योहन 7
7
येसुना लोतोर वने ओन नमोर
1इव गोटिना पेग़्के, गालिल पटटाङ नाह्कने, येसु लोकुरिन काग़्हचोरे वेलियिंदोग़. यहुदिराङ पेदल्क ओन हव्कलाह ऊळिंदुर,#5:18; 7:19; 8:37,40; 11:53 अदिह्कु ओन्क यहुदा पटटे वेलिय वसो. 2(अद तूकने यहुदा पटटा येरुसलेम सहरते, यहुदिरा पंडुम इतेके मंडाना पंडुम एरे एव्स मता.)#7:2 इद सालमेटा पंडुमि वारममेंडु येरुसलेम सहरते नोमिंदुर. लैव्यव्यवस्था 23:34, व्यवस्थाविवरण 16:13,16 ऊळाट. 3अस्के येसुनाङ तमोर येसुन इतोर, “दादा, नीवाङ कीयनव कबस्किन, नीवाङ कग़यवालोर ऊळना इन्जि, निमा इग्डाहि पेसिसि, यहुदा पटटे अन. 4बोर सबेटोरगा तमा पेदिर दायना इनजोर ऊळिह्तोर, ओर कुस्क्ने मकिस बातय केवोर आस्तोर. अद्रमे निमा वने इद्रमताङ डीसाताङ कबस्क कीय्ह्निन इतेके, निमा दुनियातोरिह्क दिसा वने, ओर नीक पुनिर वने,” इन्जि ओनाङ तमोर इतोर. 5बह इतेके तनतमोर वने ओन नमोर आंदुर,#मार्कल 3:21 अदिह्के ओर इद्रम इंदुर. 6अस्के येसु ओरिन इतोग़, “मीक इतेके बेदाय वेला बेसे, (हव्कवाल इलेग़, कोह्कवाल इलेग़). मति नावा अगा दायनद वेला इंका एवोये. 7दुनियातोर मीक इतेक कोंटे कीया पग़वोर. मति ओराङ कबस्क लाग्वाङ मन्ह्ताङ इनजोर इह्नन, अदिनेनाह्क नाकु ओर कोंटे कीस्तोर.#15:18-25; इब्रितोर 12:3 8-9मीट इद पंडुमते दायना इतेक अन्ह्टु, नना इसि इंजेके वावोन. बाराह्क इतेके नावा अगा दायनद वेला इंका एवोये,#मत्याल 26:18; योहन 2:4; 7:30 ” इन्जि येसु गालिलतेन मतोग़.
10पया तनतमोर येरुसलेमते अतापया, येसु वने वेल्लाय पया, बोन्के दिसवाह पंडुमते अतोग़. 11अस्के यहुदिरा पेदा मन्कलोर पंडुमतगा ओन पर्ह्किंदुर. “ओग़ बेगा मन्ह्तोग़, रा?” इनजोर ताल्ह्किंदुर. 12लोकुरा मुलु येसुना लोप्पा तमतमाय कुस्क-कुस्क वळ्ह्किंदुर. “आयो रा, ओग़ नेह्नोग़ मन्कल,” इन्जि उय्तुर इंदुर. उय्तुर बार इंदुर, “आयो रा, ओग़ लोकुरिन लेसिह कीस्तोग़ गोतो,” इंदुर.#7:40-43; 9:16; 10:19 13मति यहुदिराङ पेदल्किन रेयिसि,#9:22; 12:42; 19:38; 20:19 बोग़े येसुना लोप्पा पिङम-पङम वळ्ह्कोग़.
पंडुमतस्के येसु काग़्हतह्तोग़
14पया वळ्गा पंडुम मारतस्के, येसु मंदिरते अन्जि काग़्हता बोटटोग़. 15ओना काग़्हतनदिन केंजिसि, अग्डोर यहुदिराङ पेदल्क बयल आतोर, आसि इनदलातोर, “वेन्क बोग़े गूरु काग़्हवालेवा, पूरा सास्त्रमतुन पुनदलाह विदे बेग्डाह दोर्कता, रा?”#मत्याल 13:54; मार्कल 6:2-3; लूकाल 2:47 16पया येसु ओरिन इतोग़, “केंजाटु, नावा काग़्हमुळि नावा बुदता आयो, मति नाक बोग़ लोहतोग़, ओनाय विचरता आंदु.#14:10,24; 2 योहन 9 17मियग्डाहि बोग़ाय देवुळ वेहतप ताकनद विचर कीयनोग़, ओन्कु इव नना काग़्हतनव गोटिङ बारा नावाङो, आयवेक देवुळताङो इनजोर तेळियग़ा. 18तमाङे विचर्किन वळ्ह्कवालोर, तमाये पेदिरतुन बेरा कीयलाह ऊळिह्तोर. मति नाक बोग़ लोहतोग़, ओनाये पेदिरतुन बेरा कीकन इन्जि, बोग़ ऊळिह्तोग़, ओग़े सेतेमतोग़ मन्ह्तोग़, ओनगा बातय जोल मनो आस्ता.#5:41; 8:50,54; 12:43; 1 तिसलुनितोर 2:6 19मोसा मुय्तोग़ इतेक मीकु अडोना सास्त्रम ईतोग़,#1:17 तेन सीता कीम्ह्ट. मति मियग्डाहि वग़ोग़ वने अव अडोन माळोग़. मीटे बराबर माळविर इतेके, नाक बाराह्कु हव्कलाह ऊळिह्निर?#मार्कल 11:18; योहन 5:18; 7:1; 8:37,40; 11:53” इन्जि येसु इतोग़. 20लोकुर पया येसुन इतोर, “नीक देयम पोयता रा, (पिसानलेह्का वळ्ह्किह्निन)!#8:48,52; 10:20 नीक बोग़ हव्कलाह ऊळिह्तोग़?” 21येसु ओरिन इतोग़, “नना पोल्वादियाते उंद कबळ कीताह्कु, मीट सबेटोरिर बयल आसि, नाक कट्ला कीय्ह्निर. 22सास्त्रमते मोसा मुय्तोग़ मीकु डायना रिवज कीयलाह वेहच मतोग़. (ओग़ वेहतपु, पेकाल पुटिसि आट दियाने डायना रिवज कीया पोयह्ता.)#7:22 इद बेद्रमता रिवज आंदु, इदिन पुनदलाह इद सास्त्रमता आक्रिते पुनवव पोल्लोना अर्तमि रासतद मन्ह्ता, अगा ऊळाटु. (इद रिवज इतेके मोसा मुय्तोनग्डाह आयो, मति मोसाह्काय वेल्ला मुनेतोर पेदामुय्तोरग्डाहि ताकसोर वातद, अद रिवज आंदु)#पुटमुळि 17:10-14 . वारमता पोल्वादिया मतेक वने, अद कगो एवतेके, मीवाङ पेकोराङ डायना कबळ कीय्ह्निरे. 23मोसा मुय्तोग़ वेहतद अडोतुन अदे कगोते नोमना इन्जि, मीट पोल्वादियाते वने मन्कन डायना कबळ कीय्ह्निर इतेके, नना पोल्वादियाते वग़ोग़ मन्कना पूरा मेंदुदुन सव्रे कीताह्कु, मीटु बाराह्कु पया नाक ओङ कीय्ह्निर?#मत्याल 12:2; लूकाल 6:7; 13:14; योहन 5:6-10; 9:16 24विचर केवालेवा पोग़-पोग़ोन नाक कसुर तासमाटु, मति सेतेमताङ गोटिङ ऊळिसि, कसुर तासना इतेक तासाटु,#लैव्यव्यवस्था 19:15; यशायाह 11:3; योहन 8:15; 2 कुरिंततोर 10:7; याकुब 2:4 ” इनजोर येसु इतोग़.
येसु बोग़ आंदोग़?
25अस्के येरुसलेमतोर उय्तुर इतोर, “बोन हव्कलाह ऊळिंदुर, ओग़ वेग़ेया? 26ऊळाट, वेग़ बेद्रम पिङम-पङम वळ्ह्किह्तोग़, मति ओर इसि वेन रोमिह केवोर. वेग़ देवुळ लोहवाल पिसिह केवाल आंदोग़ इनजोरे, मावोर पेदल्क सेतेम पोयतोरा? 27मावा विचरते देवुळ लोहवाल पिसिह केवाल वायनोग़ अस्के, ओग़ बेग्डोग़ इनजोर, बोग़े पुनोग़ आयनोग़. मति वेग़ बेग्डोग़ इनजोर माट पुह्नल. (इतेके वेग़ देवुळ लोहवाल पिसिह केवाल बह आंदोग़?)” इनजोर इतोर.#7:41-42; 8:14; 9:29
28अस्के येसु मंदिरते काग़्हनेके बेह्राङ वळ्ह्कतोग़, “‘माट नीक पुह्नोम, ओसो निमा बेग्डोनिन इन्जि माक एर्काय,’ इनजोर इह्निर. नना नावाय विचरते वावोन. मति नाक लोहतोग़ ओग़ सेतेमतोग़ आंदोग़, ओन मीट पुनविर.#8:19,55; 15:21; 16:3; 17:25; 1 योहन 3:1 29नना मात्रम ओन पुह्नन, बाराह्क इतेके नना ओनग्डाह वातन, ओग़े नाक लोहतोग़,”#6:46 इनजोर इतोग़.
30इद पोल्लोतेनाह्क, बोरो उय्तुर यहुदिराङ पेदल्क, येसुन पोयतलाह ऊळिंदुर.#मत्याल 21:46; योहन 7:44; 10:39 मति ओना हायना कगो एववाय मताह्कु, ओन बोग़े बोय पग़वोग़.
31तेला मति अग्डा मुडग्डाहि वेल्लाटोरे येसुन नमतोर.#2:23; 8:30; 10:41-42; 11:45; 12:11,42 “देवुळ लोहवाल पिसिह केवाल वायनोग़ अस्के, वेन्काय एक्वा बामिह कीयनाङ सीनाङ तोहतनोग़ा?” इन्जि ओर इनदलातोर.
32इव गोटिङ वेर लोकुर येसुना लोप्पा कुस्क-कुस्क वळ्ह्किंदुर. वेर बाताङ वेहतह्तोर, इदिन पुन्जि पेर्मालोर ओसो परुसिर येसुन पोयतलाह, मंदिरतगा पह्रा मनवालोरिन लोहतोर.#मत्याल 21:46; योहन 7:44 33अस्के येसु इतोग़, “नना ओसो गय्क मीवा संगे मह्नन,#12:35; 13:33; 14:19; 16:16-19 पया नना नाक लोहतोनगा पेसिस दाकन.#14:12,28; 16:5,10,17,28; 17:11,13; 20:17 34मीट नाक पर्ह्ककिर, मति नना मीक दोर्कोन आयकन. ओसो बेगा नना मनदकन, अगा मीट वाया पग़विर आयकिर,” इनजोर इतोग़.#8:21; 13:33
35यहुदिराङ पेदल्क तमतमाय वळ्ह्कलातोर, “माट पर्ह्कतेकाय दोर्कवाह, वेग़ बेगा दायनोग़, रा? दुस्राङ देसेह्कने बिरोबटो आस मनवालोर मावा लोकुरिन,#याकुब 1:1 काग़्हतनोग़ा, दुस्रा जाततोरिन वने काग़्हतनोग़ा? 36‘मीट नाक पर्ह्ककिर, मति नना मीक दोर्कोन आयकन. ओसो बेगा नना मनदकन, अगा मीट वाया पग़विर आयकिर,’ इन्ह्तोग़.#8:21; 13:33 इद बेद्रमता पोल्लो आंदु?” इनजोर पेदल्क इंदुर.
पवित्र जीवा जीवात मनदनद एग़लेह्का मन्ह्ता
37पंडुमता मारेंगा बेरा दियाते,#लैव्यव्यवस्था 23:36; गिनती 29:35; नहेम्याल 8:18 येसु तेदिसि बेह्राङ वळ्ह्कतोग़, “बोरिह्क एग़ उनडा वसता, ओर नयगा वास उनिर.#7:37 इद वारममेटा पंडुमतस्के, दिनमे मोदुल पेर्माल मंदिरता गर्यातगा एग़ दोसिंदोग़. मोसा मुय्तोना कालमते, देवुळि बेद्रम पेळ्ह्कल बूमते आद बंडाताहि तना लोकुरिह्क ऊहन्दु, ताना सीता कीसींदोग़.#4:10,14; 6:35 38सास्त्रमते रासतपु, बोर नाक नमनुर, ओरग्डाहि जीवात मनदनद एताङ बेरेह्क पोङनुङ,” इनजोर इतोग़.#यशायाह 44:3; 55:1; 58:11 39येसुन नमवालोरिह्क देवुळता जीवा दोर्कना मता, अदे जीवाता लोप्पा येसु इद पोल्लो वळ्ह्कतोग़. (येसु हातोग़, तेग़्कतोग़, पया देवुळतके मल्स अतोग़, अस्के) ओन्क देवुळताहि मान दोर्कता.#13:31-32; 17:1-2(दोर्कतस्के ओग़ पवित्र जीवातुन बूमते लोहचीतोग़.)#1 कुरिंततोर 12:13 मति अद कगो इंका एववाय मता, अदिह्के पवित्र जीवा बोनगान रेगवाय मता, इनजोर इह वळ्ह्कतोग़.#योएल 2:28; योहन 20:22; बळयिर 1:4-5; 2:4,33
40अस्के अगा मता मुडग्डाहि उय्तुर, इव गोटिङ केंजिसि, “निटमे रा, मोसानलेह्का देवुळता कबुरतोग़ वायना मता, ओग़ वेग़े आंदोग़!”#व्यवस्थाविवरण 18:15,18; योहन 1:21 इनजोर इतोर. 41ओसो उय्तुर बारा, “आयो, वेग़ देवुळ लोहवाल पिसिह केवाल आंदोग़,” इनजोर इतोर. ओसो दुस्रोर इतोर, “देवुळ लोहवाल पिसिह केवाल गालिलताह बह वाया पग़यनोग़?#1:46; 7:52 42ओग़ इतेके दाविद राजाना कूळतोग़ आयनोग़, ओसो दाविद राजाल बेद बेत्लेहेम नाटे मतोग़, अग्डाहि वायनोग़, इनजोर सास्त्रमते बह रासतद इलेया?”#देवुळताङ पाटाङ 89:4; मीका 5:2; मत्याल 2:5-6; लूकाल 2:4-7 (येसु गालिल पटटे पुटिस मनदनोग़ इनजोरे, ओर अह इंदुर.) 43इद्रम आसि येसुनेनाह्कु वेर तमतमाय वह्चिसि, वेरा बोना-बोन्क अरवाह्कु, जेटामारा आतोर.#7:12; 9:16; 10:19 44अस्के पया ओरग्डोर उय्तुर येसुन पोयतलाह ऊळिंदुर,#मत्याल 21:46; योहन 7:30; 10:39 मति बोग़े ओन कय बोयोग़.
यहुदिराङ पेदल्क कैंगम आस्तोर
45पया ओर मंदिरताङ पह्रातोर पेर्मालोरक्के ओसो परुसिरक्के मल्स वातोर. अस्के वेर पह्रातोरिन ताल्ह्कतोर, “ओन मीट बाराह्क पोस तविर रा?” इनजोर इतोर. 46“ओग़ मन्कल वळ्ह्कतपु, बोग़े दुस्रोग़ बेस्केन वळ्ह्कोग़!” इन्जि मंदिरताङ पह्रातोर इतोर.#मत्याल 7:28-29 47पया परुसिर ओरिन इतोर, “बह, मीट वने नाळेम आतिरा? 48माट यहुदिराङ पेदल्कनोम आयि, परुसिरोम आयि, वेर बोराय ओन नमिह्तोरा?#12:42 49मति वेर येसुना पयाह अनवालोरु, मोसानाङ अडोन पुनोर, बातान पुनोर, वेरिन देवुळि एळतग़ाये!” इनजोर परुसिर वेग़्हतोर.
50मुने येसुनके कुस्क्ने वास मतोग़, निकोदेमि इनवाल,#3:1 वेग़ वने परुसिराय संगतोग़ मतोग़. 51“मावाङ अडोङ मतपु, मुने मन्कना पोल्लो केंजना, ओग़ बाताल कीस्तोग़ अदिन ऊळना, पया ओन तपतिन इतेके ओजग़ा. मन्ह्ताया, इले?” इनजोर वेग़ पेदल्किन इतोग़. 52ओर पया वेन इतोर, “बह, निमा वने गालिल पटटोनिना? अन, सास्त्रमते पर्ह्किस ऊळा, गालिलताहि बोग़े देवुळता कबुरतोग़ वावोग़!” इतोर.
सिंड्रि आंचाळि येसुना मुनेह
53 # 7:53 उचुक मोदुल काग्देह्कने 7:53-8:11 इवटे रासतद पोल्लो दोर्को. [पया ओर कतमतोर तमाङ-तमाङ लोह्क अतोर.
Currently Selected:
योहन 7: माडियाबाय्बल
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
योहन 7
7
येसुना लोतोर वने ओन नमोर
1इव गोटिना पेग़्के, गालिल पटटाङ नाह्कने, येसु लोकुरिन काग़्हचोरे वेलियिंदोग़. यहुदिराङ पेदल्क ओन हव्कलाह ऊळिंदुर,#5:18; 7:19; 8:37,40; 11:53 अदिह्कु ओन्क यहुदा पटटे वेलिय वसो. 2(अद तूकने यहुदा पटटा येरुसलेम सहरते, यहुदिरा पंडुम इतेके मंडाना पंडुम एरे एव्स मता.)#7:2 इद सालमेटा पंडुमि वारममेंडु येरुसलेम सहरते नोमिंदुर. लैव्यव्यवस्था 23:34, व्यवस्थाविवरण 16:13,16 ऊळाट. 3अस्के येसुनाङ तमोर येसुन इतोर, “दादा, नीवाङ कीयनव कबस्किन, नीवाङ कग़यवालोर ऊळना इन्जि, निमा इग्डाहि पेसिसि, यहुदा पटटे अन. 4बोर सबेटोरगा तमा पेदिर दायना इनजोर ऊळिह्तोर, ओर कुस्क्ने मकिस बातय केवोर आस्तोर. अद्रमे निमा वने इद्रमताङ डीसाताङ कबस्क कीय्ह्निन इतेके, निमा दुनियातोरिह्क दिसा वने, ओर नीक पुनिर वने,” इन्जि ओनाङ तमोर इतोर. 5बह इतेके तनतमोर वने ओन नमोर आंदुर,#मार्कल 3:21 अदिह्के ओर इद्रम इंदुर. 6अस्के येसु ओरिन इतोग़, “मीक इतेके बेदाय वेला बेसे, (हव्कवाल इलेग़, कोह्कवाल इलेग़). मति नावा अगा दायनद वेला इंका एवोये. 7दुनियातोर मीक इतेक कोंटे कीया पग़वोर. मति ओराङ कबस्क लाग्वाङ मन्ह्ताङ इनजोर इह्नन, अदिनेनाह्क नाकु ओर कोंटे कीस्तोर.#15:18-25; इब्रितोर 12:3 8-9मीट इद पंडुमते दायना इतेक अन्ह्टु, नना इसि इंजेके वावोन. बाराह्क इतेके नावा अगा दायनद वेला इंका एवोये,#मत्याल 26:18; योहन 2:4; 7:30 ” इन्जि येसु गालिलतेन मतोग़.
10पया तनतमोर येरुसलेमते अतापया, येसु वने वेल्लाय पया, बोन्के दिसवाह पंडुमते अतोग़. 11अस्के यहुदिरा पेदा मन्कलोर पंडुमतगा ओन पर्ह्किंदुर. “ओग़ बेगा मन्ह्तोग़, रा?” इनजोर ताल्ह्किंदुर. 12लोकुरा मुलु येसुना लोप्पा तमतमाय कुस्क-कुस्क वळ्ह्किंदुर. “आयो रा, ओग़ नेह्नोग़ मन्कल,” इन्जि उय्तुर इंदुर. उय्तुर बार इंदुर, “आयो रा, ओग़ लोकुरिन लेसिह कीस्तोग़ गोतो,” इंदुर.#7:40-43; 9:16; 10:19 13मति यहुदिराङ पेदल्किन रेयिसि,#9:22; 12:42; 19:38; 20:19 बोग़े येसुना लोप्पा पिङम-पङम वळ्ह्कोग़.
पंडुमतस्के येसु काग़्हतह्तोग़
14पया वळ्गा पंडुम मारतस्के, येसु मंदिरते अन्जि काग़्हता बोटटोग़. 15ओना काग़्हतनदिन केंजिसि, अग्डोर यहुदिराङ पेदल्क बयल आतोर, आसि इनदलातोर, “वेन्क बोग़े गूरु काग़्हवालेवा, पूरा सास्त्रमतुन पुनदलाह विदे बेग्डाह दोर्कता, रा?”#मत्याल 13:54; मार्कल 6:2-3; लूकाल 2:47 16पया येसु ओरिन इतोग़, “केंजाटु, नावा काग़्हमुळि नावा बुदता आयो, मति नाक बोग़ लोहतोग़, ओनाय विचरता आंदु.#14:10,24; 2 योहन 9 17मियग्डाहि बोग़ाय देवुळ वेहतप ताकनद विचर कीयनोग़, ओन्कु इव नना काग़्हतनव गोटिङ बारा नावाङो, आयवेक देवुळताङो इनजोर तेळियग़ा. 18तमाङे विचर्किन वळ्ह्कवालोर, तमाये पेदिरतुन बेरा कीयलाह ऊळिह्तोर. मति नाक बोग़ लोहतोग़, ओनाये पेदिरतुन बेरा कीकन इन्जि, बोग़ ऊळिह्तोग़, ओग़े सेतेमतोग़ मन्ह्तोग़, ओनगा बातय जोल मनो आस्ता.#5:41; 8:50,54; 12:43; 1 तिसलुनितोर 2:6 19मोसा मुय्तोग़ इतेक मीकु अडोना सास्त्रम ईतोग़,#1:17 तेन सीता कीम्ह्ट. मति मियग्डाहि वग़ोग़ वने अव अडोन माळोग़. मीटे बराबर माळविर इतेके, नाक बाराह्कु हव्कलाह ऊळिह्निर?#मार्कल 11:18; योहन 5:18; 7:1; 8:37,40; 11:53” इन्जि येसु इतोग़. 20लोकुर पया येसुन इतोर, “नीक देयम पोयता रा, (पिसानलेह्का वळ्ह्किह्निन)!#8:48,52; 10:20 नीक बोग़ हव्कलाह ऊळिह्तोग़?” 21येसु ओरिन इतोग़, “नना पोल्वादियाते उंद कबळ कीताह्कु, मीट सबेटोरिर बयल आसि, नाक कट्ला कीय्ह्निर. 22सास्त्रमते मोसा मुय्तोग़ मीकु डायना रिवज कीयलाह वेहच मतोग़. (ओग़ वेहतपु, पेकाल पुटिसि आट दियाने डायना रिवज कीया पोयह्ता.)#7:22 इद बेद्रमता रिवज आंदु, इदिन पुनदलाह इद सास्त्रमता आक्रिते पुनवव पोल्लोना अर्तमि रासतद मन्ह्ता, अगा ऊळाटु. (इद रिवज इतेके मोसा मुय्तोनग्डाह आयो, मति मोसाह्काय वेल्ला मुनेतोर पेदामुय्तोरग्डाहि ताकसोर वातद, अद रिवज आंदु)#पुटमुळि 17:10-14 . वारमता पोल्वादिया मतेक वने, अद कगो एवतेके, मीवाङ पेकोराङ डायना कबळ कीय्ह्निरे. 23मोसा मुय्तोग़ वेहतद अडोतुन अदे कगोते नोमना इन्जि, मीट पोल्वादियाते वने मन्कन डायना कबळ कीय्ह्निर इतेके, नना पोल्वादियाते वग़ोग़ मन्कना पूरा मेंदुदुन सव्रे कीताह्कु, मीटु बाराह्कु पया नाक ओङ कीय्ह्निर?#मत्याल 12:2; लूकाल 6:7; 13:14; योहन 5:6-10; 9:16 24विचर केवालेवा पोग़-पोग़ोन नाक कसुर तासमाटु, मति सेतेमताङ गोटिङ ऊळिसि, कसुर तासना इतेक तासाटु,#लैव्यव्यवस्था 19:15; यशायाह 11:3; योहन 8:15; 2 कुरिंततोर 10:7; याकुब 2:4 ” इनजोर येसु इतोग़.
येसु बोग़ आंदोग़?
25अस्के येरुसलेमतोर उय्तुर इतोर, “बोन हव्कलाह ऊळिंदुर, ओग़ वेग़ेया? 26ऊळाट, वेग़ बेद्रम पिङम-पङम वळ्ह्किह्तोग़, मति ओर इसि वेन रोमिह केवोर. वेग़ देवुळ लोहवाल पिसिह केवाल आंदोग़ इनजोरे, मावोर पेदल्क सेतेम पोयतोरा? 27मावा विचरते देवुळ लोहवाल पिसिह केवाल वायनोग़ अस्के, ओग़ बेग्डोग़ इनजोर, बोग़े पुनोग़ आयनोग़. मति वेग़ बेग्डोग़ इनजोर माट पुह्नल. (इतेके वेग़ देवुळ लोहवाल पिसिह केवाल बह आंदोग़?)” इनजोर इतोर.#7:41-42; 8:14; 9:29
28अस्के येसु मंदिरते काग़्हनेके बेह्राङ वळ्ह्कतोग़, “‘माट नीक पुह्नोम, ओसो निमा बेग्डोनिन इन्जि माक एर्काय,’ इनजोर इह्निर. नना नावाय विचरते वावोन. मति नाक लोहतोग़ ओग़ सेतेमतोग़ आंदोग़, ओन मीट पुनविर.#8:19,55; 15:21; 16:3; 17:25; 1 योहन 3:1 29नना मात्रम ओन पुह्नन, बाराह्क इतेके नना ओनग्डाह वातन, ओग़े नाक लोहतोग़,”#6:46 इनजोर इतोग़.
30इद पोल्लोतेनाह्क, बोरो उय्तुर यहुदिराङ पेदल्क, येसुन पोयतलाह ऊळिंदुर.#मत्याल 21:46; योहन 7:44; 10:39 मति ओना हायना कगो एववाय मताह्कु, ओन बोग़े बोय पग़वोग़.
31तेला मति अग्डा मुडग्डाहि वेल्लाटोरे येसुन नमतोर.#2:23; 8:30; 10:41-42; 11:45; 12:11,42 “देवुळ लोहवाल पिसिह केवाल वायनोग़ अस्के, वेन्काय एक्वा बामिह कीयनाङ सीनाङ तोहतनोग़ा?” इन्जि ओर इनदलातोर.
32इव गोटिङ वेर लोकुर येसुना लोप्पा कुस्क-कुस्क वळ्ह्किंदुर. वेर बाताङ वेहतह्तोर, इदिन पुन्जि पेर्मालोर ओसो परुसिर येसुन पोयतलाह, मंदिरतगा पह्रा मनवालोरिन लोहतोर.#मत्याल 21:46; योहन 7:44 33अस्के येसु इतोग़, “नना ओसो गय्क मीवा संगे मह्नन,#12:35; 13:33; 14:19; 16:16-19 पया नना नाक लोहतोनगा पेसिस दाकन.#14:12,28; 16:5,10,17,28; 17:11,13; 20:17 34मीट नाक पर्ह्ककिर, मति नना मीक दोर्कोन आयकन. ओसो बेगा नना मनदकन, अगा मीट वाया पग़विर आयकिर,” इनजोर इतोग़.#8:21; 13:33
35यहुदिराङ पेदल्क तमतमाय वळ्ह्कलातोर, “माट पर्ह्कतेकाय दोर्कवाह, वेग़ बेगा दायनोग़, रा? दुस्राङ देसेह्कने बिरोबटो आस मनवालोर मावा लोकुरिन,#याकुब 1:1 काग़्हतनोग़ा, दुस्रा जाततोरिन वने काग़्हतनोग़ा? 36‘मीट नाक पर्ह्ककिर, मति नना मीक दोर्कोन आयकन. ओसो बेगा नना मनदकन, अगा मीट वाया पग़विर आयकिर,’ इन्ह्तोग़.#8:21; 13:33 इद बेद्रमता पोल्लो आंदु?” इनजोर पेदल्क इंदुर.
पवित्र जीवा जीवात मनदनद एग़लेह्का मन्ह्ता
37पंडुमता मारेंगा बेरा दियाते,#लैव्यव्यवस्था 23:36; गिनती 29:35; नहेम्याल 8:18 येसु तेदिसि बेह्राङ वळ्ह्कतोग़, “बोरिह्क एग़ उनडा वसता, ओर नयगा वास उनिर.#7:37 इद वारममेटा पंडुमतस्के, दिनमे मोदुल पेर्माल मंदिरता गर्यातगा एग़ दोसिंदोग़. मोसा मुय्तोना कालमते, देवुळि बेद्रम पेळ्ह्कल बूमते आद बंडाताहि तना लोकुरिह्क ऊहन्दु, ताना सीता कीसींदोग़.#4:10,14; 6:35 38सास्त्रमते रासतपु, बोर नाक नमनुर, ओरग्डाहि जीवात मनदनद एताङ बेरेह्क पोङनुङ,” इनजोर इतोग़.#यशायाह 44:3; 55:1; 58:11 39येसुन नमवालोरिह्क देवुळता जीवा दोर्कना मता, अदे जीवाता लोप्पा येसु इद पोल्लो वळ्ह्कतोग़. (येसु हातोग़, तेग़्कतोग़, पया देवुळतके मल्स अतोग़, अस्के) ओन्क देवुळताहि मान दोर्कता.#13:31-32; 17:1-2(दोर्कतस्के ओग़ पवित्र जीवातुन बूमते लोहचीतोग़.)#1 कुरिंततोर 12:13 मति अद कगो इंका एववाय मता, अदिह्के पवित्र जीवा बोनगान रेगवाय मता, इनजोर इह वळ्ह्कतोग़.#योएल 2:28; योहन 20:22; बळयिर 1:4-5; 2:4,33
40अस्के अगा मता मुडग्डाहि उय्तुर, इव गोटिङ केंजिसि, “निटमे रा, मोसानलेह्का देवुळता कबुरतोग़ वायना मता, ओग़ वेग़े आंदोग़!”#व्यवस्थाविवरण 18:15,18; योहन 1:21 इनजोर इतोर. 41ओसो उय्तुर बारा, “आयो, वेग़ देवुळ लोहवाल पिसिह केवाल आंदोग़,” इनजोर इतोर. ओसो दुस्रोर इतोर, “देवुळ लोहवाल पिसिह केवाल गालिलताह बह वाया पग़यनोग़?#1:46; 7:52 42ओग़ इतेके दाविद राजाना कूळतोग़ आयनोग़, ओसो दाविद राजाल बेद बेत्लेहेम नाटे मतोग़, अग्डाहि वायनोग़, इनजोर सास्त्रमते बह रासतद इलेया?”#देवुळताङ पाटाङ 89:4; मीका 5:2; मत्याल 2:5-6; लूकाल 2:4-7 (येसु गालिल पटटे पुटिस मनदनोग़ इनजोरे, ओर अह इंदुर.) 43इद्रम आसि येसुनेनाह्कु वेर तमतमाय वह्चिसि, वेरा बोना-बोन्क अरवाह्कु, जेटामारा आतोर.#7:12; 9:16; 10:19 44अस्के पया ओरग्डोर उय्तुर येसुन पोयतलाह ऊळिंदुर,#मत्याल 21:46; योहन 7:30; 10:39 मति बोग़े ओन कय बोयोग़.
यहुदिराङ पेदल्क कैंगम आस्तोर
45पया ओर मंदिरताङ पह्रातोर पेर्मालोरक्के ओसो परुसिरक्के मल्स वातोर. अस्के वेर पह्रातोरिन ताल्ह्कतोर, “ओन मीट बाराह्क पोस तविर रा?” इनजोर इतोर. 46“ओग़ मन्कल वळ्ह्कतपु, बोग़े दुस्रोग़ बेस्केन वळ्ह्कोग़!” इन्जि मंदिरताङ पह्रातोर इतोर.#मत्याल 7:28-29 47पया परुसिर ओरिन इतोर, “बह, मीट वने नाळेम आतिरा? 48माट यहुदिराङ पेदल्कनोम आयि, परुसिरोम आयि, वेर बोराय ओन नमिह्तोरा?#12:42 49मति वेर येसुना पयाह अनवालोरु, मोसानाङ अडोन पुनोर, बातान पुनोर, वेरिन देवुळि एळतग़ाये!” इनजोर परुसिर वेग़्हतोर.
50मुने येसुनके कुस्क्ने वास मतोग़, निकोदेमि इनवाल,#3:1 वेग़ वने परुसिराय संगतोग़ मतोग़. 51“मावाङ अडोङ मतपु, मुने मन्कना पोल्लो केंजना, ओग़ बाताल कीस्तोग़ अदिन ऊळना, पया ओन तपतिन इतेके ओजग़ा. मन्ह्ताया, इले?” इनजोर वेग़ पेदल्किन इतोग़. 52ओर पया वेन इतोर, “बह, निमा वने गालिल पटटोनिना? अन, सास्त्रमते पर्ह्किस ऊळा, गालिलताहि बोग़े देवुळता कबुरतोग़ वावोग़!” इतोर.
सिंड्रि आंचाळि येसुना मुनेह
53 # 7:53 उचुक मोदुल काग्देह्कने 7:53-8:11 इवटे रासतद पोल्लो दोर्को. [पया ओर कतमतोर तमाङ-तमाङ लोह्क अतोर.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.