Saint Jean 4
4
1Mono, Nanjou mi toutou ko̱ pharisienli lala ba Jésus mi mosso ka nding baptême hi njou‐séna bongli nyèta a Jean. 2Jésus fènè tane ga nding baptême ya, da ba njou‐séna bongli nèli mi ko̱ nding baptême hi kli. 3Kè ourou an guèl Judée da féré sé guèl Galilée ba aféké.
4Dadaon an kème sé ka ba domboro on, ko̱ mi ta guèl Samarie. 5Mono, kème kan pou hana mbéo an guèl Samarie lingkè ba Sychar, diya jing bil sél koukoula on ko̱ Jacob mi hi Joseph goune nè jinguèl. 6Njaka lo̱ko̱ mbi njona Jacob mana ndourou. Da baï ko̱ Jésus mi tanta baï séna domboro, kè kaou bèl njaka lo̱ko̱ mbi njona on, ko̱ l’heure mi mane difala‐mbéo.
7Waïn hana an guèl Samarie mi gui baï douna mbi on. Jésus sa hi nè: Mo bana mbi an mème njo. 8Baï ko̱ njou‐séna bong nèli mi sé pou baï zéna laka tou. 9Waïn an guèl Samarie mi sa hi nè: Baïfèn ko̱ mo ba Juif da mome ndou mbi njona jing mi, mè ko̱ ba waïn an guèl Samarie lé? baï ko̱ Juifli mi tane ga nding fèn kon toul hana jing njoukouli an guèl Samarie ya. 10Jésus mi féré sa, ka sa hi nè: Tokoré mome toutou toul ndo̱ka Ouone, da toutou kè on ko̱ mi sa hi mo: Mo bana mbi an mème njo! yé mo ti ndou mbi jing nè ti dambèl, da kè ma hi mbi yana hi mo. 11Waïn on sa hi nè: Nanjou, fèna tane ti an ndo̱ko̱ baï douna mbi rou ya, da lo̱ko̱ mbi on dita; kong mo jing mbi yana on an hane dé? 12Mo ta baba na Jacob, ko̱ mi hi lo̱ko̱ mbi njona aïn hi na lé? ko̱ kè fènè mi njo jing goune wonron nèli da ndaïya nèli mi ndé njo kéng lé? 13Jésus mi féré sa, ka sa hi nè: Njoukouna ko̱ mi njo mbi aïn, po̱ko̱ mbi ma i nè ba aféké; 14da njoukouna ko̱ mi njo mbi on ko̱ mème hi nè, yé po̱ko̱ mbi ba ina nè ba aféké tane tiya, da mbi on ko̱ mème hi nè ma tèn ba toutoung mbi bi bilè, ko̱ ma ou kan yana kambèlè. 15Waïn on féré sa hi nè: Nanjou, bana mbi on hi mi, an po̱ko̱ mbi mi tane i mi ba aféké ya, da an mème tane gui guèl aïn baï douna mbi ba aféké ya. 16Jésus sa hi nè: Mo sé di wa no ka féré gui. 17Waïn mi féré sa, ka sa hi nè: Wa ni tane tiya. Jésus sa hi nè: Mo sa bèlta tou baï sana: Wa ni tane tiya. 18Da mome kaou jing wonronli dioui jinguèl tou, da wonron on ko̱ mome kaou jing nè kassénaï, kè tane ti ba wa no ya, mo sa toul baï on ka babaï tou. 19Waïn on sa hi nè: Nanjou, mè ko̱ko̱ ko̱ mo ba prophète. 20Baba nali mi hiou Ouone an toul souraguèl aïn, ko̱ ouime sa an pou Jérusalem ba guèl an njoukouli mi hiou Ouone an ndourou. 21Jésus sa hi nè: Waïn, mo la bilaou ni, name ma gui o̱, ko̱ oui ba hiouna Baba an toul souraguèl aïn maléba an Jérusalem tane tiya. 22Oui tane tou fèn on ko̱ ouime hiou ya; da na toutou fèn on ko̱ name hiou, baï ko̱ yana baï toul mi gui ka ba mona Juifli. 23Da name ma gui o̱ ko̱ kan tou; ko̱ gba njou‐hiouna Ouone ma hiou Baba ka bil esprit da ka bil babaï; baï ko̱ Baba mi nza njoukouli on baï hiouna nè. 24Ouone ba Esprit da kli ko̱ hiou nè, yé kli hiou nè jing esprit da jing babaï. 25Waïn on mi sa hi nè: Mè toutou Messie ma gui o̱, ko̱ ling‐è ba Christ, da ko̱ kème gui kè ma to̱ko̱ fènli bon tangta hi na. 26Jésus sa hi nè: Mè ko̱ sa baï hi mo, ba mè mini.
27Ko̱ kème pane sana baï on, njou‐séna bong nèli mi ten gui tou. Laou kli mi sé siya baï ko̱ kème sa baï jing waïn on, da njoukouna mi tane ga oui nè ya: Mo nza fèn lé? maléba: Baïfèn da mome sa jing waïn aïn lé? 28Mono, waïn on mi yèng ili nè bi, da ré sé bil pou ka sa hi njoukouli: 29Oui gui ka ko̱ njoukouna ko̱ mi sa fènli bon hi mi, ko̱ mème nding jinguèl; kè tane ti ba Christ ya lé? 30Kli tèn an bil pou da gui monè.
31Ka l’heure o̱kèo̱ njou‐séna bongli sa jo̱jo̱ nè, ka sa: Rabbi, mo son laka. 32Da kème sa hi kli: Laka mana an ndo̱ko̱ ni on ko̱ oui tane ga tou ya. 33Mono, njou‐séna bongli mi oui hana: Njoukouna mi gourou ka laka hi nè lé? 34Jésus sa hi kli: Laka ni ba baï kaouna mara fal toula kè on ko̱ mi pi mi, da baï ndingna pina nè o̱da. 35Oui tane ga sa on ya: Afal ko̱ féou mi mane nèng ba féou loura fèn paï mi tèn lé? Oui ko̱, ko̱ mè sa hi oui, oui bi none baï guè siya, ka ko̱ waka ko̱ to maïya tou baï lourakè. 36Kè on ko̱ lourou fèn paï, kè ya toul ndo̱kè, da kème ndoï lénakè kan yana kambèlè. Mono on, an kè on ko̱ mi mèn mèrènkè da kè on ko̱ mi lourou mi jangndaï jing hana. 37Ka mboro baï on ba babaï, aïn mbéo mi mèn mèrènkè, da aféké mi sé baï lourakè. 38Mè pi oui sé baï loura fèn paï an guèl on ko̱ ouime tane ga nding pina an ndourou ya; njoukou afékéli mi ko̱ nding pina an ndourou ti dambèl, da oui sé baï yana bong pina kli.
39Da njoukouli nyèta an bil pou on an guèl Samarie mi la bilaou‐è baï a baïnjaka a waïn on ko̱ sa bongbaï: Kè sa fènli on bon hi mi ko̱ mème nding jinguèl. 40Ko̱ njoukouli an guèl Samarie mi gui monè, kli sa jo̱jo̱ nè an kème kaou jing kli. Da kème so̱ro̱ jing kli an ndourou ma name séré. 41Da njoukou afékéli nyèta mi la bilaou‐è baï toul baïnjaka on ko̱ kè fènè mi sa; 42da kli sa hi waïn aïn: Kassénaï, ko̱ name la bilaou‐è, tane ti ba baï baïnjako̱ ya; da baï ko̱ na fèna mi lala nè ama tou, da name toutou ko̱ kè on ba Christ ka babaï, Njou‐yana‐baï toul a njou‐koukoulali.
43Afal name séré on, Jésus mi ourou an ndourou, da sé guè guèl Galilée; 44da kème sa bongbaï fènè, njoukouna tane dik prophète an bil dodok pou nè ya. 45Da ko̱ kème kan guèl Galilée njoukouli an guèl Galilée mi pame nè, baï ko̱ klime ko̱ pina nèli ko̱ kème nding an pou Jérusalem jinguèl ka name gnèna laka; baï ko̱ klime ndé sé name gnèna laka on kéng. 46Mono, Jésus mi féré ré sé guè pou Cana an guèl Galilée an bil pou on ko̱ kème komo mbi tèn vin an ndourou ti dambèl.
Da kabita hana a nanjoukaou makaou an pou Capernaüm ko̱ goune wonron nè mi na jangma. 47Ko̱ kème lala ko̱ Jésus mi ourou an guèl Judée da gui guèl Galilée tou, kè gui monè da sa jo̱jo̱ nè an kème diri sé ka haï mona goune nè, baï ko̱ kème nding baï houl. 48Jésus sa hi nè: Tokoré ouime ko̱ fèn‐to̱ko̱nakeli maléba fèn sakamli ya, oui ba lana bilaou tane tiya. 49Kabita a nanjoukaou mi sa hi nè: Nanjou, mo diri gui ambèl ko̱ goune ni mi hou. 50Jésus sa hi nè: Mo sé fèno, goune no makaou ka none. Kabita la bilaou baïnjaka on ko̱ Jésus mi sa hi nè, da kème sé fènè. 51Da ko̱ kème pane dira gui domboro kème wou toul jing koï nèli da kli sa hi nè: Goune no makaou ka none. 52Mono, kè oui kli: L’heure an hani da monè mi haï lé? Kli sa hi nè: Ka léou, ko̱ l’heure mi mane difala‐séré jangna an monè mi vo tou. 53Mono, baba mi toutou ko̱ ba mbé l’heure o̱kèo̱ mono ko̱ Jésus mi sa hi nè: Goune no makaou ka none. Da kème la bilaou tèn njou‐voulèli bon kéng.
54Fèn‐to̱ko̱nakè aïn ba a sérékè mono ko̱ Jésus mi nding, afal ko̱ kème oulou an Judée da gui guèl Galilée.
Currently Selected:
Saint Jean 4: KBN1947
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1947.
Saint Jean 4
4
1Mono, Nanjou mi toutou ko̱ pharisienli lala ba Jésus mi mosso ka nding baptême hi njou‐séna bongli nyèta a Jean. 2Jésus fènè tane ga nding baptême ya, da ba njou‐séna bongli nèli mi ko̱ nding baptême hi kli. 3Kè ourou an guèl Judée da féré sé guèl Galilée ba aféké.
4Dadaon an kème sé ka ba domboro on, ko̱ mi ta guèl Samarie. 5Mono, kème kan pou hana mbéo an guèl Samarie lingkè ba Sychar, diya jing bil sél koukoula on ko̱ Jacob mi hi Joseph goune nè jinguèl. 6Njaka lo̱ko̱ mbi njona Jacob mana ndourou. Da baï ko̱ Jésus mi tanta baï séna domboro, kè kaou bèl njaka lo̱ko̱ mbi njona on, ko̱ l’heure mi mane difala‐mbéo.
7Waïn hana an guèl Samarie mi gui baï douna mbi on. Jésus sa hi nè: Mo bana mbi an mème njo. 8Baï ko̱ njou‐séna bong nèli mi sé pou baï zéna laka tou. 9Waïn an guèl Samarie mi sa hi nè: Baïfèn ko̱ mo ba Juif da mome ndou mbi njona jing mi, mè ko̱ ba waïn an guèl Samarie lé? baï ko̱ Juifli mi tane ga nding fèn kon toul hana jing njoukouli an guèl Samarie ya. 10Jésus mi féré sa, ka sa hi nè: Tokoré mome toutou toul ndo̱ka Ouone, da toutou kè on ko̱ mi sa hi mo: Mo bana mbi an mème njo! yé mo ti ndou mbi jing nè ti dambèl, da kè ma hi mbi yana hi mo. 11Waïn on sa hi nè: Nanjou, fèna tane ti an ndo̱ko̱ baï douna mbi rou ya, da lo̱ko̱ mbi on dita; kong mo jing mbi yana on an hane dé? 12Mo ta baba na Jacob, ko̱ mi hi lo̱ko̱ mbi njona aïn hi na lé? ko̱ kè fènè mi njo jing goune wonron nèli da ndaïya nèli mi ndé njo kéng lé? 13Jésus mi féré sa, ka sa hi nè: Njoukouna ko̱ mi njo mbi aïn, po̱ko̱ mbi ma i nè ba aféké; 14da njoukouna ko̱ mi njo mbi on ko̱ mème hi nè, yé po̱ko̱ mbi ba ina nè ba aféké tane tiya, da mbi on ko̱ mème hi nè ma tèn ba toutoung mbi bi bilè, ko̱ ma ou kan yana kambèlè. 15Waïn on féré sa hi nè: Nanjou, bana mbi on hi mi, an po̱ko̱ mbi mi tane i mi ba aféké ya, da an mème tane gui guèl aïn baï douna mbi ba aféké ya. 16Jésus sa hi nè: Mo sé di wa no ka féré gui. 17Waïn mi féré sa, ka sa hi nè: Wa ni tane tiya. Jésus sa hi nè: Mo sa bèlta tou baï sana: Wa ni tane tiya. 18Da mome kaou jing wonronli dioui jinguèl tou, da wonron on ko̱ mome kaou jing nè kassénaï, kè tane ti ba wa no ya, mo sa toul baï on ka babaï tou. 19Waïn on sa hi nè: Nanjou, mè ko̱ko̱ ko̱ mo ba prophète. 20Baba nali mi hiou Ouone an toul souraguèl aïn, ko̱ ouime sa an pou Jérusalem ba guèl an njoukouli mi hiou Ouone an ndourou. 21Jésus sa hi nè: Waïn, mo la bilaou ni, name ma gui o̱, ko̱ oui ba hiouna Baba an toul souraguèl aïn maléba an Jérusalem tane tiya. 22Oui tane tou fèn on ko̱ ouime hiou ya; da na toutou fèn on ko̱ name hiou, baï ko̱ yana baï toul mi gui ka ba mona Juifli. 23Da name ma gui o̱ ko̱ kan tou; ko̱ gba njou‐hiouna Ouone ma hiou Baba ka bil esprit da ka bil babaï; baï ko̱ Baba mi nza njoukouli on baï hiouna nè. 24Ouone ba Esprit da kli ko̱ hiou nè, yé kli hiou nè jing esprit da jing babaï. 25Waïn on mi sa hi nè: Mè toutou Messie ma gui o̱, ko̱ ling‐è ba Christ, da ko̱ kème gui kè ma to̱ko̱ fènli bon tangta hi na. 26Jésus sa hi nè: Mè ko̱ sa baï hi mo, ba mè mini.
27Ko̱ kème pane sana baï on, njou‐séna bong nèli mi ten gui tou. Laou kli mi sé siya baï ko̱ kème sa baï jing waïn on, da njoukouna mi tane ga oui nè ya: Mo nza fèn lé? maléba: Baïfèn da mome sa jing waïn aïn lé? 28Mono, waïn on mi yèng ili nè bi, da ré sé bil pou ka sa hi njoukouli: 29Oui gui ka ko̱ njoukouna ko̱ mi sa fènli bon hi mi, ko̱ mème nding jinguèl; kè tane ti ba Christ ya lé? 30Kli tèn an bil pou da gui monè.
31Ka l’heure o̱kèo̱ njou‐séna bongli sa jo̱jo̱ nè, ka sa: Rabbi, mo son laka. 32Da kème sa hi kli: Laka mana an ndo̱ko̱ ni on ko̱ oui tane ga tou ya. 33Mono, njou‐séna bongli mi oui hana: Njoukouna mi gourou ka laka hi nè lé? 34Jésus sa hi kli: Laka ni ba baï kaouna mara fal toula kè on ko̱ mi pi mi, da baï ndingna pina nè o̱da. 35Oui tane ga sa on ya: Afal ko̱ féou mi mane nèng ba féou loura fèn paï mi tèn lé? Oui ko̱, ko̱ mè sa hi oui, oui bi none baï guè siya, ka ko̱ waka ko̱ to maïya tou baï lourakè. 36Kè on ko̱ lourou fèn paï, kè ya toul ndo̱kè, da kème ndoï lénakè kan yana kambèlè. Mono on, an kè on ko̱ mi mèn mèrènkè da kè on ko̱ mi lourou mi jangndaï jing hana. 37Ka mboro baï on ba babaï, aïn mbéo mi mèn mèrènkè, da aféké mi sé baï lourakè. 38Mè pi oui sé baï loura fèn paï an guèl on ko̱ ouime tane ga nding pina an ndourou ya; njoukou afékéli mi ko̱ nding pina an ndourou ti dambèl, da oui sé baï yana bong pina kli.
39Da njoukouli nyèta an bil pou on an guèl Samarie mi la bilaou‐è baï a baïnjaka a waïn on ko̱ sa bongbaï: Kè sa fènli on bon hi mi ko̱ mème nding jinguèl. 40Ko̱ njoukouli an guèl Samarie mi gui monè, kli sa jo̱jo̱ nè an kème kaou jing kli. Da kème so̱ro̱ jing kli an ndourou ma name séré. 41Da njoukou afékéli nyèta mi la bilaou‐è baï toul baïnjaka on ko̱ kè fènè mi sa; 42da kli sa hi waïn aïn: Kassénaï, ko̱ name la bilaou‐è, tane ti ba baï baïnjako̱ ya; da baï ko̱ na fèna mi lala nè ama tou, da name toutou ko̱ kè on ba Christ ka babaï, Njou‐yana‐baï toul a njou‐koukoulali.
43Afal name séré on, Jésus mi ourou an ndourou, da sé guè guèl Galilée; 44da kème sa bongbaï fènè, njoukouna tane dik prophète an bil dodok pou nè ya. 45Da ko̱ kème kan guèl Galilée njoukouli an guèl Galilée mi pame nè, baï ko̱ klime ko̱ pina nèli ko̱ kème nding an pou Jérusalem jinguèl ka name gnèna laka; baï ko̱ klime ndé sé name gnèna laka on kéng. 46Mono, Jésus mi féré ré sé guè pou Cana an guèl Galilée an bil pou on ko̱ kème komo mbi tèn vin an ndourou ti dambèl.
Da kabita hana a nanjoukaou makaou an pou Capernaüm ko̱ goune wonron nè mi na jangma. 47Ko̱ kème lala ko̱ Jésus mi ourou an guèl Judée da gui guèl Galilée tou, kè gui monè da sa jo̱jo̱ nè an kème diri sé ka haï mona goune nè, baï ko̱ kème nding baï houl. 48Jésus sa hi nè: Tokoré ouime ko̱ fèn‐to̱ko̱nakeli maléba fèn sakamli ya, oui ba lana bilaou tane tiya. 49Kabita a nanjoukaou mi sa hi nè: Nanjou, mo diri gui ambèl ko̱ goune ni mi hou. 50Jésus sa hi nè: Mo sé fèno, goune no makaou ka none. Kabita la bilaou baïnjaka on ko̱ Jésus mi sa hi nè, da kème sé fènè. 51Da ko̱ kème pane dira gui domboro kème wou toul jing koï nèli da kli sa hi nè: Goune no makaou ka none. 52Mono, kè oui kli: L’heure an hani da monè mi haï lé? Kli sa hi nè: Ka léou, ko̱ l’heure mi mane difala‐séré jangna an monè mi vo tou. 53Mono, baba mi toutou ko̱ ba mbé l’heure o̱kèo̱ mono ko̱ Jésus mi sa hi nè: Goune no makaou ka none. Da kème la bilaou tèn njou‐voulèli bon kéng.
54Fèn‐to̱ko̱nakè aïn ba a sérékè mono ko̱ Jésus mi nding, afal ko̱ kème oulou an Judée da gui guèl Galilée.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1947.