Ɛksadɔso 1
1
Bɛhyɛ Yisraelfoɛ anyeborolɛ wɔ Misraim
1 #
Gye 46.8-27; Num 26.4-50 Yisrael#1.1: YISRAEL: Yakob dumaa bieku ole Yisrael. Nziɛ ye bɛfrɛle Yakob boso ama nemɔ Yisraelfoɛ. Nea Gyenesise 32.28. mma bɔ bɛ ne Yakob wale Misraim ne, bɛ nu biala ne ye abusua yeɛ ɔwale ɔ. Ye mma nemɔ dumaa ɛhe: 2Ruben, Simeon, Lewi, Yuda, 3Yisaka, Sebulɔn, Benyamin, 4Dan, Nafetali, Gade ne Asɛ. 5#Aso 7.14-18 Né Yakob boso ama ne amukoraa bɛte aburasoo; na né Yosef de ɔwɔ Misraim dada. 6Afei Yosef wuli, na oliɛma nemɔ amukoraa ne sɔ aworɛ ndoatoasoɛ ne amukoraa bewuli. 7Nakoso Yisrael boso ama nemɔ wowole, bɛ boso trɛle, na bɛ nwo yɛle se. Yiti beyili maen ne anu tɛkyɛ.
8Na ɛhene foforɛ bie bɔ né ɔnze Yosef oolili Misraim bia ne. 9Na osele ye mmenia nemɔ kyɛ, “Ɛ́mɔnea, Yisraelfoɛ nemɔ asone soma, na b’anwoserɛ bo yɛ so. 10#Aso 7.19 Ɛ́mɔma yɛfa bɛ yɛfa nworɛ atee bie aso. Anyɔ a bɛkɔsone pee, na sɛ koɛ bie ba a, bɛkɔɔboka yɛ pɔfoɛ mɔ ná baho batia yɛ, ná banya atee banwati bafi maen ye anu.” 11Yiti bɛyeyele adwumayɔlɛfoɛ so mbanyi maa belili bɛ so, kyɛ bɛhyɛ bɛ ma bɛyɔ adwuma bɔ ɔbo bɛ so ɔ. Na bɛkyekyele nguro Pitom ne Ramese maa Faro fa yɛle nekaa bɔ osie ye nningyein ɔ. 12Nakoso bɛwɔ so bɛ́hyɛ bɛ anyeborolɛ maa ɔbo so nen, bekye po yeɛ né bɛ́kɔ so bɛsone ná bɛtrɛ ɔ. Na Misraimfoɛ surole Yisraelfoɛ paa. 13Yiti bɛhyɛle Yisraelfoɛ anyeborolɛ maa bɛyɔle adwuma serɛ paa bɛmane bɛ. 14Bɛmane bɛ wora bɔle, ofikyɛ bɛhyɛle bɛ maa bɛyɔle adwuma bɔ ɔbo bɛ so wɔ nnɛterɛ ne mmerekese pɛlɛ nu, fieso adwuma ahoroɔ nu; na bɛhyɛle bɛ anyeborolɛ paa wɔ adwuma biala nu.
15Afei Misraim hene sele Hebri mmrasua bɔ bede aworɛ, bɔ bɛ nu ko li Sifra, ná ko wora li Pua ne kyɛ, 16“Sɛ ɛmɔde Hebri mmrasua aworɛ, ná awoleɛ nu berɛ, ɛmɔnwu kyɛ adɔma ne te bienzua a, odi kyɛ ɛmɔku ye. Sɛ ɔte brasua de a, nnɛma ɛmɔku ye.” 17Nakoso né mmrasua bɔ bede aworɛ ne suro Nyameɛ, yiti banyɔ bɔ Misraim hene hyɛle bɛ kyɛ bɛyɔ ne, na mmom bɛmane mmienzua nemɔ nyane bɛ ti didili nu. 18Yiti Misraim hene frɛle mmrasua bɔ bede aworɛ ne, na obisale bɛ kyɛ, “Nzu ati yeɛ ɛmɔayɔ sɔ ye, bɔ ɛmɔama mmienzua nemɔ anya bɛ ti badidi nu ye?” 19Na mmrasua bɔ bede aworɛ ne buale Faro kyɛ, “Hebri mmrasua nemɔ de, bɛtte kyɛ Misraim mmrasua nemɔ; ofikyɛ bɛ nwo te kyerekyerɛɛ, na bɛwo koraka né sona bɔ ode aworɛ ne adwu berɛ.” 20Yiti Nyameɛ lole mmrasua bɔ bede aworɛ ne, na Yisraelfoɛ nemɔ wora bɛ boso trɛle, na bɛtale pembepembe. 21Na ɔnate kyɛ mmrasua bɔ bede aworɛ ne besuro Nyameɛ ne ati, ɔmaa bɛ koso bɛbɔle taen. 22Na Faro hyɛle ye mmenia ne amukoraa kyɛ, “Bienzua biala bɔ Hebrifoɛ kɔwo ye ne, ɛ́mɔgyi ye bɛto asue Naele nu, nakoso brasua biala de, ɛ́mɔma onya ngoa.”
Currently Selected:
Ɛksadɔso 1: EBP
Highlight
Share
Copy
Want to have your highlights saved across all your devices? Sign up or sign in
Esahie Bible © Bible Society of Ghana, 2018.
Ɛksadɔso 1
1
Bɛhyɛ Yisraelfoɛ anyeborolɛ wɔ Misraim
1 #
Gye 46.8-27; Num 26.4-50 Yisrael#1.1: YISRAEL: Yakob dumaa bieku ole Yisrael. Nziɛ ye bɛfrɛle Yakob boso ama nemɔ Yisraelfoɛ. Nea Gyenesise 32.28. mma bɔ bɛ ne Yakob wale Misraim ne, bɛ nu biala ne ye abusua yeɛ ɔwale ɔ. Ye mma nemɔ dumaa ɛhe: 2Ruben, Simeon, Lewi, Yuda, 3Yisaka, Sebulɔn, Benyamin, 4Dan, Nafetali, Gade ne Asɛ. 5#Aso 7.14-18 Né Yakob boso ama ne amukoraa bɛte aburasoo; na né Yosef de ɔwɔ Misraim dada. 6Afei Yosef wuli, na oliɛma nemɔ amukoraa ne sɔ aworɛ ndoatoasoɛ ne amukoraa bewuli. 7Nakoso Yisrael boso ama nemɔ wowole, bɛ boso trɛle, na bɛ nwo yɛle se. Yiti beyili maen ne anu tɛkyɛ.
8Na ɛhene foforɛ bie bɔ né ɔnze Yosef oolili Misraim bia ne. 9Na osele ye mmenia nemɔ kyɛ, “Ɛ́mɔnea, Yisraelfoɛ nemɔ asone soma, na b’anwoserɛ bo yɛ so. 10#Aso 7.19 Ɛ́mɔma yɛfa bɛ yɛfa nworɛ atee bie aso. Anyɔ a bɛkɔsone pee, na sɛ koɛ bie ba a, bɛkɔɔboka yɛ pɔfoɛ mɔ ná baho batia yɛ, ná banya atee banwati bafi maen ye anu.” 11Yiti bɛyeyele adwumayɔlɛfoɛ so mbanyi maa belili bɛ so, kyɛ bɛhyɛ bɛ ma bɛyɔ adwuma bɔ ɔbo bɛ so ɔ. Na bɛkyekyele nguro Pitom ne Ramese maa Faro fa yɛle nekaa bɔ osie ye nningyein ɔ. 12Nakoso bɛwɔ so bɛ́hyɛ bɛ anyeborolɛ maa ɔbo so nen, bekye po yeɛ né bɛ́kɔ so bɛsone ná bɛtrɛ ɔ. Na Misraimfoɛ surole Yisraelfoɛ paa. 13Yiti bɛhyɛle Yisraelfoɛ anyeborolɛ maa bɛyɔle adwuma serɛ paa bɛmane bɛ. 14Bɛmane bɛ wora bɔle, ofikyɛ bɛhyɛle bɛ maa bɛyɔle adwuma bɔ ɔbo bɛ so wɔ nnɛterɛ ne mmerekese pɛlɛ nu, fieso adwuma ahoroɔ nu; na bɛhyɛle bɛ anyeborolɛ paa wɔ adwuma biala nu.
15Afei Misraim hene sele Hebri mmrasua bɔ bede aworɛ, bɔ bɛ nu ko li Sifra, ná ko wora li Pua ne kyɛ, 16“Sɛ ɛmɔde Hebri mmrasua aworɛ, ná awoleɛ nu berɛ, ɛmɔnwu kyɛ adɔma ne te bienzua a, odi kyɛ ɛmɔku ye. Sɛ ɔte brasua de a, nnɛma ɛmɔku ye.” 17Nakoso né mmrasua bɔ bede aworɛ ne suro Nyameɛ, yiti banyɔ bɔ Misraim hene hyɛle bɛ kyɛ bɛyɔ ne, na mmom bɛmane mmienzua nemɔ nyane bɛ ti didili nu. 18Yiti Misraim hene frɛle mmrasua bɔ bede aworɛ ne, na obisale bɛ kyɛ, “Nzu ati yeɛ ɛmɔayɔ sɔ ye, bɔ ɛmɔama mmienzua nemɔ anya bɛ ti badidi nu ye?” 19Na mmrasua bɔ bede aworɛ ne buale Faro kyɛ, “Hebri mmrasua nemɔ de, bɛtte kyɛ Misraim mmrasua nemɔ; ofikyɛ bɛ nwo te kyerekyerɛɛ, na bɛwo koraka né sona bɔ ode aworɛ ne adwu berɛ.” 20Yiti Nyameɛ lole mmrasua bɔ bede aworɛ ne, na Yisraelfoɛ nemɔ wora bɛ boso trɛle, na bɛtale pembepembe. 21Na ɔnate kyɛ mmrasua bɔ bede aworɛ ne besuro Nyameɛ ne ati, ɔmaa bɛ koso bɛbɔle taen. 22Na Faro hyɛle ye mmenia ne amukoraa kyɛ, “Bienzua biala bɔ Hebrifoɛ kɔwo ye ne, ɛ́mɔgyi ye bɛto asue Naele nu, nakoso brasua biala de, ɛ́mɔma onya ngoa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Esahie Bible © Bible Society of Ghana, 2018.