MATHIUS, NOPUKU AFASAO SORE, 23.
NOPUKU AFASAO SORE, 23.
1NOPOGERA Iesu nifasao tagatotshi nifetacina iai, ma niana tagata aia nifakairo.
2Nokoutucua, Fakou fakairo ma fakou Farasi konofo i apotu o Moses;
3Ane iotshi mabune acre fakiro acowa keimna, fatshigeia magane totonu iateia; kaia natshicina acowa magane hepe tshare magane; ma acre koutucua, ma semaganerefia iateia.
4Ma acre fousia amoga mafa ma mukei, ma tshibeina acre ia apamu o tagata, kaia acre seasitu iateia ia tasi matshikorima tshare.
5Kaia iotshi magane tshare acre komna emoa tagata acre acitiafakarafia tagata keicitia; acre emna sore tshare tatapuria hepe afouri ma tounapu, ma emna palo noporepore o tshare umiga.
6Acre acitiafaakrafia apotu iluga i afare o acripoga, apotu erefisa ma i afare mori.
7Ma tagata karofa acre ia emrai, ma tagata keitapa acre, Kai Rabai.
8Kaia natshicina acowa katapa neigo tshowa Rabai, kaia tasi ana tshowa Teriki, aia Kristo, ma acowa iotshi anoso.
9Natshicina acowa katapa tatane tasi tshowa tata wararoni, ma tasi ana tshowa Tamana, aia konofo ia taragi.
10Natshicina foci acowa acitiafakarafia acre tapa acowa Fatoriki, ma tasi aia Teriki tshowa, aia ta Kristo.
11Kaia ta sore ana o acowa, erefia aia ta fetshicou tshowa.
12Pe tasi kacitiafakarafia nofo iluga iacowa aia, kanagi aia iraro; ma aia kanofo iraro, kanagi aia iluga.
13¶ Kaia kowe ia acowa, tagata fakairo ma Afarasi, arotowa erua! ma acowa pofna ta vaka o taragi ia tagata; ma acowa sefano mana, foci acowa neitucuasana acre acitiafakarafia kororo iateia.
14Kowe ia acowa tagata fakairo ma Afarasi, arotowa erua! ma acowa iauiai afare o afine tshare nanwane nimate, ma keiresia tagata acowa mori palo; ia anera tshowa fakamata isa sore su.
15Kowe ia acowa tagata fakairo ma Afarasi, arotowa erua! ma acowa kofori tatai ma fanua keimna tasi tagata mori hepe acowa, ma wamuri tira acowa imna aia fakasore tagata o tiafi sore mokagi acowa.
16Kowe ia acowa, foimatowa pouri, acowa fakairo tagata koutucua, Aia kafasao tapu ia tafare sore o Ihova, aia tuntaru; kaia pe tasi kafasao tapu ia ta colt o tafare sore o Ihova, aia komukei!
17Acowa tagata kowkali ma foimata pouri; ma tiaha sore ta colt, mo tafare sore o Ihova emna ta colt erefisa ma tapu?
18Ma, Akai kafasao tapu ia ta fata takavari, tuntaru tira; kaia akai kafasao tapu ia takavari konagi iai iateia, aia komukei.
19Acowa tagata kowkale ma foimata pouri; ma tiaha sore su, takavari, mo ta fata tira neimna takavari erefia ma tapu?
20Ianei aia akai kafasao tapu ia ta fata, kafasao tapu ia aia, ma ane iotshi konofo iluga aia.
21Ma aia akai kafasao tapu ia tafare o Ihova, kafasao tapu ia aia, ma aia konofo efare.
22Aia kafasao tapu ia taragi, kafasao tapu ia afata o Atua, ma ia aia konofo iai ia aia.
23Kowe iacowa, tagata fakairo ma Afarasi, arotowa erua! ma acowa eitufwa takavari muri, ma anis, ma kumi, ma acowa natshicina amaganerefia o tafasao tapu tsha Ihova, keifakairo totonu magane niowa, arotowa karofa tagata, ma fakarogrogo, acrera erefia acowa nikeimna, ma isa acowa neinatshicina acrera foci.
24Arotowa pouri ma acowa fakairo, acowa kosiwace tanono, ma furumea ta kamila.
25Kowe iacowa, tagata fakairo ma Afarasi, arotowa erua! mo acowa tataroa erefia nopua o ta kup ma taganea plet, kaia arotowa kofonu ia keirimo aneamane ma maganisa.
26Akoi roto pouri Farasi, penpena mokagi taha konofo ia taganea kup ma plet, pe nopua penpena erefia foci.
27Kowe iacowa, tagata fakairo ma Afarasi, arotowa erua! ma acowa hepe tupunaga o tagate komate neiamosia ia ta poga, acre kego erefisa watafa kaia arotorea kofonu ia neivi o tagata nimate, ma ane isa iotshi.
28Hepe acre watafa, acowa hepe maganerefisa emoa tagata, kaia arotowa erua kofonu korefu ma maganisa.
29Kowe iacowa, tagata fakairo ma Afarasi, arotowa erua! ianei acowa penpena tupunaga tanumea aprofeta iai, ma iamosia erefia upunaga tanumea acre tagata erefia iai,
30Nokoutucua, Pe acime neinofo ia nopogera o tamanome, acime seiasitu acre neiregia ta toto i aprofeta.
31I ane tira acowa fakairo acowa, pe acowa erecriki o acre nitaia komate aprofeta.
32Imna kofonu acowa taganea o amaganisa o tamanowa.
33Acowa agata, acowa tagata milou hepe agata isa magu, pecua acowa kafura tiafi sore.
34¶ Ia ane nei, kowcitia, avau kowna iacowa aprofeta, ma tagata arapakau, ma tagata fakairo; faru o acre acowa kataia komate, ma katucia ia tererakau fakaravasia; faru o acre acowa kataia ia toura i afare mori tshou, kafakoko acre ia umrai ma umrai;
35Pe ia acowa komai ioria o iotshi toto erefia neiriga iafanua, ia ta toto o ta tane Ebel erefisa, ia toto o Sakaraia ta nontariki o Barakaia acowa neitshi nimate i aroto o none itata tafare o Ihova ma tafata o takavari.
36Tamari avau koutucua iacowa Ioria o ane iotshira kamai ia tagata konofo milownei.
37Kowe Jerusalem, Jerusalem, akoi kotaia aprofeta, ma tshiria afatu acre nikownia iatakoi, efia nopoge avau acitiafakarafia fakatapuria tshowa atamericriki, hepe ta moa fetacina ericriki tshana fakamoi iraro tshana nopakou, ma acowa neinatshicina!
38Kowcitia tshowa fare konofo iacowa egogau.
39Ma avau koutucua iacowa, Acowa wamuri nei sekacitia mana avau ia taha nopoge acowa katucua, Erefisa aia komai ia neigo o Teriki.
Currently Selected:
MATHIUS, NOPUKU AFASAO SORE, 23.: ANT
Highlight
Share
Copy
Want to have your highlights saved across all your devices? Sign up or sign in
MATHIUS, NOPUKU AFASAO SORE, 23.
NOPUKU AFASAO SORE, 23.
1NOPOGERA Iesu nifasao tagatotshi nifetacina iai, ma niana tagata aia nifakairo.
2Nokoutucua, Fakou fakairo ma fakou Farasi konofo i apotu o Moses;
3Ane iotshi mabune acre fakiro acowa keimna, fatshigeia magane totonu iateia; kaia natshicina acowa magane hepe tshare magane; ma acre koutucua, ma semaganerefia iateia.
4Ma acre fousia amoga mafa ma mukei, ma tshibeina acre ia apamu o tagata, kaia acre seasitu iateia ia tasi matshikorima tshare.
5Kaia iotshi magane tshare acre komna emoa tagata acre acitiafakarafia tagata keicitia; acre emna sore tshare tatapuria hepe afouri ma tounapu, ma emna palo noporepore o tshare umiga.
6Acre acitiafaakrafia apotu iluga i afare o acripoga, apotu erefisa ma i afare mori.
7Ma tagata karofa acre ia emrai, ma tagata keitapa acre, Kai Rabai.
8Kaia natshicina acowa katapa neigo tshowa Rabai, kaia tasi ana tshowa Teriki, aia Kristo, ma acowa iotshi anoso.
9Natshicina acowa katapa tatane tasi tshowa tata wararoni, ma tasi ana tshowa Tamana, aia konofo ia taragi.
10Natshicina foci acowa acitiafakarafia acre tapa acowa Fatoriki, ma tasi aia Teriki tshowa, aia ta Kristo.
11Kaia ta sore ana o acowa, erefia aia ta fetshicou tshowa.
12Pe tasi kacitiafakarafia nofo iluga iacowa aia, kanagi aia iraro; ma aia kanofo iraro, kanagi aia iluga.
13¶ Kaia kowe ia acowa, tagata fakairo ma Afarasi, arotowa erua! ma acowa pofna ta vaka o taragi ia tagata; ma acowa sefano mana, foci acowa neitucuasana acre acitiafakarafia kororo iateia.
14Kowe ia acowa tagata fakairo ma Afarasi, arotowa erua! ma acowa iauiai afare o afine tshare nanwane nimate, ma keiresia tagata acowa mori palo; ia anera tshowa fakamata isa sore su.
15Kowe ia acowa tagata fakairo ma Afarasi, arotowa erua! ma acowa kofori tatai ma fanua keimna tasi tagata mori hepe acowa, ma wamuri tira acowa imna aia fakasore tagata o tiafi sore mokagi acowa.
16Kowe ia acowa, foimatowa pouri, acowa fakairo tagata koutucua, Aia kafasao tapu ia tafare sore o Ihova, aia tuntaru; kaia pe tasi kafasao tapu ia ta colt o tafare sore o Ihova, aia komukei!
17Acowa tagata kowkali ma foimata pouri; ma tiaha sore ta colt, mo tafare sore o Ihova emna ta colt erefisa ma tapu?
18Ma, Akai kafasao tapu ia ta fata takavari, tuntaru tira; kaia akai kafasao tapu ia takavari konagi iai iateia, aia komukei.
19Acowa tagata kowkale ma foimata pouri; ma tiaha sore su, takavari, mo ta fata tira neimna takavari erefia ma tapu?
20Ianei aia akai kafasao tapu ia ta fata, kafasao tapu ia aia, ma ane iotshi konofo iluga aia.
21Ma aia akai kafasao tapu ia tafare o Ihova, kafasao tapu ia aia, ma aia konofo efare.
22Aia kafasao tapu ia taragi, kafasao tapu ia afata o Atua, ma ia aia konofo iai ia aia.
23Kowe iacowa, tagata fakairo ma Afarasi, arotowa erua! ma acowa eitufwa takavari muri, ma anis, ma kumi, ma acowa natshicina amaganerefia o tafasao tapu tsha Ihova, keifakairo totonu magane niowa, arotowa karofa tagata, ma fakarogrogo, acrera erefia acowa nikeimna, ma isa acowa neinatshicina acrera foci.
24Arotowa pouri ma acowa fakairo, acowa kosiwace tanono, ma furumea ta kamila.
25Kowe iacowa, tagata fakairo ma Afarasi, arotowa erua! mo acowa tataroa erefia nopua o ta kup ma taganea plet, kaia arotowa kofonu ia keirimo aneamane ma maganisa.
26Akoi roto pouri Farasi, penpena mokagi taha konofo ia taganea kup ma plet, pe nopua penpena erefia foci.
27Kowe iacowa, tagata fakairo ma Afarasi, arotowa erua! ma acowa hepe tupunaga o tagate komate neiamosia ia ta poga, acre kego erefisa watafa kaia arotorea kofonu ia neivi o tagata nimate, ma ane isa iotshi.
28Hepe acre watafa, acowa hepe maganerefisa emoa tagata, kaia arotowa erua kofonu korefu ma maganisa.
29Kowe iacowa, tagata fakairo ma Afarasi, arotowa erua! ianei acowa penpena tupunaga tanumea aprofeta iai, ma iamosia erefia upunaga tanumea acre tagata erefia iai,
30Nokoutucua, Pe acime neinofo ia nopogera o tamanome, acime seiasitu acre neiregia ta toto i aprofeta.
31I ane tira acowa fakairo acowa, pe acowa erecriki o acre nitaia komate aprofeta.
32Imna kofonu acowa taganea o amaganisa o tamanowa.
33Acowa agata, acowa tagata milou hepe agata isa magu, pecua acowa kafura tiafi sore.
34¶ Ia ane nei, kowcitia, avau kowna iacowa aprofeta, ma tagata arapakau, ma tagata fakairo; faru o acre acowa kataia komate, ma katucia ia tererakau fakaravasia; faru o acre acowa kataia ia toura i afare mori tshou, kafakoko acre ia umrai ma umrai;
35Pe ia acowa komai ioria o iotshi toto erefia neiriga iafanua, ia ta toto o ta tane Ebel erefisa, ia toto o Sakaraia ta nontariki o Barakaia acowa neitshi nimate i aroto o none itata tafare o Ihova ma tafata o takavari.
36Tamari avau koutucua iacowa Ioria o ane iotshira kamai ia tagata konofo milownei.
37Kowe Jerusalem, Jerusalem, akoi kotaia aprofeta, ma tshiria afatu acre nikownia iatakoi, efia nopoge avau acitiafakarafia fakatapuria tshowa atamericriki, hepe ta moa fetacina ericriki tshana fakamoi iraro tshana nopakou, ma acowa neinatshicina!
38Kowcitia tshowa fare konofo iacowa egogau.
39Ma avau koutucua iacowa, Acowa wamuri nei sekacitia mana avau ia taha nopoge acowa katucua, Erefisa aia komai ia neigo o Teriki.
Currently Selected:
:
Highlight
Share
Copy
Want to have your highlights saved across all your devices? Sign up or sign in