Lukas 10
10
Si Yesus mutus pitu ngapulu' murit
1Kumawus in itu, si Yesus sumisir ka'i pitu ngapulu' murit walina. Wo yutus-Na séra e rumior ai Sia mangé marua-rua tou ang kota-kota wo an tampa-tampa en angéan-Na sa. 2#Mat. 9:37-38 Wo icua i Yesus ai séra, “Sé tou anio' tanuoka wua'na in tinanem an uma an témponao in upuun. Taan sé tou maupu' wayake' im pira. Ampa'paan in itu, pangilekeno a si Makauma itu wosama' cirim-Na mai tou e mupu'. 3#Mat. 10:16 Anaé, mangémo! En ulitna yutus-Ku kamu mangé, tanuoka ana' i domba an uner é serigala. 4#Mat. 10:7-14; Mrk. 6:8-11; Luk. 9:3-5 An tutuw iow i mangé, ra'ica toro maali tampa in doit, pawalunan kuma'pa sapatu. Wo sa meta'up tou an lalan, tioo kamu mento' e mepaar asi séike' mangé kauré am bawayaan.
5Wo sa kamu muntep an esa walé kumuao mangé in tana'i, ‘Siri' ing kaeluran a sé pamalé anio'.’ 6Wo sa asi walé itu awéan tou masalé' tumerima in siri' ing kaeluran itu, en siri' ing kaeluran itu mewali-wali oka wo isia. Taan sa ra'ica wana tou masalé' tumerima in siri' ing kaeluran itu, en siri' ing kaeluran itu maréng oka sumawel ai camu. 7#1Kor. 9:14; 1Tim. 5:18 Wo sa awéan tou itumerimao icamu, mentoo mio' am baléna wo tioo maéra-éra. Wo kumano wo melepo mio' sapa si aiwééna ai camu, ampa'paan si tou matawoi patus makéré in laasana. 8Sa kamu muntep an esa kota wo kamu teriman éra kumano mio' sapa si aiwéé éra. 9Wo samaan angé sé tou sumakit asi kota itu wo icua mangé a sé tou am bitu, ‘Ra'io uré si Amang Kasuruan mai Kumawasa tanu Kolano an uner iow.’
10 #
Kis. 13:51 Taan sa kamu muntep an esa kota wo ra'ica tinerima é tou am bitu, mangémo kamu an lala-lalan wangko' ing kota itu wo icuao mio' in tana'i, 11‘Tangkar ami en awu ing kota miow anio' sé makaléngkét ang kécéi ami, en itu mamuali tata'néi sapaoka kamu oka in esa e mamuléng in ukuman iow. Taan musti kailekan iow en anio': uli-ulit matawio en témpo si Amang Kasuruan mai Kumawasa tanu Kolano a sé tou-Na.’ 12#Kej. 19:24-28; Mat. 10:15, 11:24 Icua-Ku ai camu, asi endo kaka'puan ing kayo'baan sa, en ukuman é tou asi kota anio' en lébé uterai wo en ukuman é tou ang kota Sodom indior.”
Si Yesus tumegor in depet sé tou ang kota-kota sé ra'ica kiim mape'dis
(Mat. 11:20-24)
13 #
Yes. 23:1-18; Yeh. 26:1–28:26; Yl. 3:4-8; Am. 1:9-10; Za. 9:2-4 Icua ka'i i Yesus, “Icawangkuro mio' kamu sé tou ang kota Khorazim! Wo icawangkuro ka'i kamu sé tou ang kota Betsaida! Ampa'paan niéma'-Kuo eng kakaya'kaan an uner iow, taan ra'ica pinercaya miow wo ra'ica kiim mape'dis. Sa sé kakaya'kaan itu niéma'-Ku an Tirus wo an Sidon indior, tantu séra imape'diso wo kumarai ing karai tanu tuus mala'lu wo mu'bur in awu an do'kos éra tanu tuus séra manesel i mengéma-ngéma' ing kamesé-meséaan. 14Asi endo kaka'puan ing kayo'baan sa, en ukuman iow lébé uterai wo in ukuman é tou ang kota Tirus wo en Sidon.
15 #
Yes. 14:13-15 Wo kamu sé tou ang kota Kapernaum, weroten iow réén sapaoka angkaien i Amang Kasuruan kamu akar an sorga? Ra'ica. Taan taré, itiya'-Na oka kamu an tampa é tou imaté.”
16 #
Mat. 10:40; Mrk. 9:37; Luk. 9:48; Yoh. 13:20 Wo icua ka'i i Yesus a sé tou sé makiit Sia, “Si séi en luminga icamu sia luminga Yaku. Wo si séi eng kumélong icamu sia kumélong Yaku. Wo si tou kumélong Yaku, sia ka'i kumélongo si Amang Kasuruan si mutusai Yaku.”
Sé pitu ngapulu' tou maréngai sumawel a si Yesus
17Sé pitu ngapulu' tou ayutus i Yesus maréngai ang karapi in arui wo icua éra ai Sia, “Guru, an tutuw awéan tou rinasuk i sétang, yusér ami si sétang maké i ngaran-Mu wo makala'us si sétang kumesot asi tou rinasuk itu.”
18Icua i Yesus ai séra, “Én. Sinéré-Kuo si kikiiten é sétang ilumepok an langit owo tanuoka kilat. 19#Mzm. 91:13 Wéan rékén sumama-sama', winéan-Kuo kawasa kamu en luméak si ula' rumacu-racung wo si kalajengking wosama' ka'i ro'na kalan iow pakasa eng kawasa i kikiiten é sétang, akar ra'ica wana e ro'na méma' icamu cawangkur. 20Mandé in taniitu, kamu tioo masalé-salé' ampa'paan kinalao miow sé sétang, aweso taré kamu maaru-aruio ampa'paan e ngaran iow aipatico an sorga.”
Si Yesus kumua i makapulu'sama' a si Amang Kasuruan
(Mat. 11:25-27, 13:16-17)
21Asi témpo itu si Yesus winuta i Roh Le'nas wo en até-Na maaru-arui. Wo icua-Na, “O Amang Kasuruan si Makakawasa in tana' wo en langit, Yaku kumua i makapulu'sama' ampa'paan ra'ica aituru' i Amang pakasa sé andumoro' in itu a sé tou sé maanggap in owak éra pinter wo makailek im baya-waya. Taan aituru' i Amang andumoro' in itu a sé tou wawa'. Wo siituo e iméma' in até i Amang arui. 22#Yoh. 3:35, 10:15 Pakasa aiwééo i Amang-Ku a Yaku. Ra'ica wana mandé esake' tou e makatuus si Toyaang, aluar si Amang in esa. Wo ka'i ra'ica wana mandé esake' tou e makatuus si Amang, aluar si Toyaang-Na wo si tou si sinisir-Na em papaturu' a si Amang.”
23Kekawus in itu sérén i Yesus sé murit-Na wo an tutuw séra oka in esa, icua-Na, “Pakakamangen kamu ampa'paan intarépé' suméréo. 24Ampa'paan indior keli nabi wo kolano masalé' suméré sapa sé sinéréo miow intarépé' taan ra'ica sinéré éra. Séra ka'i masalé' luminga sapa sé pinalingao miow intarépé', taan ra'ica lininga éra.”
En andéan andumoro' ing kaupusan i tou Samaria
25 #
Mat. 22:35-40; Mrk. 12:28-34 Asi makasa, awéan esa tou si makailek wutul in Torat tumulung wo mangepé' a si Yesus. Wo wuéienna a si Yesus, “Guru, sapa si musti émaanku e makéré ing katouan akar ing kauré-uré?”
26Wo isowat i Yesus ai sia, “Sapa en aipatic an ukum Torat? Wo sapa em binacamu am bitu?”
27 #
Im. 19:18; Ul. 6:5 Isowat i tou itu, “ ‘Mengaupus angé si Casuruan, si Amang Kasuruanmu ang karapi in lekep en atému, ang karapi im pakasa ing katouanmu, ang karapi im pakasa ing kaketeranmu wo ang karapi im pakasa im pakawerotmu.’ Wo ka'i ‘Mengaupus angé sé kakélému tou meputé ko mengaupus in owakmu in esa.’ ”
28 #
Im. 18:5 Wo isowat i Yesus a si tou itu, “En aicuamu itu wutul! Émaanmu waya en itu wo kéréanmu oka eng katouan akar ing kauré-uré.”
29Taan si guru agama é Yahudi itu masalé' mapaturu-turu' sapaoka en owakna em butul, anaé sia mamuéi ka'i a si Yesus, “Si séi réén sé kakéléku itu?”
30Wo isowat i Yesus maké in andéan, “Awéan esa tou tuama Yahudi an Yerusalem wo mio' an Yerikho. An uner in lalan, sia meta'up wo sé perampok. Wo sia pangkuren é perampok akar i misio maté wo andéten éra waya em paali-alinna wo itela'u éra sia an lalan itu.
31Asi témpo itu, awéan esa imam mawaya' lumangkoi an lalan itu. An tutuw sia suméré si tou rinampok itu, linangkoiannake' wo ka'i kuméléi e maya' an tembir in lalan. 32Taniitu ka'i si esa tou Lewi an tutuw lumangkoi am bitu. Keséréna si tou rinampok itu, sia asaloke' ituméinteng wo kuméléi maya' melala'us.
33Taan awéan esa tou Samaria mawaya' lumangkoi am bitu. An tutuw sérénna si tou rinampok itu, mai eng kaupusanna a si tou itu. 34Wo sia rumuru mangé a si tou itu wo weresinna in anggor em péla-péla' i tou itu wo ubatenna in solo#10:34 Kanaramen asi témpo itu, en anggor pengapakén mengasama' im péla' wosama' ra'ica mainféksi. En solo zaitun pengapakén maubat wo ipaina' i me'nget an owak. wo saputenna. Kumawusai in itu isakéna si tou itu asi celedaina wo iwalina mangé an esa walé paloséran wo rawatenna.
35Asi woondona mai, si tou Samaria itu méé roit rua dinar a si tou makawalé im paloséran itu, wo icuana, ‘Pekiupusenku rawatenio' sia sumama-sama'. Wo sa en doit itu iongkosmu e rumawat sia ra'ica maawes, wéran owo mio', mai ku oka sawelan an tutuwku maréngai sumawel am bia'i.’ ”
36Kumawus in itu, si Yesus mamuéi a si guru agama é Yahudi itu, “Anaé, sa iciit im bewerotmu, asé telu tou itu, si séi réén si kakélé in tou asi tou rinampok itu?”
37Isowat i tou itu, “Tantu karu' si tou Samaria si tumuru'o ing kaupusanna a si tou itu.”
Wo icua i Yesus ai sia, “Ulit en aicuamu itu! Anaé, intarépé' mangém wo émaano mangé tanu siitu.”
Si Yesus kumua a si Marta andumoro' eng kataré-taré si musti ta'néien
38 #
Yoh. 11:1 Wo si Yesus wo sé murit-Na lumala'us im bawayaan wo séra icateka' mangé an esa roong. Am bitu awéan esa wéwéné makangaran Marta, sia tumerima si Yesus am baléna. 39Si Marta awéan esa tuari wéwéné makangaran Maria. Tutuw i Yesus am balé éra, si Maria lumukut an duru ing kécéi i Apo' Yesus wo luminga in sususuien-Na. 40Taan si Marta asaloke' menawo-nawoi en sumelewir sé sakéi. Wo sia mangé rumuru a si Yesus wo icuana, “Guru, ra'ica réén papandungen-Mu, yaku aiwayake' i Maria tuariku, yakuke' in esa e menawo-nawoi? Ru'du'o sia mai en sumémbong a yaku.”
41Taan sia sinowatke' i Apo' Yesus, “Marta, Marta, ico asalo maindé-indé' wo sumusa in owak in esa kerapi ing keli tawoien. 42En ulitna, si musti émaan iow wayake' in esa. Si Maria isumisiro si loor am bagéanna, si ra'ica toro indon ai sia.”
Currently Selected:
Lukas 10: TNT
Highlight
Share
Copy
Want to have your highlights saved across all your devices? Sign up or sign in
En Taar Weru a nunuwu' é Tontemboan @ LAI 2018
Lukas 10
10
Si Yesus mutus pitu ngapulu' murit
1Kumawus in itu, si Yesus sumisir ka'i pitu ngapulu' murit walina. Wo yutus-Na séra e rumior ai Sia mangé marua-rua tou ang kota-kota wo an tampa-tampa en angéan-Na sa. 2#Mat. 9:37-38 Wo icua i Yesus ai séra, “Sé tou anio' tanuoka wua'na in tinanem an uma an témponao in upuun. Taan sé tou maupu' wayake' im pira. Ampa'paan in itu, pangilekeno a si Makauma itu wosama' cirim-Na mai tou e mupu'. 3#Mat. 10:16 Anaé, mangémo! En ulitna yutus-Ku kamu mangé, tanuoka ana' i domba an uner é serigala. 4#Mat. 10:7-14; Mrk. 6:8-11; Luk. 9:3-5 An tutuw iow i mangé, ra'ica toro maali tampa in doit, pawalunan kuma'pa sapatu. Wo sa meta'up tou an lalan, tioo kamu mento' e mepaar asi séike' mangé kauré am bawayaan.
5Wo sa kamu muntep an esa walé kumuao mangé in tana'i, ‘Siri' ing kaeluran a sé pamalé anio'.’ 6Wo sa asi walé itu awéan tou masalé' tumerima in siri' ing kaeluran itu, en siri' ing kaeluran itu mewali-wali oka wo isia. Taan sa ra'ica wana tou masalé' tumerima in siri' ing kaeluran itu, en siri' ing kaeluran itu maréng oka sumawel ai camu. 7#1Kor. 9:14; 1Tim. 5:18 Wo sa awéan tou itumerimao icamu, mentoo mio' am baléna wo tioo maéra-éra. Wo kumano wo melepo mio' sapa si aiwééna ai camu, ampa'paan si tou matawoi patus makéré in laasana. 8Sa kamu muntep an esa kota wo kamu teriman éra kumano mio' sapa si aiwéé éra. 9Wo samaan angé sé tou sumakit asi kota itu wo icua mangé a sé tou am bitu, ‘Ra'io uré si Amang Kasuruan mai Kumawasa tanu Kolano an uner iow.’
10 #
Kis. 13:51 Taan sa kamu muntep an esa kota wo ra'ica tinerima é tou am bitu, mangémo kamu an lala-lalan wangko' ing kota itu wo icuao mio' in tana'i, 11‘Tangkar ami en awu ing kota miow anio' sé makaléngkét ang kécéi ami, en itu mamuali tata'néi sapaoka kamu oka in esa e mamuléng in ukuman iow. Taan musti kailekan iow en anio': uli-ulit matawio en témpo si Amang Kasuruan mai Kumawasa tanu Kolano a sé tou-Na.’ 12#Kej. 19:24-28; Mat. 10:15, 11:24 Icua-Ku ai camu, asi endo kaka'puan ing kayo'baan sa, en ukuman é tou asi kota anio' en lébé uterai wo en ukuman é tou ang kota Sodom indior.”
Si Yesus tumegor in depet sé tou ang kota-kota sé ra'ica kiim mape'dis
(Mat. 11:20-24)
13 #
Yes. 23:1-18; Yeh. 26:1–28:26; Yl. 3:4-8; Am. 1:9-10; Za. 9:2-4 Icua ka'i i Yesus, “Icawangkuro mio' kamu sé tou ang kota Khorazim! Wo icawangkuro ka'i kamu sé tou ang kota Betsaida! Ampa'paan niéma'-Kuo eng kakaya'kaan an uner iow, taan ra'ica pinercaya miow wo ra'ica kiim mape'dis. Sa sé kakaya'kaan itu niéma'-Ku an Tirus wo an Sidon indior, tantu séra imape'diso wo kumarai ing karai tanu tuus mala'lu wo mu'bur in awu an do'kos éra tanu tuus séra manesel i mengéma-ngéma' ing kamesé-meséaan. 14Asi endo kaka'puan ing kayo'baan sa, en ukuman iow lébé uterai wo in ukuman é tou ang kota Tirus wo en Sidon.
15 #
Yes. 14:13-15 Wo kamu sé tou ang kota Kapernaum, weroten iow réén sapaoka angkaien i Amang Kasuruan kamu akar an sorga? Ra'ica. Taan taré, itiya'-Na oka kamu an tampa é tou imaté.”
16 #
Mat. 10:40; Mrk. 9:37; Luk. 9:48; Yoh. 13:20 Wo icua ka'i i Yesus a sé tou sé makiit Sia, “Si séi en luminga icamu sia luminga Yaku. Wo si séi eng kumélong icamu sia kumélong Yaku. Wo si tou kumélong Yaku, sia ka'i kumélongo si Amang Kasuruan si mutusai Yaku.”
Sé pitu ngapulu' tou maréngai sumawel a si Yesus
17Sé pitu ngapulu' tou ayutus i Yesus maréngai ang karapi in arui wo icua éra ai Sia, “Guru, an tutuw awéan tou rinasuk i sétang, yusér ami si sétang maké i ngaran-Mu wo makala'us si sétang kumesot asi tou rinasuk itu.”
18Icua i Yesus ai séra, “Én. Sinéré-Kuo si kikiiten é sétang ilumepok an langit owo tanuoka kilat. 19#Mzm. 91:13 Wéan rékén sumama-sama', winéan-Kuo kawasa kamu en luméak si ula' rumacu-racung wo si kalajengking wosama' ka'i ro'na kalan iow pakasa eng kawasa i kikiiten é sétang, akar ra'ica wana e ro'na méma' icamu cawangkur. 20Mandé in taniitu, kamu tioo masalé-salé' ampa'paan kinalao miow sé sétang, aweso taré kamu maaru-aruio ampa'paan e ngaran iow aipatico an sorga.”
Si Yesus kumua i makapulu'sama' a si Amang Kasuruan
(Mat. 11:25-27, 13:16-17)
21Asi témpo itu si Yesus winuta i Roh Le'nas wo en até-Na maaru-arui. Wo icua-Na, “O Amang Kasuruan si Makakawasa in tana' wo en langit, Yaku kumua i makapulu'sama' ampa'paan ra'ica aituru' i Amang pakasa sé andumoro' in itu a sé tou sé maanggap in owak éra pinter wo makailek im baya-waya. Taan aituru' i Amang andumoro' in itu a sé tou wawa'. Wo siituo e iméma' in até i Amang arui. 22#Yoh. 3:35, 10:15 Pakasa aiwééo i Amang-Ku a Yaku. Ra'ica wana mandé esake' tou e makatuus si Toyaang, aluar si Amang in esa. Wo ka'i ra'ica wana mandé esake' tou e makatuus si Amang, aluar si Toyaang-Na wo si tou si sinisir-Na em papaturu' a si Amang.”
23Kekawus in itu sérén i Yesus sé murit-Na wo an tutuw séra oka in esa, icua-Na, “Pakakamangen kamu ampa'paan intarépé' suméréo. 24Ampa'paan indior keli nabi wo kolano masalé' suméré sapa sé sinéréo miow intarépé' taan ra'ica sinéré éra. Séra ka'i masalé' luminga sapa sé pinalingao miow intarépé', taan ra'ica lininga éra.”
En andéan andumoro' ing kaupusan i tou Samaria
25 #
Mat. 22:35-40; Mrk. 12:28-34 Asi makasa, awéan esa tou si makailek wutul in Torat tumulung wo mangepé' a si Yesus. Wo wuéienna a si Yesus, “Guru, sapa si musti émaanku e makéré ing katouan akar ing kauré-uré?”
26Wo isowat i Yesus ai sia, “Sapa en aipatic an ukum Torat? Wo sapa em binacamu am bitu?”
27 #
Im. 19:18; Ul. 6:5 Isowat i tou itu, “ ‘Mengaupus angé si Casuruan, si Amang Kasuruanmu ang karapi in lekep en atému, ang karapi im pakasa ing katouanmu, ang karapi im pakasa ing kaketeranmu wo ang karapi im pakasa im pakawerotmu.’ Wo ka'i ‘Mengaupus angé sé kakélému tou meputé ko mengaupus in owakmu in esa.’ ”
28 #
Im. 18:5 Wo isowat i Yesus a si tou itu, “En aicuamu itu wutul! Émaanmu waya en itu wo kéréanmu oka eng katouan akar ing kauré-uré.”
29Taan si guru agama é Yahudi itu masalé' mapaturu-turu' sapaoka en owakna em butul, anaé sia mamuéi ka'i a si Yesus, “Si séi réén sé kakéléku itu?”
30Wo isowat i Yesus maké in andéan, “Awéan esa tou tuama Yahudi an Yerusalem wo mio' an Yerikho. An uner in lalan, sia meta'up wo sé perampok. Wo sia pangkuren é perampok akar i misio maté wo andéten éra waya em paali-alinna wo itela'u éra sia an lalan itu.
31Asi témpo itu, awéan esa imam mawaya' lumangkoi an lalan itu. An tutuw sia suméré si tou rinampok itu, linangkoiannake' wo ka'i kuméléi e maya' an tembir in lalan. 32Taniitu ka'i si esa tou Lewi an tutuw lumangkoi am bitu. Keséréna si tou rinampok itu, sia asaloke' ituméinteng wo kuméléi maya' melala'us.
33Taan awéan esa tou Samaria mawaya' lumangkoi am bitu. An tutuw sérénna si tou rinampok itu, mai eng kaupusanna a si tou itu. 34Wo sia rumuru mangé a si tou itu wo weresinna in anggor em péla-péla' i tou itu wo ubatenna in solo#10:34 Kanaramen asi témpo itu, en anggor pengapakén mengasama' im péla' wosama' ra'ica mainféksi. En solo zaitun pengapakén maubat wo ipaina' i me'nget an owak. wo saputenna. Kumawusai in itu isakéna si tou itu asi celedaina wo iwalina mangé an esa walé paloséran wo rawatenna.
35Asi woondona mai, si tou Samaria itu méé roit rua dinar a si tou makawalé im paloséran itu, wo icuana, ‘Pekiupusenku rawatenio' sia sumama-sama'. Wo sa en doit itu iongkosmu e rumawat sia ra'ica maawes, wéran owo mio', mai ku oka sawelan an tutuwku maréngai sumawel am bia'i.’ ”
36Kumawus in itu, si Yesus mamuéi a si guru agama é Yahudi itu, “Anaé, sa iciit im bewerotmu, asé telu tou itu, si séi réén si kakélé in tou asi tou rinampok itu?”
37Isowat i tou itu, “Tantu karu' si tou Samaria si tumuru'o ing kaupusanna a si tou itu.”
Wo icua i Yesus ai sia, “Ulit en aicuamu itu! Anaé, intarépé' mangém wo émaano mangé tanu siitu.”
Si Yesus kumua a si Marta andumoro' eng kataré-taré si musti ta'néien
38 #
Yoh. 11:1 Wo si Yesus wo sé murit-Na lumala'us im bawayaan wo séra icateka' mangé an esa roong. Am bitu awéan esa wéwéné makangaran Marta, sia tumerima si Yesus am baléna. 39Si Marta awéan esa tuari wéwéné makangaran Maria. Tutuw i Yesus am balé éra, si Maria lumukut an duru ing kécéi i Apo' Yesus wo luminga in sususuien-Na. 40Taan si Marta asaloke' menawo-nawoi en sumelewir sé sakéi. Wo sia mangé rumuru a si Yesus wo icuana, “Guru, ra'ica réén papandungen-Mu, yaku aiwayake' i Maria tuariku, yakuke' in esa e menawo-nawoi? Ru'du'o sia mai en sumémbong a yaku.”
41Taan sia sinowatke' i Apo' Yesus, “Marta, Marta, ico asalo maindé-indé' wo sumusa in owak in esa kerapi ing keli tawoien. 42En ulitna, si musti émaan iow wayake' in esa. Si Maria isumisiro si loor am bagéanna, si ra'ica toro indon ai sia.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
En Taar Weru a nunuwu' é Tontemboan @ LAI 2018