Yohanes 20
20
Si Yesus méitoumé sumaup ni Opo Empung im wia sé nimaté
(Mat. 28:1-10; Mrk. 16:1-8; Luk. 24:1-12)
1In endo kataré witu un duminggu itii, im woondopé' karengan, i rimbengbengpé', si Maria tou Magdala nimangé witi linewengan itii. Ni sia nimilek um watu méipalot u linewengan si Yesus itii é mémoikasoro'. 2A sia kumara'mé menéro si Simon Petrus wo si pahtuzu'en ni Yesus si ikararaaté-Na, a mahkua wia ni séra, “Si Tuang é niéndomoma né tou im witu u lelewengan-Na wo u zinetaan ni Sia én zéi'kan kata'uan nai.”
3A mangé si Petrus wo si pahtuzu'en ni Yesus walina itii witi lelewengan. 4Ni séra zua éng kimara'ma mahwali-wali, taan si pahtuzu'en walina itii éng kimara'ma rumorotpé'mé si Petrus, niitumo si pahtuzu'en walina itii si puuna méikaayoma witi lelewengan. 5Ni sia tumémboma witu un untep u lelewengan, an ilekenama u roko' méisaput un awak ni Yesus mezeta-zeta' witu un tana', taan ni sia én zéi'kan nimuntepa.
6A méyé si Simon Petrus menondongé ni sia a muntepa witi linewengan itii. Mailekena u roko' méisaput mezeta-zeta' witu un tana', 7taan u roko' méisaput witu ung gio karia un ulu ni Yesus zéi'kan méikazeta' witu rété u roko' pahkungkung itii taan malepet witu un tampa walina. 8Tumondong niitu, a muntepa si pahtuzu'en walina itii, si puuna méikaayoma witi linewengan. Ni sia nimuntepa a mamilek a ma'éman. 9Pahpaan makazla in toro niitu ni séra én zéi'kampé' makatulap u méipantik witu um Pinantik Lenas i ni Sia é léwo'zéi' in itou sumaup ni Opo Empung im wia sé nimaté. 10A mawurima sé pahtuzu'en itii witi walé néra.
Si Yesus nimapailek un tou-Na wia si Maria tou Magdala
(Mat. 28:9-10; Mrk. 16:9-11)
11Taan si Maria si tou Magdala é rimendai witi ondolé u linewengan itii karia i mahamé'. Karegas i mahamé'pé' sia nimatoma witi untep u linewengan itii, 12an ilekenama sé zua malaekat kimarai kulo', si esa é rimumez witu ung kasaru un ulu wo si esa witu ung kasaru un a'é un im puuna zinetaan un awak ni Yesus.
13Kuan né malaekat itii wia ni sia, “Ina', kaa ko mahamé'?”
Ang kuan ni Maria wia ni séra, “Si Tuangku é niéndomoma né tou wo zéi'kan kata'uangku wisa u zinetaan ni Sia.”
14Makakuama niitu a sia luméngéhma witu u murina an ilekenama si Yesus makarendai witu, taan zéi'kan kata'uanna i ni Siamo si Yesus.
15Ang kuan ni Yesus wia ni sia, “Ina' kaa ko mahamé'? Séi wé si pahpenéronu?”
Si Maria é mahgenangla i si tou itii é si tou mahwendu un uma, ang kuana wia si tou itii, “Ama', sa si Ama' si niméndoma ni Sia, ikuamé wia ni aku wisa u zinetaanu ni Sia, wo ni aku toro méndo ni Sia.”
16Kuan ni Yesus wia ni sia, “Maria!”
A luméngéhma si Maria wia ni Sia karia i mahkua wia ni Sia witu ung kukuan Ibrani, “Rabuni!”, ung kalakoana é Méster.
17Ang kuan ni Yesus wia ni sia, “Tia' mahtion wia ni Aku, pahpaan ni Aku én zéi'kampé' nimenéka i mangé wia si Ama'. Taan mangémo wia sé katuari-Ku wo ikuala wia ni séra i ni Aku in tarékan é mangémo wia si Ama'-Ku wo Ama' niou, wia si Opo Empung-Ku wo Opo Empung niou.”
18A si Maria tou Magdala mangé wo mahkua wia sé pahtuzu'en-Na, “Ni aku é nimileko si Tuang!” wo ni sia kasii é mahkua péléng a méikuamé ni Tuang wia ni sia.
Si Yesus nimapailek un tou-Na wia sé pahtuzu'en-Na
(Mat. 28:16-20; Mrk. 16:14-18; Luk. 24:36-49)
19In Duminggu wengi itii sé pahtuzu'en ni Yesus é nimaréwok witu um walé, am pepenet um walé itii éng kinusi' pahpaan ni séra é maindé' wia sé tonaas né tou Yahudi. In toro niitu a méyé si Yesus wo rimendai witu un unez néra ang kumua, “Ung kaluasan witu un até é menaté-natér ni kamu!” 20Makakuama niitu, an ipapailek-Nama u lengen-Na wo um wentuhan-Na wia ni séra. Sé pahtuzu'en-Na itii é mahpaa-paaz i ni séra nimileka si Tuang. 21#Mat. 28:18-19; Mrk. 16:15-16 A si Yesus makasapé' kasii ing kimuama, “Ung kaluasan witu un até é menaté-natér ni kamu! Tanu si Ama' nimatumé ni Aku, téntu kangkasii in tarékan ni Aku matuma ni kamu.” 22Makakuama niitu a Sia sumengoma wia ni séra wo mahkua, “Sungkulenola si Roh Lenas. 23#Mat. 16:19, 18:18 Sa ni kamu mahwéhé un ampungan wana a singkéla' ni tou, u siningkéla'na ém winéhan ampungan ni Opo Empung, wo sa ni kamu zéi'kan mahwéhé un ampungan wana a singkéla' ni tou, u singkéla'na kangkasii én zéi'kan ampungan ni Opo Empung.”
Si Yesus nimapailek un tou-Na wia si Tomas
24Taan si Tomas, si esaané im wia sé mapulu' wo zua pahtuzu'en ni Yesus, si pahkuan Didimus, zéi'kan mahwali-wali karia néra i si Yesus niméyé witu.
25Niitumo, sé pahtuzu'en walina éng kimua wia ni sia, “Ni kai é nimileko si Tuang!” Taan si Tomas éng kimuala wia ni séra, “Sa zéi'kampé' niilekula um walulangna um pinakuan witu u lengen-Na wo timeptepa un tutundu'ku witu um walulang um pinakuan itii, wo sa zéi'kampé' timeptepla un tutundu'ku witu um wentuhan-Na, ni aku én zéi'kampé' ma'éman.”
26Waluna endo in tumondongé sé pahtuzu'en ni Yesus é riméwok witi walé itii sumaup wo si Tomas éng kimaria ni séra. Im péléng am pepenet kinusi', kumompo'mé si Yesus niméyé wo rimendai witu un unez néra a mahkua, “Ung kaluasan witu un até é menaté-natér ni kamu!” 27A Sia kumuala wia si Tomas, “Iteptepé un tutundu'mu wia'i wo ilekenola u lengen-Ku. Iayomé u lengenmu wo iteptepé un tutundu'mu witu u wentuhan-Ku wo tia'mo kasii ni ko zéi'kan ma'éman taan ma'émanola.”
28A si Tomas mingkotla wia ni Sia, “O Tuang wo Opo Empungku!”
29Kuan ni Yesus wia ni sia, “Pahpaan ni ko nimilekomé ni Aku, niitumo ni ko ma'éman. Mahpaa-paazla sé tou zéi'kan nimilek taan ma'éman.”
Ung kalakoan u Nuwu' Lé'os tumoro si Yesus kenu i méipantik
30A makakompo'en walina am winangun ni Yesus an niilek né pahtuzu'en-Na é lakezpé', taan zéi'kan méipantik witu um pinantikan kenu. 31Taan péléng niia é méipantik wo kamu ma'éman i si Yesus é Mesias, Oki' ni Opo Empung. Wo pahpaan ma'éman wia ni Sia, ni kamu é makailek ung katou-touan makaz ing kauré-uré karia-Na.
Currently Selected:
Yohanes 20: LAITOM
Highlight
Share
Copy
Want to have your highlights saved across all your devices? Sign up or sign in
Yohanes 20
20
Si Yesus méitoumé sumaup ni Opo Empung im wia sé nimaté
(Mat. 28:1-10; Mrk. 16:1-8; Luk. 24:1-12)
1In endo kataré witu un duminggu itii, im woondopé' karengan, i rimbengbengpé', si Maria tou Magdala nimangé witi linewengan itii. Ni sia nimilek um watu méipalot u linewengan si Yesus itii é mémoikasoro'. 2A sia kumara'mé menéro si Simon Petrus wo si pahtuzu'en ni Yesus si ikararaaté-Na, a mahkua wia ni séra, “Si Tuang é niéndomoma né tou im witu u lelewengan-Na wo u zinetaan ni Sia én zéi'kan kata'uan nai.”
3A mangé si Petrus wo si pahtuzu'en ni Yesus walina itii witi lelewengan. 4Ni séra zua éng kimara'ma mahwali-wali, taan si pahtuzu'en walina itii éng kimara'ma rumorotpé'mé si Petrus, niitumo si pahtuzu'en walina itii si puuna méikaayoma witi lelewengan. 5Ni sia tumémboma witu un untep u lelewengan, an ilekenama u roko' méisaput un awak ni Yesus mezeta-zeta' witu un tana', taan ni sia én zéi'kan nimuntepa.
6A méyé si Simon Petrus menondongé ni sia a muntepa witi linewengan itii. Mailekena u roko' méisaput mezeta-zeta' witu un tana', 7taan u roko' méisaput witu ung gio karia un ulu ni Yesus zéi'kan méikazeta' witu rété u roko' pahkungkung itii taan malepet witu un tampa walina. 8Tumondong niitu, a muntepa si pahtuzu'en walina itii, si puuna méikaayoma witi linewengan. Ni sia nimuntepa a mamilek a ma'éman. 9Pahpaan makazla in toro niitu ni séra én zéi'kampé' makatulap u méipantik witu um Pinantik Lenas i ni Sia é léwo'zéi' in itou sumaup ni Opo Empung im wia sé nimaté. 10A mawurima sé pahtuzu'en itii witi walé néra.
Si Yesus nimapailek un tou-Na wia si Maria tou Magdala
(Mat. 28:9-10; Mrk. 16:9-11)
11Taan si Maria si tou Magdala é rimendai witi ondolé u linewengan itii karia i mahamé'. Karegas i mahamé'pé' sia nimatoma witi untep u linewengan itii, 12an ilekenama sé zua malaekat kimarai kulo', si esa é rimumez witu ung kasaru un ulu wo si esa witu ung kasaru un a'é un im puuna zinetaan un awak ni Yesus.
13Kuan né malaekat itii wia ni sia, “Ina', kaa ko mahamé'?”
Ang kuan ni Maria wia ni séra, “Si Tuangku é niéndomoma né tou wo zéi'kan kata'uangku wisa u zinetaan ni Sia.”
14Makakuama niitu a sia luméngéhma witu u murina an ilekenama si Yesus makarendai witu, taan zéi'kan kata'uanna i ni Siamo si Yesus.
15Ang kuan ni Yesus wia ni sia, “Ina' kaa ko mahamé'? Séi wé si pahpenéronu?”
Si Maria é mahgenangla i si tou itii é si tou mahwendu un uma, ang kuana wia si tou itii, “Ama', sa si Ama' si niméndoma ni Sia, ikuamé wia ni aku wisa u zinetaanu ni Sia, wo ni aku toro méndo ni Sia.”
16Kuan ni Yesus wia ni sia, “Maria!”
A luméngéhma si Maria wia ni Sia karia i mahkua wia ni Sia witu ung kukuan Ibrani, “Rabuni!”, ung kalakoana é Méster.
17Ang kuan ni Yesus wia ni sia, “Tia' mahtion wia ni Aku, pahpaan ni Aku én zéi'kampé' nimenéka i mangé wia si Ama'. Taan mangémo wia sé katuari-Ku wo ikuala wia ni séra i ni Aku in tarékan é mangémo wia si Ama'-Ku wo Ama' niou, wia si Opo Empung-Ku wo Opo Empung niou.”
18A si Maria tou Magdala mangé wo mahkua wia sé pahtuzu'en-Na, “Ni aku é nimileko si Tuang!” wo ni sia kasii é mahkua péléng a méikuamé ni Tuang wia ni sia.
Si Yesus nimapailek un tou-Na wia sé pahtuzu'en-Na
(Mat. 28:16-20; Mrk. 16:14-18; Luk. 24:36-49)
19In Duminggu wengi itii sé pahtuzu'en ni Yesus é nimaréwok witu um walé, am pepenet um walé itii éng kinusi' pahpaan ni séra é maindé' wia sé tonaas né tou Yahudi. In toro niitu a méyé si Yesus wo rimendai witu un unez néra ang kumua, “Ung kaluasan witu un até é menaté-natér ni kamu!” 20Makakuama niitu, an ipapailek-Nama u lengen-Na wo um wentuhan-Na wia ni séra. Sé pahtuzu'en-Na itii é mahpaa-paaz i ni séra nimileka si Tuang. 21#Mat. 28:18-19; Mrk. 16:15-16 A si Yesus makasapé' kasii ing kimuama, “Ung kaluasan witu un até é menaté-natér ni kamu! Tanu si Ama' nimatumé ni Aku, téntu kangkasii in tarékan ni Aku matuma ni kamu.” 22Makakuama niitu a Sia sumengoma wia ni séra wo mahkua, “Sungkulenola si Roh Lenas. 23#Mat. 16:19, 18:18 Sa ni kamu mahwéhé un ampungan wana a singkéla' ni tou, u siningkéla'na ém winéhan ampungan ni Opo Empung, wo sa ni kamu zéi'kan mahwéhé un ampungan wana a singkéla' ni tou, u singkéla'na kangkasii én zéi'kan ampungan ni Opo Empung.”
Si Yesus nimapailek un tou-Na wia si Tomas
24Taan si Tomas, si esaané im wia sé mapulu' wo zua pahtuzu'en ni Yesus, si pahkuan Didimus, zéi'kan mahwali-wali karia néra i si Yesus niméyé witu.
25Niitumo, sé pahtuzu'en walina éng kimua wia ni sia, “Ni kai é nimileko si Tuang!” Taan si Tomas éng kimuala wia ni séra, “Sa zéi'kampé' niilekula um walulangna um pinakuan witu u lengen-Na wo timeptepa un tutundu'ku witu um walulang um pinakuan itii, wo sa zéi'kampé' timeptepla un tutundu'ku witu um wentuhan-Na, ni aku én zéi'kampé' ma'éman.”
26Waluna endo in tumondongé sé pahtuzu'en ni Yesus é riméwok witi walé itii sumaup wo si Tomas éng kimaria ni séra. Im péléng am pepenet kinusi', kumompo'mé si Yesus niméyé wo rimendai witu un unez néra a mahkua, “Ung kaluasan witu un até é menaté-natér ni kamu!” 27A Sia kumuala wia si Tomas, “Iteptepé un tutundu'mu wia'i wo ilekenola u lengen-Ku. Iayomé u lengenmu wo iteptepé un tutundu'mu witu u wentuhan-Ku wo tia'mo kasii ni ko zéi'kan ma'éman taan ma'émanola.”
28A si Tomas mingkotla wia ni Sia, “O Tuang wo Opo Empungku!”
29Kuan ni Yesus wia ni sia, “Pahpaan ni ko nimilekomé ni Aku, niitumo ni ko ma'éman. Mahpaa-paazla sé tou zéi'kan nimilek taan ma'éman.”
Ung kalakoan u Nuwu' Lé'os tumoro si Yesus kenu i méipantik
30A makakompo'en walina am winangun ni Yesus an niilek né pahtuzu'en-Na é lakezpé', taan zéi'kan méipantik witu um pinantikan kenu. 31Taan péléng niia é méipantik wo kamu ma'éman i si Yesus é Mesias, Oki' ni Opo Empung. Wo pahpaan ma'éman wia ni Sia, ni kamu é makailek ung katou-touan makaz ing kauré-uré karia-Na.
Currently Selected:
:
Highlight
Share
Copy
Want to have your highlights saved across all your devices? Sign up or sign in