Mbete Matiye 18
18
1Ke sa̧wseh-u-aw nzuk-dih fal yeri loh gi ta̧w ye ɓahri : « Mí kaŋaw ba, a ge gaŋ mí ɓa ŋgernzuk ké puh lakna a nunmbam le ? »
2Zezu ɗi gun a lele gi ƴo haŋsekle woyri. 3Mí ke ɓahri : « Í ko gunay. Mi ƴo ɓah ɓayay hi̧ wuri. Gelke i sɔɓ kerɓay woiri ya, i el hi̧ law woiri na kandɔk law gun a lele-ay ya dale, i ta rih ɓil lák mbay a nzuk nunmbam ya. 4Kaŋaw mí nzuk a suŋ suŋ ké tu mun ye ɓa ko̧hko eŋ gun a kandɔkay le, nzuk ra mí ɓa ŋgernzuk a luki ké ɓil lák mbay a nunmbam. 5Gelke nzuk mgba gun a kandɔkayri ma law ye ɓay tul riŋ bi le, a bi mí ke mgba mi-aw. 6Mí nzuk a a̧y ké hɔl ndaw lihna le, ŋgá̧h baw kasaw ké sol ye mbi ni vbu ɓil mahmbih mí su, koseh ye-aw su mba poŋ ni ké mgba gun a mah gelu ké kan law tul bi ɓá saŋ riŋ bi. 7Ɓeɓna ɓa a tukala ɓay hɔlna ndaw lihna nzukri, ɓayu ké ndaw lihnari ta ɔh ké tukala ya. Keni-aw kara koseh ɓa a nzuk ké hɔl ndaw lihna-u. 8Ɓa ra ndɔk wo mini ɓa ra bɔk wo mí ɓa ndaw lihna hi̧ mu saŋ riŋ bi le, mú kuŋ vbu kpah. Hú ɓa kpere si kaɓ ke ɔkna su mba hú ke ndɔk seɗe mini ke bɔk seɗe si kaɓ ɓil hɔrɔ ké na sew ke sew ɓa ŋgɔh. 9Ɓa ra nun wo mí ƴo hi̧ mu lih ɓil ndaw le, mú lur ku̧ kpah#18.9 Í mgba Mbete Matiye 5.29 tuh ke gel ki̧na-ay. Í ki̧ gun ɓay ké na diŋ gel ki̧na-aw pi.. Hú ɓa ra̧w si kaɓ ke ɔkna su mba hú ke nun wo seɗe mbɔk si kaɓ ɓil hɔrɔ ké ri-rimna ya.
10Ko-ko ɓay í mgba gun a mah gelu ɓa kɔk fe. Mi ƴo ɓah hi̧ wuri ɓahri se, gun a suŋ suŋ le ƴo ke tem nzak pihna ké ko tul ye ko tul ye, mí tem nzak pihna gunu ƴo ke riŋu riŋu ké pol bah bi ké nunmbam. 11#18.11 Mbete sa̧w nzak ɓa ŋgi̧-u ta ke gel ki̧na 11 ya. 12I ker ani le ? Gelke nzuk mbew ƴo ke sami ɓa sɔɗ, mí mbew zi le, ke ɓay poŋ sami a bon toŋndɔk mbew falu toŋndɔk mbew (99) ké gel-ƴah lakna, ke él si ƴah sami ké zi ra, kaŋ ya le ? 13Ke ziŋ sami ra dale, mun rihna ƴo ri. Mun rihna ƴo ri gaŋ, mi ƴo ɓah hi̧ wuri ɓahri se, mun rihna tul sami a mbewu-aw ɓay kal mun rihna tul sami ké bon toŋndɔk mbew falu toŋndɔk mbew (99) ké zi ya ra ka-kal. 14Kaŋ pi mí bah woiri ké nunmbam sa ɓay hi̧ gun mbew ké sakra gun a mah geluri ɓá zi ya.
15Gelke nzuk-si misoŋ ziŋ mu laɓ suya#18.15 Ŋgi̧na mbete sa̧w nzak vbeh, laɓ suya. A haniri ba, vbeh, laɓ mu suya. dale, mú si ziŋ ni, tul woiri seɗe yaŋ. Í kaɓ, mú ndar lakna ɓay ye. Ke lah ɓay wo le, mu ziŋ yi̧n wo da. 16Mí ke sa lah ya le, mú si ta̧w ye ɓah ɓay ra ɓáy mí mu hi̧ nzuk-si misoŋ mbew mini seɗe ɓá si ziŋ mu pi ɓay hi̧ nzak nzukri seɗe ya le, say ɓá te-teh ɓay ké i ɓah hi̧ ɔh tɔr ɓayu ɓá ƴo gelu. 17Ke sa lah ya bale, í si ke ɓay ra ké gel-goŋ Ŋgerzah sa̧w nzuk Ŋgerzahri. Mí ke sa lah niri ya pi le, mú ko ni ɓa sa̧w nzuk a ɓoru ya le, ɓa nzuk-te sa̧w ye#18.17 Sa̧w nzak ɓahri, nzuk-mbu̧h lampoh. Ké ta̧w ziɓri, nzuk-mbu̧h lampoh ɓa nzuk ké te sa̧w woyri ɓay fe le, ku ƴo mbu̧h lampoh ɓay hi̧ sa̧wnzuk a ɓoru kú-u lak mbay tul woyri. Sa̧wu mí nah sɔɓ vbeh ɓa nzuk-te sa̧w ye ɓay hi̧ karaŋri ɓá lah ɓa gah-u. . 18Ɓa ketina gaŋ, mi ƴo ɓah ɓayay hi̧ wuri, ɓay a suŋ ké i ŋga̧h ké tusiɓa, ɓa ɓay ké ŋga̧-ŋga̧h ké nunmbam. Ɓay a a̧y ké i sel ké tul nzuk ké tusiɓa, ɓa ɓay ké se-sel ké nunmbam. 19Mi ɓahri se, gelke sa̧w nzuk Ŋgerzahri mbu̧h hani ɓay vbi ɓay a suŋ suŋ ké ta̧w Ŋgerzah, mí ké sakra woiri ra nzukri seɗe ziŋ ɓay ké law woyri si mbew ké tusiɓa-ay le, bah bi ké nunmbam ɓay hi̧ ɓay ra ti̧h hi̧ sa̧w nzuk yeri, 20ɓayu ké nzukri seɗe mini say ké sakra woiri ké gel-goŋ Ŋgerzah ra ɓay woyri mbu̧h mbew gi ke riŋ bi ma law woyri, sa gelu-aw mí mi ƴo haŋsekle woyri. »
21Wara mí Piyer loh ma ta̧w Zezu, mí ke ɓahri : « Gaŋ wah, bɔk ka̧h ani mí-i sél yi̧n bi ké laɓ mi suya le ? Bɔk toŋndɔk say le ? »
22Zezu ɓahri : « Bɔk toŋndɔk say ya. Wara le bon toŋndɔk say gel toŋndɔk say. 23Sa̧wu mí fe laɓna lák mbay a nunmbam na kandɔk fe laɓna mbay a hani mbew. Mbay ra yih ɓay sor mbɔl ye ké tul gun-laɓ pihna yeri. 24Nam ké-e ti sor mbɔluri bale, ku maŋ nzuk a hani ké mbɔl mbay ra na tul ye gi pol mbay. Mbɔlu ɓa talaŋ sɔɗ sɔɗ boh gel sɔɗ sɔɗ boh (1.000.000)#18.24 Ɓay hi̧ gun-laɓ pihna ɓá puh talaŋ 1.000.000, nzuku kaɓ mbihmbam sɔɗ sɔɗ bon seɗe falu toŋndɔk say (2.700) kara ke mah puh-u ya.. 25Puh mbɔlu mba ni mba-mba dale, mbay hi̧ kú mgba ni ke wu̧y ye ke gun yeri gbam si yeh, kú fa̧h fe yeri gbam si yeh pi ɓay puh mbɔl ra ke lari-u. 26Bale gun-laɓ pihna ra lih huk siɓa ké pol mbay. Ke ɓahri : “Gaŋ bi, í ik law woiri ge. Mi ɓay puh mbɔl woiri ra riw gaŋ.”
27Law bahgaŋ ye sa̧h ké tul gun-laɓ pihna ye-aw, mí ke sel gun-laɓ pihna ra, ke el lu mbɔl ké tul ye. 28Gun-laɓ pihna ra ti̧h bale, ke ti̧h tul bɔh pihna ye a hani. Mbɔl ye ndi̧ na tul ya̧h-u ra. Ke fu̧h sol ye veɗe ɓahri : “Mú puh mbɔl bi ra.”
29Mí ya̧h ye ra huk pol ye. Ke vbi ni law vohna ɓahri : “Ya̧h, mú ik law wo ge. Mi ɓay puh mu mbɔl wo ra ɓáy.”
30Mí ke sa-a. Ke sek ni hi̧ ku mgba ni vbu vul mgbal, ké kaɓ ri kpu̧ru si ka̧h nam ké-e puh mbɔlu ɔh riw. 31Bɔh pihna ye a ɓoruri ko fe ké kal ra, mí kerɓay ziŋ niri bale, ku si ki̧ fal ɓay fe laɓna yeri hi̧ bahgaŋ woyri lah ke bamu bamu gbam. 32Wara mí bahgaŋ ye pih si ɗi ni gi. Ke ɓah hi̧ ni ɓahri : “A wo-ay, mu ɓa gun-laɓ pihna law a pipiri-u. Mi lu mbɔl bi ké tul wo ɗeɗ kandɔk ké mu vuh ké pol bi. 33A wo kara mú mah mgba in ziŋ mbaŋ wo kandɔk a bi ké mi mgba in ziŋ mu kaŋ pi ya le ?”
34Law mbay fa̧h ni, mí ke mgba ni ndoh ndɔk nzuk-laɓ nzukri koseh, kú laɓ ni koseh kpu̧ru ka̧h nam ké-e puh mbɔlu ɔh. 35Kandɔkaw mí gelke a woiri mbew mbew gbam i sa sel yi̧n woiri ya le, bah bi ké nunmbam ɓay laɓ kandɔk mbay ra ziŋ wuri pi. »
Currently Selected:
Mbete Matiye 18: SIAFNK
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
Mbete Matiye 18
18
1Ke sa̧wseh-u-aw nzuk-dih fal yeri loh gi ta̧w ye ɓahri : « Mí kaŋaw ba, a ge gaŋ mí ɓa ŋgernzuk ké puh lakna a nunmbam le ? »
2Zezu ɗi gun a lele gi ƴo haŋsekle woyri. 3Mí ke ɓahri : « Í ko gunay. Mi ƴo ɓah ɓayay hi̧ wuri. Gelke i sɔɓ kerɓay woiri ya, i el hi̧ law woiri na kandɔk law gun a lele-ay ya dale, i ta rih ɓil lák mbay a nzuk nunmbam ya. 4Kaŋaw mí nzuk a suŋ suŋ ké tu mun ye ɓa ko̧hko eŋ gun a kandɔkay le, nzuk ra mí ɓa ŋgernzuk a luki ké ɓil lák mbay a nunmbam. 5Gelke nzuk mgba gun a kandɔkayri ma law ye ɓay tul riŋ bi le, a bi mí ke mgba mi-aw. 6Mí nzuk a a̧y ké hɔl ndaw lihna le, ŋgá̧h baw kasaw ké sol ye mbi ni vbu ɓil mahmbih mí su, koseh ye-aw su mba poŋ ni ké mgba gun a mah gelu ké kan law tul bi ɓá saŋ riŋ bi. 7Ɓeɓna ɓa a tukala ɓay hɔlna ndaw lihna nzukri, ɓayu ké ndaw lihnari ta ɔh ké tukala ya. Keni-aw kara koseh ɓa a nzuk ké hɔl ndaw lihna-u. 8Ɓa ra ndɔk wo mini ɓa ra bɔk wo mí ɓa ndaw lihna hi̧ mu saŋ riŋ bi le, mú kuŋ vbu kpah. Hú ɓa kpere si kaɓ ke ɔkna su mba hú ke ndɔk seɗe mini ke bɔk seɗe si kaɓ ɓil hɔrɔ ké na sew ke sew ɓa ŋgɔh. 9Ɓa ra nun wo mí ƴo hi̧ mu lih ɓil ndaw le, mú lur ku̧ kpah#18.9 Í mgba Mbete Matiye 5.29 tuh ke gel ki̧na-ay. Í ki̧ gun ɓay ké na diŋ gel ki̧na-aw pi.. Hú ɓa ra̧w si kaɓ ke ɔkna su mba hú ke nun wo seɗe mbɔk si kaɓ ɓil hɔrɔ ké ri-rimna ya.
10Ko-ko ɓay í mgba gun a mah gelu ɓa kɔk fe. Mi ƴo ɓah hi̧ wuri ɓahri se, gun a suŋ suŋ le ƴo ke tem nzak pihna ké ko tul ye ko tul ye, mí tem nzak pihna gunu ƴo ke riŋu riŋu ké pol bah bi ké nunmbam. 11#18.11 Mbete sa̧w nzak ɓa ŋgi̧-u ta ke gel ki̧na 11 ya. 12I ker ani le ? Gelke nzuk mbew ƴo ke sami ɓa sɔɗ, mí mbew zi le, ke ɓay poŋ sami a bon toŋndɔk mbew falu toŋndɔk mbew (99) ké gel-ƴah lakna, ke él si ƴah sami ké zi ra, kaŋ ya le ? 13Ke ziŋ sami ra dale, mun rihna ƴo ri. Mun rihna ƴo ri gaŋ, mi ƴo ɓah hi̧ wuri ɓahri se, mun rihna tul sami a mbewu-aw ɓay kal mun rihna tul sami ké bon toŋndɔk mbew falu toŋndɔk mbew (99) ké zi ya ra ka-kal. 14Kaŋ pi mí bah woiri ké nunmbam sa ɓay hi̧ gun mbew ké sakra gun a mah geluri ɓá zi ya.
15Gelke nzuk-si misoŋ ziŋ mu laɓ suya#18.15 Ŋgi̧na mbete sa̧w nzak vbeh, laɓ suya. A haniri ba, vbeh, laɓ mu suya. dale, mú si ziŋ ni, tul woiri seɗe yaŋ. Í kaɓ, mú ndar lakna ɓay ye. Ke lah ɓay wo le, mu ziŋ yi̧n wo da. 16Mí ke sa lah ya le, mú si ta̧w ye ɓah ɓay ra ɓáy mí mu hi̧ nzuk-si misoŋ mbew mini seɗe ɓá si ziŋ mu pi ɓay hi̧ nzak nzukri seɗe ya le, say ɓá te-teh ɓay ké i ɓah hi̧ ɔh tɔr ɓayu ɓá ƴo gelu. 17Ke sa lah ya bale, í si ke ɓay ra ké gel-goŋ Ŋgerzah sa̧w nzuk Ŋgerzahri. Mí ke sa lah niri ya pi le, mú ko ni ɓa sa̧w nzuk a ɓoru ya le, ɓa nzuk-te sa̧w ye#18.17 Sa̧w nzak ɓahri, nzuk-mbu̧h lampoh. Ké ta̧w ziɓri, nzuk-mbu̧h lampoh ɓa nzuk ké te sa̧w woyri ɓay fe le, ku ƴo mbu̧h lampoh ɓay hi̧ sa̧wnzuk a ɓoru kú-u lak mbay tul woyri. Sa̧wu mí nah sɔɓ vbeh ɓa nzuk-te sa̧w ye ɓay hi̧ karaŋri ɓá lah ɓa gah-u. . 18Ɓa ketina gaŋ, mi ƴo ɓah ɓayay hi̧ wuri, ɓay a suŋ ké i ŋga̧h ké tusiɓa, ɓa ɓay ké ŋga̧-ŋga̧h ké nunmbam. Ɓay a a̧y ké i sel ké tul nzuk ké tusiɓa, ɓa ɓay ké se-sel ké nunmbam. 19Mi ɓahri se, gelke sa̧w nzuk Ŋgerzahri mbu̧h hani ɓay vbi ɓay a suŋ suŋ ké ta̧w Ŋgerzah, mí ké sakra woiri ra nzukri seɗe ziŋ ɓay ké law woyri si mbew ké tusiɓa-ay le, bah bi ké nunmbam ɓay hi̧ ɓay ra ti̧h hi̧ sa̧w nzuk yeri, 20ɓayu ké nzukri seɗe mini say ké sakra woiri ké gel-goŋ Ŋgerzah ra ɓay woyri mbu̧h mbew gi ke riŋ bi ma law woyri, sa gelu-aw mí mi ƴo haŋsekle woyri. »
21Wara mí Piyer loh ma ta̧w Zezu, mí ke ɓahri : « Gaŋ wah, bɔk ka̧h ani mí-i sél yi̧n bi ké laɓ mi suya le ? Bɔk toŋndɔk say le ? »
22Zezu ɓahri : « Bɔk toŋndɔk say ya. Wara le bon toŋndɔk say gel toŋndɔk say. 23Sa̧wu mí fe laɓna lák mbay a nunmbam na kandɔk fe laɓna mbay a hani mbew. Mbay ra yih ɓay sor mbɔl ye ké tul gun-laɓ pihna yeri. 24Nam ké-e ti sor mbɔluri bale, ku maŋ nzuk a hani ké mbɔl mbay ra na tul ye gi pol mbay. Mbɔlu ɓa talaŋ sɔɗ sɔɗ boh gel sɔɗ sɔɗ boh (1.000.000)#18.24 Ɓay hi̧ gun-laɓ pihna ɓá puh talaŋ 1.000.000, nzuku kaɓ mbihmbam sɔɗ sɔɗ bon seɗe falu toŋndɔk say (2.700) kara ke mah puh-u ya.. 25Puh mbɔlu mba ni mba-mba dale, mbay hi̧ kú mgba ni ke wu̧y ye ke gun yeri gbam si yeh, kú fa̧h fe yeri gbam si yeh pi ɓay puh mbɔl ra ke lari-u. 26Bale gun-laɓ pihna ra lih huk siɓa ké pol mbay. Ke ɓahri : “Gaŋ bi, í ik law woiri ge. Mi ɓay puh mbɔl woiri ra riw gaŋ.”
27Law bahgaŋ ye sa̧h ké tul gun-laɓ pihna ye-aw, mí ke sel gun-laɓ pihna ra, ke el lu mbɔl ké tul ye. 28Gun-laɓ pihna ra ti̧h bale, ke ti̧h tul bɔh pihna ye a hani. Mbɔl ye ndi̧ na tul ya̧h-u ra. Ke fu̧h sol ye veɗe ɓahri : “Mú puh mbɔl bi ra.”
29Mí ya̧h ye ra huk pol ye. Ke vbi ni law vohna ɓahri : “Ya̧h, mú ik law wo ge. Mi ɓay puh mu mbɔl wo ra ɓáy.”
30Mí ke sa-a. Ke sek ni hi̧ ku mgba ni vbu vul mgbal, ké kaɓ ri kpu̧ru si ka̧h nam ké-e puh mbɔlu ɔh riw. 31Bɔh pihna ye a ɓoruri ko fe ké kal ra, mí kerɓay ziŋ niri bale, ku si ki̧ fal ɓay fe laɓna yeri hi̧ bahgaŋ woyri lah ke bamu bamu gbam. 32Wara mí bahgaŋ ye pih si ɗi ni gi. Ke ɓah hi̧ ni ɓahri : “A wo-ay, mu ɓa gun-laɓ pihna law a pipiri-u. Mi lu mbɔl bi ké tul wo ɗeɗ kandɔk ké mu vuh ké pol bi. 33A wo kara mú mah mgba in ziŋ mbaŋ wo kandɔk a bi ké mi mgba in ziŋ mu kaŋ pi ya le ?”
34Law mbay fa̧h ni, mí ke mgba ni ndoh ndɔk nzuk-laɓ nzukri koseh, kú laɓ ni koseh kpu̧ru ka̧h nam ké-e puh mbɔlu ɔh. 35Kandɔkaw mí gelke a woiri mbew mbew gbam i sa sel yi̧n woiri ya le, bah bi ké nunmbam ɓay laɓ kandɔk mbay ra ziŋ wuri pi. »
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.