Luka 3
3
Lo tɛ Yoanɛ wa hɛ̃ngɔ batisimɔ
(Mat. 3.1-12; Mar. 1.1-8; Yoa. 1.19-28)
1Ngoi mɛ ndo buru ti lɛngɔ gbia tɛ Tiberɛ mɛ kota gbia ti Roma ĩ ti sui kɔi ndoni okɔ̃ ko, Nzapa apa tɛnɛ hɛ̃ Yoanɛ mɛ nyi Zakaria. Na ngoi ko ndo ko, Pɔnsɛ Pilato ndo gbia ti sese ti Yudea, Erodɛ ndo gbia ti sese ti Galilea, ko Filipo mɛ nyita Erodɛ tɛ lo ndo gbia ti sese ti Iturea nga na ti Trakonitɛ. Lisaniasi ndo gbia ti sese ti Abilɛnɛ, 2ko Anɛ na Kaifa tɛ la ndo akota agbia tɛ awa lungɔ Nzapa na ye. 3Yoanɛ ĩ ma tɛnɛ tɛ Nzapa ko, lo to nda ɔngɔ na lɛ sese kwɛ zu mɛ na tɔ̃ ngu mɛ ili ni la Yurdɛnɛ. Lo to mbela olo hɛ̃ azi ya: “Ale ĩ gbinya bɛ ĩ, ĩ mu batisimɔ, wa Nzapa aka lɛ lo ndo asiɔ ye tɛ ĩ.” 4La tɛnɛ mɛ ndo Ezai wa pangɔ nyɔ Nzapa asu na ya buku tɛ lo ati na seni. Tɛnɛ ni lo mɛ:
“Mbanga zo ndoto mbela ka bɛ ndo ya,
Ĩ lɛkɛ lege alo mbiri mbiri hɛ̃ Gbia oo!
5Ĩ vi akɔdu zu,
Ĩ oro ahɔtɔ na alita zu ati kpa kpa kpa,
Ĩ lonzi alege mɛ ngongbi ngongbi alo mbiri mbiri,
Ĩ lɛkɛ asiɔ lege mɛ na du ase kpa kpa kpa.
6Ko azi zu na hũngɔ se mɛ Nzapa ndoso na e.”
7Azi hingo hingo ndoga ndo ka tɛ Yoanɛ ya, lo hɛ̃ ani batisimɔ. La Yoanɛ apa hɛ̃ la ya: “Ĩ asiɔ azi olo, zo mɛ afa ĩ na lege ti kpɛngɔ ngɔnzɔ mɛ Nzapa na lingɔ hɛ̃ asiɔ azi na? 8Wa ĩ li aye mɛ afa ya, ĩ gbinya bɛ ĩ. Ko ĩ zia nɛngɔ ka bɛ ĩ ya: ‘Abrahama adu kotara e.’ Ta sanga ma, mbi pa hɛ̃ ĩ ya, Nzapa alengbi ti mungɔ atɛ̃nɛ olo gbinyangɔ ni tingɔ azi, azi ko ni ati atara Abrahama! 9Alɛkɛ le dɔ so faranga na ambatana kɛkɛ we. Ko kɛkɛ zu ko la ta ndole nzɔ̃ni ma ko, na dɛngɔ ni, bingɔ ya wá.”
10La azi ko hingo hingo ahũnda lo ya: “Wa ye mɛ ale e li nɛ?” 11Yoanɛ agbinya hɛ̃ la ya: “Ale zo mɛ na ndozu bɔngɔ sɛ ahɛ̃ kɔi hɛ̃ zo mɛ ta na ni ma, ko ale zo ko na tɛ ti tɛngɔ akangbi ni na afɔ̃ lo.” 12Awa sɔrɔngɔ lapo aga nga ndo so mungɔ batisimɔ, ko ala hũnda nga Yoanɛ ya: “Wa hangɔ azi na lo, ye mɛ ale e li nɛ?” 13Yoanɛ agbinya hɛ̃ la ya: “Ta ĩ sɔrɔ faranga ti lapo aɔ ndo omɛ alu ndia na lo ni ma.” 14Aturugu ahũnda nga lo ya: “Wa tɛ e, ye mɛ ale e li nɛ?” Yoanɛ agbinya hɛ̃ la ya: “Ta ĩ mu faranga tɛ zo na nguru, bere ĩ kara lo na tɛrɛ lo wa ĩ mu ni ma. Kanda ale ĩ du na dengɔ bɛ na lo ti faranga ti nzɛ̃ tɛ ĩ.”
15Azi ndoku ndo ya, Mɛsia na gangɔ, ko ala ndolɛndɛrɛ ndo lo sĩ: ko ala ĩ hũ Yoanɛ ko, zo kɔi kɔi ndoda bɛ lo ya, ka lo la Mɛsia ni. 16Yoanɛ ĩ hũ so ko, apa hɛ̃ la zu ya: “Mbi ndoyɔrɔ ĩ ya ngu so hɛ̃ngɔ ĩ batisimɔ, kanda zo mɛ aɔ mbi na nguru na gangɔ gesi, mbi zo mɛ ta mbi lengbi ti zarangɔ kpu pɔrɔ ti gɛrɛ lo, hãngɔ ni ma. Lo na sangɔ Tɔrɔ Santo tɛrɛ ĩ so hɛ̃ngɔ ĩ batisimɔ, Tɔrɔ Santo ni ndoli kwa nga ma wá. 17Zo ni agbɔ̃ lungu so ti lo, ya ni pɛ na le tɛ, wa sã ni agwe katɛ. Lo na bongɔ le tɛ ka ya gɔ tɛ lo, ko lo na zɔngɔ sã ni na wá mɛ ta ndomingɔ bɛ gbɔ ma.”
18Yoanɛ apa ndo tɛnɛ mɛ ndɛ̃ ma wo ma so wangɔ na azi, ko se mɛ ndo lo ndopa na Nzɔ̃ Pa hɛ̃ la la. 19Na ngoi ni ko ndo la Yoanɛ abela gbia Erodɛ, na lo mɛ ya, Erodɛ amu ndo Erodiadɛ mɛ ya nyita lo nvɛni adu na ni. Yoanɛ abela nga ndo lo na lo mɛ ya, lo li nga ndo asiɔ ye mɛ ndɛ̃ sĩ. 20Ko Erodɛ ĩ ma so ko, lo ti lo li siɔ ye mɛ ndɛ̃ na ndo omɛ lo li. Siɔ ye ni lo mɛ: lo hɛ̃ nyɔ ya, agbɔ̃ Yoanɛ, abi lo bɔlɔkɔ.
Yoanɛ ahɛ Yezo batisimɔ
(Mat. 3.13-17; Mar. 1.9-11)
21Uzu ya abi Yoanɛ bɔlɔkɔ ko, Yoanɛ ahɛ̃ batisimɔ hɛ̃ azi zu mɛ ndo so ndo ko, so pɛni lo hɛ̃ nga Yezo batisimɔ. Ngoi mɛ Yezo so ndosambela Nzapa ko, le ndozu azi mbue, 22ko Tɔrɔ Santo agbinya, ati nga ma mbipa, aga azu ndo lo. Ko legɔ̃ zo adu ka ndozu apa ya: “Mɔ Nyi mbi ti kpɔ̃ bɛ mbi, bɛ mbi ndode na lo tɛ mɔ sĩ.”
Akotara Yezo
(Mat. 1.1-17)
23Ngoi mɛ ndo Yezo ato nda lingɔ kwa tɛ lo ko, lo ti ndo na buru nga ma ge tɛ sui ta. Ko azi ndoda ndo bɛ la ya, lo nyi Yozɛfu. Yozɛfu nyi Eli, 24Eli nyi Matatɛ, Matatɛ nyi Levi, Levi nyi Mɛlki, Mɛlki nyi Yanai, Yanai nyi Yozɛfu, 25Yozɛfu nyi Matatiasi, Matatiasi nyi Amɔsi, Amɔsi nyi Nahumɛ, Nahumɛ nyi Esili, Esili nyi Nagai, 26Nagai nyi Mati, Mati nyi Matatiasi, Matatiasi nyi Semeinɛ, Semeinɛ nyi Yozɛki, Yozɛki nyi Yoda, 27Yoda nyi Yoanana, Yoanana nyi Resa, Resa nyi Zorobabɛlɛ, Zorobabɛlɛ nyi Salatiɛlɛ, Salatiɛlɛ nyi Neri, 28Neri nyi Mɛlki, Mɛlki nyi Adi, Adi nyi Kosamɛ, Kosamɛ nyi Ɛlmadamɛ, Ɛlmadamɛ nyi Ɛrɛ. 29Ɛrɛ nyi Yezo, Yezo nyi Eliezɛrɛ, Eliezɛrɛ nyi Yorintɛ, Yorintɛ nyi Matatɛ, Matatɛ nyi Levi, 30Levi nyi Simeona, Simeona nyi Yuda, Yuda nyi Yozɛfu, Yozɛfu nyi Yonamɛ, Yonamɛ nyi Eliakimi, 31Eliakimi nyi Melea, Melea nyi Mɛna, Mɛna nyi Matata, Matata nyi Natana, Natana nyi Davidi, 32Davidi nyi Izai, Izai nyi Yobedɛ, Yobɛdɛ nyi Boazɛ, Boazɛ nyi Sala, Sala nyi Naasona, 33Naasona nyi Aminadabɛ, Aminadabɛ nyi Adimini, Adimini nyi Arni, Arni nyi Ɛsrɔmɛ, Ɛsrɔmɛ nyi Farɛsi, Farɛsi nyi Yuda, 34Yuda nyi Yakobo, Yakobo nyi Izaki, Izaki nyi Abrahama, Abrahama nyi Tara, Tara nyi Nakɔrɛ, 35Nakɔrɛ nyi Seruki, Seruki nyi Ragau, Ragau nyi Falɛkɛ, Falɛkɛ nyi Ɛbɛrɛ, Ɛbɛrɛ nyi Sala, 36Sala nyi Kainamɛ, Kainamɛ nyi Arfakisadɛ, Arfakisadɛ nyi Sɛmɛ, Sɛmɛ nyi Noa, Noa nyi Lamɛki, 37Lamɛki nyi Matusala, Matusala nyi Enɔki, Enɔki nyi Yarɛdɛ, Yaredɛ nyi Malelele, Malelele nyi Kaina, 38Kaina nyi Enɔsi, Enɔsi nyi Sɛti, Sɛti nyi Adamu, Adamu nyi Nzapa.
Currently Selected:
Luka 3: NGB87
Highlight
Share
Copy
Want to have your highlights saved across all your devices? Sign up or sign in
Ngbandi New Testament © United Bible Societies, 1987.
Luka 3
3
Lo tɛ Yoanɛ wa hɛ̃ngɔ batisimɔ
(Mat. 3.1-12; Mar. 1.1-8; Yoa. 1.19-28)
1Ngoi mɛ ndo buru ti lɛngɔ gbia tɛ Tiberɛ mɛ kota gbia ti Roma ĩ ti sui kɔi ndoni okɔ̃ ko, Nzapa apa tɛnɛ hɛ̃ Yoanɛ mɛ nyi Zakaria. Na ngoi ko ndo ko, Pɔnsɛ Pilato ndo gbia ti sese ti Yudea, Erodɛ ndo gbia ti sese ti Galilea, ko Filipo mɛ nyita Erodɛ tɛ lo ndo gbia ti sese ti Iturea nga na ti Trakonitɛ. Lisaniasi ndo gbia ti sese ti Abilɛnɛ, 2ko Anɛ na Kaifa tɛ la ndo akota agbia tɛ awa lungɔ Nzapa na ye. 3Yoanɛ ĩ ma tɛnɛ tɛ Nzapa ko, lo to nda ɔngɔ na lɛ sese kwɛ zu mɛ na tɔ̃ ngu mɛ ili ni la Yurdɛnɛ. Lo to mbela olo hɛ̃ azi ya: “Ale ĩ gbinya bɛ ĩ, ĩ mu batisimɔ, wa Nzapa aka lɛ lo ndo asiɔ ye tɛ ĩ.” 4La tɛnɛ mɛ ndo Ezai wa pangɔ nyɔ Nzapa asu na ya buku tɛ lo ati na seni. Tɛnɛ ni lo mɛ:
“Mbanga zo ndoto mbela ka bɛ ndo ya,
Ĩ lɛkɛ lege alo mbiri mbiri hɛ̃ Gbia oo!
5Ĩ vi akɔdu zu,
Ĩ oro ahɔtɔ na alita zu ati kpa kpa kpa,
Ĩ lonzi alege mɛ ngongbi ngongbi alo mbiri mbiri,
Ĩ lɛkɛ asiɔ lege mɛ na du ase kpa kpa kpa.
6Ko azi zu na hũngɔ se mɛ Nzapa ndoso na e.”
7Azi hingo hingo ndoga ndo ka tɛ Yoanɛ ya, lo hɛ̃ ani batisimɔ. La Yoanɛ apa hɛ̃ la ya: “Ĩ asiɔ azi olo, zo mɛ afa ĩ na lege ti kpɛngɔ ngɔnzɔ mɛ Nzapa na lingɔ hɛ̃ asiɔ azi na? 8Wa ĩ li aye mɛ afa ya, ĩ gbinya bɛ ĩ. Ko ĩ zia nɛngɔ ka bɛ ĩ ya: ‘Abrahama adu kotara e.’ Ta sanga ma, mbi pa hɛ̃ ĩ ya, Nzapa alengbi ti mungɔ atɛ̃nɛ olo gbinyangɔ ni tingɔ azi, azi ko ni ati atara Abrahama! 9Alɛkɛ le dɔ so faranga na ambatana kɛkɛ we. Ko kɛkɛ zu ko la ta ndole nzɔ̃ni ma ko, na dɛngɔ ni, bingɔ ya wá.”
10La azi ko hingo hingo ahũnda lo ya: “Wa ye mɛ ale e li nɛ?” 11Yoanɛ agbinya hɛ̃ la ya: “Ale zo mɛ na ndozu bɔngɔ sɛ ahɛ̃ kɔi hɛ̃ zo mɛ ta na ni ma, ko ale zo ko na tɛ ti tɛngɔ akangbi ni na afɔ̃ lo.” 12Awa sɔrɔngɔ lapo aga nga ndo so mungɔ batisimɔ, ko ala hũnda nga Yoanɛ ya: “Wa hangɔ azi na lo, ye mɛ ale e li nɛ?” 13Yoanɛ agbinya hɛ̃ la ya: “Ta ĩ sɔrɔ faranga ti lapo aɔ ndo omɛ alu ndia na lo ni ma.” 14Aturugu ahũnda nga lo ya: “Wa tɛ e, ye mɛ ale e li nɛ?” Yoanɛ agbinya hɛ̃ la ya: “Ta ĩ mu faranga tɛ zo na nguru, bere ĩ kara lo na tɛrɛ lo wa ĩ mu ni ma. Kanda ale ĩ du na dengɔ bɛ na lo ti faranga ti nzɛ̃ tɛ ĩ.”
15Azi ndoku ndo ya, Mɛsia na gangɔ, ko ala ndolɛndɛrɛ ndo lo sĩ: ko ala ĩ hũ Yoanɛ ko, zo kɔi kɔi ndoda bɛ lo ya, ka lo la Mɛsia ni. 16Yoanɛ ĩ hũ so ko, apa hɛ̃ la zu ya: “Mbi ndoyɔrɔ ĩ ya ngu so hɛ̃ngɔ ĩ batisimɔ, kanda zo mɛ aɔ mbi na nguru na gangɔ gesi, mbi zo mɛ ta mbi lengbi ti zarangɔ kpu pɔrɔ ti gɛrɛ lo, hãngɔ ni ma. Lo na sangɔ Tɔrɔ Santo tɛrɛ ĩ so hɛ̃ngɔ ĩ batisimɔ, Tɔrɔ Santo ni ndoli kwa nga ma wá. 17Zo ni agbɔ̃ lungu so ti lo, ya ni pɛ na le tɛ, wa sã ni agwe katɛ. Lo na bongɔ le tɛ ka ya gɔ tɛ lo, ko lo na zɔngɔ sã ni na wá mɛ ta ndomingɔ bɛ gbɔ ma.”
18Yoanɛ apa ndo tɛnɛ mɛ ndɛ̃ ma wo ma so wangɔ na azi, ko se mɛ ndo lo ndopa na Nzɔ̃ Pa hɛ̃ la la. 19Na ngoi ni ko ndo la Yoanɛ abela gbia Erodɛ, na lo mɛ ya, Erodɛ amu ndo Erodiadɛ mɛ ya nyita lo nvɛni adu na ni. Yoanɛ abela nga ndo lo na lo mɛ ya, lo li nga ndo asiɔ ye mɛ ndɛ̃ sĩ. 20Ko Erodɛ ĩ ma so ko, lo ti lo li siɔ ye mɛ ndɛ̃ na ndo omɛ lo li. Siɔ ye ni lo mɛ: lo hɛ̃ nyɔ ya, agbɔ̃ Yoanɛ, abi lo bɔlɔkɔ.
Yoanɛ ahɛ Yezo batisimɔ
(Mat. 3.13-17; Mar. 1.9-11)
21Uzu ya abi Yoanɛ bɔlɔkɔ ko, Yoanɛ ahɛ̃ batisimɔ hɛ̃ azi zu mɛ ndo so ndo ko, so pɛni lo hɛ̃ nga Yezo batisimɔ. Ngoi mɛ Yezo so ndosambela Nzapa ko, le ndozu azi mbue, 22ko Tɔrɔ Santo agbinya, ati nga ma mbipa, aga azu ndo lo. Ko legɔ̃ zo adu ka ndozu apa ya: “Mɔ Nyi mbi ti kpɔ̃ bɛ mbi, bɛ mbi ndode na lo tɛ mɔ sĩ.”
Akotara Yezo
(Mat. 1.1-17)
23Ngoi mɛ ndo Yezo ato nda lingɔ kwa tɛ lo ko, lo ti ndo na buru nga ma ge tɛ sui ta. Ko azi ndoda ndo bɛ la ya, lo nyi Yozɛfu. Yozɛfu nyi Eli, 24Eli nyi Matatɛ, Matatɛ nyi Levi, Levi nyi Mɛlki, Mɛlki nyi Yanai, Yanai nyi Yozɛfu, 25Yozɛfu nyi Matatiasi, Matatiasi nyi Amɔsi, Amɔsi nyi Nahumɛ, Nahumɛ nyi Esili, Esili nyi Nagai, 26Nagai nyi Mati, Mati nyi Matatiasi, Matatiasi nyi Semeinɛ, Semeinɛ nyi Yozɛki, Yozɛki nyi Yoda, 27Yoda nyi Yoanana, Yoanana nyi Resa, Resa nyi Zorobabɛlɛ, Zorobabɛlɛ nyi Salatiɛlɛ, Salatiɛlɛ nyi Neri, 28Neri nyi Mɛlki, Mɛlki nyi Adi, Adi nyi Kosamɛ, Kosamɛ nyi Ɛlmadamɛ, Ɛlmadamɛ nyi Ɛrɛ. 29Ɛrɛ nyi Yezo, Yezo nyi Eliezɛrɛ, Eliezɛrɛ nyi Yorintɛ, Yorintɛ nyi Matatɛ, Matatɛ nyi Levi, 30Levi nyi Simeona, Simeona nyi Yuda, Yuda nyi Yozɛfu, Yozɛfu nyi Yonamɛ, Yonamɛ nyi Eliakimi, 31Eliakimi nyi Melea, Melea nyi Mɛna, Mɛna nyi Matata, Matata nyi Natana, Natana nyi Davidi, 32Davidi nyi Izai, Izai nyi Yobedɛ, Yobɛdɛ nyi Boazɛ, Boazɛ nyi Sala, Sala nyi Naasona, 33Naasona nyi Aminadabɛ, Aminadabɛ nyi Adimini, Adimini nyi Arni, Arni nyi Ɛsrɔmɛ, Ɛsrɔmɛ nyi Farɛsi, Farɛsi nyi Yuda, 34Yuda nyi Yakobo, Yakobo nyi Izaki, Izaki nyi Abrahama, Abrahama nyi Tara, Tara nyi Nakɔrɛ, 35Nakɔrɛ nyi Seruki, Seruki nyi Ragau, Ragau nyi Falɛkɛ, Falɛkɛ nyi Ɛbɛrɛ, Ɛbɛrɛ nyi Sala, 36Sala nyi Kainamɛ, Kainamɛ nyi Arfakisadɛ, Arfakisadɛ nyi Sɛmɛ, Sɛmɛ nyi Noa, Noa nyi Lamɛki, 37Lamɛki nyi Matusala, Matusala nyi Enɔki, Enɔki nyi Yarɛdɛ, Yaredɛ nyi Malelele, Malelele nyi Kaina, 38Kaina nyi Enɔsi, Enɔsi nyi Sɛti, Sɛti nyi Adamu, Adamu nyi Nzapa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngbandi New Testament © United Bible Societies, 1987.