Jɛnɛsis 19
19
Sodom he eshai
1 #
Jɛn 18.22
Bɔfoi enyɔ lɛ shɛ Sodom gbɛkɛ mli. Lot ta shi yɛ maŋ lɛ agbo lɛ naa. Be ni ena bɔfoi lɛ, ete shi ni ekɛ amɛ yakpe. Ekoto shi ni ekɛ ehiɛ bu shi. 2Ni ekɛɛ akɛ, “Minuŋtsɔmɛi, miikpa nyɛ fai, nyɛgbaa kɛbaa nyɛtsulɔ we lɛ koni nyɛbafɔa nyɛnaji ahe ni nyɛwɔa gbɛkɛ nɛɛ koni nyɛte shi maŋkɛ mra nyɛya!”
Shi amɛkɛɛ, “Dabida, wɔbaawɔ blohu lɛ mli.”
3Shi Lot hiɛ amɛ aahu, ni amɛbagbale eŋɔɔ; ni amɛbote ewe lɛ. Efee niyenii ehã amɛ, ni eshã aboloo, ni amɛye.
4Shi dani gbɔi lɛ yakamɔ shi lɛ, maŋ lɛ mli hii ni ji Sodom hii lɛ, oblahii kɛ hiimeji fɛɛ, maŋ muu lɛ fɛɛ eshwɛɛɛ mɔ kome nɛkɛ po, babɔle shĩa lɛ kɛkpe. 5#Koj 19.22-24 Amɛtsɛ Lot ni amɛbi lɛ akɛ, “Nɛgbɛ hii ni ba oŋɔɔ gbɛkɛ nɛɛ lɛ yɔɔ? Jiemɔ amɛ ohã wɔ koni wɔkɛ amɛ awɔ!”
6Lot je kpo eba amɛŋɔɔ yɛ shinaa lɛ shi, ni eŋmɛ shinaa lɛ mli yɛ esɛɛ 7ni ekɛɛ amɛ akɛ, “Miikpa nyɛ fai, minyɛmimɛi, nyɛkafea nɛkɛ nɔ fɔŋ nɛɛ. 8Miyɛ biyei enyɔ ni nako ale nuu; nyɛhãa mikɛ amɛ ajea kpo abahã nyɛ, ni nyɛfea amɛ nɔ ni nyɛsumɔɔ; shi nɛkɛ hii nɛɛ lɛ nyɛkafea amɛ nɔ ko, ejaakɛ no hewɔ ni amɛba amɛbaba mi abo lɛ.” 9#2 Pet 2.7, 8 Shi maŋbii lɛ here nɔ amɛkɛɛ akɛ, “Jee jɛi!” Kɛkɛ ni amɛtee nɔ amɛkɛɛ akɛ, “Gbɔmɔ nɛɛ bato wɔ gbɔ akɛ mɔkpɔŋ, ni eetao efee ehe kojolɔ! Agbɛnɛ wɔkɛ bo moŋ baaye sane fɔŋ fe ogbɔi lɛ.” Amɛbɔle Lot ni amɛtsi amɛba koni amɛbajwa shinaa lɛ. 10Shi bɔfoi lɛ kpã amɛnine mli, ni amɛsha Lot kɛba amɛŋɔɔ yɛ shĩa lɛ mli, ni amɛŋa shinaa lɛ. 11#2 Maŋ 6.18 Ni bɔfoi lɛ hã mɛi ni damɔ shinaa lɛ sɛɛ lɛ shwila, mɛi bibii kɛ mɛi wuji fɛɛ; amɛtatra shi kɛtao shinaa lɛ naa gbɛ.
Lot shi Sodom
(Mateo 11.23-24; Luka 17.28-32)
12Agbɛnɛ bɔfoi lɛ bi Lot akɛ, “Ani oyɛ mɔ ko yɛ sɛɛ yɛ biɛ tamɔ shaanuu ko kɛ bihii kɛ biyei kɛ mɔ fɛɛ mɔ kɛkɛ ni ji onɔ yɛ maŋ nɛɛŋ lo? Okɛ amɛ aje biɛ. 13#Jɛn 18.20 Shi wɔbaakpãtã maŋ nɛɛ hiɛ, ejaakɛ nibii ni awieɔ ashiɔ amɛ lɛ naa wa waa diɛŋtsɛ yɛ Yehowa hiɛ, ni etsu wɔ koni wɔbakpãtã maŋ lɛ hiɛ.”
14 #
Num 16.21
Kɛkɛ ni Lot je kpo ni ekɛ eshaahiimɛi lɛ ni baŋɔ ebiyei lɛ wie akɛ, “Nyɛtea shi, nyɛshĩa biɛ nɛɛ, ejaakɛ Yehowa baakpãtã maŋ nɛɛ hiɛ!” Shi Lot shaahiimɛi lɛ ŋɔ Lot wiemɔ lɛ akɛ shwɛmɔ nɔ ko.
15Be ni je tsɛre lɛ, bɔfoi lɛ tsirɛ Lot yisɛɛ ni amɛkɛɛ akɛ, “Tee shi, ŋɔɔ oŋa kɛ obiyei enyɔ ni yɔɔ biɛ lɛ koni akakpãtã ohiɛ afata maŋbii lɛ ahe.” 16#2 Pet 2.7 Lot shashao shi, shi Yehowa na lɛ mɔbɔ. No hewɔ lɛ, hii lɛ mɔmɔ lɛ kɛ eŋa kɛ ebiyei enyɔ lɛ aniji ashi, ni akɛ amɛ je kpo kɛje maŋ lɛ mli. 17#Mat 24.16 Be ni amɛkɛ Lot kɛ ebiyei lɛ eje kpo nɛkɛ sɛɛ lɛ, amɛkɛɛ Lot akɛ, “Joo foi ni ohere oyiwala; kaakwɛ osɛɛ, ni kaawa yɛ jɔɔ lɛ mli he ko he ko. Joo foi kɛya gɔji lɛ anɔ koni akakpãtã ohiɛ.”
18Shi Lot kɛɛ akɛ, “Ao, miNuŋtsɔmɛi, ekaba lɛ nakai. 19Naa, otsulɔ ena hiɛ yɛ ohiɛ, ni ona mi mɔbɔ kpeteŋkple akɛ ohere miyiwala. Shi moŋ minyɛŋ foi majo kɛya gɔji lɛ anɔ; miishe gbeyei akɛ ekolɛ hiɛkpãtãmɔ lɛ aaabanina mi ni magbo. 20Naa, maŋ nɛɛ bɛŋkɛ bɔ ni aaanyɛ ajo foi kɛaatee jɛi. Edaaa moŋ nɛ, shi miyi aaana wala yɛ jɛi.”
21Ni bɔfo ni kɛ Lot wieɔ lɛ kɛɛ lɛ akɛ, “Mikpɛ̃lɛ̃ nɔ ni obi nɛɛ hu nɔ, ni mikpãtãŋ maŋ lɛ hiɛ. 22Ohe afee oya ni ojo foi kɛya jɛi, ejaakɛ mifeŋ nɔ ko akɛ ja obote jɛi dã.” Akɛni Lot tsɛ maŋ lɛ maŋ bibioo hewɔ lɛ, atsɛɔ jɛi akɛ Zoar.#19.22: Zoar: Heb. bibioo
Sodom kɛ Gomora fitemɔ
23Be ni Lot shɛ Zoar lɛ hulu eje. 24#Mar 10.15; 11.23-24; Luk 10.12; 17.10, 12; 17.29; 2 Pet 2.6; Yud 1.7 Yehowa hã swɔɔ kɛ la nɛ kɛjɛ ŋwɛi eshwie Sodom kɛ Gomora nɔ, 25ni ekpãtã nɛkɛ maji nɛɛ kɛ jɔɔ shikpɔŋ lɛ fɛɛ kɛ maji lɛ amli bii fɛɛ kɛ shikpɔŋ lɛ nɔ nibii ni ekwɛ̃kwɛ̃ɛ fɛɛ lɛ ahiɛ. 26#Luk 17.32 Shi Lot ŋa lɛ kwɛ esɛɛ, kɛkɛ ni etsɔ́ ŋoo kpɔ ema shi.
27Abraham te shi leebi maŋkpa etee he ni edamɔ Yehowa hiɛ yɛ lɛ, 28ni etsɔ ehiɛ ehã Sodom kɛ Gomora gbɛ kɛ jɔɔ shikpɔŋ lɛ fɛɛ, ni ekwɛ, ni naa, lasu miifã kɛmiijɛ shikpɔŋ lɛ nɔ tamɔ flɔnɔɔŋ lasu. 29No hewɔ lɛ, bɔ ni eba lɛ nɛ. Be ni Nyɔŋmɔ kpãtã maji ni yɔɔ jɔɔ shikpɔŋ lɛ nɔ lɛ ahiɛ lɛ, Nyɔŋmɔ kai Abraham ni ejie Lot kɛje hiɛkpãtãmɔ lɛ mli be ni ekpãtã maji ni Lot hi mli lɛ ahiɛ lɛ.
Moabbii kɛ Amonbii ajɛɛhe
30Lot kɛ ebiyei enyɔ lɛ shi Zoar, ni amɛyahi gɔji lɛ anɔ, ejaakɛ Lot miishe Zoar hii lɛ gbeyei. Eyahi tɛkplo ko mli, lɛ kɛ ebiyei enyɔ lɛ. 31Kɛkɛ ni Lot biyoo nukpa lɛ kɛɛ enyɛmi gbekɛ lɛ akɛ, “Wɔtsɛ egbɔ ni nuu ko bɛ shikpɔŋ lɛ nɔ ni aaabaŋɔ wɔ ni ekɛ wɔ afɔ. 32#Lev 18.7 Ba koni wɔhã wɔtsɛ wain ni enu ni etɔ, koni wɔkɛ lɛ awo shwiei.” 33Ni amɛhã amɛtsɛ wain enu nakai nyɔɔŋ lɛ mli. Onukpa lɛ yiŋ etee ni ekɛ etsɛ yawɔ, ni Lot leee be ni ebi lɛ bakã shi kɛ be ni ete shi.
34Enɔ jetsɛremɔ leebi lɛ biyoo nukpa lɛ kɛɛ enyɛmi gbekɛ lɛ akɛ, “Naa, nyɛ nyɔɔŋ lɛ mikɛ mitsɛ yawɔ; hã ni wɔhã lɛ wain enu gbɛkɛ nɛɛ hu koni bo hu oya okɛ lɛ ayawɔ koni wɔkɛ wɔtsɛ afɔ bii.” 35No hewɔ lɛ, amɛhã amɛtsɛ wain enu nakai gbɛkɛ lɛ hu; ni gbekɛ lɛ hu yiŋ etee, ni ekɛ lɛ yawɔ; ni Lot leee be ni ebi lɛ bakã shi kɛ be ni ete shi. 36Bɔ ni fee ni Lot biyei enyɔ lɛ kɛ amɛtsɛ na musu nɛ. 37#Deut 2.9 Kromɔbi lɛ fɔ binuu, ni ewo lɛ gbɛi akɛ Moab; lɛ eshwiei ji Moabbii lɛ. 38#Deut 2.19 Ni gbekɛ lɛ hu fɔ binuu, ni ewo lɛ gbɛi akɛ Ben-Ami; eshwiei lɛ ji Amonbii lɛ.
Currently Selected:
Jɛnɛsis 19: NEGAB
Highlight
Share
Copy
Want to have your highlights saved across all your devices? Sign up or sign in
Bible in Ga Language © Bible Society of Ghana, 2020.
Jɛnɛsis 19
19
Sodom he eshai
1 #
Jɛn 18.22
Bɔfoi enyɔ lɛ shɛ Sodom gbɛkɛ mli. Lot ta shi yɛ maŋ lɛ agbo lɛ naa. Be ni ena bɔfoi lɛ, ete shi ni ekɛ amɛ yakpe. Ekoto shi ni ekɛ ehiɛ bu shi. 2Ni ekɛɛ akɛ, “Minuŋtsɔmɛi, miikpa nyɛ fai, nyɛgbaa kɛbaa nyɛtsulɔ we lɛ koni nyɛbafɔa nyɛnaji ahe ni nyɛwɔa gbɛkɛ nɛɛ koni nyɛte shi maŋkɛ mra nyɛya!”
Shi amɛkɛɛ, “Dabida, wɔbaawɔ blohu lɛ mli.”
3Shi Lot hiɛ amɛ aahu, ni amɛbagbale eŋɔɔ; ni amɛbote ewe lɛ. Efee niyenii ehã amɛ, ni eshã aboloo, ni amɛye.
4Shi dani gbɔi lɛ yakamɔ shi lɛ, maŋ lɛ mli hii ni ji Sodom hii lɛ, oblahii kɛ hiimeji fɛɛ, maŋ muu lɛ fɛɛ eshwɛɛɛ mɔ kome nɛkɛ po, babɔle shĩa lɛ kɛkpe. 5#Koj 19.22-24 Amɛtsɛ Lot ni amɛbi lɛ akɛ, “Nɛgbɛ hii ni ba oŋɔɔ gbɛkɛ nɛɛ lɛ yɔɔ? Jiemɔ amɛ ohã wɔ koni wɔkɛ amɛ awɔ!”
6Lot je kpo eba amɛŋɔɔ yɛ shinaa lɛ shi, ni eŋmɛ shinaa lɛ mli yɛ esɛɛ 7ni ekɛɛ amɛ akɛ, “Miikpa nyɛ fai, minyɛmimɛi, nyɛkafea nɛkɛ nɔ fɔŋ nɛɛ. 8Miyɛ biyei enyɔ ni nako ale nuu; nyɛhãa mikɛ amɛ ajea kpo abahã nyɛ, ni nyɛfea amɛ nɔ ni nyɛsumɔɔ; shi nɛkɛ hii nɛɛ lɛ nyɛkafea amɛ nɔ ko, ejaakɛ no hewɔ ni amɛba amɛbaba mi abo lɛ.” 9#2 Pet 2.7, 8 Shi maŋbii lɛ here nɔ amɛkɛɛ akɛ, “Jee jɛi!” Kɛkɛ ni amɛtee nɔ amɛkɛɛ akɛ, “Gbɔmɔ nɛɛ bato wɔ gbɔ akɛ mɔkpɔŋ, ni eetao efee ehe kojolɔ! Agbɛnɛ wɔkɛ bo moŋ baaye sane fɔŋ fe ogbɔi lɛ.” Amɛbɔle Lot ni amɛtsi amɛba koni amɛbajwa shinaa lɛ. 10Shi bɔfoi lɛ kpã amɛnine mli, ni amɛsha Lot kɛba amɛŋɔɔ yɛ shĩa lɛ mli, ni amɛŋa shinaa lɛ. 11#2 Maŋ 6.18 Ni bɔfoi lɛ hã mɛi ni damɔ shinaa lɛ sɛɛ lɛ shwila, mɛi bibii kɛ mɛi wuji fɛɛ; amɛtatra shi kɛtao shinaa lɛ naa gbɛ.
Lot shi Sodom
(Mateo 11.23-24; Luka 17.28-32)
12Agbɛnɛ bɔfoi lɛ bi Lot akɛ, “Ani oyɛ mɔ ko yɛ sɛɛ yɛ biɛ tamɔ shaanuu ko kɛ bihii kɛ biyei kɛ mɔ fɛɛ mɔ kɛkɛ ni ji onɔ yɛ maŋ nɛɛŋ lo? Okɛ amɛ aje biɛ. 13#Jɛn 18.20 Shi wɔbaakpãtã maŋ nɛɛ hiɛ, ejaakɛ nibii ni awieɔ ashiɔ amɛ lɛ naa wa waa diɛŋtsɛ yɛ Yehowa hiɛ, ni etsu wɔ koni wɔbakpãtã maŋ lɛ hiɛ.”
14 #
Num 16.21
Kɛkɛ ni Lot je kpo ni ekɛ eshaahiimɛi lɛ ni baŋɔ ebiyei lɛ wie akɛ, “Nyɛtea shi, nyɛshĩa biɛ nɛɛ, ejaakɛ Yehowa baakpãtã maŋ nɛɛ hiɛ!” Shi Lot shaahiimɛi lɛ ŋɔ Lot wiemɔ lɛ akɛ shwɛmɔ nɔ ko.
15Be ni je tsɛre lɛ, bɔfoi lɛ tsirɛ Lot yisɛɛ ni amɛkɛɛ akɛ, “Tee shi, ŋɔɔ oŋa kɛ obiyei enyɔ ni yɔɔ biɛ lɛ koni akakpãtã ohiɛ afata maŋbii lɛ ahe.” 16#2 Pet 2.7 Lot shashao shi, shi Yehowa na lɛ mɔbɔ. No hewɔ lɛ, hii lɛ mɔmɔ lɛ kɛ eŋa kɛ ebiyei enyɔ lɛ aniji ashi, ni akɛ amɛ je kpo kɛje maŋ lɛ mli. 17#Mat 24.16 Be ni amɛkɛ Lot kɛ ebiyei lɛ eje kpo nɛkɛ sɛɛ lɛ, amɛkɛɛ Lot akɛ, “Joo foi ni ohere oyiwala; kaakwɛ osɛɛ, ni kaawa yɛ jɔɔ lɛ mli he ko he ko. Joo foi kɛya gɔji lɛ anɔ koni akakpãtã ohiɛ.”
18Shi Lot kɛɛ akɛ, “Ao, miNuŋtsɔmɛi, ekaba lɛ nakai. 19Naa, otsulɔ ena hiɛ yɛ ohiɛ, ni ona mi mɔbɔ kpeteŋkple akɛ ohere miyiwala. Shi moŋ minyɛŋ foi majo kɛya gɔji lɛ anɔ; miishe gbeyei akɛ ekolɛ hiɛkpãtãmɔ lɛ aaabanina mi ni magbo. 20Naa, maŋ nɛɛ bɛŋkɛ bɔ ni aaanyɛ ajo foi kɛaatee jɛi. Edaaa moŋ nɛ, shi miyi aaana wala yɛ jɛi.”
21Ni bɔfo ni kɛ Lot wieɔ lɛ kɛɛ lɛ akɛ, “Mikpɛ̃lɛ̃ nɔ ni obi nɛɛ hu nɔ, ni mikpãtãŋ maŋ lɛ hiɛ. 22Ohe afee oya ni ojo foi kɛya jɛi, ejaakɛ mifeŋ nɔ ko akɛ ja obote jɛi dã.” Akɛni Lot tsɛ maŋ lɛ maŋ bibioo hewɔ lɛ, atsɛɔ jɛi akɛ Zoar.#19.22: Zoar: Heb. bibioo
Sodom kɛ Gomora fitemɔ
23Be ni Lot shɛ Zoar lɛ hulu eje. 24#Mar 10.15; 11.23-24; Luk 10.12; 17.10, 12; 17.29; 2 Pet 2.6; Yud 1.7 Yehowa hã swɔɔ kɛ la nɛ kɛjɛ ŋwɛi eshwie Sodom kɛ Gomora nɔ, 25ni ekpãtã nɛkɛ maji nɛɛ kɛ jɔɔ shikpɔŋ lɛ fɛɛ kɛ maji lɛ amli bii fɛɛ kɛ shikpɔŋ lɛ nɔ nibii ni ekwɛ̃kwɛ̃ɛ fɛɛ lɛ ahiɛ. 26#Luk 17.32 Shi Lot ŋa lɛ kwɛ esɛɛ, kɛkɛ ni etsɔ́ ŋoo kpɔ ema shi.
27Abraham te shi leebi maŋkpa etee he ni edamɔ Yehowa hiɛ yɛ lɛ, 28ni etsɔ ehiɛ ehã Sodom kɛ Gomora gbɛ kɛ jɔɔ shikpɔŋ lɛ fɛɛ, ni ekwɛ, ni naa, lasu miifã kɛmiijɛ shikpɔŋ lɛ nɔ tamɔ flɔnɔɔŋ lasu. 29No hewɔ lɛ, bɔ ni eba lɛ nɛ. Be ni Nyɔŋmɔ kpãtã maji ni yɔɔ jɔɔ shikpɔŋ lɛ nɔ lɛ ahiɛ lɛ, Nyɔŋmɔ kai Abraham ni ejie Lot kɛje hiɛkpãtãmɔ lɛ mli be ni ekpãtã maji ni Lot hi mli lɛ ahiɛ lɛ.
Moabbii kɛ Amonbii ajɛɛhe
30Lot kɛ ebiyei enyɔ lɛ shi Zoar, ni amɛyahi gɔji lɛ anɔ, ejaakɛ Lot miishe Zoar hii lɛ gbeyei. Eyahi tɛkplo ko mli, lɛ kɛ ebiyei enyɔ lɛ. 31Kɛkɛ ni Lot biyoo nukpa lɛ kɛɛ enyɛmi gbekɛ lɛ akɛ, “Wɔtsɛ egbɔ ni nuu ko bɛ shikpɔŋ lɛ nɔ ni aaabaŋɔ wɔ ni ekɛ wɔ afɔ. 32#Lev 18.7 Ba koni wɔhã wɔtsɛ wain ni enu ni etɔ, koni wɔkɛ lɛ awo shwiei.” 33Ni amɛhã amɛtsɛ wain enu nakai nyɔɔŋ lɛ mli. Onukpa lɛ yiŋ etee ni ekɛ etsɛ yawɔ, ni Lot leee be ni ebi lɛ bakã shi kɛ be ni ete shi.
34Enɔ jetsɛremɔ leebi lɛ biyoo nukpa lɛ kɛɛ enyɛmi gbekɛ lɛ akɛ, “Naa, nyɛ nyɔɔŋ lɛ mikɛ mitsɛ yawɔ; hã ni wɔhã lɛ wain enu gbɛkɛ nɛɛ hu koni bo hu oya okɛ lɛ ayawɔ koni wɔkɛ wɔtsɛ afɔ bii.” 35No hewɔ lɛ, amɛhã amɛtsɛ wain enu nakai gbɛkɛ lɛ hu; ni gbekɛ lɛ hu yiŋ etee, ni ekɛ lɛ yawɔ; ni Lot leee be ni ebi lɛ bakã shi kɛ be ni ete shi. 36Bɔ ni fee ni Lot biyei enyɔ lɛ kɛ amɛtsɛ na musu nɛ. 37#Deut 2.9 Kromɔbi lɛ fɔ binuu, ni ewo lɛ gbɛi akɛ Moab; lɛ eshwiei ji Moabbii lɛ. 38#Deut 2.19 Ni gbekɛ lɛ hu fɔ binuu, ni ewo lɛ gbɛi akɛ Ben-Ami; eshwiei lɛ ji Amonbii lɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Ga Language © Bible Society of Ghana, 2020.