Yohanes 15
15
Si Yesus én tanu un uli-ulit tuuzna un anggor
1A si Yesus kumuama wia sé pahtuzu'en-Na, “Ni Aku én tanu un uli-ulit tuuz un anggor wo si Ama'-Ku si memimiara niitu. 2Péléng am panga zéi'kan memumua' ém pahketoren-Na wo péléng am panga wéwéhan wua'na ém pahweresin-Na wo um wua'na é malakez.
3Ni kamu én uli-ulit weresimo pahpaan a nuwu' mémoikua-Ku wia ni kamu. 4Niitumo, maesamola karia-Ku tanu ni Aku nimaesa karia niou. Tanu um panga én zéi'kan mata'u mua' sa zéi'kan nimaesa karia un tuuzna un anggor, téntu kangkasii ni kamu zéi'kan mua' sa zéi'kan nimaesa karia-Ku.
5Ni Aku én tanu un tuuzna un anggor wo ni kamu én tanu am pangana un anggor. Séi uman si nimaesa karia-Ku wo ni Aku nimaesa kariana, um pahwua'namé é lakez, pahpaan sa zéi'kan nimaesa karia-Ku, zéi'kan siapa un toro wangunen niou. 6Séi uman si zéi'kan nimaesa karia-Ku, ni sia én tanu am panga pera a maitia' wo réwoken né tou wo ilombo' witu un api wo la'ungen. 7Sa kamu nimaesa karia-Ku wo a nuwu'-Ku ém witu un até niou, mahaléila apa uman ung kapaaz niou wia si Ama' wo ni kamu é makailek niitu. 8Sa am pahwua' nioué é lakez, si Ama'-Ku ém pahloozen wo pahsigi'en, wo karia in téntu ni kamu én uli-ulit maéndo pahtuzu'eng-Ku.”
Um perénta i mahraa-raatéan
9A si Yesus kumua kasiima wia sé pahtuzu'en-Na, “Tanu si Ama' rumaraaté ni Aku, téntu kangkasii ni Aku rumaraaté ni kamu. Menou-noula in tou sé karaaté-Ku. 10Sa ni kamu mahkii-kiit am perénta-Ku, ni kamu é menou-nou in tou sé karaaté-Ku. Tanu ni Aku i mahkii-kiit am perénta ni Ama'-Ku wo ni Aku é menou-nou in tou si karaaté-Na.
11Péléng niitu é méikua-Kuma wia ni kamu, wo un até niou toro mahpaa-paaz tanu un até-Ku i mahpaa-paaz wo u mahpaa-paaz niou malekep. 12#Yoh. 13:34, 15:17; 1Yoh. 3:23; 2Yoh. 1:5 Ung kenumo um perénta-Ku: mahraa-raatéanla ni kamu tanu ni Aku i rumaraaté ni kamu. 13Zéi'kan siapa u raraatéan u lumousé ung kenu: si tou nimayo un touna i maté wo sé kakariana toro menou-nou. 14Ni kamu éng kakaria-Ku, sa ni kamu mahwangun a méiperénta-Ku wia ni kamu. 15Ni kamu én zéi'mo pahkuang-Ku in ata, pahpaan si ata én zéi'kan mata'u a mawangunen ni tuangna, taan ni kamu ém pahkuang-Ku ing kakaria, pahpaan ni Aku éng kimuamo wia ni kamu péléng an tinalinga-Kumé wia si Ama'-Ku. 16Zéi'kan ni kamu sé niméléng ni Aku, taan ni Aku si niméléng ni kamu. Ni Aku nimatu ni kamu wo ni kamu mangé wo mangun lakez am paayangen lé'os wo am wua'na am paayangen niou é memia-mia makaz ing kauré-uré. Karia in téntu, apa uman um pahaléien niou wia si Ama' mengiité u ngaran-Ku, niitu én iwéhé-Na wia ni kamu. 17Ung kenumo um perénta-Ku wia ni kamu: Mahraa-raatéanla si esa im wia sé walina.”
Sé tou wia ung kaayahan mazi'zis si Yesus wo sé pahtuzu'en-Na
18A si Yesus kumua kasii, “Sa sé tou wia ung kaayahan é mazi'zis ni kamu, genangenola i sé tou itii é nimazi'zisola ni Aku puunala ni séra mazi'zis ni kamu. 19Sa ni kamu masuat karia né tou wia ung kaayahan kenu sé zéi'kan ma'éman ni Aku, tantumo sé tou itii é rumaraaté ni kamu pahpaan ni kamu én anu néra. Taan pahpaan ni Aku é niméléngo ni kamu im wia sé tou wia ung kaayahan kenu, niitumo ni kamu én zéi'mo anu né tou wia ung kaayahan kenu. Pahpaano niitu sé tou wia ung kaayahan kenu nimazi'zisola ni kamu.
20 #
Mat. 10:24; Luk. 6:40; Yoh. 13:16 Gena-genangen apa u mémoikua-Ku wia ni kamu: si ata én zéi'kan lumousé si tuangna. Niitumo sa ni Aku in tuang niou én zinéhamola né tou wia ung kaayahan kenu, tantumo ni kamu kangkasii é mazézéhan néra. Sa ni séra nimahwangunola a nuwu'-Ku, ni séra kangkasii é mangun an ipahnuwu' niou. 21Taan péléng niitu ém wangunen néra wia ni kamu pahpaan ni kamu ma'éman ni Aku, pahpaan ni séra én zéi'kan mata'u ni Sia si nimatumé ni Aku. 22Sa ni Aku zéi'kan niméyé wo zéi'kan nimuwu'ma wia ni séra, tantumo ni séra én zéi'kan simingkéla'. Taan in tarékan ni séra én zéi'mo mata'u kumua, ‘Zéi'kan kata'uan nai sa am pahwangunen nai itii é singkéla'.’
23Séi uman si mazi'zis ni Aku, ni sia kangkasii é mazi'zis si Ama'-Ku. 24Sa ni Aku zéi'kan nimanguna a makakompo'en an zéi'kan winangunla né tou walina, tantumo ni séra én zéi'kan simingkéla'. Taan in tarékan, zozo' ni séra nimilekola niitu péléng, ni séra é mazi'zis ni Aku wo si Ama'-Ku. 25#Mzm. 35:19, 69:5 Taan u nuwu' méipantik witu un ukum Torat é léwo'zéi' i malekep: ‘Ni séra é mazi'zis ni Aku, taan zéi'kan siapa zozo' in esa um winangun-Ku u mangun ni séra mazi'zis ni Aku.’
26Ni Aku é matumé wia ni kamu si Menunulung si wia si Ama' a méyé. Ni Siamo si Roh Kaulitan, si mémapailek ung kaulitan tumoro si Opo Empung. Sa ni Sia méyé, ni Sia é mékumua ang kata'uan-Na tumoro ni Aku. 27Taan ni kamu kangkasii é léwo'zéi' ing kumua a niilek niou tumoro ni Aku, pahpaan ni kamu é nimemali-malimola karia-Ku rengané ing kataré-taré.”
Currently Selected:
Yohanes 15: LAITOM
Highlight
Share
Copy
Want to have your highlights saved across all your devices? Sign up or sign in
Yohanes 15
15
Si Yesus én tanu un uli-ulit tuuzna un anggor
1A si Yesus kumuama wia sé pahtuzu'en-Na, “Ni Aku én tanu un uli-ulit tuuz un anggor wo si Ama'-Ku si memimiara niitu. 2Péléng am panga zéi'kan memumua' ém pahketoren-Na wo péléng am panga wéwéhan wua'na ém pahweresin-Na wo um wua'na é malakez.
3Ni kamu én uli-ulit weresimo pahpaan a nuwu' mémoikua-Ku wia ni kamu. 4Niitumo, maesamola karia-Ku tanu ni Aku nimaesa karia niou. Tanu um panga én zéi'kan mata'u mua' sa zéi'kan nimaesa karia un tuuzna un anggor, téntu kangkasii ni kamu zéi'kan mua' sa zéi'kan nimaesa karia-Ku.
5Ni Aku én tanu un tuuzna un anggor wo ni kamu én tanu am pangana un anggor. Séi uman si nimaesa karia-Ku wo ni Aku nimaesa kariana, um pahwua'namé é lakez, pahpaan sa zéi'kan nimaesa karia-Ku, zéi'kan siapa un toro wangunen niou. 6Séi uman si zéi'kan nimaesa karia-Ku, ni sia én tanu am panga pera a maitia' wo réwoken né tou wo ilombo' witu un api wo la'ungen. 7Sa kamu nimaesa karia-Ku wo a nuwu'-Ku ém witu un até niou, mahaléila apa uman ung kapaaz niou wia si Ama' wo ni kamu é makailek niitu. 8Sa am pahwua' nioué é lakez, si Ama'-Ku ém pahloozen wo pahsigi'en, wo karia in téntu ni kamu én uli-ulit maéndo pahtuzu'eng-Ku.”
Um perénta i mahraa-raatéan
9A si Yesus kumua kasiima wia sé pahtuzu'en-Na, “Tanu si Ama' rumaraaté ni Aku, téntu kangkasii ni Aku rumaraaté ni kamu. Menou-noula in tou sé karaaté-Ku. 10Sa ni kamu mahkii-kiit am perénta-Ku, ni kamu é menou-nou in tou sé karaaté-Ku. Tanu ni Aku i mahkii-kiit am perénta ni Ama'-Ku wo ni Aku é menou-nou in tou si karaaté-Na.
11Péléng niitu é méikua-Kuma wia ni kamu, wo un até niou toro mahpaa-paaz tanu un até-Ku i mahpaa-paaz wo u mahpaa-paaz niou malekep. 12#Yoh. 13:34, 15:17; 1Yoh. 3:23; 2Yoh. 1:5 Ung kenumo um perénta-Ku: mahraa-raatéanla ni kamu tanu ni Aku i rumaraaté ni kamu. 13Zéi'kan siapa u raraatéan u lumousé ung kenu: si tou nimayo un touna i maté wo sé kakariana toro menou-nou. 14Ni kamu éng kakaria-Ku, sa ni kamu mahwangun a méiperénta-Ku wia ni kamu. 15Ni kamu én zéi'mo pahkuang-Ku in ata, pahpaan si ata én zéi'kan mata'u a mawangunen ni tuangna, taan ni kamu ém pahkuang-Ku ing kakaria, pahpaan ni Aku éng kimuamo wia ni kamu péléng an tinalinga-Kumé wia si Ama'-Ku. 16Zéi'kan ni kamu sé niméléng ni Aku, taan ni Aku si niméléng ni kamu. Ni Aku nimatu ni kamu wo ni kamu mangé wo mangun lakez am paayangen lé'os wo am wua'na am paayangen niou é memia-mia makaz ing kauré-uré. Karia in téntu, apa uman um pahaléien niou wia si Ama' mengiité u ngaran-Ku, niitu én iwéhé-Na wia ni kamu. 17Ung kenumo um perénta-Ku wia ni kamu: Mahraa-raatéanla si esa im wia sé walina.”
Sé tou wia ung kaayahan mazi'zis si Yesus wo sé pahtuzu'en-Na
18A si Yesus kumua kasii, “Sa sé tou wia ung kaayahan é mazi'zis ni kamu, genangenola i sé tou itii é nimazi'zisola ni Aku puunala ni séra mazi'zis ni kamu. 19Sa ni kamu masuat karia né tou wia ung kaayahan kenu sé zéi'kan ma'éman ni Aku, tantumo sé tou itii é rumaraaté ni kamu pahpaan ni kamu én anu néra. Taan pahpaan ni Aku é niméléngo ni kamu im wia sé tou wia ung kaayahan kenu, niitumo ni kamu én zéi'mo anu né tou wia ung kaayahan kenu. Pahpaano niitu sé tou wia ung kaayahan kenu nimazi'zisola ni kamu.
20 #
Mat. 10:24; Luk. 6:40; Yoh. 13:16 Gena-genangen apa u mémoikua-Ku wia ni kamu: si ata én zéi'kan lumousé si tuangna. Niitumo sa ni Aku in tuang niou én zinéhamola né tou wia ung kaayahan kenu, tantumo ni kamu kangkasii é mazézéhan néra. Sa ni séra nimahwangunola a nuwu'-Ku, ni séra kangkasii é mangun an ipahnuwu' niou. 21Taan péléng niitu ém wangunen néra wia ni kamu pahpaan ni kamu ma'éman ni Aku, pahpaan ni séra én zéi'kan mata'u ni Sia si nimatumé ni Aku. 22Sa ni Aku zéi'kan niméyé wo zéi'kan nimuwu'ma wia ni séra, tantumo ni séra én zéi'kan simingkéla'. Taan in tarékan ni séra én zéi'mo mata'u kumua, ‘Zéi'kan kata'uan nai sa am pahwangunen nai itii é singkéla'.’
23Séi uman si mazi'zis ni Aku, ni sia kangkasii é mazi'zis si Ama'-Ku. 24Sa ni Aku zéi'kan nimanguna a makakompo'en an zéi'kan winangunla né tou walina, tantumo ni séra én zéi'kan simingkéla'. Taan in tarékan, zozo' ni séra nimilekola niitu péléng, ni séra é mazi'zis ni Aku wo si Ama'-Ku. 25#Mzm. 35:19, 69:5 Taan u nuwu' méipantik witu un ukum Torat é léwo'zéi' i malekep: ‘Ni séra é mazi'zis ni Aku, taan zéi'kan siapa zozo' in esa um winangun-Ku u mangun ni séra mazi'zis ni Aku.’
26Ni Aku é matumé wia ni kamu si Menunulung si wia si Ama' a méyé. Ni Siamo si Roh Kaulitan, si mémapailek ung kaulitan tumoro si Opo Empung. Sa ni Sia méyé, ni Sia é mékumua ang kata'uan-Na tumoro ni Aku. 27Taan ni kamu kangkasii é léwo'zéi' ing kumua a niilek niou tumoro ni Aku, pahpaan ni kamu é nimemali-malimola karia-Ku rengané ing kataré-taré.”
Currently Selected:
:
Highlight
Share
Copy
Want to have your highlights saved across all your devices? Sign up or sign in