Matt. 20
20
Atsayilu lo Akümlàmiqo Pesü Kimghi pìye
1“Kughengu kungugha kükaphu ye ayeghi pighimi lakhi no pa tsailu lo aqe-piqe nike akümlà kishimi phu niye inaqhe ithe ashou ipekeu hutoi ke. 2Pa no atsala lakhi jume#20:2 Momu denarius lakhi tsü nikeu pulove no pa tsailu lo panongu puwuve.
3“Inaqhe ayì tokú qhau pa no ashou ipe kelo alhikishi-a lo timi kütamiqo kiumu shimo no puthugho aghí keu ithulu. 4Pa no panongu vilo pi, ‘nongu ghí wu no I tsailu lo mülà lo, tishiaye nongu jume kiu ithulu küzüpu keno I no tsü nani ke.’ 5Ikehu panongu no huve.
“Itaghi pa no puchomghü lo eno avelau ayì küthü qhau ghí ashou ipe no titoi shike. 6Avelau ayì pungu qhau pa no ashou ipe kelo itaghi timi khamiqo tile puthugho pe aghí keu ithulu. Panongu vilo pa no ishi iniju, ‘Nongu ye kushiye atsala kupuju kiumu shimo no hile puthugho ngo ani kea?’ ”
7Panongu no ishi khochile. “ ‘Kughengu khuu nomu ningu aqe-piqe moke.’
“Pa no panongu vilo pi, ‘Nongu ghí wulo eno I tsailu lo mülà lo.’
8“Kughou avela shive keno, atsailu ampeu hu no pa kümlamìqo jukükütsüu vilo ishi pi, ‘Aqe-kiqemiqo kulo eno ashekha shi hu kemi lono huthusü atüghishi hu kemiqo kutólo panoqo jume tsüvelo.’
9“Aqe kiqemi avelau ayì pungu thiu no mülà kemiqo kümtsü ighino atsala lakhi jume ithulue. 10Ikehu aqe kiqemi khunoqo no atüghishi ighi keno, panongu ye alá ithulu nani kepi lakuju shiae. Ikemu panongu ghí kümtsü atsala lakhi jume ithulue. 11Kughou panongu no ti ithulu keno, ayeghi pighiu shou nhenheshi thuve. 12Panongu no pi, ‘Hi aqe kiqemi ashekha shi ighi keqo ye ayì kihedo lakhi likhi mülae, ikeghi nono panoqo pesü ningu khetsünhe no phuqhi atsala kupuju aghime shi mülà kemi sasü aqhemi shive tsüke.’
13“Ikemu pa no panongu dolo lakhi vilo ishi khochile, ‘Aküsàu, ni ye O shou achipikumou shipe püamoe. No ye atsala lakhi jume ghenguno mülà nikeu puloke kumo keshea? 14O jume luve no wovelo. I no ajume O tsü keu hutoi aqe-kiqeu ashekhau ghí tishi tsüní shi anike. 15I likhi iw pisa pesü I no kiu shinishi ani keno shini ke I chipiu küha keshea? Ikeo, I no tsükini shi akeu ghenguno O nheshuve kea?’
16“Ikehu ashekhami no atüghimi shive nani, eno tihutoi atüghimi no ashekhami shive nani.”
Jisü no Ghuthu Aküthüu Pa Kithí Ghili Pichho
17Kughou Jisü no Jerusalem lo iqho che keno, alà lo che kelo pa no akhopemi Chighikini kütashi sawu no ishi panoqo vilo pi, 18“Ningu ye Jerusalem lo iqho cheni, eno Timi Nu ye achinetomi eno ayeza kükütsümiqo u lo phesüve tsü nani. Panongu no pa pìthíve penike ghenguno pipüsaqhi nani 19eno pa junuqhi eno heqhi püzü yeda pìthíve penike ghenguno pa pesü Jewkumomiqo tsüve nani. Eno pa ye atsala aküthüu lo xülethuve nani!”
Azá Lakhi no Qhüiniju Keu
20Tile Zebedee nuliqo azá no sasü Jisü lau ighi, eno li no kuphutsü penike qhoqhünhe pe ngo no qhüiniju.
21“No ye kiu avehupu shi ani kea?” ipi Jisü no iniju.
Ikelo li no khochile, “O kükaphu ighi kelo I nu hi pama pelo lakhi no O u ajeu eno lakhi no O u piyiu ishi iqalupe kepu shi pulove tsülo.”
22Jisü no panongu vilo pi, “Nongu ye nongu no kiu khu ani keno ithi amoe, nongu ye I no aghime jikhu lono sho niye akeu sholu nani keshea?”
Panongu no khochile, “Ningu ye sholu nanie.”
23Jisü no panongu vilo pi, “Nongu ye kuchou no I jikhu lono sholu nani, ikemu ni ye timi lakhi pesü I u ajeu momu I u piyiu qhini ipi pilu kepu chipiu kühae. Hipaqo-a ye I pù no inahuu no khunoqo sala kutò pe qhivetsü akeno tipaqow ke.”
24Kughou pano chighí no hi chilu keno, panongu ye pama athiazü ju aghaideve. 25Jisü no panongu ku kumqo no ishi pi, “Nongu ye Jewkumomi ayekipemiqo no panow timiqo shou ampeu shi chekeu eno panonguw kichimi hiyampemiqo no panongu shou kükagha peitha chekeu ithi anie. 26Nongu dolo ye tishi kepu kumoe. Tike kumo no, nongu dolo khuu no akijeu shinishi ani keno, pa ye kütami qeu shi moayesae, 27eno khukhumu atüghiu shinishi aye kümtsü qeu shive moayesae, 28kughengu Timi Nu ghí kütami pelo pa qe peniye ighike kumoe, ikemu kütami qe niye ighike, eno pa küxü pesü tsü no timi kutomo xaphelu niye ighike.”
Anhethi Kighichemi Kini Shipivi
29Kughou Jisü ngò pa khopemiqo no Jericho qhive no wuche keno, timi kutomo no panongu pape che. 30Ikelo anhethi kighichemi kini alaphe lo iqa ae, eno kughou pama no Jisü ye tipa là züsü wucheni ipi chilu keno, pama no ishi ighamuku, “David Nu, Ampeu, nikujo kimiyekütü tsülo!”
31Aqokitikhi timiqo no pama vilo iqünheive lo pi alomipi, ikemu pama no alau shi ighamuku kithe ghi ishi pi, “David nu, Ampeu, nikujo kimiye tsülo!”
32Jisü no ngove püzü pama ku no ishi iniju. “I pelo nokujo ghenguno kiu shitsü penishi ani kea?”
33Pama no khochile, “Ampeu, nikujo ye ithulu nishi anie.”
34Jisü no pama kimiyeqhiyive eno pama nhethi buve tsü. Ikelo paikhavi pama ye ithulu kitheluve eno Jisü papesü wuve.
Currently Selected:
Matt. 20: STB
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.
Matt. 20
20
Atsayilu lo Akümlàmiqo Pesü Kimghi pìye
1“Kughengu kungugha kükaphu ye ayeghi pighimi lakhi no pa tsailu lo aqe-piqe nike akümlà kishimi phu niye inaqhe ithe ashou ipekeu hutoi ke. 2Pa no atsala lakhi jume#20:2 Momu denarius lakhi tsü nikeu pulove no pa tsailu lo panongu puwuve.
3“Inaqhe ayì tokú qhau pa no ashou ipe kelo alhikishi-a lo timi kütamiqo kiumu shimo no puthugho aghí keu ithulu. 4Pa no panongu vilo pi, ‘nongu ghí wu no I tsailu lo mülà lo, tishiaye nongu jume kiu ithulu küzüpu keno I no tsü nani ke.’ 5Ikehu panongu no huve.
“Itaghi pa no puchomghü lo eno avelau ayì küthü qhau ghí ashou ipe no titoi shike. 6Avelau ayì pungu qhau pa no ashou ipe kelo itaghi timi khamiqo tile puthugho pe aghí keu ithulu. Panongu vilo pa no ishi iniju, ‘Nongu ye kushiye atsala kupuju kiumu shimo no hile puthugho ngo ani kea?’ ”
7Panongu no ishi khochile. “ ‘Kughengu khuu nomu ningu aqe-piqe moke.’
“Pa no panongu vilo pi, ‘Nongu ghí wulo eno I tsailu lo mülà lo.’
8“Kughou avela shive keno, atsailu ampeu hu no pa kümlamìqo jukükütsüu vilo ishi pi, ‘Aqe-kiqemiqo kulo eno ashekha shi hu kemi lono huthusü atüghishi hu kemiqo kutólo panoqo jume tsüvelo.’
9“Aqe kiqemi avelau ayì pungu thiu no mülà kemiqo kümtsü ighino atsala lakhi jume ithulue. 10Ikehu aqe kiqemi khunoqo no atüghishi ighi keno, panongu ye alá ithulu nani kepi lakuju shiae. Ikemu panongu ghí kümtsü atsala lakhi jume ithulue. 11Kughou panongu no ti ithulu keno, ayeghi pighiu shou nhenheshi thuve. 12Panongu no pi, ‘Hi aqe kiqemi ashekha shi ighi keqo ye ayì kihedo lakhi likhi mülae, ikeghi nono panoqo pesü ningu khetsünhe no phuqhi atsala kupuju aghime shi mülà kemi sasü aqhemi shive tsüke.’
13“Ikemu pa no panongu dolo lakhi vilo ishi khochile, ‘Aküsàu, ni ye O shou achipikumou shipe püamoe. No ye atsala lakhi jume ghenguno mülà nikeu puloke kumo keshea? 14O jume luve no wovelo. I no ajume O tsü keu hutoi aqe-kiqeu ashekhau ghí tishi tsüní shi anike. 15I likhi iw pisa pesü I no kiu shinishi ani keno shini ke I chipiu küha keshea? Ikeo, I no tsükini shi akeu ghenguno O nheshuve kea?’
16“Ikehu ashekhami no atüghimi shive nani, eno tihutoi atüghimi no ashekhami shive nani.”
Jisü no Ghuthu Aküthüu Pa Kithí Ghili Pichho
17Kughou Jisü no Jerusalem lo iqho che keno, alà lo che kelo pa no akhopemi Chighikini kütashi sawu no ishi panoqo vilo pi, 18“Ningu ye Jerusalem lo iqho cheni, eno Timi Nu ye achinetomi eno ayeza kükütsümiqo u lo phesüve tsü nani. Panongu no pa pìthíve penike ghenguno pipüsaqhi nani 19eno pa junuqhi eno heqhi püzü yeda pìthíve penike ghenguno pa pesü Jewkumomiqo tsüve nani. Eno pa ye atsala aküthüu lo xülethuve nani!”
Azá Lakhi no Qhüiniju Keu
20Tile Zebedee nuliqo azá no sasü Jisü lau ighi, eno li no kuphutsü penike qhoqhünhe pe ngo no qhüiniju.
21“No ye kiu avehupu shi ani kea?” ipi Jisü no iniju.
Ikelo li no khochile, “O kükaphu ighi kelo I nu hi pama pelo lakhi no O u ajeu eno lakhi no O u piyiu ishi iqalupe kepu shi pulove tsülo.”
22Jisü no panongu vilo pi, “Nongu ye nongu no kiu khu ani keno ithi amoe, nongu ye I no aghime jikhu lono sho niye akeu sholu nani keshea?”
Panongu no khochile, “Ningu ye sholu nanie.”
23Jisü no panongu vilo pi, “Nongu ye kuchou no I jikhu lono sholu nani, ikemu ni ye timi lakhi pesü I u ajeu momu I u piyiu qhini ipi pilu kepu chipiu kühae. Hipaqo-a ye I pù no inahuu no khunoqo sala kutò pe qhivetsü akeno tipaqow ke.”
24Kughou pano chighí no hi chilu keno, panongu ye pama athiazü ju aghaideve. 25Jisü no panongu ku kumqo no ishi pi, “Nongu ye Jewkumomi ayekipemiqo no panow timiqo shou ampeu shi chekeu eno panonguw kichimi hiyampemiqo no panongu shou kükagha peitha chekeu ithi anie. 26Nongu dolo ye tishi kepu kumoe. Tike kumo no, nongu dolo khuu no akijeu shinishi ani keno, pa ye kütami qeu shi moayesae, 27eno khukhumu atüghiu shinishi aye kümtsü qeu shive moayesae, 28kughengu Timi Nu ghí kütami pelo pa qe peniye ighike kumoe, ikemu kütami qe niye ighike, eno pa küxü pesü tsü no timi kutomo xaphelu niye ighike.”
Anhethi Kighichemi Kini Shipivi
29Kughou Jisü ngò pa khopemiqo no Jericho qhive no wuche keno, timi kutomo no panongu pape che. 30Ikelo anhethi kighichemi kini alaphe lo iqa ae, eno kughou pama no Jisü ye tipa là züsü wucheni ipi chilu keno, pama no ishi ighamuku, “David Nu, Ampeu, nikujo kimiyekütü tsülo!”
31Aqokitikhi timiqo no pama vilo iqünheive lo pi alomipi, ikemu pama no alau shi ighamuku kithe ghi ishi pi, “David nu, Ampeu, nikujo kimiye tsülo!”
32Jisü no ngove püzü pama ku no ishi iniju. “I pelo nokujo ghenguno kiu shitsü penishi ani kea?”
33Pama no khochile, “Ampeu, nikujo ye ithulu nishi anie.”
34Jisü no pama kimiyeqhiyive eno pama nhethi buve tsü. Ikelo paikhavi pama ye ithulu kitheluve eno Jisü papesü wuve.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.