Marcus 2
2
Caibidil II
Leigheasann Íosa duine a raibh galar creathach air: glaodhann sé ar Mhaitiú; agus glacann sé leithscéal a deisciobal.
1Agus i gcionn shuim laethe chuaidh sé isteach arís go Capharnaum.#Mait. 9, 1.
2Agus chualathas go raibh sé i dtigh, agus chruinnigh mórán le chéile, ionnas nach raibh áit fiú ag an doras, agus ghníodh sé an briathar a sheanmóir dóibh.
3Agus tháinic daoine chuige agus fear leo a raibh galar creathach#Lúc. 5, 18. air, agus é ar iomchar ag ceathrar.
4Agus mar nárbh fhéidir leo é a thabhairt ina láthair mar gheall ar an tsluagh, nocht siad mullach an tighe ina raibh sé, rinne poll air, agus leig síos an tsráideog ar a raibh fear an ghalair chreathaigh ina luighe.
5Agus ar fheiceáil a gcreidimh do Íosa, deir sé leis an té a raibh an galar creathach air: A mhic, tá do pheacaidhe maithte duit.
6Acht bhí cuid de na Scríobhaidhthe annsin, ina suidhe agus iad ag machtnamh ina gcroidhthe:
7Cad chuige a bhfuil a leithéid dá rádh aige seo? Tá diamhasla dá dhéanamh aige. Cé, acht Dia ámháin,#Iób 14, 4; Isaias 43, 25. a dtig leis peacaidhe a mhaitheamh?
8Bhí a fhios ag Íosa láithreach ina Spiorad féin go raibh siad ag machtnamh mar sin ina n-aigne, agus deir sé leo: Cad chuige a bhfuil sibh ag smaoineadh ar na neithe sin i bhur gcroidhthe?
9Cé acu is fusa a rádh le fear an ghalair chreathaigh: Tá do pheacaidhe maithte duit; nó a rádh: Éirigh, tóg do shráideog agus siubhal?
10Acht chun go raibh a fhios agaibh go bhfuil cumhacht ag Mac an Duine peacaidhe a mhaitheamh ar talamh (deir sé le fear an ghalair chreathaigh).
11Deirim leat: Éirigh; tóg do shráideog; agus gabh abhaile chun do thighe.
12Agus dʼéirigh sé ar an bhomaite, thóg leis a shráideog, agus dʼimthigh sé i bhfiadhnaise a raibh ann, ionnas gur ghabh iongantas iad uilig agus go dtug siad glóir do Dhia, ag rádh: Ní fhacamar a leithéid ariamh.
13Agus ar dhul amach arís dó go dtí an fhairrge, tháinic an sluagh uilig chuige, agus thug sé teagasc dóibh.
14Agus ar a shiubhal thart dó chonnaic sé leibhí, mac Alpheuis, ina shuidhe ag oific na cánach,#Mait. 9, 9; Lúc. 5, 27. agus deir sé leis: Lean mise. Agus dʼéirigh sé, agus lean sé é.
15Agus thárla, nuair a shuidh sé chun bídh ina thigh siúd, gur shuidh mórán puibliocánach agus peacach i dteannta Íosa agus a dheisciobal; óir bhí mórán acu ann, agus lean siad é fosta.
16Agus nuair a chonnaic na Scríobhaidhthe agus na Fairisínigh é ag caitheamh bídh i bhfochair na bpuibliocánach agus na bpeacach, dubhairt siad le n-a dheisciobail: Cad chuige a bhfuil bhur máighistir ag ithe agus ag ól i bhfochair na bpuibliocánach agus na bpeacach?
17Ar a chluinstin seo do Íosa deir sé leo: Ní ar na daoine slána a bhíos liaigh do dhíth acht ar na daoine breoidhte;#1 Tim. 1, 15. óir ní tháinic mise le glaodhach ar fhíréin acht ar pheacaigh.
18Agus bhíodh deisciobail Eoin agus na Fairisínigh ag déanamh troscaidh, agus tig siad agus deir siad leis: Cad chuige a ndéan deisciobail Eoin agus na bhFairisíneach troscadh, agus nach ndéan do dheisciobail-se troscadh?
19Agus dubhairt Íosa leo: An féidir le cloinn na bainfheise troscadh a dhéanamh a fhad agus bhíos an fear nuaphósta ina gcuideachta? A fhad agus bhíos an fear nuaphósta acu ina gcuideachta, ní féidir leo troscadh a dhéanamh.
20Acht tiocfaidh na laethe ina dtógfar uatha an fear nuaphósta,#Mait. 9, 15; Lúc. 5, 35. agus annsin dhéanfaidh siad troscadh ins na laethe sin.
21Ní fhuaghann aoinneach paiste dʼéadhach úr ar shean-chulaith; óir beireann an píosa nua leis cuid deʼn tsean-éadach, agus ghníthear an strócadh níos mó.
22Agus ní chuireann aoinneach fíon úr i sean-bhuidéil; óir brisfidh an fíon na buidéil, agus doirtfear an fíon, agus rachaidh na buidéil amugha; acht is cóir fíon úr a chur i mbuidéil úra.
23Agus thárla uair eile, nuair a bhí an Tighearna ag siubhál fríd na guirt arbhair ar an tsabóid, gur thoisigh a dheisciobail a shiubhal leo agus a piocadh na ndias.#Mait. 12, 1; Lúc. 6, 1.
24Acht dubhairt na Fairisínigh leis: Féach, cad chuige a ndéan siad rud nach bhfuil dlisteannach ar an tsabóid?
25Agus dubhairt sé leo: An é nár léigh sibh ariamh cad é rinne Dáibhidh,#1 Rígh. 21, 6. nuair a bʼéigean dó é, agus ocras air féin, agus ar a raibh i n-aoinfheacht leis?
26Mar a chuaidh sé isteach i dtigh Dé le linn an phríomhshagairt, Abiatar, agus dʼith sé aráin na fiadhnaise, nár cheadmhach dʼaoinneach acht do na sagairt a n-ithe,#Leibh. 24, 9. agus thug sé doʼn méid a bhí i n-aoinfheacht leis?
27Agus dubhairt sé leo: Is ar son an duine a rinneadh an tsabóid, agus ní ar son na sabóide an duine.
28Ar an adhbhar sin tá Mac an Duine ina thighearna fiú ar an tsabóid.
Currently Selected:
Marcus 2: ASN1943
Highlight
Share
Copy
Want to have your highlights saved across all your devices? Sign up or sign in
rights held by the Bible Society in Northern Ireland
