Lukas 12
12
Mareti-reti an sususuien é tou Farisi
(Mat. 10:26-27)
1 #
Mat. 16:6; Mrk. 8:15 Asi témpo itu, mariwu-riwu tou mali'usai akar séra meréngké-réngké'an oka. Wo si Yesus tumo'tolo sumusui, eng kataré-taré a sé murit-Na, icua i Yesus, “Mareti-retio mangé kamu a sé tou Farisi. Séra itu punek, paturu' éra sapaoka séra makiit ing kasalé'an i Casuruan, taan en ulitna séra ra'ica maéma' ing kasalé'an-Na. Em pakatawér éra itu, kaputé i ragi aiwéé an adonan ing kukis wosama' eng kukis itu ruméis. 2#Mrk. 4:22; Luk. 8:17 Ra'ica wana mandé esake' sé makakelew wo ra'ica mawuka' oka wo ra'ica wana mandé esake' si ipakaenep wo ra'ica kakailekan oka. 3Ampa'paan in iituo, sapa en aicua miow ipaene-enep, en itu kakailekan oka é tou keli. Wo sapa ka'i sé aicewit iow ang kamar, en itu ipakua-kua oka am bawo im balé wosama' kalingaan é tou.”
Tioo maindé' ampa'paan sé tou en lumébémai em bééna wo sé rincéng
(Mat. 10:28-31)
4“É karapi-Ku, lingan sumama-sama' en icua-Ku anio'! Tioo kamu maindé' a sé tou sé ro'na maté in owak iow. Ampa'paan mandé en owak iow ro'na patén éra, taan séra ra'ica toro méma' sapa-sapa a mu'kur iow. 5Intarépé' icua-Ku ai camu andumoro' si séi e musti caindé' miow. Si musti caindé' miow wayake' si Amang Kasuruan! Ampa'paan Sia awéan kawasa e maté in owak é tou wo ka'i awéan kawasa en tuméndél i mu'kur é tou an api si ra'ica mape'de-pe'del akar ing kauré-uré. Anaé, icua-Ku ai camu, wayake' si Amang Kasuruan e musti caindé' miow.
6Sérén angé sé rincéng. Ra'ica réén sé lima rincéng pengawangkér em bééna rua roit logam? Mandé ka'i in taniitu ra'ica wana esaan ai séra itu en ilupa i Amang Kasuruan. 7Taniitu ka'i kamu, eng kakeli im buuk an do'kos iow kailekan waya i Amang Kasuruan. Ampa'paan in ituo, tioo kamu maindé', ampa'paan kamu en lumébémai em bééna wo sé rincéng.”
Tioo kamu maindé' mangaku sapaoka kamu makiit Yaku
(Mat. 10:32-33, 12:32, 10:19-20)
8“Si séi e mangaku an dior é tou sapaoka sia makiit Yaku, sia ka'i pangakun oka i Toyaang i Tou an dior é malaékat i Amang Kasuruan. 9Taan si séi en sumangkal Yaku an dior é tou, sia ka'i sangkalen oka i Toyaang i Tou an dior é malaékat i Amang Kasuruan.
10 #
Mat. 12:32; Mrk. 3:29 Sa si tou manuwu' sapake' sé masundur si Toyaang i Tou, sia ro'napé' kaampungan, taan si séike' sé manuwu' sapake' sé maojat si Roh Le'nas, sia ra'io kaampungan.
11 #
Mat. 10:19-20; Mrk. 13:11; Luk. 21:14-15 Sa awéan tou makawali icamu am balé-walé paapo'an é agama Yahudi in akimen kuma'pa a sé pemerénta kuma'pa a sé tou walina sé makatimboi ing kakawasaan, tioo kamu maindé' tumambisa e musti méla in owak iow, kuma'pa sapa e musti icua miow. 12Ampa'paan an tutuw ituke' isusui oka i Roh Le'nas ai camu andumoro' in sapa e musti icua miow.”
En andéan andumoro' i tou siya'
13Wo esaan asé tou keli itu kumua a si Yesus, “Guru, icua mio' a si metuari wo yaku wosama' sia météngai a yaku em budel si aitela'u é matu'a.”
14Taan icua i Yesus ai sia, “Éi poow, si séi réén e mangkai Yaku mamuali akim kuma'pa mengawéténg im budel si aitela'u é matu'a miow?”
15Wo icua-Na a sé pakasa in tou sé imali'us am bitu, “Maté-téiro mangé wo mareti-retio kamu oréoka kamu mamuali tou longi'. Ampa'paan eng katouan é tou, ra'ica asalo mamangén ang kasiyaan, mandé ka'i eng kasiyaanna itu ilumébé-lébéo.”
16Wo icua i Yesus esa andéan ai séra, “Awéan esa tou siya', sia makauma niusewan in tinanem mengawéé wua'na kumeli-keli. 17Wo sia memero-merot an untep in aténa tana'i, ‘Ra'io awes em paumunganku im bua'na in tinanem, sapa e musti émaanku?’ 18Wo werotenna ka'i sapa en émaanna, ‘O si anioo en émaanku! Eganku oka em paumungan im bua'na in tinanem itu wo itoorku sumawel si lébé wangkerai. Asi tampa itu umunganku oka waya im béné' wo im barang-barangku walina. 19Wo icuaku an owakku in esa: Kelio eng kasiyaanku wo ra'ica maka'pu akar im pira ngata'un eng kauréna. Anaé, intarépé' aku ro'nao mena' an tawoienku wo asalo oka mengangan wo mengele-ngelep wo maaru-arui.’ 20Taan icua i Amang Kasuruan ai sia, ‘Éi tou bodok, eng kasiyaan niumungmu itu ra'ica kaipianmu, taan mamuali oka anu é tou walina ampa'paan asi wengi anio'ke' en asengmu indon oka ai co.’
21Tanu siituo ka'i e mamuali a sé tou sé asalo mengumu-ngumung ing kasiyaan in owakna in esa, taan ra'ica mengawéé ang karapi in lekep en até e mengaarui in até i Casuruan. Sé tou tanu siitu meputéo wo sé tou ra'ica wana sapa-sapa an dior i Amang Kasuruan.”
Tioo maindé-indé' andumoro' ing katouan
(Mat. 6:25-34)
22Icua i Yesus a sé murit-Na, “Ampa'paan in itu icua-Ku mangé ai camu, tioo maindé-indé' andumoro' ing katouan iow, andumoro' ing kakanen iow, wo tioo maindé-indé' andumoro' in owak iow, andumoro' in sapa em pakén iow. 23Ampa'paan eng katouan si lébé pentingai wo ing kakanen wo en owak itu lébé pentingai wo ing karai. 24Sérén iow sé kokoak! Séra itu ra'ica mausew wo ra'ica maupu' wo ka'i ra'ica wana paumungan ing kakanen taan séra pengawéanai kanen i Amang Kasuruan. Icamu en lumébémai em bééna wo sé kokoak itu. 25Si séi an esaan ai camu ampa'paan i maindé-indé', ro'na réén sia lumambot in umur ang katouanna? 26Sa kamu ra'ica toro mawes in umur iow mandé wayake' im pira, kéitu réén kamu maindé-indé' andumoro' ing katouan iow?
27 #
1Raj. 10:4-7; 2Taw. 9:3-6 Wéanio' rékén em bungang bakung. Sé bungang itu ra'ica mawi'bit im benang wo ra'ica maéma' ing karai. Icua-Ku mangé ai camu, eng kasiyaan i Salomo ra'io icakua, sia ra'ica sumangkum ako mekarai tanu ing kapasung im bungang itu. 28Sa en dukut am pangumaan asi endo anio' awéan taan woondona mai tiya' an api, taan piniara wo niéma' i Amang Kasuruan pasung. Wopé'ka'i kamu, tantu émaan-Na lébé pasung éi kamu sé ra'ipé talos maéman! 29Anaé, tioo kamu maindé-indé' wo ra'io makaaté in sama' andumoro' in sapa eng kanen oka miow kuma'pa en elepen oka miow. 30Pakasa en itu paérén é tou ang kayo'baan sé ra'ica makatuus si Amang Kasuruan. Taan pakasa sé paperlun iow kailekan i Amang iow an sorga. 31Anaé, pangérén owo eng Kakolanoan i Amang Kasuruan wo in taniitu pakasa em paperlun iow yawes-Na oka mai ai camu.”
32“Mandé kamu wayake' im pira, taan tioo kamu maindé'! Ampa'paan si Amang iow an sorga masalé' sumungkul icamu mamuali tou ang Kakolanoan-Na. 33Iwangkéro mio' eng kasiyaanmu wo en doit itu iwééo mio' a sé tou lengéi! Sa émaan iow tanu siitu, meputéo kamu méma'o im paumungan ing kasiyaan si ra'- ica maléwo' wo awéan akar ing kauré-uré. Siituo eng kasiyaan si ayéma' miow an sorga, si ra'ica rombiten é tou wo ka'i ra'ica léwoon é lolondi. 34Ampa'paan am bisa eng kasiyaan iow, am bitu ka'i en até miow.”
Matéi-téiro
35 #
Mat. 25:1-13 “Matéi-téiro en sumaru im baya-waya. Kamu musti tatap mekarai ing karai patawoi wo en sosoloan iow musti mengembu-ngembung, 36#Mrk. 13:34-36 meputé wo sé ata ang karoro'an i mengento-ngento' si tuangna maréngai am pésta kawéng owo. Sa si tuang itu tuméngkor im papalen, kala'usen éra i muka' em papalen en sumungkul isia. 37Pakakamangen sé ata sa kaumaan i tuang éra ang karoro'an i mengento-ngento' sia an tutuw sia i maréngai. En ulitna icua-Ku mangé ai camu, si tuang itu tu'tulo en sumelewir sé atana itu, wo iru'du'na séra lumukut wo wéanna kanen. 38Pakakamangen sé ata itu sa kaumaan i tuang éra ang karoro'an i mangento-ngento' isia, mandé ka'i sia mai ang katoora im bengi kuma'pa matawi i mando.
39 #
Mat. 24:43-44 Taan musti kailekan iow en anio'! Sa kailekan i makawalé en oras i rombit muntep am baléna, tantu em balé itu téiranna wosama' ra'ica untepan é rombit. 40Ampa'paan in ituo, kamu ka'i musti matéi-téir angé ampa'paan si Toyaang i Tou maai oka sumawel asi oras si ra'ica paarapen iow.”
En andéan andumoro' si ata le'tek wo si ata ra'ica le'tek
(Mat. 24:45-51)
41Kumawus in itu si Petrus mamuéi a si Yesus, “Tuang, si andéan tarépé' torona ami kuma'pa torona im pakasa sé tou?” 42Wo isowat i Yesus ai séra maké in andéan, “Si séi réén si ata le'tek wo pandéi si angkaien oka i tuangna mamuali kikiiten asé ata walina sé matawoi am baléna, wosama' sia méé kanen a sé ata itu an orasnao ing kuman? 43Pakakamangen si ata itu sa kaumaan i tuangna ang karoro'an i maéma' in tawoienna. 44En ulitna icua-Ku mangé ai camu, si ata itu angkaien oka i tuangna e mamuali mandor am pakasa ing kasiyaanna. 45Taan, sa si ata itu léwo' wo kumua an aténa in tana'i, ‘Urépé' réén si tuangku maréngai.’ Wo tumo'tolo papangkurenna sé ata tuama wo wéwéné wo sia kuman wo melep akar i malangu. 46An tutuw i tuangna maréngai asi endo si ra'ica pinaara-arapna wo an oras si ra'ica kailekanna, wo sia pangkuren oka i tuangna akar i maté meputé wo in ukuman é tou ra'ica le'tek. 47Si ata makailek ing kasalé'an i tuangna taan ra'ica matéi-téir wo ra'ica mengaéma' ing kasalé'an i tuangna, sia makéré oka in ukuman si mute-uter. 48Taan si ata ra'ica makailek ing kasalé'an i tuangna wo sia méma' ing kaséaan akar makéré ukuman, taan en ukumanna sa porak. Ampa'paan si séi em binéan i Amang Kasuruan keli, ai sia ka'i pangileken oka keli. Wo si séi en tinokéano i Amang Kasuruan keli, ai sia ka'i pangileken oka keli.”
Si Yesus maai ra'ica maali mai ing kaeluran taan ing kaperéndéran
(Mat. 10:34-36)
49“Yaku mai e méma' sé tou maéman a Yaku wo sé tou ra'- ica maéman a Yaku meréndér. En itu meputé Aku mangkil in api ang kayo'baan anio' wo casalé'-Ku en api itu membungo. 50#Mrk. 10:38 Sangkumen-Ku oka eng kawenduan uter akar Aku maté wo Aku ra'- ica makaaté in sama' sa en itu ra'ipé' mamuali. 51Pawasan iow réén Aku maali mai ing kaeluran ang kayo'baan anio'? Ra'ica! Yaku mai ang kayo'baan anio' ra'ica maali mai ing kaeluran, taan ing kaperéndéran. 52Ampa'paan tumo'tol intarépé' an esa pamalé awéan lima tou mekaréndéran oka. Sé telu tou meréndér wo sé rua tou wo sé rua tou ka'i mensunduran wo sé telu tou. 53#Mi. 7:6 Wo awéan ka'i kaperéndéran, si amang sumundur si toyaangna tuama wo si toyaangna tuama sumundur si amangna. Taniitu ka'i si inang sumundur si toyaangna wéwéné wo si toyaangna wéwéné sumundur ka'i si inangna. Wo ka'i si inang émpo sumundur si émpona wéwéné wo si émpona wéwéné sumundur ka'i si inang émpona.”
En andumoro' in tuu-tuus
(Mat. 16:2-3)
54 #
Mat. 16:2-3 Icua i Yesus a sé tou keli, “Sa sérén iow eng kambung rumangka' a makona, makala'us icua miow, ‘Maayo en uran,’ wo ulit tumumpa en uran. 55Wo sa kapendaman iow en deges a mékona owo maregeso, makala'us icua miow, ‘Maayo eng kasendangen,’ wo ulit mai eng kasendangen. 56Éi camu tou punek! En tuus imamuali an tana' wo an langit ro'na kaangéan iow. Kéitu réén en tuu-tuus paémaan i Amang Kasuruan intarépé' ra'ica kaangéan iow? En itu méé tuus sapaoka Sia ang karoro'an i matawoi.”
Meelurano mangé wo sé kaséké
(Mat. 5:25-26)
57 #
Mat. 5:25-26 Icua ka'i i Yesus, “Kamu in esa musti makawoo musé' wisa si wutul! 58Sa awéan tou en sumarakan ico a si akim, rumaméjio mangé meeluran wo si tou itu, ang karoro'an iow an uneré' in lalan. Sa ra'ica, ico leséén i tou itu mangé sumaru a si akim wo isarakan i akim itu ko a sé matéir im bui wo ko yuntep éra oka am bitu. 59Icua-Ku mangé ai camu, kamu ra'ica kawisa icesot am bui, sa ra'ipé' pinakawéran iow waya en utang iow.”
Currently Selected:
Lukas 12: TNT
Highlight
Share
Copy
Want to have your highlights saved across all your devices? Sign up or sign in
En Taar Weru a nunuwu' é Tontemboan @ LAI 2018
Lukas 12
12
Mareti-reti an sususuien é tou Farisi
(Mat. 10:26-27)
1 #
Mat. 16:6; Mrk. 8:15 Asi témpo itu, mariwu-riwu tou mali'usai akar séra meréngké-réngké'an oka. Wo si Yesus tumo'tolo sumusui, eng kataré-taré a sé murit-Na, icua i Yesus, “Mareti-retio mangé kamu a sé tou Farisi. Séra itu punek, paturu' éra sapaoka séra makiit ing kasalé'an i Casuruan, taan en ulitna séra ra'ica maéma' ing kasalé'an-Na. Em pakatawér éra itu, kaputé i ragi aiwéé an adonan ing kukis wosama' eng kukis itu ruméis. 2#Mrk. 4:22; Luk. 8:17 Ra'ica wana mandé esake' sé makakelew wo ra'ica mawuka' oka wo ra'ica wana mandé esake' si ipakaenep wo ra'ica kakailekan oka. 3Ampa'paan in iituo, sapa en aicua miow ipaene-enep, en itu kakailekan oka é tou keli. Wo sapa ka'i sé aicewit iow ang kamar, en itu ipakua-kua oka am bawo im balé wosama' kalingaan é tou.”
Tioo maindé' ampa'paan sé tou en lumébémai em bééna wo sé rincéng
(Mat. 10:28-31)
4“É karapi-Ku, lingan sumama-sama' en icua-Ku anio'! Tioo kamu maindé' a sé tou sé ro'na maté in owak iow. Ampa'paan mandé en owak iow ro'na patén éra, taan séra ra'ica toro méma' sapa-sapa a mu'kur iow. 5Intarépé' icua-Ku ai camu andumoro' si séi e musti caindé' miow. Si musti caindé' miow wayake' si Amang Kasuruan! Ampa'paan Sia awéan kawasa e maté in owak é tou wo ka'i awéan kawasa en tuméndél i mu'kur é tou an api si ra'ica mape'de-pe'del akar ing kauré-uré. Anaé, icua-Ku ai camu, wayake' si Amang Kasuruan e musti caindé' miow.
6Sérén angé sé rincéng. Ra'ica réén sé lima rincéng pengawangkér em bééna rua roit logam? Mandé ka'i in taniitu ra'ica wana esaan ai séra itu en ilupa i Amang Kasuruan. 7Taniitu ka'i kamu, eng kakeli im buuk an do'kos iow kailekan waya i Amang Kasuruan. Ampa'paan in ituo, tioo kamu maindé', ampa'paan kamu en lumébémai em bééna wo sé rincéng.”
Tioo kamu maindé' mangaku sapaoka kamu makiit Yaku
(Mat. 10:32-33, 12:32, 10:19-20)
8“Si séi e mangaku an dior é tou sapaoka sia makiit Yaku, sia ka'i pangakun oka i Toyaang i Tou an dior é malaékat i Amang Kasuruan. 9Taan si séi en sumangkal Yaku an dior é tou, sia ka'i sangkalen oka i Toyaang i Tou an dior é malaékat i Amang Kasuruan.
10 #
Mat. 12:32; Mrk. 3:29 Sa si tou manuwu' sapake' sé masundur si Toyaang i Tou, sia ro'napé' kaampungan, taan si séike' sé manuwu' sapake' sé maojat si Roh Le'nas, sia ra'io kaampungan.
11 #
Mat. 10:19-20; Mrk. 13:11; Luk. 21:14-15 Sa awéan tou makawali icamu am balé-walé paapo'an é agama Yahudi in akimen kuma'pa a sé pemerénta kuma'pa a sé tou walina sé makatimboi ing kakawasaan, tioo kamu maindé' tumambisa e musti méla in owak iow, kuma'pa sapa e musti icua miow. 12Ampa'paan an tutuw ituke' isusui oka i Roh Le'nas ai camu andumoro' in sapa e musti icua miow.”
En andéan andumoro' i tou siya'
13Wo esaan asé tou keli itu kumua a si Yesus, “Guru, icua mio' a si metuari wo yaku wosama' sia météngai a yaku em budel si aitela'u é matu'a.”
14Taan icua i Yesus ai sia, “Éi poow, si séi réén e mangkai Yaku mamuali akim kuma'pa mengawéténg im budel si aitela'u é matu'a miow?”
15Wo icua-Na a sé pakasa in tou sé imali'us am bitu, “Maté-téiro mangé wo mareti-retio kamu oréoka kamu mamuali tou longi'. Ampa'paan eng katouan é tou, ra'ica asalo mamangén ang kasiyaan, mandé ka'i eng kasiyaanna itu ilumébé-lébéo.”
16Wo icua i Yesus esa andéan ai séra, “Awéan esa tou siya', sia makauma niusewan in tinanem mengawéé wua'na kumeli-keli. 17Wo sia memero-merot an untep in aténa tana'i, ‘Ra'io awes em paumunganku im bua'na in tinanem, sapa e musti émaanku?’ 18Wo werotenna ka'i sapa en émaanna, ‘O si anioo en émaanku! Eganku oka em paumungan im bua'na in tinanem itu wo itoorku sumawel si lébé wangkerai. Asi tampa itu umunganku oka waya im béné' wo im barang-barangku walina. 19Wo icuaku an owakku in esa: Kelio eng kasiyaanku wo ra'ica maka'pu akar im pira ngata'un eng kauréna. Anaé, intarépé' aku ro'nao mena' an tawoienku wo asalo oka mengangan wo mengele-ngelep wo maaru-arui.’ 20Taan icua i Amang Kasuruan ai sia, ‘Éi tou bodok, eng kasiyaan niumungmu itu ra'ica kaipianmu, taan mamuali oka anu é tou walina ampa'paan asi wengi anio'ke' en asengmu indon oka ai co.’
21Tanu siituo ka'i e mamuali a sé tou sé asalo mengumu-ngumung ing kasiyaan in owakna in esa, taan ra'ica mengawéé ang karapi in lekep en até e mengaarui in até i Casuruan. Sé tou tanu siitu meputéo wo sé tou ra'ica wana sapa-sapa an dior i Amang Kasuruan.”
Tioo maindé-indé' andumoro' ing katouan
(Mat. 6:25-34)
22Icua i Yesus a sé murit-Na, “Ampa'paan in itu icua-Ku mangé ai camu, tioo maindé-indé' andumoro' ing katouan iow, andumoro' ing kakanen iow, wo tioo maindé-indé' andumoro' in owak iow, andumoro' in sapa em pakén iow. 23Ampa'paan eng katouan si lébé pentingai wo ing kakanen wo en owak itu lébé pentingai wo ing karai. 24Sérén iow sé kokoak! Séra itu ra'ica mausew wo ra'ica maupu' wo ka'i ra'ica wana paumungan ing kakanen taan séra pengawéanai kanen i Amang Kasuruan. Icamu en lumébémai em bééna wo sé kokoak itu. 25Si séi an esaan ai camu ampa'paan i maindé-indé', ro'na réén sia lumambot in umur ang katouanna? 26Sa kamu ra'ica toro mawes in umur iow mandé wayake' im pira, kéitu réén kamu maindé-indé' andumoro' ing katouan iow?
27 #
1Raj. 10:4-7; 2Taw. 9:3-6 Wéanio' rékén em bungang bakung. Sé bungang itu ra'ica mawi'bit im benang wo ra'ica maéma' ing karai. Icua-Ku mangé ai camu, eng kasiyaan i Salomo ra'io icakua, sia ra'ica sumangkum ako mekarai tanu ing kapasung im bungang itu. 28Sa en dukut am pangumaan asi endo anio' awéan taan woondona mai tiya' an api, taan piniara wo niéma' i Amang Kasuruan pasung. Wopé'ka'i kamu, tantu émaan-Na lébé pasung éi kamu sé ra'ipé talos maéman! 29Anaé, tioo kamu maindé-indé' wo ra'io makaaté in sama' andumoro' in sapa eng kanen oka miow kuma'pa en elepen oka miow. 30Pakasa en itu paérén é tou ang kayo'baan sé ra'ica makatuus si Amang Kasuruan. Taan pakasa sé paperlun iow kailekan i Amang iow an sorga. 31Anaé, pangérén owo eng Kakolanoan i Amang Kasuruan wo in taniitu pakasa em paperlun iow yawes-Na oka mai ai camu.”
32“Mandé kamu wayake' im pira, taan tioo kamu maindé'! Ampa'paan si Amang iow an sorga masalé' sumungkul icamu mamuali tou ang Kakolanoan-Na. 33Iwangkéro mio' eng kasiyaanmu wo en doit itu iwééo mio' a sé tou lengéi! Sa émaan iow tanu siitu, meputéo kamu méma'o im paumungan ing kasiyaan si ra'- ica maléwo' wo awéan akar ing kauré-uré. Siituo eng kasiyaan si ayéma' miow an sorga, si ra'ica rombiten é tou wo ka'i ra'ica léwoon é lolondi. 34Ampa'paan am bisa eng kasiyaan iow, am bitu ka'i en até miow.”
Matéi-téiro
35 #
Mat. 25:1-13 “Matéi-téiro en sumaru im baya-waya. Kamu musti tatap mekarai ing karai patawoi wo en sosoloan iow musti mengembu-ngembung, 36#Mrk. 13:34-36 meputé wo sé ata ang karoro'an i mengento-ngento' si tuangna maréngai am pésta kawéng owo. Sa si tuang itu tuméngkor im papalen, kala'usen éra i muka' em papalen en sumungkul isia. 37Pakakamangen sé ata sa kaumaan i tuang éra ang karoro'an i mengento-ngento' sia an tutuw sia i maréngai. En ulitna icua-Ku mangé ai camu, si tuang itu tu'tulo en sumelewir sé atana itu, wo iru'du'na séra lumukut wo wéanna kanen. 38Pakakamangen sé ata itu sa kaumaan i tuang éra ang karoro'an i mangento-ngento' isia, mandé ka'i sia mai ang katoora im bengi kuma'pa matawi i mando.
39 #
Mat. 24:43-44 Taan musti kailekan iow en anio'! Sa kailekan i makawalé en oras i rombit muntep am baléna, tantu em balé itu téiranna wosama' ra'ica untepan é rombit. 40Ampa'paan in ituo, kamu ka'i musti matéi-téir angé ampa'paan si Toyaang i Tou maai oka sumawel asi oras si ra'ica paarapen iow.”
En andéan andumoro' si ata le'tek wo si ata ra'ica le'tek
(Mat. 24:45-51)
41Kumawus in itu si Petrus mamuéi a si Yesus, “Tuang, si andéan tarépé' torona ami kuma'pa torona im pakasa sé tou?” 42Wo isowat i Yesus ai séra maké in andéan, “Si séi réén si ata le'tek wo pandéi si angkaien oka i tuangna mamuali kikiiten asé ata walina sé matawoi am baléna, wosama' sia méé kanen a sé ata itu an orasnao ing kuman? 43Pakakamangen si ata itu sa kaumaan i tuangna ang karoro'an i maéma' in tawoienna. 44En ulitna icua-Ku mangé ai camu, si ata itu angkaien oka i tuangna e mamuali mandor am pakasa ing kasiyaanna. 45Taan, sa si ata itu léwo' wo kumua an aténa in tana'i, ‘Urépé' réén si tuangku maréngai.’ Wo tumo'tolo papangkurenna sé ata tuama wo wéwéné wo sia kuman wo melep akar i malangu. 46An tutuw i tuangna maréngai asi endo si ra'ica pinaara-arapna wo an oras si ra'ica kailekanna, wo sia pangkuren oka i tuangna akar i maté meputé wo in ukuman é tou ra'ica le'tek. 47Si ata makailek ing kasalé'an i tuangna taan ra'ica matéi-téir wo ra'ica mengaéma' ing kasalé'an i tuangna, sia makéré oka in ukuman si mute-uter. 48Taan si ata ra'ica makailek ing kasalé'an i tuangna wo sia méma' ing kaséaan akar makéré ukuman, taan en ukumanna sa porak. Ampa'paan si séi em binéan i Amang Kasuruan keli, ai sia ka'i pangileken oka keli. Wo si séi en tinokéano i Amang Kasuruan keli, ai sia ka'i pangileken oka keli.”
Si Yesus maai ra'ica maali mai ing kaeluran taan ing kaperéndéran
(Mat. 10:34-36)
49“Yaku mai e méma' sé tou maéman a Yaku wo sé tou ra'- ica maéman a Yaku meréndér. En itu meputé Aku mangkil in api ang kayo'baan anio' wo casalé'-Ku en api itu membungo. 50#Mrk. 10:38 Sangkumen-Ku oka eng kawenduan uter akar Aku maté wo Aku ra'- ica makaaté in sama' sa en itu ra'ipé' mamuali. 51Pawasan iow réén Aku maali mai ing kaeluran ang kayo'baan anio'? Ra'ica! Yaku mai ang kayo'baan anio' ra'ica maali mai ing kaeluran, taan ing kaperéndéran. 52Ampa'paan tumo'tol intarépé' an esa pamalé awéan lima tou mekaréndéran oka. Sé telu tou meréndér wo sé rua tou wo sé rua tou ka'i mensunduran wo sé telu tou. 53#Mi. 7:6 Wo awéan ka'i kaperéndéran, si amang sumundur si toyaangna tuama wo si toyaangna tuama sumundur si amangna. Taniitu ka'i si inang sumundur si toyaangna wéwéné wo si toyaangna wéwéné sumundur ka'i si inangna. Wo ka'i si inang émpo sumundur si émpona wéwéné wo si émpona wéwéné sumundur ka'i si inang émpona.”
En andumoro' in tuu-tuus
(Mat. 16:2-3)
54 #
Mat. 16:2-3 Icua i Yesus a sé tou keli, “Sa sérén iow eng kambung rumangka' a makona, makala'us icua miow, ‘Maayo en uran,’ wo ulit tumumpa en uran. 55Wo sa kapendaman iow en deges a mékona owo maregeso, makala'us icua miow, ‘Maayo eng kasendangen,’ wo ulit mai eng kasendangen. 56Éi camu tou punek! En tuus imamuali an tana' wo an langit ro'na kaangéan iow. Kéitu réén en tuu-tuus paémaan i Amang Kasuruan intarépé' ra'ica kaangéan iow? En itu méé tuus sapaoka Sia ang karoro'an i matawoi.”
Meelurano mangé wo sé kaséké
(Mat. 5:25-26)
57 #
Mat. 5:25-26 Icua ka'i i Yesus, “Kamu in esa musti makawoo musé' wisa si wutul! 58Sa awéan tou en sumarakan ico a si akim, rumaméjio mangé meeluran wo si tou itu, ang karoro'an iow an uneré' in lalan. Sa ra'ica, ico leséén i tou itu mangé sumaru a si akim wo isarakan i akim itu ko a sé matéir im bui wo ko yuntep éra oka am bitu. 59Icua-Ku mangé ai camu, kamu ra'ica kawisa icesot am bui, sa ra'ipé' pinakawéran iow waya en utang iow.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
En Taar Weru a nunuwu' é Tontemboan @ LAI 2018