ᠢᠣᠸᠠᠨ 1
1
ᠨᠢᠭᠡᠳᠦᠭᠡᠷ ᠪᠦᠯᠦᠭ ᠅
1ᠡᠬᠢᠨ ᠳᠦᠷ ᠯᠣᠭᠣᠰ ᠪᠤᠢ ᠪᠥᠯᠦᠭᠡ᠃ ᠯᠣᠭᠣᠰ ᠠᠨᠤ ᠪᠤᠷᠬᠠᠨ ᠯᠤᠭᠠ ᠠᠭᠰᠠᠨ ᠪᠥᠭᠡᠳ᠂ ᠯᠣᠭᠣᠰ ᠠᠨᠤ ᠪᠤᠷᠬᠠᠨ ᠪᠥᠯᠦᠭᠡ᠃ 2ᠲᠡᠷᠡ ᠢᠨᠦ ᠡᠬᠢᠨ ᠳᠦᠷ ᠪᠤᠷᠬᠠᠨ ᠯᠤᠭᠠ ᠪᠤᠢ ᠪᠥᠯᠦᠭᠡ᠃ 3ᠬᠠᠮᠤᠭ ᠶᠠᠭᠤᠮᠠᠳ ᠠᠨᠤ ᠲᠡᠭᠦᠨ ᠢᠶᠡᠷ ᠪᠣᠯᠪᠠᠰᠤᠷᠠᠭᠤᠯᠤᠭᠳᠠᠪᠠᠢ᠃ ᠲᠡᠭᠦᠨ ᠦᠭᠡᠢ ᠪᠡᠷ ᠪᠣᠯᠪᠠᠰᠤᠷᠠᠭᠰᠠᠨ ᠶᠠᠭᠤᠨ ᠴᠤ ᠡᠰᠡ ᠪᠣᠯᠪᠠᠰᠤᠷᠠᠭᠤᠯᠤᠭᠳᠠᠪᠠᠢ᠃ 4ᠲᠡᠭᠦᠨ ᠦ ᠳᠣᠲᠣᠷᠠ ᠠᠮᠢᠨ ᠠᠭᠰᠠᠨ ᠪᠥᠭᠡᠳ᠂ ᠲᠡᠷᠡ ᠬᠦ ᠠᠮᠢᠨ ᠠᠨᠤ ᠬᠦᠮᠦᠨ ᠦ ᠭᠡᠷᠡᠯ ᠮᠥᠨ ᠪᠥᠯᠦᠭᠡ᠃ 5ᠲᠡᠶᠢᠨ ᠪᠥᠭᠡᠳ ᠭᠡᠷᠡᠯ ᠢᠨᠦ ᠬᠠᠷᠠᠩᠭᠤᠢ ᠳᠤᠷ ᠭᠡᠭᠡᠷᠡᠪᠡᠢ᠃ ᠬᠠᠷᠢᠨ ᠬᠠᠷᠠᠩᠭᠤᠢ ᠠᠨᠤ ᠲᠡᠭᠦᠨ ᠢ ᠡᠰᠡ ᠣᠷᠣᠭᠤᠯᠪᠠᠢ ᠅ 6ᠪᠤᠷᠬᠠᠨ ᠠᠴᠠ ᠢᠯᠡᠭᠡᠭᠳᠡᠭᠰᠡᠨ ᠨᠢᠭᠡ ᠢᠣᠸᠠᠨ ᠬᠡᠮᠡᠭᠴᠢ ᠨᠡᠷᠡ ᠲᠦ ᠬᠦᠮᠦᠨ ᠪᠥᠯᠦᠭᠡ᠃ 7ᠲᠡᠭᠦᠨ ᠢᠶᠡᠷ ᠬᠦᠮᠦᠨ ᠪᠦᠭᠦᠳᠡᠭᠡᠷ ᠦᠨ ᠢᠲᠡᠭᠡᠬᠦ ᠶᠢᠨ ᠲᠤᠯᠠᠳᠠ ᠲᠡᠷᠡ ᠢᠨᠦ ᠲᠡᠷᠡ ᠬᠦ ᠭᠡᠷᠡᠯ ᠦᠨ ᠤᠴᠢᠷᠠ ᠭᠡᠷᠡᠴᠢ ᠪᠣᠯᠤᠭᠠᠳ ᠭᠡᠷᠡᠴᠢᠯᠡᠷᠡ ᠢᠷᠡᠪᠡᠢ᠃ 8ᠲᠡᠷᠡ ᠥᠪᠡᠷ ᠢᠶᠡᠨ ᠲᠡᠷᠡ ᠬᠦ ᠭᠡᠷᠡᠯ ᠪᠤᠰᠤ᠃ ᠬᠠᠷᠢᠨ ᠲᠡᠷᠡ ᠭᠡᠷᠡᠯ ᠦᠨ ᠤᠴᠢᠷᠠ ᠭᠡᠷᠡᠴᠢᠯᠡᠷᠡ ᠢᠷᠡᠪᠡᠢ᠃ 9ᠶᠢᠷᠲᠢᠨᠴᠦ ᠳᠦᠷ ᠢᠷᠡᠭᠴᠢ ᠦᠨᠡᠨ ᠭᠡᠷᠡᠯ ᠢᠨᠦ ᠠᠯᠢᠪᠠ ᠬᠦᠮᠦᠨ ᠢ ᠭᠡᠶᠢᠭᠦᠯᠦᠭᠴᠢ ᠮᠥᠨ᠃ 10ᠲᠡᠷᠡ ᠢᠨᠦ ᠶᠢᠷᠲᠢᠨᠴᠦ ᠳᠦᠷ ᠠᠭᠰᠠᠨ ᠪᠥᠭᠡᠳ᠂ ᠶᠢᠷᠲᠢᠨᠴᠦ ᠴᠤ ᠲᠡᠭᠦᠨ ᠢᠶᠡᠷ ᠪᠣᠯᠪᠠᠰᠤᠷᠠᠭᠤᠯᠤᠭᠳᠠᠪᠠᠢ᠃ ᠬᠠᠷᠢᠨ ᠶᠢᠷᠲᠢᠨᠴᠦ ᠢᠨᠦ ᠲᠡᠭᠦᠨ ᠢ ᠡᠰᠡ ᠲᠠᠨᠢᠪᠠᠢ᠃ 11ᠲᠡᠷᠡ ᠢᠨᠦ ᠥᠪᠡᠷ ᠦᠨ (ᠣᠷᠣᠨ) ᠳᠤᠷ ᠥᠭᠡᠳᠡ ᠪᠣᠯᠪᠠᠢ᠃ ᠬᠠᠷᠢᠨ ᠲᠡᠭᠦᠨ ᠦ ᠤᠯᠤᠰ ᠠᠨᠤ ᠲᠡᠭᠦᠨ ᠢ ᠡᠰᠡ ᠲᠠᠭᠠᠯᠠᠨ ᠠᠪᠤᠪᠠᠢ᠃ 12ᠵᠦᠭᠡᠷ ᠠᠯᠢ ᠬᠡᠳ ᠲᠡᠭᠦᠨ ᠢ ᠠᠪᠤᠭᠴᠢᠳ ᠬᠡᠮᠡᠪᠡᠰᠦ᠂ ᠲᠡᠭᠦᠨ ᠦ ᠨᠡᠷᠡ ᠳᠦᠷ ᠢᠲᠡᠭᠡᠭᠴᠢᠳ ᠲᠦᠷ ᠲᠡᠷᠡ ᠢᠨᠦ ᠪᠤᠷᠬᠠᠨ ᠤ ᠬᠡᠦᠬᠡᠳ ᠪᠣᠯᠬᠤᠢ ᠴᠢᠳᠠᠯ ᠢ ᠥᠭᠪᠡᠢ᠃ 13ᠲᠡᠷᠡ ᠢᠨᠦ ᠴᠢᠰᠤᠨ ᠠᠴᠠ ᠪᠤᠰᠤ᠂ ᠪᠠᠰᠠ ᠮᠠᠬᠠᠪᠣᠳ ᠪᠡᠶᠡ ᠶᠢᠨ ᠳᠤᠷᠠᠰᠢᠯ ᠠᠴᠠ ᠪᠤᠰᠤ᠂ ᠵᠢᠴᠢ ᠡᠷᠡ ᠶᠢᠨ ᠳᠤᠷᠠᠰᠢᠯ ᠠᠴᠠ ᠪᠤᠰᠤ᠂ ᠬᠠᠷᠢᠨ ᠪᠤᠷᠬᠠᠨ ᠠᠴᠠ ᠲᠥᠷᠥᠭᠳᠡᠪᠡᠢ᠃ 14ᠯᠣᠭᠣᠰ ᠠᠨᠤ ᠮᠢᠬᠠᠨ (ᠴᠢᠰᠤᠨ ᠤ ᠲᠥᠷᠥᠯ ᠲᠦ) ᠪᠣᠯᠤᠭᠠᠳ ᠪᠢᠳᠡᠨ ᠦ ᠳᠣᠲᠣᠷᠠ ᠨᠤᠲᠤᠭᠯᠠᠪᠠᠢ᠃ ᠲᠡᠶᠢᠨ ᠬᠦ ᠪᠢᠳᠡ ᠪᠡᠷ ᠡᠴᠢᠭᠡ ᠶᠢᠨ ᠣᠨᠴᠠ ᠲᠥᠷᠥᠭᠳᠡᠭᠰᠡᠨ ᠦ ᠴᠣᠭ ᠵᠢᠪᠬᠤᠯᠠᠩ ᠮᠡᠲᠦ᠂ ᠲᠡᠭᠦᠨ ᠦ ᠬᠠᠶᠢᠷᠠ ᠬᠢᠭᠡᠳ ᠦᠨᠡᠨ ᠢᠶᠡᠷ ᠲᠦᠭᠡᠮᠡᠯ ᠴᠣᠭ ᠵᠢᠪᠬᠤᠯᠠᠩ ᠢ ᠦᠵᠡᠪᠡᠢ᠃ 15ᠲᠡᠭᠦᠨ ᠦ ᠤᠴᠢᠷᠠ ᠢᠣᠸᠠᠨ ᠠᠨᠤ ᠭᠡᠷᠡᠴᠢᠯᠡᠨ ᠡᠶᠢᠨ᠃ ᠮᠢᠨᠦ ᠬᠣᠶᠢᠨᠠ ᠠᠴᠠ ᠥᠭᠡᠳᠡ ᠪᠣᠯᠵᠤ ᠢᠷᠡᠭᠴᠢ ᠢᠨᠦ ᠨᠠᠳᠠᠴᠠ ᠤᠷᠢᠳᠠ ᠪᠣᠯᠪᠠᠢ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠲᠡᠷᠡ ᠢᠨᠦ ᠨᠠᠳᠠᠴᠠ ᠤᠷᠢᠳᠠ ᠪᠥᠯᠦᠭᠡ᠃ ᠬᠡᠮᠡᠨ ᠮᠢᠨᠦ ᠥᠭᠦᠯᠡᠭᠰᠡᠨ ᠢᠨᠦ ᠡᠨᠡ ᠮᠥᠨ᠃ 16ᠪᠢᠳᠡ ᠪᠦᠭᠦᠳᠡᠭᠡᠷ ᠲᠡᠭᠦᠨ ᠦ ᠲᠦᠭᠡᠮᠡᠯ ᠡᠴᠡ ᠬᠠᠶᠢᠷᠠ ᠶᠢᠨ ᠳᠡᠭᠡᠷᠡ ᠬᠠᠶᠢᠷᠠ ᠶᠢ ᠬᠦᠷᠲᠡᠭᠰᠡᠨ ᠮᠥᠨ᠃ 17ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠲᠣᠭᠲᠠᠭᠠᠯ ᠬᠡᠮᠡᠪᠡᠰᠦ ᠮᠣᠰᠢ ᠪᠠᠷ ᠥᠭᠲᠡᠪᠡᠢ᠃ ᠬᠠᠶᠢᠷᠠ ᠬᠢᠭᠡᠳ ᠦᠨᠡᠨ ᠢᠨᠦ ᠢᠢᠰᠦᠰ ᠬᠡᠷᠢᠰᠲ᠋ᠣᠰ ᠢᠶᠠᠷ ᠪᠣᠯᠤᠭᠰᠠᠨ ᠪᠤᠢ᠃ 18ᠬᠡᠨ ᠴᠤ ᠪᠤᠷᠬᠠᠨ ᠤ ᠭᠡᠭᠡᠭᠡᠨ ᠢ ᠬᠡᠵᠢᠶᠡ ᠴᠤ ᠡᠰᠡ ᠦᠵᠡᠪᠡᠢ᠃ ᠡᠴᠢᠭᠡ ᠶᠢᠨ ᠡᠪᠦᠷ ᠲᠦᠷ ᠠᠭᠴᠢ ᠣᠨᠴᠠ ᠲᠥᠷᠥᠭᠳᠡᠭᠰᠡᠨ ᠬᠥᠪᠡᠭᠦᠨ ᠢᠨᠦ ᠲᠡᠭᠦᠨ ᠢ ᠮᠡᠳᠡᠭᠦᠯᠪᠡᠢ᠃ ᠬᠡᠮᠡᠯᠦᠭᠡ ᠅ 19ᠴᠢ ᠬᠡᠨ ᠪᠤᠶᠤ᠂ ᠬᠡᠮᠡᠨ ᠶᠦᠳᠠᠲᠠᠨ ᠤ ᠯᠠᠮᠠᠨᠠᠷ ᠬᠢᠭᠡᠳ ᠯᠢᠸᠢᠲᠡᠨ ᠢ ᠶᠢᠷᠤᠰᠠᠯᠢᠮ ᠠᠴᠠ ᠠᠰᠠᠭᠤᠬᠤ ᠶᠢᠨ ᠲᠤᠯᠠ ᠢᠯᠡᠭᠡᠭᠰᠡᠨ ᠳᠦᠷ ᠢᠣᠸᠠᠨ ᠤ ᠭᠡᠷᠡᠴᠢᠯᠡᠭᠰᠡᠨ ᠢᠨᠦ ᠡᠨᠡ ᠪᠤᠢ ᠬᠡᠮᠡᠪᠡᠰᠦ᠃ 20ᠲᠡᠷᠡ ᠢᠨᠦ ᠮᠡᠯᠵᠢᠯ ᠦᠭᠡᠭᠦᠶᠡ ᠢᠯᠡᠷᠬᠡᠶᠢᠯᠡᠨ᠂ ᠪᠢ ᠪᠡᠷ ᠬᠡᠷᠢᠰᠲ᠋ᠣᠰ ᠪᠤᠰᠤ ᠬᠡᠮᠡᠨ ᠢᠯᠡᠷᠬᠡᠶᠢᠯᠡᠨ ᠥᠭᠦᠯᠡᠪᠡᠢ 21ᠪᠠᠰᠠ ᠲᠡᠳᠡ ᠢᠨᠦ ᠲᠡᠭᠦᠨ ᠡᠴᠡ ᠡᠶᠢᠨ᠃ ᠲᠡᠶᠢᠨ ᠪᠣᠯᠪᠠᠰᠤ ᠴᠢ ᠪᠡᠷ ᠬᠡᠨ ᠪᠤᠶᠤ᠃ ᠴᠢ ᠪᠡᠷ ᠢᠯᠢᠶᠠ ᠪᠤᠶᠤ᠃ ᠬᠡᠮᠡᠨ ᠠᠰᠠᠭᠤᠭᠰᠠᠨ ᠳᠤᠷ ᠲᠡᠷᠡ ᠢᠨᠦ ᠪᠢ ᠪᠤᠰᠤ ᠬᠡᠮᠡᠪᠡᠢ᠃ ᠴᠢ ᠪᠡᠷ ᠹᠣᠷᠣᠹᠢᠳ ᠪᠤᠶᠤ᠃ ᠲᠡᠷᠡ ᠢᠨᠦ ᠪᠢ ᠪᠤᠰᠤ ᠬᠡᠮᠡᠪᠡᠢ᠃ 22ᠲᠡᠳᠡ ᠢᠨᠦ ᠲᠡᠭᠦᠨ ᠳᠦᠷ ᠥᠭᠦᠯᠡᠷᠦᠨ᠃ ᠪᠢᠳᠡᠨ ᠢ ᠢᠯᠡᠭᠡᠭᠰᠡᠳ ᠲᠦᠷ ᠬᠠᠷᠢᠭᠤ ᠥᠭᠦᠯᠡᠬᠦ ᠶᠢᠨ ᠲᠤᠯᠠ᠂ ᠴᠢ ᠪᠡᠷ ᠬᠡᠨ ᠪᠤᠶᠤ᠃ ᠥᠪᠡᠷ ᠦᠨ ᠤᠴᠢᠷᠠ ᠶᠠᠭᠤᠨ ᠢ ᠥᠭᠦᠯᠡᠮᠦᠶᠦ᠃ 23ᠬᠡᠮᠡᠭᠰᠡᠨ ᠳᠦᠷ ᠲᠡᠷᠡ ᠢᠨᠦ ᠥᠭᠦᠯᠡᠷᠦᠨ᠃ ᠢᠰᠠᠢ᠌ᠶᠠ ᠹᠣᠷᠣᠹᠢᠳ ᠤᠨ ᠵᠠᠷᠯᠢᠭ ᠪᠣᠯᠤᠭᠰᠠᠨ ᠮᠡᠲᠦ᠂ ᠡᠵᠡᠨ ᠦ ᠵᠠᠮ ᠢ ᠲᠡᠭᠰᠢᠳᠬᠡᠭᠲᠦᠨ᠂ ᠬᠡᠮᠡᠨ ᠪᠢ ᠪᠡᠷ ᠭᠣᠪᠢ ᠶᠢᠨ ᠳᠣᠲᠣᠷᠠ ᠳᠠᠭᠤᠳᠠᠭᠴᠢ ᠶᠢᠨ ᠳᠠᠭᠤ ᠮᠥᠨ᠃ 24ᠲᠡᠳᠡ ᠢᠯᠡᠭᠡᠭᠳᠡᠭᠰᠡᠳ ᠢᠨᠦ ᠹᠠᠷᠢᠰᠢ ᠨᠠᠷ ᠠᠴᠠ ᠪᠥᠯᠦᠭᠡ᠃ 25ᠵᠢᠴᠢ ᠲᠡᠳᠡ ᠢᠨᠦ ᠲᠡᠭᠦᠨ ᠡᠴᠡ ᠠᠰᠠᠭᠤᠷ ᠤᠨ᠃ ᠬᠡᠷᠪᠡ ᠴᠢ ᠪᠡᠷ ᠬᠡᠷᠢᠰᠲ᠋ᠣᠰ ᠪᠤᠰᠤ᠂ ᠢᠯᠢᠶᠠ ᠪᠤᠰᠤ᠂ ᠹᠣᠷᠣᠹᠢᠳ ᠴᠤ ᠪᠤᠰᠤ ᠪᠣᠯᠪᠠᠰᠤ᠂ ᠴᠢ ᠪᠡᠷ ᠶᠠᠭᠤᠨ ᠤ ᠲᠤᠯᠠ ᠪᠠᠹᠲ᠋ᠢᠰᠯᠠᠮᠤᠶᠤ᠃ 26ᠬᠡᠮᠡᠭᠰᠡᠨ ᠳᠦᠷ ᠢᠣᠸᠠᠨ ᠠᠨᠤ ᠲᠡᠳᠡᠨ ᠳᠦᠷ ᠬᠠᠷᠢᠭᠤ ᠡᠶᠢᠨ᠃ ᠪᠢ ᠪᠡᠷ ᠤᠰᠤᠨ ᠢᠶᠠᠷ ᠪᠠᠹᠲ᠋ᠢᠰᠯᠠᠮᠤᠢ᠃ ᠬᠠᠷᠢᠨ ᠲᠠᠨᠤ ᠡᠰᠡ ᠲᠠᠨᠢᠭᠰᠠᠨ ᠨᠢᠭᠡᠨ ᠢᠨᠦ ᠲᠠᠨᠤ ᠳᠤᠮᠳᠠ ᠪᠠᠶᠢᠮᠤᠢ᠃ 27ᠲᠡᠷᠡ ᠢᠨᠦ ᠨᠠᠳᠠᠴᠠ ᠬᠣᠶᠢᠨᠠ ᠢᠷᠡᠭᠴᠢ ᠪᠣᠯᠤᠨ ᠨᠠᠳᠠᠴᠠ ᠤᠷᠢᠳᠠ ᠪᠣᠯᠪᠠᠢ᠃ ᠲᠡᠭᠦᠨ ᠦ ᠭᠤᠲᠤᠯ ᠤᠨ ᠤᠶᠠᠯᠭᠠᠨ ᠢ ᠲᠠᠶᠢᠯᠬᠤᠶᠠ ᠪᠢ ᠪᠡᠷ ᠲᠡᠩᠰᠡᠭᠦᠷᠢ ᠦᠭᠡᠢ ᠠᠮᠤᠢ᠃ ᠬᠡᠮᠡᠯᠦᠭᠡ ᠅ 28ᠡᠨᠡ ᠢᠨᠦ ᠶᠣᠷᠳᠠᠨ (ᠮᠥᠷᠡᠨ) ᠦ ᠴᠢᠨᠠᠳᠤ ᠪᠢᠲ ᠪᠠᠷᠠ᠋ ᠳᠤᠷ ᠤᠴᠢᠷᠠᠪᠠᠢ᠃ ᠲᠡᠨᠳᠡ ᠢᠣᠸᠠᠨ ᠠᠨᠤ ᠪᠠᠹᠲ᠋ᠢᠰᠯᠠᠨ ᠡᠪᠠᠢ [ᠠᠪᠠᠢ] ᠅ 29ᠲᠡᠷᠡ ᠡᠳᠦᠷ ᠦᠨ ᠮᠠᠨᠠᠭᠠᠷ ᠢᠣᠸᠠᠨ ᠠᠨᠤ ᠢᠢᠰᠦᠰ ᠦᠨ ᠲᠡᠭᠦᠨ ᠳᠦᠷ ᠢᠷᠡᠬᠦᠢ ᠶᠢ ᠦᠵᠡᠭᠡᠳ ᠥᠭᠦᠯᠡᠷᠦᠨ᠃ ᠪᠤᠷᠬᠠᠨ ᠤ ᠬᠤᠷᠢᠭᠠᠨ ᠢ ᠦᠵᠡᠲᠦᠭᠡᠢ᠃ ᠲᠡᠷᠡ ᠢᠨᠦ ᠶᠢᠷᠲᠢᠨᠴᠦ ᠶᠢᠨ ᠬᠢᠯᠢᠨᠴᠡ ᠶᠢ ᠳᠠᠭᠠᠭᠠᠭᠴᠢ ᠮᠥᠨ᠃ 30ᠮᠢᠨᠦ ᠬᠣᠶᠢᠨᠠ ᠠᠴᠠ ᠥᠭᠡᠳᠡ ᠪᠣᠯᠵᠤ ᠢᠷᠡᠭᠴᠢ ᠢᠨᠦ ᠨᠠᠳᠠᠴᠠ ᠤᠷᠢᠳᠠ ᠪᠣᠯᠪᠠᠢ᠃ ᠬᠡᠮᠡᠨ ᠮᠢᠨᠦ ᠥᠭᠦᠯᠡᠭᠰᠡᠨ ᠢᠨᠦ ᠡᠨᠡ ᠮᠥᠨ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠲᠡᠷᠡ ᠢᠨᠦ ᠨᠠᠳᠠᠴᠠ ᠤᠷᠢᠳᠠ ᠪᠥᠯᠦᠭᠡ᠃ 31ᠪᠢ ᠪᠡᠷ ᠲᠡᠭᠦᠨ ᠢ ᠡᠰᠡ ᠲᠠᠨᠢᠪᠠᠢ᠃ ᠬᠠᠷᠢᠨ ᠲᠡᠷᠡ ᠢᠨᠦ ᠢᠰᠷᠠᠶᠢᠯ ᠳᠤᠷ ᠢᠯᠡᠷᠬᠡᠶᠢᠯᠡᠭᠳᠡᠬᠦ ᠪᠣᠯᠲᠤᠭᠠᠢ ᠬᠡᠮᠡᠨ ᠪᠢ ᠪᠡᠷ ᠤᠰᠤᠨ ᠢᠶᠠᠷ ᠪᠠᠹᠲ᠋ᠢᠰᠯᠠᠨ ᠢᠷᠡᠭᠰᠡᠨ ᠪᠤᠢ᠃ 32ᠵᠢᠴᠢ ᠢᠣᠸᠠᠨ ᠠᠨᠤ ᠭᠡᠷᠡᠴᠢᠯᠡᠨ ᠡᠶᠢᠨ᠃ ᠲᠣᠳᠤᠳᠬᠠᠯ ᠤᠨ ᠣᠭᠲᠠᠷᠭᠤᠢ ᠠᠴᠠ ᠬᠡᠭᠦᠷᠵᠡᠭᠡᠨ᠋ᠡ ᠮᠡᠲᠦ ᠪᠠᠭᠤᠵᠤ᠂ ᠲᠡᠭᠦᠨ ᠦ ᠳᠡᠭᠡᠷᠡ ᠪᠠᠶᠢᠬᠤᠢ ᠶᠢ ᠪᠢ ᠪᠡᠷ ᠦᠵᠡᠪᠡᠢ᠃ 33ᠪᠢ ᠪᠡᠷ ᠲᠡᠭᠦᠨ ᠢ ᠡᠰᠡ ᠲᠠᠨᠢᠪᠠᠢ᠃ ᠬᠠᠷᠢᠨ ᠤᠰᠤᠨ ᠢᠶᠠᠷ ᠪᠠᠹᠲ᠋ᠢᠰᠯᠠᠬᠤ ᠶᠢᠨ ᠲᠤᠯᠠ ᠨᠠᠮᠠᠶᠢ ᠢᠯᠡᠭᠡᠭᠰᠡᠨ ᠢᠨᠦ ᠨᠠᠳᠤᠷ ᠡᠶᠢᠨ᠃ ᠴᠢ ᠪᠡᠷ ᠠᠯᠢ ᠬᠡᠨ ᠦ ᠳᠡᠭᠡᠷᠡ ᠲᠣᠳᠤᠳᠬᠠᠯ ᠤᠨ ᠪᠠᠭᠤᠨ ᠪᠠᠶᠢᠬᠤᠢ ᠶᠢ ᠦᠵᠡᠪᠡᠰᠦ᠂ ᠲᠡᠷᠡ ᠢᠨᠦ ᠠᠷᠢᠭᠤᠨ ᠲᠣᠳᠤᠳᠬᠠᠯ ᠢᠶᠠᠷ ᠪᠠᠹᠲ᠋ᠢᠰᠯᠠᠭᠴᠢ ᠮᠥᠨ᠃ ᠬᠡᠮᠡᠨ ᠵᠠᠷᠯᠢᠭ ᠪᠣᠯᠪᠠᠢ᠃ 34ᠲᠡᠶᠢᠨ ᠪᠥᠭᠡᠳ ᠪᠢ ᠪᠡᠷ ᠡᠭᠦᠨ ᠢ ᠦᠵᠡᠭᠡᠳ᠂ ᠡᠨᠡ ᠢᠨᠦ ᠪᠤᠷᠬᠠᠨ ᠤ ᠦᠷᠡ ᠮᠥᠨ ᠬᠡᠮᠡᠨ ᠭᠡᠷᠡᠴᠢᠯᠡᠮᠦᠢ᠃ ᠬᠡᠮᠡᠵᠦᠬᠦᠢ ᠅ 35ᠵᠢᠴᠢ ᠲᠡᠷᠡ ᠡᠳᠦᠷ ᠦᠨ ᠮᠠᠨᠠᠭᠠᠷ ᠢᠣᠸᠠᠨ ᠠᠨᠤ ᠱᠠᠪᠢᠨᠠᠷ ᠠᠴᠠᠭᠠᠨ ᠬᠣᠶᠠᠷ ᠯᠤᠭᠠ ᠳ᠋ᠠᠬᠢᠨ ᠪᠠᠶᠢᠵᠤ᠃ 36ᠢᠢᠰᠦᠰ ᠤᠨ ᠥᠭᠡᠳᠡ ᠪᠣᠯᠵᠤ ᠶᠠᠪᠤᠬᠤᠢ ᠶᠢ ᠦᠵᠡᠭᠡᠳ ᠥᠭᠦᠯᠡᠷᠦᠨ᠃ ᠪᠤᠷᠬᠠᠨ ᠤ ᠬᠤᠷᠢᠭᠠᠨ ᠢ ᠦᠵᠡᠲᠦᠭᠡᠢ᠃ 37ᠬᠡᠮᠡᠨ ᠥᠭᠦᠯᠡᠭᠰᠡᠨ ᠢ ᠬᠣᠶᠠᠷ ᠱᠠᠪᠢ ᠠᠨᠤ ᠰᠣᠨᠣᠰᠤᠭᠠᠳ ᠢᠢᠰᠦᠰ ᠢ ᠳᠠᠭᠠᠪᠠᠢ᠃ 38ᠢᠢᠰᠦᠰ ᠢᠨᠦ ᠡᠷᠭᠢᠨ ᠲᠡᠳᠡᠨ ᠦ ᠳᠠᠭᠠᠬᠤᠢ ᠶᠢ ᠦᠵᠡᠭᠡᠳ ᠲᠡᠳᠡᠨ ᠳᠦᠷ ᠵᠠᠷᠯᠢᠭ ᠪᠣᠯᠤᠷᠤᠨ᠃ ᠲᠠ ᠪᠡᠷ ᠶᠠᠭᠤᠨ ᠢ ᠪᠡᠳᠡᠷᠢᠮᠦᠶᠦ᠃ ᠲᠡᠳᠡ ᠢᠨᠦ ᠠᠶᠢᠯᠠᠳᠬᠠᠷᠤᠨ᠃ ᠷᠠᠪᠪᠢ ᠠ᠋᠂ ᠲᠠᠶᠢᠯᠪᠤᠷᠢᠯᠠᠪᠠᠰᠤ ᠪᠠᠭᠰᠢ ᠠ᠋᠂ ᠴᠢ ᠪᠡᠷ ᠬᠠᠮᠢᠭᠠ ᠰᠠᠭᠤᠮᠤᠶᠤ᠃ 39ᠲᠡᠷᠡ ᠢᠨᠦ ᠵᠠᠷᠯᠢᠭ ᠪᠣᠯᠤᠷᠤᠨ᠃ ᠢᠷᠡᠵᠦ ᠦᠵᠡᠭᠲᠦᠨ᠃ ᠲᠡᠶᠢᠨ ᠬᠦ ᠲᠡᠳᠡ ᠢᠨᠦ ᠲᠡᠭᠦᠨ ᠦ ᠬᠠᠮᠢᠭᠠ ᠰᠠᠭᠤᠬᠤᠢ ᠶᠢ ᠦᠵᠡᠷᠡ ᠣᠳᠤᠭᠠᠳ᠂ ᠠᠷᠪᠠᠳᠤᠭᠠᠷ ᠴᠠᠭ ᠪᠣᠯᠤᠭᠰᠠᠨ ᠤ ᠲᠤᠯᠠ ᠲᠡᠷᠡ ᠬᠦ ᠡᠳᠦᠷᠡ ᠲᠡᠭᠦᠨ ᠯᠦᠭᠡ ᠪᠠᠶᠢᠯᠴᠠᠪᠠᠢ᠃ 40ᠢᠣᠸᠠᠨ ᠢ ᠰᠣᠨᠣᠰᠤᠭᠠᠳ ᠢᠢᠰᠦᠰ ᠢ ᠳᠠᠭᠠᠭᠰᠠᠨ ᠬᠣᠶᠠᠷ (ᠱᠠᠪᠢ) ᠠᠴᠠ ᠨᠢᠭᠡᠨ ᠢᠨᠦ ᠰᠢᠢᠮᠣᠨ ᠹᠢᠲ᠋ᠢᠷ ᠦᠨ ᠠᠨᠳᠠᠷᠢ ᠳᠡᠭᠦᠦ ᠪᠥᠯᠦᠭᠡ᠃ 41ᠲᠡᠷᠡ ᠢᠨᠦ ᠠᠩᠬᠠᠨ ᠳᠤᠷ ᠥᠪᠡᠷ ᠦᠨ ᠰᠢᠢᠮᠣᠨ ᠠᠬᠠ ᠶᠢ ᠣᠯᠤᠭᠠᠳ ᠲᠡᠭᠦᠨ ᠳᠦᠷ ᠥᠭᠦᠯᠡᠷᠦᠨ᠃ ᠪᠢᠳᠡ ᠪᠡᠷ ᠮᠢᠰᠢᠶᠠ᠂ ᠲᠠᠶᠢᠯᠪᠤᠷᠢᠯᠠᠪᠠᠰᠤ ᠬᠡᠷᠢᠰᠲ᠋ᠣᠰ ᠬᠡᠮᠡᠭᠴᠢ ᠶᠢ ᠣᠯᠤᠭᠰᠠᠨ ᠪᠤᠢ᠃ ᠬᠡᠮᠡᠨ ᠥᠭᠦᠯᠡᠭᠡᠳ ᠲᠡᠭᠦᠨ ᠢ ᠢᠢᠰᠦᠰ ᠲᠦᠷ ᠬᠦᠷᠭᠡᠪᠡᠢ᠃ 42ᠢᠢᠰᠦᠰ ᠢᠨᠦ ᠲᠡᠭᠦᠨ ᠢ ᠦᠵᠡᠵᠦ ᠵᠠᠷᠯᠢᠭ ᠪᠣᠯᠤᠷᠤᠨ᠃ ᠴᠢ ᠪᠡᠷ ᠶᠣᠨᠠ᠋ ᠶᠢᠨ ᠰᠢᠢᠮᠣᠨ ᠬᠥᠪᠡᠭᠦᠨ ᠮᠥᠨ᠃ ᠴᠢᠨᠦ ᠨᠡᠷᠡ ᠢᠨᠦ ᠺᠢᠹᠠᠰ ᠬᠡᠮᠡᠭᠴᠢ ᠪᠣᠯᠬᠤ ᠪᠤᠢ᠃ ᠡᠭᠦᠨ ᠢ ᠲᠠᠶᠢᠯᠪᠤᠷᠢᠯᠠᠪᠠᠰᠤ᠂ ᠹᠢᠲ᠋ᠢᠷ ᠮᠥᠨ ᠠᠮᠤᠢ᠃ 43ᠲᠡᠷᠡ ᠡᠳᠦᠷ ᠦᠨ ᠮᠠᠨᠠᠭᠠᠷ ᠢᠢᠰᠦᠰ ᠢᠨᠦ ᠺᠠᠯᠢᠯᠢᠶᠠ ᠳᠤᠷ ᠥᠭᠡᠳᠡ ᠪᠣᠯᠵᠤ ᠠᠲᠠᠯᠠ ᠹᠢᠯᠢᠪ ᠣᠯᠤᠭᠠᠳ᠂ ᠨᠠᠮᠠᠶᠢ ᠳᠠᠭᠠᠲᠤᠭᠠᠢ ᠬᠡᠮᠡᠨ ᠲᠡᠭᠦᠨ ᠳᠦᠷ ᠵᠠᠷᠯᠢᠭ ᠪᠣᠯᠪᠠᠢ᠃ 44ᠹᠢᠯᠢᠪ ᠠᠨᠤ ᠪᠢᠳᠰᠠᠶᠢᠳᠠ ᠠᠴᠠ ᠬᠡᠮᠡᠪᠡᠰᠦ᠂ ᠠᠨᠳᠠᠷᠢ ᠹᠢᠲ᠋ᠢᠷ ᠬᠣᠶᠠᠷ ᠤᠨ ᠪᠠᠯᠭᠠᠰᠤᠨ ᠠᠴᠠ ᠪᠥᠯᠦᠭᠡ᠃ 45ᠹᠢᠯᠢᠪ ᠠᠨᠤ ᠨᠠᠲ᠋ᠠᠨᠢᠢᠯ ᠢ ᠣᠯᠤᠭᠠᠳ ᠲᠡᠭᠦᠨ ᠳᠦᠷ ᠥᠭᠦᠯᠡᠷᠦᠨ᠃ ᠪᠢᠳᠡ ᠪᠡᠷ ᠨᠠᠵᠠᠷᠢᠳ ᠠᠴᠠ ᠠᠭᠴᠢ ᠶᠣᠰᠢᠪ ᠤᠨ ᠢᠢᠰᠦᠰ ᠬᠥᠪᠡᠭᠦᠨ ᠢ ᠣᠯᠪᠠᠢ᠃ ᠲᠡᠭᠦᠨ ᠦ ᠤᠴᠢᠷᠠ ᠮᠣᠰᠢ ᠠᠨᠤ ᠲᠣᠭᠲᠠᠭᠠᠯ ᠤᠨ ᠳᠣᠲᠣᠷᠠ ᠬᠢᠭᠡᠳ ᠹᠣᠷᠣᠹᠢᠳ ᠨᠠᠷ ᠴᠤ ᠪᠢᠴᠢᠭᠰᠡᠨ ᠪᠥᠯᠦᠭᠡ᠃ 46ᠨᠠᠲ᠋ᠠᠨᠢᠢᠯ ᠠᠨᠤ ᠲᠡᠭᠦᠨ ᠳᠦᠷ ᠥᠭᠦᠯᠡᠷᠦᠨ᠃ ᠨᠠᠵᠠᠷᠢᠳ ᠠᠴᠠ ᠰᠠᠶᠢᠨ ᠶᠠᠭᠤᠨ ᠴᠤ ᠭᠠᠷᠴᠤ ᠪᠣᠯᠬᠤ ᠪᠤᠶᠤ᠃ ᠹᠢᠯᠢᠪ ᠠᠨᠤ ᠲᠡᠭᠦᠨ ᠳᠦᠷ ᠥᠭᠦᠯᠡᠷᠦᠨ᠃ ᠢᠷᠡᠭᠡᠳ ᠦᠵᠡᠲᠦᠭᠡᠢ᠃ 47ᠢᠢᠰᠦᠰ ᠢᠨᠦ ᠨᠠᠲ᠋ᠠᠨᠢᠢᠯ ᠤᠨ ᠲᠡᠭᠦᠨ ᠳᠦᠷ ᠢᠷᠡᠬᠦᠢ ᠶᠢ ᠦᠵᠡᠭᠡᠳ ᠲᠡᠭᠦᠨ ᠦ ᠤᠴᠢᠷᠠ ᠵᠠᠷᠯᠢᠭ ᠪᠣᠯᠤᠷᠤᠨ᠃ ᠦᠨᠡᠬᠡᠷ ᠢᠰᠷᠠᠶᠢᠯ ᠤᠨ ᠨᠢᠭᠡᠨ ᠬᠦᠮᠦᠨ ᠢ ᠤᠵᠡᠲᠦᠭᠡᠢ [ᠦᠵᠡᠲᠦᠭᠡᠢ]᠃ ᠲᠡᠭᠦᠨ ᠦ ᠳᠣᠲᠣᠷᠠ ᠮᠡᠬᠡ ᠦᠭᠡᠢ ᠪᠤᠢ᠃ 48ᠨᠠᠲ᠋ᠠᠨᠢᠢᠯ ᠠᠨᠤ ᠲᠡᠭᠦᠨ ᠳᠦᠷ ᠠᠶᠢᠯᠠᠳᠬᠠᠷᠤᠨ᠃ ᠴᠢ ᠪᠡᠷ ᠨᠠᠮᠠᠶᠢ ᠬᠠᠮᠢᠭᠠ ᠠᠴᠠ ᠲᠠᠨᠢᠮᠤᠶᠤ᠃ ᠢᠢᠰᠦᠰ ᠢᠨᠦ ᠲᠡᠭᠦᠨ ᠳᠦᠷ ᠬᠠᠷᠢᠭᠤ ᠵᠠᠷᠯᠢᠭ ᠪᠣᠯᠤᠷᠤᠨ᠃ ᠴᠢᠨᠦ ᠲᠣᠰᠢᠯ᠍ᠤᠭ ᠤᠨ ᠮᠣᠳᠤᠨ ᠤ ᠳᠣᠣᠷᠠ ᠠᠭᠰᠠᠨ ᠳᠤᠷ᠂ ᠹᠢᠯᠢᠪ ᠦᠨ ᠴᠢᠮᠠᠶᠢ ᠳᠠᠭᠤᠳᠠᠭᠰᠠᠨ ᠠᠴᠠ ᠤᠷᠢᠳᠠ ᠪᠢ ᠪᠡᠷ ᠴᠢᠮᠠᠶᠢ ᠦᠵᠡᠪᠡᠢ᠃ 49ᠨᠠᠲ᠋ᠠᠨᠢᠢᠯ ᠠᠨᠤ ᠬᠠᠷᠢᠭᠤ ᠠᠶᠢᠯᠠᠳᠬᠠᠷᠤᠨ᠃ ᠪᠠᠭᠰᠢ ᠡ᠂ ᠴᠢ ᠪᠡᠷ ᠪᠤᠷᠬᠠᠨ ᠤ ᠦᠷᠡ ᠮᠥᠨ᠃ ᠴᠢ ᠪᠡᠷ ᠢᠰᠷᠠᠶᠢᠯ ᠤᠨ ᠬᠠᠭᠠᠨ ᠪᠣᠯᠠᠢ᠃ 50ᠢᠢᠰᠦᠰ ᠢᠨᠦ ᠲᠡᠭᠦᠨ ᠳᠦᠷ ᠬᠠᠷᠢᠭᠤ ᠵᠠᠷᠯᠢᠭ ᠪᠣᠯᠤᠷᠤᠨ᠃ ᠪᠢ ᠪᠡᠷ ᠲᠣᠰᠢᠯᠤᠭ ᠤᠨ ᠮᠣᠳᠤᠨ ᠤ ᠳᠣᠣᠷᠠ ᠴᠢᠮᠠᠶᠢ ᠦᠵᠡᠪᠡᠢ᠂ ᠬᠡᠮᠡᠨ ᠮᠢᠨᠦ ᠥᠭᠦᠯᠡᠭᠰᠡᠨ ᠦ ᠲᠤᠯᠠ ᠴᠢ ᠪᠡᠷ ᠢᠲᠡᠭᠡᠮᠦᠶᠦ᠃ ᠴᠢ ᠪᠡᠷ ᠡᠭᠦᠨ ᠡᠴᠡ ᠶᠡᠬᠡ ᠶᠠᠭᠤᠮᠠᠳ ᠢ ᠦᠵᠡᠬᠦ ᠪᠣᠯᠤᠶᠤ᠃ 51ᠬᠡᠮᠡᠨ ᠵᠠᠷᠯᠢᠭ ᠪᠣᠯᠤᠭᠠᠳ ᠪᠠᠰᠠ ᠡᠶᠢᠨ᠃ ᠮᠢᠨᠦ ᠴᠢᠮᠠᠳᠤᠷ ᠮᠠᠭᠠᠳᠯᠠᠨ ᠥᠭᠦᠯᠡᠬᠦᠢ ᠢᠨᠦ᠂ ᠡᠭᠦᠨ ᠡᠴᠡ ᠬᠣᠶᠢᠨᠠ ᠲᠠ ᠪᠡᠷ ᠣᠭᠲᠠᠷᠭᠤᠢ ᠶᠢᠨ ᠨᠡᠭᠡᠭᠳᠡᠭᠰᠡᠨ ᠢ ᠦᠵᠡᠨ᠂ ᠬᠦᠮᠦᠨ ᠲᠥᠷᠥᠯᠬᠢᠲᠦ ᠶᠢᠨ ᠳᠡᠭᠡᠷᠡ ᠪᠤᠷᠬᠠᠨ ᠤ ᠠᠩᠭᠢᠯ ᠤᠳ ᠤᠨ ᠥᠭᠡᠳᠡ ᠭᠠᠷᠬᠤᠢ ᠬᠢᠭᠡᠳ ᠪᠠᠭᠤᠬᠤᠢ ᠶᠢ ᠦᠵᠡᠬᠦ ᠪᠣᠯᠤᠶᠤ᠃ ᠬᠡᠮᠡᠨ ᠵᠠᠷᠯᠢᠭ ᠪᠣᠯᠪᠠᠢ ᠅
Currently Selected:
ᠢᠣᠸᠠᠨ 1: MB1840
Highlight
Share
Copy
Want to have your highlights saved across all your devices? Sign up or sign in
Digital edition of the Mongolian translation published in 1840 (the Old Testament) and 1846 (the New Testament) by Edward Stallybrass and William Swan. Created by Bayarjargal Garamtseren and Simon Wong. Digital edition © United Bible Societies, 2020.
