Mark Kilekithitsa

Kilekithitsa

Mark atsakiviu ye Rome lo akukuhomiqo ghenguno yèpüaghi kepu toi ani. Rommi aqhe shou zatsüu lakhi no kaku ashekha küdau—Kuchou no timi hipau ye Alhou Nu ke—ipikeu no atsakiviu hipau no Jisü’w thopi shi akeu shi pìye anike.

Kaku hipau hukuthu tüxa kutólo shikipiye khakiqhi ghola lono: Nongu ye ni ye khuu ipi cheni kea? ipi iniju keu no akhotoshi ani. Hukuthu tüxa lo ashekha küdau kokütha lakhi lo Jisü no anhethi kighichemi lakhi pelo asheshi no ithulu penike ghenguno akhudo kini shi no pa shipivi keu ani. Tipau tho shi akhopemiqo ye asheshi no Jisü ye khuu keno ithiwo ke. Tisheno xüghili hipau lo akhoto do lakhi lo akhudo kini shi no Peter no Jisü ye Messiah kepi piphe ke.

Aküküpüna ye pekiphe shi ipeghive. Jisü ye aküxü ghola akithé vechewo itehi aküka kütshükime akeqo kilive tsü niye süghi ke. Xüghili akhudo akiniù lo hipau ghili aghola küthü lono pitsü keu ani:

• Atüghishi, Jisü eno pa khopemiqo no Jerusalem lo izüwu.

• Tipathiu, Jisü no achineki lo kütsü eno sakiphemi akemiqo sasü küghalu.

• Ashekha lo, sakiphemiqo no panongu kukughu pephe eno Jisü no mülà keu kümtsü xaleqhive keu michi shi ghi pa küghaluve no yeda pìthíve. Ikemu tipathiu Alhou no panongu kümlà xaleqhive püzü Jisü xüputhuveke. Ike Mark kaku phi akemiqo vilo aghime shi akelo ghí Jisü shou aküpülü qhilo pi anike, kughengu Alhou ye hitoi itehi akeu yeza xaleqhi acheni eno Jisü no shika keu aküxü ghola akitheu huthu tsü cheni ke.

Currently Selected:

Mark Kilekithitsa: STB

Highlight

Copy

Want to have your highlights saved across all your devices? Sign up or sign in

Puloshoqhi Akitheu, Sümi Tiqhelimi Bible™

Puloza lu no peitha ani. Ayeghiqha kümtsü lo puloza lu no peithalu kepu chipiu ani.

New Testament, Sümi New Generation Bible™

Learn More About Sümi Tiqhelimi Bible