मार्कल 8

येसु नालुङ अजर्कना मुडुह्‌क तीहतह्‌तोग़

(मत्याल 15:32-39)

1अद्रमे पया उंद दिया ओसोवने येसुनगा वेल्‍लाय मुल जमा आतोर. ओरगा तिनदलाह बाताले इलवा मता. अस्के येसु तनाङ कग़यवालोरिन केयिसि इद्रम इतोग़, 2“वेर नयगान मन्जि, नेटुह्‌क मूंड दियाङ आतोर, वेरगा तिनदलाह बातय इले. अदिह्‌क नाक वेरा मान वसिह्‌ता. 3वेरग्डाह बोर बोर वेल्‍ला जेकनाहि वातोर मन्ह्‌तोर. नना वेरिन अहे तमाङ लोह्‌कने लोहतेके, वेर अग़दे अनेके, कग़्विह्‌क ऊंगेङ-वेळ्केङ आयनुर,” इनजोर इतोग़. 4पया कग़यवालोर येसुन इतोर, “अलाले, वेर लोकुर पंजलाहि, इद पेळ्ह्‌कल जागाते तिंडि बेग्डाह बोग़ तचीयनोग़?” इतोर. 5अस्के “मियगा बेचोक आरिङ मन्ह्‌ताङ?” इन्जि येसु ओरिन ताल्ह्‌कतोग़. “अविय! मयगा इतेके एळुङे आरिङ मन्ह्‌ताङ,” इनजोर इतोर. 6पया येसु मुडुन उद वेहचि, अव एळुङ आरिन पोसि, देवुळतुन जोहर कीसि, आरिन किळ्हतोग़. किळ्हचि, मुडुह्‌क तूसिसीयलाह तनाङ कग़यवालोरिह्‌क ईतोग़, ओर पया मुडुह्‌क तूसतोर. 7ओरगा उचुक उड्लाङ मीन्क वने मताङ. अविस्कनेनाह वने देवुळतुन येसु जोहर कीसि, लोकुरिह्‌क तूसिसीयलाह वेहतोग़. 8पया लोकुर पंजनाह तितोर. तिन्जि पिसतव आर किळ्केने, एळुङ बेराङ डालाङ निंदताङ. 9अगा तितोर लोकुर जोक-जोक नालुङ अजर्क (4000) लेह्‌का मतोर. पया येसु सबेटोरिन लोहतोग़. 10लोहचि येसु तनाङ कग़यवालोरा संगे ओडाते उदिसि, दलमनुता इनदनद एरियाते अतोग़.

परुसिर येसुन सीना तोहता वेहतह्‌तोर

(मत्याल 16:1-4)

11पया अगा उच्वुर परुसिर वातोर, वासि येसुना संगे पोल्‍लोने गिटोगटो कीसोरे, “देवुळ नीक लोहता इन्जि, माक उंदि सीना तोहा,” इनजोरे येसुना पट ऊळलाहि ओन ताल्ह्‌कतोर. 12इद पोल्‍लोतुह्‌क येसु नारज आसि अंजिस नेस्कतोग़, पया “इद पीळतोरु बाराह्‌क सीना ताल्ह्‌किह्‌तोर? केंजाट, नना सेतेम वेहतह्‌नन, इद पीळतोर लोकुरिह्‌कु बेदे सीना तोहोन,” इतोग़.#लूकाल 11:29 13पया येसु परुसिरिन विळ्सिसि, तनाङ कग़यवालोरा संगे ओडातगा उदिसि, सम्दुरतुन वेंडलाह आतोर.

येसु परुसिरा, एरोद अंतिपसना तप तोहतह्‌तोग़

(मत्याल 16:5-12)

14वेंडनेके कग़यवालोर आरिङ ततलाह माग़्ङतोर. ओडाते दायह्‌पा, ओरगा उंदिय आरि मता. 15अस्के येसु ओरिन इतोग़, “केंजाट! परुसिर ओसो एरोद अंतिपस#मत्याल 14:1; लूकाल 3:1,19-22; 8:3; 13:31; 23:7-12; बळयिर 4:27-28; 13:1 , वेरा ओयता पिंडटा लोप्पा उसरते मन्ह्‌टु,#8:15 बेद्रमि ओयवद पिंडटगा, उचुन ओयतद पिंड काल्ह्‌पतेके, पूरा पिंडि ओयिह्‌ता, अद्रमे परुसिर, एरोद अंतिपस, वेरा लाग्वद काग़्हमुळि, लोकुरगा आबुर आंदु. अदिह्‌क येसु ओरग्डाह उसरते मन्ह्‌टु इन्जि वेहतोग़. ताना अग़दुह्‌क आयमाट,” इतोग़. 16इतस्के “मयगा आरिङ लेवाह्‌के बहे, गूरु माक वेहतह्‌तोग़,” इन्जि तमतमाय वळ्ह्‌किंदुर. 17तेन पुन्जि येसु इतोग़, “मीट आरिङ इलवाह्‌कु, बाराह्‌क इचोन आलिह कीय्ह्‌निर? नाकु आरिना पर्वा इले इन्जि, मीक इंका तेळियोया? बह मीवा बुदि अचोन गळ्स आताया, नावा लोप्पा इंका पुनविरा? 18(नना कीतव कबस्किन ऊळतिर;)कोंडाङ मन्ज वने मीक दिसो? केव्क मन्ज वने केंजविर?#यिर्मयाह 5:21; यहेजकेल 12:2 बह मीक सीता इलेया? 19मुने नना एयुङ आरिने एयुङ अजर्क (5000) लोकुरिह्‌क तीहतन, अस्के पिसतव बेचोक डालाङ गुम कीतिर?” इतोग़. ओर इतोर, “बारा डालाङ गुम कीतोम गूरु,” इतोर. 20येसु ओसो इतोग़, “अहे ओसो एळुङ आरिने नालुङ अजर्क (4000) लोकुरिह्‌क तीहतन. अस्के मीट बेचोक डालाङ आरिङ गुम कीस मतिर?” इतोग़. ओर येसुन इतोर, “एळुङ डालाङ गुम कीस मतोम,” इतोर. 21इतस्के येसु ओरिन इतोग़, “बह इंजेक वने नना बोनन इन्जि मीक तेळियोया? (इंका वन नाक विस्वस केविरा?)” इतोग़.

येसु तोववोग़ मन्कन सव्रे कीस्तोग़

22अद्रमे पया येसु बेत्‍सेदा नाटेनगा वातोग़. वातस्के नाटेनोर ओर्वोग़ गुडिनु येसुनगा ततोर. तचि “वेग़ तोवनाह, वेनाङ कोंडान इटा गूरु,” इनजोर अर्जि कीतोर. 23इतस्के येसु ओग़ तोववोना कयदुन पोसि, लोह्‌क लेवगा ओतोग़. ओसि ओनाङ कोंडानगा उस्किसि,#7:33; योहन 9:6 ओना पोग़ोन कय तासतोग़. तासिसि “बातालाय दिसिह्‌ताया?” इनजोर ताल्ह्‌कतोग़. 24अस्के ओग़ केनकेने तोव्सि इतोग़, “नाक मन्कलोर मराना लेह्‌का बग़ाङ-बग़ाङ दिसिह्‌तोर,” इतोग़. 25इतस्के येसु ओसोवने तना कय, ओनाङ कोंडानगा तासतोग़. तासतस्के ओग़ ओसो नाह्‌किस ऊळतोग़. अस्के पूरा सव्रेम आसि, ओग़ मुनेता लेह्‌काने सबे पोळ्क्ने तोवया बोटटोग़. 26पया येसु ओन इतोग़, “इंजेके निमा लोन अन! मति इद नाटेना लोप्पाड्‌क अनमा,” इनजोर इतोग़.

येसु बोग़ आंदोग़ इन्जि पत्रु पुन्ह्‌तोग़

(मत्याल 16:13-16; लूकाल 9:18-20)

27पया येसु तनाङ कग़यवालोरा संगे, केसरिया-पिलिपि इनदनद सहरता एरेताङ नाह्‌कने अतोग़. दायह्‌पा तनाङ कग़यवालोरिन “नना बोनन आंदन इनजोर, लोकुर इन्ह्‌तोर?” इन्जि ताल्ह्‌कतोग़. 28अस्के “उय्तुर बार नीक एग़ मीहवाल योहन इन्ह्‌तोर; उय्तुर बार देवुळता कबुरतोग़ एलियाल आंदोग़; उय्तुर बार मुनेतोग़ बोग़ो देवुळता कबुरतोग़ मनदनोग़ इन्ह्‌तोर” इनजोर कग़यवालोर इतोर. 29इतस्के येसु ओरिन, “अले पया मीट वेहाट, नाक बोग़ इनजोर मीट इह्‌निर?” इनजोर ताल्ह्‌कतोग़. ताल्ह्‌कतस्के “सामि, निमा देवुळ लोहतोग़ पिसिह केवाल किर्स्तुनिन आंदिन,” इनजोर पत्रु इतोग़. 30इदिन केंजिसि, “नना किर्स्तुनन इनजोर, मीट इंजेके बोने वेहमाट बहा,” इनजोर ओरिन उकुम ईतोग़.

येसु तना वायना हामुरतुन पुनाह कीस्तोग़

(मत्याल 16:21-28; लूकाल 9:22-27)

31पया येसु तनाङ कग़यवालोरिन इद्रम काग़्हता बोटटोग़, “मान्वना नडुम पुटटोन्कु, इतेके नाकु, पका तिपल आयनद मन्ह्‌ता. यहुदिराङ पेदल्कु, पेर्मालोर, सास्त्रमगूरुर नाक पास्कनुर, हव्कनुर, ताना पया मूंड दियाने नना तेग़्ककन, इव करल अद्रम आयनुङे!” 32इनजोरे येसु इद पोल्‍लोतुन, ओरिह्‌क बेस तेळियनाह वेहतोग़. इद्रम वेहतस्के, पत्रु येसुन बाजेते अबर ओसि, (“गूरु, निमा अद्रम विचरे केमा” इन्जि,) येसुना वेहतद पोल्‍लोता अडम वळ्ह्‌कतोग़. 33अस्के येसु पेग़्के मिळ्न्दिस कग़यवालोरिन ऊळतोग़, ऊळिसि पत्रुन इद्रम तेर्हतोग़, “एय देयमदीपता बुदते वळ्ह्‌कवानिन, अद्रमता बुदतुन पोहचीम! नीवा विचरि मन्कना विचरतेह मन्ह्‌ता, मति देवुळता विचरतके इले,” इनजोर तेर्हतोग़.

34पया येसु तनाङ कग़यवालोरिन, ओसो अगा जमा आता मुडुन, तना एरे केयिसि इद्रम इतोग़, “बोग़ाय नावाङ कग़यलाह वायना विचर कीतेके, ओग़ तना हव्कनागुटा कांजतप,#8:34 हव्कनागुटातगा हायनद हामुर इतेके, इद उंद वेल्‍लाय तिपलता हामुर आंदु. इद्रमता रिवज यहुदि जाततोरा आयो, मति रोमि लोकुर इद्रम कींदुर. नयेनाह्‌क वायनव तिपल्किन आपेग़. ओसो तनाय कुसितुन पोहचि, नावा अग़दे ताकेग़. 35बोग़ इद बूमते तना कुदता जीवातुन पिसिह कीयलाह ऊळिह्‌तोग़, ओग़ आक्रिते बूळेम आयनोग़. मति बोग़ नावा बेसता कबुरतुन पोकुर कीयलाह सबे पोहतह्‌तोग़, ओन्क देवुळि पूना जीवा ईयग़ा.#मत्याल 10:39; लूकाल 14:26; 17:33; योहन 12:25 36मन्कल पूरा दुनियातुन गेल्सतेक तेला मति, तना कुदता जीवातुन पिववद किसबटटगा लेसिह कीतोग़ इतेके, ओन्क बाताल पाय्दा आयग़ा? 37मन्कल तना जीवातुन लेसिह कीतोग़ इतेके, ताना बद्लातुह्‌क ओग़ बातय ईया पग़वोग़. 38सिंड्रि आंचाळ तना मुजोन नाळेह कीयना लेह्‌कान, इद पीळतोर मन्कलोर देवुळतुन नाळेह कीसि, पापमते ताकिह्‌तोर. अद्रमतोरा नडुमि बोग़ु नना येसुनाङ कग़यवानन इनदलाह, पेग़्के-मुनेह आस्तोग़, ओनु नना मान्वना नडुम पुटटोनन वने जेक तासकन. ओसो बेद दिया नना नावा बाबाना डीसाते, पवित्र देवतुल्कना संगे वायकन,#तोहचीतव पोल्‍लोङ 14:10 अस्के अद्रमतोग़ मन्कन मावोग़ इनदलाहि, पेग़्के-मुनेह आयकन,”#रोम सहरतोर 1:16; 2 तिमोति 1:8 इनजोर इतोग़.

Currently Selected:

मार्कल 8: माडियाबाय्बल

Highlight

Copy