Yohane 20
20
Yesu awu atingye
(Mateo 28.1-8; Marko 16.1-8; Luka 24.1-12)
1 #
Luk 8.2; Mat 27.60, 66 Na dapɛn ne anu kyẽa bɔ oli moa ne, ngyerɛmɔ tutuutu bɔ né awosii tɛwɔ nu ne, Maria Magdalene wale asieleɛ ne aso, na onwuni kyɛ baye nyɔboɛ ne bafi asieleɛ ne noa. 2Yiti otuli amirika wale Simɔn Petro ne suaniɛ ko ne bɔ Yesu kuro ye dwirɛ paa ne berɛ, na osele bɛ kyɛ, “Baye Awurade bafi asieleɛ ne anu bahɔ, na yɛnze nekaa bɔ bafa ye baato ɔ.”
3 #
Luk 24.12 Yeɛ Petro ne sɔ suaniɛ ko ne besili nu kyɛ bɛkɔ asieleɛ ne aso. 4Né bɛ munyɔ betu amirika, na suaniɛ ko ne sane Petro nwo, na olili moa oodwuli asieleɛ ne aso. 5Ɔkotole huli ye nye ase neane nu, na onwuni nwera ne kyɛ ogua berɛ, nakoso wanwura nu. 6Yeɛ Simɔn Petro lili ye si wale, owurale asieleɛ ne anu, na onwuni nwera ne kyɛ ogua berɛ ɔ, 7#Yoh 11.44 ɔne eduku bɔ bɛfa bɛkyekyele ye ti ne, kyɛ ɔnne nwera ne anwo berɛ, na mmom babobɔ ye ngome bagua nekaa bie. 8Yeɛ suaniɛ ko ne bɔ olili moa wɔ asieleɛ ne aso ne, ye koso owurale nu, na onwuni ye sɔ, na ole lili. 9#Mat 22.29; Luk 24.26, 46; Aso 2.24 Né bennya bɛttele Ahyerɛlɛ ne abo, kyɛ odi kyɛ otingye fi awufoɛ nu ɔ. 10Na afei asuafoɛ nemɔ besa bɛhɔle b’awuro.
Yesu ye ye nwo ali kyire Maria Magdalene
(Mateo 28.9-10; Marko 16.9-11)
11Na Maria de, né ogyi asieleɛ ne anwo berɛ osũ. Na osũ nen, ohuli ye nye ase neane kumaa ne anu, 12#Mat 28.2; Mak 16.5; Luk 24.4 na onwuni abɔfo nyɔ bɔ bewura ndaadeɛ fufue ɔ kyɛ bɛtete berɛ; ko te ye sorɔ, yeɛ ko te ye ngwaen, wɔ nekaa bɔ bɛfale Yesu bɛtole ne. 13Na bebisale ye kyɛ, “Mmobraa, nzu ati yeɛ esu ye?” Na obuale bɛ kyɛ, “Bafa m’Awurade bahɔ ti ɔ, na menze nekaa bɔ bafa ye baato ɔ!”
14 #
Mat 16.9; Luk 24.16 Na ɔhane sɔ nen, ɔkakyili ye nwo, na onwuni Yesu kyɛ ogyi berɛ ɔ, nakoso wannwu kyɛ Yesu ɔ. 15Yeɛ Yesu bisale ye kyɛ, “Mmobraa, nzu ati yeɛ esu ye? Ɛpena nwa?” Na ye de, osusuli kyɛ turo ne anu berɛ neafoɛ ne ɔ, yiti obuale ye kyɛ, “Me mene, sɛ afa ye afi wa a, kyire me nekaa bɔ afa ye aato ɔ, ná ngɔmva ye ngɔ.”
16Na Yesu sele ye kyɛ, “Maria!” Na ɔkakyili ye nwo sele ye wɔ Hebri dwudwolɛ nu kyɛ, “Raboni!” (ye bo kyire Kyerɛkyerɛniɛ.)
17 #
Mat 28.10; Yoh 20.27 Na Yesu sele ye kyɛ, “Nnɛsɔ me nu, ofikyɛ nnya nngɔle me Baba berɛ wɔ nyameɛso. Nakoso kɔ nniɛma nemɔ berɛ kɔhã kyire bɛ kyɛ, mékɔ nyameɛso, me Baba ne ɛmɔ Baba berɛ, me Nyameɛ ne ɛmɔ Nyameɛ ne berɛ.”
18 #
Luk 24.10, 22-23 Yiti Maria Magdalene hɔle oosele asuafoɛ nemɔ kyɛ, “Manwu Awurade”; na ɔhane bɔ ɔhã hyirele ye ne hyirele bɛ.
Yesu ye ye nwo ali kyire ye asuafoɛ
(Mateo 28.16-20; Marko 16.14-18; Luka 24.36-49)
19 #
Luk 24.36-39
Na sɔ kyẽa ne ala nɔsoa, bɔ ɔte dapɛn ne anu kyẽa bɔ oli moa ne, Yudafoɛ nemɔ nwo suronyi ti, asuafoɛ nemɔ totole anoa nemɔ anu wɔ nekaa bɔ bɛboale bɛ noa ne, na Yesu wale oogyinane b’afia berɛ, na osele bɛ kyɛ, “Asomdwee hã ɛmɔ oo!” 20#Luk 24.39 Na ɔhane sɔ nen, ɔfale ye sa nu ne ye mvenu hyirele bɛ. Na asuafoɛ nemɔ nwuni Awurade nen, bɛ nye gyele. 21#Mat 28.19; Yoh 17.18 Yeɛ Yesu hã hyirele bɛ bieku kyɛ, “Asomdwee hã ɛmɔ oo! Kyɛbɔ Baba ne asoma me ne, sɔ ala yeɛ me koso mesoma ɛmɔ ɔ.” 22#Aso 2.4, 33 Na ɔhane sɔ nen, olele nwomeɛ guale bɛ so, na osele bɛ kyɛ, “Ɛmɔle Sunzum Krongron ne! 23#Mat 16.19; 18.18 Bɛ bɔ ɛmɔfa bɛ bɔne bɛkyɛ bɛ ne, bafa bahyɛ bɛ; na bɛ bɔ ɛmɔmva bɛ bɔne ngyɛ bɛ ne, bɛmva bɛngyɛ bɛ.”
Yesu ye ye nwo ali kyire Tɔmase
24Na Tɔmase (bɔ bɛfrɛ ye Ata ne), bɔ ɔte asuafoɛ buru ne nyɔ nemɔ anu ko ne, Yesu wale ne, né ɔnne bɛ nu berɛ bie. 25Yiti asuafoɛ ngaa nemɔ bɔle ye amaneɛ kyɛ, “Yanwu Awurade.” Nakoso obuale bɛ kyɛ, “Sɛ mannwu ye sa nu mberɛgoo ne boso, ná mamva me sa mmɛseka manga mberɛgoo ne boso, na mamva me sa manga ye mvenu a, mengole ngoli.”
26Na nziɛ ye, ye ɛlɛbɔtwɛ ne aso, né ye asuafoɛ nemɔ bɛwɔ awuro berɛ bieku, na né Tɔmase ɔboka bɛ so. Né batoto bɛ nwo anoa nu, nakoso Yesu wale oogyinane b’afia berɛ, na osele kyɛ, “Asomdwee hã ɛmɔ oo.” 27#Luk 24.40 Yeɛ osele Tɔmase kyɛ, “Fa wɔ sa mmɛseka bra wa, ná nea me sa nu; ná fa wɔ sa baahã me mvenu, na nnɛsu aporowaa, na mmom dedi!”
28Na Tɔmase buale ye kyɛ, “M’Awurade ne me Nyameɛ!” 29#1 Pet 1.8 Na Yesu sele ye kyɛ, “Tɔmase, anwu me ne ati yeɛ afei ale ali ɔ? Bɛ bɔ bennwuni ye, ná bale bali ne, ɔte saleɛ ma bɛ!”
Yohane nwomaa ne botaeɛ
30Na nzɛngyerɛnneɛ pee koso wɔ berɛ bɔ Yesu yɔle bɛ wɔ ye asuafoɛ nemɔ nyunu, bɔ bangyerɛ ye wɔ sɔ nwomaa he anu ɔ. 31#Yoh 3.15 Nakoso ɛhemɔ yeɛ bahyerɛ ɔ, kyɛbɔ ɛmɔkole bekoli kyɛ Yesu ole Kristo ne, Nyameɛ Awa ne, na ɛmɔde bedi a, ɛmɔanya ngoa wɔ ye dumaa nu.
Currently Selected:
Yohane 20: EBP
Highlight
Share
Copy
Want to have your highlights saved across all your devices? Sign up or sign in
Esahie Bible © Bible Society of Ghana, 2018.
Yohane 20
20
Yesu awu atingye
(Mateo 28.1-8; Marko 16.1-8; Luka 24.1-12)
1 #
Luk 8.2; Mat 27.60, 66 Na dapɛn ne anu kyẽa bɔ oli moa ne, ngyerɛmɔ tutuutu bɔ né awosii tɛwɔ nu ne, Maria Magdalene wale asieleɛ ne aso, na onwuni kyɛ baye nyɔboɛ ne bafi asieleɛ ne noa. 2Yiti otuli amirika wale Simɔn Petro ne suaniɛ ko ne bɔ Yesu kuro ye dwirɛ paa ne berɛ, na osele bɛ kyɛ, “Baye Awurade bafi asieleɛ ne anu bahɔ, na yɛnze nekaa bɔ bafa ye baato ɔ.”
3 #
Luk 24.12 Yeɛ Petro ne sɔ suaniɛ ko ne besili nu kyɛ bɛkɔ asieleɛ ne aso. 4Né bɛ munyɔ betu amirika, na suaniɛ ko ne sane Petro nwo, na olili moa oodwuli asieleɛ ne aso. 5Ɔkotole huli ye nye ase neane nu, na onwuni nwera ne kyɛ ogua berɛ, nakoso wanwura nu. 6Yeɛ Simɔn Petro lili ye si wale, owurale asieleɛ ne anu, na onwuni nwera ne kyɛ ogua berɛ ɔ, 7#Yoh 11.44 ɔne eduku bɔ bɛfa bɛkyekyele ye ti ne, kyɛ ɔnne nwera ne anwo berɛ, na mmom babobɔ ye ngome bagua nekaa bie. 8Yeɛ suaniɛ ko ne bɔ olili moa wɔ asieleɛ ne aso ne, ye koso owurale nu, na onwuni ye sɔ, na ole lili. 9#Mat 22.29; Luk 24.26, 46; Aso 2.24 Né bennya bɛttele Ahyerɛlɛ ne abo, kyɛ odi kyɛ otingye fi awufoɛ nu ɔ. 10Na afei asuafoɛ nemɔ besa bɛhɔle b’awuro.
Yesu ye ye nwo ali kyire Maria Magdalene
(Mateo 28.9-10; Marko 16.9-11)
11Na Maria de, né ogyi asieleɛ ne anwo berɛ osũ. Na osũ nen, ohuli ye nye ase neane kumaa ne anu, 12#Mat 28.2; Mak 16.5; Luk 24.4 na onwuni abɔfo nyɔ bɔ bewura ndaadeɛ fufue ɔ kyɛ bɛtete berɛ; ko te ye sorɔ, yeɛ ko te ye ngwaen, wɔ nekaa bɔ bɛfale Yesu bɛtole ne. 13Na bebisale ye kyɛ, “Mmobraa, nzu ati yeɛ esu ye?” Na obuale bɛ kyɛ, “Bafa m’Awurade bahɔ ti ɔ, na menze nekaa bɔ bafa ye baato ɔ!”
14 #
Mat 16.9; Luk 24.16 Na ɔhane sɔ nen, ɔkakyili ye nwo, na onwuni Yesu kyɛ ogyi berɛ ɔ, nakoso wannwu kyɛ Yesu ɔ. 15Yeɛ Yesu bisale ye kyɛ, “Mmobraa, nzu ati yeɛ esu ye? Ɛpena nwa?” Na ye de, osusuli kyɛ turo ne anu berɛ neafoɛ ne ɔ, yiti obuale ye kyɛ, “Me mene, sɛ afa ye afi wa a, kyire me nekaa bɔ afa ye aato ɔ, ná ngɔmva ye ngɔ.”
16Na Yesu sele ye kyɛ, “Maria!” Na ɔkakyili ye nwo sele ye wɔ Hebri dwudwolɛ nu kyɛ, “Raboni!” (ye bo kyire Kyerɛkyerɛniɛ.)
17 #
Mat 28.10; Yoh 20.27 Na Yesu sele ye kyɛ, “Nnɛsɔ me nu, ofikyɛ nnya nngɔle me Baba berɛ wɔ nyameɛso. Nakoso kɔ nniɛma nemɔ berɛ kɔhã kyire bɛ kyɛ, mékɔ nyameɛso, me Baba ne ɛmɔ Baba berɛ, me Nyameɛ ne ɛmɔ Nyameɛ ne berɛ.”
18 #
Luk 24.10, 22-23 Yiti Maria Magdalene hɔle oosele asuafoɛ nemɔ kyɛ, “Manwu Awurade”; na ɔhane bɔ ɔhã hyirele ye ne hyirele bɛ.
Yesu ye ye nwo ali kyire ye asuafoɛ
(Mateo 28.16-20; Marko 16.14-18; Luka 24.36-49)
19 #
Luk 24.36-39
Na sɔ kyẽa ne ala nɔsoa, bɔ ɔte dapɛn ne anu kyẽa bɔ oli moa ne, Yudafoɛ nemɔ nwo suronyi ti, asuafoɛ nemɔ totole anoa nemɔ anu wɔ nekaa bɔ bɛboale bɛ noa ne, na Yesu wale oogyinane b’afia berɛ, na osele bɛ kyɛ, “Asomdwee hã ɛmɔ oo!” 20#Luk 24.39 Na ɔhane sɔ nen, ɔfale ye sa nu ne ye mvenu hyirele bɛ. Na asuafoɛ nemɔ nwuni Awurade nen, bɛ nye gyele. 21#Mat 28.19; Yoh 17.18 Yeɛ Yesu hã hyirele bɛ bieku kyɛ, “Asomdwee hã ɛmɔ oo! Kyɛbɔ Baba ne asoma me ne, sɔ ala yeɛ me koso mesoma ɛmɔ ɔ.” 22#Aso 2.4, 33 Na ɔhane sɔ nen, olele nwomeɛ guale bɛ so, na osele bɛ kyɛ, “Ɛmɔle Sunzum Krongron ne! 23#Mat 16.19; 18.18 Bɛ bɔ ɛmɔfa bɛ bɔne bɛkyɛ bɛ ne, bafa bahyɛ bɛ; na bɛ bɔ ɛmɔmva bɛ bɔne ngyɛ bɛ ne, bɛmva bɛngyɛ bɛ.”
Yesu ye ye nwo ali kyire Tɔmase
24Na Tɔmase (bɔ bɛfrɛ ye Ata ne), bɔ ɔte asuafoɛ buru ne nyɔ nemɔ anu ko ne, Yesu wale ne, né ɔnne bɛ nu berɛ bie. 25Yiti asuafoɛ ngaa nemɔ bɔle ye amaneɛ kyɛ, “Yanwu Awurade.” Nakoso obuale bɛ kyɛ, “Sɛ mannwu ye sa nu mberɛgoo ne boso, ná mamva me sa mmɛseka manga mberɛgoo ne boso, na mamva me sa manga ye mvenu a, mengole ngoli.”
26Na nziɛ ye, ye ɛlɛbɔtwɛ ne aso, né ye asuafoɛ nemɔ bɛwɔ awuro berɛ bieku, na né Tɔmase ɔboka bɛ so. Né batoto bɛ nwo anoa nu, nakoso Yesu wale oogyinane b’afia berɛ, na osele kyɛ, “Asomdwee hã ɛmɔ oo.” 27#Luk 24.40 Yeɛ osele Tɔmase kyɛ, “Fa wɔ sa mmɛseka bra wa, ná nea me sa nu; ná fa wɔ sa baahã me mvenu, na nnɛsu aporowaa, na mmom dedi!”
28Na Tɔmase buale ye kyɛ, “M’Awurade ne me Nyameɛ!” 29#1 Pet 1.8 Na Yesu sele ye kyɛ, “Tɔmase, anwu me ne ati yeɛ afei ale ali ɔ? Bɛ bɔ bennwuni ye, ná bale bali ne, ɔte saleɛ ma bɛ!”
Yohane nwomaa ne botaeɛ
30Na nzɛngyerɛnneɛ pee koso wɔ berɛ bɔ Yesu yɔle bɛ wɔ ye asuafoɛ nemɔ nyunu, bɔ bangyerɛ ye wɔ sɔ nwomaa he anu ɔ. 31#Yoh 3.15 Nakoso ɛhemɔ yeɛ bahyerɛ ɔ, kyɛbɔ ɛmɔkole bekoli kyɛ Yesu ole Kristo ne, Nyameɛ Awa ne, na ɛmɔde bedi a, ɛmɔanya ngoa wɔ ye dumaa nu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Esahie Bible © Bible Society of Ghana, 2018.