Matius 24
24
Em Balé Le'nas pakatongka-tongkaren oka
(Mrk. 13:1-2; Luk. 21:5-6)
1Kumawus in itu si Yesus kumesot tumela'u im Balé Le'nas, wo mai sé murit-Na rumuru ai Sia wo tumuru' sé wangunan am Balé Le'nas. 2Wo icua-Na ai séra, “Sérén iow sé wangunan itu. En ulitna icua-Ku mangé ai camu, awéan en orasna sé wangunan itu pakatongka-tongkaren oka, akar ra'io wana esa watu am bia'i e meliunsunan am bawo im batu walina.”
En to'tolan ing kawenduan
(Mrk. 13:3-13; Luk. 21:7-19)
3Kumawus in itu, si Yesus mangé an Tolaina in Zaitun wo ang karoro'an-Na i makalukut am bitu wo mai sé murit-Na mepaar ang karapi-Na, sérake' in esa. Icua éra, “Guru, icua mai ai cami, kawisa réén en aicua i Guru itu mamuali? Wo sapa réén en tuusna sa si Guru maayo sumawel wo sapa réén en tuusna sa an orasnao in endo kaka'puan ing kayo'baan?”
4Icua i Yesus ai séra, “Matéi-téiro mangé kamu, wosama' kamu ra'ica isélé'kow é tou. 5Ampa'paan kelian tou e maai maké i ngaran-Ku wo makua in tana'i, ‘Yakuo si Kristus!’ Wo séra sumélé'kow oka sé tou keli. 6Wo kalingaan iow oka en téngéna im perang, wo en abar andumoro' im perang. Taan mandé in taniitu mareti-retio wo tioo kamu maindé'. Pakasa en itu musti mamuali, taan ra'ipé' an orasna ing kaka'puan ing kayo'baan. 7Ampa'paan maai oka en orasna si esa bangsa mensunduran oka wo sé bangsa walina, si esa kakolanoan mensunduran wo sé kakolanoan walina. Wo awéan oka ka'i kaareman wo ka'i tana' mangéro' am bisa-wisa. 8Taan pakasa en itu asalopé' to'tolan ing kawenduan tutuw ra'ipé' mai en jaman weru. 9#Mat. 10:22 An tutuw itu kamu ka'i isarakan oka éra en okoien wo patén, pakasa im bangsa masuut oka icamu ampa'paan kamu makiit Yaku. 10Wo asi témpo itu, keli en tou sé maéman, ra'io ka'i maéman a Yaku. Séra mengking-kianatan wo mengkasuutan. 11Kelian sé nabi ra'ica wutul mapaturu' oka wo sumélé'kow sé tou keli. 12Wo eng kaléwo-léwo'an pengaémaan é tou makaawes, akar keli ka'i sé tou ra'io mengaupus sé tou walina. 13#Mat. 10:22 Taan sé tou le'tek makiit Yaku akar imaté séra makéré oka ing kalowiran. 14Wo en Abar Kaaruien andumoro' ing Kakolanoan in Sorga ipakua-kua oka am bisa-wisa asi kayo'baan anio', e mamuali kasairian a sé pakasa é tou. Kumawus in itu maayo en endo kaka'puan ing kayo'baan.”
En okoi si maute-uter wo sé mesias ra'ica wutul
(Mrk. 13:14-23; Luk. 21:20-24)
15 #
Dan. 9:27, 11:31, 12:11 “Anaé, sa sérén iow si esa tou luméwo-léwo' makatulung asi tampa le'nas, tanu in aipatico i nabi Daniel. [Si séi e maca in anio' wéanio' rékén sumama-sama'! ] 16Sa taniitu, lébé loor sé tou an Yudea musti tumincas angé ang kuntu-kuntung. 17#Luk. 17:31 Si tou am bawo im balé nomoo tumumpa e mindo im barang-barang sé an untep im baléna. 18Taniitu ka'i wo sé tou an uma, nomoo maréng e mindo ing karai, taan makala'uso taré tumincas! 19Wo eng kala'meren keli asi témpo itu sé wéwéné maowa-owak kuma'pa sé pasusuané' é toyaang makatoué'. 20Sumombayango wosama' an tutuw iow matincas en sumingkir, ra'ica an oras ing kautingan kuma'pa tumena in endo Sabat. 21#Dan. 12:1; Why. 7:14 Ampa'paan asé endo itu awéan kawenduan wangko' sé ra'ipé' kawisa imamuali tumo'tolke' mai eng kayo'baan anio' niéma' akar intarépé'. Wo ra'io kawisa ka'i mamuali. 22Wo sa sé endo kawenduan itu ra'ica koleken i Amang Kasuruan, ra'ica wana mandé esake' tou e malowir. Taan ampa'paano ing kaupusan-Na a sé tou sé sinisir-Nao, akar sé endo kawenduan itu koleken-Na oka.
23An tutuw itu, sa awéan tou kumua ai camu in tana'i, ‘Sérén, si Mesias am bia'i!’ kuma'pa, ‘Sérén, si Mesias am bitu!’, tioo percayan iow en itu. 24Ampa'paan sé kristus ra'ica wutul wo sé nabi ra'ica wutul mapaturu' oka. Émaan éra oka en tuu-tuus wo kakaya'kaan sé ra'io icakua en sumélé'kow sé tou, sa woo ro'na ka'i, isélé'kow éra sé tou sinisiro i Amang Kasuruan. 25Ta'néien sumama-sama', pakasa en itu ra'ipé' imamuali taan airior-Kuo icua ai camu.
26 #
Luk. 17:23-24 Ampa'paano in itu, sa awéan tou eng kumua, ‘Sérén, si Kristus a mangé en tana' kapayasan!’, ra'ica toro kamu mangé am bitu. Kuma'pa, sa awéan eng kumua, ‘Sérén, si Kristus makaenep an untep ing kamar!’, ra'ica toro percayan iow. 27Ampa'paan an tutuw si Toyaang i Tou maai sumawel ang kayo'baan, Sia kaséréan tanuoka ing kilat si tumélang tumo'tol an tempok ico akar an tempok ako.
28 #
Luk. 17:37 Am bisa en awéan binatang imatéo, tantu am bitu em pakali'muran é burung mengakan in sama'na wuruk.”
Si Toyaang i Tou maai sumawel wo en andéan andumoro' in tuura in ara
(Mrk. 13:24-31; Luk. 21:25-33)
29 #
Yes. 13:10, 34:4; Yeh. 32:7; Yl. 2:10, 31, 3:15; Why. 6:12-13 “Kekawus ing kawenduan asé endo itu, ‘Si yéndo mariréimbeng oka wo si serap ra'io ka'i tumélang. Sé sumesendot an langit makarongko-rongkor oka wo pakasa eng kawasa an langit malicoko oka.’ 30#Dan. 7:13; Za. 12:10-14; Why. 1:7 An tutuw itu, an langit kaséréan oka awéan tuus i Toyaang i Tou, wo pakasa sé bangsa ang kayo'baan maamé' oka. Séra suméré oka si Toyaang i Tou itu mai an dangka' ing kambung-kambung ang karapi waya ing kawasa wo ing kawangko'-Na. 31Wo iru'du'-Na oka sé malaékat-Na kumesot sumengo in trompét taténgé keli, wo ipapali'us-Na ai séra pakasa sé tou sé sinisir-Nao am bisa-wisake' asi kayo'baan anio' tumo'tol asi tempok in langit akar asi tempok in langit.
32Mindoo mio' sususuien asi andéan tuura in ara. Sa sé pangana rintek mamata'o wo tumo'tolo maséé, kailekano miow sa matawio en oras ing kasendangen. 33Taniitu ka'i sa sérén iow in andumoro' sé aicua-Ku tarépé' itu mato'tolo mamuali, kailekano miow sa si Toyaang i Tou maai sumawel makatawio, Sia an dioro im papalen. 34En ulitna icua-Ku mangé ai camu, sé tou menonou intarépé',#24:34 “Sé tou menonou intarépé'”: En itu tumuru' sé tou menonou an tutuw i Yesus menonoué'. ra'ipé' maté sa em pakasa en anio ra'ipé' mamuali. 35En langit wo eng kayo'baan maka'pu oka taan e nunuwu'-Ku ra'ica maka'pu akar ing kauré-uré.”
En sisina'u wosama' matéi-téir
(Mrk. 13:32-37; Luk. 17:26-30, 34-36)
36“Ra'ica wana tou e makailek in endo wo in jam si Toyaang i Tou maai sumawel. Sé malaékat an sorga ra'ica makailek, si Toyaang i Tou ka'i ra'ica makailek, wayake' si Amang in esa e makailek. 37#Kej. 6:5-8 Ampa'paan tambisa e mamuali an jaman i Nuh, taniitu ka'i e mamuali oka a si Toyaang i Tou an tutuw-Na maai sumawel. 38An jaman i Nuh itu an tutuw ra'ipé' imai en sonop wangko', eng katouan é tou asalo si mengangan wo si mengele-ngelep wo mamualio kanaramen éra sé tuama wo sé wéwéné mengkang-kawéngan akar asi endo i Nuh sumaké ang kapal wangker. 39#Kej. 7:6-24 Wo ra'io kailekan é tou itu en sonop wangko' maayo mai lumesem séra im baya. Taniituo ka'i e mamuali a sé tou ra'ica matéi-téir an tutuw i Toyaang i Tou tumarépé'anke' maai sumawel. 40Asi témpo itu sa awéan rua tou ang karoro'an i matawoi an uma, si esa iwali oka wo si esa itela'u. 41Wo sa awéan rua wéwéné ang karoro'an i magiling ing gandum, si esa iwali oka wo si esa itela'u. 42Ampa'paan in iitu matéi-téiro mangé, ampa'paan ra'ica kailekan iow asi endo kawisa si Casuruan maai. 43#Luk. 12:39-40 Taan musti kailekan iow en anio'! Sa kailekano i makawalé kawisa si rombit mai rumombit am baléna, tantu sia matéi-téir wosama' si rombit ra'ica muntep am baléna. 44Taniitu ka'i wo icamu, matéi-téir angé ampa'paan si Toyaang i Tou maai oka sumawel asi oras si ra'ica pinaarap iow.”
En andéan andumoro' si ata le'tek wo si ata ra'ica le'tek
(Luk. 12:41-48)
45“Si séi si ata le'tek wo pandéi, tantu sia angkaien i tuangna mamuali kikiiten é kakéléna ata am balé i tuang itu. Wo sia tokéan i tuangna e méé kanen a sé kakéléna ata an oraso ing kuman. 46Pakakamangen si ata itu sa kaumaan i tuangna ang karoro'an maéma' in tawoienna. 47En ulitna icua-Ku mangé ai camu, si ata itu angkaien oka i tuangna wo mamuali mandor am pakasa ing kasiyaanna.
48Taan sa si ata itu léwo', wo kumua an aténa in tana'i, 49‘Urépé' réén si tuangku maréngai.’ Anaé, tumo'tolo papangkurenna sé ata walina, wo mangé ka'i kuman wo melep ang karapi é tou lalangun. 50An tutuw i tuangna maréngai asi endo si ra'ica pinaara-arapna, wo an oras si ra'ica kailekanna, 51wo si ata itu ukuman oka i tuangna in ukumen patén wo iténdél an tampa tinéndélan sé tou punek. Am bitu oka séra maamé' akar i mengare-ngare'ket em baang.”
Currently Selected:
Matius 24: TNT
Highlight
Share
Copy
Want to have your highlights saved across all your devices? Sign up or sign in
En Taar Weru a nunuwu' é Tontemboan @ LAI 2018
Matius 24
24
Em Balé Le'nas pakatongka-tongkaren oka
(Mrk. 13:1-2; Luk. 21:5-6)
1Kumawus in itu si Yesus kumesot tumela'u im Balé Le'nas, wo mai sé murit-Na rumuru ai Sia wo tumuru' sé wangunan am Balé Le'nas. 2Wo icua-Na ai séra, “Sérén iow sé wangunan itu. En ulitna icua-Ku mangé ai camu, awéan en orasna sé wangunan itu pakatongka-tongkaren oka, akar ra'io wana esa watu am bia'i e meliunsunan am bawo im batu walina.”
En to'tolan ing kawenduan
(Mrk. 13:3-13; Luk. 21:7-19)
3Kumawus in itu, si Yesus mangé an Tolaina in Zaitun wo ang karoro'an-Na i makalukut am bitu wo mai sé murit-Na mepaar ang karapi-Na, sérake' in esa. Icua éra, “Guru, icua mai ai cami, kawisa réén en aicua i Guru itu mamuali? Wo sapa réén en tuusna sa si Guru maayo sumawel wo sapa réén en tuusna sa an orasnao in endo kaka'puan ing kayo'baan?”
4Icua i Yesus ai séra, “Matéi-téiro mangé kamu, wosama' kamu ra'ica isélé'kow é tou. 5Ampa'paan kelian tou e maai maké i ngaran-Ku wo makua in tana'i, ‘Yakuo si Kristus!’ Wo séra sumélé'kow oka sé tou keli. 6Wo kalingaan iow oka en téngéna im perang, wo en abar andumoro' im perang. Taan mandé in taniitu mareti-retio wo tioo kamu maindé'. Pakasa en itu musti mamuali, taan ra'ipé' an orasna ing kaka'puan ing kayo'baan. 7Ampa'paan maai oka en orasna si esa bangsa mensunduran oka wo sé bangsa walina, si esa kakolanoan mensunduran wo sé kakolanoan walina. Wo awéan oka ka'i kaareman wo ka'i tana' mangéro' am bisa-wisa. 8Taan pakasa en itu asalopé' to'tolan ing kawenduan tutuw ra'ipé' mai en jaman weru. 9#Mat. 10:22 An tutuw itu kamu ka'i isarakan oka éra en okoien wo patén, pakasa im bangsa masuut oka icamu ampa'paan kamu makiit Yaku. 10Wo asi témpo itu, keli en tou sé maéman, ra'io ka'i maéman a Yaku. Séra mengking-kianatan wo mengkasuutan. 11Kelian sé nabi ra'ica wutul mapaturu' oka wo sumélé'kow sé tou keli. 12Wo eng kaléwo-léwo'an pengaémaan é tou makaawes, akar keli ka'i sé tou ra'io mengaupus sé tou walina. 13#Mat. 10:22 Taan sé tou le'tek makiit Yaku akar imaté séra makéré oka ing kalowiran. 14Wo en Abar Kaaruien andumoro' ing Kakolanoan in Sorga ipakua-kua oka am bisa-wisa asi kayo'baan anio', e mamuali kasairian a sé pakasa é tou. Kumawus in itu maayo en endo kaka'puan ing kayo'baan.”
En okoi si maute-uter wo sé mesias ra'ica wutul
(Mrk. 13:14-23; Luk. 21:20-24)
15 #
Dan. 9:27, 11:31, 12:11 “Anaé, sa sérén iow si esa tou luméwo-léwo' makatulung asi tampa le'nas, tanu in aipatico i nabi Daniel. [Si séi e maca in anio' wéanio' rékén sumama-sama'! ] 16Sa taniitu, lébé loor sé tou an Yudea musti tumincas angé ang kuntu-kuntung. 17#Luk. 17:31 Si tou am bawo im balé nomoo tumumpa e mindo im barang-barang sé an untep im baléna. 18Taniitu ka'i wo sé tou an uma, nomoo maréng e mindo ing karai, taan makala'uso taré tumincas! 19Wo eng kala'meren keli asi témpo itu sé wéwéné maowa-owak kuma'pa sé pasusuané' é toyaang makatoué'. 20Sumombayango wosama' an tutuw iow matincas en sumingkir, ra'ica an oras ing kautingan kuma'pa tumena in endo Sabat. 21#Dan. 12:1; Why. 7:14 Ampa'paan asé endo itu awéan kawenduan wangko' sé ra'ipé' kawisa imamuali tumo'tolke' mai eng kayo'baan anio' niéma' akar intarépé'. Wo ra'io kawisa ka'i mamuali. 22Wo sa sé endo kawenduan itu ra'ica koleken i Amang Kasuruan, ra'ica wana mandé esake' tou e malowir. Taan ampa'paano ing kaupusan-Na a sé tou sé sinisir-Nao, akar sé endo kawenduan itu koleken-Na oka.
23An tutuw itu, sa awéan tou kumua ai camu in tana'i, ‘Sérén, si Mesias am bia'i!’ kuma'pa, ‘Sérén, si Mesias am bitu!’, tioo percayan iow en itu. 24Ampa'paan sé kristus ra'ica wutul wo sé nabi ra'ica wutul mapaturu' oka. Émaan éra oka en tuu-tuus wo kakaya'kaan sé ra'io icakua en sumélé'kow sé tou, sa woo ro'na ka'i, isélé'kow éra sé tou sinisiro i Amang Kasuruan. 25Ta'néien sumama-sama', pakasa en itu ra'ipé' imamuali taan airior-Kuo icua ai camu.
26 #
Luk. 17:23-24 Ampa'paano in itu, sa awéan tou eng kumua, ‘Sérén, si Kristus a mangé en tana' kapayasan!’, ra'ica toro kamu mangé am bitu. Kuma'pa, sa awéan eng kumua, ‘Sérén, si Kristus makaenep an untep ing kamar!’, ra'ica toro percayan iow. 27Ampa'paan an tutuw si Toyaang i Tou maai sumawel ang kayo'baan, Sia kaséréan tanuoka ing kilat si tumélang tumo'tol an tempok ico akar an tempok ako.
28 #
Luk. 17:37 Am bisa en awéan binatang imatéo, tantu am bitu em pakali'muran é burung mengakan in sama'na wuruk.”
Si Toyaang i Tou maai sumawel wo en andéan andumoro' in tuura in ara
(Mrk. 13:24-31; Luk. 21:25-33)
29 #
Yes. 13:10, 34:4; Yeh. 32:7; Yl. 2:10, 31, 3:15; Why. 6:12-13 “Kekawus ing kawenduan asé endo itu, ‘Si yéndo mariréimbeng oka wo si serap ra'io ka'i tumélang. Sé sumesendot an langit makarongko-rongkor oka wo pakasa eng kawasa an langit malicoko oka.’ 30#Dan. 7:13; Za. 12:10-14; Why. 1:7 An tutuw itu, an langit kaséréan oka awéan tuus i Toyaang i Tou, wo pakasa sé bangsa ang kayo'baan maamé' oka. Séra suméré oka si Toyaang i Tou itu mai an dangka' ing kambung-kambung ang karapi waya ing kawasa wo ing kawangko'-Na. 31Wo iru'du'-Na oka sé malaékat-Na kumesot sumengo in trompét taténgé keli, wo ipapali'us-Na ai séra pakasa sé tou sé sinisir-Nao am bisa-wisake' asi kayo'baan anio' tumo'tol asi tempok in langit akar asi tempok in langit.
32Mindoo mio' sususuien asi andéan tuura in ara. Sa sé pangana rintek mamata'o wo tumo'tolo maséé, kailekano miow sa matawio en oras ing kasendangen. 33Taniitu ka'i sa sérén iow in andumoro' sé aicua-Ku tarépé' itu mato'tolo mamuali, kailekano miow sa si Toyaang i Tou maai sumawel makatawio, Sia an dioro im papalen. 34En ulitna icua-Ku mangé ai camu, sé tou menonou intarépé',#24:34 “Sé tou menonou intarépé'”: En itu tumuru' sé tou menonou an tutuw i Yesus menonoué'. ra'ipé' maté sa em pakasa en anio ra'ipé' mamuali. 35En langit wo eng kayo'baan maka'pu oka taan e nunuwu'-Ku ra'ica maka'pu akar ing kauré-uré.”
En sisina'u wosama' matéi-téir
(Mrk. 13:32-37; Luk. 17:26-30, 34-36)
36“Ra'ica wana tou e makailek in endo wo in jam si Toyaang i Tou maai sumawel. Sé malaékat an sorga ra'ica makailek, si Toyaang i Tou ka'i ra'ica makailek, wayake' si Amang in esa e makailek. 37#Kej. 6:5-8 Ampa'paan tambisa e mamuali an jaman i Nuh, taniitu ka'i e mamuali oka a si Toyaang i Tou an tutuw-Na maai sumawel. 38An jaman i Nuh itu an tutuw ra'ipé' imai en sonop wangko', eng katouan é tou asalo si mengangan wo si mengele-ngelep wo mamualio kanaramen éra sé tuama wo sé wéwéné mengkang-kawéngan akar asi endo i Nuh sumaké ang kapal wangker. 39#Kej. 7:6-24 Wo ra'io kailekan é tou itu en sonop wangko' maayo mai lumesem séra im baya. Taniituo ka'i e mamuali a sé tou ra'ica matéi-téir an tutuw i Toyaang i Tou tumarépé'anke' maai sumawel. 40Asi témpo itu sa awéan rua tou ang karoro'an i matawoi an uma, si esa iwali oka wo si esa itela'u. 41Wo sa awéan rua wéwéné ang karoro'an i magiling ing gandum, si esa iwali oka wo si esa itela'u. 42Ampa'paan in iitu matéi-téiro mangé, ampa'paan ra'ica kailekan iow asi endo kawisa si Casuruan maai. 43#Luk. 12:39-40 Taan musti kailekan iow en anio'! Sa kailekano i makawalé kawisa si rombit mai rumombit am baléna, tantu sia matéi-téir wosama' si rombit ra'ica muntep am baléna. 44Taniitu ka'i wo icamu, matéi-téir angé ampa'paan si Toyaang i Tou maai oka sumawel asi oras si ra'ica pinaarap iow.”
En andéan andumoro' si ata le'tek wo si ata ra'ica le'tek
(Luk. 12:41-48)
45“Si séi si ata le'tek wo pandéi, tantu sia angkaien i tuangna mamuali kikiiten é kakéléna ata am balé i tuang itu. Wo sia tokéan i tuangna e méé kanen a sé kakéléna ata an oraso ing kuman. 46Pakakamangen si ata itu sa kaumaan i tuangna ang karoro'an maéma' in tawoienna. 47En ulitna icua-Ku mangé ai camu, si ata itu angkaien oka i tuangna wo mamuali mandor am pakasa ing kasiyaanna.
48Taan sa si ata itu léwo', wo kumua an aténa in tana'i, 49‘Urépé' réén si tuangku maréngai.’ Anaé, tumo'tolo papangkurenna sé ata walina, wo mangé ka'i kuman wo melep ang karapi é tou lalangun. 50An tutuw i tuangna maréngai asi endo si ra'ica pinaara-arapna, wo an oras si ra'ica kailekanna, 51wo si ata itu ukuman oka i tuangna in ukumen patén wo iténdél an tampa tinéndélan sé tou punek. Am bitu oka séra maamé' akar i mengare-ngare'ket em baang.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
En Taar Weru a nunuwu' é Tontemboan @ LAI 2018