Mwandzo 10
10
Vivyazi vya ana a Nuhu
(1 Nyakati 1:5–23)
1Huno ndio uvyazi wa ana alume a Nuhu: Shemu, Hamu na Jafeti. Aha nao aphaha ana a chilume bada ya mafuriko.
2Ana alume a Jafeti kala ni Gomeri, Magogu, Madai, Javani, Tubali, Mesheki na Tirasi.
3Ana alume a Gomeri kala ni Ashikenazi, Rifathi na Togarima.
4Ana alume a Javani kala ni Elisha, Tarishishi, Kitimu na Rodanimu. 5Hinyo ndio akarengbwa a atu ariomwagikana seemu za pwani. Huno ni uvyazi wa Jafeti ariokala chila atu na tsi yao na makabila gao na mbari zao.
6Ana alume a Hamu kala ni Kushi, Misiri, Puti na Kanani.
7Ana alume a Kushi kala ni Seba, Havila, Sabuta, Raama na Sabuteka.
Ana alume a Raama kala ni Sheba na Dedani.
8-9Kushi wavyala Nimurodi. Nimurodi wakala sujaa mkpwulu wa kpwandza duniani. Iye wakala ni muindza mkpwulu mbere za Mwenyezi Mlungu, ndiyo mana atu nkuamba, “Mutu yuyu ni dza Nimurodi, yemuindza mkpwulu mbere za Mwenyezi Mlungu.” 10Ufalumewe waandza na midzi ya Babeli, Ereku, Akadi na Kaline, iriyokala tsi ya Shinari. 11Halafu waenjereza tsi ya Ashuru kukala seemu ya ufalumewe, achidzenga midzi ya Ninawi, Rehobothi-Iri, Kala 12na Reseni urio kahi-kahi ya Ninawi na mudzi mkpwulu wa Kala.
13Uvyazi wa Misiri kala ni Aludi, Aanami, Alehabi, Anafutuhi, 14Apathirusi, Akasiluhi ambao ni avyazi a Afilisti, na Akafutori.
15Ana alume a Kanani kala ni Sidoni, mwanawe wa kpwandza na Hethi, ambao akala akarengbwa a makabila garigoihwa na madzina gao. 16Piya wakala mkarengbwa wa Ajebusi, Aamori, Agirigashi, 17Ahivi, Aariki, Asini, 18Aarivadi, Asemari na Ahamathi.
Badaye mbari za Akanani zatsamukana-tsamukana. 19Mphaka wa Akanani waandza Sidoni hadi Gerari phephi na Gaza, na uchiphiya mlairo wa dzuwa hadi Sodoma, Gomora, Adima na Seboimu phephi na Lasha.
20Aha ndio uvyazi wa Hamu kulengana na mbari zao, luga zao na tsi zao. Chila kundi kala rinagomba kabilaye.
21Shemu, kala ni mvyerengbwa#10:21 Mvyerengbwa Tafusiri zanjina zinaamba Shemu mdide wa Jafeti. wa Jafeti, na ndiye mkarengbwa wa Aeburania osi.
22Ana a Shemu kala ni Elamu, Ashuru, Arifakisadi, Ludi na Aramu.
23Ana a Aramu kala ni Usi, Huli, Getheri na Mashi.
24Arifakisadi wavyala Shela, naye Shela achivyala Eberi. 25Eberi wavyala ana airi alume, wa kpwandza achimuiha Pelegi kpwa sababu endzize atu kala akaganyana, na wa phiri kala aihwa Jokitani.
26Jokitani wavyala Alimodadi, Shelefu, Hasarimawethi, Jera, 27Hadoramu, Uzali, Dikila, 28Obali, Abimaeli, Sheba, 29Ofiri, Havila na Jobabu. Hinya osi kala ni ana a Jokitani. 30Tsi ariyosagala yahala kula Mesha hadi Sefari ambayo i mwango wa mlairo wa dzuwa.
31Hinyo ndio atu a chivyazi cha Shemu kulengana na mbari zao, luga zao, tsi yao na makabila gao.
32Aha osi ni mbari za ana a Nuhu kulengana na vivyazi vyao, kahi ya mataifa gao. Kula kpwa aha, makabila gaenea duniani bada ya mafuriko.
Currently Selected:
Mwandzo 10: dig
Highlight
Share
Copy
Want to have your highlights saved across all your devices? Sign up or sign in
© 2019, Bible Translation and Literacy, All rights reserved.
