Imbombo sya batumigwa 9
9
Ulupinduko lwa Sauli
(Bat. 22,6-16; 26,12-18)
1Umwene Sauli bo akali ikutuyanika nubukalale bwa kubogofya nukubagoga abafundigwa ba Ntwa, alinkubuka
2kumputi unkulumba, alinkwakunsuma bakalata aba kubuka nabo mmaSinagogi ga mu-Damaska, ukuti linga ikubaga bamo aba njila yiyiyi, abanyambala nabakikulu, abapinyege
3nukubatwala muYerusalemu. Lelo bo ali munjila ikusegelela mu-Damaska, nakalinga ulumuli ulufuma kumwanya luli-
4nkummulika kosa kosa; umwene alinkugwa pasi, alinkupilika ilisyu likuti: Gwe Sauli, gwe Sauli, kufwima fiki une?
5Loli umwene alinkulalusya alinkuti: Gwe ani, gwe Ntwa? Umwene alinkumbula alinkuti: Yo une Yesu ne kufwima;
6loli sumukaga ubukege nkaya, mo kwakubuligwaga isi fikuti
7ubombege. Abene loli abandu aba bendaga nagwe, balinkwima bo sisobile nisya kuyoba, namanga ilisyu lyo balipilike, 8loli balinkusita nukumbona nayumo. Popapo Sauli alinkusumuka ukufuma pasi, lelo bo ikuti ngete, alinkwaga atikuketa. Popapo balinkunkola ikiboko, balinkundongosya ukubuka
9mu-Damaska. Alinkugona amasiku matatu kisita kuketa, alinkusita nukulya nukunwa.
Sauli mu-Damaska
10Lelo alimo umfundigwa yumo mu-Damaska, uyu ali yo Anania ingamu; yo uNtwa alinkuyobela nagwe nkisetuka alinkuti: Anania! Umwene alinkuti: Alʼune gwe Ntwa.
11Popapo uNtwa alinkumbula alinkuti: Sumukaga ubukege mumpulo ugu bikuti Ngolofu, mo ukandondege munyumba ya Yuda umundu gwa mu Tarsi, uyu bikuti Sauli ingamu.
12Keta, buno ali pakwiputa, kangi ikumbona umundu nkisetuka uyu bikuti Anania ingamu, ikwingila nukumbikapo amaboko
13ukuti aketege kangi. Umwene loli Anania alinkwamula alinkuti: Gwe Ntwa, mbilike ukufuma kubandu ba bingi isya mundu yuyuyu, nububibi bosa ubu ababombile abikemo bako
14mu-Yerusalemu; mope na munomuno apegigwe amaka ukufuma kubaputi abakulumba, aga kubapinyila bosa aba
15bikuyiyoba ingamu yako. Loli uNtwa alinkumbula alinkuti: Bukaga, buno umundu yuyuyu kibombelo kyangu ikisunguligwa, ikya kubatwalilamo ingamu yangu abapanja, nabatwa,
16nabanyʼIsraeli; buno nisakunnangisyaga yuyune syosa ingu-
17bilo isi fikuti akubilwege panongwa ya ngamu yangu. Popapo Anania alinkubuka, alinkwakwingila nnyumba, alinkumbikapo amaboko alinkuti: Gwamyitu Sauli, uNtwa Yesu, uyu akusetukile munjila bo kwisa, andumile kumyako ukuti uketege
18kangi, nukuti gwisulege Mbepo Mwikemo. Lelo nakalinga itolo utundu utu tuliti makakala lulinkusatuka ukufuma mmaso gake, alinkwenda nukuketa. Alinkusumuka alinkosigwa.
19Popapo alinkulya ifindu nukukaba amaka. Umwene alinkuya pamopene nabafundigwa aba mu-
20Damaska amasiku manandi. Nakalinga alinkumfumusya
21Yesu mmaSinagogi, ukuti yo yu Mwana gwa Kyala. Bosa aba bapilikaga sisisi, balinkuswiganika balinkuti: Akaya yo uyu abanyambaniaga mu-Yerusalemu aba bayiyobaga ingamu yiyiyi? Kangi sikaya syo isi alisile na muno, ukuti abapinye
22nukubatwala kubaputi abakulumba? Umwene Sauli alinkongelapo ukukaka, alinkubalangania abaYuda aba bali mu-Damaska, alinkusisimikisya ukuti Yesu yo yu Kristi.
23Lelo bo gakindilepo amasiku mingi, popapo abaYuda
24balinkwitikana ukuti bangoge, loli Sauli alinkusimanya isi balitikene. Abene balinkunsigila mfipata pamusi na pakilo 25ukuti bangoge; loli abafundigwa bake balinkumwega pakilo, balinkumwendesya pimato, balinkunsololosya nkitundu.
Sauli mu-Yerusalemu na mu-Tarsi
26Lelo bo afikile mu-Yerusalemu, alinkugela ukongana nabafundigwa; loli bosa balinkuntila, balinkusita nukwitika ukuti
27yope mfundigwa. Popapo Barnaba alinkumwega, alinkuntwala kubatumigwa, alinkubapangila na muno Sauli alimbwene uNtwa munjila, nukuti ayobile nagwe, na muno ayifumukisyaga ingamu ya Yesu pabwelu itolo mu-Damaska.
28Umwene alinkuya nabo mu-Yerusalemu bo ikwingila nuku-
29soka, alinkuyiyoba ingamu ya Ntwa kisita kutila; alinkuyoba nukukanikana nabaGriki, loli abene balinkuti tungoge.
30Loli abanine bo basyagenie, popapo balinkwakumbika mu-Kaisaria balinkuntuma ukubuka mu-Tarsi.
31Popapo ikipanga kyosa kya mu-Yudai, mu-Galilai, na mu-Samaria, kilinkutengana nukwiyenga, kilinkwendela ndutilo lwa kuntila uNtwa; kangi kilinkubala ndusubisyo lwa Mbepo Mwikemo.
Peteri ikubumbulusya mu-Lida
32Lelo bo Peteri ikwembela mosamosa, popapo alinkusuluka
33ukubuka kubikemo aba bayengile mu-Lida. Mo alinkwakumwaga umundu uyu ali yo Enea ingamu, uyu alambalele
34pakitala ifyinja lwele, ali nimbungo ya bukokonyale. Umwene Peteri alinkuyoba nagwe alinkuti: Enea, Yesu Kristi ikukubumbulusya: sumukaga, gwitengelege ikitala kyako. Naka-
35linga itolo alinkusumuka. Balinkumbona bosa aba bayengile mu-Lida, na mu-Saroni, balinkupindukila kuNtwa.
Ukusyusigwa kwa Dorkasi
36Lelo alimo yumo umfundigwa unkikulu mu-Yope, uyu ingamu yake ali yo Tabita, ko kuti Dorkasi;#Dorkasi ko kuti akasya. ali nimbombo
37inunu si nyingi, kangi asosyaga nifyabususilwa. Lelo mmasiku gago alinkubina, alinkwenda nukufwa. Lelo bo bamosisye mumbili, balinkumbika kunyumba ya kwiyulu.
38Papo Lida ali pipi na Yope, abafundigwa balinkupilika ukuti Peteri ali mumo; popapo balinkubatuma abandu babili aba kwakumpyelesya ukuti: Ungakabilaga ukwisa kumyitu.
39Popapo Peteri alinkusumuka, alinkubuka nabo. Lelo bo ayilekufika, balinkufyuka nagwe kunyumba ya kwiyulu. Popapo abakikulu bosa abafwile balinkusegelela kumyake, balinkulila nukunnangisya imiselekesye nimyenda, igi Dorkasi
40abasonile, bo akali ali nabo. Loli umwene Peteri alinkubasosya bosa panja, alinkufugama alinkwiputa, alinkusyutukila kumfimba alinkuti: Tabita, sumuka. Popapo umwene alinkwigula amaso gake; lelo bo ambwene Peteri, alinku-
41sumuka alinkutugasya. Popapo Peteri alinkunkola ikiboko, alinkunsumusya; alinkubabilikila abikemo nabakikulu aba-
42fwile, alinkubapa umumi itolo. Syo silinkufumuka mosa
43mu-Yope, ba bingi balinkwenda nukumwitika uNtwa. Popapo Peteri alinkuya mu-Yope amasiku ga mingi nnyumba ya Simoni umfugutangubo.
Currently Selected:
Imbombo sya batumigwa 9: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
Imbombo sya batumigwa 9
9
Ulupinduko lwa Sauli
(Bat. 22,6-16; 26,12-18)
1Umwene Sauli bo akali ikutuyanika nubukalale bwa kubogofya nukubagoga abafundigwa ba Ntwa, alinkubuka
2kumputi unkulumba, alinkwakunsuma bakalata aba kubuka nabo mmaSinagogi ga mu-Damaska, ukuti linga ikubaga bamo aba njila yiyiyi, abanyambala nabakikulu, abapinyege
3nukubatwala muYerusalemu. Lelo bo ali munjila ikusegelela mu-Damaska, nakalinga ulumuli ulufuma kumwanya luli-
4nkummulika kosa kosa; umwene alinkugwa pasi, alinkupilika ilisyu likuti: Gwe Sauli, gwe Sauli, kufwima fiki une?
5Loli umwene alinkulalusya alinkuti: Gwe ani, gwe Ntwa? Umwene alinkumbula alinkuti: Yo une Yesu ne kufwima;
6loli sumukaga ubukege nkaya, mo kwakubuligwaga isi fikuti
7ubombege. Abene loli abandu aba bendaga nagwe, balinkwima bo sisobile nisya kuyoba, namanga ilisyu lyo balipilike, 8loli balinkusita nukumbona nayumo. Popapo Sauli alinkusumuka ukufuma pasi, lelo bo ikuti ngete, alinkwaga atikuketa. Popapo balinkunkola ikiboko, balinkundongosya ukubuka
9mu-Damaska. Alinkugona amasiku matatu kisita kuketa, alinkusita nukulya nukunwa.
Sauli mu-Damaska
10Lelo alimo umfundigwa yumo mu-Damaska, uyu ali yo Anania ingamu; yo uNtwa alinkuyobela nagwe nkisetuka alinkuti: Anania! Umwene alinkuti: Alʼune gwe Ntwa.
11Popapo uNtwa alinkumbula alinkuti: Sumukaga ubukege mumpulo ugu bikuti Ngolofu, mo ukandondege munyumba ya Yuda umundu gwa mu Tarsi, uyu bikuti Sauli ingamu.
12Keta, buno ali pakwiputa, kangi ikumbona umundu nkisetuka uyu bikuti Anania ingamu, ikwingila nukumbikapo amaboko
13ukuti aketege kangi. Umwene loli Anania alinkwamula alinkuti: Gwe Ntwa, mbilike ukufuma kubandu ba bingi isya mundu yuyuyu, nububibi bosa ubu ababombile abikemo bako
14mu-Yerusalemu; mope na munomuno apegigwe amaka ukufuma kubaputi abakulumba, aga kubapinyila bosa aba
15bikuyiyoba ingamu yako. Loli uNtwa alinkumbula alinkuti: Bukaga, buno umundu yuyuyu kibombelo kyangu ikisunguligwa, ikya kubatwalilamo ingamu yangu abapanja, nabatwa,
16nabanyʼIsraeli; buno nisakunnangisyaga yuyune syosa ingu-
17bilo isi fikuti akubilwege panongwa ya ngamu yangu. Popapo Anania alinkubuka, alinkwakwingila nnyumba, alinkumbikapo amaboko alinkuti: Gwamyitu Sauli, uNtwa Yesu, uyu akusetukile munjila bo kwisa, andumile kumyako ukuti uketege
18kangi, nukuti gwisulege Mbepo Mwikemo. Lelo nakalinga itolo utundu utu tuliti makakala lulinkusatuka ukufuma mmaso gake, alinkwenda nukuketa. Alinkusumuka alinkosigwa.
19Popapo alinkulya ifindu nukukaba amaka. Umwene alinkuya pamopene nabafundigwa aba mu-
20Damaska amasiku manandi. Nakalinga alinkumfumusya
21Yesu mmaSinagogi, ukuti yo yu Mwana gwa Kyala. Bosa aba bapilikaga sisisi, balinkuswiganika balinkuti: Akaya yo uyu abanyambaniaga mu-Yerusalemu aba bayiyobaga ingamu yiyiyi? Kangi sikaya syo isi alisile na muno, ukuti abapinye
22nukubatwala kubaputi abakulumba? Umwene Sauli alinkongelapo ukukaka, alinkubalangania abaYuda aba bali mu-Damaska, alinkusisimikisya ukuti Yesu yo yu Kristi.
23Lelo bo gakindilepo amasiku mingi, popapo abaYuda
24balinkwitikana ukuti bangoge, loli Sauli alinkusimanya isi balitikene. Abene balinkunsigila mfipata pamusi na pakilo 25ukuti bangoge; loli abafundigwa bake balinkumwega pakilo, balinkumwendesya pimato, balinkunsololosya nkitundu.
Sauli mu-Yerusalemu na mu-Tarsi
26Lelo bo afikile mu-Yerusalemu, alinkugela ukongana nabafundigwa; loli bosa balinkuntila, balinkusita nukwitika ukuti
27yope mfundigwa. Popapo Barnaba alinkumwega, alinkuntwala kubatumigwa, alinkubapangila na muno Sauli alimbwene uNtwa munjila, nukuti ayobile nagwe, na muno ayifumukisyaga ingamu ya Yesu pabwelu itolo mu-Damaska.
28Umwene alinkuya nabo mu-Yerusalemu bo ikwingila nuku-
29soka, alinkuyiyoba ingamu ya Ntwa kisita kutila; alinkuyoba nukukanikana nabaGriki, loli abene balinkuti tungoge.
30Loli abanine bo basyagenie, popapo balinkwakumbika mu-Kaisaria balinkuntuma ukubuka mu-Tarsi.
31Popapo ikipanga kyosa kya mu-Yudai, mu-Galilai, na mu-Samaria, kilinkutengana nukwiyenga, kilinkwendela ndutilo lwa kuntila uNtwa; kangi kilinkubala ndusubisyo lwa Mbepo Mwikemo.
Peteri ikubumbulusya mu-Lida
32Lelo bo Peteri ikwembela mosamosa, popapo alinkusuluka
33ukubuka kubikemo aba bayengile mu-Lida. Mo alinkwakumwaga umundu uyu ali yo Enea ingamu, uyu alambalele
34pakitala ifyinja lwele, ali nimbungo ya bukokonyale. Umwene Peteri alinkuyoba nagwe alinkuti: Enea, Yesu Kristi ikukubumbulusya: sumukaga, gwitengelege ikitala kyako. Naka-
35linga itolo alinkusumuka. Balinkumbona bosa aba bayengile mu-Lida, na mu-Saroni, balinkupindukila kuNtwa.
Ukusyusigwa kwa Dorkasi
36Lelo alimo yumo umfundigwa unkikulu mu-Yope, uyu ingamu yake ali yo Tabita, ko kuti Dorkasi;#Dorkasi ko kuti akasya. ali nimbombo
37inunu si nyingi, kangi asosyaga nifyabususilwa. Lelo mmasiku gago alinkubina, alinkwenda nukufwa. Lelo bo bamosisye mumbili, balinkumbika kunyumba ya kwiyulu.
38Papo Lida ali pipi na Yope, abafundigwa balinkupilika ukuti Peteri ali mumo; popapo balinkubatuma abandu babili aba kwakumpyelesya ukuti: Ungakabilaga ukwisa kumyitu.
39Popapo Peteri alinkusumuka, alinkubuka nabo. Lelo bo ayilekufika, balinkufyuka nagwe kunyumba ya kwiyulu. Popapo abakikulu bosa abafwile balinkusegelela kumyake, balinkulila nukunnangisya imiselekesye nimyenda, igi Dorkasi
40abasonile, bo akali ali nabo. Loli umwene Peteri alinkubasosya bosa panja, alinkufugama alinkwiputa, alinkusyutukila kumfimba alinkuti: Tabita, sumuka. Popapo umwene alinkwigula amaso gake; lelo bo ambwene Peteri, alinku-
41sumuka alinkutugasya. Popapo Peteri alinkunkola ikiboko, alinkunsumusya; alinkubabilikila abikemo nabakikulu aba-
42fwile, alinkubapa umumi itolo. Syo silinkufumuka mosa
43mu-Yope, ba bingi balinkwenda nukumwitika uNtwa. Popapo Peteri alinkuya mu-Yope amasiku ga mingi nnyumba ya Simoni umfugutangubo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.