SENESI 21
21
Tupu o Isaake
1Nee manatu leva te Eteleno ki te mea ae nee ina fakaha kia Sala, pea nee fakahoko leva e te Eteleno kia Sala tana fakapapau. 2Nee faitama leva ia Sala, pea nee ina fanaui leva he foha kia Apalahamo i tona temi matua, i te temi totonu ae nee fakaha e te Atua kia ia. 3Nee foaki leva e Apalahamo te higoa ko Isaake ki te foha ae nee tupu kia ia, ae nee fanaui e Sala kia ia. 4Nee silikosisioi leva e Apalahamo tona foha ko Isaake, i tona aho valu, o mulimuli ki te fakatotonu a te Atua kia ia. 5Nee tau teau ia Apalahamo i te tupu o tona foha ko Isaake. 6Pea nee ui leva e Sala: Kua au kata i te fiafia o tupu ko te Atua, pea ko ae e logo anai ki te higoa o Isaake e kata anai kia au. 7Pea nee ina toe ui leva: Ko ai ae nee feala ke ina ui kia Apalahamo: E fakahuhu anai e Sala ni fanau? Pea koeni kua au fanaui kia ia he tama i tona temi matua.
8Nee tupu ake leva te fanau o lahi, pea nee vavae leva ia ia; pea nee fai leva e Apalahamo he kai lahi i te aho ae nee vavae ai ia Isaake.
Akale i te toafa mo tana tama
9Nee sio leva ia Sala nee kata te foha ae nee fanaui e Akale, fafine Esipito, kia Apalahamo; 10pea nee ina ui leva kia Apalahamo: Kapu te fafine faifekau aena mo tana tama, koteuhi e mole mau tofiga anai te foha o te fafine faifekau aena mo toku foha ko Isaake. 11Nee mamahi osi te palalau aia kia Apalahamo, koteuhi ko tona foha. 12Kae nee ui leva e te Atua kia Apalahamo: Aua naa mamahi tou loto, o tupu ko te fanau mo tau fafine faifekau. Tuku kia Sala te u mea fuli ae e ina kole atu anai kia koe; koteuhi ko Isaake ae e hau anai mai ai tou hakoga totonu. 13E au toe fakatupu foki he puleaga mai te foha o tau fafine faifekau; koteuhi ko tou hakoga aia.
14Nee tuu ake leva ia Apalahamo kei uhu; pea nee ina too leva he pane mo he hina vai o foaki kia Akale, o hili ki tona fugauma; pea nee ina toe fakatoo kia ia te tama, pea nee ina fekau leva ia Akale ke alu. Nee alu ai leva ia Akale, pea nee hehe leva ia ia i te toafa o Pele-Sepa. 15I te ago o te hina vai, nee ina tuku leva te toe i lalo o he kii fuu akau, 16kae nee alu leva ia ia o nofo kehe, o mamao mai te fanau i he kaui nahau nee nahaui. Koteuhi nee ina ui leva: Ke aua naa au sio ki te mate o taku tama! Nee lala leva ia ia i te kogamea aena o sio ki te kogamea ae nee nofo ai tana tama, pea nee tagi leo lahi leva ia ia. 17Nee logo leva te Atua ki te leo o te fanau; pea nee kalaga leva te aselo a te Atua mai te lagi kia Akale, o ui: Kotea ae e ke mamahi ai, Akale? Aua naa ke mataku, koteuhi kua logo te Atua ki te leo o te fanau i te kogamea ae e nofo ai. 18Tuu ki oluga, o too te fanau, o kukumi ia ia i tou nima; koteuhi e au fakaliliu anai ia ia ko he puleaga lahi. 19Pea nee avahi leva e te Atua ona mata, pea nee sio leva ia ia ki he vaikeli; nee alu leva ia ia o uutu tona hina vai, o fakainu ai te fanau. 20Nee nofo leva te Atua mo te fanau, pea nee tupu leva ia ia o lahi, pea nee nofo leva ia ia i te toafa, pea nee liliu leva ia ia ko he tagata fai nahau. 21Nee nofo leva ia Isemaele i te toafa o Palani, pea nee alu leva tana fae o kumi age hona ohoana mai te fenua o Esipito.
Apalahamo i Pele-Sepa
22I te temi aia, nee alu leva ia Apimeleke mo Pikoli, ko te pule o tana solia, o palalau kia Apalahamo, o ui: E kau te Atua mo koe i te u mea fuli ae e ke fai. 23Fakapapau mai kia au i te aho aeni, i te kogamea aeni, i te huafa o te Atua, e mole anai ke kakaai au i he aho, pe ko aku fanau, pe ko te u fanau o aku fanau, pea e ke agalelei anai kia au mo te fenua aeni ae e ke nofo ai, o hage ko taku agalelei kia koe. 24Pea nee ui leva e Apalahamo: E au fakapapau atu. 25Pea nee fai leva e Apalahamo kia Apimeleke ni valoki o tupu ko he vaikeli ae nee too fakamalohi e te u tagata faifekau a Apimeleke. 26Nee tali leva e Apimeleke: E mole au iloi pe ko ai nee ina fai te mea aia; nee mole ke fakaha mai kia au, pea ko au, ko taku hoki iloi te mea aia i te aho nei. 27Pea nee too leva e Apalahamo ni ovi fafine mo ni pipi tagata, o foaki kia Apimeleke; pea nee na fai leva he fakapapau i te kogamea aia. 28Nee vahei kehe leva e Apalahamo ni ovi fafine mui e fitu. 29Pea nee ui leva e Apimeleke kia Apalahamo: Kotea te u ovi fafine mui aena e fitu ae kua ke vahei kehe? 30Pea nee tali leva e Apalahamo: Ke ke tali te u ovi fafine aeni e fitu e au foaki atu kia koe, o tupu ke fakamooni ai ko au ae nee au keli te vaikeli aeni. 31Koia ae nee fakahigoa ai te kogamea aena ko Pele-Sepa; koteuhi ko te kogamea aia ae nee na fai ai te hai. 32Nee na fai te hai i Pele-Sepa. I te osi o te mea aia nee tuu ake leva ia Apimeleke mo Pikoli, ko te pule o tana solia, o toe liliu ki te fenua o te kau Filisitini. 33Nee to leva e Apalahamo ni tamalisi i Pele-Sepa; pea nee ina paui leva te huafa o te Eteleno, ko te Atua o te heegata. 34Nee nofo leva ia Apalahamo o fualoa i te fenua o te kau Filisitini.
Currently Selected:
SENESI 21: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
SENESI 21
21
Tupu o Isaake
1Nee manatu leva te Eteleno ki te mea ae nee ina fakaha kia Sala, pea nee fakahoko leva e te Eteleno kia Sala tana fakapapau. 2Nee faitama leva ia Sala, pea nee ina fanaui leva he foha kia Apalahamo i tona temi matua, i te temi totonu ae nee fakaha e te Atua kia ia. 3Nee foaki leva e Apalahamo te higoa ko Isaake ki te foha ae nee tupu kia ia, ae nee fanaui e Sala kia ia. 4Nee silikosisioi leva e Apalahamo tona foha ko Isaake, i tona aho valu, o mulimuli ki te fakatotonu a te Atua kia ia. 5Nee tau teau ia Apalahamo i te tupu o tona foha ko Isaake. 6Pea nee ui leva e Sala: Kua au kata i te fiafia o tupu ko te Atua, pea ko ae e logo anai ki te higoa o Isaake e kata anai kia au. 7Pea nee ina toe ui leva: Ko ai ae nee feala ke ina ui kia Apalahamo: E fakahuhu anai e Sala ni fanau? Pea koeni kua au fanaui kia ia he tama i tona temi matua.
8Nee tupu ake leva te fanau o lahi, pea nee vavae leva ia ia; pea nee fai leva e Apalahamo he kai lahi i te aho ae nee vavae ai ia Isaake.
Akale i te toafa mo tana tama
9Nee sio leva ia Sala nee kata te foha ae nee fanaui e Akale, fafine Esipito, kia Apalahamo; 10pea nee ina ui leva kia Apalahamo: Kapu te fafine faifekau aena mo tana tama, koteuhi e mole mau tofiga anai te foha o te fafine faifekau aena mo toku foha ko Isaake. 11Nee mamahi osi te palalau aia kia Apalahamo, koteuhi ko tona foha. 12Kae nee ui leva e te Atua kia Apalahamo: Aua naa mamahi tou loto, o tupu ko te fanau mo tau fafine faifekau. Tuku kia Sala te u mea fuli ae e ina kole atu anai kia koe; koteuhi ko Isaake ae e hau anai mai ai tou hakoga totonu. 13E au toe fakatupu foki he puleaga mai te foha o tau fafine faifekau; koteuhi ko tou hakoga aia.
14Nee tuu ake leva ia Apalahamo kei uhu; pea nee ina too leva he pane mo he hina vai o foaki kia Akale, o hili ki tona fugauma; pea nee ina toe fakatoo kia ia te tama, pea nee ina fekau leva ia Akale ke alu. Nee alu ai leva ia Akale, pea nee hehe leva ia ia i te toafa o Pele-Sepa. 15I te ago o te hina vai, nee ina tuku leva te toe i lalo o he kii fuu akau, 16kae nee alu leva ia ia o nofo kehe, o mamao mai te fanau i he kaui nahau nee nahaui. Koteuhi nee ina ui leva: Ke aua naa au sio ki te mate o taku tama! Nee lala leva ia ia i te kogamea aena o sio ki te kogamea ae nee nofo ai tana tama, pea nee tagi leo lahi leva ia ia. 17Nee logo leva te Atua ki te leo o te fanau; pea nee kalaga leva te aselo a te Atua mai te lagi kia Akale, o ui: Kotea ae e ke mamahi ai, Akale? Aua naa ke mataku, koteuhi kua logo te Atua ki te leo o te fanau i te kogamea ae e nofo ai. 18Tuu ki oluga, o too te fanau, o kukumi ia ia i tou nima; koteuhi e au fakaliliu anai ia ia ko he puleaga lahi. 19Pea nee avahi leva e te Atua ona mata, pea nee sio leva ia ia ki he vaikeli; nee alu leva ia ia o uutu tona hina vai, o fakainu ai te fanau. 20Nee nofo leva te Atua mo te fanau, pea nee tupu leva ia ia o lahi, pea nee nofo leva ia ia i te toafa, pea nee liliu leva ia ia ko he tagata fai nahau. 21Nee nofo leva ia Isemaele i te toafa o Palani, pea nee alu leva tana fae o kumi age hona ohoana mai te fenua o Esipito.
Apalahamo i Pele-Sepa
22I te temi aia, nee alu leva ia Apimeleke mo Pikoli, ko te pule o tana solia, o palalau kia Apalahamo, o ui: E kau te Atua mo koe i te u mea fuli ae e ke fai. 23Fakapapau mai kia au i te aho aeni, i te kogamea aeni, i te huafa o te Atua, e mole anai ke kakaai au i he aho, pe ko aku fanau, pe ko te u fanau o aku fanau, pea e ke agalelei anai kia au mo te fenua aeni ae e ke nofo ai, o hage ko taku agalelei kia koe. 24Pea nee ui leva e Apalahamo: E au fakapapau atu. 25Pea nee fai leva e Apalahamo kia Apimeleke ni valoki o tupu ko he vaikeli ae nee too fakamalohi e te u tagata faifekau a Apimeleke. 26Nee tali leva e Apimeleke: E mole au iloi pe ko ai nee ina fai te mea aia; nee mole ke fakaha mai kia au, pea ko au, ko taku hoki iloi te mea aia i te aho nei. 27Pea nee too leva e Apalahamo ni ovi fafine mo ni pipi tagata, o foaki kia Apimeleke; pea nee na fai leva he fakapapau i te kogamea aia. 28Nee vahei kehe leva e Apalahamo ni ovi fafine mui e fitu. 29Pea nee ui leva e Apimeleke kia Apalahamo: Kotea te u ovi fafine mui aena e fitu ae kua ke vahei kehe? 30Pea nee tali leva e Apalahamo: Ke ke tali te u ovi fafine aeni e fitu e au foaki atu kia koe, o tupu ke fakamooni ai ko au ae nee au keli te vaikeli aeni. 31Koia ae nee fakahigoa ai te kogamea aena ko Pele-Sepa; koteuhi ko te kogamea aia ae nee na fai ai te hai. 32Nee na fai te hai i Pele-Sepa. I te osi o te mea aia nee tuu ake leva ia Apimeleke mo Pikoli, ko te pule o tana solia, o toe liliu ki te fenua o te kau Filisitini. 33Nee to leva e Apalahamo ni tamalisi i Pele-Sepa; pea nee ina paui leva te huafa o te Eteleno, ko te Atua o te heegata. 34Nee nofo leva ia Apalahamo o fualoa i te fenua o te kau Filisitini.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland