KA ʻEUANELIO I KĀKAU ʻIA AI E MAREKO 3
3
MOKUNA III.
1 Hoʻōla akula Iesū i ka lima maloʻo. 6 Hoʻomakaʻākiu nā Parisaio iā ia. 13 Wae ʻia nā haumāna. 22 No ka mahiki ʻana i nā daimonio.
1¶ A komo hou akula ia i loko o ka hale hālāwai, ma laila kekahi kanaka, ua maloʻo kona lima.
2Hākilo akula lākou iā ia, inā paha e hoʻōla mai ʻo ia iā ia i ka lā Sābati, i hoʻopiʻi aku ai lākou iā ia.
3ʻĪ maila ia i ke kanaka, nona ka lima maloʻo, “E kū mai ʻoe i waenakonu!”
4A laila, nīnau maila ʻo ia iā lākou, “He mea pono anei ke hana i ka maikaʻi i nā lā Sābati, a ke hana i ka ʻino paha? Ke hoʻōla anei, ke pepehi paha?” Pili pū ihola lākou.
5Nānā aʻela ʻo ia iā lākou me ka inaina; no ka mea, ua minamina ia no ka paʻakikī o ko lākou naʻau. ʻĪ aʻela ia i ua kanaka lā, “E ʻō mai kou lima.” A ʻō maila ia, a laila hoʻōla ʻia ihola ia, e like me kekahi lima.
6Hele akula ka poʻe Parisaio i waho, a me ko Herode poʻe, ʻōhumu ihola lākou e pepehi iā ia a make.
7¶ Hele akula Iesū i ka moana wai, me kāna poʻe haumāna; he nui nō hoʻi ka poʻe i hahai aku iā ia, no Galilaia a no Iudea.
8A no Ierusalema, a no ʻIdumia, a no kēlā ʻaoʻao o Ioredane, a me ka poʻe e kokoke ana i Turo, a me Sidona, he poʻe nui loa; i ko lākou lohe ʻana i nā mea āna i hana ai, hele maila lākou i ona lā.
9A no ka nui o kānaka, kauoha maila ia i kāna poʻe haumāna, i wahi moku iki nona, o hoʻokē mai lākou iā ia.
10No ka mea, ua hoʻōla ʻo ia i nā mea he nui loa; no laila lākou i lulumi mai ai e hoʻopā aku iā ia, ʻo ka poʻe a pau i loʻohia i ka maʻi.
11A ʻike akula nā ʻuhane ʻino iā ia, moe ihola lākou i mua ona, kāhea aʻe, haʻi aʻela, “ʻO ʻoe nō ke Keiki a ke Akua!”
12Pāpā ikaika maila ʻo ia iā lākou e hōʻike ʻole aku iā ia.
13¶ A laila, piʻi aʻela ia i ka mauna, hea maila i ka poʻe āna i makemake ai, a hele akula lākou i ona lā.
14Wae maila ia i ʻumikumamālua e noho pū me ia, i hoʻouna ʻo ia iā lākou e aʻo aku,
15i lako hoʻi lākou i ka mana e hoʻōla i nā maʻi, a e mahiki aku i nā daimonio.
16Hāʻawi aʻela ʻo ia iā Simona i ka inoa hou, ʻo Petero,
17ʻo Iakobo a Zebedaio, a me kona kaikaina ʻo Ioane, kapa maila hoʻi ia iā lāua, ʻo Boanerege, ʻo ia hoʻi kēia, “Nā Keiki a ke Hekili”;
18a me ʻAnederea, a me Pilipo, a me Baretolomaio, a me Mataio, a me Toma, a me Iakobo a ʻAlepaio, a me Tadaio, a me Simona no Kanaʻana,
19a me Iuda ʻIsekariota, ka mea nāna ia i kumakaia ʻia aku. Komo akula lākou i loko o ka hale.
20¶ A ʻākoakoa hou maila nā kānaka, he nui loa, no ia mea i ʻole ai e hiki iā lākou ke ʻai i ka ʻai.
21A lohe kona poʻe, hele mai lākou e lālau iā ia; no ka mea, ʻōlelo lākou, “Ua hehena ia.”
22ʻŌlelo ihola ka poʻe kākau ʻōlelo i iho mai, mai Ierusalema mai, “Iā ia nō ʻo Belezebuba, a ma ke aliʻi o nā daimonio kona mahiki ʻana i nā daimonio.”
23Hea akula Iesū iā lākou, ʻōlelo akula ma nā ʻōlelo nane, “Pehea lā e hiki ai iā Sātana ke mahiki aku iā Sātana?
24“A inā i mokuāhana kekahi aupuni iā ia iho, ʻaʻole e mau ia aupuni.
25“A inā i mokuāhana ka hale iā ia iho, ʻaʻole e mau ia hale.
26“A inā kūʻē mai ʻo Sātana iā ia iho, a mokuāhana, ʻaʻole ia e mau; akā, e pau nō ia.
27“ʻAʻole nō e hiki i kekahi ke komo i loko o ka hale o ke kanaka ikaika a hao i kona waiwai, aia nakinaki mua ʻo ia i ke kanaka ikaika; a laila e hao ʻo ia i nā mea o kona hale.
28“He ʻoiaʻiʻo kaʻu e haʻi aku nei iā ʻoukou, e kala ʻia nō nā hala a pau o nā keiki a kānaka, a me nā ʻōlelo hōʻino a pau a lākou e hōʻino ai;
29akā, ʻo ka mea e ʻōlelo hōʻino i ka ʻUhane Hemolele, ʻaʻole loa e kala ʻia kāna; akā, ua kokoke nō ia i ka hoʻopaʻi mau loa ʻia mai.”
30No ka mea, ua ʻōlelo mai lākou, “He ʻuhane ʻino kona.”
31¶ A laila, hele akula kona makuahine a me kona mau hoahānau, kū ihola i waho, hoʻouna akula i ona lā e kiʻi iā ia.
32Ua puni ʻo ia i ka poʻe nui i noho maila, a haʻi aʻela lākou iā ia, “Aia i waho kou makuahine, a me kou mau hoahānau, ke ʻimi mai nei iā ʻoe.”
33ʻĪ maila ʻo ia iā lākou, nīnau maila, “ʻO wai koʻu makuahine, a me koʻu mau hoahānau?”
34Nānā aʻela ia i ka poʻe e noho puni ana iā ia, ʻī maila, “Aia koʻu makuahine a me koʻu mau hoahānau!
35“No ka mea, ʻo ka mea hana i ka makemake o ke Akua, ʻo ia koʻu hoahānau, a me koʻu kaikuahine, a me koʻu makuahine.”
Currently Selected:
KA ʻEUANELIO I KĀKAU ʻIA AI E MAREKO 3: KBH
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.
KA ʻEUANELIO I KĀKAU ʻIA AI E MAREKO 3
3
MOKUNA III.
1 Hoʻōla akula Iesū i ka lima maloʻo. 6 Hoʻomakaʻākiu nā Parisaio iā ia. 13 Wae ʻia nā haumāna. 22 No ka mahiki ʻana i nā daimonio.
1¶ A komo hou akula ia i loko o ka hale hālāwai, ma laila kekahi kanaka, ua maloʻo kona lima.
2Hākilo akula lākou iā ia, inā paha e hoʻōla mai ʻo ia iā ia i ka lā Sābati, i hoʻopiʻi aku ai lākou iā ia.
3ʻĪ maila ia i ke kanaka, nona ka lima maloʻo, “E kū mai ʻoe i waenakonu!”
4A laila, nīnau maila ʻo ia iā lākou, “He mea pono anei ke hana i ka maikaʻi i nā lā Sābati, a ke hana i ka ʻino paha? Ke hoʻōla anei, ke pepehi paha?” Pili pū ihola lākou.
5Nānā aʻela ʻo ia iā lākou me ka inaina; no ka mea, ua minamina ia no ka paʻakikī o ko lākou naʻau. ʻĪ aʻela ia i ua kanaka lā, “E ʻō mai kou lima.” A ʻō maila ia, a laila hoʻōla ʻia ihola ia, e like me kekahi lima.
6Hele akula ka poʻe Parisaio i waho, a me ko Herode poʻe, ʻōhumu ihola lākou e pepehi iā ia a make.
7¶ Hele akula Iesū i ka moana wai, me kāna poʻe haumāna; he nui nō hoʻi ka poʻe i hahai aku iā ia, no Galilaia a no Iudea.
8A no Ierusalema, a no ʻIdumia, a no kēlā ʻaoʻao o Ioredane, a me ka poʻe e kokoke ana i Turo, a me Sidona, he poʻe nui loa; i ko lākou lohe ʻana i nā mea āna i hana ai, hele maila lākou i ona lā.
9A no ka nui o kānaka, kauoha maila ia i kāna poʻe haumāna, i wahi moku iki nona, o hoʻokē mai lākou iā ia.
10No ka mea, ua hoʻōla ʻo ia i nā mea he nui loa; no laila lākou i lulumi mai ai e hoʻopā aku iā ia, ʻo ka poʻe a pau i loʻohia i ka maʻi.
11A ʻike akula nā ʻuhane ʻino iā ia, moe ihola lākou i mua ona, kāhea aʻe, haʻi aʻela, “ʻO ʻoe nō ke Keiki a ke Akua!”
12Pāpā ikaika maila ʻo ia iā lākou e hōʻike ʻole aku iā ia.
13¶ A laila, piʻi aʻela ia i ka mauna, hea maila i ka poʻe āna i makemake ai, a hele akula lākou i ona lā.
14Wae maila ia i ʻumikumamālua e noho pū me ia, i hoʻouna ʻo ia iā lākou e aʻo aku,
15i lako hoʻi lākou i ka mana e hoʻōla i nā maʻi, a e mahiki aku i nā daimonio.
16Hāʻawi aʻela ʻo ia iā Simona i ka inoa hou, ʻo Petero,
17ʻo Iakobo a Zebedaio, a me kona kaikaina ʻo Ioane, kapa maila hoʻi ia iā lāua, ʻo Boanerege, ʻo ia hoʻi kēia, “Nā Keiki a ke Hekili”;
18a me ʻAnederea, a me Pilipo, a me Baretolomaio, a me Mataio, a me Toma, a me Iakobo a ʻAlepaio, a me Tadaio, a me Simona no Kanaʻana,
19a me Iuda ʻIsekariota, ka mea nāna ia i kumakaia ʻia aku. Komo akula lākou i loko o ka hale.
20¶ A ʻākoakoa hou maila nā kānaka, he nui loa, no ia mea i ʻole ai e hiki iā lākou ke ʻai i ka ʻai.
21A lohe kona poʻe, hele mai lākou e lālau iā ia; no ka mea, ʻōlelo lākou, “Ua hehena ia.”
22ʻŌlelo ihola ka poʻe kākau ʻōlelo i iho mai, mai Ierusalema mai, “Iā ia nō ʻo Belezebuba, a ma ke aliʻi o nā daimonio kona mahiki ʻana i nā daimonio.”
23Hea akula Iesū iā lākou, ʻōlelo akula ma nā ʻōlelo nane, “Pehea lā e hiki ai iā Sātana ke mahiki aku iā Sātana?
24“A inā i mokuāhana kekahi aupuni iā ia iho, ʻaʻole e mau ia aupuni.
25“A inā i mokuāhana ka hale iā ia iho, ʻaʻole e mau ia hale.
26“A inā kūʻē mai ʻo Sātana iā ia iho, a mokuāhana, ʻaʻole ia e mau; akā, e pau nō ia.
27“ʻAʻole nō e hiki i kekahi ke komo i loko o ka hale o ke kanaka ikaika a hao i kona waiwai, aia nakinaki mua ʻo ia i ke kanaka ikaika; a laila e hao ʻo ia i nā mea o kona hale.
28“He ʻoiaʻiʻo kaʻu e haʻi aku nei iā ʻoukou, e kala ʻia nō nā hala a pau o nā keiki a kānaka, a me nā ʻōlelo hōʻino a pau a lākou e hōʻino ai;
29akā, ʻo ka mea e ʻōlelo hōʻino i ka ʻUhane Hemolele, ʻaʻole loa e kala ʻia kāna; akā, ua kokoke nō ia i ka hoʻopaʻi mau loa ʻia mai.”
30No ka mea, ua ʻōlelo mai lākou, “He ʻuhane ʻino kona.”
31¶ A laila, hele akula kona makuahine a me kona mau hoahānau, kū ihola i waho, hoʻouna akula i ona lā e kiʻi iā ia.
32Ua puni ʻo ia i ka poʻe nui i noho maila, a haʻi aʻela lākou iā ia, “Aia i waho kou makuahine, a me kou mau hoahānau, ke ʻimi mai nei iā ʻoe.”
33ʻĪ maila ʻo ia iā lākou, nīnau maila, “ʻO wai koʻu makuahine, a me koʻu mau hoahānau?”
34Nānā aʻela ia i ka poʻe e noho puni ana iā ia, ʻī maila, “Aia koʻu makuahine a me koʻu mau hoahānau!
35“No ka mea, ʻo ka mea hana i ka makemake o ke Akua, ʻo ia koʻu hoahānau, a me koʻu kaikuahine, a me koʻu makuahine.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.