Lukas 17
17
A sésésa ni Yesus
(Mat. 18:6-7, 21-22; Mrk. 9:42)
1 #
Mat. 18:6-7; Mrk. 9:42 Si Yesus kumua wia sé pahtuzu'en-Na, “Zéi'kan mamuali in zéi'kan siapa a mangun si tou i mahsingkéla', taan ikaléwo'la si tou mahmuali niitu. 2Tawimo u léhé'na apusala um watu tua'na ipahgiling wo sia mailombo'mé witi tasik, taa sia mangun si esaané im wia sé tou ma'éman sé zéi'kan ipahréké-rékén kenu sumingkéla'. 3#Mat. 18:15 Niitumo, mile-ilek! Sa si katuarimu mangunla a singkéla', nuwu'ala sia. Sa sia mene'sel, ampungala sia.
4 #
Mat. 18:22
Sa witu u sana endo é makapitu sia i nimualila a singkéla' wia ni ko, a makapitu sia méyé wia ni ko wo kumuala i mene'sel, ampungala sia.”
Tumoro um pa'émanen
5Ang kuan né aatu-Na wia si Tuang, “Enté'en ndootuumé um pa'émanen nai!”
6A si Tuang mingkotla, “Sa ni kamu wéwéhan um pa'émanen tanu um watuna tatanemen totoz rintek, ni kamu toro kumua ung kai ara kenu, ‘masawuté wo maikatanemé witi tasik.’ Ung kai ara itii éng kumiit u méikua nioua.”
Si tuang wo si ata
7A si Yesus kumua kasiila, “Séi si esaané im wia ni kamu makaata si mahpajéko kaapa mahtéiz sé domba, sa si ata itii mawurimé im witi uma éng kuaan niou, ‘Méyémo kuman?’ 8Tantu én zéi'kan, taantaré wia si ata itii éng kuaan niou: Imekenomé ung kanenengku. Mimekla ko wo selewirené ni aku akaz ni aku makakanla wo makaelepla. Sa ni aku nimakaapumola wo taré ko toro kuman wo melep. 9Apa ni kamu éng kumua makasé wia si ata niou pahpaan nimaayangoma a méiperéntama wia ni sia? Tantumo én zéi'kan! 10Téntumo kasii ni kamu sa nimaayangola péléng a méiperéntama wia ni kamu, ni kamu éng kumuamola in téntii, ‘Ni kai ndootuu én ata zéi'kan siapa torona pahpaan ni kai é mahpaayang uman a méiperéntama im paayangen nai.’ ”
Sé mapulu' tou tinoro ung kusta liné'os ni Yesus
11Si Yesus i mahlampang mangé witi Yerusalem, ni Sia éng kimiita witi susupuan un tana' Samaria wo un tana' Galilea. 12I ni Sia mahuntepoma witu um wanua esa, a méyé sé mapulu' tou tinoro ung kusta i mémahilekan karia-Na. Ni séra é rimendai zou'ma oki' im wia ni Sia 13a mahkérét, “Yesus! Méster! Iraraaté ndootuumé kai!”
14 #
Im. 14:1-32
A si Yesus merena wia ni séra ang kumua, “Mangémo wo maipapailekla un tou niou wia sé walian.” Karegas séra i mahlampang a malé'osa a saki néra.
15Si esaané im wia ni séra, i milekla un touna é lé'oso a sia mawurimé wo karia i mahkérét ni sia mahlooz wo mahsigi' si Opo Empung, 16a makumuruz ung gio nimakaz witu un tana' witu u sinaru un a'é ni Yesus a mahkua u makasé wia ni Sia. Si tou itii én tou Samaria.
17A si Yesus kumua wia ni sia, “Kuangku ni kamu é mapulu' sé lé'oso? Amo séramo sé siou? 18Kaa si tou zéi'kan Yahudi kenu uman si nimawurimé i mésumigi' wo lumooz si Opo Empung?”
19A si Yesus kumuala wia si tou itii, “Rumendaiomé wo mangémo, um pa'émanennu u limé'os ni ko.”
Si Opo Empung méyé ing Kolano
(Mat. 24:23-28, 37-41)
20I sé sana réwok tou Farisi meligau sawisa ung Kakolanoan ni Opo Empung i méyé, si Yesus mingkotla, “Ung Kakolanoan ni Opo Empung i méyé én zéi'kan siapa un tumuzu'mé un toro kailekan né tou, 21wo zéi'kan siapa si tou toro kumua: ‘Méileken, niitu wia'i’ kaapa ‘niitu witi kenuma!’ Pahpaan ung Kakolanoan ni Opo Empung ém witumo un unez niou.”
22Ang kuan-Na wia sé pahtuzu'en-Na, “Un orasna é méyé, i ni kamu lumelo milek u sana endo wana an endo ni Oki' ni Tou, taan ni kamu én zéi'kan mamilek un endo itii. 23Sé tou éng kumua wia ni kamu: Ilekena, witi kenuma Sia; ilekené, wia'i Sia! Ni kamu tia'mo mangé witu wo tia'mo mahkiit ni séra. 24Pahpaan kuramo un tila'pong i sumena'mé witi langit u mahsena' nimapalambo'ma witu um pondol kasaru makaz wana am pondol walina, téntumo u mamuali witu un endo si Oki' ni Tou i méyé. 25Taan puunala niana, ni Sia é léwo'zéi' mamasaan an zézéha totoz lakez wo ni Sia éng kasoo né tou in tarékan. 26#Kej. 6:5-8 Tanu u nimamuali witu un oras ni Nuh, téntu u mamuali wana an endo ni Oki' ni Tou méyé im woosawisa. 27#Kej. 7:6-24 Ni séra é mahkan wo mahelep, kumawéng wo ikawéng, makaz un oras si Nuh i muntep witu u londéi tua'na, a méyé un ampuhan u nimangun séra péléng nimaté.
28 #
Kej. 18:20–19:25
Téntu kangkasii u nimamuali witu un oras ni Lot: ni séra é mahkan wo mahelep, ni séra é mahwangkér wo mahteles, ni séra é mahtanem wo mahwangun walé. 29Taan i si Lot mondolé im witi Sodom an tumumpamé im witi langit un uzan api wo walélang u nimangun péléng ni séra nimaté.
30Téntumo a mamuali witu un endo i si Oki' ni Tou mapailek un tou-Na im woosawisa. 31#Mat. 24:17-18; Mrk. 13:15-16 In toro niitu, séi uman si witu um wawo um walé,#17:31 Um walé né tou Israel én zéi'kan siapa kuwuna. Um wawona ém patar uman. Im witu um wawo um walé itii ém peréréwokan néra. tia'mo mahtutumpa i maméndo an anuna am witi untep um walé. Wo téntu kangkasii si witi uma, ni sia én tia'mo maheesu'mé. 32#Kej. 19:26 Amoké genangela u nimamuali wia si mahayo ni Lot!
33 #
Mat. 10:39, 16:25; Mrk. 8:35; Luk. 9:24; Yoh. 12:25 Séi uman si mahtututu' i mahkekelung ung katou-touanna, ni sia éng kaliongan ung katou-touanna, wo séi si kinaliongan ung katou-touanna, ni sia é makailek ung katou-touan makaz ing kauré-uré. 34Ikua-Kuma wia ni kamu: Im wengi itii wéwéhan sé zua witu un tetekelan, si esa ém wénéten wo si esa én itula'u. 35Sé wéwéné zua sé mahgiling ung gandum, si esa ém wénéten wo si esa én itula'u.” [36Sa zua sé witi uma, si esa ém wénéten wo si esa én itula'u.]
37A séra meligau wia si Yesus, “Tuang, wisa itu wo mamuali?” Am wingkoten-Nala, “Wisa um pahrimbu-rimbungan né kokoak tumuzu'mé sa witu ém wéwéhan binatang wuul.”#17:37 Witu ung kitap ‘TB’ ém wéwéhan ung kukuan “Dimana ada mayat di situ berkerumun burung nasar.” Ung kenu éng kukuan kinanaram né tou Israel in toro niitu.
Currently Selected:
Lukas 17: LAITOM
Highlight
Share
Copy
Want to have your highlights saved across all your devices? Sign up or sign in
Lukas 17
17
A sésésa ni Yesus
(Mat. 18:6-7, 21-22; Mrk. 9:42)
1 #
Mat. 18:6-7; Mrk. 9:42 Si Yesus kumua wia sé pahtuzu'en-Na, “Zéi'kan mamuali in zéi'kan siapa a mangun si tou i mahsingkéla', taan ikaléwo'la si tou mahmuali niitu. 2Tawimo u léhé'na apusala um watu tua'na ipahgiling wo sia mailombo'mé witi tasik, taa sia mangun si esaané im wia sé tou ma'éman sé zéi'kan ipahréké-rékén kenu sumingkéla'. 3#Mat. 18:15 Niitumo, mile-ilek! Sa si katuarimu mangunla a singkéla', nuwu'ala sia. Sa sia mene'sel, ampungala sia.
4 #
Mat. 18:22
Sa witu u sana endo é makapitu sia i nimualila a singkéla' wia ni ko, a makapitu sia méyé wia ni ko wo kumuala i mene'sel, ampungala sia.”
Tumoro um pa'émanen
5Ang kuan né aatu-Na wia si Tuang, “Enté'en ndootuumé um pa'émanen nai!”
6A si Tuang mingkotla, “Sa ni kamu wéwéhan um pa'émanen tanu um watuna tatanemen totoz rintek, ni kamu toro kumua ung kai ara kenu, ‘masawuté wo maikatanemé witi tasik.’ Ung kai ara itii éng kumiit u méikua nioua.”
Si tuang wo si ata
7A si Yesus kumua kasiila, “Séi si esaané im wia ni kamu makaata si mahpajéko kaapa mahtéiz sé domba, sa si ata itii mawurimé im witi uma éng kuaan niou, ‘Méyémo kuman?’ 8Tantu én zéi'kan, taantaré wia si ata itii éng kuaan niou: Imekenomé ung kanenengku. Mimekla ko wo selewirené ni aku akaz ni aku makakanla wo makaelepla. Sa ni aku nimakaapumola wo taré ko toro kuman wo melep. 9Apa ni kamu éng kumua makasé wia si ata niou pahpaan nimaayangoma a méiperéntama wia ni sia? Tantumo én zéi'kan! 10Téntumo kasii ni kamu sa nimaayangola péléng a méiperéntama wia ni kamu, ni kamu éng kumuamola in téntii, ‘Ni kai ndootuu én ata zéi'kan siapa torona pahpaan ni kai é mahpaayang uman a méiperéntama im paayangen nai.’ ”
Sé mapulu' tou tinoro ung kusta liné'os ni Yesus
11Si Yesus i mahlampang mangé witi Yerusalem, ni Sia éng kimiita witi susupuan un tana' Samaria wo un tana' Galilea. 12I ni Sia mahuntepoma witu um wanua esa, a méyé sé mapulu' tou tinoro ung kusta i mémahilekan karia-Na. Ni séra é rimendai zou'ma oki' im wia ni Sia 13a mahkérét, “Yesus! Méster! Iraraaté ndootuumé kai!”
14 #
Im. 14:1-32
A si Yesus merena wia ni séra ang kumua, “Mangémo wo maipapailekla un tou niou wia sé walian.” Karegas séra i mahlampang a malé'osa a saki néra.
15Si esaané im wia ni séra, i milekla un touna é lé'oso a sia mawurimé wo karia i mahkérét ni sia mahlooz wo mahsigi' si Opo Empung, 16a makumuruz ung gio nimakaz witu un tana' witu u sinaru un a'é ni Yesus a mahkua u makasé wia ni Sia. Si tou itii én tou Samaria.
17A si Yesus kumua wia ni sia, “Kuangku ni kamu é mapulu' sé lé'oso? Amo séramo sé siou? 18Kaa si tou zéi'kan Yahudi kenu uman si nimawurimé i mésumigi' wo lumooz si Opo Empung?”
19A si Yesus kumuala wia si tou itii, “Rumendaiomé wo mangémo, um pa'émanennu u limé'os ni ko.”
Si Opo Empung méyé ing Kolano
(Mat. 24:23-28, 37-41)
20I sé sana réwok tou Farisi meligau sawisa ung Kakolanoan ni Opo Empung i méyé, si Yesus mingkotla, “Ung Kakolanoan ni Opo Empung i méyé én zéi'kan siapa un tumuzu'mé un toro kailekan né tou, 21wo zéi'kan siapa si tou toro kumua: ‘Méileken, niitu wia'i’ kaapa ‘niitu witi kenuma!’ Pahpaan ung Kakolanoan ni Opo Empung ém witumo un unez niou.”
22Ang kuan-Na wia sé pahtuzu'en-Na, “Un orasna é méyé, i ni kamu lumelo milek u sana endo wana an endo ni Oki' ni Tou, taan ni kamu én zéi'kan mamilek un endo itii. 23Sé tou éng kumua wia ni kamu: Ilekena, witi kenuma Sia; ilekené, wia'i Sia! Ni kamu tia'mo mangé witu wo tia'mo mahkiit ni séra. 24Pahpaan kuramo un tila'pong i sumena'mé witi langit u mahsena' nimapalambo'ma witu um pondol kasaru makaz wana am pondol walina, téntumo u mamuali witu un endo si Oki' ni Tou i méyé. 25Taan puunala niana, ni Sia é léwo'zéi' mamasaan an zézéha totoz lakez wo ni Sia éng kasoo né tou in tarékan. 26#Kej. 6:5-8 Tanu u nimamuali witu un oras ni Nuh, téntu u mamuali wana an endo ni Oki' ni Tou méyé im woosawisa. 27#Kej. 7:6-24 Ni séra é mahkan wo mahelep, kumawéng wo ikawéng, makaz un oras si Nuh i muntep witu u londéi tua'na, a méyé un ampuhan u nimangun séra péléng nimaté.
28 #
Kej. 18:20–19:25
Téntu kangkasii u nimamuali witu un oras ni Lot: ni séra é mahkan wo mahelep, ni séra é mahwangkér wo mahteles, ni séra é mahtanem wo mahwangun walé. 29Taan i si Lot mondolé im witi Sodom an tumumpamé im witi langit un uzan api wo walélang u nimangun péléng ni séra nimaté.
30Téntumo a mamuali witu un endo i si Oki' ni Tou mapailek un tou-Na im woosawisa. 31#Mat. 24:17-18; Mrk. 13:15-16 In toro niitu, séi uman si witu um wawo um walé,#17:31 Um walé né tou Israel én zéi'kan siapa kuwuna. Um wawona ém patar uman. Im witu um wawo um walé itii ém peréréwokan néra. tia'mo mahtutumpa i maméndo an anuna am witi untep um walé. Wo téntu kangkasii si witi uma, ni sia én tia'mo maheesu'mé. 32#Kej. 19:26 Amoké genangela u nimamuali wia si mahayo ni Lot!
33 #
Mat. 10:39, 16:25; Mrk. 8:35; Luk. 9:24; Yoh. 12:25 Séi uman si mahtututu' i mahkekelung ung katou-touanna, ni sia éng kaliongan ung katou-touanna, wo séi si kinaliongan ung katou-touanna, ni sia é makailek ung katou-touan makaz ing kauré-uré. 34Ikua-Kuma wia ni kamu: Im wengi itii wéwéhan sé zua witu un tetekelan, si esa ém wénéten wo si esa én itula'u. 35Sé wéwéné zua sé mahgiling ung gandum, si esa ém wénéten wo si esa én itula'u.” [36Sa zua sé witi uma, si esa ém wénéten wo si esa én itula'u.]
37A séra meligau wia si Yesus, “Tuang, wisa itu wo mamuali?” Am wingkoten-Nala, “Wisa um pahrimbu-rimbungan né kokoak tumuzu'mé sa witu ém wéwéhan binatang wuul.”#17:37 Witu ung kitap ‘TB’ ém wéwéhan ung kukuan “Dimana ada mayat di situ berkerumun burung nasar.” Ung kenu éng kukuan kinanaram né tou Israel in toro niitu.
Currently Selected:
:
Highlight
Share
Copy
Want to have your highlights saved across all your devices? Sign up or sign in