Matie 5
5
Yezo aha azi na lo tɛ Nzapa ka ndo hɔtɔ
1Ngoi mɛ Yezo ĩ hũ azi butu butu ko, lo ma ka ndo hɔtɔ, lo ko lo du. Ava lo anɔ ka tɔ̃nda lo, 2ko lo to nda hangɔ la na tɛnɛ olo mɛ.
Bɛta dengɔ bɛ
(Luk. 6.20-23)
3“Dengɔ bɛ ati na azi ko la ahĩnga ka ya bɛ la ya, ani awa yɛlɛ ka lɛ Nzapa,
Ta sanga ma, Kɔdɔrɔ Gbia tɛ Nzapa adu kɔdɔrɔ tɛ la!
4“Dengɔ bɛ ati na azi ko la na vundu,
Ta sanga ma, Nzapa na vɔrɔngɔ bɛ la!
5“Dengɔ bɛ ati na adede azi,
Ta sanga ma, Nzapa na sunungɔ la, nga ma se ko ndo lo ko na kapa hɛ̃ la!
6“Dengɔ bɛ ati na azi ko la ndodu na gwɛ̃ ti lingɔ ye na seni, nga ma se mɛ Nzapa aye,
Ta sanga ma, Nzapa na hɛ̃ngɔ lege hɛ̃ la ya, ala li ni ma wo ma na seni!
7“Dengɔ bɛ ati na azi ko la ndoma vundu tɛ afɔ̃ la,
Ta sanga ma, Nzapa ama nga gbanda vundu tɛ la!
8“Dengɔ bɛ ati na azi ko la bɛ la vuruni,
Ta sanga ma, ala hũ gbanda Nzapa na lɛ la!
9“Dengɔ bɛ ati na azi ko la ndokpã mangbingɔ na popo tɛ azi,
Ta sanga ma, Nzapa na ilingɔ la ya, ala aya ni!
10“Dengɔ bɛ ati na azi ko la azi ndohɛ̃ la pɛnɔ, na lo ti ye mɛ ala ndoli na seni, nga ma se mɛ Nzapa aye,
Ta sanga ma, Kɔdɔrɔ Gbia tɛ Nzapa adu kɔdɔrɔ tɛ la!
11“Dengɔ bɛ ati na ĩ, bɛ se azi aguru ĩ, ahɛ̃ ĩ pɛnɔ, akara nga ló tɛrɛ ĩ, na lo mɛ ya, ĩ ava mbi! 12Ale ĩ saba, ĩ du na dengɔ bɛ, ta sanga ma, kota mbana gɛrɛ ĩ ndoku ĩ ka yayu. Se mɛ ndo nga ahɛ̃ na pɛnɔ hɛ̃ awa pangɔ nyɔ Nzapa mɛ ndo uzu tɛ ĩ la.”
Ava Yezo adu awa vurungɔ na ndo
(Mar. 9.50; Luk. 14.34-35)
13“Ĩ la ĩ du nga ma hĩngɔ tɛ azi ti lɛ sese, kanda se sɔngɔ ti hĩngɔ awɛ ko, ta kɔdɛ mɛ ya, hĩngɔ ni ati sɔ da ma. Ta hĩngɔ ni ti dɛ na kwa kɔi ma. Alengbi bo ti sangɔ ni gegi, ko azi adɔ nɔ ti ndo ni aɔ.
14“Ĩ la ĩ du awa vurungɔ na ndo na lo tɛ azi ti lɛ sese. Kɔdɔrɔ ko la na ndo hɔtɔ ko, ta kɔdɔrɔ ni ndohɔndɛ tɛrɛ lo ma. 15Ta zo ndozɔ mɔinda ya, akpã na gbɛ ta ma. Kanda andozɔ ni ya, akpã na ndo mɛsa, ko azi zu mɛ ka ya da ahũ na ndo. 16Ĩ du nga ma mɔinda mɛ ndoza, na lo ni ko, ĩ lengbi ti vurungɔ na ndo, wa se azi ahũ nzɔ̃ ye mɛ ĩ ndoli ko, ala gonda To ĩ mɛ ka yayu.”
Yezo aha azi na lo ti ndia
17“Ta ĩ da bɛ ĩ ya, mbi ga so gbɛ̃ngɔ ndia tɛ Mɔizɛ ma. Ta ĩ da nga bɛ ĩ ya, mbi ga so gbɛ̃ngɔ lo mɛ ndo awa pangɔ nyɔ Nzapa aha ma. Ta mbi ga so gbɛ̃ngɔ ni ma, kanda mbi ga so tɔndɔngɔ nda ni na seni. 18Mbi pa hɛ̃ ĩ ti bɛta tɛnɛ ya, nga ka gbanda ndozu na sese awɛ na ni ko, ta abi gbanda nyi gɛrɛ mbɛti ti ndia, bere nyi tɛnɛ ti ndia katɛ ma. Kanda ndia angbã gbanda na seni, ngbĩi nga ka sese awɛ na ni. 19Nda mɛ bɛ se ndia kɔi adu yakere, wa zo ko la abi ni, aha nga na azi mɛ ndɛ̃ ya, ala bi ni ko, zo ni adu gbanda yakere buai ka Kɔdɔrɔ Gbia tɛ Nzapa. 20Mbi pa hɛ̃ ĩ ya, se ĩ li ye na seni, nga ma se mɛ Nzapa aye, aɔ ye mɛ awa hangɔ ndia, na Afarizeo ndoli ko, gbanda ko, ĩ si ka Kɔdɔrɔ Gbia tɛ Nzapa. Ta so ma ko, ta ĩ lengbi ti singɔ kai ma.”
Yezo aha azi na lo ti lingɔ ngɔnzɔ
21“Ĩ ma ndo apa hɛ̃ akotara ĩ ya: ‘Ta mɔ ho zo ma. Zo zu ko la aho zo ko, agbɔ̃ lo, agwe na lo ka gbɛlɛ awa fangɔ ngbanga, afa ngbanga tɛ lo.’ 22Ko mbi pa tɛ mbi hɛ̃ ĩ ya, zo zu ko la ali ngɔnzɔ hɛ̃ nyita lo ko, agbɔ̃ lo agwe na lo ka gbɛlɛ awa fangɔ ngbanga, afa ngbanga tɛ lo. Zo ko la aguru nyita lo ya: ‘Wa buba’ ko, agbɔ̃ lo agwe na lo ka gbɛlɛ awa fangɔ ngbanga, afa ngbanga tɛ lo. Zo ko la aguru nyita lo ya: ‘Wa nyingɔ’ ko, alengbi ti bingɔ lo ka ya wa ti lifɛlo. 23Se mɔ ga so lungɔ Nzapa na ye ka ya kota da Nzapa, wa se mɔ du kai mɔ da bɛ mɔ ya, nyita mɔ na tɛnɛ ya lo tɛrɛ mɔ ko, 24zia ye ko fɛrɛ mɔ ga so lungɔ na Nzapa. Nɔ mɔ ĩ na lo ĩ mangbi uzu, wa so pɛni, mɔ diri mɔ ga mɔ mu ye tɛ mɔ, mɔ lu na Nzapa.
25“Se zo avɔ̃ to tɛrɛ mɔ, ko ĩ na lo ĩ bombi so gwengɔ ka da ngbanga, na ngoi mɛ ĩ dɛ so ta lege ko, lɛkɛ popo tɛ mɔ na lo hiɔ. Ta so ma ko, lo ka mɔ hɛ̃ wa fangɔ ngbanga, ko ahɛ̃ mɔ hɛ̃ wa batangɔ awa bɔlɔkɔ, ko lo bi mɔ bɔlɔkɔ. 26Mbi pa hɛ̃ mɔ ti bɛta tɛnɛ ya, ta mɔ na longɔ kai singɔ ma, nga ka mɔ futa tanga mɛnya mɛ angbã kwɛ, wadila.”
Yezo aha azi na lo ti kɔinbɛ
27“Ĩ ma ndo apa ya: ‘Ta mɔ ti kɔmbɛ ma.’ 28Ko mbi pa tɛ mbi hɛ̃ ĩ ya, zo zu ko la aba ya fɔ̃ lo so dungɔ na gwɛ̃ tɛ lo ko, zo ni ko apia ati kɔmbɛ ka ya bɛ lo wɛ la. 29Se adu na lo ti lɛ mɔ ti kɔti la mɔ ndoli siɔ ye ko, hã ni mɔ bi yɔngɔrɔni na mɔ. Adu nzɔ̃ni na lo tɛ mɔ ya, mbanga pɛnzɛ tɛrɛ mɔ kɔi agere, aɔ omɛ mɔ du na ngbonga tɛrɛ mɔ zu, ko abi mɔ na ni zu ka lifɛlo. 30Se adu na lo ti kɔti ti mɔ la mɔ ndoli siɔ ye ko, fa ni mɔ bi yɔngɔrɔni na mɔ. Adu nzɔ̃ni na lo tɛ mɔ ya, mbage ti mɔ kɔi agere, aɔ omɛ mɔ du na ngbonga tɛrɛ mɔ zu, ko mɔ gwe na ni ka lifɛlo.”
Yezo aha azi na lo ti ziangɔ wali
(Mat. 19.9; Mar. 10.11-12; Luk. 16.18)
31“Ĩ ma ndo apa nga ya: ‘Zo ko la azia ya lo ko, ale lo hɛ̃ lo mbɛti mɛ afa ya, lo zia ya lo.’ 32Ko mbi pa tɛ mbi hɛ̃ ĩ ya, se ta wali ati kɔmbɛ ma, ko kɔ lo azia lo, wa se lo gwe lo du na kɔli mɛ ndɛ̃ ko, oko afa ya, kɔzo kɔ lo la ato lo ya, lo ti kɔmbɛ. Wa mɔ kɔli ko la mɔ mu wali mɛ kɔ lo azia lo, mɔ du na ni ko, oko afa nga ya, mɔ ti kɔmbɛ.”
Yezo aha lo ti nyɔngɔ ngɛ
33“Ĩ ma ndo apa nga hɛ̃ akotara e ya: ‘Se mɔ nyɔ ngɛ na gbɛlɛ Nzapa na lo ti ye ko, ta mɔ dɔ lege ni mɔ zia ma, kanda ale mɔ li ye mɛ mɔ ko kapa ni, na ngoi mɛ mɔ nyɔ na ngɛ.’ 34Ko mbi pa tɛ mbi hɛ̃ ĩ ya, ta ĩ nyɔ ngɛ bɛ gbɔ ma. Ta ĩ nyɔ ngɛ na ili yayu ma, ta sanga ma, yayu adu ngɛndɛ gbia tɛ Nzapa. 35Ta ĩ nyɔ ngɛ na ili sese ma, ta sanga ma, sese adu ndo mɛ lo ndokpã gɛrɛ lo da. Ta ĩ nyɔ ngɛ na ili Yeruzalɛmɛ ma, ta sanga ma, Yeruzalɛmɛ adu kɔdɔrɔ tɛ kota Gbia. 36Ta mɔ nyɔ nga ngɛ na ili mɔ nvɛni ma, ta sanga ma, ta mɔ lengbi ti gbinyangɔ kwa li mɔ kɔi ya, ati vuruni bere vukɔni ma. 37Ale ĩ nɛ bo ndũ ya: ‘Ĩi’, bere ‘Ipɔ’, ta ĩ nyɔ ngɛ na ndo ni ma, ta sanga ma, ngɛ adu ye mɛ alo ka tɛ Satana.”
Yezo aha azi na lo ti gɛ̃ngɔ kula
(Luk. 6.29-30)
38“Ĩ ma ndo apa ya: ‘Kiri kiri nyi ngasã, se fɔ̃ mɔ ao lɛ mɔ ko, o nga lɛ lo, se lo ko tɛ̃ mɔ ko, ko nga tɛ̃ lo.’ 39Ko mbi pa tɛ mbi hɛ̃ ĩ ya, se azi ali ĩ siɔni ko, ta ĩ gɛ̃ kula ni ma. Se zo abà ma mɔ ti kɔti ko, ye mbageni hɛ̃ lo, lo ba nga. 40Se zo asepara singɔ na mɔ ka gbɛlɛ wa fangɔ ngbanga ya, ni mu ndozu bɔngɔ tɛ mɔ ko, zia lo mu nga kota bɔngɔ tɛ mɔ. 41Se wa kwa tɛ leta ahɛ̃ nyɔ hɛ̃ mɔ ya, mɔ yɔ kumba, mɔ dɔ na nɔ kilomɛtrɛ kɔi ko, yɔ ni mɔ nɔ na ni kilomɛtrɛ sɛ. 42Zo zu ko la ayɔ ye ti mɔ ko, hɛ̃ ni hɛ̃ lo. Se zo asepara zɛ̃ngɔ ye ka ti mɔ ko, ta mɔ kɛ̃ ma.”
Ale e ndoye awa kɛ̃ngɔ e
(Luk. 6.27-28,32-36)
43“Ĩ ma ndo apa ya: ‘Ale mɔ ye fɔ̃ mɔ, ko mɔ kɛ̃ wa kɛ̃ngɔ mɔ.’ 44Ko mbi pa tɛ mbi hɛ̃ ĩ ya, ĩ ye awa kɛ̃ngɔ ĩ, ĩ sambela na lo tɛ azi mɛ ndohɛ̃ ĩ pɛnɔ. 45Ĩ li so, wadila ĩ ti aya To ĩ Nzapa mɛ ka yayu. Ta sanga ma, lo ndozi la tɛ lo asũ na ndo asiɔ azi nga na ndo anzɔ̃ azi. Lo ndozi nga ngu ani na ndo awa lingɔ nzɔ̃ ye, nga na ndo awa lingɔ siɔ ye. 46Se bɛ ĩ aye bo azi ko la bɛ la aye ĩ ko, ta ĩ kpã bɛ ĩ ya, Nzapa na hɛ̃ngɔ ĩ mbana gɛrɛ ĩ ma. Se mɛ nga awa sɔrɔngɔ lapo ndoli na ni la! 47Se ĩ bala bo ayata ĩ kɔi ko, nzɔ̃ ye mɛ ĩ li ndo ko ĩ ɔ na azi mɛ ndɛ̃ nɛ? Apaganɔ ndoli nga so! 48Ale ĩ du abɛta anzɔ̃ azi, ko ĩ du kwɛ kɔi nga ma se tɛ To ĩ mɛ ka yayu.”
Currently Selected:
Matie 5: NGB87
Highlight
Share
Copy
Want to have your highlights saved across all your devices? Sign up or sign in
Ngbandi New Testament © United Bible Societies, 1987.
Matie 5
5
Yezo aha azi na lo tɛ Nzapa ka ndo hɔtɔ
1Ngoi mɛ Yezo ĩ hũ azi butu butu ko, lo ma ka ndo hɔtɔ, lo ko lo du. Ava lo anɔ ka tɔ̃nda lo, 2ko lo to nda hangɔ la na tɛnɛ olo mɛ.
Bɛta dengɔ bɛ
(Luk. 6.20-23)
3“Dengɔ bɛ ati na azi ko la ahĩnga ka ya bɛ la ya, ani awa yɛlɛ ka lɛ Nzapa,
Ta sanga ma, Kɔdɔrɔ Gbia tɛ Nzapa adu kɔdɔrɔ tɛ la!
4“Dengɔ bɛ ati na azi ko la na vundu,
Ta sanga ma, Nzapa na vɔrɔngɔ bɛ la!
5“Dengɔ bɛ ati na adede azi,
Ta sanga ma, Nzapa na sunungɔ la, nga ma se ko ndo lo ko na kapa hɛ̃ la!
6“Dengɔ bɛ ati na azi ko la ndodu na gwɛ̃ ti lingɔ ye na seni, nga ma se mɛ Nzapa aye,
Ta sanga ma, Nzapa na hɛ̃ngɔ lege hɛ̃ la ya, ala li ni ma wo ma na seni!
7“Dengɔ bɛ ati na azi ko la ndoma vundu tɛ afɔ̃ la,
Ta sanga ma, Nzapa ama nga gbanda vundu tɛ la!
8“Dengɔ bɛ ati na azi ko la bɛ la vuruni,
Ta sanga ma, ala hũ gbanda Nzapa na lɛ la!
9“Dengɔ bɛ ati na azi ko la ndokpã mangbingɔ na popo tɛ azi,
Ta sanga ma, Nzapa na ilingɔ la ya, ala aya ni!
10“Dengɔ bɛ ati na azi ko la azi ndohɛ̃ la pɛnɔ, na lo ti ye mɛ ala ndoli na seni, nga ma se mɛ Nzapa aye,
Ta sanga ma, Kɔdɔrɔ Gbia tɛ Nzapa adu kɔdɔrɔ tɛ la!
11“Dengɔ bɛ ati na ĩ, bɛ se azi aguru ĩ, ahɛ̃ ĩ pɛnɔ, akara nga ló tɛrɛ ĩ, na lo mɛ ya, ĩ ava mbi! 12Ale ĩ saba, ĩ du na dengɔ bɛ, ta sanga ma, kota mbana gɛrɛ ĩ ndoku ĩ ka yayu. Se mɛ ndo nga ahɛ̃ na pɛnɔ hɛ̃ awa pangɔ nyɔ Nzapa mɛ ndo uzu tɛ ĩ la.”
Ava Yezo adu awa vurungɔ na ndo
(Mar. 9.50; Luk. 14.34-35)
13“Ĩ la ĩ du nga ma hĩngɔ tɛ azi ti lɛ sese, kanda se sɔngɔ ti hĩngɔ awɛ ko, ta kɔdɛ mɛ ya, hĩngɔ ni ati sɔ da ma. Ta hĩngɔ ni ti dɛ na kwa kɔi ma. Alengbi bo ti sangɔ ni gegi, ko azi adɔ nɔ ti ndo ni aɔ.
14“Ĩ la ĩ du awa vurungɔ na ndo na lo tɛ azi ti lɛ sese. Kɔdɔrɔ ko la na ndo hɔtɔ ko, ta kɔdɔrɔ ni ndohɔndɛ tɛrɛ lo ma. 15Ta zo ndozɔ mɔinda ya, akpã na gbɛ ta ma. Kanda andozɔ ni ya, akpã na ndo mɛsa, ko azi zu mɛ ka ya da ahũ na ndo. 16Ĩ du nga ma mɔinda mɛ ndoza, na lo ni ko, ĩ lengbi ti vurungɔ na ndo, wa se azi ahũ nzɔ̃ ye mɛ ĩ ndoli ko, ala gonda To ĩ mɛ ka yayu.”
Yezo aha azi na lo ti ndia
17“Ta ĩ da bɛ ĩ ya, mbi ga so gbɛ̃ngɔ ndia tɛ Mɔizɛ ma. Ta ĩ da nga bɛ ĩ ya, mbi ga so gbɛ̃ngɔ lo mɛ ndo awa pangɔ nyɔ Nzapa aha ma. Ta mbi ga so gbɛ̃ngɔ ni ma, kanda mbi ga so tɔndɔngɔ nda ni na seni. 18Mbi pa hɛ̃ ĩ ti bɛta tɛnɛ ya, nga ka gbanda ndozu na sese awɛ na ni ko, ta abi gbanda nyi gɛrɛ mbɛti ti ndia, bere nyi tɛnɛ ti ndia katɛ ma. Kanda ndia angbã gbanda na seni, ngbĩi nga ka sese awɛ na ni. 19Nda mɛ bɛ se ndia kɔi adu yakere, wa zo ko la abi ni, aha nga na azi mɛ ndɛ̃ ya, ala bi ni ko, zo ni adu gbanda yakere buai ka Kɔdɔrɔ Gbia tɛ Nzapa. 20Mbi pa hɛ̃ ĩ ya, se ĩ li ye na seni, nga ma se mɛ Nzapa aye, aɔ ye mɛ awa hangɔ ndia, na Afarizeo ndoli ko, gbanda ko, ĩ si ka Kɔdɔrɔ Gbia tɛ Nzapa. Ta so ma ko, ta ĩ lengbi ti singɔ kai ma.”
Yezo aha azi na lo ti lingɔ ngɔnzɔ
21“Ĩ ma ndo apa hɛ̃ akotara ĩ ya: ‘Ta mɔ ho zo ma. Zo zu ko la aho zo ko, agbɔ̃ lo, agwe na lo ka gbɛlɛ awa fangɔ ngbanga, afa ngbanga tɛ lo.’ 22Ko mbi pa tɛ mbi hɛ̃ ĩ ya, zo zu ko la ali ngɔnzɔ hɛ̃ nyita lo ko, agbɔ̃ lo agwe na lo ka gbɛlɛ awa fangɔ ngbanga, afa ngbanga tɛ lo. Zo ko la aguru nyita lo ya: ‘Wa buba’ ko, agbɔ̃ lo agwe na lo ka gbɛlɛ awa fangɔ ngbanga, afa ngbanga tɛ lo. Zo ko la aguru nyita lo ya: ‘Wa nyingɔ’ ko, alengbi ti bingɔ lo ka ya wa ti lifɛlo. 23Se mɔ ga so lungɔ Nzapa na ye ka ya kota da Nzapa, wa se mɔ du kai mɔ da bɛ mɔ ya, nyita mɔ na tɛnɛ ya lo tɛrɛ mɔ ko, 24zia ye ko fɛrɛ mɔ ga so lungɔ na Nzapa. Nɔ mɔ ĩ na lo ĩ mangbi uzu, wa so pɛni, mɔ diri mɔ ga mɔ mu ye tɛ mɔ, mɔ lu na Nzapa.
25“Se zo avɔ̃ to tɛrɛ mɔ, ko ĩ na lo ĩ bombi so gwengɔ ka da ngbanga, na ngoi mɛ ĩ dɛ so ta lege ko, lɛkɛ popo tɛ mɔ na lo hiɔ. Ta so ma ko, lo ka mɔ hɛ̃ wa fangɔ ngbanga, ko ahɛ̃ mɔ hɛ̃ wa batangɔ awa bɔlɔkɔ, ko lo bi mɔ bɔlɔkɔ. 26Mbi pa hɛ̃ mɔ ti bɛta tɛnɛ ya, ta mɔ na longɔ kai singɔ ma, nga ka mɔ futa tanga mɛnya mɛ angbã kwɛ, wadila.”
Yezo aha azi na lo ti kɔinbɛ
27“Ĩ ma ndo apa ya: ‘Ta mɔ ti kɔmbɛ ma.’ 28Ko mbi pa tɛ mbi hɛ̃ ĩ ya, zo zu ko la aba ya fɔ̃ lo so dungɔ na gwɛ̃ tɛ lo ko, zo ni ko apia ati kɔmbɛ ka ya bɛ lo wɛ la. 29Se adu na lo ti lɛ mɔ ti kɔti la mɔ ndoli siɔ ye ko, hã ni mɔ bi yɔngɔrɔni na mɔ. Adu nzɔ̃ni na lo tɛ mɔ ya, mbanga pɛnzɛ tɛrɛ mɔ kɔi agere, aɔ omɛ mɔ du na ngbonga tɛrɛ mɔ zu, ko abi mɔ na ni zu ka lifɛlo. 30Se adu na lo ti kɔti ti mɔ la mɔ ndoli siɔ ye ko, fa ni mɔ bi yɔngɔrɔni na mɔ. Adu nzɔ̃ni na lo tɛ mɔ ya, mbage ti mɔ kɔi agere, aɔ omɛ mɔ du na ngbonga tɛrɛ mɔ zu, ko mɔ gwe na ni ka lifɛlo.”
Yezo aha azi na lo ti ziangɔ wali
(Mat. 19.9; Mar. 10.11-12; Luk. 16.18)
31“Ĩ ma ndo apa nga ya: ‘Zo ko la azia ya lo ko, ale lo hɛ̃ lo mbɛti mɛ afa ya, lo zia ya lo.’ 32Ko mbi pa tɛ mbi hɛ̃ ĩ ya, se ta wali ati kɔmbɛ ma, ko kɔ lo azia lo, wa se lo gwe lo du na kɔli mɛ ndɛ̃ ko, oko afa ya, kɔzo kɔ lo la ato lo ya, lo ti kɔmbɛ. Wa mɔ kɔli ko la mɔ mu wali mɛ kɔ lo azia lo, mɔ du na ni ko, oko afa nga ya, mɔ ti kɔmbɛ.”
Yezo aha lo ti nyɔngɔ ngɛ
33“Ĩ ma ndo apa nga hɛ̃ akotara e ya: ‘Se mɔ nyɔ ngɛ na gbɛlɛ Nzapa na lo ti ye ko, ta mɔ dɔ lege ni mɔ zia ma, kanda ale mɔ li ye mɛ mɔ ko kapa ni, na ngoi mɛ mɔ nyɔ na ngɛ.’ 34Ko mbi pa tɛ mbi hɛ̃ ĩ ya, ta ĩ nyɔ ngɛ bɛ gbɔ ma. Ta ĩ nyɔ ngɛ na ili yayu ma, ta sanga ma, yayu adu ngɛndɛ gbia tɛ Nzapa. 35Ta ĩ nyɔ ngɛ na ili sese ma, ta sanga ma, sese adu ndo mɛ lo ndokpã gɛrɛ lo da. Ta ĩ nyɔ ngɛ na ili Yeruzalɛmɛ ma, ta sanga ma, Yeruzalɛmɛ adu kɔdɔrɔ tɛ kota Gbia. 36Ta mɔ nyɔ nga ngɛ na ili mɔ nvɛni ma, ta sanga ma, ta mɔ lengbi ti gbinyangɔ kwa li mɔ kɔi ya, ati vuruni bere vukɔni ma. 37Ale ĩ nɛ bo ndũ ya: ‘Ĩi’, bere ‘Ipɔ’, ta ĩ nyɔ ngɛ na ndo ni ma, ta sanga ma, ngɛ adu ye mɛ alo ka tɛ Satana.”
Yezo aha azi na lo ti gɛ̃ngɔ kula
(Luk. 6.29-30)
38“Ĩ ma ndo apa ya: ‘Kiri kiri nyi ngasã, se fɔ̃ mɔ ao lɛ mɔ ko, o nga lɛ lo, se lo ko tɛ̃ mɔ ko, ko nga tɛ̃ lo.’ 39Ko mbi pa tɛ mbi hɛ̃ ĩ ya, se azi ali ĩ siɔni ko, ta ĩ gɛ̃ kula ni ma. Se zo abà ma mɔ ti kɔti ko, ye mbageni hɛ̃ lo, lo ba nga. 40Se zo asepara singɔ na mɔ ka gbɛlɛ wa fangɔ ngbanga ya, ni mu ndozu bɔngɔ tɛ mɔ ko, zia lo mu nga kota bɔngɔ tɛ mɔ. 41Se wa kwa tɛ leta ahɛ̃ nyɔ hɛ̃ mɔ ya, mɔ yɔ kumba, mɔ dɔ na nɔ kilomɛtrɛ kɔi ko, yɔ ni mɔ nɔ na ni kilomɛtrɛ sɛ. 42Zo zu ko la ayɔ ye ti mɔ ko, hɛ̃ ni hɛ̃ lo. Se zo asepara zɛ̃ngɔ ye ka ti mɔ ko, ta mɔ kɛ̃ ma.”
Ale e ndoye awa kɛ̃ngɔ e
(Luk. 6.27-28,32-36)
43“Ĩ ma ndo apa ya: ‘Ale mɔ ye fɔ̃ mɔ, ko mɔ kɛ̃ wa kɛ̃ngɔ mɔ.’ 44Ko mbi pa tɛ mbi hɛ̃ ĩ ya, ĩ ye awa kɛ̃ngɔ ĩ, ĩ sambela na lo tɛ azi mɛ ndohɛ̃ ĩ pɛnɔ. 45Ĩ li so, wadila ĩ ti aya To ĩ Nzapa mɛ ka yayu. Ta sanga ma, lo ndozi la tɛ lo asũ na ndo asiɔ azi nga na ndo anzɔ̃ azi. Lo ndozi nga ngu ani na ndo awa lingɔ nzɔ̃ ye, nga na ndo awa lingɔ siɔ ye. 46Se bɛ ĩ aye bo azi ko la bɛ la aye ĩ ko, ta ĩ kpã bɛ ĩ ya, Nzapa na hɛ̃ngɔ ĩ mbana gɛrɛ ĩ ma. Se mɛ nga awa sɔrɔngɔ lapo ndoli na ni la! 47Se ĩ bala bo ayata ĩ kɔi ko, nzɔ̃ ye mɛ ĩ li ndo ko ĩ ɔ na azi mɛ ndɛ̃ nɛ? Apaganɔ ndoli nga so! 48Ale ĩ du abɛta anzɔ̃ azi, ko ĩ du kwɛ kɔi nga ma se tɛ To ĩ mɛ ka yayu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngbandi New Testament © United Bible Societies, 1987.