Soane 8
8
Le fafine na mautoka i le tono
1Na ano loa Sesu ki le mauga o Oliveto. 2Kae, i le usu ake fai, na toe ano loa a ia ki le fale tapu, ti na au loa le kakai katoa kiate ia. Ti na tonatona loa a ia, o akonaki kia latou.
3Ti na aumai loa e le kau sekelipa mo le kau faliseo se fafine na maua e tono mo se tagata ; 4ti na lotou fakatuu loa a ia i lotomalie o le kakai, kae lotou pati loa kia Sesu : Pule, na maua le fafine leinei e tono mo se tagata. 5Na fakatotonu mai e Moisese kia matou, i le lao, ke tuki fatui le tau fafine fenaaki, kae ko koe, kolea lau pati ? 6Na lotou pati le nea lena ke asiasii ai a ia, o tupu ke mafai sona fakalakasalai. Kae na punou loa Sesu ki lalo, o tositosi ki lona maikao i le kele. 7Ti o tupu ko lalatou soko atu lona fakavesilii, na tuu loa a ia ki aluga, o pati kia latou : Ka mailoga leia ia koutou e sala agasala, ke uluaki ti e ia le fa fatu ki le fafine. 8Ti na toe punou loa a ia ki lalo, o toe tositosi i le kele. 9I lalatou logo ki le nea lena, na valoki loa latou e lolatou loto, ti na lotou tasi ano loa, o kamata mei le kau matua ki le kau muli ; ti na nofo loa Sesu toka tasi mo le fafine leia na tuu i lotomalie. 10Ti na malaga ake loa Sesu ki aluga, o tio ki le fafine toka tasi, ti na pati loa a ia kiate ia : Fafine kofea latou ala na fakalakasalai ia a koe ? Pe leaise tasi fua na fakatuaa ia a koe ? 11Na tali loa a ia : Leai, Aliki. Ti na pati loa Sesu kiate ia : E leaise kau fakatuaa foki a koe, ano ti aua na ke toe agasala loa.
Sesu, le malama o le malama nei
12Na toe masau loa Sesu kia latou, o pati : Ko au ko le malama o le malama nei ; ko leia e muli mai iate au e leaise toe saele loa a ia i le fakapouli, kae e maua loa e ia le malama o le mauli.
13I ai, na pati loa le kau faliseo kiate ia : E ke fakamaoki kiate koe totonu, koia e leaise maoki ai lau fakamaoki. 14Ti na tali loa Sesu kia latou : Kapau e kau fakamaoki kiate au totonu, e maoki laku fakamaoki, talie e kau iloa le ganea leia e kau au mei ai ti mo le ganea leia e kau ano ki ai ; kae ko koutou, e leaise kotou iloa pe kau au meifea ti e kau ano kifea. 15E kotou fakamaaui o mulimuli ki le kanofi, ko au, e leaise kau fakamaaui fua se tasi. 16Ti kapau e kau fakamaaui, e maoki laku fakamaau, talie e leaise kau toka tasi ; kae ko au mo le Tamana leia na kakau ia mai au. 17E tosi i lakoutou lao e maoki le fakamaoki a ni tagata e toka lua ; 18e kau fakamaoki kiate au, ti e fakamaoki kiate au le Tamana leia na kakau ia mai au. 19Na lotou pati loa kiate ia : Kofea lou Tamana ? Na tali loa Sesu : E leaise kotou iloa fua au, pe ko loku Tamana. Kanapau na kotou iloa au, e kotou iloa foki loku Tamana.
20Na fakasa loa e Sesu a folafola ana, i lana akonaki i le fale tapu, i le ganea leia na tanaki ai a koloa, ti na leaise too loa a ia e se tasi, talie na leikiaise soko lona ola.
21Na toe pati foki Sesu kia latou : E kau ano, ti e kotou afa loa au, ti e kotou mamate loa i lakoutou agasala ; e leaise mafai ke kotou au ki le ganea leia e kau ano ki ai. 22I le nea lena na pati loa le kau Sutea : Pe fakamate loa a ia, talie e pati a ia : e leaise mafai ke kotou au ki le ganea leia e kau ano ki ai ? 23Ti na pati loa a ia kia latou : E kotou au mei lalo ; ko au, e kau au mei aluga. E kotou au mei le malama leinei ; ko au, e leaise kau au mei le malama leinei. 24Koia leia e kau pati atu ai kia koutou e kotou mamate loa i akoutou agasala ; talie kapau e leaise kotou tui pe ko ai au, ti e kotou mamate loa i akoutou agasala. 25Ti na lotou pati loa kia Sesu : Ko ai loa a koe ? Na tali loa Sesu kia latou : Ko leia na kau fakasa atu kia koutou mei le kamataaga. 26E lasi ai a nea ala e kau fia masau ki ai mo fia valoki ia koutou ; kae ko leia na kakau ia mai au e maoki, ti ko le nea leia na kau logo meiate ia, e kau fakasa a ia ki le malama nei. 27Na leaise lotou matala fua na masau a ia kia latou ki le Tamana. 28Ti na pati loa Sesu kia latou : Ka oki loa lakotou fakatuu ki aluga le Vosa o le tagata, ti e kotou iloa loa ko ai au, ti e leaise kau fai fua se nea iate au totonu, kae e kau masau o mulimuli ki le nea leia na ako mai kiate au e le Tamana.
29Ko leia na kakau ia mai au e nofo mo au ; na leaise tuku e ia ke kau toka tasi ; talie e kau fai tuumau le nea leia e malie kiate ia.
30I le masau fenaaki a Sesu, na tui loa se toka api kiate ia. 31Ti na pati loa a ia ki le kau Sutea ala na tui kiate ia : Kapau e kotou nonofo mau i laku folafola, ti ko aku tisipulo maoki koutou ; 32ti e kotou iloa loa le maoki, ti e fakalauatea loa koutou e le maoki. 33Na lotou tali loa kiate ia : Ko le sakoga matou o Apalaamo, ti na leaise motou popula ki se tasi i se aso ; e feaki e ke pati ai : E kotou liliu loa o lauatea ? 34Na tali loa Sesu kia latou : E maoki, e maoki, e kau pati atu kia koutou, ko leia e fai ia le agasala e popula a ia ki le agasala. 35Ti e leaise nofo tuumau le tagata popula i le fale ; kae e nofo tuumau le Vosa i ai. 36Koia kapau e fakalauatea koutou e le Vosa, e kotou lauatea maoki loa. 37E kau iloa ko le sakoga koutou o Apalaamo ; kae e kotou afa ke kotou tamate au, talie e leaise ulu laku folafola ia koutou. 38E kau pati ki le nea leia na kau tio ki ai i loku Tamana ; ti ko koutou, e kotou fai le nea leia na kotou logo ki ai mei lokoutou tamana. 39Na lotou tali loa kiate ia : Ko lomatou tamana ko Apalaamo. Na pati loa Sesu kia latou : Kanapau ko fanau koutou a Apalaamo, e kotou fai loa a gaoi a Apalaamo. 40Kae ko leinei e kotou afa ke tamate au, a au leia na fakasa atu ia kia koutou le maoki leia na kau logo mei le Atua. Na leaise fai fua le nea lena e Apalaamo. 41Kae ko koutou, e kotou fai a gaoi o lokoutou tamana. Na lotou pati loa kiate ia : E leaise ko ni toe taka matou ; e motou maua se tamana e tasi, ko le Atua. 42Na pati loa Sesu kia latou : Kanapau na koutou tamana ki le Atua, e kotou alofa loa kiate au, talie na kau au mei le Atua, ti ko ia leia na kakau ia mai au ki leinei ; na leaise kau au i loku loto faitalisa, kae ko ia leia na kakau ia mai au. 43Kolea e leaise kotou matala ai ki laku masau ? Talie e leaise mafai ke kotou fakalogo ki laku folafola. 44E kotou tamana kia Satana, ti e kotou fia fakasoko a oli o lokoutou tamana. Na tukipo a ia talu mei le kamataaga, ti e leaise nofo a ia i le maoki, talie e leaise maoki iate ia. Ka puaki e ia le loi, e masau a ia mei lona takele totonu ; talie e loi a ia ti ko le tamana a ia o le loi. 45Ti ko au, talie e kau fakasa le maoki, e leaise kotou tui mai kiate au. 46Ko ai ia koutou e maua ia loa se agasala iate au ? Kapau e kau fakasa le maoki, kolea e leaise kotou tui mai ai loa kiate au ? 47Ko leia e tupu mei le Atua e fakalogo a ia ki folafola a le Atua ; e leaise kotou fakalogo, talie e leaise kotou tupu mei le Atua.
Sesu mo Apalaamo
48Na tali loa le kau Sutea kiate ia : Pe leaise motou maoki koia i lamatou pati ko se Samalia a koe, ti e nofo se temonio iate koe ? 49Na toe tali loa Sesu : E leaise nofo se temonio iate au ; kae e kau fakaapaapa ki loku Tamana, ti e kotou lauveli mai kiate au. 50E leaise kau afa fua loku kololia, e i ai se tasi leia e afa ia a ia ti e fakamaaui. 51E maoki, e maoki, e kau pati atu kia koutou, kapau e tausi e se tasi laku folafola, e leaise tio loa a ia i se aso ki le mate. 52Na pati loa le kau Sutea kiate ia : I le lakaga nei, e motou iloa e nofo iate koe se temonio. Kua mate Apalaamo, mo le kau polofeta foki, ti e ke pati : Ko leia e tausi ia laku folafola e leaise mate loa a ia i se aso. 53Pe ke lasi ake i lomatou tamana ko Apalaamo, leia kua mate ? Kua mamate foki mo le kau polofeta. E ke pati ko ai a koe ? 54Na tali loa Sesu : Kapau e kau fakakololia kiate au totonu, ti e noa loku kololia. Ko loku Tamana leia e fakakololia kiate au, a ia leia e kotou pati ko lokoutou Atua, 55kae e leaise kotou iloa fua a ia ; ko au, e kau iloa a ia ; ti kapau e kau pati e leaise kau iloa a ia, e kau tatau loa mo koutou, ko se tagata gutu loiloi. Kae e kau iloa a ia, ti e kau fai lana folafola. 56Na matuaki fiafia Apalaamo, lokoutou tamana, ke tio ki loku aso : Ti na tio a ia ki ai, ti na fiafia a ia. 57Na pati loa le kau Sutea kiate ia : E leikiaise ke fetuu kau lima, ti kua ke tio kia Apalaamo ! 58Na pati loa Sesu kia latou : E maoki, e maoki, e kau pati atu kia koutou, i mua o le tupu o Apalaamo, e kau agai.
59I le nea lena, na lotou too loa ni fatu ke tuki a ia ; kae na mumuni loa Sesu, o mavae mei le fale tapu.
Currently Selected:
Soane 8: FB2000
Highlight
Share
Copy
Want to have your highlights saved across all your devices? Sign up or sign in
© Société Biblique de Genève, 2000-2020
Soane 8
8
Le fafine na mautoka i le tono
1Na ano loa Sesu ki le mauga o Oliveto. 2Kae, i le usu ake fai, na toe ano loa a ia ki le fale tapu, ti na au loa le kakai katoa kiate ia. Ti na tonatona loa a ia, o akonaki kia latou.
3Ti na aumai loa e le kau sekelipa mo le kau faliseo se fafine na maua e tono mo se tagata ; 4ti na lotou fakatuu loa a ia i lotomalie o le kakai, kae lotou pati loa kia Sesu : Pule, na maua le fafine leinei e tono mo se tagata. 5Na fakatotonu mai e Moisese kia matou, i le lao, ke tuki fatui le tau fafine fenaaki, kae ko koe, kolea lau pati ? 6Na lotou pati le nea lena ke asiasii ai a ia, o tupu ke mafai sona fakalakasalai. Kae na punou loa Sesu ki lalo, o tositosi ki lona maikao i le kele. 7Ti o tupu ko lalatou soko atu lona fakavesilii, na tuu loa a ia ki aluga, o pati kia latou : Ka mailoga leia ia koutou e sala agasala, ke uluaki ti e ia le fa fatu ki le fafine. 8Ti na toe punou loa a ia ki lalo, o toe tositosi i le kele. 9I lalatou logo ki le nea lena, na valoki loa latou e lolatou loto, ti na lotou tasi ano loa, o kamata mei le kau matua ki le kau muli ; ti na nofo loa Sesu toka tasi mo le fafine leia na tuu i lotomalie. 10Ti na malaga ake loa Sesu ki aluga, o tio ki le fafine toka tasi, ti na pati loa a ia kiate ia : Fafine kofea latou ala na fakalakasalai ia a koe ? Pe leaise tasi fua na fakatuaa ia a koe ? 11Na tali loa a ia : Leai, Aliki. Ti na pati loa Sesu kiate ia : E leaise kau fakatuaa foki a koe, ano ti aua na ke toe agasala loa.
Sesu, le malama o le malama nei
12Na toe masau loa Sesu kia latou, o pati : Ko au ko le malama o le malama nei ; ko leia e muli mai iate au e leaise toe saele loa a ia i le fakapouli, kae e maua loa e ia le malama o le mauli.
13I ai, na pati loa le kau faliseo kiate ia : E ke fakamaoki kiate koe totonu, koia e leaise maoki ai lau fakamaoki. 14Ti na tali loa Sesu kia latou : Kapau e kau fakamaoki kiate au totonu, e maoki laku fakamaoki, talie e kau iloa le ganea leia e kau au mei ai ti mo le ganea leia e kau ano ki ai ; kae ko koutou, e leaise kotou iloa pe kau au meifea ti e kau ano kifea. 15E kotou fakamaaui o mulimuli ki le kanofi, ko au, e leaise kau fakamaaui fua se tasi. 16Ti kapau e kau fakamaaui, e maoki laku fakamaau, talie e leaise kau toka tasi ; kae ko au mo le Tamana leia na kakau ia mai au. 17E tosi i lakoutou lao e maoki le fakamaoki a ni tagata e toka lua ; 18e kau fakamaoki kiate au, ti e fakamaoki kiate au le Tamana leia na kakau ia mai au. 19Na lotou pati loa kiate ia : Kofea lou Tamana ? Na tali loa Sesu : E leaise kotou iloa fua au, pe ko loku Tamana. Kanapau na kotou iloa au, e kotou iloa foki loku Tamana.
20Na fakasa loa e Sesu a folafola ana, i lana akonaki i le fale tapu, i le ganea leia na tanaki ai a koloa, ti na leaise too loa a ia e se tasi, talie na leikiaise soko lona ola.
21Na toe pati foki Sesu kia latou : E kau ano, ti e kotou afa loa au, ti e kotou mamate loa i lakoutou agasala ; e leaise mafai ke kotou au ki le ganea leia e kau ano ki ai. 22I le nea lena na pati loa le kau Sutea : Pe fakamate loa a ia, talie e pati a ia : e leaise mafai ke kotou au ki le ganea leia e kau ano ki ai ? 23Ti na pati loa a ia kia latou : E kotou au mei lalo ; ko au, e kau au mei aluga. E kotou au mei le malama leinei ; ko au, e leaise kau au mei le malama leinei. 24Koia leia e kau pati atu ai kia koutou e kotou mamate loa i akoutou agasala ; talie kapau e leaise kotou tui pe ko ai au, ti e kotou mamate loa i akoutou agasala. 25Ti na lotou pati loa kia Sesu : Ko ai loa a koe ? Na tali loa Sesu kia latou : Ko leia na kau fakasa atu kia koutou mei le kamataaga. 26E lasi ai a nea ala e kau fia masau ki ai mo fia valoki ia koutou ; kae ko leia na kakau ia mai au e maoki, ti ko le nea leia na kau logo meiate ia, e kau fakasa a ia ki le malama nei. 27Na leaise lotou matala fua na masau a ia kia latou ki le Tamana. 28Ti na pati loa Sesu kia latou : Ka oki loa lakotou fakatuu ki aluga le Vosa o le tagata, ti e kotou iloa loa ko ai au, ti e leaise kau fai fua se nea iate au totonu, kae e kau masau o mulimuli ki le nea leia na ako mai kiate au e le Tamana.
29Ko leia na kakau ia mai au e nofo mo au ; na leaise tuku e ia ke kau toka tasi ; talie e kau fai tuumau le nea leia e malie kiate ia.
30I le masau fenaaki a Sesu, na tui loa se toka api kiate ia. 31Ti na pati loa a ia ki le kau Sutea ala na tui kiate ia : Kapau e kotou nonofo mau i laku folafola, ti ko aku tisipulo maoki koutou ; 32ti e kotou iloa loa le maoki, ti e fakalauatea loa koutou e le maoki. 33Na lotou tali loa kiate ia : Ko le sakoga matou o Apalaamo, ti na leaise motou popula ki se tasi i se aso ; e feaki e ke pati ai : E kotou liliu loa o lauatea ? 34Na tali loa Sesu kia latou : E maoki, e maoki, e kau pati atu kia koutou, ko leia e fai ia le agasala e popula a ia ki le agasala. 35Ti e leaise nofo tuumau le tagata popula i le fale ; kae e nofo tuumau le Vosa i ai. 36Koia kapau e fakalauatea koutou e le Vosa, e kotou lauatea maoki loa. 37E kau iloa ko le sakoga koutou o Apalaamo ; kae e kotou afa ke kotou tamate au, talie e leaise ulu laku folafola ia koutou. 38E kau pati ki le nea leia na kau tio ki ai i loku Tamana ; ti ko koutou, e kotou fai le nea leia na kotou logo ki ai mei lokoutou tamana. 39Na lotou tali loa kiate ia : Ko lomatou tamana ko Apalaamo. Na pati loa Sesu kia latou : Kanapau ko fanau koutou a Apalaamo, e kotou fai loa a gaoi a Apalaamo. 40Kae ko leinei e kotou afa ke tamate au, a au leia na fakasa atu ia kia koutou le maoki leia na kau logo mei le Atua. Na leaise fai fua le nea lena e Apalaamo. 41Kae ko koutou, e kotou fai a gaoi o lokoutou tamana. Na lotou pati loa kiate ia : E leaise ko ni toe taka matou ; e motou maua se tamana e tasi, ko le Atua. 42Na pati loa Sesu kia latou : Kanapau na koutou tamana ki le Atua, e kotou alofa loa kiate au, talie na kau au mei le Atua, ti ko ia leia na kakau ia mai au ki leinei ; na leaise kau au i loku loto faitalisa, kae ko ia leia na kakau ia mai au. 43Kolea e leaise kotou matala ai ki laku masau ? Talie e leaise mafai ke kotou fakalogo ki laku folafola. 44E kotou tamana kia Satana, ti e kotou fia fakasoko a oli o lokoutou tamana. Na tukipo a ia talu mei le kamataaga, ti e leaise nofo a ia i le maoki, talie e leaise maoki iate ia. Ka puaki e ia le loi, e masau a ia mei lona takele totonu ; talie e loi a ia ti ko le tamana a ia o le loi. 45Ti ko au, talie e kau fakasa le maoki, e leaise kotou tui mai kiate au. 46Ko ai ia koutou e maua ia loa se agasala iate au ? Kapau e kau fakasa le maoki, kolea e leaise kotou tui mai ai loa kiate au ? 47Ko leia e tupu mei le Atua e fakalogo a ia ki folafola a le Atua ; e leaise kotou fakalogo, talie e leaise kotou tupu mei le Atua.
Sesu mo Apalaamo
48Na tali loa le kau Sutea kiate ia : Pe leaise motou maoki koia i lamatou pati ko se Samalia a koe, ti e nofo se temonio iate koe ? 49Na toe tali loa Sesu : E leaise nofo se temonio iate au ; kae e kau fakaapaapa ki loku Tamana, ti e kotou lauveli mai kiate au. 50E leaise kau afa fua loku kololia, e i ai se tasi leia e afa ia a ia ti e fakamaaui. 51E maoki, e maoki, e kau pati atu kia koutou, kapau e tausi e se tasi laku folafola, e leaise tio loa a ia i se aso ki le mate. 52Na pati loa le kau Sutea kiate ia : I le lakaga nei, e motou iloa e nofo iate koe se temonio. Kua mate Apalaamo, mo le kau polofeta foki, ti e ke pati : Ko leia e tausi ia laku folafola e leaise mate loa a ia i se aso. 53Pe ke lasi ake i lomatou tamana ko Apalaamo, leia kua mate ? Kua mamate foki mo le kau polofeta. E ke pati ko ai a koe ? 54Na tali loa Sesu : Kapau e kau fakakololia kiate au totonu, ti e noa loku kololia. Ko loku Tamana leia e fakakololia kiate au, a ia leia e kotou pati ko lokoutou Atua, 55kae e leaise kotou iloa fua a ia ; ko au, e kau iloa a ia ; ti kapau e kau pati e leaise kau iloa a ia, e kau tatau loa mo koutou, ko se tagata gutu loiloi. Kae e kau iloa a ia, ti e kau fai lana folafola. 56Na matuaki fiafia Apalaamo, lokoutou tamana, ke tio ki loku aso : Ti na tio a ia ki ai, ti na fiafia a ia. 57Na pati loa le kau Sutea kiate ia : E leikiaise ke fetuu kau lima, ti kua ke tio kia Apalaamo ! 58Na pati loa Sesu kia latou : E maoki, e maoki, e kau pati atu kia koutou, i mua o le tupu o Apalaamo, e kau agai.
59I le nea lena, na lotou too loa ni fatu ke tuki a ia ; kae na mumuni loa Sesu, o mavae mei le fale tapu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Société Biblique de Genève, 2000-2020