मार्कल 9
9
1येसु ओसो ओरिन इतोग़, “इह केंजाट, नना सेतेम वेहतह्नन, मियग्डाहि उय्तुर नावा संगे मनवालोरिर, हायनामुनेन देवुळि तना लावते राजेम निल्पिह कीयनदिन मीट ऊळकिर,” इनजोर वेहतोग़.
येसुना रूप मिळ्न्दिह्ता
(मत्याल 17:1-13; लूकाल 9:28-36)
2आरुङ दियाङ आतापया, पत्रु, याकुबि, योहनि, वेर मुवुरिन येसु तना संगे पोसि अलग उंद बेरा मेटापोग़ोन ओतोग़. अगा अतस्के ओर ऊळनेके, ओना रूप मिळ्न्दता. 3ओनाङ गेंदेङ इचोन वेडिसि तिर्मिळ्स्किंदुङ इतेके, इद दुनियाते बोग़े गेंदेङ उकवाल वने अचोन वेडिह कीया पग़वोग़, अचोन वेडिस मताङ. 4अस्के मोसा मुय्तोग़, एलिया मुय्तोग़, वेर इर्वुर मुनेतोर देवुळता कबुरतोर, येसुना संगे वळ्ह्कनदिन ओर ऊळतोर. 5-6ऊळिसि पत्रु, याकुबि, योहनि, वेर पका रेयतोर, पया पत्रु, “सामि, माट इगा मह्नल इतेके बेस आता, माट इगा मूंड मंडाङ पंडकोम: उंदि नियेनाह्कु, उंदि मोसा मुय्तोनेनाह्कु, उंदि एलिया मुय्तोनेनाह्कु,” इतोग़. इव पोल्लोङ पत्रु बाताल वळ्ह्किंदोग़, अद तना तन्के तेळियो. 7अद्रम इनेकेने, ओरा पोग़ोन मोयुल वासि ओरिन मुचता, मुचतस्के अद मोयुलताहि उंदि इद्रमता लेङ केंज वाता, “वेग़ नावा जीवा कीतोग़ मग़ि आंदोग़, वेनाङे मीट केंजसोर मन्ह्टु,” इता. 8पया चट्नेन वेर मुवुर इके-अके ऊळतोर, मति अगा तमा संगे येसुन विळ्सिस बोग़े बह दिसोग़.
9पया मेटाताहि रेगनेके, वेर मुवुरिन येसु उकुम ईस वेहतोग़, “माने-मन्कना नडुम पुटटोनन डोलिस मन्जि ओसो तेग़्कनाह्जोम, मीट नेंड बेद ऊळतिर, तान बोन्के बह वेहमाटु,” इतोग़. 10इतस्के ओर अद पोल्लोतुन सीतात तासतोर, मति डोलिस मन्जि ओसो तेग़्कनदिना अर्तम बाताल आस्ता इनजोर, तमतमाय वळ्ह्किंदुर. 11पया ओर येसुन ताल्ह्कतोर, “गूरु! देवुळ लोहवाल पिसिह केवाल वायनामुनेने, इद बूमते एलिया मुय्तोग़ मल्स वायनोग़ इनजोर,#मलाकी 4:5; मत्याल 11:14सास्त्रमगूरुर इन्ह्तोर. अद्रम बाराह्क इन्ह्तोर?” इन्जि ताल्ह्कतोर. 12येसु ओरिन इतोग़, “देवुळ लोहवाल पिसिह केवाल वायनामुने, एलियाल वासि सबेटविन बेस ओप्पे कीयलाह वास्तोग़ निटमे!#मलाकी 4:6 अद्रम आस पया, ‘माने-मन्कना नडुम पुटटोनु लोकुर पास्कनुर, ओन्कु पका तिपल एताय पोयग़ा,’#मत्याल 16:21; 26:24 इनजोर वने रासतद मन्ह्ता, इद बेद्रमि? 13मति नना मीक वेहतह्नन, एलियाल इतेके वातोग़े, तेला मति सास्त्रमतगा ओना लोप्पा रासतप लेह्कान, तम्क बह विचर वाता, अहे लोकुर ओनु तिपल कीतोर,” इनजोर इतोग़.#9:13 एलियाल इतेके, देवुळता पेदिरते एग़ मीहवाल योहनना रूपते वातोग़, मति लोकुर ओन पुनोर, पया ओन हव्कमुळ आता.
देयम पोयतोन येसु सव्रे कीस्तोग़
(मत्याल 17:14-19; लूकाल 9:37-42)
14अद्रमे ओर नालवुर आसि मेटाताहि रेगिसि, दुस्रोर कग़यवालोरगा वातोर. वासि ऊळनेके, ओरगा वेल्लाय मुल जमा आस मतोर, ओसो सास्त्रमगूरुर ओरा संगे गिटोगटो आंदुर. 15अस्के येसु वायनदिन ऊळिसि, सबेटोर बामतोर. बामिसि ओनगा वितिस मन्जि जोहर कीतोर. 16पया येसु तनाङ कग़यवालोरिन ताल्ह्कतोग़, “ओरा संगे मीट बेदिनेनाह्क गिटोगटो आतिर?” इनजोर ताल्ह्कतोग़.
17अस्के मुडाहि ओर्वोग़ मन्कल इद्रम इतोग़, “गूरु! निमा नावा मग़िन सव्रे कीकिन इनजोर, नना नियगा ओन ततन. ओन देयम पोयता, अदिह्क ओग़ वळ्ह्क पुनोग़. 18अद ओन पोयतेक अचोन नेल उकिह्ता. अस्के ओना तोडटुह्क बोमुल पेसिह्ता, पल्क वने कोग़्किह्तोग़ ओसो मेग़्किह्तोग़. इद देयमतुन पेहतलाह, नीवाङ कग़यवालोरिन वेहतन, मति ओरा संगे आया पग़वो,” इनजोर वेहतोग़. 19अस्के येसु इतोग़, “ए विस्वसलेवोरिर, मीवा संगे बेचानाह नना मनदकन! मियेनाह्क नाक कयर वास्ता. अले ओग़ पेकान नयके ताट,” इतोग़. 20इतस्के ओग़ पेकान ओनगा ततोर, ततस्के देयम येसुन ऊळताहे, ओग़ पेकान तेल्हचि नेल अर्हचीता. पया ओग़ तोडटुह्क बोमुल पेहचोरे दोळ्गिंदोग़. 21येसु पेकाना तपेन ताल्ह्कतोग़, “वेग़ बेस्केडाह इद्रम आस्तोग़?” इतोग़. इतस्के पेकाना तपे इतोग़, “उड्लस्केडाहिये पोयता गूरु. 22इद देयम वेना जीवा तिनदलाह, बेस्के किसतगा, बेस्के एतगा अर्हचीस्ता. मति निमा बेदाय कीया पग़तेके, माक जीवा लोपिसि, मावा पोग़ोन दया कीम,” इनजोर इतोग़. 23येसु ओन इतोग़, “‘निमा बेदाय कीया पग़तेके कीम’ इनजोर बाराह्क इह्निन? देवुळतुन विस्वस केवाल मन्कह्क, सबे आया पग़यह्ता,” इतोग़. 24अस्केने ओग़ पेकाना तपे, “सामि, नना विस्वस कीय्ह्नने, मति इंका पका विस्वस कीयनाह, नाक तोळ ईम,” इनजोर केयतोग़. 25पया लोकुर वित वासि, अगा जमा आयनदिन येसु ऊळतोग़. ऊळिसि “एय वेग़ पेकान एव्डाल, मूकाल कीतद देयमतिन, नना नीक उकुम ईय्ह्नन, वेग़ पेकानाहि पेसिस अन. ओसो वेनगा बेस्केन मल्स वामा,” इनजोर दगा ईतोग़. 26ईतस्के देयम केयिसि, ओग़ पेकान पका तेल्हचि पेसता. पेसतस्के पेकाल डोलतप लेह्का आतोग़, वेल्लाटोर लोकुर डोलतोग़ इंदुर. 27मति येसु ओना कयदुन पोसि तेहच निल्पिह कीतोग़. अस्के ओग़ पेकाल नितोग़. 28पया येसु तनाङ कग़यवालोरा संगे तमा मनदनद जागातगा वातोग़, वातस्के बोरे लेवस्के कग़यवालोर येसुनगा वासि ताल्ह्कतोर, “माट अद देयमतुन बह पूंड पग़वोम गूरु?” इतोर. 29इतस्के येसु ओरिन इतोग़, “देवुळतुन पार्तना#9:29 पार्तना उचुक मोदुल काग्देह्कनगा “उपस-पार्तना” इनजोर मन्ह्ता. कीतेकेने, इद्रमताङ देयह्किन पूंड पग़मुळ आस्ता, केवेके पूंड पग़मुळ आयो,” इनजोर इतोग़.
देवुळता राजेमते बेरोग़ बोग़?
(मत्याल 17:22-23; 18:1-5; लूकाल 9:43-48)
30-31अद्रमे पया येसु ओसो ओनाङ कग़यवालोर, अद जागातुन विळ्सिसि अतोर. अनेके ओर गालिल पटटुह्क अतोर. दायह्पा, (तनाङ कग़यवालोरिन अलग काग़्हतना मताह्कु,) तमा दायनद पोल्लो बोरिह्के तेळियना आयो, इद्रम येसुना विचर मता. पया येसु तनाङ कग़यवालोरिन इतोग़, “माने-मन्कना नडुम पुटटोनन, नाकु कोंटेतोरा कयदे पोसीयना मन्ह्ता. ओर नाक हव्कनुर, मति नना मूंड दियाने ओसो जीवा अरयकन,” इनजोर इतोग़. 32मति येसु वेहतद पोल्लो ओरिह्क तेळियो. अद पोल्लोतेनाह्क ओन ताल्ह्कलाह वने ओर रेयिंदुर.
33अद्रमे पया ओर कापेर्नाग़ वातोर, वासि तमा जागातगा अतोर. अतस्के येसु ओरिन ताल्ह्कतोग़, “अग़दे वानेके बाताङ कट्लाङ आंदिर?” इतोग़. 34मति “माट बारा मन्कलोरग्डाहि सबेटोरिह्क बेरोग़ बोग़,” इनजोर, ओर अग़दे वानेके कट्लाङ आस मतोर;#लूकाल 22:24 अदिनेनाह्क ओर बाताले वळ्ह्कवा, केमेन आस मतोर. 35पया येसु उदतोग़, उदिसि बारा बळयिरिन तना एरे केयिसि, इद्रम इतोग़, “बोग़ाय सबेटोरिह्क बेरोग़ आयलाह ऊळिह्तोग़, ओग़ बुदते सबेटोरिह्क उड्लोग़ आयेग़, ओसो सबेटोरा सेवा केवाल आयेग़,” इतोग़. 36इन्जि ओर्वोग़ उड्लोग़ पेकान तचि, ओरा नडुम निल्पिह कीतोग़. पया ओन ओग़्ङिसि, ओरिन इतोग़, 37“बोग़ु इद्रमतोग़ ओर्वोग़ उड्लोग़ पेकानाय, नावा पेदिरते एरे कीस्तोग़, ओग़ नाके एरे कीतपे. ओसो बोग़ु नाक एरे कीस्तोग़, ओग़ सिरप नाके आयो, मति नाक लोहतोन वने एरे कीस्तोग़,” इनजोर इतोग़.#मत्याल 10:40; लूकाल 10:16; योहन 13:20
दुस्रोरिन पापम कीयनाह कीयनद आयो
38इतस्के योहन येसुन इतोग़, “गूरु, नीवा पेदिरते ओर्वोग़ मन्कल, देयह्किन पेसिह कीयह्पा माटु ऊळतोम. ओग़ मावा तोळतोग़ आयवाह्कु, माट ओन रोमिह कीतोम,” इनजोर इतोग़. 39इतस्के येसु इतोग़, “बोग़े देवुळता लावताङ कबस्क नावा पेदिरते कीतस्के, नावा अडम वळ्ह्क पग़वोग़. ओन मीट रोमिह केमाटु. 40बह इतेके बोग़ माक विरुद केवोग़, ओग़ मावोग़े आंदोग़.#लूकाल 9:49-50 41इह केंजाट, नना सेतेम वेहतह्नन, मीट किर्स्तुनाङ कग़यवालोरिर इन्जि, उंद गिलसमेंड एग़तेला उनडलाह बोर ईयनुर, ओरिह्क इद दर्ममता पाय्दा देवुळताहि निटमे दोर्कग़ा.#मत्याल 10:42
42“उड्लोर पेकोरा लेह्का नाक नमवालोरग्डाहि बोनाय वग़ोनु, ओना नयगा मतद विस्वसतुन विळ्सलाहि, बोग़ कटळ वाटटप आस्तोग़, (वेग़ कटळ वाटवाल देवुळता बेरा सिक्सातुह्कु ओजनोग़). वेना वेळेटगा पका पूहतद जेता बंडातुन दोहचि, वेन सम्दुरते वेल्लाह आता कसातगा मुळ्हतना, (इद बेरा सिक्सा आंदु; मति) तान्काय वीळिस बेरा सिक्सा देवुळि अद्रम कटळ वाटवाह्क ईयग़ा.#मत्याल 18:6; लूकाल 17:2 43केंजाट, निमा नीवा कयदे पापम कीयलाह ऊळिह्निन इतेके, कयदुन बोग़ाय डायिस पोहचीतेक बेस आवालि, (इद्रम निमा पापमतुन पोहतलाह जिद कीमु). बाराह्क इतेके नीवाङ रेंड कय्क मन्जि, देयमदीपता बेस्केन पिववद किसबटटा अमेसाता सिक्सातगा दायना वाटो, कोलाल आसि अमेसाता पिसमुळते दायना, इदे नीक पाय्दाता.#मत्याल 5:30; 18:8 44[देयमदीपतग्डाङ पुळ्क बेस्केन डोलोङ, ओसो अग्डा किसु बेस्केन पिववो.]#9:44 सबेट्क पाळ्नाङ मोदुल काग्देह्कने इद वचन वावो. 45अहे निमा नीवा कादे पापम कीयलाह ऊळिह्निन इतेके, कादुन बोग़ाय डायिस पोहचीतेक बेस आवालि, (इद्रम निमा पापमतुन पोहतलाह जिद कीमु). 46बाराह्क इतेके नीवाङ रेंड काल्क मन्जि, देयमदीपता अमेसाता सिक्सातगा दायना वाटो, कूटाल आसि अमेसाता पिसमुळते दायना, इदे नीक पाय्दाता. [देयमदीपतग्डाङ पुळ्क बेस्केन डोलोङ, ओसो अग्डा किसु बेस्केन पिववो.#9:46 देयमदीपतग्डाङ पुळ्क बेस्केन डोलोङ, ओसो अग्डा किसु बेस्केन पिववो. सबेट्क पाळ्नाङ मोदुल काग्देह्कने इद पोल्लो वावो.] 47ओसो निमा नीवा कोंडाते पापम कीयलाह ऊळिह्निन इतेके, कोंडातुन बोग़ाय पेग़्हचीतेक बेस आवालि, (इद्रम निमा पापमतुन पोहतलाह जिद कीमु). बाराह्क इतेके नीवाङ रेंड कोंडाङ मन्जि, निमा देयमदीपता अमेसाता सिक्सातगा दायना वाटो, उंदिय कोंडा मन्जि देवुळता राजेमते ओळियना, इदे नीक पाय्दाता. 48देयमदीपतग्डाङ पुळ्क बेस्केन डोलोङ, ओसो अग्डा किस बेस्केन पिववो.#यशायाह 66:24
49“अडोना सास्त्रम वेहतपु, देवुळतुह्क वाटटव सबे कोडिनगा, मीट ओवुर काल्पिह्निर.#लैव्यव्यवस्था 2:13 अहलेह्काने मीट सबेटोरिर, (किसलेह्काडाङ तिपल्कनाहि पेससोरे, गर्यातगा वाटटदु, देवुळतुह्क विचर वायनद कोडलेह्का आयकिर).#9:49 लैव्यव्यवस्था 2:9,16 वेहतपु, इस्रयेलतोर वाटटव कोडिङ, बूमयालोरिह्क, पेर्मालोरिह्क, तिनदलाह आंदु. मति बूमयाल अद कोडटाहि इचुने तेंडिसि, गर्यापोग़ोन वाटिसि बोळ्सिंदुर. 50ओवुर बेसे मन्ह्ता, मति ओवुरता मिटस बार अता इतेके, तान बेद्रम मिटस कीकिर? मीट ओवुरता लेह्का मिटस केवालोरिर मन्ह्टु, ओर्विह्क-ओर्वोग़ कलियिस गूनमते मन्ह्टु,#रोम सहरतोर 12:17-18; 2 कुरिंततोर 13:11; 1 तिसलुनितोर 5:12-13” इनजोर येसु इतोग़.
Currently Selected:
मार्कल 9: माडियाबाय्बल
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
मार्कल 9
9
1येसु ओसो ओरिन इतोग़, “इह केंजाट, नना सेतेम वेहतह्नन, मियग्डाहि उय्तुर नावा संगे मनवालोरिर, हायनामुनेन देवुळि तना लावते राजेम निल्पिह कीयनदिन मीट ऊळकिर,” इनजोर वेहतोग़.
येसुना रूप मिळ्न्दिह्ता
(मत्याल 17:1-13; लूकाल 9:28-36)
2आरुङ दियाङ आतापया, पत्रु, याकुबि, योहनि, वेर मुवुरिन येसु तना संगे पोसि अलग उंद बेरा मेटापोग़ोन ओतोग़. अगा अतस्के ओर ऊळनेके, ओना रूप मिळ्न्दता. 3ओनाङ गेंदेङ इचोन वेडिसि तिर्मिळ्स्किंदुङ इतेके, इद दुनियाते बोग़े गेंदेङ उकवाल वने अचोन वेडिह कीया पग़वोग़, अचोन वेडिस मताङ. 4अस्के मोसा मुय्तोग़, एलिया मुय्तोग़, वेर इर्वुर मुनेतोर देवुळता कबुरतोर, येसुना संगे वळ्ह्कनदिन ओर ऊळतोर. 5-6ऊळिसि पत्रु, याकुबि, योहनि, वेर पका रेयतोर, पया पत्रु, “सामि, माट इगा मह्नल इतेके बेस आता, माट इगा मूंड मंडाङ पंडकोम: उंदि नियेनाह्कु, उंदि मोसा मुय्तोनेनाह्कु, उंदि एलिया मुय्तोनेनाह्कु,” इतोग़. इव पोल्लोङ पत्रु बाताल वळ्ह्किंदोग़, अद तना तन्के तेळियो. 7अद्रम इनेकेने, ओरा पोग़ोन मोयुल वासि ओरिन मुचता, मुचतस्के अद मोयुलताहि उंदि इद्रमता लेङ केंज वाता, “वेग़ नावा जीवा कीतोग़ मग़ि आंदोग़, वेनाङे मीट केंजसोर मन्ह्टु,” इता. 8पया चट्नेन वेर मुवुर इके-अके ऊळतोर, मति अगा तमा संगे येसुन विळ्सिस बोग़े बह दिसोग़.
9पया मेटाताहि रेगनेके, वेर मुवुरिन येसु उकुम ईस वेहतोग़, “माने-मन्कना नडुम पुटटोनन डोलिस मन्जि ओसो तेग़्कनाह्जोम, मीट नेंड बेद ऊळतिर, तान बोन्के बह वेहमाटु,” इतोग़. 10इतस्के ओर अद पोल्लोतुन सीतात तासतोर, मति डोलिस मन्जि ओसो तेग़्कनदिना अर्तम बाताल आस्ता इनजोर, तमतमाय वळ्ह्किंदुर. 11पया ओर येसुन ताल्ह्कतोर, “गूरु! देवुळ लोहवाल पिसिह केवाल वायनामुनेने, इद बूमते एलिया मुय्तोग़ मल्स वायनोग़ इनजोर,#मलाकी 4:5; मत्याल 11:14सास्त्रमगूरुर इन्ह्तोर. अद्रम बाराह्क इन्ह्तोर?” इन्जि ताल्ह्कतोर. 12येसु ओरिन इतोग़, “देवुळ लोहवाल पिसिह केवाल वायनामुने, एलियाल वासि सबेटविन बेस ओप्पे कीयलाह वास्तोग़ निटमे!#मलाकी 4:6 अद्रम आस पया, ‘माने-मन्कना नडुम पुटटोनु लोकुर पास्कनुर, ओन्कु पका तिपल एताय पोयग़ा,’#मत्याल 16:21; 26:24 इनजोर वने रासतद मन्ह्ता, इद बेद्रमि? 13मति नना मीक वेहतह्नन, एलियाल इतेके वातोग़े, तेला मति सास्त्रमतगा ओना लोप्पा रासतप लेह्कान, तम्क बह विचर वाता, अहे लोकुर ओनु तिपल कीतोर,” इनजोर इतोग़.#9:13 एलियाल इतेके, देवुळता पेदिरते एग़ मीहवाल योहनना रूपते वातोग़, मति लोकुर ओन पुनोर, पया ओन हव्कमुळ आता.
देयम पोयतोन येसु सव्रे कीस्तोग़
(मत्याल 17:14-19; लूकाल 9:37-42)
14अद्रमे ओर नालवुर आसि मेटाताहि रेगिसि, दुस्रोर कग़यवालोरगा वातोर. वासि ऊळनेके, ओरगा वेल्लाय मुल जमा आस मतोर, ओसो सास्त्रमगूरुर ओरा संगे गिटोगटो आंदुर. 15अस्के येसु वायनदिन ऊळिसि, सबेटोर बामतोर. बामिसि ओनगा वितिस मन्जि जोहर कीतोर. 16पया येसु तनाङ कग़यवालोरिन ताल्ह्कतोग़, “ओरा संगे मीट बेदिनेनाह्क गिटोगटो आतिर?” इनजोर ताल्ह्कतोग़.
17अस्के मुडाहि ओर्वोग़ मन्कल इद्रम इतोग़, “गूरु! निमा नावा मग़िन सव्रे कीकिन इनजोर, नना नियगा ओन ततन. ओन देयम पोयता, अदिह्क ओग़ वळ्ह्क पुनोग़. 18अद ओन पोयतेक अचोन नेल उकिह्ता. अस्के ओना तोडटुह्क बोमुल पेसिह्ता, पल्क वने कोग़्किह्तोग़ ओसो मेग़्किह्तोग़. इद देयमतुन पेहतलाह, नीवाङ कग़यवालोरिन वेहतन, मति ओरा संगे आया पग़वो,” इनजोर वेहतोग़. 19अस्के येसु इतोग़, “ए विस्वसलेवोरिर, मीवा संगे बेचानाह नना मनदकन! मियेनाह्क नाक कयर वास्ता. अले ओग़ पेकान नयके ताट,” इतोग़. 20इतस्के ओग़ पेकान ओनगा ततोर, ततस्के देयम येसुन ऊळताहे, ओग़ पेकान तेल्हचि नेल अर्हचीता. पया ओग़ तोडटुह्क बोमुल पेहचोरे दोळ्गिंदोग़. 21येसु पेकाना तपेन ताल्ह्कतोग़, “वेग़ बेस्केडाह इद्रम आस्तोग़?” इतोग़. इतस्के पेकाना तपे इतोग़, “उड्लस्केडाहिये पोयता गूरु. 22इद देयम वेना जीवा तिनदलाह, बेस्के किसतगा, बेस्के एतगा अर्हचीस्ता. मति निमा बेदाय कीया पग़तेके, माक जीवा लोपिसि, मावा पोग़ोन दया कीम,” इनजोर इतोग़. 23येसु ओन इतोग़, “‘निमा बेदाय कीया पग़तेके कीम’ इनजोर बाराह्क इह्निन? देवुळतुन विस्वस केवाल मन्कह्क, सबे आया पग़यह्ता,” इतोग़. 24अस्केने ओग़ पेकाना तपे, “सामि, नना विस्वस कीय्ह्नने, मति इंका पका विस्वस कीयनाह, नाक तोळ ईम,” इनजोर केयतोग़. 25पया लोकुर वित वासि, अगा जमा आयनदिन येसु ऊळतोग़. ऊळिसि “एय वेग़ पेकान एव्डाल, मूकाल कीतद देयमतिन, नना नीक उकुम ईय्ह्नन, वेग़ पेकानाहि पेसिस अन. ओसो वेनगा बेस्केन मल्स वामा,” इनजोर दगा ईतोग़. 26ईतस्के देयम केयिसि, ओग़ पेकान पका तेल्हचि पेसता. पेसतस्के पेकाल डोलतप लेह्का आतोग़, वेल्लाटोर लोकुर डोलतोग़ इंदुर. 27मति येसु ओना कयदुन पोसि तेहच निल्पिह कीतोग़. अस्के ओग़ पेकाल नितोग़. 28पया येसु तनाङ कग़यवालोरा संगे तमा मनदनद जागातगा वातोग़, वातस्के बोरे लेवस्के कग़यवालोर येसुनगा वासि ताल्ह्कतोर, “माट अद देयमतुन बह पूंड पग़वोम गूरु?” इतोर. 29इतस्के येसु ओरिन इतोग़, “देवुळतुन पार्तना#9:29 पार्तना उचुक मोदुल काग्देह्कनगा “उपस-पार्तना” इनजोर मन्ह्ता. कीतेकेने, इद्रमताङ देयह्किन पूंड पग़मुळ आस्ता, केवेके पूंड पग़मुळ आयो,” इनजोर इतोग़.
देवुळता राजेमते बेरोग़ बोग़?
(मत्याल 17:22-23; 18:1-5; लूकाल 9:43-48)
30-31अद्रमे पया येसु ओसो ओनाङ कग़यवालोर, अद जागातुन विळ्सिसि अतोर. अनेके ओर गालिल पटटुह्क अतोर. दायह्पा, (तनाङ कग़यवालोरिन अलग काग़्हतना मताह्कु,) तमा दायनद पोल्लो बोरिह्के तेळियना आयो, इद्रम येसुना विचर मता. पया येसु तनाङ कग़यवालोरिन इतोग़, “माने-मन्कना नडुम पुटटोनन, नाकु कोंटेतोरा कयदे पोसीयना मन्ह्ता. ओर नाक हव्कनुर, मति नना मूंड दियाने ओसो जीवा अरयकन,” इनजोर इतोग़. 32मति येसु वेहतद पोल्लो ओरिह्क तेळियो. अद पोल्लोतेनाह्क ओन ताल्ह्कलाह वने ओर रेयिंदुर.
33अद्रमे पया ओर कापेर्नाग़ वातोर, वासि तमा जागातगा अतोर. अतस्के येसु ओरिन ताल्ह्कतोग़, “अग़दे वानेके बाताङ कट्लाङ आंदिर?” इतोग़. 34मति “माट बारा मन्कलोरग्डाहि सबेटोरिह्क बेरोग़ बोग़,” इनजोर, ओर अग़दे वानेके कट्लाङ आस मतोर;#लूकाल 22:24 अदिनेनाह्क ओर बाताले वळ्ह्कवा, केमेन आस मतोर. 35पया येसु उदतोग़, उदिसि बारा बळयिरिन तना एरे केयिसि, इद्रम इतोग़, “बोग़ाय सबेटोरिह्क बेरोग़ आयलाह ऊळिह्तोग़, ओग़ बुदते सबेटोरिह्क उड्लोग़ आयेग़, ओसो सबेटोरा सेवा केवाल आयेग़,” इतोग़. 36इन्जि ओर्वोग़ उड्लोग़ पेकान तचि, ओरा नडुम निल्पिह कीतोग़. पया ओन ओग़्ङिसि, ओरिन इतोग़, 37“बोग़ु इद्रमतोग़ ओर्वोग़ उड्लोग़ पेकानाय, नावा पेदिरते एरे कीस्तोग़, ओग़ नाके एरे कीतपे. ओसो बोग़ु नाक एरे कीस्तोग़, ओग़ सिरप नाके आयो, मति नाक लोहतोन वने एरे कीस्तोग़,” इनजोर इतोग़.#मत्याल 10:40; लूकाल 10:16; योहन 13:20
दुस्रोरिन पापम कीयनाह कीयनद आयो
38इतस्के योहन येसुन इतोग़, “गूरु, नीवा पेदिरते ओर्वोग़ मन्कल, देयह्किन पेसिह कीयह्पा माटु ऊळतोम. ओग़ मावा तोळतोग़ आयवाह्कु, माट ओन रोमिह कीतोम,” इनजोर इतोग़. 39इतस्के येसु इतोग़, “बोग़े देवुळता लावताङ कबस्क नावा पेदिरते कीतस्के, नावा अडम वळ्ह्क पग़वोग़. ओन मीट रोमिह केमाटु. 40बह इतेके बोग़ माक विरुद केवोग़, ओग़ मावोग़े आंदोग़.#लूकाल 9:49-50 41इह केंजाट, नना सेतेम वेहतह्नन, मीट किर्स्तुनाङ कग़यवालोरिर इन्जि, उंद गिलसमेंड एग़तेला उनडलाह बोर ईयनुर, ओरिह्क इद दर्ममता पाय्दा देवुळताहि निटमे दोर्कग़ा.#मत्याल 10:42
42“उड्लोर पेकोरा लेह्का नाक नमवालोरग्डाहि बोनाय वग़ोनु, ओना नयगा मतद विस्वसतुन विळ्सलाहि, बोग़ कटळ वाटटप आस्तोग़, (वेग़ कटळ वाटवाल देवुळता बेरा सिक्सातुह्कु ओजनोग़). वेना वेळेटगा पका पूहतद जेता बंडातुन दोहचि, वेन सम्दुरते वेल्लाह आता कसातगा मुळ्हतना, (इद बेरा सिक्सा आंदु; मति) तान्काय वीळिस बेरा सिक्सा देवुळि अद्रम कटळ वाटवाह्क ईयग़ा.#मत्याल 18:6; लूकाल 17:2 43केंजाट, निमा नीवा कयदे पापम कीयलाह ऊळिह्निन इतेके, कयदुन बोग़ाय डायिस पोहचीतेक बेस आवालि, (इद्रम निमा पापमतुन पोहतलाह जिद कीमु). बाराह्क इतेके नीवाङ रेंड कय्क मन्जि, देयमदीपता बेस्केन पिववद किसबटटा अमेसाता सिक्सातगा दायना वाटो, कोलाल आसि अमेसाता पिसमुळते दायना, इदे नीक पाय्दाता.#मत्याल 5:30; 18:8 44[देयमदीपतग्डाङ पुळ्क बेस्केन डोलोङ, ओसो अग्डा किसु बेस्केन पिववो.]#9:44 सबेट्क पाळ्नाङ मोदुल काग्देह्कने इद वचन वावो. 45अहे निमा नीवा कादे पापम कीयलाह ऊळिह्निन इतेके, कादुन बोग़ाय डायिस पोहचीतेक बेस आवालि, (इद्रम निमा पापमतुन पोहतलाह जिद कीमु). 46बाराह्क इतेके नीवाङ रेंड काल्क मन्जि, देयमदीपता अमेसाता सिक्सातगा दायना वाटो, कूटाल आसि अमेसाता पिसमुळते दायना, इदे नीक पाय्दाता. [देयमदीपतग्डाङ पुळ्क बेस्केन डोलोङ, ओसो अग्डा किसु बेस्केन पिववो.#9:46 देयमदीपतग्डाङ पुळ्क बेस्केन डोलोङ, ओसो अग्डा किसु बेस्केन पिववो. सबेट्क पाळ्नाङ मोदुल काग्देह्कने इद पोल्लो वावो.] 47ओसो निमा नीवा कोंडाते पापम कीयलाह ऊळिह्निन इतेके, कोंडातुन बोग़ाय पेग़्हचीतेक बेस आवालि, (इद्रम निमा पापमतुन पोहतलाह जिद कीमु). बाराह्क इतेके नीवाङ रेंड कोंडाङ मन्जि, निमा देयमदीपता अमेसाता सिक्सातगा दायना वाटो, उंदिय कोंडा मन्जि देवुळता राजेमते ओळियना, इदे नीक पाय्दाता. 48देयमदीपतग्डाङ पुळ्क बेस्केन डोलोङ, ओसो अग्डा किस बेस्केन पिववो.#यशायाह 66:24
49“अडोना सास्त्रम वेहतपु, देवुळतुह्क वाटटव सबे कोडिनगा, मीट ओवुर काल्पिह्निर.#लैव्यव्यवस्था 2:13 अहलेह्काने मीट सबेटोरिर, (किसलेह्काडाङ तिपल्कनाहि पेससोरे, गर्यातगा वाटटदु, देवुळतुह्क विचर वायनद कोडलेह्का आयकिर).#9:49 लैव्यव्यवस्था 2:9,16 वेहतपु, इस्रयेलतोर वाटटव कोडिङ, बूमयालोरिह्क, पेर्मालोरिह्क, तिनदलाह आंदु. मति बूमयाल अद कोडटाहि इचुने तेंडिसि, गर्यापोग़ोन वाटिसि बोळ्सिंदुर. 50ओवुर बेसे मन्ह्ता, मति ओवुरता मिटस बार अता इतेके, तान बेद्रम मिटस कीकिर? मीट ओवुरता लेह्का मिटस केवालोरिर मन्ह्टु, ओर्विह्क-ओर्वोग़ कलियिस गूनमते मन्ह्टु,#रोम सहरतोर 12:17-18; 2 कुरिंततोर 13:11; 1 तिसलुनितोर 5:12-13” इनजोर येसु इतोग़.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.