Gyenesise 29
29
Yakob kodwu Laban awuro
1Yakob toale ye ateetulɛ ne aso, na oodwuli eyia afiteleɛfoɛ nemɔ maen nu. 2Na ɔtole ye nye ne, onwuni abura bie wɔ eburo berɛ, na edwirɛ nwanwa ne mmoaen kure nza lela ye nwo ɔ, ofikyɛ sɔ abura ne anu yeɛ né bɛsa nzue bɛma ngaka nemɔ ɔ. Né nyɔboɛ bɔ ɔkata abura ne aso ne te piri. 3Yiti sɛ mmoaen ne amukoraa bɛ noa baboa berɛ a, mmoaenneafoɛ nemɔ muni nyɔboɛ ne befi abura ne anoa koraka né bama ngaka nemɔ nzue maa bano. Na sɛ beyie a, né basa bamunu nyɔboɛ ne bakata abura ne noa.
4Yakob bisale bɛ kyɛ, “Aliɛmaa mɔ, ɛmɔfi ni?” Na bebuale ye kyɛ, “Yɛfi Haran.” 5Yakob sá bisale bɛ kyɛ, “Aso ɛmɔse Nahɔ anomaa Laban. Na bebuale ye kyɛ, “Yoo, yɛse ye.” 6Yakob sá bisale bɛ kyɛ, “Ye nwo te paa?” Na besele ye kyɛ, “Yoo, ye nwo te paa. Nea ɔwa brasua Rahɛl po yeɛ ɔne mmoaen nemɔ ba ne.” 7Na Yakob sele kyɛ, “Ɔtɛte eyiagyina; mmerɛ bɔ bɛfa bɛboaboa ngaka nemɔ noa ne onnya oddwuli. Ɛ́mɔma bɛ nzue ma bɛ no na ɛ́mɔfa bɛ bɛhɔ adidie.” 8Nakoso besele ye kyɛ, “Daabi, yɛngɔhora ngɔyɔ ye sɔ. Sana bɛboaboa ngaka ne amukoraa noa ná yɛmunu nyɔboɛ ne yɛfi abura ne anoa koraka né yama ngaka nemɔ nzue.”
9Na Yakob noa wɔ so bɔ ɔne bɛ dwudwo ne, Rahɛl ne ɔse mmoaen ne wale, ofikyɛ ye yeɛ né ɔnea bɛ so ɔ. 10Yakob nwuni ye wɔfa Laban awa Rahɛl ɔne Laban mmoaen nen, ɔhɔle oomununi nyɔboɛ ne fili abura ne anoa, na ɔmane ye wɔfa Laban mmoaen nemɔ nzue. 11Yakob fele Rahɛl noa, na ɔteateane nu osuni. 12Yakob sele Rahɛl kyɛ ɔte ɔse busuaniɛ, na Rebɛka awa ole ye. Na Rahɛl tuli amirika ɔbɔle ɔse amaneɛ.
13Laban tele ye awosea Yakob nga nen, ole amirika ooyiale ye, ɔtɔle ye nu, na ɔfele ye noa, na ɔfale ye wale ye awuro. Yakob fale edwirɛ ne amukoraa bɔle Laban amaneɛ, 14na Laban sele ye kyɛ, “Amba ɛte me dehyeɛ kaenn.” Na Yakob tenane Laban nwo berɛ ɛsraen ko.
Rahɛl ne Lea ti Yakob so Laban
15Yeɛ Laban sele Yakob kyɛ, “Ɛte me dehyeɛ ne ati, aso odi kyɛ ɛso me mbaen anaa? Ka kyire me, akatuaa sɛɛ yeɛ ekole ɔ?” 16Né Laban le mmaa mmrasua nyɔ; panyi ne li Lea, yeɛ kãa ne li Rahɛl. 17Lea nye mmaa te mmosonoo, nakoso Rahɛl de, né ye nwo yɛ nyemene, yeɛ ye nwo yɛ ahomeka. 18Né Yakob kuro Rahɛl, yiti ɔhane kyɛ, “Ɛwa kãa Rahɛl ti ngɔso wɔ afoɛ nzoo.” 19Laban sele kyɛ, “Ɔte paa kyɛ ngɔfa ye ngɔma wɔ tra kyɛ ngɔfa ye ngɔma biaa foforɛ ɔ; yiti ɛne me tena.” 20Rahɛl ti, Yakob sole afoɛ nzoo, na ɔnate ehurolɛ bɔ né okuro ye ne ati, ɔyɛle ye nye so kyɛ ngyẽa kãa bie.
21Nziɛ ye Yakob sele Laban kyɛ, “Fa me ye ne ma me maa me ne ye yɛɛla, ofikyɛ mmerɛ bɔ mefa me so wɔ ne awa ayieleɛ.” 22Yiti Laban tole ye sa frɛle kuro berɛ ama mukoraa, na ɔtole poen. 23Nakoso aleɛ dwole ne, ɔfale ɔwa brasua Lea brɛle Yakob, na ɔne ye lale. 24(Laban fale ye afaneɛ Silpa mane ɔwa Lea kyɛ ɔyɛ ye abaawa.) 25Aleɛ hyene ne, Yakob kwaanea a, saa Lea mmom ɔ! Yiti obisale Laban kyɛ, “Nzikyɛ dwirɛ yeɛ afa ali me ye? Nna Rahɛl ti yeɛ nzole wɔ ɔ? Nzu ati yeɛ alakalaka me ye?” 26Laban buale ye kyɛ, “Yɛ maen ye anu de yɛnyɔ ye sɔ; yɛmva baa kãa yɛmma agyaa koraka né yafa bamuɛbaa yama. 27Ɛne ye beli atɔmvorɛ poentolɛ ɛlɛbɔtwɛ ne beyie. Ye si ye, yɛkɔfa ko ne koso yɛkɔma wɔ, na sana ɛso me afoɛ nzoo boka so.” 28Yiti Yakob penene so, na ngyẽa ɛlɛbɔtwɛ ne sone ne, Laban fale ɔwa Rahɛl mane Yakob maa ogyale. 29(Laban fale ye afaneɛ Bilha mane ɔwa Rahɛl kyɛ ɔyɛ ye abaawa). 30Yiti Yakob ne Rahɛl koso lale; né okuro Rahɛl tra Lea, na osa sole Laban afoɛ nzoo bieku.
Yakob wo mmaa
31AWURADE nwuni kyɛ Yakob nguro Lea, yiti ɔmane Lea wole mmaa, nakoso Rahɛl de ɔyɛle mmotaen. 32Lea nwonzɛle, na ɔwole baa bienzua, na ɔtole ye dumaa Ruben.#29.32: RUBEN: Ye bo ole: Ɛ́mɔnea baa bienzua. Na ɔhane kyɛ, “AWURADE anwu m’amaneɛ bɔ méfa nu ne ati, kekesaala ye de me hu kohuro me.” 33Ɔnwonzɛle bieku na ɔwole bienzua, na ɔhane kyɛ, “Ɔnate kyɛ AWURADE anwu kyɛ benguro me ne ati yeɛ watie me na wafa baa bienzua he koso wahyɛ me ɔ.” Na ɔtole ye dumaa Simeon.#29.33: SIMEON: Osoma Hebri dwudwolɛ Sama bɔ ye bo kyire: Bɛpɔ me. 34Osa nwonzɛle na ɔwole bienzua, na ɔhane kyɛ, “Afei de me hu kɔha kɔwa me nwo, ofikyɛ mawo mmaa mmienzua nza mama ye. Yiti ɔfrɛle ye Lewi.#29.34: LEWI: Osoma Hebri dwudwolɛ ‘Lawa’ bɔ ye bo kyire bata. 35Osa nwonzɛle bieku na ɔwole bienzua, na ɔhane kyɛ, “Afei de ngɔye AWURADE ayɛ,” yiti ɔtole ye dumaa Yuda.#29.35: YUDA: Osoma Hebri dwudwolɛ ‘Hoda’ bɔ ye bo kyire ayɛyelɛ. Na ye aworɛ te hɔle.
Currently Selected:
Gyenesise 29: EBP
Highlight
Share
Copy
Want to have your highlights saved across all your devices? Sign up or sign in
Esahie Bible © Bible Society of Ghana, 2018.
Gyenesise 29
29
Yakob kodwu Laban awuro
1Yakob toale ye ateetulɛ ne aso, na oodwuli eyia afiteleɛfoɛ nemɔ maen nu. 2Na ɔtole ye nye ne, onwuni abura bie wɔ eburo berɛ, na edwirɛ nwanwa ne mmoaen kure nza lela ye nwo ɔ, ofikyɛ sɔ abura ne anu yeɛ né bɛsa nzue bɛma ngaka nemɔ ɔ. Né nyɔboɛ bɔ ɔkata abura ne aso ne te piri. 3Yiti sɛ mmoaen ne amukoraa bɛ noa baboa berɛ a, mmoaenneafoɛ nemɔ muni nyɔboɛ ne befi abura ne anoa koraka né bama ngaka nemɔ nzue maa bano. Na sɛ beyie a, né basa bamunu nyɔboɛ ne bakata abura ne noa.
4Yakob bisale bɛ kyɛ, “Aliɛmaa mɔ, ɛmɔfi ni?” Na bebuale ye kyɛ, “Yɛfi Haran.” 5Yakob sá bisale bɛ kyɛ, “Aso ɛmɔse Nahɔ anomaa Laban. Na bebuale ye kyɛ, “Yoo, yɛse ye.” 6Yakob sá bisale bɛ kyɛ, “Ye nwo te paa?” Na besele ye kyɛ, “Yoo, ye nwo te paa. Nea ɔwa brasua Rahɛl po yeɛ ɔne mmoaen nemɔ ba ne.” 7Na Yakob sele kyɛ, “Ɔtɛte eyiagyina; mmerɛ bɔ bɛfa bɛboaboa ngaka nemɔ noa ne onnya oddwuli. Ɛ́mɔma bɛ nzue ma bɛ no na ɛ́mɔfa bɛ bɛhɔ adidie.” 8Nakoso besele ye kyɛ, “Daabi, yɛngɔhora ngɔyɔ ye sɔ. Sana bɛboaboa ngaka ne amukoraa noa ná yɛmunu nyɔboɛ ne yɛfi abura ne anoa koraka né yama ngaka nemɔ nzue.”
9Na Yakob noa wɔ so bɔ ɔne bɛ dwudwo ne, Rahɛl ne ɔse mmoaen ne wale, ofikyɛ ye yeɛ né ɔnea bɛ so ɔ. 10Yakob nwuni ye wɔfa Laban awa Rahɛl ɔne Laban mmoaen nen, ɔhɔle oomununi nyɔboɛ ne fili abura ne anoa, na ɔmane ye wɔfa Laban mmoaen nemɔ nzue. 11Yakob fele Rahɛl noa, na ɔteateane nu osuni. 12Yakob sele Rahɛl kyɛ ɔte ɔse busuaniɛ, na Rebɛka awa ole ye. Na Rahɛl tuli amirika ɔbɔle ɔse amaneɛ.
13Laban tele ye awosea Yakob nga nen, ole amirika ooyiale ye, ɔtɔle ye nu, na ɔfele ye noa, na ɔfale ye wale ye awuro. Yakob fale edwirɛ ne amukoraa bɔle Laban amaneɛ, 14na Laban sele ye kyɛ, “Amba ɛte me dehyeɛ kaenn.” Na Yakob tenane Laban nwo berɛ ɛsraen ko.
Rahɛl ne Lea ti Yakob so Laban
15Yeɛ Laban sele Yakob kyɛ, “Ɛte me dehyeɛ ne ati, aso odi kyɛ ɛso me mbaen anaa? Ka kyire me, akatuaa sɛɛ yeɛ ekole ɔ?” 16Né Laban le mmaa mmrasua nyɔ; panyi ne li Lea, yeɛ kãa ne li Rahɛl. 17Lea nye mmaa te mmosonoo, nakoso Rahɛl de, né ye nwo yɛ nyemene, yeɛ ye nwo yɛ ahomeka. 18Né Yakob kuro Rahɛl, yiti ɔhane kyɛ, “Ɛwa kãa Rahɛl ti ngɔso wɔ afoɛ nzoo.” 19Laban sele kyɛ, “Ɔte paa kyɛ ngɔfa ye ngɔma wɔ tra kyɛ ngɔfa ye ngɔma biaa foforɛ ɔ; yiti ɛne me tena.” 20Rahɛl ti, Yakob sole afoɛ nzoo, na ɔnate ehurolɛ bɔ né okuro ye ne ati, ɔyɛle ye nye so kyɛ ngyẽa kãa bie.
21Nziɛ ye Yakob sele Laban kyɛ, “Fa me ye ne ma me maa me ne ye yɛɛla, ofikyɛ mmerɛ bɔ mefa me so wɔ ne awa ayieleɛ.” 22Yiti Laban tole ye sa frɛle kuro berɛ ama mukoraa, na ɔtole poen. 23Nakoso aleɛ dwole ne, ɔfale ɔwa brasua Lea brɛle Yakob, na ɔne ye lale. 24(Laban fale ye afaneɛ Silpa mane ɔwa Lea kyɛ ɔyɛ ye abaawa.) 25Aleɛ hyene ne, Yakob kwaanea a, saa Lea mmom ɔ! Yiti obisale Laban kyɛ, “Nzikyɛ dwirɛ yeɛ afa ali me ye? Nna Rahɛl ti yeɛ nzole wɔ ɔ? Nzu ati yeɛ alakalaka me ye?” 26Laban buale ye kyɛ, “Yɛ maen ye anu de yɛnyɔ ye sɔ; yɛmva baa kãa yɛmma agyaa koraka né yafa bamuɛbaa yama. 27Ɛne ye beli atɔmvorɛ poentolɛ ɛlɛbɔtwɛ ne beyie. Ye si ye, yɛkɔfa ko ne koso yɛkɔma wɔ, na sana ɛso me afoɛ nzoo boka so.” 28Yiti Yakob penene so, na ngyẽa ɛlɛbɔtwɛ ne sone ne, Laban fale ɔwa Rahɛl mane Yakob maa ogyale. 29(Laban fale ye afaneɛ Bilha mane ɔwa Rahɛl kyɛ ɔyɛ ye abaawa). 30Yiti Yakob ne Rahɛl koso lale; né okuro Rahɛl tra Lea, na osa sole Laban afoɛ nzoo bieku.
Yakob wo mmaa
31AWURADE nwuni kyɛ Yakob nguro Lea, yiti ɔmane Lea wole mmaa, nakoso Rahɛl de ɔyɛle mmotaen. 32Lea nwonzɛle, na ɔwole baa bienzua, na ɔtole ye dumaa Ruben.#29.32: RUBEN: Ye bo ole: Ɛ́mɔnea baa bienzua. Na ɔhane kyɛ, “AWURADE anwu m’amaneɛ bɔ méfa nu ne ati, kekesaala ye de me hu kohuro me.” 33Ɔnwonzɛle bieku na ɔwole bienzua, na ɔhane kyɛ, “Ɔnate kyɛ AWURADE anwu kyɛ benguro me ne ati yeɛ watie me na wafa baa bienzua he koso wahyɛ me ɔ.” Na ɔtole ye dumaa Simeon.#29.33: SIMEON: Osoma Hebri dwudwolɛ Sama bɔ ye bo kyire: Bɛpɔ me. 34Osa nwonzɛle na ɔwole bienzua, na ɔhane kyɛ, “Afei de me hu kɔha kɔwa me nwo, ofikyɛ mawo mmaa mmienzua nza mama ye. Yiti ɔfrɛle ye Lewi.#29.34: LEWI: Osoma Hebri dwudwolɛ ‘Lawa’ bɔ ye bo kyire bata. 35Osa nwonzɛle bieku na ɔwole bienzua, na ɔhane kyɛ, “Afei de ngɔye AWURADE ayɛ,” yiti ɔtole ye dumaa Yuda.#29.35: YUDA: Osoma Hebri dwudwolɛ ‘Hoda’ bɔ ye bo kyire ayɛyelɛ. Na ye aworɛ te hɔle.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Esahie Bible © Bible Society of Ghana, 2018.