Yohane 14
14
Yesu ole atee ne, nahorɛ ne ne ngoa ne
1“Nnɛmɔma ɛmɔ wora bɔ! Ɛmɔ de, ɛmɔle Nyameɛ beli, ná ɛmɔle me koso beli. 2#Yoh 13.33 Atenaleɛ pee wɔ me Baba awuro; na sɛ nna sɔ yeɛ ɔte hɔ a, aso ahaa mahã mahyire ɛmɔ kyɛ mekɔ mekosiesie nekaa mema ɛmɔ? 3#Mat 16.27 Na sɛ mekɔ ná mekosiesie nekaa mema ɛmɔ a, ngosa ngɔwa, ná maafa ɛmɔ mahɔ me bɔbɔ me berɛ, ná nekaa bɔ nwɔ ne, ɛmɔ koso bawa berɛ bie. 4Nekaa bɔ mekɔ ne, [ɛmɔse, na] ɛmɔse atee ne.”
5Yeɛ Tɔmase bisale ye kyɛ, “Awurade, yɛnze nekaa bɔ ɛ́kɔ ɔ; na ɔkɔyɛ sɛɛ né yahora yanwu atee ne?” 6#Ɛfe 2.18; Heb 10.20; Yoh 10.9 Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so. 7Sɛ ɛmɔse me a, ahaa ɛmɔanwu me Baba ne koso; na ofi ɛnɛ bɔ ɔkɔ ɔ, ɛmɔse ye, na ɛmɔanwu ye.”
8Yeɛ Filipo sele ye kyɛ, “Awurade, kyire yɛ Baba ne, na bɔ yɛhia hɔ ala ɛne.” 9#2 Kor 4.4; Kol 1.15 Na Yesu buale ye kyɛ, “Filipo, me ne ɛmɔ yɛwɔ berɛ dadadada ye, aso ɛnze me? Ebiala bɔ wanwu me ne, wanwu Baba ne; na nzu ati yeɛ ɛkã kyɛ, ‘Kyire yɛ Baba ne’ ɔ? 10Aso enne nni kyɛ nwɔ Baba ne nu, ná Baba ne koso ɔwɔ me nu ɔ? Edwirɛ mɔ bɔ mekã mekyire ɛmɔ ne, nna me bɔbɔ me tumi yeɛ mefa mekã ɔ; na mmom Baba ne bɔ ɔte me nu ne, ye yeɛ ɔyɔ ye nnwumaa ne ɔ. 11Ɛmɔle me beli kyɛ nwɔ Baba ne nu, ná Baba ne koso ɔwɔ me nu ɔ; na sɛ ɔtte sɔ de a, nzaade nnwumaa ne ala ti ɛmɔle me beli! 12#Mat 21.21; Luk 10.17 Nahorɛ nu paa, mekã mekyire ɛmɔ kyɛ: Ebiala bɔ ode me di nen, ye koso ɔkɔyɔ nnwumaa bɔ meyɔ ne bie, na ɔkɔyɔ bɔ ɔte mbiri mbiri tra ɛhemɔ ɔ; ofikyɛ me de, mékɔ me Baba ne berɛ. 13#Mat 7.7 Na nikyee biala bɔ ɛmɔkɔsrɛ ye me dumaa nu ne, ngɔyɔ, amaa ɔnate so Baba ne anya animnyam wɔ Baa ne nu. 14Sɛ ɛmɔsrɛ nikyee biala me dumaa nu a, ngɔyɔ.”
Sunzum Krongron nwo bɔhyɛ
15 #
Edw 103.18; Nye 12.17 “Sɛ ɛmɔkuro me dwirɛ a, ɛmɔli m’ahyɛdeɛ so. 16Na me de, ngobisa Baba ne, na ɔkɔma ɛmɔ Aworakyekyerɛniɛ foforɛ, ná ɔne ɛmɔ baatena daa, 17#1 Yoh 4.6; 1 Kor 2.14 bɔ ye ole nahorɛ Sunzum bɔ ewiase ngora nne ye ndo nu ne; ofikyɛ onnwu ye, yeɛ ɔnze ye. Nakoso ɛmɔ de, ɛmɔse ye, ofikyɛ ɔne ɛmɔ yeɛ bɛte ɔ, na ɔkɔtena ɛmɔ nu.
18 #
1 Ahe 6.13
“Mengɔyakyi ɛmɔ nyisiaafoɛ, ngɔwa ɛmɔ berɛ. 19Waha kãa bie né wiase nnwu me ko, nakoso ɛmɔ de, ɛmɔkonwu me; ɔnate kyɛ nde ase, na ɛmɔ koso ɛmɔkɔtena ase. 20#Rom 8.10 Na sɔ kyẽa ne, ɛmɔkonwu kyɛ nwɔ Baba ne nu, ná ɛmɔwɔ me nu, ná me wora nwɔ ɛmɔ nu ɔ. 21#Deut 7.13; 1 Yoh 2.5 Na sona bɔ ole m’ahyɛdeɛ ná odi so nen, ye yeɛ okuro me dwirɛ ɔ; na bɔ okuro me dwirɛ nen, me Baba kohuro ye dwirɛ, ngohuro ye dwirɛ, na ngɔye me nwo ali ngohyire ye.”
22 #
Luk 6.16; Aso 1.13 Yeɛ Yudase (nna Yiskariote ɔ) bisale ye kyɛ, “Awurade, nzu ati yeɛ ɛbaaye wɔ nwo ali ekyire yɛ, na ɛnye ngyire wiase ɔ?” 23#1 Yoh 2.24; Nye 21.3 Na Yesu buale ye kyɛ, “Sɛ ebie kuro me dwirɛ a, okoli me dwirɛ so, na me Baba kohuro ye dwirɛ, na yɛkɔwa ye berɛ, ná yaayɔ yɛ atenaleɛ wɔ ye berɛ. 24Na ebiala bɔ onguro me dwirɛ nen, onni me dwirɛ so; na edwirɛ bɔ ɛmɔte ye, ɔtte me deɛ, na mmom ɔte Baba ne bɔ ɔsomane me ne deɛ.
25“Mahã edwirɛ hemɔ mahyire ɛmɔ, wɔ mmerɛ bɔ me ne ɛmɔ yɛwɔ berɛ ɔ. 26#Aso 2.33 Na Aworakyekyerɛniɛ ne, bɔ ye ole Sunzum Krongron ne, bɔ Baba ne kɔsoma ye wɔ me dumaa nu ne, ye yeɛ okohyirehyire ɛmɔ nikyee biala ɔ, na ɔkɔkaye ɛmɔ bɔ mahã mahyire ɛmɔ ne amukoraa.
27 #
Edw 85.8; Luk 2.14; Num 6.26 “Asomdwee yeɛ mefa meyakyi ɛmɔ ɔ, m’asomdwee yeɛ mefa mema ɛmɔ ɔ; nna kyɛbɔ wiase fa ma ne yeɛ mefa mema ɛmɔ ɔ. Nnɛmɔma ɛmɔ wora bɔ, yeɛ nnɛmɔma ɛserɛ tɔ ɛmɔ so. 28#Mat 16.27 Ɛmɔtele kyɛ nga ngyirele ɛmɔ kyɛ, ‘Mékɔ, na ngosa ngɔwa ɛmɔ berɛ.’ Sɛ ɛmɔkuro me dwirɛ a, ahaa ɔkɔyɛ ɛmɔ fɛ kyɛ mékɔ Baba ne berɛ ɔ, ofikyɛ Baba ne odi mu tra me. 29Afei mahã mahyire ɛmɔ koraka ná wawa nu; amaa sɛ ɔba nu a, ɛmɔale bali. 30#Yoh 12.31 Me ne ɛmɔ yɛngodwudwo pee ko, ɔnate kyɛ bɔ odi wiase he aso ne, ɔ́ba, na olle tumi biala wɔ me so. 31#Yoh 18.1 Nakoso kyɛbɔ Baba ne fale ahyɛdeɛ mane me ne, sɔ ala yeɛ meyɔ ɔ, amaa ɔnate so ewiase anwu kyɛ mekuro Baba ne dwirɛ. Ɛ́mɔdwɔso, ɛ́mɔma yɛfi wa yɛhɔ!”
Currently Selected:
Yohane 14: EBP
Highlight
Share
Copy
Want to have your highlights saved across all your devices? Sign up or sign in
Esahie Bible © Bible Society of Ghana, 2018.
Yohane 14
14
Yesu ole atee ne, nahorɛ ne ne ngoa ne
1“Nnɛmɔma ɛmɔ wora bɔ! Ɛmɔ de, ɛmɔle Nyameɛ beli, ná ɛmɔle me koso beli. 2#Yoh 13.33 Atenaleɛ pee wɔ me Baba awuro; na sɛ nna sɔ yeɛ ɔte hɔ a, aso ahaa mahã mahyire ɛmɔ kyɛ mekɔ mekosiesie nekaa mema ɛmɔ? 3#Mat 16.27 Na sɛ mekɔ ná mekosiesie nekaa mema ɛmɔ a, ngosa ngɔwa, ná maafa ɛmɔ mahɔ me bɔbɔ me berɛ, ná nekaa bɔ nwɔ ne, ɛmɔ koso bawa berɛ bie. 4Nekaa bɔ mekɔ ne, [ɛmɔse, na] ɛmɔse atee ne.”
5Yeɛ Tɔmase bisale ye kyɛ, “Awurade, yɛnze nekaa bɔ ɛ́kɔ ɔ; na ɔkɔyɛ sɛɛ né yahora yanwu atee ne?” 6#Ɛfe 2.18; Heb 10.20; Yoh 10.9 Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so. 7Sɛ ɛmɔse me a, ahaa ɛmɔanwu me Baba ne koso; na ofi ɛnɛ bɔ ɔkɔ ɔ, ɛmɔse ye, na ɛmɔanwu ye.”
8Yeɛ Filipo sele ye kyɛ, “Awurade, kyire yɛ Baba ne, na bɔ yɛhia hɔ ala ɛne.” 9#2 Kor 4.4; Kol 1.15 Na Yesu buale ye kyɛ, “Filipo, me ne ɛmɔ yɛwɔ berɛ dadadada ye, aso ɛnze me? Ebiala bɔ wanwu me ne, wanwu Baba ne; na nzu ati yeɛ ɛkã kyɛ, ‘Kyire yɛ Baba ne’ ɔ? 10Aso enne nni kyɛ nwɔ Baba ne nu, ná Baba ne koso ɔwɔ me nu ɔ? Edwirɛ mɔ bɔ mekã mekyire ɛmɔ ne, nna me bɔbɔ me tumi yeɛ mefa mekã ɔ; na mmom Baba ne bɔ ɔte me nu ne, ye yeɛ ɔyɔ ye nnwumaa ne ɔ. 11Ɛmɔle me beli kyɛ nwɔ Baba ne nu, ná Baba ne koso ɔwɔ me nu ɔ; na sɛ ɔtte sɔ de a, nzaade nnwumaa ne ala ti ɛmɔle me beli! 12#Mat 21.21; Luk 10.17 Nahorɛ nu paa, mekã mekyire ɛmɔ kyɛ: Ebiala bɔ ode me di nen, ye koso ɔkɔyɔ nnwumaa bɔ meyɔ ne bie, na ɔkɔyɔ bɔ ɔte mbiri mbiri tra ɛhemɔ ɔ; ofikyɛ me de, mékɔ me Baba ne berɛ. 13#Mat 7.7 Na nikyee biala bɔ ɛmɔkɔsrɛ ye me dumaa nu ne, ngɔyɔ, amaa ɔnate so Baba ne anya animnyam wɔ Baa ne nu. 14Sɛ ɛmɔsrɛ nikyee biala me dumaa nu a, ngɔyɔ.”
Sunzum Krongron nwo bɔhyɛ
15 #
Edw 103.18; Nye 12.17 “Sɛ ɛmɔkuro me dwirɛ a, ɛmɔli m’ahyɛdeɛ so. 16Na me de, ngobisa Baba ne, na ɔkɔma ɛmɔ Aworakyekyerɛniɛ foforɛ, ná ɔne ɛmɔ baatena daa, 17#1 Yoh 4.6; 1 Kor 2.14 bɔ ye ole nahorɛ Sunzum bɔ ewiase ngora nne ye ndo nu ne; ofikyɛ onnwu ye, yeɛ ɔnze ye. Nakoso ɛmɔ de, ɛmɔse ye, ofikyɛ ɔne ɛmɔ yeɛ bɛte ɔ, na ɔkɔtena ɛmɔ nu.
18 #
1 Ahe 6.13
“Mengɔyakyi ɛmɔ nyisiaafoɛ, ngɔwa ɛmɔ berɛ. 19Waha kãa bie né wiase nnwu me ko, nakoso ɛmɔ de, ɛmɔkonwu me; ɔnate kyɛ nde ase, na ɛmɔ koso ɛmɔkɔtena ase. 20#Rom 8.10 Na sɔ kyẽa ne, ɛmɔkonwu kyɛ nwɔ Baba ne nu, ná ɛmɔwɔ me nu, ná me wora nwɔ ɛmɔ nu ɔ. 21#Deut 7.13; 1 Yoh 2.5 Na sona bɔ ole m’ahyɛdeɛ ná odi so nen, ye yeɛ okuro me dwirɛ ɔ; na bɔ okuro me dwirɛ nen, me Baba kohuro ye dwirɛ, ngohuro ye dwirɛ, na ngɔye me nwo ali ngohyire ye.”
22 #
Luk 6.16; Aso 1.13 Yeɛ Yudase (nna Yiskariote ɔ) bisale ye kyɛ, “Awurade, nzu ati yeɛ ɛbaaye wɔ nwo ali ekyire yɛ, na ɛnye ngyire wiase ɔ?” 23#1 Yoh 2.24; Nye 21.3 Na Yesu buale ye kyɛ, “Sɛ ebie kuro me dwirɛ a, okoli me dwirɛ so, na me Baba kohuro ye dwirɛ, na yɛkɔwa ye berɛ, ná yaayɔ yɛ atenaleɛ wɔ ye berɛ. 24Na ebiala bɔ onguro me dwirɛ nen, onni me dwirɛ so; na edwirɛ bɔ ɛmɔte ye, ɔtte me deɛ, na mmom ɔte Baba ne bɔ ɔsomane me ne deɛ.
25“Mahã edwirɛ hemɔ mahyire ɛmɔ, wɔ mmerɛ bɔ me ne ɛmɔ yɛwɔ berɛ ɔ. 26#Aso 2.33 Na Aworakyekyerɛniɛ ne, bɔ ye ole Sunzum Krongron ne, bɔ Baba ne kɔsoma ye wɔ me dumaa nu ne, ye yeɛ okohyirehyire ɛmɔ nikyee biala ɔ, na ɔkɔkaye ɛmɔ bɔ mahã mahyire ɛmɔ ne amukoraa.
27 #
Edw 85.8; Luk 2.14; Num 6.26 “Asomdwee yeɛ mefa meyakyi ɛmɔ ɔ, m’asomdwee yeɛ mefa mema ɛmɔ ɔ; nna kyɛbɔ wiase fa ma ne yeɛ mefa mema ɛmɔ ɔ. Nnɛmɔma ɛmɔ wora bɔ, yeɛ nnɛmɔma ɛserɛ tɔ ɛmɔ so. 28#Mat 16.27 Ɛmɔtele kyɛ nga ngyirele ɛmɔ kyɛ, ‘Mékɔ, na ngosa ngɔwa ɛmɔ berɛ.’ Sɛ ɛmɔkuro me dwirɛ a, ahaa ɔkɔyɛ ɛmɔ fɛ kyɛ mékɔ Baba ne berɛ ɔ, ofikyɛ Baba ne odi mu tra me. 29Afei mahã mahyire ɛmɔ koraka ná wawa nu; amaa sɛ ɔba nu a, ɛmɔale bali. 30#Yoh 12.31 Me ne ɛmɔ yɛngodwudwo pee ko, ɔnate kyɛ bɔ odi wiase he aso ne, ɔ́ba, na olle tumi biala wɔ me so. 31#Yoh 18.1 Nakoso kyɛbɔ Baba ne fale ahyɛdeɛ mane me ne, sɔ ala yeɛ meyɔ ɔ, amaa ɔnate so ewiase anwu kyɛ mekuro Baba ne dwirɛ. Ɛ́mɔdwɔso, ɛ́mɔma yɛfi wa yɛhɔ!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Esahie Bible © Bible Society of Ghana, 2018.