EVASELIO A MALEKO 11
11
Ulu a Sesu ki Selusalemi
1I tanatou fakaovi ki Selusalemi, pea kua natou teuteu hu ki Petefase mo Petania, i te mouga o Oliveto, nee fekau leva e Sesu he toko lua o ana tisipulo, 2o ui kia naua: Kolua olo ki te kolo ae e tuu i okolua mua; i takolua ulu atu pe ki ai, e kolua mau anai he uhii asino kua hai, pea nee heeki heka ki ai he tagata; kolua vevete ia ia, pea kolua aumai ia ia. 3Kapau e ui atu anai e he tahi kia kolua: Kotea e kolua fai ai te mea aia? Kolua tali: E aoga ia ia ki te Aliki. Pea e ina tuku anai te uhii asino i te lakaga pe aia ke hau ki heni.
4Nee olo leva te u tisipulo, pea nee na mau leva te uhii asino kua hai i fafo o ovi ki he matapa, i he pikoga o te ala, pea nee na vevete leva ia ia. 5Ko ni ihi o natou ae nee nonofo i ai nee natou ui leva kia naua: Kotea e kolua fai? Kotea e kolua vevete ai te uhii asino aia? 6Nee na tali leva o hage ko te ui age a Sesu kia naua. Pea nee tuku leva ke na olo mo te asino. 7Nee na taki leva te uhii asino kia Sesu, pea nee na folahi leva i oluga o te asino ona kofu; pea nee heka leva ia Sesu ki ai. 8Nee fola holo leva e he hahai tokolahi onatou kofu i te ala, pea ko ihi ko ni vaa akau nee natou tuusi leva mai te u gaueaga. 9Ko natou ae nee olo i mua pea mo natou ae nee olo i muli o Sesu, nee natou kalaga: Hosana! Manuia ia ae e haele mai i te huafa o te Aliki! 10Manuia te puleaga e haele mai, te puleaga o tatatou tamai ko Tavite! Hosana i te u potu maoluga aupito!
11Nee hu leva ia Sesu ki Selusalemi, ki te fale tapu: I te osi o tana vakai te u mea fuli pe, pea kua hoko mai mo te afiafi, nee alu leva ia ia ki Petania mo te toko hogofulu ma lua.
Te fuu fiki paa
12I te aho ake, i tanatou mavae mai Petania, nee fia kai leva ia Sesu. 13I tana sio mai mamao ki he fuu fiki laulau, nee alu leva ia ia o sio pe e ina mau anai i ai he mea; pea, i tana fakaoviovi ki ai, nee ina mau leva ni lau atea pe, koteuhi e mole ko te temi taukai aia o te fiki. 14Pea nee ina ui leva ki te fiki: Ke aua naa kai he tahi ki tou fua i he aho! Pea nee logo leva ana tisipulo ki ai.
Kapu o te kau faikoloa i te fale tapu
15Nee natou kaku leva ki Selusalemi, pea nee hu leva ia Sesu ki te fale tapu. Nee ina kamata kapu leva natou ae nee faifakatau mo totogi mea i te fale tapu; nee ina tokatokahi leva te u laupapa a te kau fetogi paaga, pea mo te u hekaaga o te kau fakatau lupe; 16pea nee mole ina tuku he tahi ke alu mo he kavega i te fale tapu. 17Pea nee akonaki ia ia, o ui: Pe nee mole tohi:
E higoa anai toku fale ko he fale faikole ki te u puleaga fuli?
Kae ko koutou, kua kotou fakaliliu ia ia ko he ana o te u tagata kaihaa.
18Ko te kau pule faisakilifisio mo te kau sekelipa, i tanatou logo kia ia, nee natou kumi leva ni puleaki ke tamatei ia ia; koteuhi nee natou teki kia ia, o tupu kua ofo te hahai katoa i tana akonaki.
19I te hau o te afiafi, nee mavae leva ia Sesu i te kolo.
Te kole a te tui
20I te uhu, i tanatou fakalaka i te ala, nee sio leva te kau tisipulo ki te fuu fiki kua moamoa o kaku ki ona aka. 21Nee fakamanatu leva e Petelo te mea nee hoko, o ui kia Sesu: Pule, sio, kua moamoa te fuu fiki ae nee ke tutukui. 22Nee palalau leva ia Sesu, o ui kia natou: Kotou tui ki te Atua. 23E au ui mooni atu kia koutou, kapau e ui e he tahi ki te mouga aena: Mavae mai hena pea ke fakato ki te tai, pea kapau e mole lotolotolua ia ia i tona loto, kae e tui e hoko te mea ae e ina ui ki ai, pea e sio anai ia ia ki te fakahoko o te mea aia. 24Koia e au ui atu ai kia koutou: Ko te u mea fuli ae e kotou kole anai i te faihufaki, kotou tui kua kotou mau natou, pea e kotou sisio anai ki tonatou fakahoko. 25Pea, kapau e kotou tutuu i oluga o fai takotou kole, kae kotou nonofo mo he mea ki he tahi, kotou fakamolemole, o tupu ke fakamolemole foki akotou agahala e takotou Tamai ae e nofo i te atu lagi. 26Kae kapau e mole kotou fakamolemole, e mole fakamolemole foki e takotou Tamai ae e nofo i te atu lagi akotou agahala.
Te fakafihii o te pule a Sesu
27Nee natou toe olo leva ki Selusalemi. I te evaeva a Sesu i te fale tapu, nee omai leva kia ia te kau pule faisakilifisio, mo te kau sekelipa, mo te kau matua, 28o ui: Ko te pule fea ae e ke fai ai te u mea aena, pea ko ai ae nee ina foaki atu kia koe te pule ke fai ai te u mea aena? 29Nee tali leva e Sesu kia natou: E au toe fai atu anai kia koutou he tahi fehui, kotou tali mai ki ai, pea e au fakaha atu anai kia koutou pe ko te pule fea ae e au fai ai te u mea aeni. 30Pe e hau te papitema a Soane mai te lagi pee mai te u tagata? Kotou tali mai kia au. 31Kae nee natou ui fenei leva ia natou: Kapau e tou tali: Mai lagi, e ina ui anai: Kotea nee mole kotou tui ai kia ia? 32Pea kapau e tou tali: Mai te u tagata… Nee natou tuania ia te hahai, koteuhi nee natou taofi fuli ko he polofeta mooni ia Soane. 33Koia nee natou tali leva kia Sesu: E mole matou iloi. Pea nee ui leva e Sesu kia natou: Mo au foki, e mole au fakaha atu anai kia koutou pe ko te pule fea ae e au fai ai te u mea aeni.
Currently Selected:
EVASELIO A MALEKO 11: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
EVASELIO A MALEKO 11
11
Ulu a Sesu ki Selusalemi
1I tanatou fakaovi ki Selusalemi, pea kua natou teuteu hu ki Petefase mo Petania, i te mouga o Oliveto, nee fekau leva e Sesu he toko lua o ana tisipulo, 2o ui kia naua: Kolua olo ki te kolo ae e tuu i okolua mua; i takolua ulu atu pe ki ai, e kolua mau anai he uhii asino kua hai, pea nee heeki heka ki ai he tagata; kolua vevete ia ia, pea kolua aumai ia ia. 3Kapau e ui atu anai e he tahi kia kolua: Kotea e kolua fai ai te mea aia? Kolua tali: E aoga ia ia ki te Aliki. Pea e ina tuku anai te uhii asino i te lakaga pe aia ke hau ki heni.
4Nee olo leva te u tisipulo, pea nee na mau leva te uhii asino kua hai i fafo o ovi ki he matapa, i he pikoga o te ala, pea nee na vevete leva ia ia. 5Ko ni ihi o natou ae nee nonofo i ai nee natou ui leva kia naua: Kotea e kolua fai? Kotea e kolua vevete ai te uhii asino aia? 6Nee na tali leva o hage ko te ui age a Sesu kia naua. Pea nee tuku leva ke na olo mo te asino. 7Nee na taki leva te uhii asino kia Sesu, pea nee na folahi leva i oluga o te asino ona kofu; pea nee heka leva ia Sesu ki ai. 8Nee fola holo leva e he hahai tokolahi onatou kofu i te ala, pea ko ihi ko ni vaa akau nee natou tuusi leva mai te u gaueaga. 9Ko natou ae nee olo i mua pea mo natou ae nee olo i muli o Sesu, nee natou kalaga: Hosana! Manuia ia ae e haele mai i te huafa o te Aliki! 10Manuia te puleaga e haele mai, te puleaga o tatatou tamai ko Tavite! Hosana i te u potu maoluga aupito!
11Nee hu leva ia Sesu ki Selusalemi, ki te fale tapu: I te osi o tana vakai te u mea fuli pe, pea kua hoko mai mo te afiafi, nee alu leva ia ia ki Petania mo te toko hogofulu ma lua.
Te fuu fiki paa
12I te aho ake, i tanatou mavae mai Petania, nee fia kai leva ia Sesu. 13I tana sio mai mamao ki he fuu fiki laulau, nee alu leva ia ia o sio pe e ina mau anai i ai he mea; pea, i tana fakaoviovi ki ai, nee ina mau leva ni lau atea pe, koteuhi e mole ko te temi taukai aia o te fiki. 14Pea nee ina ui leva ki te fiki: Ke aua naa kai he tahi ki tou fua i he aho! Pea nee logo leva ana tisipulo ki ai.
Kapu o te kau faikoloa i te fale tapu
15Nee natou kaku leva ki Selusalemi, pea nee hu leva ia Sesu ki te fale tapu. Nee ina kamata kapu leva natou ae nee faifakatau mo totogi mea i te fale tapu; nee ina tokatokahi leva te u laupapa a te kau fetogi paaga, pea mo te u hekaaga o te kau fakatau lupe; 16pea nee mole ina tuku he tahi ke alu mo he kavega i te fale tapu. 17Pea nee akonaki ia ia, o ui: Pe nee mole tohi:
E higoa anai toku fale ko he fale faikole ki te u puleaga fuli?
Kae ko koutou, kua kotou fakaliliu ia ia ko he ana o te u tagata kaihaa.
18Ko te kau pule faisakilifisio mo te kau sekelipa, i tanatou logo kia ia, nee natou kumi leva ni puleaki ke tamatei ia ia; koteuhi nee natou teki kia ia, o tupu kua ofo te hahai katoa i tana akonaki.
19I te hau o te afiafi, nee mavae leva ia Sesu i te kolo.
Te kole a te tui
20I te uhu, i tanatou fakalaka i te ala, nee sio leva te kau tisipulo ki te fuu fiki kua moamoa o kaku ki ona aka. 21Nee fakamanatu leva e Petelo te mea nee hoko, o ui kia Sesu: Pule, sio, kua moamoa te fuu fiki ae nee ke tutukui. 22Nee palalau leva ia Sesu, o ui kia natou: Kotou tui ki te Atua. 23E au ui mooni atu kia koutou, kapau e ui e he tahi ki te mouga aena: Mavae mai hena pea ke fakato ki te tai, pea kapau e mole lotolotolua ia ia i tona loto, kae e tui e hoko te mea ae e ina ui ki ai, pea e sio anai ia ia ki te fakahoko o te mea aia. 24Koia e au ui atu ai kia koutou: Ko te u mea fuli ae e kotou kole anai i te faihufaki, kotou tui kua kotou mau natou, pea e kotou sisio anai ki tonatou fakahoko. 25Pea, kapau e kotou tutuu i oluga o fai takotou kole, kae kotou nonofo mo he mea ki he tahi, kotou fakamolemole, o tupu ke fakamolemole foki akotou agahala e takotou Tamai ae e nofo i te atu lagi. 26Kae kapau e mole kotou fakamolemole, e mole fakamolemole foki e takotou Tamai ae e nofo i te atu lagi akotou agahala.
Te fakafihii o te pule a Sesu
27Nee natou toe olo leva ki Selusalemi. I te evaeva a Sesu i te fale tapu, nee omai leva kia ia te kau pule faisakilifisio, mo te kau sekelipa, mo te kau matua, 28o ui: Ko te pule fea ae e ke fai ai te u mea aena, pea ko ai ae nee ina foaki atu kia koe te pule ke fai ai te u mea aena? 29Nee tali leva e Sesu kia natou: E au toe fai atu anai kia koutou he tahi fehui, kotou tali mai ki ai, pea e au fakaha atu anai kia koutou pe ko te pule fea ae e au fai ai te u mea aeni. 30Pe e hau te papitema a Soane mai te lagi pee mai te u tagata? Kotou tali mai kia au. 31Kae nee natou ui fenei leva ia natou: Kapau e tou tali: Mai lagi, e ina ui anai: Kotea nee mole kotou tui ai kia ia? 32Pea kapau e tou tali: Mai te u tagata… Nee natou tuania ia te hahai, koteuhi nee natou taofi fuli ko he polofeta mooni ia Soane. 33Koia nee natou tali leva kia Sesu: E mole matou iloi. Pea nee ui leva e Sesu kia natou: Mo au foki, e mole au fakaha atu anai kia koutou pe ko te pule fea ae e au fai ai te u mea aeni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland