Mark 2
2
Jisü no Aphimpi Ithamlave kemi Kipimí qhitsü eno Shipivi
1Atsala hami thiu Jisü no Capernaum lo ideighi kelo timiqo no pa ye aki lo ighivea ipikeu sütsa chiluve. 2Timi kutomo kumqove kehu achebo lo a-a kühave püzü ahukikha khalau kutólo ghí a-a kühave, tisheno Jisü no Alhou tsa pesü panongu kütsüe. 3Ikelo timi khami no aphimpi ithamlave kemi lakhi xapusü Jisü lau ighi. Tiye timi bidí no xapu ighike. 4Panongu ye aqokitikhi ghenguno aküsǜu sasü Jisü phivilo wumlave kehu panongu no Jisü mishí lo aki kütsüqa kiyepheve no alà sheve püzü ayephu lo aküsǜu püzüve no kighiti piqie. 5Kughou Jisü no panongu küpülü ithulu keno, pa no aphimpi ithamlave keu vilo ishi pi, “Anu, O xinéqo qhivetsüae.”
6Tilehi ayeza kükütsümi khami ngo akemiqo no panongu mlo lo ishi kümsüju ae, 7“Timi hipau ye kushiye hitoi keu tsa piani kea? Pa ye Alhou pipütha anie! Alhou likhi no kumo aye khuu no axiné pevetsülu nani kea?”
8Jisü ye aghungu lono paikhavi panoqo mlo lo kiu kümsü ani keno ithive püzü panongu vilo ishi pi, “Nongu ye kushiye thime hipaqo kümsü ani kea? 9Khikhiu no akümláu kea: aphimpi ithamlave keu timi hipau vilo, ‘O xinéqo qhivetsüae,’ ipikeu no keo, ‘Ithuvelo, ow ayephu ikhipesü alà chelo,’ ipikeu no kea? 10kemu I no nongu pelo ithi penishi akeu ye Timi Nu ye ayeghi lo axinéqo qhivetsülu kepu kükagha anie.” Ike pa no aphimpi ithamlave keu vilo pi, 11“I no O vilo piani, ithulo, O züa ikhiqhelu no aki lo wovelo.” 12Pa no ithuve püzü pa yephu ikhiluve no panongu kümtsü nhekithe lono wuve. Timi kümtsü hi ithulu no akichiqhive eno panongu no Alhou sheqhe ghi ishi pi, “Ningu ye khilemu hikithipu ithumla aphie!”
Jisü no Levi Ku eno Axinemiqo Gholo Chu-sho
13Jisü no itaghi ashou ayizükucho phivilo wue. Timi kutomo no pa lau ighi, eno Jisü no panongu kütsüe. 14Pa no alà chesü wuche kelo, Alphaeus nu Levi ye zame küqhau’w hiyam lo iqa aghí keu ithulu. “I papelo,” ipi Jisü no pa vilo pi, eno Levi no ithuve no pa pape wuve.
15Jisü no Levi ki lo avela ghulhu chu akelo, pa pape chekemi zame küqhami eno achineye lo amlo tsüchemo kemiqo kutomo pa eno pa khopemiqo gholo chu-sho ae. 16Kughou ayeza kükütsümi Phariseemiqo no Jisü no achineye lo amlo tsüchemo kemi eno zame küqhamiqo gholo chu-sho akeu ithulu keno, panongu no Jisü khopemiqo vilo ishi iniju: “Kushiye pa ye zame küqhami eno axinemiqo gholo chu-sho ani kea?”
17Hi chilu kelo Jisü no panongu vilo ishi pi, “Küsükinimi no kumo aye ashi-aji viakemi ye shikipivimi avehupu shichemoe. Ni ye amikuchomiqo ku niye ighimoe, ikemu axinemiqo ku niye ighike.”
Jisü vilo Kümvü keu Vehu Iniju
18John khopemi eno Pharisee khopemiqo ye kümvü ae. Timi khami no ighino Jisü vilo ishi iniju, “John khopemi eno Pharisee khopemiqo ye kümvü cheni püzü O khopemiqo ye kíshi no kümvü chemo kea?”
19Jisü no khochile, “Külakupu lo kusüpüa kemiqo ye külapuu no panoqo gholo aphi lono kíshi no kümvüni kea? Panongu ye külapuu no panongu gholo ake thaqhülo tishi müla nanie. 20Külapuu ye panoqo gholo no ikhisüwuve kepu do ighi nani; eno tipau tsalà lono panongu no kümvü nani.
21“Khunomu aphì kithé pesü aphimini aqa shou pukhoda puku chemoe. Tishiaye, aphì kithé ye ixüve no aphimini aqa hu süxü kitheve nanie. 22Eno khunomu atsaizü akithé pesü ashiyikohughi aqaqo lo lesü chemoe. Panongu no tishiaye ashiyiko mpakhove no atsaizü peleve nani eno ashiyikohughiqo ye kütsave nani. Ikehu, kümtsü no atsaizü akithé süwo ashiyikohughi akitheqo lo sǘ cheni.”
Jisü ye Sabbath Shou Ampeu Ke
23Sabbath tsalà lakhi lo Jisü ye aghiluqo vechesü wuche kelo pa khopemi pa gholo chekemiqo no aghipe lothi muxu pe au lono munu ghi cheche. 24Phariseemiqo no Jisü vilo pi, “Julepi, panongu ye kushiye Sabbath tsalà yeza hexa ghi shimo kepu shi ani kea?”
25Jisü no khochile, “Nongu ye David eno pa küsàmiqo no müzüthive püzü avesave kelo kiu shi keno khilemu phiju mphi keshea? 26Achinetomi shou atou Abiathar ghuloki lo David no Alhou ki lo ilo no kishekimtheve keu sho chuve püzü pa küsàmiqo ghí tsüe. Kishekimtheve keu sho ye achinemi kumo aye kütami ye chuni keu ayeza lo kühae.”
27Tisheno pa no panongu vilo pi, “Sabbath ye timi ghenguno mülà tsüke thono timi ye Sabbath ghenguno mülà püamoe. 28Ike Timi Nu ye Sabbath tsalà shou ghí Ampeu ke.”
Currently Selected:
Mark 2: STB
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.
Mark 2
2
Jisü no Aphimpi Ithamlave kemi Kipimí qhitsü eno Shipivi
1Atsala hami thiu Jisü no Capernaum lo ideighi kelo timiqo no pa ye aki lo ighivea ipikeu sütsa chiluve. 2Timi kutomo kumqove kehu achebo lo a-a kühave püzü ahukikha khalau kutólo ghí a-a kühave, tisheno Jisü no Alhou tsa pesü panongu kütsüe. 3Ikelo timi khami no aphimpi ithamlave kemi lakhi xapusü Jisü lau ighi. Tiye timi bidí no xapu ighike. 4Panongu ye aqokitikhi ghenguno aküsǜu sasü Jisü phivilo wumlave kehu panongu no Jisü mishí lo aki kütsüqa kiyepheve no alà sheve püzü ayephu lo aküsǜu püzüve no kighiti piqie. 5Kughou Jisü no panongu küpülü ithulu keno, pa no aphimpi ithamlave keu vilo ishi pi, “Anu, O xinéqo qhivetsüae.”
6Tilehi ayeza kükütsümi khami ngo akemiqo no panongu mlo lo ishi kümsüju ae, 7“Timi hipau ye kushiye hitoi keu tsa piani kea? Pa ye Alhou pipütha anie! Alhou likhi no kumo aye khuu no axiné pevetsülu nani kea?”
8Jisü ye aghungu lono paikhavi panoqo mlo lo kiu kümsü ani keno ithive püzü panongu vilo ishi pi, “Nongu ye kushiye thime hipaqo kümsü ani kea? 9Khikhiu no akümláu kea: aphimpi ithamlave keu timi hipau vilo, ‘O xinéqo qhivetsüae,’ ipikeu no keo, ‘Ithuvelo, ow ayephu ikhipesü alà chelo,’ ipikeu no kea? 10kemu I no nongu pelo ithi penishi akeu ye Timi Nu ye ayeghi lo axinéqo qhivetsülu kepu kükagha anie.” Ike pa no aphimpi ithamlave keu vilo pi, 11“I no O vilo piani, ithulo, O züa ikhiqhelu no aki lo wovelo.” 12Pa no ithuve püzü pa yephu ikhiluve no panongu kümtsü nhekithe lono wuve. Timi kümtsü hi ithulu no akichiqhive eno panongu no Alhou sheqhe ghi ishi pi, “Ningu ye khilemu hikithipu ithumla aphie!”
Jisü no Levi Ku eno Axinemiqo Gholo Chu-sho
13Jisü no itaghi ashou ayizükucho phivilo wue. Timi kutomo no pa lau ighi, eno Jisü no panongu kütsüe. 14Pa no alà chesü wuche kelo, Alphaeus nu Levi ye zame küqhau’w hiyam lo iqa aghí keu ithulu. “I papelo,” ipi Jisü no pa vilo pi, eno Levi no ithuve no pa pape wuve.
15Jisü no Levi ki lo avela ghulhu chu akelo, pa pape chekemi zame küqhami eno achineye lo amlo tsüchemo kemiqo kutomo pa eno pa khopemiqo gholo chu-sho ae. 16Kughou ayeza kükütsümi Phariseemiqo no Jisü no achineye lo amlo tsüchemo kemi eno zame küqhamiqo gholo chu-sho akeu ithulu keno, panongu no Jisü khopemiqo vilo ishi iniju: “Kushiye pa ye zame küqhami eno axinemiqo gholo chu-sho ani kea?”
17Hi chilu kelo Jisü no panongu vilo ishi pi, “Küsükinimi no kumo aye ashi-aji viakemi ye shikipivimi avehupu shichemoe. Ni ye amikuchomiqo ku niye ighimoe, ikemu axinemiqo ku niye ighike.”
Jisü vilo Kümvü keu Vehu Iniju
18John khopemi eno Pharisee khopemiqo ye kümvü ae. Timi khami no ighino Jisü vilo ishi iniju, “John khopemi eno Pharisee khopemiqo ye kümvü cheni püzü O khopemiqo ye kíshi no kümvü chemo kea?”
19Jisü no khochile, “Külakupu lo kusüpüa kemiqo ye külapuu no panoqo gholo aphi lono kíshi no kümvüni kea? Panongu ye külapuu no panongu gholo ake thaqhülo tishi müla nanie. 20Külapuu ye panoqo gholo no ikhisüwuve kepu do ighi nani; eno tipau tsalà lono panongu no kümvü nani.
21“Khunomu aphì kithé pesü aphimini aqa shou pukhoda puku chemoe. Tishiaye, aphì kithé ye ixüve no aphimini aqa hu süxü kitheve nanie. 22Eno khunomu atsaizü akithé pesü ashiyikohughi aqaqo lo lesü chemoe. Panongu no tishiaye ashiyiko mpakhove no atsaizü peleve nani eno ashiyikohughiqo ye kütsave nani. Ikehu, kümtsü no atsaizü akithé süwo ashiyikohughi akitheqo lo sǘ cheni.”
Jisü ye Sabbath Shou Ampeu Ke
23Sabbath tsalà lakhi lo Jisü ye aghiluqo vechesü wuche kelo pa khopemi pa gholo chekemiqo no aghipe lothi muxu pe au lono munu ghi cheche. 24Phariseemiqo no Jisü vilo pi, “Julepi, panongu ye kushiye Sabbath tsalà yeza hexa ghi shimo kepu shi ani kea?”
25Jisü no khochile, “Nongu ye David eno pa küsàmiqo no müzüthive püzü avesave kelo kiu shi keno khilemu phiju mphi keshea? 26Achinetomi shou atou Abiathar ghuloki lo David no Alhou ki lo ilo no kishekimtheve keu sho chuve püzü pa küsàmiqo ghí tsüe. Kishekimtheve keu sho ye achinemi kumo aye kütami ye chuni keu ayeza lo kühae.”
27Tisheno pa no panongu vilo pi, “Sabbath ye timi ghenguno mülà tsüke thono timi ye Sabbath ghenguno mülà püamoe. 28Ike Timi Nu ye Sabbath tsalà shou ghí Ampeu ke.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.