Marko 7
7
Tɛnɛ ti sé du tɛ akotara Ayuda
(Mat. 15.1-9)
1Afarizeo na ambanga awa hangɔ ndia alo ka Yeruzalɛmɛ, aga abombi tɛrɛ la ka tɔ̃nda Yezo. 2Ala hũ ya, tɛ ambanga ava Yezo, uzu ti la tɛngɔ ye ko, ta ala ndokpo ti la nga ma se mɛ sé du tɛ akotara la aha na lo ma.
3Kanda Ayuda mɛ Afarizeo, nga na Ayuda mɛ ndɛ̃ zu ndotɔndɔ sé du mɛ ndo akotara la aha na la. Uzu ti la tɛngɔ ye ko, ala ndokpo ti la zu nzɔ̃ni. 4Ngoi mɛ se ala lo ka ngere aga, uzu ti la tɛngɔ ye ko, ala kpo ti la. Ala ndotɔndɔ ambanga se li ye mɛ ndɛ̃ zu mɛ ndo akotara la aha na la. Ambanga se li ye ni lo mɛ: kpongɔ kangu na ta ngu, kpongɔ ta nwa nga na tange na seni.
5Afarizeo na awa hangɔ ndia ahũnda Yezo ya: “Nda mɛ ta ava mɔ ndotɔndɔ sé du tɛ akotara la ma nɛ? Uzu ti la tɛngɔ ye ko, nda mɛ ta ala ndokpo ti la ma nɛ?” 6Yezo agbinya hɛ̃ la ya: “Ĩ du awa poroso. Ezai apia ndo apa tɛnɛ na lo tɛ ĩ, ko tɛnɛ mɛ ndo lo tɛnɛ adu biani. Lo pa ya:
‘Nzapa apa ya, azi olo ndogonda mbi bo na pɔrɔ nyɔ la.
Kanda ka ya bɛ la ko, ta ala ye mbi bɛ gbɔ ma.
7Vɔrɔngɔ mɛ ala ndovɔrɔ na mbi ko, adu gɛgɛrɛ,
Na lo mɛ ya, ala ndoha ndia mɛ azi alu,
Ma bere mbi Nzapa la mbi lu ndia ni.”
8Yezo apa hɛ̃ la ya: “Ĩ dɔ ndia tɛ Nzapa ĩ zia, ko ĩ ndoye sé du tɛ azi ti lɛ sese.”
9So pɛni, Yezo apa hɛ̃ la ya: “Ĩ hĩnga bo bingɔ ndia tɛ Nzapa, so batangɔ sé du tɛ ĩ nvɛni. 10Mɔizɛ apa ndo ya: ‘Tɔndɔ to mɔ na ta mɔ.’ Lo pa nga ya: ‘Zo ko atɛnɛ siɔ tɛnɛ na ili to lo bere na ili ta lo ko, ale aho lo.’ 11Kanda ĩ la ĩ ndoha na azi ya, se zo apa hɛ̃ to lo, bere hɛ̃ ta lo ya: ‘Ambanga ye tɛ mbi mɛ alengbi ya, mbi za na mɔ ko, adu kɔrbana’ (nda kɔrbana ni ya, ‘Mbi bata ye ni ko hɛ̃ Nzapa’), 12ko oko afa ya, ta alengbi ya, zo amu ye, aza na to lo bere na ta lo ma. 13Aye ko ĩ ndoli nga so ko, ĩ ndogbɛ̃ ngbondo tɛnɛ tɛ Nzapa, na lo ti sé du tɛ akotara ĩ mɛ ĩ ndoha na azi. Ko ĩ ndoli ambanga ye sĩni nga ma oko.”
Aye mɛ ndogbɛ̃ bɛ zo
(Mat. 15.10-20)
14So pɛni, Yezo ti ili azi butu butu, apa hɛ̃ la ya: “Ĩ zu ĩ ma mbi nzɔ̃ni. Ale ĩ hĩnga ya, 15tɛ mɛ zo ndotɛ, la ndozu ka ya lo ko, ta alengbi ti gbɛ̃ngɔ lo ma. Kanda lo mɛ ndolo ka bɛ zo ndosi, la ndogbɛ̃ zo. [ 16Zo ko la ma lo adu da ko, ale lo ma!]”
17Ngoi mɛ Yezo azia azi, ali ka ya da ko, ava lo ali pɛko lo, ahũnda lo na lo matɔ ni ko. 18La lo gbinya hɛ̃ la ya: “Ta ĩ lengbi nga ti hĩngangɔ nda tɛnɛ ni ko ma? Ale ĩ hĩnga ya, tɛ mɛ zo ndotɛ, la ndozu ka ya lo ko, ta alengbi ti gbɛ̃ngɔ lo ma. 19Ta sanga ma, tɛ ni ndozu ka ya lo, so pɛni asi, ati ya kabinɛ, kanda ta tɛ ni ndoli ka ya bɛ lo ya, agbɛ̃ bɛ lo ma.” (Na lege ti tɛnɛ olo ko, Yezo apa ya, azi alengbi ti tɛngɔ ye kwe zu.) 20Lo pa nga hɛ̃ la ya: “Lo mɛ ndolo ka ya bɛ zo ndosi, la ndogbɛ̃ zo. 21Ta sanga ma, asiɔ dangɔ bɛ mɛ ndolo ka ya bɛ zo, la ndoto zo ya, lo li siɔ ye ti kamɛnɛ, lo nzĩ ye, lo ho zo, 22lo ti kɔmbɛ, lo du na gwɛ̃ ye, lo li ye na sana, lo handa afɔ̃ lo, lo li ye na ndo li lo wawa, lo li sɔbɛrɛ, lo tɛnɛ siɔ tɛnɛ na ili afɔ̃ lo, lo li ye ti yakɛ, lo li nga ye ti buba. 23Asiɔ ye ni ko zu ndolo ka ya bɛ zo, wa agbɛ̃ zo.”
Wali mɛ ta Io wa Yuda ma aye lo tɛ Yezo
(Mat. 15.21-28)
24Yezo alo so ko, anɔ ka sese mɛ ndũ na kɔdɔrɔ mɛ ili ni la Tirɛ. Lo li na ya da kɔi, ta lo ye ya, zo ahĩnga ya ni ndo ko ma. Kanda azi ahĩnga ya, lo ndo ko. 25Mbanga wali kɔi na nyi lo ti wali, ko asiɔ tɔrɔ asa tɛrɛ nyi lo ni. Ko wali ko ama pa tɛ Yezo. La lo nɔ, lo kuku gbɛlɛ Yezo. 26Ta zo wali ni ko wa Yuda ma. Adú lo ka sese ti Fenisia mɛ ka kota sese mɛ ili ni la Siria. Lo hũnda Yezo ya, lo toma siɔ tɔrɔ na ya tɛrɛ nyi ni. 27La Yezo apa hɛ̃ lo ya: “Zia ayangambi atɛ ye hĩ, ta sanga ma, mungɔ tɛ tɛ ayangambi, sangɔ hɛ̃ ambo adu siɔni.” 28La wali ko agbinya hɛ̃ lo ya: “Biani Gbia, kanda ambo ndodu na gbɛ mɛsa, atɛ mbumbu tɛ mɛ ndosa na ti ayangambi.” 29La Yezo agbinya hɛ̃ lo ya: “Na lo tɛnɛ mɛ mɔ gbinya hɛ̃ mbi ko, mɔ lengbi ti diringɔ ka tɛ mɔ. Siɔ tɔrɔ mɛ na ya tɛrɛ nyi mɔ asi wɛ.” 30Wali ko ĩ diri ka ndo tɛ lo ko, lo tã nyi lo ase so ndo tange, siɔ tɔrɔ ni asi na ya tɛrɛ lo wɛ.
Yezo asara wa kpua mɛ lo nga buburu
31Yezo azia sese ti Tirɛ, aɔ ti lɛ kɔdɔrɔ ti Sidona. So pɛni, lo fangbi ti lɛ sese mɛ ndɛ̃ mɛ ili ni la Kɔdɔrɔ Sui Kɔi, la lo diri lo gwe ka kpo ti Galilea. 32Azi aga na kɔli kɔi mɛ wa kpua hɛ̃ lo. Ta kɔli ni ko ndotɛnɛ tɛnɛ na seni ma. Ala hũnda Yezo ya, lo kpã ti lo ndo lo, lo sara lo. 33La Yezo amu bo wa kpua ko kɔi, agwe na lo ka katɛ, yɔngɔrɔni na azi. Lo yɔrɔ li ti lo na do ma kɔli ko. Lo ĩ hã ti lo ko, lo ku solo na li ti lo, lo bɔrɔ na menga lo. 34Yezo aya lɛ lo ndozu, awɔ foo, apa hɛ̃ kɔli ko ya: “Efafata!” (Alengbi ya: “Zi tɛrɛ mɔ!”) 35Bo na ngoi ni ko, ma lo azi, menga lo azara tɛrɛ lo, lo to nda tɛnɛngɔ tɛnɛ na seni. 36La Yezo ahɛ̃ nyɔ hɛ̃ azi zu ya, ta ala pa lo ni hɛ̃ zo kɔi ma. Kanda fani sĩni mɛ lo ndokɛ̃ hɛ̃ azi zu ya, ta ala pa gi tɛrɛ tɛnɛ olo hɛ̃ zo kɔi ma ko, ala so ndoɔ bo na pa ni ɔngɔ. 37Azi abema sĩ, ko ala so ndopa ya: “Ye kwe zu mɛ lo ndoli ko, gi nzɔ̃ni buai! Lo sara awa kpua, ala ma ndo, lo sara nga awa buburu, ko ala tɛnɛ nga tɛnɛ!”
Currently Selected:
Marko 7: NGB87
Highlight
Share
Copy
Want to have your highlights saved across all your devices? Sign up or sign in
Ngbandi New Testament © United Bible Societies, 1987.
Marko 7
7
Tɛnɛ ti sé du tɛ akotara Ayuda
(Mat. 15.1-9)
1Afarizeo na ambanga awa hangɔ ndia alo ka Yeruzalɛmɛ, aga abombi tɛrɛ la ka tɔ̃nda Yezo. 2Ala hũ ya, tɛ ambanga ava Yezo, uzu ti la tɛngɔ ye ko, ta ala ndokpo ti la nga ma se mɛ sé du tɛ akotara la aha na lo ma.
3Kanda Ayuda mɛ Afarizeo, nga na Ayuda mɛ ndɛ̃ zu ndotɔndɔ sé du mɛ ndo akotara la aha na la. Uzu ti la tɛngɔ ye ko, ala ndokpo ti la zu nzɔ̃ni. 4Ngoi mɛ se ala lo ka ngere aga, uzu ti la tɛngɔ ye ko, ala kpo ti la. Ala ndotɔndɔ ambanga se li ye mɛ ndɛ̃ zu mɛ ndo akotara la aha na la. Ambanga se li ye ni lo mɛ: kpongɔ kangu na ta ngu, kpongɔ ta nwa nga na tange na seni.
5Afarizeo na awa hangɔ ndia ahũnda Yezo ya: “Nda mɛ ta ava mɔ ndotɔndɔ sé du tɛ akotara la ma nɛ? Uzu ti la tɛngɔ ye ko, nda mɛ ta ala ndokpo ti la ma nɛ?” 6Yezo agbinya hɛ̃ la ya: “Ĩ du awa poroso. Ezai apia ndo apa tɛnɛ na lo tɛ ĩ, ko tɛnɛ mɛ ndo lo tɛnɛ adu biani. Lo pa ya:
‘Nzapa apa ya, azi olo ndogonda mbi bo na pɔrɔ nyɔ la.
Kanda ka ya bɛ la ko, ta ala ye mbi bɛ gbɔ ma.
7Vɔrɔngɔ mɛ ala ndovɔrɔ na mbi ko, adu gɛgɛrɛ,
Na lo mɛ ya, ala ndoha ndia mɛ azi alu,
Ma bere mbi Nzapa la mbi lu ndia ni.”
8Yezo apa hɛ̃ la ya: “Ĩ dɔ ndia tɛ Nzapa ĩ zia, ko ĩ ndoye sé du tɛ azi ti lɛ sese.”
9So pɛni, Yezo apa hɛ̃ la ya: “Ĩ hĩnga bo bingɔ ndia tɛ Nzapa, so batangɔ sé du tɛ ĩ nvɛni. 10Mɔizɛ apa ndo ya: ‘Tɔndɔ to mɔ na ta mɔ.’ Lo pa nga ya: ‘Zo ko atɛnɛ siɔ tɛnɛ na ili to lo bere na ili ta lo ko, ale aho lo.’ 11Kanda ĩ la ĩ ndoha na azi ya, se zo apa hɛ̃ to lo, bere hɛ̃ ta lo ya: ‘Ambanga ye tɛ mbi mɛ alengbi ya, mbi za na mɔ ko, adu kɔrbana’ (nda kɔrbana ni ya, ‘Mbi bata ye ni ko hɛ̃ Nzapa’), 12ko oko afa ya, ta alengbi ya, zo amu ye, aza na to lo bere na ta lo ma. 13Aye ko ĩ ndoli nga so ko, ĩ ndogbɛ̃ ngbondo tɛnɛ tɛ Nzapa, na lo ti sé du tɛ akotara ĩ mɛ ĩ ndoha na azi. Ko ĩ ndoli ambanga ye sĩni nga ma oko.”
Aye mɛ ndogbɛ̃ bɛ zo
(Mat. 15.10-20)
14So pɛni, Yezo ti ili azi butu butu, apa hɛ̃ la ya: “Ĩ zu ĩ ma mbi nzɔ̃ni. Ale ĩ hĩnga ya, 15tɛ mɛ zo ndotɛ, la ndozu ka ya lo ko, ta alengbi ti gbɛ̃ngɔ lo ma. Kanda lo mɛ ndolo ka bɛ zo ndosi, la ndogbɛ̃ zo. [ 16Zo ko la ma lo adu da ko, ale lo ma!]”
17Ngoi mɛ Yezo azia azi, ali ka ya da ko, ava lo ali pɛko lo, ahũnda lo na lo matɔ ni ko. 18La lo gbinya hɛ̃ la ya: “Ta ĩ lengbi nga ti hĩngangɔ nda tɛnɛ ni ko ma? Ale ĩ hĩnga ya, tɛ mɛ zo ndotɛ, la ndozu ka ya lo ko, ta alengbi ti gbɛ̃ngɔ lo ma. 19Ta sanga ma, tɛ ni ndozu ka ya lo, so pɛni asi, ati ya kabinɛ, kanda ta tɛ ni ndoli ka ya bɛ lo ya, agbɛ̃ bɛ lo ma.” (Na lege ti tɛnɛ olo ko, Yezo apa ya, azi alengbi ti tɛngɔ ye kwe zu.) 20Lo pa nga hɛ̃ la ya: “Lo mɛ ndolo ka ya bɛ zo ndosi, la ndogbɛ̃ zo. 21Ta sanga ma, asiɔ dangɔ bɛ mɛ ndolo ka ya bɛ zo, la ndoto zo ya, lo li siɔ ye ti kamɛnɛ, lo nzĩ ye, lo ho zo, 22lo ti kɔmbɛ, lo du na gwɛ̃ ye, lo li ye na sana, lo handa afɔ̃ lo, lo li ye na ndo li lo wawa, lo li sɔbɛrɛ, lo tɛnɛ siɔ tɛnɛ na ili afɔ̃ lo, lo li ye ti yakɛ, lo li nga ye ti buba. 23Asiɔ ye ni ko zu ndolo ka ya bɛ zo, wa agbɛ̃ zo.”
Wali mɛ ta Io wa Yuda ma aye lo tɛ Yezo
(Mat. 15.21-28)
24Yezo alo so ko, anɔ ka sese mɛ ndũ na kɔdɔrɔ mɛ ili ni la Tirɛ. Lo li na ya da kɔi, ta lo ye ya, zo ahĩnga ya ni ndo ko ma. Kanda azi ahĩnga ya, lo ndo ko. 25Mbanga wali kɔi na nyi lo ti wali, ko asiɔ tɔrɔ asa tɛrɛ nyi lo ni. Ko wali ko ama pa tɛ Yezo. La lo nɔ, lo kuku gbɛlɛ Yezo. 26Ta zo wali ni ko wa Yuda ma. Adú lo ka sese ti Fenisia mɛ ka kota sese mɛ ili ni la Siria. Lo hũnda Yezo ya, lo toma siɔ tɔrɔ na ya tɛrɛ nyi ni. 27La Yezo apa hɛ̃ lo ya: “Zia ayangambi atɛ ye hĩ, ta sanga ma, mungɔ tɛ tɛ ayangambi, sangɔ hɛ̃ ambo adu siɔni.” 28La wali ko agbinya hɛ̃ lo ya: “Biani Gbia, kanda ambo ndodu na gbɛ mɛsa, atɛ mbumbu tɛ mɛ ndosa na ti ayangambi.” 29La Yezo agbinya hɛ̃ lo ya: “Na lo tɛnɛ mɛ mɔ gbinya hɛ̃ mbi ko, mɔ lengbi ti diringɔ ka tɛ mɔ. Siɔ tɔrɔ mɛ na ya tɛrɛ nyi mɔ asi wɛ.” 30Wali ko ĩ diri ka ndo tɛ lo ko, lo tã nyi lo ase so ndo tange, siɔ tɔrɔ ni asi na ya tɛrɛ lo wɛ.
Yezo asara wa kpua mɛ lo nga buburu
31Yezo azia sese ti Tirɛ, aɔ ti lɛ kɔdɔrɔ ti Sidona. So pɛni, lo fangbi ti lɛ sese mɛ ndɛ̃ mɛ ili ni la Kɔdɔrɔ Sui Kɔi, la lo diri lo gwe ka kpo ti Galilea. 32Azi aga na kɔli kɔi mɛ wa kpua hɛ̃ lo. Ta kɔli ni ko ndotɛnɛ tɛnɛ na seni ma. Ala hũnda Yezo ya, lo kpã ti lo ndo lo, lo sara lo. 33La Yezo amu bo wa kpua ko kɔi, agwe na lo ka katɛ, yɔngɔrɔni na azi. Lo yɔrɔ li ti lo na do ma kɔli ko. Lo ĩ hã ti lo ko, lo ku solo na li ti lo, lo bɔrɔ na menga lo. 34Yezo aya lɛ lo ndozu, awɔ foo, apa hɛ̃ kɔli ko ya: “Efafata!” (Alengbi ya: “Zi tɛrɛ mɔ!”) 35Bo na ngoi ni ko, ma lo azi, menga lo azara tɛrɛ lo, lo to nda tɛnɛngɔ tɛnɛ na seni. 36La Yezo ahɛ̃ nyɔ hɛ̃ azi zu ya, ta ala pa lo ni hɛ̃ zo kɔi ma. Kanda fani sĩni mɛ lo ndokɛ̃ hɛ̃ azi zu ya, ta ala pa gi tɛrɛ tɛnɛ olo hɛ̃ zo kɔi ma ko, ala so ndoɔ bo na pa ni ɔngɔ. 37Azi abema sĩ, ko ala so ndopa ya: “Ye kwe zu mɛ lo ndoli ko, gi nzɔ̃ni buai! Lo sara awa kpua, ala ma ndo, lo sara nga awa buburu, ko ala tɛnɛ nga tɛnɛ!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngbandi New Testament © United Bible Societies, 1987.