Matie 12
12
Yezo aha azi na nda lá ti wɔngɔ tɛrɛ
(Mar. 2.23-28; Luk. 6.1-5)
1Na pɛ nyi ngoi ko, Yezo na ava lo so ndofangbi lɛ yaka ti le tɛ mɛ ili ni la ble, na lá ti wɔngɔ tɛrɛ. Gwɛ̃ agbɔ̃ ava lo, la ala kɔrɔ le ble ni atɛ. 2Afarizeo ĩ hũ so ko, ala hũnda Yezo ya: “Ba hĩ! Nda mɛ ava mɔ ndoli ye mɛ ndia tɛ e akɛ̃ ya, ta zo ali na lá ti wɔngɔ tɛrɛ ma nɛ?” 3Yezo agbinya hɛ̃ la ya: “Mbi hĩnga nzɔ̃ni ya, ĩ di mbɛti ti ye mɛ Davidi ali na ngoi mɛ ndo gwɛ̃ agbɔ̃ lo nvɛni, agbɔ̃ nga azi tɛ lo. 4Alu ndo ndia ya, bo awa lungɔ Nzapa na ye la alengbi ti tɛngɔ mapa mɛ alu na Nzapa. Abɛ nga so ko, Davidi na ava lo ali ndo ka ya da Nzapa, alɔ mapa mɛ alu na Nzapa atɛ. 5Mbi hĩnga nga nzɔ̃ni ya, ĩ di mbɛti ti ndia mɛ Mɔizɛ asu. Lo su ya, na lá ti wɔngɔ tɛrɛ ko, awa lungɔ Nzapa na ye ndoli kwa Nzapa ka ya da Nzapa. Wa ta adu ya, oko la ala li so ko, ala ko nyɔ ndia, bere ala li siɔ ye ma. 6Kanda mbi pa hɛ̃ ĩ ya, so ndo mɛ ko, fana lo mɛ aɔ da Nzapa da! 7Buku tɛ Nzapa apa ya: ‘Mbi ye ya, zo ama vundu tɛ fɔ̃ lo, ta mbi ye ya, zo alu mbi na sa ma.’ Se adu ya, ĩ hĩnga nda tɛnɛ ni ko, ale ta ĩ fa ngbanga ĩ bi li azi mɛ ta ali siɔ ye ma. 8Ta sanga ma, mbi Nyi Zo mbi Gbia ti ndo lá ti wɔngɔ terɛ.”
Kɔli mɛ ti lo azɛ
(Mar. 3.1-6; Luk. 6.6-11)
9Yezo alo so ndo ko, agwe ka ya mbanga da sambela kɔi. 10Mbanga kɔli kɔi mɛ ti lo azɛ̃ nga ndo so ya da sambela ni ko. Azi ko so ndo ko asepara ndo vɔ̃ngɔ to tɛrɛ Yezo ya, lo li siɔni, nda mɛ ala hũnda lo ya: “Ndia tɛ e aye ya, e sara zo na lá ti wɔngɔ tɛrɛ?” 11Yezo agbinya hɛ̃ la ya: “Se mbanga zo kɔi na popo tɛ ĩ adu bo na ngasã ngbaga kɔi, ko ngasã ngbaga ni ati ya du mɛ lipi lipi na lá ti wɔngɔ tɛrɛ ko, zo ni na zungɔ ka ya du ni, singɔ na ngasã ngbaga tɛ lo. 12Ko zo aɔ ngasã ngbaga sĩ nvɛni! Se mɛ nga ndia ahɛ̃ e lege ya, e li nzɔ̃ ye hɛ̃ zo na lá ti wɔngɔ tɛrɛ la.” 13La Yezo apa hɛ̃ kɔli ko ti lo azɛ̃ ya: “Ye ti mɔ.” Kɔli ko ĩ ye ti lo ko, ti lo ati nzɔ̃ni, nga ma ti mbage ni. 14Afarizeo ĩ gwe ko, ala gbe lingo so bangɔ se mɛ ala lengbi ti gbɔ̃ngɔ Yezo hongɔ lo.
Wa kwa mɛ Nzapa asara lo akpã
15Ngoi mɛ Yezo ĩ ma so ko, lo lo so ndo ko lo ɔ, ko azi gba anɔ pɛko lo. Lo sara awa ngã zu, 16ko lo kẽ hɛ̃ la kpengbani ya, ta ala pa hɛ̃ azi ya, ni Yezo la ni sara la ma. 17Adu ndo so ya, tɛnɛ mɛ ndo Ezai wa pangɔ nyɔ Nzapa atɛnɛ ati na seni. Tɛnɛ ni lo mɛ:
18“Nzapa apa ya:
Ĩ ba wa kwa tɛ mbi Nzapa mɛ ndo mbi sara lo mbi kpã lo mɛ.
Mbi ndoye lo sĩ, ko bɛ mbi ndode nga na lo tɛ lo sĩ.
Mbi hɛ̃ gbanda lo Tɔrɔ tɛ mbi,
Ko lo pa gbanda hɛ̃ azi ya, ngbanga mɛ mbi ndofa adu na seni.
19Ta lo pa gbanda pa na zo kɔi ma, ta lo dɛ gbanda kɔngɔ ma.
Ta azi ama gbanda lo na tɛnɛngɔ tɛnɛ ka ta lege ma.
20Lo du gbanda woni na lo tɛ azi mɛ ta na nguru ma.
Adu nga ma ta lo mingɔ gbanda wá ti mɔinda mɛ ndoza lungu lungu ma.
Lo li gbanda so, nga ka azi atɔndɔ ndia tɛ Nzapa. 21Ko azi ti lɛ sese zu alɛndɛrɛ gbanda lo.”
Yezo akɛ ya ta nguru tɛ ni alo ka tɛ Satana ma
(Mar. 3.20-30; Luk. 11.14-23)
22La amu kɔli kɔi mɛ wa ziba, aga na lo hɛ̃ Yezo. Kɔli ni ndo nga buburu, na lo mɛ ya, lo na siɔ tɔrɔ ya tɛrɛ lo. Yezo ĩ sara lo ko, lo tɛnɛ tɛnɛ, lo hũ nga ndo. 23Azi mɛ aga butu butu abema ndo sĩ, ko ala pa ya: “Tara Davidi mɛ andopa lo tɛ lo ko, lo lo mɛ?” 24Afarizeo ĩ ma la ĩ tɛnɛ so ko, ala pa ya: “Zo kɔli olo ndotoma asiɔ tɔrɔ ya tɛrɛ azi, bo na lo mɛ ya, Belzebulɛ mɛ gbia tɛ asiɔ tɔrɔ la ahɛ̃ lo nguru ni ko!” 25Ko Yezo ahĩnga dangɔ bɛ tɛ la, la lo pa hɛ̃ la ya: “Sese tɛ gbia ko la azi ni ndotiri to na popo tɛ la ko, anɔ ngbĩi, ko azi ti sese ni agundu. Azi ti kɔdɔrɔ zu, bere azi ti nda se wa zu mɛ ta ndomangbi ma ko, ta ala la gegi ngoi yɔngɔrɔni ma. 26Wa se Satana atoma atɔrɔ mɛ ava lo nvɛni ko, oko alengbi ya, lo tiri to na tɛrɛ lo nvɛni la. Ko kɔdɛ mɛ lo lɛngɔ gbia tɛ lo angbã sia? 27Ĩ ndopa ya, mbi ndotoma asiɔ tɔrɔ na ya tɛrɛ azi na nguru tɛ Belzebulɛ, wa zo mɛ ahɛ̃ ava ĩ nguru ti tomangɔ na asiɔ tɔrɔ na ya tɛrɛ azi na? Ava ĩ nvɛni afa ya, ngbanga ati na ĩ. 28Ti bɛta tɛnɛ ko, mbi ndotoma asiɔ tɔrɔ na nguru tɛ Tɔrɔ tɛ Nzapa. Ko oko afa ya, Nzapa ndolɛ gbia na ndo ĩ.
29“Se ta zo agbe wa nguru na kpu uzu ma ko, ta zo ni alengbi ti lingɔ ka ya da tɛ wa nguru, nzĩngɔ aye tɛ lo ma. Wa se lo gbe wa nguru wɛ ko, lo lengbi ti nzĩngɔ ye kwɛ zu mɛ ka ya da tɛ lo.
30“Zo ko la ta mbi na lo e ndodu ndoni kɔi ma ko, wa kɛ̃ngɔ mbi la. Zo ko la ta ndoza mbi ya, mbi na lo e bombi azi ma ko, wa gundungɔ ya azi la. 31Nda mɛ mbi pa hɛ̃ ĩ ya, Nzapa alengbi ti kangɔ lɛ lo na ndo siɔ ye zu mɛ azi ndoli, nga na ndo gu zu mɛ ala ndoguru na lo la. Kanda zo ko la aguru Tɔrɔ Santo ko, ta Nzapa alengbi ti kangɔ lɛ lo ndo siɔ ye tɛ lo ma. 32Zo ko gbanda la atɛnɛ tɛnɛ siɔni na ili mbi Nyi Zo ko, Nzapa aka gbanda lɛ lo ndo siɔ ye tɛ zo ni ko. Kanda zo ko gbanda la atɛnɛ tɛnɛ siɔni na ili Tɔrɔ Santo ko, ta Nzapa aka gbanda lɛ lo ndo siɔ ye tɛ zo ni ko na ngoi olo, bere na ngoi mɛ na gangɔ ma.”
Kɛkɛ na Ie kɛkɛ
(Luk. 6.43-45)
33“Se ĩ separa luangɔ nzɔ̃ le kɛkɛ ko, ale kɛkɛ ni adu nzɔ̃ni. Se kɛkɛ adu siɔni ko, ĩ na luangɔ nga siɔ le kɛkɛ. Andohĩnga kɛkɛ na lo ti le ni. 34Ĩ du asiɔ azi nga ma se tɛ angbɔ! Ko kɔdɛ mɛ ĩ lengbi ti tɛnɛngɔ nzɔ̃ tɛnɛ sia? Ta sanga ma, tɛnɛ mɛ asĩ ka ya bɛ ĩ la nyɔ ĩ ndosi na ni yango. 35Nzɔ̃ zo ndoli nzɔ̃ lo mɛ ka bɛ lo. Siɔ zo ndoli nga siɔ lo mɛ ka bɛ lo. 36Mbi pa hɛ̃ ĩ ya, na lá ti fangɔ ngbanga gbanda ko, Nzapa afa gbanda ngbanga tɛ azi mɛ ndo ndosi na tɛnɛ zu mɛ ta nda ni da ma. 37Ta sanga ma, na lo tɛnɛ mɛ mɔ ndotɛnɛ la Nzapa afa gbanda ngbanga tɛ mɔ, ko lo pa gbanda ya, ta mɔ li siɔ ye kɔi ma, bere lo pa gbanda ya, ngbanga ati na mɔ.”
Azi ahũnda Yezo ya lo li ye ti kpɛnɛ
(Mar. 8.11-12; Luk. 11.29-32)
38La ambanga awa hangɔ ndia na ambanga Afarizeo ahũnda Yezo ya: “Wa hangɔ lo tɛ Nzapa, e ye ya, mɔ li hɛ̃ e ye ti kpɛnɛ, e ba.” 39Yezo ĩ ma so ko, agbinya hɛ̃ la ya: “Azi ti ngoi olo mɛ adu asiɔ azi, ala du nga awa wezangɔ lo tɛ Nzapa, ko ala ndohũnda mbi ya, mbi li hɛ̃ ani ye ti kpɛnɛ. Kanda ta mbi na lingɔ ye ti kpɛnɛ kɔi ma, angbã bo ye ti kpɛnɛ mɛ ndo Nzapa ali na Yonasi mɛ ndo wa pangɔ nyɔ Nzapa. 40Ta sanga ma, nga ma la Yonasi ali ndo bi ta, lá nga ta ka ya kota susu ko, se mɛ nga mbi Nyi Zo mbi na lingɔ bi ta, lá nga ta ka gbɛ sese la. 41Na lá ti fangɔ ngbanga gbanda ko, azi ti Ninivɛ alonga gbanda na gbɛlɛ azi ti ngoi mɛ, avɔ̃ to tɛrɛ la. Ta sanga ma, na ngoi mɛ ndo azi ti Ninivɛ ĩ ma Yonasi ĩ pa tɛnɛ tɛ Nzapa ko, ala gbinya bɛ la. Ko so ndo mɛ ko, mbanga zo mɛ aɔ Yonasi da! 42Na lá ti fangɔ ngbanga gbanda ko, gbia wali mɛ ndo ale gbia ka sese ti mbongo alo gbanda na gbɛlɛ azi ti ngoi mɛ, avɔ̃ to tɛrɛ la. Ta sanga ma, lo lo ndo ka nda sese gbɔ, lo ga so nrangɔ tɛnɛ mɛ Salomɔ atɛnɛ na ndara. Ko so ndo mɛ ko, mbanga zo mɛ aɔ Salomɔ da!”
Siɔ tɔrɔ adiri ali na ndo mɛ lo lo da lo si
(Luk. 11.24-26)
43“Ngoi ko la siɔ tɔrɔ alo ka ya tɛrɛ zo asi ko, lo ngbɛ̃ngbɛ̃nɛ na kuru ndo, ya ni gi ndo ni wɔ tɛrɛ ni da. Se ta lo lua ndo ni ma ko, 44lo pa ka ya bɛ lo ya: ‘Mbi na diringɔ ka ya da tɛ mbi mɛ mbi lo da mbi si.’ Wa na ngoi ko la lo diri kai ko, lo tã ya da ni gɛgɛrɛ, ayɔ ya ni, alɛkɛ ni nzɔ̃ni. 45Lo ĩ hũ so ko, lo nɔ, lo lɔ asiɔ tɔrɔ mɛ ndɛ̃ mbara mbara mɛ ala siɔni buai aɔ lo, lo ga na la, ko lo na la adunga ka ya tɛrɛ zo ni. Na lo ni ko, du tɛ zo ko ati gbɛ̃ aɔ ti uzu. Se tɛ asiɔ azi ti ngoi olo gbanda nga la.”
Ta Yezo na ayata Yezo
(Mar. 3.31-35; Luk. 8.19-21)
46Ngoi mɛ Yezo ade na tɛnɛngɔ tɛnɛ hɛ̃ azi butu butu ko, ta lo na ayata lo asi. Ala ndo ka gegi, ko ala ndogi ndo kɔdɛ ya, ani tɛnɛ tɛnɛ hɛ̃ lo. 47La mbanga zo kɔi apa hɛ̃ Yezo ya: “Ta mɔ na ayata mɔ la ka gegi, ala ye tɛnɛngɔ tɛnɛ hɛ̃ mɔ.” 48Yezo agbinya hɛ̃ zo ni ko ya: “Ta mbi na? Ko ayata mbi nga na?” 49Ko lo ye ti lo tɛrɛ ava lo, lo pa ya: “Ĩ ba ta mbi na ayata mbi lo mɛ. 50Ta sanga ma, zo ko la ali ye mɛ bɛ To mbi mɛ ka yayu aye ko, zo ni ko lo nyita mbi ti kɔli, bere nyita mbi ti wali, bere lo nga ta mbi.”
Currently Selected:
Matie 12: NGB87
Highlight
Share
Copy
Want to have your highlights saved across all your devices? Sign up or sign in
Ngbandi New Testament © United Bible Societies, 1987.
Matie 12
12
Yezo aha azi na nda lá ti wɔngɔ tɛrɛ
(Mar. 2.23-28; Luk. 6.1-5)
1Na pɛ nyi ngoi ko, Yezo na ava lo so ndofangbi lɛ yaka ti le tɛ mɛ ili ni la ble, na lá ti wɔngɔ tɛrɛ. Gwɛ̃ agbɔ̃ ava lo, la ala kɔrɔ le ble ni atɛ. 2Afarizeo ĩ hũ so ko, ala hũnda Yezo ya: “Ba hĩ! Nda mɛ ava mɔ ndoli ye mɛ ndia tɛ e akɛ̃ ya, ta zo ali na lá ti wɔngɔ tɛrɛ ma nɛ?” 3Yezo agbinya hɛ̃ la ya: “Mbi hĩnga nzɔ̃ni ya, ĩ di mbɛti ti ye mɛ Davidi ali na ngoi mɛ ndo gwɛ̃ agbɔ̃ lo nvɛni, agbɔ̃ nga azi tɛ lo. 4Alu ndo ndia ya, bo awa lungɔ Nzapa na ye la alengbi ti tɛngɔ mapa mɛ alu na Nzapa. Abɛ nga so ko, Davidi na ava lo ali ndo ka ya da Nzapa, alɔ mapa mɛ alu na Nzapa atɛ. 5Mbi hĩnga nga nzɔ̃ni ya, ĩ di mbɛti ti ndia mɛ Mɔizɛ asu. Lo su ya, na lá ti wɔngɔ tɛrɛ ko, awa lungɔ Nzapa na ye ndoli kwa Nzapa ka ya da Nzapa. Wa ta adu ya, oko la ala li so ko, ala ko nyɔ ndia, bere ala li siɔ ye ma. 6Kanda mbi pa hɛ̃ ĩ ya, so ndo mɛ ko, fana lo mɛ aɔ da Nzapa da! 7Buku tɛ Nzapa apa ya: ‘Mbi ye ya, zo ama vundu tɛ fɔ̃ lo, ta mbi ye ya, zo alu mbi na sa ma.’ Se adu ya, ĩ hĩnga nda tɛnɛ ni ko, ale ta ĩ fa ngbanga ĩ bi li azi mɛ ta ali siɔ ye ma. 8Ta sanga ma, mbi Nyi Zo mbi Gbia ti ndo lá ti wɔngɔ terɛ.”
Kɔli mɛ ti lo azɛ
(Mar. 3.1-6; Luk. 6.6-11)
9Yezo alo so ndo ko, agwe ka ya mbanga da sambela kɔi. 10Mbanga kɔli kɔi mɛ ti lo azɛ̃ nga ndo so ya da sambela ni ko. Azi ko so ndo ko asepara ndo vɔ̃ngɔ to tɛrɛ Yezo ya, lo li siɔni, nda mɛ ala hũnda lo ya: “Ndia tɛ e aye ya, e sara zo na lá ti wɔngɔ tɛrɛ?” 11Yezo agbinya hɛ̃ la ya: “Se mbanga zo kɔi na popo tɛ ĩ adu bo na ngasã ngbaga kɔi, ko ngasã ngbaga ni ati ya du mɛ lipi lipi na lá ti wɔngɔ tɛrɛ ko, zo ni na zungɔ ka ya du ni, singɔ na ngasã ngbaga tɛ lo. 12Ko zo aɔ ngasã ngbaga sĩ nvɛni! Se mɛ nga ndia ahɛ̃ e lege ya, e li nzɔ̃ ye hɛ̃ zo na lá ti wɔngɔ tɛrɛ la.” 13La Yezo apa hɛ̃ kɔli ko ti lo azɛ̃ ya: “Ye ti mɔ.” Kɔli ko ĩ ye ti lo ko, ti lo ati nzɔ̃ni, nga ma ti mbage ni. 14Afarizeo ĩ gwe ko, ala gbe lingo so bangɔ se mɛ ala lengbi ti gbɔ̃ngɔ Yezo hongɔ lo.
Wa kwa mɛ Nzapa asara lo akpã
15Ngoi mɛ Yezo ĩ ma so ko, lo lo so ndo ko lo ɔ, ko azi gba anɔ pɛko lo. Lo sara awa ngã zu, 16ko lo kẽ hɛ̃ la kpengbani ya, ta ala pa hɛ̃ azi ya, ni Yezo la ni sara la ma. 17Adu ndo so ya, tɛnɛ mɛ ndo Ezai wa pangɔ nyɔ Nzapa atɛnɛ ati na seni. Tɛnɛ ni lo mɛ:
18“Nzapa apa ya:
Ĩ ba wa kwa tɛ mbi Nzapa mɛ ndo mbi sara lo mbi kpã lo mɛ.
Mbi ndoye lo sĩ, ko bɛ mbi ndode nga na lo tɛ lo sĩ.
Mbi hɛ̃ gbanda lo Tɔrɔ tɛ mbi,
Ko lo pa gbanda hɛ̃ azi ya, ngbanga mɛ mbi ndofa adu na seni.
19Ta lo pa gbanda pa na zo kɔi ma, ta lo dɛ gbanda kɔngɔ ma.
Ta azi ama gbanda lo na tɛnɛngɔ tɛnɛ ka ta lege ma.
20Lo du gbanda woni na lo tɛ azi mɛ ta na nguru ma.
Adu nga ma ta lo mingɔ gbanda wá ti mɔinda mɛ ndoza lungu lungu ma.
Lo li gbanda so, nga ka azi atɔndɔ ndia tɛ Nzapa. 21Ko azi ti lɛ sese zu alɛndɛrɛ gbanda lo.”
Yezo akɛ ya ta nguru tɛ ni alo ka tɛ Satana ma
(Mar. 3.20-30; Luk. 11.14-23)
22La amu kɔli kɔi mɛ wa ziba, aga na lo hɛ̃ Yezo. Kɔli ni ndo nga buburu, na lo mɛ ya, lo na siɔ tɔrɔ ya tɛrɛ lo. Yezo ĩ sara lo ko, lo tɛnɛ tɛnɛ, lo hũ nga ndo. 23Azi mɛ aga butu butu abema ndo sĩ, ko ala pa ya: “Tara Davidi mɛ andopa lo tɛ lo ko, lo lo mɛ?” 24Afarizeo ĩ ma la ĩ tɛnɛ so ko, ala pa ya: “Zo kɔli olo ndotoma asiɔ tɔrɔ ya tɛrɛ azi, bo na lo mɛ ya, Belzebulɛ mɛ gbia tɛ asiɔ tɔrɔ la ahɛ̃ lo nguru ni ko!” 25Ko Yezo ahĩnga dangɔ bɛ tɛ la, la lo pa hɛ̃ la ya: “Sese tɛ gbia ko la azi ni ndotiri to na popo tɛ la ko, anɔ ngbĩi, ko azi ti sese ni agundu. Azi ti kɔdɔrɔ zu, bere azi ti nda se wa zu mɛ ta ndomangbi ma ko, ta ala la gegi ngoi yɔngɔrɔni ma. 26Wa se Satana atoma atɔrɔ mɛ ava lo nvɛni ko, oko alengbi ya, lo tiri to na tɛrɛ lo nvɛni la. Ko kɔdɛ mɛ lo lɛngɔ gbia tɛ lo angbã sia? 27Ĩ ndopa ya, mbi ndotoma asiɔ tɔrɔ na ya tɛrɛ azi na nguru tɛ Belzebulɛ, wa zo mɛ ahɛ̃ ava ĩ nguru ti tomangɔ na asiɔ tɔrɔ na ya tɛrɛ azi na? Ava ĩ nvɛni afa ya, ngbanga ati na ĩ. 28Ti bɛta tɛnɛ ko, mbi ndotoma asiɔ tɔrɔ na nguru tɛ Tɔrɔ tɛ Nzapa. Ko oko afa ya, Nzapa ndolɛ gbia na ndo ĩ.
29“Se ta zo agbe wa nguru na kpu uzu ma ko, ta zo ni alengbi ti lingɔ ka ya da tɛ wa nguru, nzĩngɔ aye tɛ lo ma. Wa se lo gbe wa nguru wɛ ko, lo lengbi ti nzĩngɔ ye kwɛ zu mɛ ka ya da tɛ lo.
30“Zo ko la ta mbi na lo e ndodu ndoni kɔi ma ko, wa kɛ̃ngɔ mbi la. Zo ko la ta ndoza mbi ya, mbi na lo e bombi azi ma ko, wa gundungɔ ya azi la. 31Nda mɛ mbi pa hɛ̃ ĩ ya, Nzapa alengbi ti kangɔ lɛ lo na ndo siɔ ye zu mɛ azi ndoli, nga na ndo gu zu mɛ ala ndoguru na lo la. Kanda zo ko la aguru Tɔrɔ Santo ko, ta Nzapa alengbi ti kangɔ lɛ lo ndo siɔ ye tɛ lo ma. 32Zo ko gbanda la atɛnɛ tɛnɛ siɔni na ili mbi Nyi Zo ko, Nzapa aka gbanda lɛ lo ndo siɔ ye tɛ zo ni ko. Kanda zo ko gbanda la atɛnɛ tɛnɛ siɔni na ili Tɔrɔ Santo ko, ta Nzapa aka gbanda lɛ lo ndo siɔ ye tɛ zo ni ko na ngoi olo, bere na ngoi mɛ na gangɔ ma.”
Kɛkɛ na Ie kɛkɛ
(Luk. 6.43-45)
33“Se ĩ separa luangɔ nzɔ̃ le kɛkɛ ko, ale kɛkɛ ni adu nzɔ̃ni. Se kɛkɛ adu siɔni ko, ĩ na luangɔ nga siɔ le kɛkɛ. Andohĩnga kɛkɛ na lo ti le ni. 34Ĩ du asiɔ azi nga ma se tɛ angbɔ! Ko kɔdɛ mɛ ĩ lengbi ti tɛnɛngɔ nzɔ̃ tɛnɛ sia? Ta sanga ma, tɛnɛ mɛ asĩ ka ya bɛ ĩ la nyɔ ĩ ndosi na ni yango. 35Nzɔ̃ zo ndoli nzɔ̃ lo mɛ ka bɛ lo. Siɔ zo ndoli nga siɔ lo mɛ ka bɛ lo. 36Mbi pa hɛ̃ ĩ ya, na lá ti fangɔ ngbanga gbanda ko, Nzapa afa gbanda ngbanga tɛ azi mɛ ndo ndosi na tɛnɛ zu mɛ ta nda ni da ma. 37Ta sanga ma, na lo tɛnɛ mɛ mɔ ndotɛnɛ la Nzapa afa gbanda ngbanga tɛ mɔ, ko lo pa gbanda ya, ta mɔ li siɔ ye kɔi ma, bere lo pa gbanda ya, ngbanga ati na mɔ.”
Azi ahũnda Yezo ya lo li ye ti kpɛnɛ
(Mar. 8.11-12; Luk. 11.29-32)
38La ambanga awa hangɔ ndia na ambanga Afarizeo ahũnda Yezo ya: “Wa hangɔ lo tɛ Nzapa, e ye ya, mɔ li hɛ̃ e ye ti kpɛnɛ, e ba.” 39Yezo ĩ ma so ko, agbinya hɛ̃ la ya: “Azi ti ngoi olo mɛ adu asiɔ azi, ala du nga awa wezangɔ lo tɛ Nzapa, ko ala ndohũnda mbi ya, mbi li hɛ̃ ani ye ti kpɛnɛ. Kanda ta mbi na lingɔ ye ti kpɛnɛ kɔi ma, angbã bo ye ti kpɛnɛ mɛ ndo Nzapa ali na Yonasi mɛ ndo wa pangɔ nyɔ Nzapa. 40Ta sanga ma, nga ma la Yonasi ali ndo bi ta, lá nga ta ka ya kota susu ko, se mɛ nga mbi Nyi Zo mbi na lingɔ bi ta, lá nga ta ka gbɛ sese la. 41Na lá ti fangɔ ngbanga gbanda ko, azi ti Ninivɛ alonga gbanda na gbɛlɛ azi ti ngoi mɛ, avɔ̃ to tɛrɛ la. Ta sanga ma, na ngoi mɛ ndo azi ti Ninivɛ ĩ ma Yonasi ĩ pa tɛnɛ tɛ Nzapa ko, ala gbinya bɛ la. Ko so ndo mɛ ko, mbanga zo mɛ aɔ Yonasi da! 42Na lá ti fangɔ ngbanga gbanda ko, gbia wali mɛ ndo ale gbia ka sese ti mbongo alo gbanda na gbɛlɛ azi ti ngoi mɛ, avɔ̃ to tɛrɛ la. Ta sanga ma, lo lo ndo ka nda sese gbɔ, lo ga so nrangɔ tɛnɛ mɛ Salomɔ atɛnɛ na ndara. Ko so ndo mɛ ko, mbanga zo mɛ aɔ Salomɔ da!”
Siɔ tɔrɔ adiri ali na ndo mɛ lo lo da lo si
(Luk. 11.24-26)
43“Ngoi ko la siɔ tɔrɔ alo ka ya tɛrɛ zo asi ko, lo ngbɛ̃ngbɛ̃nɛ na kuru ndo, ya ni gi ndo ni wɔ tɛrɛ ni da. Se ta lo lua ndo ni ma ko, 44lo pa ka ya bɛ lo ya: ‘Mbi na diringɔ ka ya da tɛ mbi mɛ mbi lo da mbi si.’ Wa na ngoi ko la lo diri kai ko, lo tã ya da ni gɛgɛrɛ, ayɔ ya ni, alɛkɛ ni nzɔ̃ni. 45Lo ĩ hũ so ko, lo nɔ, lo lɔ asiɔ tɔrɔ mɛ ndɛ̃ mbara mbara mɛ ala siɔni buai aɔ lo, lo ga na la, ko lo na la adunga ka ya tɛrɛ zo ni. Na lo ni ko, du tɛ zo ko ati gbɛ̃ aɔ ti uzu. Se tɛ asiɔ azi ti ngoi olo gbanda nga la.”
Ta Yezo na ayata Yezo
(Mar. 3.31-35; Luk. 8.19-21)
46Ngoi mɛ Yezo ade na tɛnɛngɔ tɛnɛ hɛ̃ azi butu butu ko, ta lo na ayata lo asi. Ala ndo ka gegi, ko ala ndogi ndo kɔdɛ ya, ani tɛnɛ tɛnɛ hɛ̃ lo. 47La mbanga zo kɔi apa hɛ̃ Yezo ya: “Ta mɔ na ayata mɔ la ka gegi, ala ye tɛnɛngɔ tɛnɛ hɛ̃ mɔ.” 48Yezo agbinya hɛ̃ zo ni ko ya: “Ta mbi na? Ko ayata mbi nga na?” 49Ko lo ye ti lo tɛrɛ ava lo, lo pa ya: “Ĩ ba ta mbi na ayata mbi lo mɛ. 50Ta sanga ma, zo ko la ali ye mɛ bɛ To mbi mɛ ka yayu aye ko, zo ni ko lo nyita mbi ti kɔli, bere nyita mbi ti wali, bere lo nga ta mbi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngbandi New Testament © United Bible Societies, 1987.