Matie 19
19
Yezo aba lo ti ziangbingɔ tɛ kɔli na wali
(Mar. 10.1-12)
1Ngoi mɛ Yɛzo ĩ kɔ nda tɛnɛ ko wɛ ko, lo dɔ sese ti Galilea lo zia, lo gwe ka mbanga sese ti Yudea mɛ ka mbage ngu ti Yurdɛnɛ. 2Azi butu butu aɔ pɛko lo kai, lo sara awa nga mɛ azi ko aga na la hɛ̃ lo.
3Ambanga Afarizeo anɔ ka tɛ lo so gingɔ kɔdɛ ya, ani gbɔ̃ nda lo. Ala hũnda lo ya: “Ndia tɛ e ahɛ̃ lege ya, kɔli azia ya lo na lo ti alo zu?” 4Yezo agbinya hɛ̃ la ya: “Mbi hĩnga ya, ĩ di tɛnɛ mɛ asu ka ya Buku tɛ Nzapa! Tɛnɛ ni lo mɛ: ‘Ndo uzu na ngoi mɛ Nzapa ali ye zu ko, lo li kɔli na wali.’ 5So pɛni, lo pa ya: ‘Na lo ni ko, kɔli na ziangɔ da tɛ to lo na ta lo, ana ya lo adu ndoni kɔi, ko ala zu sɛ ati bo zo kɔi.’ 6Na lo ni ko, ta ala ti dɛ azi sɛ ma, kanda ala ti bo zo kɔi. Wa azi mɛ Nzapa agungbi la ko, ale ta zo akangbi ya la ma.” 7Afarizeo ahũnda nga lo ya: “Wa nda mɛ Mɔizɛ ahɛ̃ nyɔ ya, se kɔli aye ziangɔ ya lo ko, ale lo su hɛ̃ lo mbɛti ti ziangbingɔ nɛ?” 8Yezo agbinya hɛ̃ la ya: “Mɔizɛ ahɛ̃ ĩ lege ya, ĩ zia awe ĩ, na lo mɛ ya, ĩ awa kpengba li. Kanda ti kɔzoni ndo ko, ta adu ndo so ma. 9Mbi pa hɛ̃ ĩ ya, se ta wali ati kɔmbɛ ma, ko kɔ lo azia lo, adu na wali mɛ ndɛ̃ ko, kɔli ni ko ati kɔmbɛ.”
10Ava lo apa hɛ̃ lo ya: “Se adu ya, lo tɛ kɔli na wali adu nga so ko, nzɔ̃ni ale ta azi adungbi ma.” 11Yezo agbinya hɛ̃ la ya: “Ta azi zu alengbi ti yengɔ lo olo ma, kanda bo azi mɛ Nzapa ahɛ̃ la lo olo la alengbi ti yengɔ ni. 12Ye mɛ agbanzi akɔli ya, ta ala du na wali ma ko, nda ni adu ndɛ̃ ndɛ̃ ndɛ̃. Tɛ ambanga ko, ato bo na ngoi mɛ ndo adú na la ko, tɛrɛ la ti kɔli akpi, tɛ ambanga ko, aɔrɔ la. Tɛ ambanga mɛ ndɛ̃ ko, ta ala ndodu na wali ma, so lingɔ kwa na lo ti lo Lɛngɔ Gbia tɛ Nzapa. Zo ko la alengbi ti yengɔ lo olo ko, lo ye!”
Yezo asunu ayangambi
(Mar. 10.13-16; Luk. 18.15-17)
13Azi aga na ayangambi hɛ̃ Yezo ya, lo kpã ti lo ndo la so sunungɔ la, ko lo sambela nga na lo tɛ la. Ava lo ĩ hũ azi ni ko, ala bela la. 14La Yezo apa hɛ̃ la ya: “Ale ĩ zia ayangambi aga ge tɛ mbi! Ta ĩ gbanzi la ma, ta sanga ma, Kɔdɔrɔ Gbia tɛ Nzapa adu na lo tɛ azi mɛ bɛ la nga ma bɛ ayangambi.” 15So pɛni, lo mu la lo kpã ti lo ndo la, lo sunu la, la lo lo so ndo ko lo gwe.
Pandara kɔi mɛ wa nwa ahũnda Yezo na ndo
(Mar. 10.17-31; Luk. 18.18-30)
16Pandara kɔi anɔ ka tɛ Yezo, ahũnda lo ya: “Wa hangɔ lo tɛ Nzapa, nzɔ̃ ye mɛ mbi lengbi ti lingɔ, wa mbi lua du ti kaka nɛ?” 17Yezo agbinya hɛ̃ lo ya: “Nda mɛ mɔ hũnda mbi na lo ti ye mɛ nzɔ̃ni nɛ? Bo zo kɔi la nzɔ̃ni. Se mɔ ye luangɔ du ti kaka ko, tɔndɔ andia.” 18Pandara ko ahũnda Yezo ya: “Andia mɛ mbi lengbi ti tɔndɔngɔ ni nɛ?” La Yezo agbinya hɛ̃ lo ya: “Ta mɔ ho zo ma, ta mɔ ti kɔmbɛ ma, ta mɔ nzĩ ye ma, ta mɔ pa nvɛnɛ na ili zo ma, 19tɔndɔ to mɔ na ta mɔ, ye afɔ̃ mɔ nga ma se mɛ mɔ ndoye na tɛrɛ mɔ nvɛni.” 20La pandara ko agbinya hɛ̃ lo ya: “Mbi tɔndɔ andia ko zu. Ko ye mɛ mbi lengbi nga ti lingɔ nɛ?” 21Yezo apa hɛ̃ lo ya: “Se mɔ ye ya mɔ du bɛta nzɔ̃ zo ko, gwe, mɔ ka aye tɛ mɔ zu na ngere, ko mɔ mu faranga ni, mɔ hɛ̃ awa yɛlɛ. So pɛni, mɔ diri mɔ ga, e na mɔ e ɔ ndoni kɔi. Wa gbanda mɔ lua nwa ka yayu.” 22Ko ngoi mɛ pandara ko ĩ ma so ko, lo hã nɔ, lo gwe na kota vundu, na lo mɛ ya, lo ndo na nwa sĩ.
23La Yezo apa hɛ̃ ava lo ya: “Mbi pa hɛ̃ ĩ ti bɛta tɛnɛ ya, adu kpengbani ya, wa nwa asi ka Kɔdɔrɔ Gbia tɛ Nzapa. 24Ko mbi pa nga hɛ̃ ĩ ya, adu kpengbani ya, mbarata ali ti lɛ do súa, ko ati du kpengbani buai ya, wa nwa asi ka Kɔdɔrɔ Gbia tɛ Nzapa.” 25Ngoi mɛ ava Yezo ĩ ma Yezo ĩ tɛnɛ so ko, ala bema sĩ, ko ala hũnda lo ya: “Wa zo mɛ na songɔ na?” 26Yezo aba la, agbinya hɛ̃ la ya: “Ta zo alengbi ti songɔ tɛrɛ lo nvɛni ma, kanda bo Nzapa kɔi la alengbi ti songɔ zo, ta sanga ma, Nzapa alengbi tɛ lo ti lingɔ ye zu.”
27La Petro ahũnda lo ya: “Ma mbi, wa omɛ e zia aye tɛ e kwɛ zu, e na mɔ e ndoɔ ndoni kɔi ko, ye mɛ gbanda Nzapa ahẽ e nɛ?” 28La Yezo agbinya hɛ̃ la ya: “Mbi pa hɛ̃ ĩ ti bɛta tɛnɛ ya, mbi Nyi Zo mbi du gbanda ka fana sese, na ndo ngɛndɛ tɛ mbi ti gbia mɛ na ndima. Na ngoi ni gbanda ko, ĩ ava mbi sui kɔi ndoni se mɛ e na ĩ e ndoɔ ndoni kɔi, ĩ dunga nga gbanda na ndo angɛndɛ gbia, so fangɔ ngbanga tɛ azi ti ya ale sui kɔi ndoni se mɛ so Izrayɛlɛ. 29Ko azi zu mɛ azia da tɛ la, na ayata la ti kɔli na ti wali, na to la, na ta la, na aya la, bere nga ayaka tɛ la na lo tɛ mbi ko, ala na luangɔ la aɔ fani ngbangbo kɔi, ko ala nga na luangɔ du ti kaka. 30Ko na olo, azi ma wo ma mɛ awa li ni na olo ko, ala na tingɔ nda ni, ko azi ma wo ma mɛ awa nda ni na olo ko, ala na tingɔ awa li ni.”
Currently Selected:
Matie 19: NGB87
Highlight
Share
Copy
Want to have your highlights saved across all your devices? Sign up or sign in
Ngbandi New Testament © United Bible Societies, 1987.
Matie 19
19
Yezo aba lo ti ziangbingɔ tɛ kɔli na wali
(Mar. 10.1-12)
1Ngoi mɛ Yɛzo ĩ kɔ nda tɛnɛ ko wɛ ko, lo dɔ sese ti Galilea lo zia, lo gwe ka mbanga sese ti Yudea mɛ ka mbage ngu ti Yurdɛnɛ. 2Azi butu butu aɔ pɛko lo kai, lo sara awa nga mɛ azi ko aga na la hɛ̃ lo.
3Ambanga Afarizeo anɔ ka tɛ lo so gingɔ kɔdɛ ya, ani gbɔ̃ nda lo. Ala hũnda lo ya: “Ndia tɛ e ahɛ̃ lege ya, kɔli azia ya lo na lo ti alo zu?” 4Yezo agbinya hɛ̃ la ya: “Mbi hĩnga ya, ĩ di tɛnɛ mɛ asu ka ya Buku tɛ Nzapa! Tɛnɛ ni lo mɛ: ‘Ndo uzu na ngoi mɛ Nzapa ali ye zu ko, lo li kɔli na wali.’ 5So pɛni, lo pa ya: ‘Na lo ni ko, kɔli na ziangɔ da tɛ to lo na ta lo, ana ya lo adu ndoni kɔi, ko ala zu sɛ ati bo zo kɔi.’ 6Na lo ni ko, ta ala ti dɛ azi sɛ ma, kanda ala ti bo zo kɔi. Wa azi mɛ Nzapa agungbi la ko, ale ta zo akangbi ya la ma.” 7Afarizeo ahũnda nga lo ya: “Wa nda mɛ Mɔizɛ ahɛ̃ nyɔ ya, se kɔli aye ziangɔ ya lo ko, ale lo su hɛ̃ lo mbɛti ti ziangbingɔ nɛ?” 8Yezo agbinya hɛ̃ la ya: “Mɔizɛ ahɛ̃ ĩ lege ya, ĩ zia awe ĩ, na lo mɛ ya, ĩ awa kpengba li. Kanda ti kɔzoni ndo ko, ta adu ndo so ma. 9Mbi pa hɛ̃ ĩ ya, se ta wali ati kɔmbɛ ma, ko kɔ lo azia lo, adu na wali mɛ ndɛ̃ ko, kɔli ni ko ati kɔmbɛ.”
10Ava lo apa hɛ̃ lo ya: “Se adu ya, lo tɛ kɔli na wali adu nga so ko, nzɔ̃ni ale ta azi adungbi ma.” 11Yezo agbinya hɛ̃ la ya: “Ta azi zu alengbi ti yengɔ lo olo ma, kanda bo azi mɛ Nzapa ahɛ̃ la lo olo la alengbi ti yengɔ ni. 12Ye mɛ agbanzi akɔli ya, ta ala du na wali ma ko, nda ni adu ndɛ̃ ndɛ̃ ndɛ̃. Tɛ ambanga ko, ato bo na ngoi mɛ ndo adú na la ko, tɛrɛ la ti kɔli akpi, tɛ ambanga ko, aɔrɔ la. Tɛ ambanga mɛ ndɛ̃ ko, ta ala ndodu na wali ma, so lingɔ kwa na lo ti lo Lɛngɔ Gbia tɛ Nzapa. Zo ko la alengbi ti yengɔ lo olo ko, lo ye!”
Yezo asunu ayangambi
(Mar. 10.13-16; Luk. 18.15-17)
13Azi aga na ayangambi hɛ̃ Yezo ya, lo kpã ti lo ndo la so sunungɔ la, ko lo sambela nga na lo tɛ la. Ava lo ĩ hũ azi ni ko, ala bela la. 14La Yezo apa hɛ̃ la ya: “Ale ĩ zia ayangambi aga ge tɛ mbi! Ta ĩ gbanzi la ma, ta sanga ma, Kɔdɔrɔ Gbia tɛ Nzapa adu na lo tɛ azi mɛ bɛ la nga ma bɛ ayangambi.” 15So pɛni, lo mu la lo kpã ti lo ndo la, lo sunu la, la lo lo so ndo ko lo gwe.
Pandara kɔi mɛ wa nwa ahũnda Yezo na ndo
(Mar. 10.17-31; Luk. 18.18-30)
16Pandara kɔi anɔ ka tɛ Yezo, ahũnda lo ya: “Wa hangɔ lo tɛ Nzapa, nzɔ̃ ye mɛ mbi lengbi ti lingɔ, wa mbi lua du ti kaka nɛ?” 17Yezo agbinya hɛ̃ lo ya: “Nda mɛ mɔ hũnda mbi na lo ti ye mɛ nzɔ̃ni nɛ? Bo zo kɔi la nzɔ̃ni. Se mɔ ye luangɔ du ti kaka ko, tɔndɔ andia.” 18Pandara ko ahũnda Yezo ya: “Andia mɛ mbi lengbi ti tɔndɔngɔ ni nɛ?” La Yezo agbinya hɛ̃ lo ya: “Ta mɔ ho zo ma, ta mɔ ti kɔmbɛ ma, ta mɔ nzĩ ye ma, ta mɔ pa nvɛnɛ na ili zo ma, 19tɔndɔ to mɔ na ta mɔ, ye afɔ̃ mɔ nga ma se mɛ mɔ ndoye na tɛrɛ mɔ nvɛni.” 20La pandara ko agbinya hɛ̃ lo ya: “Mbi tɔndɔ andia ko zu. Ko ye mɛ mbi lengbi nga ti lingɔ nɛ?” 21Yezo apa hɛ̃ lo ya: “Se mɔ ye ya mɔ du bɛta nzɔ̃ zo ko, gwe, mɔ ka aye tɛ mɔ zu na ngere, ko mɔ mu faranga ni, mɔ hɛ̃ awa yɛlɛ. So pɛni, mɔ diri mɔ ga, e na mɔ e ɔ ndoni kɔi. Wa gbanda mɔ lua nwa ka yayu.” 22Ko ngoi mɛ pandara ko ĩ ma so ko, lo hã nɔ, lo gwe na kota vundu, na lo mɛ ya, lo ndo na nwa sĩ.
23La Yezo apa hɛ̃ ava lo ya: “Mbi pa hɛ̃ ĩ ti bɛta tɛnɛ ya, adu kpengbani ya, wa nwa asi ka Kɔdɔrɔ Gbia tɛ Nzapa. 24Ko mbi pa nga hɛ̃ ĩ ya, adu kpengbani ya, mbarata ali ti lɛ do súa, ko ati du kpengbani buai ya, wa nwa asi ka Kɔdɔrɔ Gbia tɛ Nzapa.” 25Ngoi mɛ ava Yezo ĩ ma Yezo ĩ tɛnɛ so ko, ala bema sĩ, ko ala hũnda lo ya: “Wa zo mɛ na songɔ na?” 26Yezo aba la, agbinya hɛ̃ la ya: “Ta zo alengbi ti songɔ tɛrɛ lo nvɛni ma, kanda bo Nzapa kɔi la alengbi ti songɔ zo, ta sanga ma, Nzapa alengbi tɛ lo ti lingɔ ye zu.”
27La Petro ahũnda lo ya: “Ma mbi, wa omɛ e zia aye tɛ e kwɛ zu, e na mɔ e ndoɔ ndoni kɔi ko, ye mɛ gbanda Nzapa ahẽ e nɛ?” 28La Yezo agbinya hɛ̃ la ya: “Mbi pa hɛ̃ ĩ ti bɛta tɛnɛ ya, mbi Nyi Zo mbi du gbanda ka fana sese, na ndo ngɛndɛ tɛ mbi ti gbia mɛ na ndima. Na ngoi ni gbanda ko, ĩ ava mbi sui kɔi ndoni se mɛ e na ĩ e ndoɔ ndoni kɔi, ĩ dunga nga gbanda na ndo angɛndɛ gbia, so fangɔ ngbanga tɛ azi ti ya ale sui kɔi ndoni se mɛ so Izrayɛlɛ. 29Ko azi zu mɛ azia da tɛ la, na ayata la ti kɔli na ti wali, na to la, na ta la, na aya la, bere nga ayaka tɛ la na lo tɛ mbi ko, ala na luangɔ la aɔ fani ngbangbo kɔi, ko ala nga na luangɔ du ti kaka. 30Ko na olo, azi ma wo ma mɛ awa li ni na olo ko, ala na tingɔ nda ni, ko azi ma wo ma mɛ awa nda ni na olo ko, ala na tingɔ awa li ni.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngbandi New Testament © United Bible Societies, 1987.