Luke 18
18
Chimemi no Tamo no Qhüiniju keu Holetsa
1Tisheno Jisü no akhopemiqo pelo aghüthi sǜvemo püzü tamo no inikhu ape niye aholetsa lakhi pitsüe. 2Pa no pi, “Mishiphu lakhi lo xaküthami lakhi ache, pa ye Alhou sümsa chemo momu timiqo no kiu kümsü ani keno tipau ithi tsüchemoe. 3Eno mishiphu tipau lo chimemi lakhi no alhokuthu pa lau ighino ishi pi ache, ‘I ghümi lau no I saphu tsülo.’
4“Ado khami dolo xaküthau ye li milive ache. Ikemu ashekha lau ye pa no ishi kümsü, ‘Ni ye Alhou sümsa chemo momu timiqo no kiu kümsü ani keno tipau ithi tsüchemoe ikemu 5chimemi hipau no hijejehi I pünaqhi akeu ghenguno ni ye li pelo achipiu xakütha ithuluve penia kena. Tishianguno li ye ighino I züpüzümove nani!’ ”
6Eno Ampeu no pi: “Ti achipikumou xaküthau no kiu pi akeno inilo. 7Eno Alhou ye pa no kisheluve kemi khunoqo no putho-pucho pa lau ighamuku acheni keno saphumoni keshea? Pa ye panongu kuphuni keu munu auve nani keshea? 8I no nongu vilo pìní, pa ye paikhavi panongu ghenguno achipiu xakütha shitsü nani. Tishimu, Timi Nu no ayeghi lo ighi kelo, pa pülü kemi phulu nanima?”
Phariseemi eno Zame Küqhami Holetsa
9Timi khunoqo no pano ye amikuchomi kepi pano kümsüpivi no kütamiqo thaigha cheni keno tipaqo lau Jisü no aholetsa hipau pi: 10“Ghuthu lakhi timi kini achineki lo inikhu niye wue, lakhi no Phariseemi eno kütami lakhiu ye zame küqhami. 11Phariseemi hu ye pakütashi puthugho no ishi inikhu: ‘Alhou, I no O shikimthi akeu ye kütami toi I pelo süxakulumi, küsaküghami, shupumi momu zame küqhami hipau toi pemo ke. 12Ni ye apinedo lo ghuthu kini kümvü cheni, eno I no alá shikulu kümtsü lo saje chighí pesü tsü acheni.’
13“Ikemu zame küqhau ye putou puthugho no pa gi atsütsǘ küdaumu jupukumoe, ikemu pa mülà kukhu ghi pi, ‘O Alhou, I kimiye tsülo, ni ye axinemi lakhie.’
14“I no nongu vilo pìní, Phariseemi hu no kumo no zame küqhau no Alhou lau achipikaluve no aki lo wovae. Kughengu khuno no alikhi ampi pesü süqhe cheni keno kuchunuve nani eno khuno no alikhi ampi pesü kuchunu cheni keno süqheve nani.”
Jisü eno Itimiqo
15Timiqo no Jisü pelo panongu ngaqo shou au be no kümgha tsüpe niye pa lau saighi. Kughou akhopemiqo no hi ithulu keno, panongu lomipi. 16Ikemu Jisü no itimiqo pa lau ighi penike ku eno pi: “Itimiqo pelo I lau ighi pelo! Panongu lakha kevilo, kughengu Alhou kükaphu ye hitoi kemiqow ke. 17Kuchou no I no nongu vilo piani, timi khuu no itimi lakhi toi Alhou kükaphu ikhilumoni keno khilemu Alhou kükaphu lo ilo müla nani.”
Kiními eno Alhou Kükaphu
18Sakiphemi lakhi no Jisü vilo iniju: “Akükütsüu akiviu, lhokta küxü ithulu nike ghenguno ni ye kiu shi moayesa kea?”
19Jisü no pa khochile, “No ye kushiye I vilo akiviu ipi ku ani kea? Alhou likhi no thono khumu akiviu kumoe. 20Azakütsüqo hu nono ithi ani: ‘No ye timi ghiqhi kevilo, no ye shupu kevilo, no ye püka kevilo, no ye akimiki thopi shi kevilo, O pù eno O zá gihu lo.’#18:20 Ipe 20:12-16; Zaki 5:16-20”
21Timi hu no khochile, “I no itimi shi aphi lono hipaqo kümtsü pelu ighivae.”
22Kughou Jisü no hi chilu keno, pa vilo pi: “No ye thime lakhi kupu mphie. O mheghi kümtsü jeve no kumlhomiqo tsüvelo, eno no ye kungugha lo O kinikhuki ania ke. Tisheno ighi püzü I papelo.”
23Ikemu kughou timi hu no hipau chilu keno pa ye shishe amlo save, kughengu pa ye ighono kiními ke. 24Jisü no pa ju no pi, “Kiními lakhi no Alhou kükaphu lo ilolu nikeu ye kiutoi kushokütsü kela! 25Kuchou no kiními lakhi no Alhou kükaphu lo ilolu nikeu ye sayeshi lakhi no ayipuki lono ipu-ipeve keu no akümláue.”
26Hipau chilu kemiqo no pa vilo iniju, “Tishiaye khunoqo no xalu nani kea?”
27Jisü no khochile, “Timi ghenguno kiu kushokütsü keno Alhou gholo ye shikulupu anie.”
28Peter no Jisü vilo pi: “Ningu ye O pape nike ghenguno ningu no akeu kümtsü qhikhavae.”
29Jisü no pi, “Kuchou no I no nongu vilo piani, khuno no Alhou kükaphu ghenguno aki qhive momu anipu, athiküzüu, achepu, apù-aza momu atianuli qhiveni keno 30pa no qhive keu nguno kutomo küghüsü ayeghi hipau lo ithulu chile nani, eno ighi nikeu ghuloki lo lhokta küxü ithulu nani.”
Jisü no Ghuthu Aküthüu Pa Kithí Vehu Pichho
31Jisü no akhopemi chighikini kütashi sawu no panongu vilo pi, “Ningu ye Jerusalem lo iqho niye anie eno tilehi no tungkupumiqo no Timi Nu vehu yèpüa keu thowkha shikupu nani. 32Pa ye Jewkumomiqo u lo phesüve nani. Panongu no pa thaigha, shikukujo eno amití pesü pa shou müsüte puku nani; 33panongu no akighikipili pe pa heqhi eno pìthíve nani. Eno pa ye atsala aküthüu lo xülethuve nani.”
34Akhopemiqo ye atsa hipaqo lakhimu vethamlae. Kughengu hipaqo tsa kiqi ye panongu lau no küsüve, eno panongu ye Jisü no kiu pi akeno mthae.
Anhethi Kighicheu Shipivi
35Kughou Jisü no Jericho kupunú ighi keno, anhethi kighichemi lakhi alaphe lo iqa ghi khuchua. 36Kughou aqokitikhi no pa hechesü wuche keu chilu keno, pa no hiye kiu shi ani kea ipi iniju. 37Timiqo no pa vilo pi, “Nazareth nó ghami Jisü no hechesü wu chenie.”
38Pa no ighamuku pi, “O David nu Jisü, I kimiyekütü tsülo!”
39Azüu cheche kemiqo no pa lomipi eno pa vilo inaqhoi shivelo ipia, ikemu pa no alau shi ighamuku kithe ghi ishi pi, “David nu, I kimiye tsülo!”
40Jisü no ngove eno anhethi kighicheu pa lau saighi penike azah tsüe. Kughou pa no kupunú ighi keno, Jisü no pa vilo iniju, 41“I pelo O ghenguno kiu shitsü penishi ani kea?”
Anhethi kighicheu no pi, “Ampeu, ni ye ithulu nishi anie.”
42Tile no Jisü no pa vilo pi, “Ithulu kithe luvelo, O küpülü no O shipivivae.” 43Ikelo paikhavi pa ye ithulu kitheluve no Alhou sheqhe ghi Jisü pape wuve. Kughou timi kümtsü no ti ithulu keno panongu ghí Alhou akishé tsüe.
Currently Selected:
Luke 18: STB
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.
Luke 18
18
Chimemi no Tamo no Qhüiniju keu Holetsa
1Tisheno Jisü no akhopemiqo pelo aghüthi sǜvemo püzü tamo no inikhu ape niye aholetsa lakhi pitsüe. 2Pa no pi, “Mishiphu lakhi lo xaküthami lakhi ache, pa ye Alhou sümsa chemo momu timiqo no kiu kümsü ani keno tipau ithi tsüchemoe. 3Eno mishiphu tipau lo chimemi lakhi no alhokuthu pa lau ighino ishi pi ache, ‘I ghümi lau no I saphu tsülo.’
4“Ado khami dolo xaküthau ye li milive ache. Ikemu ashekha lau ye pa no ishi kümsü, ‘Ni ye Alhou sümsa chemo momu timiqo no kiu kümsü ani keno tipau ithi tsüchemoe ikemu 5chimemi hipau no hijejehi I pünaqhi akeu ghenguno ni ye li pelo achipiu xakütha ithuluve penia kena. Tishianguno li ye ighino I züpüzümove nani!’ ”
6Eno Ampeu no pi: “Ti achipikumou xaküthau no kiu pi akeno inilo. 7Eno Alhou ye pa no kisheluve kemi khunoqo no putho-pucho pa lau ighamuku acheni keno saphumoni keshea? Pa ye panongu kuphuni keu munu auve nani keshea? 8I no nongu vilo pìní, pa ye paikhavi panongu ghenguno achipiu xakütha shitsü nani. Tishimu, Timi Nu no ayeghi lo ighi kelo, pa pülü kemi phulu nanima?”
Phariseemi eno Zame Küqhami Holetsa
9Timi khunoqo no pano ye amikuchomi kepi pano kümsüpivi no kütamiqo thaigha cheni keno tipaqo lau Jisü no aholetsa hipau pi: 10“Ghuthu lakhi timi kini achineki lo inikhu niye wue, lakhi no Phariseemi eno kütami lakhiu ye zame küqhami. 11Phariseemi hu ye pakütashi puthugho no ishi inikhu: ‘Alhou, I no O shikimthi akeu ye kütami toi I pelo süxakulumi, küsaküghami, shupumi momu zame küqhami hipau toi pemo ke. 12Ni ye apinedo lo ghuthu kini kümvü cheni, eno I no alá shikulu kümtsü lo saje chighí pesü tsü acheni.’
13“Ikemu zame küqhau ye putou puthugho no pa gi atsütsǘ küdaumu jupukumoe, ikemu pa mülà kukhu ghi pi, ‘O Alhou, I kimiye tsülo, ni ye axinemi lakhie.’
14“I no nongu vilo pìní, Phariseemi hu no kumo no zame küqhau no Alhou lau achipikaluve no aki lo wovae. Kughengu khuno no alikhi ampi pesü süqhe cheni keno kuchunuve nani eno khuno no alikhi ampi pesü kuchunu cheni keno süqheve nani.”
Jisü eno Itimiqo
15Timiqo no Jisü pelo panongu ngaqo shou au be no kümgha tsüpe niye pa lau saighi. Kughou akhopemiqo no hi ithulu keno, panongu lomipi. 16Ikemu Jisü no itimiqo pa lau ighi penike ku eno pi: “Itimiqo pelo I lau ighi pelo! Panongu lakha kevilo, kughengu Alhou kükaphu ye hitoi kemiqow ke. 17Kuchou no I no nongu vilo piani, timi khuu no itimi lakhi toi Alhou kükaphu ikhilumoni keno khilemu Alhou kükaphu lo ilo müla nani.”
Kiními eno Alhou Kükaphu
18Sakiphemi lakhi no Jisü vilo iniju: “Akükütsüu akiviu, lhokta küxü ithulu nike ghenguno ni ye kiu shi moayesa kea?”
19Jisü no pa khochile, “No ye kushiye I vilo akiviu ipi ku ani kea? Alhou likhi no thono khumu akiviu kumoe. 20Azakütsüqo hu nono ithi ani: ‘No ye timi ghiqhi kevilo, no ye shupu kevilo, no ye püka kevilo, no ye akimiki thopi shi kevilo, O pù eno O zá gihu lo.’#18:20 Ipe 20:12-16; Zaki 5:16-20”
21Timi hu no khochile, “I no itimi shi aphi lono hipaqo kümtsü pelu ighivae.”
22Kughou Jisü no hi chilu keno, pa vilo pi: “No ye thime lakhi kupu mphie. O mheghi kümtsü jeve no kumlhomiqo tsüvelo, eno no ye kungugha lo O kinikhuki ania ke. Tisheno ighi püzü I papelo.”
23Ikemu kughou timi hu no hipau chilu keno pa ye shishe amlo save, kughengu pa ye ighono kiními ke. 24Jisü no pa ju no pi, “Kiními lakhi no Alhou kükaphu lo ilolu nikeu ye kiutoi kushokütsü kela! 25Kuchou no kiními lakhi no Alhou kükaphu lo ilolu nikeu ye sayeshi lakhi no ayipuki lono ipu-ipeve keu no akümláue.”
26Hipau chilu kemiqo no pa vilo iniju, “Tishiaye khunoqo no xalu nani kea?”
27Jisü no khochile, “Timi ghenguno kiu kushokütsü keno Alhou gholo ye shikulupu anie.”
28Peter no Jisü vilo pi: “Ningu ye O pape nike ghenguno ningu no akeu kümtsü qhikhavae.”
29Jisü no pi, “Kuchou no I no nongu vilo piani, khuno no Alhou kükaphu ghenguno aki qhive momu anipu, athiküzüu, achepu, apù-aza momu atianuli qhiveni keno 30pa no qhive keu nguno kutomo küghüsü ayeghi hipau lo ithulu chile nani, eno ighi nikeu ghuloki lo lhokta küxü ithulu nani.”
Jisü no Ghuthu Aküthüu Pa Kithí Vehu Pichho
31Jisü no akhopemi chighikini kütashi sawu no panongu vilo pi, “Ningu ye Jerusalem lo iqho niye anie eno tilehi no tungkupumiqo no Timi Nu vehu yèpüa keu thowkha shikupu nani. 32Pa ye Jewkumomiqo u lo phesüve nani. Panongu no pa thaigha, shikukujo eno amití pesü pa shou müsüte puku nani; 33panongu no akighikipili pe pa heqhi eno pìthíve nani. Eno pa ye atsala aküthüu lo xülethuve nani.”
34Akhopemiqo ye atsa hipaqo lakhimu vethamlae. Kughengu hipaqo tsa kiqi ye panongu lau no küsüve, eno panongu ye Jisü no kiu pi akeno mthae.
Anhethi Kighicheu Shipivi
35Kughou Jisü no Jericho kupunú ighi keno, anhethi kighichemi lakhi alaphe lo iqa ghi khuchua. 36Kughou aqokitikhi no pa hechesü wuche keu chilu keno, pa no hiye kiu shi ani kea ipi iniju. 37Timiqo no pa vilo pi, “Nazareth nó ghami Jisü no hechesü wu chenie.”
38Pa no ighamuku pi, “O David nu Jisü, I kimiyekütü tsülo!”
39Azüu cheche kemiqo no pa lomipi eno pa vilo inaqhoi shivelo ipia, ikemu pa no alau shi ighamuku kithe ghi ishi pi, “David nu, I kimiye tsülo!”
40Jisü no ngove eno anhethi kighicheu pa lau saighi penike azah tsüe. Kughou pa no kupunú ighi keno, Jisü no pa vilo iniju, 41“I pelo O ghenguno kiu shitsü penishi ani kea?”
Anhethi kighicheu no pi, “Ampeu, ni ye ithulu nishi anie.”
42Tile no Jisü no pa vilo pi, “Ithulu kithe luvelo, O küpülü no O shipivivae.” 43Ikelo paikhavi pa ye ithulu kitheluve no Alhou sheqhe ghi Jisü pape wuve. Kughou timi kümtsü no ti ithulu keno panongu ghí Alhou akishé tsüe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.