɛnɛ hɛ̃ ĩ, ĩ ma nɛ? Ĩ ka ĩ ye nga tingɔ ava lo?” 28Ala ĩ ma so ko, ala guru lo ya: “Su mɔ! Va lo ni bo la mɔ, e tɛ e ava Mɔizɛ. 29E hĩnga ya, Nzapa atɛnɛ ndo tɛnɛ hɛ̃ Mɔizɛ, kanda tɛ kɔli olo, ndo mɛ lo lo da ko, ta e hĩnga bɛ ni ma!” 30La kɔli ko agbinya hɛ̃ la ya: “Ĩ ma tɛnɛ ti kpɛnɛ! Ĩ ya, ta ĩ hĩnga ndo mɛ lo lo da ma, wa omɛ lo sara lɛ mbi mɛ! 31E hĩnga ya, ta Nzapa ndoma sambela tɛ awa lingɔ siɔ ye ma, kanda lo ndoma sambela tɛ zo ko ndotɔndɔ lo, ndoli nga ye mɛ bɛ lo aye. 32Ndo gã ko, ta e dɛ e ma bɛ gbɔ ya, asara lɛ zo mɛ adú lo na ziba lɛ lo ma. 33Se adu ya, ta zo olo alo ka tɛ Nzapa biani ma ko, ale ta lo lengbi ti lingɔ bɛ ye kɔi ma.” 34Ala gbinya hɛ̃ lo ya: “Isiri, ato na ngoi mɛ ndo adú na mɔ, ngbĩi asi na lá olo ko, mɔ bo wa lingɔ siɔ ye, ko ta mɔ la mɔ lengbi ti hangɔ e na ye ma!” La ala toma lo ka ya da sambela abi gegi.
35Yezo ama ya, atoma kɔli ni ko ka ya da sambela abi gegi. Ko ngoi mɛ Yezo na lo ĩ tengbi ko, Yezo ahũnda lo ya: “Mɔ ye lo tɛ Nyi Zo?” 36Kɔli ko agbinya hɛ̃ lo ya: “Gbia, Nyi Zo ni na? Pa lo tɛ lo hɛ̃ mbi, wa mbi ye lo tɛ lo.” 37Yezo apa hɛ̃ lo ya: “Mɔ hũ lo wɛ, zo mɛ ndotɛnɛ tɛnɛ hɛ̃ mɔ na olo ko, lo la.” 38Ko kɔli ko apa hɛ̃ Yezo ya: “Gbia, mbi ye lo tɛ mɔ wɛ.” La lo kuku gbɛlɛ Yezo.
Azi mɛ ta ahĩnga lege tɛ Nzapa ma
39La Yezo apa ya: “Mbi ga ge lɛ sese olo so kangbingɔ popo tɛ azi. Mbi ga ya, awa ziba ahũ ndo, ko azi mɛ ndohũ ndo ati awa ziba.” 40Ambanga Afarizeo mɛ ndo so ndo ko ĩ ma so ko, ala hũnda lo ya: “Alengbi ya e nga awa ziba?” 41La Yezo agbinya hɛ̃ la ya: “Se adu ya, ĩ du awa ziba ko, ale ta ĩ du na siɔ ye na li ĩ ma. Wa oko ĩ pa ya, ĩ ndohũ ndo ko, siɔ ye tɛ ĩ adɛ bo na li ĩ kpɔ.”
Currently Selected:
Yoanɛ 9: NGB87
Highlight
Share
Copy
Want to have your highlights saved across all your devices? Sign up or sign in
Ngbandi New Testament © United Bible Societies, 1987.
Yoanɛ 9
9
Yezo asara lɛ kɔli mɛ adu lo na ziba lɛ lo
1Mbanga lá kɔi ndo Yezo so ta lege ɔ ko, lo hũ kɔli mɛ adu lo na ziba lɛ lo. 2La ava Yezo ahũnda Yezo ya: “Wa hangɔ lo tɛ Nzapa, kɔli olo asi na ziba lɛ lo ya nɛ? Na lo siɔ ye tɛ lo nvɛni, bere na lo siɔ ye tɛ awa dúngɔ lo?” 3Yezo agbinya hɛ̃ la ya: “Ipɔ, ta lo si na ziba lɛ lo na lo siɔ ye tɛ lo, bere na lo siɔ ye tɛ awa dúngɔ lo ma. Kanda lo si na ni ya, azi ahũ lɛ kwa tɛ Nzapa ti ndo lo.” 4Yezo apa nga ya: “Na ngoi ko la ndo ade yango ko, ale e ndoli kwa tɛ wa tongɔ mbi. Bi na vungɔ, ko ta zo kɔi alengbi ti Iingɔ kwa ma. 5Ko na ngoi olo mbi dɛ ge lɛ sese ko, mbi wa vurungɔ na ndo na lo tɛ azi.” 6Yezo ĩ tɛnɛ so wɛ ko, lo ku solo tise, lo kuru na sese yakere, lo mu, lo hĩni na le wa ziba ko. 7Lo pa hɛ̃ wa ziba ko ya: “Gwe ka Siloe, ka ndo mɛ andogbɔ̃ na ngu, mɔ̃ kpo lɛ mɔ.” (Nda ili ti Siloe ya: “Ato lo tongɔ.”) Wa ziba ko anɔ asi kai, akpo lɛ lo. Ko na diringɔ lo ko, lo hũ ndo ngbɛ̃.
8La azi mɛ ndodu so gunda da tɛ wa ziba ko, na azi mɛ ndo ahũ lo uzu na yɔngɔ ndo apa ya: “Kɔli mɛ ndo ndodu tise, ndoyɔyɔ ndo na ti azi ko, ta lo lo mɛ ma?” 9Ambanga ya: “Lo la.” Ambanga mɛ ndɛ̃ ya: “Ipɔ, ta lo la ma, zo ni akpa lo kpangɔ.” La lo nvɛni lo pa ya: “Mbi la.” 10Azi ko ĩ ma so ko, ala hũnda lo ya: “Wa kɔdɛ mɛ mɔ ti hũ ndo sia?” 11Wa ziba ko agbinya hɛ̃ la ya: “Kɔli kɔi, ili lo Yezo la akuru solo na sese yakere, ahĩni na lɛ mbi. So pɛni, lo pa hɛ̃ mbi ya, mbi gwe ka Siloe, mbi kpo lɛ mbi. Mbi nɔ mbi kpo lɛ mbi, la mbi hũ ndo.” 12Ala hũnda lo ya: “Kɔli ni ko so wa?” Lo gbinya hɛ̃ la ya, ta ni hĩnga ma.
Afarizeo ahũnda wa ziba na lo tɛ zo mɛ asara lɛ lo
13La azi amu kɔli mɛ ziba tɛ lo awe, anɔ na lo ka tɛ Afarizeo. 14Kanda lá ko ndo Yezo akuru solo na sese, ahĩni na lɛ kɔli ko, la lo hũ ndo ko, adu ndo lá ti wɔngɔ tɛrɛ. 15Nda mɛ ndo Afarizeo ahũnda nga lo na se mɛ lo ti hũ na ndo la. Ko lo gbinya hɛ̃ la ya: “Lo hĩni lɛ mbi na sese mɛ lo kuru, mbi nɔ mbi kpo lɛ mbi, la mbi hũ ndo na olo mɛ.” 16La ambanga Afarizeo apa ya: “Wa lingɔ ye olo ko, ta lo lo ka tɛ Nzapa ma, na lo mɛ ya, ta lo tɔndɔ ndia ti lá ti wɔngɔ tɛrɛ ma.” Ambanga mɛ ndɛ̃ ahũnda ya: “Se zo adu wa lingɔ siɔ ye ko, kɔdɛ mɛ lo lengbi ti lingɔ gi tɛrɛ aye ti kpɛnɛ olo sia?” Ta nyɔ Afarizeo ase ndo kɔi ma, nda mɛ ndo popo tɛ la akangbi sɛ la.
17Ala ti hũnda kɔli ko ya: “Zo mɛ asara lɛ mɔ ko, mɔ nvɛni mɔ ndopa tɛ mɔ ngĩ ya nɛ?” Kɔli ko agbinya hɛ̃ la ya: “Lo wa pangɔ nyɔ Nzapa.” 18Kanda uzu ti agbia tɛ Ayuda ilingɔ awa dúngɔ wa ziba ko, ta ala ye ndo ya, kɔli ko ndo uzu wa ziba, la lo ti lo hũ ndo ma. 19Agbia tɛ Ayuda ĩ ili awa dúngɔ lo, ala ĩ ga ko, agbia ni ahũnda la ya: “Nyi ĩ lo biani? Ĩ ye ya ĩ dú ndo lo na ziba lɛ lo? Wa ali sia la lo ti lo hũ ndo na olo mɛ sia?” 20Awa dúngɔ kɔli ko agbinya hɛ̃ agbia ya: “E hĩnga ya lo nyi e, e hĩnga nga ya, e dú ndo lo na ziba lɛ lo. 21Kanda ta e hĩnga kɔdɛ mɛ lo ti lo hũ na ndo na olo mɛ ma. Ta e hĩnga nga zo mɛ asara lɛ lo, la lo ti lo hũ ndo ma. Wa ĩ hũnda lo nvɛni, lo ti zo wɛ, lo lengbi ti gbinyangɔ tɛnɛ.” 22Awa dúngɔ lo apa ndo nga so, ta sanga ma, ala ndokpɛ ndo mbɛtɔ tɛ agbia tɛ Ayuda, na lo mɛ ya, agbia tɛ Ayuda apia ndo amangbi ya, zo zu ko la apa ya Yezo lo Mɛsia ko, ani gbanzi lo na lingɔ ya da sambela. 23Na lo ni ndo la awa dúngɔ kɔli ko apa ya: “Lo ti zo wɛ, lo lengbi ti gbinyangɔ tɛnɛ, ĩ hũnda lo nvɛni.”
24Afarizeo ti ili kɔli mɛ ziba tɛ lo awe, apa hɛ̃ lo ya: “Nyɔ ngɛ gbɛlɛ Nzapa so fangɔ ya, mɔ tɛnɛ beta tɛnɛ. E hĩnga tɛ e ya, wa sarangɔ lɛ mɔ adu wa lingɔ siɔ ye.” 25La lo gbinya hɛ̃ la ya: “Bere lo wa lingɔ siɔ ye ee, ta mbi hĩnga ma. Ye mɛ mbi hĩnga bo kɔi la, mbi ndo wa ziba, ko na olo ko, mbi ndohũ ndo.” 26Ala hũnda lo ya: “Ye mɛ lo li na mɔ nɛ? Lo sara lɛ mɔ ni nga sia?” 27Lo gbinya hɛ̃ la ya: “Mbi pa fɛrɛ hɛ̃ ĩ wɛ, ko ta ĩ ma mbi ma. Ko nda mɛ ĩ ti ĩ ye ya, mbi ti tɛnɛ hɛ̃ ĩ, ĩ ma nɛ? Ĩ ka ĩ ye nga tingɔ ava lo?” 28Ala ĩ ma so ko, ala guru lo ya: “Su mɔ! Va lo ni bo la mɔ, e tɛ e ava Mɔizɛ. 29E hĩnga ya, Nzapa atɛnɛ ndo tɛnɛ hɛ̃ Mɔizɛ, kanda tɛ kɔli olo, ndo mɛ lo lo da ko, ta e hĩnga bɛ ni ma!” 30La kɔli ko agbinya hɛ̃ la ya: “Ĩ ma tɛnɛ ti kpɛnɛ! Ĩ ya, ta ĩ hĩnga ndo mɛ lo lo da ma, wa omɛ lo sara lɛ mbi mɛ! 31E hĩnga ya, ta Nzapa ndoma sambela tɛ awa lingɔ siɔ ye ma, kanda lo ndoma sambela tɛ zo ko ndotɔndɔ lo, ndoli nga ye mɛ bɛ lo aye. 32Ndo gã ko, ta e dɛ e ma bɛ gbɔ ya, asara lɛ zo mɛ adú lo na ziba lɛ lo ma. 33Se adu ya, ta zo olo alo ka tɛ Nzapa biani ma ko, ale ta lo lengbi ti lingɔ bɛ ye kɔi ma.” 34Ala gbinya hɛ̃ lo ya: “Isiri, ato na ngoi mɛ ndo adú na mɔ, ngbĩi asi na lá olo ko, mɔ bo wa lingɔ siɔ ye, ko ta mɔ la mɔ lengbi ti hangɔ e na ye ma!” La ala toma lo ka ya da sambela abi gegi.
35Yezo ama ya, atoma kɔli ni ko ka ya da sambela abi gegi. Ko ngoi mɛ Yezo na lo ĩ tengbi ko, Yezo ahũnda lo ya: “Mɔ ye lo tɛ Nyi Zo?” 36Kɔli ko agbinya hɛ̃ lo ya: “Gbia, Nyi Zo ni na? Pa lo tɛ lo hɛ̃ mbi, wa mbi ye lo tɛ lo.” 37Yezo apa hɛ̃ lo ya: “Mɔ hũ lo wɛ, zo mɛ ndotɛnɛ tɛnɛ hɛ̃ mɔ na olo ko, lo la.” 38Ko kɔli ko apa hɛ̃ Yezo ya: “Gbia, mbi ye lo tɛ mɔ wɛ.” La lo kuku gbɛlɛ Yezo.
Azi mɛ ta ahĩnga lege tɛ Nzapa ma
39La Yezo apa ya: “Mbi ga ge lɛ sese olo so kangbingɔ popo tɛ azi. Mbi ga ya, awa ziba ahũ ndo, ko azi mɛ ndohũ ndo ati awa ziba.” 40Ambanga Afarizeo mɛ ndo so ndo ko ĩ ma so ko, ala hũnda lo ya: “Alengbi ya e nga awa ziba?” 41La Yezo agbinya hɛ̃ la ya: “Se adu ya, ĩ du awa ziba ko, ale ta ĩ du na siɔ ye na li ĩ ma. Wa oko ĩ pa ya, ĩ ndohũ ndo ko, siɔ ye tɛ ĩ adɛ bo na li ĩ kpɔ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngbandi New Testament © United Bible Societies, 1987.