NĀ ʻOIHANA A KA POʻE LUNAʻŌLELO 3
3
MOKUNA III.
1 No ka hoʻōla ʻana o Petero mā i ke kanaka ʻoʻopa. 11 Ke aʻo ʻana a Petero.
1¶ Piʻi pū akula ʻo Petero a me Ioane i ka luakini i ka hora pule, i ka iwa.
2A hāliʻi ʻia aʻela kekahi kanaka, ua ʻoʻopa mai ka ʻōpū mai o kona makuahine, a waiho nō lākou iā ia i kēlā lā i kēia lā, ma ka puka o ka luakini, i kapa ʻia, he Nani, e nonoi aku i ka poʻe komo, i manawaleʻa.
3A ʻike aʻela ʻo ia iā Petero, a me Ioane e komo ana i loko o ka luakini, noi akula ia i manawaleʻa.
4Haka pono maila ʻo Petero, lāua ʻo Ioane iā ia, ʻī maila, “E nānā mai iā māua!”
5Nānā akula ʻo ia iā lāua, me ka manaʻo e loaʻa iā ia kekahi mea na lāua mai.
6A laila ʻī maila ʻo Petero, “ʻAʻole aʻu kālā, ʻaʻole he gula; akā, ʻo ka mea i loaʻa mai iaʻu, ʻo kaʻu ia e hāʻawi aku nāu: Ma ka inoa ʻo Iesū Kristo no Nazareta, e kū ʻoe, a e hele!”
7Lālau aʻela ʻo ia i kona lima ʻākau, a hoʻokū aʻela iā ia; ikaika koke ihola nā kapuaʻi, a me nā puʻupuʻu wāwae ona.
8Lele akula ia, a kū i luna, a hele, a komo pū akula me lākou i loko o ka luakini, me ka holoholo, a me ka lelele, a me ka hoʻomaikaʻi aku i ke Akua.
9A ʻike akula nā kānaka a pau iā ia e hele ana, a e hoʻomaikaʻi aku ana i ke Akua;
10a i ko lākou ʻike ʻana, ʻo ia nō ka mea i noho ma ka Puka Nani o ka luakini, no ka manawaleʻa ʻia mai; pilihua ihola lākou, me ke kāhāhā o ka naʻau, i ka mea i hana ʻia mai iā ia.
11¶ Akā, paʻa akula ka ʻoʻopa i hoʻōla ʻia iā Petero mā lāua ʻo Ioane, a holo maila nā kānaka a pau ma ka lānai i kapa ʻia ko Solomona, me ke kāhāhā nui o ka naʻau.
12A ʻike maila ʻo Petero, ʻōlelo maila ia i ua poʻe kānaka lā, “E nā kānaka o kā ʻIseraʻela, no ke aha lā i kāhāhā mai ai ko ʻoukou naʻau i kēia mea? No ke aha lā ʻoukou e haka pono mai ai iā māua me he mea lā na māua nō, i ko māua mana, a me ko māua hemolele iho, i hana aku ai iā ia e hele?
13“ʻO ke Akua o ʻAberahama, a ʻo ʻIsaʻaka, a ʻo Iakoba, ʻo ke Akua o ko kākou poʻe kūpuna, ua hoʻonani maila ia i kāna Keiki iā Iesū, i ka Mea a ʻoukou i kumakaia aku ai, a hōʻole aku iā ia i mua i ke alo o Pilato, i ka wā i manaʻo iho ai ʻo ia e hoʻokuʻu iā ia.
14“Ua hōʻole aku ʻoukou i ka Mea Hoʻāno a me ka Pono, a ua nonoi aku ʻoukou e hoʻokuʻu ʻia ka mea pepehi kanaka na ʻoukou;
15ua pepehi hoʻi ʻoukou i ke Aliʻi e ola ai, ka Mea a ke Akua i hoʻāla mai ai mai ka make mai; he poʻe ʻike maka nō hoʻi mākou ia mea.
16“Akā, ʻo kona inoa iho, i ka manaʻoʻiʻo ʻana i kona inoa, ʻo ia ka Mea i hoʻōla ai i ke kanaka a ʻoukou e nānā aku, a e ʻike nei; ʻo ka manaʻoʻiʻo ʻana iā ia, ʻo ia ka Mea i hāʻawi mai ai i ke ola ʻiʻo no ia nei i mua i ke alo o ʻoukou nei a pau.
17“ʻĀnō hoʻi, e nā hoahānau, ua ʻike nō au, no ka naʻaupō i hana aku ai ʻoukou i kēia, a pēlā nō ko ʻoukou poʻe aliʻi.
18“Akā, ʻo nā mea a ke Akua i hōʻike mua mai ai, ma ka waha o kona poʻe kāula a pau, e make ana ka Mesia, ua hoʻokō mai ia pēlā.
19No ia mea e mihi ʻoukou, a e huli mai, i pau ko ʻoukou hewa i ka holoi ʻia, i ka hiki ʻana mai o nā manawa hoʻomaha, mai ke alo mai o ka Haku;
20a hoʻouna mai hoʻi ʻo ia iā Iesū Kristo, i ka Mea i haʻi mua ʻia mai iā ʻoukou.
21“He pono ke hoʻokipa aku ka lani iā ia, a hiki aku i ka wā e hoʻoponopono ʻia mai ai nā mea a pau i ʻōlelo ʻia mai e ke Akua, ma ka waha o nā kāula hemolele ona, mai kinohi mai.
22“Ua haʻi mai ʻo Mose, i ka poʻe kūpuna, ‘«E hoʻopuka mai ana ka Haku, ko ʻoukou Akua i kāula e like me aʻu, mai loko mai o ko ʻoukou poʻe hoahānau; a e hoʻolohe ʻoukou iā ia» ma nā mea a pau āna e ʻōlelo mai ai iā ʻoukou.
23‘A he ʻoiaʻiʻo, ʻo ka mea hoʻolohe ʻole i ua kāula lā, e ʻoki ʻia ia, mai kona poʻe kānaka aku.’
24“A ʻo nā kāula a pau, mai ka wā mai o Samuʻela a me ka poʻe ma hope ona, ʻo nā mea ʻōlelo, ua hōʻike mai nō lākou i kēia mau lā.
25“ʻO ʻoukou nō nā keiki a ka poʻe kāula, a me ka berita a ke Akua i hana mai ai i ko kākou poʻe kūpuna, me ka ʻōlelo ʻana mai iā ʻAberahama, ‘«E hoʻopōmaikaʻi ʻia ana ko nā ʻāina a pau o ka honua i kou hua».’
26“Ua hoʻāla mai ke Akua i kāna Keiki iā Iesū, a ua hoʻouna mai iā ia i o ʻoukou nei mua, e hoʻopōmaikaʻi iā ʻoukou i ka hoʻohuli ʻana iā ʻoukou a pau, mai ko ʻoukou hewa mai.”
Currently Selected:
NĀ ʻOIHANA A KA POʻE LUNAʻŌLELO 3: KBH
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.
NĀ ʻOIHANA A KA POʻE LUNAʻŌLELO 3
3
MOKUNA III.
1 No ka hoʻōla ʻana o Petero mā i ke kanaka ʻoʻopa. 11 Ke aʻo ʻana a Petero.
1¶ Piʻi pū akula ʻo Petero a me Ioane i ka luakini i ka hora pule, i ka iwa.
2A hāliʻi ʻia aʻela kekahi kanaka, ua ʻoʻopa mai ka ʻōpū mai o kona makuahine, a waiho nō lākou iā ia i kēlā lā i kēia lā, ma ka puka o ka luakini, i kapa ʻia, he Nani, e nonoi aku i ka poʻe komo, i manawaleʻa.
3A ʻike aʻela ʻo ia iā Petero, a me Ioane e komo ana i loko o ka luakini, noi akula ia i manawaleʻa.
4Haka pono maila ʻo Petero, lāua ʻo Ioane iā ia, ʻī maila, “E nānā mai iā māua!”
5Nānā akula ʻo ia iā lāua, me ka manaʻo e loaʻa iā ia kekahi mea na lāua mai.
6A laila ʻī maila ʻo Petero, “ʻAʻole aʻu kālā, ʻaʻole he gula; akā, ʻo ka mea i loaʻa mai iaʻu, ʻo kaʻu ia e hāʻawi aku nāu: Ma ka inoa ʻo Iesū Kristo no Nazareta, e kū ʻoe, a e hele!”
7Lālau aʻela ʻo ia i kona lima ʻākau, a hoʻokū aʻela iā ia; ikaika koke ihola nā kapuaʻi, a me nā puʻupuʻu wāwae ona.
8Lele akula ia, a kū i luna, a hele, a komo pū akula me lākou i loko o ka luakini, me ka holoholo, a me ka lelele, a me ka hoʻomaikaʻi aku i ke Akua.
9A ʻike akula nā kānaka a pau iā ia e hele ana, a e hoʻomaikaʻi aku ana i ke Akua;
10a i ko lākou ʻike ʻana, ʻo ia nō ka mea i noho ma ka Puka Nani o ka luakini, no ka manawaleʻa ʻia mai; pilihua ihola lākou, me ke kāhāhā o ka naʻau, i ka mea i hana ʻia mai iā ia.
11¶ Akā, paʻa akula ka ʻoʻopa i hoʻōla ʻia iā Petero mā lāua ʻo Ioane, a holo maila nā kānaka a pau ma ka lānai i kapa ʻia ko Solomona, me ke kāhāhā nui o ka naʻau.
12A ʻike maila ʻo Petero, ʻōlelo maila ia i ua poʻe kānaka lā, “E nā kānaka o kā ʻIseraʻela, no ke aha lā i kāhāhā mai ai ko ʻoukou naʻau i kēia mea? No ke aha lā ʻoukou e haka pono mai ai iā māua me he mea lā na māua nō, i ko māua mana, a me ko māua hemolele iho, i hana aku ai iā ia e hele?
13“ʻO ke Akua o ʻAberahama, a ʻo ʻIsaʻaka, a ʻo Iakoba, ʻo ke Akua o ko kākou poʻe kūpuna, ua hoʻonani maila ia i kāna Keiki iā Iesū, i ka Mea a ʻoukou i kumakaia aku ai, a hōʻole aku iā ia i mua i ke alo o Pilato, i ka wā i manaʻo iho ai ʻo ia e hoʻokuʻu iā ia.
14“Ua hōʻole aku ʻoukou i ka Mea Hoʻāno a me ka Pono, a ua nonoi aku ʻoukou e hoʻokuʻu ʻia ka mea pepehi kanaka na ʻoukou;
15ua pepehi hoʻi ʻoukou i ke Aliʻi e ola ai, ka Mea a ke Akua i hoʻāla mai ai mai ka make mai; he poʻe ʻike maka nō hoʻi mākou ia mea.
16“Akā, ʻo kona inoa iho, i ka manaʻoʻiʻo ʻana i kona inoa, ʻo ia ka Mea i hoʻōla ai i ke kanaka a ʻoukou e nānā aku, a e ʻike nei; ʻo ka manaʻoʻiʻo ʻana iā ia, ʻo ia ka Mea i hāʻawi mai ai i ke ola ʻiʻo no ia nei i mua i ke alo o ʻoukou nei a pau.
17“ʻĀnō hoʻi, e nā hoahānau, ua ʻike nō au, no ka naʻaupō i hana aku ai ʻoukou i kēia, a pēlā nō ko ʻoukou poʻe aliʻi.
18“Akā, ʻo nā mea a ke Akua i hōʻike mua mai ai, ma ka waha o kona poʻe kāula a pau, e make ana ka Mesia, ua hoʻokō mai ia pēlā.
19No ia mea e mihi ʻoukou, a e huli mai, i pau ko ʻoukou hewa i ka holoi ʻia, i ka hiki ʻana mai o nā manawa hoʻomaha, mai ke alo mai o ka Haku;
20a hoʻouna mai hoʻi ʻo ia iā Iesū Kristo, i ka Mea i haʻi mua ʻia mai iā ʻoukou.
21“He pono ke hoʻokipa aku ka lani iā ia, a hiki aku i ka wā e hoʻoponopono ʻia mai ai nā mea a pau i ʻōlelo ʻia mai e ke Akua, ma ka waha o nā kāula hemolele ona, mai kinohi mai.
22“Ua haʻi mai ʻo Mose, i ka poʻe kūpuna, ‘«E hoʻopuka mai ana ka Haku, ko ʻoukou Akua i kāula e like me aʻu, mai loko mai o ko ʻoukou poʻe hoahānau; a e hoʻolohe ʻoukou iā ia» ma nā mea a pau āna e ʻōlelo mai ai iā ʻoukou.
23‘A he ʻoiaʻiʻo, ʻo ka mea hoʻolohe ʻole i ua kāula lā, e ʻoki ʻia ia, mai kona poʻe kānaka aku.’
24“A ʻo nā kāula a pau, mai ka wā mai o Samuʻela a me ka poʻe ma hope ona, ʻo nā mea ʻōlelo, ua hōʻike mai nō lākou i kēia mau lā.
25“ʻO ʻoukou nō nā keiki a ka poʻe kāula, a me ka berita a ke Akua i hana mai ai i ko kākou poʻe kūpuna, me ka ʻōlelo ʻana mai iā ʻAberahama, ‘«E hoʻopōmaikaʻi ʻia ana ko nā ʻāina a pau o ka honua i kou hua».’
26“Ua hoʻāla mai ke Akua i kāna Keiki iā Iesū, a ua hoʻouna mai iā ia i o ʻoukou nei mua, e hoʻopōmaikaʻi iā ʻoukou i ka hoʻohuli ʻana iā ʻoukou a pau, mai ko ʻoukou hewa mai.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.