EFETIKILO 33
33
1Yakoba wa petula ovaso aye, wa vanja kuenje wa mõla Esau yu iyo kumue lovita vikuãla vialume. Oco wa tepisila omãla ku Lea la Rahele lafeko vaye vavali. 2Wa kapa afeko vaco lomãla vavo kovaso; Lea lomãla vaye va kuamako, kuenda Rahele la Yosefe va siala konyima. 3Eye muẽle wa pita kovaso, wa petamẽla posi olonjanja epanduvali toke wa pitila ku huvaye.
4Puãi Esau wa yolokako ha tokeka laye, yu wo kuata kuenje wa nyoñamẽla kosingo yaye, wo sipula. Kavali kavo va lila. 5Eci Esau a petula ovaso aye kuenje wa mõla ovakãi lomãla, oco wa pula hati, Ava velie va kasi love? Eye hati, Ovo omãla Suku a eca kukuenje wove. 6Afeko va kokela lomãla vavo ha va fendela. 7Lea leyevo wa kokela lomãla vaye ha va fendela. Oku sulako Yosefe la Rahele va kokela, lavovo va fendela. 8Esau wa popia hati, Endo eli nda ñualehẽla lalio lia lomboloka ndati? Yakoba wa kumbulula hati, Nda soka oku livondela lalio ku Ñala yange. 9Puãi Esau wa kumbulula hati, Eci ñuete ale nda tẽla laco a manjange; eci o kuete ci kale ño cove. 10Yakoba hati, Kotoko, nda ocili nda sanga ohenda kokuove, va tambule ombanjaile ya tunda peka liange, momo ocili kokuange oku vanja ocipala cove ca soka ndoku vanja ocipala ca Suku, eci ndimbuka ndomo wa sanjukila. 11Va tambule ombanjaile nda ku nenela, momo Suku wa ndinga ohenda kuenje ñuete ovina via lua. Yu wo siliha kuenje wa tava.
12Esau wa popia hati, Tu ende ño ungende wetu. Ame mita kovaso. 13Puãi Yakoba wa popia laye hati, A Ñala yange, o ci okuti omãla va teñela, lolomeme lolongombe ñasi lavio, vina vi kasi loku nyamisa, vi kasi loku sakalaisa. Nda va vi senga ca lua eteke limosi, oviunda viosi vi fa. 14A Ñala yange, va pite ño kovaso yukuenje wove, ame ngenda levando, ñuama vakonjo ovinyama vi enda kovaso, lovolomãi viomãla toke tu pitila ku Ñala ko Seire.
15Esau wa kumbulula hati, Hu silako vamue omanu va kasi lame. Yakoba hati, O ci lingila nye? A Ñala, ndinge ohenda, ci kale ño. 16Eteke liaco Esau wa wila vonjila yoku tiukila ko Seire. 17Puãi Yakoba wa enda ungende waye toke ko Sukote, wa tunga onjo, kuenje wa saika olonganjo viovinyama viaye. Oco va luka onduko yusenge waco vati, Olonganjo.
18Eci a tunda ketapi lia Arama oco Yakoba wa pitila lombembua kimbo lia Sekeme vofeka ya Kanana. Wa tunga ocilombo konẽle yimbo. 19Wa landa onepa yusenge kuna a tamũluila ombalaka yaye. Wa yi landa komãla va Hamore, isia ya Sekeme, locita covinimbu viutale wolombongo. 20Wa tungako utala, kuenje wo tukula hati, Suku eye suku ya Isareli.
Currently Selected:
EFETIKILO 33: EMB63
Highlight
Share
Copy
Want to have your highlights saved across all your devices? Sign up or sign in
Umbundu Bible © United Bible Societies, 1963.
EFETIKILO 33
33
1Yakoba wa petula ovaso aye, wa vanja kuenje wa mõla Esau yu iyo kumue lovita vikuãla vialume. Oco wa tepisila omãla ku Lea la Rahele lafeko vaye vavali. 2Wa kapa afeko vaco lomãla vavo kovaso; Lea lomãla vaye va kuamako, kuenda Rahele la Yosefe va siala konyima. 3Eye muẽle wa pita kovaso, wa petamẽla posi olonjanja epanduvali toke wa pitila ku huvaye.
4Puãi Esau wa yolokako ha tokeka laye, yu wo kuata kuenje wa nyoñamẽla kosingo yaye, wo sipula. Kavali kavo va lila. 5Eci Esau a petula ovaso aye kuenje wa mõla ovakãi lomãla, oco wa pula hati, Ava velie va kasi love? Eye hati, Ovo omãla Suku a eca kukuenje wove. 6Afeko va kokela lomãla vavo ha va fendela. 7Lea leyevo wa kokela lomãla vaye ha va fendela. Oku sulako Yosefe la Rahele va kokela, lavovo va fendela. 8Esau wa popia hati, Endo eli nda ñualehẽla lalio lia lomboloka ndati? Yakoba wa kumbulula hati, Nda soka oku livondela lalio ku Ñala yange. 9Puãi Esau wa kumbulula hati, Eci ñuete ale nda tẽla laco a manjange; eci o kuete ci kale ño cove. 10Yakoba hati, Kotoko, nda ocili nda sanga ohenda kokuove, va tambule ombanjaile ya tunda peka liange, momo ocili kokuange oku vanja ocipala cove ca soka ndoku vanja ocipala ca Suku, eci ndimbuka ndomo wa sanjukila. 11Va tambule ombanjaile nda ku nenela, momo Suku wa ndinga ohenda kuenje ñuete ovina via lua. Yu wo siliha kuenje wa tava.
12Esau wa popia hati, Tu ende ño ungende wetu. Ame mita kovaso. 13Puãi Yakoba wa popia laye hati, A Ñala yange, o ci okuti omãla va teñela, lolomeme lolongombe ñasi lavio, vina vi kasi loku nyamisa, vi kasi loku sakalaisa. Nda va vi senga ca lua eteke limosi, oviunda viosi vi fa. 14A Ñala yange, va pite ño kovaso yukuenje wove, ame ngenda levando, ñuama vakonjo ovinyama vi enda kovaso, lovolomãi viomãla toke tu pitila ku Ñala ko Seire.
15Esau wa kumbulula hati, Hu silako vamue omanu va kasi lame. Yakoba hati, O ci lingila nye? A Ñala, ndinge ohenda, ci kale ño. 16Eteke liaco Esau wa wila vonjila yoku tiukila ko Seire. 17Puãi Yakoba wa enda ungende waye toke ko Sukote, wa tunga onjo, kuenje wa saika olonganjo viovinyama viaye. Oco va luka onduko yusenge waco vati, Olonganjo.
18Eci a tunda ketapi lia Arama oco Yakoba wa pitila lombembua kimbo lia Sekeme vofeka ya Kanana. Wa tunga ocilombo konẽle yimbo. 19Wa landa onepa yusenge kuna a tamũluila ombalaka yaye. Wa yi landa komãla va Hamore, isia ya Sekeme, locita covinimbu viutale wolombongo. 20Wa tungako utala, kuenje wo tukula hati, Suku eye suku ya Isareli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Umbundu Bible © United Bible Societies, 1963.