Matius 27
27
Si Yesus witu u sinaru ni Pilatus
(Mrk. 15:1; Luk. 23:1-2; Yoh. 18:28-32)
1I maayahmo, péléng sé tonaas né walian wo sé pahtutu'an né tou Yahudi nimaréwok wo nimaesaan i munu' si Yesus. 2A Sia apusen nérala an ipahwalima i maiayo wia si Pilatus, si gubernur witi tana' itii.
Si Yudas maparantong
(Kis. 1:18-19)
3 #
Kis. 1:18-19
I si Yudas, si nimayo si Yesus nimilekla si Yesus én tinotozola ukumen i maté, ni sia é mene'sel. An iwurinama sumaup un zoit teluna pulu' péra' wia sé tonaas né walian wo sé pahtutu'an né tou Yahudi. 4Kuana, “Ni aku é simingkéla'mola pahpaan nimayo un zaha' ni tou zéi'kan siapa sinala'.”
Taan ni séra é nimingkotla, “Azimu! Niitu én zéi'kan kata'uan nai!” 5An iwerita ni Yudas un zoit péra' itii witi Walé ni Opo Empung, a sia mangé maparantong.
6Am purutela né tonaas né walian an zoit péra' itii ang kumua, “An zoit kenu én zéi'kan toro itahu' witu um penanahu'an a raragés pahpaan an zoit kenu én zoit un zaha'.” 7I nimaesaanola, am paké nérala an zoit itii méitelesla un tana' pahkuan in Tana' ni Memamangun ang Kuré', u nimaéndo pelelewengan né tou sé limepuh umané. 8Niitumo, un tana' itii akaz in endo kenu ém pahkuan in “Tana' Zaha'.”
9 #
Za. 11:12-13
Karia in téntu é nimalekepola u méikua ni nabi Yeremia, ‘Ni séra é nimakailekla un teluna pulu' zoit péra', un teteles tinotoz né tou Israel in iteles ni Sia. 10Wo un zoit itii é méiwéhé nérala in iteles un tana' ni memamangun ang kuré' tanu u méiatu ni Opo Empung wia ni aku.’
Si Yesus méisaru wia si Pilatus
(Mrk. 15:2-5; Luk. 23:3-5; Yoh. 18:33-38)
11A si Yesus isaru nérala wia si gubernur Pilatus. Si gubernur itii é meligau wia ni Sia, “Ni Ko si Kolano né tou Yahudi?” A si Yesus mingkotla, “Ni ko in esa si kimuamé niitu.”
12Taan i sé tonaas né walian wo sé pahtutu'an né tou Yahudi mahkua an totoké néra wia si Yesus, ni Sia én zéi'kan nimingkotla.
13Ang kuan ni Pilatus wia ni Sia, “Zéi'kan pahtalinga-Numa wé, in téntu ang kalakez an ipahtoké néra wia ni Ko?”
14Taan si Yesus é memene-menes uman, taka-takazan si gubernur itii é mengusi-ngusingsing.
Si Yesus im winunu'
(Mrk. 15:6-15; Luk. 23:13-25; Yoh. 18:39–19:16)
15Nimaéndomola kinanaram ni gubernur, sekez i lumé'os um Paskah, ni sia é milot si esaané im wia sé binui, mengiit um paaz né tou lakez. 16In toro niitu, witi untep um bui ém wéwéhan si tou ipahkua-kua ung kaléwo'anna si makangaran Yesus Barabas. 17Pahpaan ni séra é nimaréwoko witu, ang kuan ni Pilatus wia ni séra, “Séi si kapaaz niou in ipilotkuma wia ni kamu, si Yesus Barabas kaapa si Yesus si pahkuan Kristus?” 18Un ulitna éng kata'uano ni Pilatus i ni séra nimayo si Yesus pahpaan uman un téutéu.
19Karegaspé' si Pilatus rimumez witu u rurumezan pahtotozan ulit kaapa zéi'kan am pahwangunen né tou, a si mahayona matumé tou i mékumua wia ni sia in téntii, “Ni ko én tia'mo mahkari-karia sé tou sé mahtoké si tou ulit itii. Pahpaan ni aku én totoz zézéha i nima'ipila si tou itii ing kawengi.” 20Taan pahpaan un aaker né tonaas né walian wo né pahtutu'an né tou Yahudi, sé tou lakez én timotozla i mahaléi si Barabas in ipiloté wo si Yesus én ukumen i maté. 21A si gubernur itii meligau sumaup wia ni séra, “Séi im wia sé zua kenu si kapaaz niou in ipilotkuma wia ni kamu?”
A séra mingkoté, “Si Barabas.”
22Ang kuan ni Pilatus wia ni séra, “Sa téntu, apa u léwo'zéi' im wangunengku wia si Yesus, si pahkuan ing Kristus?” Ni séra péléng éng kimérété, “Salipenola Sia!”
23Ang kuana, “Taan apa a léwo'an winangun-Na?”
Taan ni séra éng karimezna uman taré i mahkérété, “Salipenola Sia!”
24 #
Ul. 21:6-9
I si Pilatus nimilekla in zéi'mo siapa un toro wangunenna, taantaré mahrikoka'moma, sia méndomé un zano an zumanola witu u saru-sarun né tou lakez, ang kumuama, “Ni aku én zéi'kan siapa sinala' im witu un zaha' ni tou kenu, ni kamu sé mamengali niitu!”
25Péléng sé tou itii é nimingkoté, “Éné, iwayamola un zaha'-Na i mapengalin nai wo né oki' nai.”
26A si Pilatus milota si Barabas wia ni séra, taan si Yesus é méipekisaboknama an iayonala i masalipen.
Si Yesus im pahséro'an né suraro
(Mrk. 15:16-20; Yoh. 19:2-3)
27Tumondong niitu, si Yesus méipahwalima né suraro ni Pilatus witi istana ni gubernur, an tawahen néramé péléng sé kasuraro néra i maréwoké witu u makaliklik ni Yesus. 28Ni séra é nimukala ung karai ni Yesus ang karaian nérala ung karai tonton monong. 29A séra mayamla um poporongen ni kolano um panga rintek menulah am wangunen, an iporong nérala wia ni Sia, am pekition nérala teken u lengen-Na kakan. A séra kumuruzla witu u sinaru-Na wo mahséro' wia ni Sia, kuan néra, “Sigi' wangko', é Kolano né tou Yahudi!” 30Sia rura'an nérala a mélwéla un ulu-Na karia un teken niéndomé wia ni Sia. 31Kumawusa Sia im pahséro'an néra, wuka nérala ung karai tonton méikarai wia ni Sia ang karaian nérala sumaup ung karai-Na. A Sia iondol nérama i maisalip.
Si Yesus sinalip
(Mrk. 15:21-32; Luk. 23:26-43; Yoh. 19:17-27)
32I ni séra mahlampang mondolé im witi wanua tua'na, a séra masungkul si tou witi Kirene a méyé makangaran Simon. Si tou itii tinutu' nérala i masaan u salip ni Yesus. 33A séra ikaayola witu un tampa makangaran Golgota, ung kalakoana: Tampa an Tengkora'. 34Ni Sia ém winéhan nérala un anggor sinembor un apezuh in elepen. Im piné'anan-Nala un anggor esem itii, ni Sia é soo i melep niitu.
35 #
Mzm. 22:19
Kumawusa ni Sia i méisalip nérala, ung karai-Na ém pinemété-météng nérala karia i simawut lot.#27:35 Ung kinanaram in toro niitu ni séra limombo'ma um watu zua i mahtata'u séi si niméndo. 36A séra rumumezla witu in tuméiz ni Sia. 37Witu un atas un ulu-Na ém pinakuan um papang pinantikan ung kinawalian ni Sia i niukum: “Si kenumo si Yesus, si Kolano né tou Yahudi”.
38Ni séra kasii é simalipla karia-Na sé zua maremu', si esa ém witu ung kakan wo si esa ém witu ung kawihi-Na.
39 #
Mzm. 22:8, 109:25 Sé tou mahlangkoi witu é mahséro' wia si Yesus. Ni séra é mengusi-ngusingsing i maupi' 40#Mat. 26:61; Yoh. 2:19 wo mahkua, “É ni Ko si kumemu um Walé ni Opo Empung wo rumendai niitu sumaup witu un teluna endo, sa Ko uli-ulit Oki' ni Opo Empung, tumumpamomé im witu u salip itii wo tulungela un tou-Mu!”
41Sé tonaas né walian, sé tou tulap un Torat wo sé pahtutu'an né tou Yahudi kasii é mahséro' wia si Yesus wo mahkua, 42“Sé tou walina én tinulung-Na, taan un tou-Na in esa én zéi'kan katulungan-Na! Sa ni Sia éng Kolano né tou Israel, iwayamola Sia in tumumpamé witu u salip itii, karia in téntu ni kai é ma'éman wia ni Sia. 43#Mzm. 22:9 Un tou-Na méiéré'-Na wia si Opo Empung wo mahkua i ni Sia én Oki' ni Opo Empung. In tarékan, ilekentamokan sa si Opo Empung sumawang ni Sia.”
44Sé tou léwo' méisalip karia-Na kangkasii é mahséro' tanu niitu wia ni Sia.
Si Yesus nimaté
(Mrk. 15:33-41; Luk. 23:44-49; Yoh. 19:28-30)
45Rengané witu un jam mapulu' wo zua i lolambot makaz witu un jam katelu im wengindo, péléng um witi tana' itii é nimarimbengbeng. 46#Mzm. 22:2 Im woo jam katelu im wengindo, si Yesus éng kiméréta kuan-Na, “Eli, Eli, lama sabakhtani?” Ung kalakoana, “Opo Empung-Ku, Opo Empung-Ku, kaa Aku méitula'u-Mu?”
47Kaitalingamé niitu, sé woopira tou makarendai witu é mahkua, “Ni Sia é menawah si Elia.” 48#Mzm. 69:22 A si esaané im wia ni séra rengan maméndomé um wunga karang pahkuan spons, ito'to'mé witu un anggor esem, itundakla witu un dondohan an iwéhéma witu um wiwih ni Yesus wo itu sepsepan-Nama.
49Taan sé tou walina é mahkua, “Iwayamola, ilekentamokan sa si Elia mésumawang ni Sia.”
50A si Yesus kuméréta totoz rimez, an iayo-Nala ung katou-touan-Na.
51 #
Kel. 26:31-33; Im. 16:11-15; Ef. 3:12; Ibr. 9:8, 10:19-22 U roko' méiapé' witi tampa Totoz Lenas witi Walé ni Opo Empung é nimapahzuama witi atas makaz witi wawa'. A méhzo'mé makaz ang kentur watu é nimaweka. 52A lelewengan kasii é nimawuka wo lakez sé tou linenas ni Opo Empung sé nimatémo é méitoumé sumaup ni Opo Empung. 53I si Yesus méitoumé sumaup ni Opo Empung, sé tou linenas ni Opo Empung nimatémo itii é nimondolé im witu u lelewengan a muntepa witi Yerusalem. Im wana lakez sé tou nimilek ni séra.
54Si tonaas né sana atus suraro karia né surarona sé mahtéiz wia si Yesus én totoz maindé' i nimendané un éhzo' wo nimilek péléng a nimamuali, ang kuan néra, “Totoz ulit, si tou kenu én Oki' ni Opo Empung!”
55 #
Luk. 8:2-3
Im witu kangkasii é lakez sé wéwéné mengile-ngileké witi zou'ma. Ni séra é sé wéwéné nimahkiité si Yesus rengané im witi Galilea i mahselewir ni Sia. 56Im wia ni séra ém wéwéhan si Maria tou Magdala, si Maria ina' ni Yakobus wo ni Yusuf wo si ina' né oki' ni Zebedeus.
Si Yesus méileweng
(Mrk. 15:42-47; Luk. 23:50-56; Yoh. 19:38-42)
57I mawengimo a méyé si tou wa'ilan makangaran Yusuf tou Arimatea. Ni sia kasii é nimaéndomo pahtuzu'en ni Yesus. 58Ni sia masimaru wia si Pilatus i mahaléi un awak ni Yesus. Am peréntana ni Pilatus i méhéla wia ni sia un awak ni Yesus. 59A si Yusuf mangémé un awak ni Yesus, a saputennala karia u roko' lenan kulo' weresi. 60An izeta'nala un awak ni Yesus witu u lelewengan weru, u méikiarna witu ung kentur watu. Tumondong niitu an isoro'nama um watu tua'na in ipalot um wosona u lelewengan itii, a sia mangé.
61Taan si Maria tou Magdala wo si Maria walina é nimento'la witu, rimumez simaru u lelewengan itii.
U linewengan si Yesus pahtéizan né suraro
62Masandomé, in endo Sabat, a maréwokla sé tonaas né walian wo sé sana réwok tou Farisi masimaru wia si Pilatus, 63#Mat. 16:21, 17:23, 20:19; Mrk. 8:31, 9:31, 10:33-34; Luk. 9:22, 18:31-33 ang kuan néra, “Tuang, kinagenangan naila i si tantowo itii i menou-noupé' éng kimua, ‘Kumawusa un teluna endo ni Aku é matou sumaup.’ 64Niitumo, peréntana sé tou ni tuang i matuméiz u linewengan ni Sia makaz witu un endo katelu, pahpaan sé pahtuzu'en-Na ém woo mérumemu' un awak-Na wo mahwoka' wia sé tou sa ni Sia é méitoumomé sumaup ni Opo Empung im wia sé nimaté, wo un towo néra kamurian kenu é luméwo'pé'mé ung kataré.”
65Ang kuan ni Pilatus wia ni séra, “Sé kenu sé suraro matuméiz, mangémo wo matéizala lumé'o-lé'os u lelewengan itii.”
66A séra mangé witi lelewengan wo karia a sasawang né mahtéiz itii, u lelewengan itii é sinegel néramé wo tinéizan.
Currently Selected:
Matius 27: LAITOM
Highlight
Share
Copy
Want to have your highlights saved across all your devices? Sign up or sign in
Matius 27
27
Si Yesus witu u sinaru ni Pilatus
(Mrk. 15:1; Luk. 23:1-2; Yoh. 18:28-32)
1I maayahmo, péléng sé tonaas né walian wo sé pahtutu'an né tou Yahudi nimaréwok wo nimaesaan i munu' si Yesus. 2A Sia apusen nérala an ipahwalima i maiayo wia si Pilatus, si gubernur witi tana' itii.
Si Yudas maparantong
(Kis. 1:18-19)
3 #
Kis. 1:18-19
I si Yudas, si nimayo si Yesus nimilekla si Yesus én tinotozola ukumen i maté, ni sia é mene'sel. An iwurinama sumaup un zoit teluna pulu' péra' wia sé tonaas né walian wo sé pahtutu'an né tou Yahudi. 4Kuana, “Ni aku é simingkéla'mola pahpaan nimayo un zaha' ni tou zéi'kan siapa sinala'.”
Taan ni séra é nimingkotla, “Azimu! Niitu én zéi'kan kata'uan nai!” 5An iwerita ni Yudas un zoit péra' itii witi Walé ni Opo Empung, a sia mangé maparantong.
6Am purutela né tonaas né walian an zoit péra' itii ang kumua, “An zoit kenu én zéi'kan toro itahu' witu um penanahu'an a raragés pahpaan an zoit kenu én zoit un zaha'.” 7I nimaesaanola, am paké nérala an zoit itii méitelesla un tana' pahkuan in Tana' ni Memamangun ang Kuré', u nimaéndo pelelewengan né tou sé limepuh umané. 8Niitumo, un tana' itii akaz in endo kenu ém pahkuan in “Tana' Zaha'.”
9 #
Za. 11:12-13
Karia in téntu é nimalekepola u méikua ni nabi Yeremia, ‘Ni séra é nimakailekla un teluna pulu' zoit péra', un teteles tinotoz né tou Israel in iteles ni Sia. 10Wo un zoit itii é méiwéhé nérala in iteles un tana' ni memamangun ang kuré' tanu u méiatu ni Opo Empung wia ni aku.’
Si Yesus méisaru wia si Pilatus
(Mrk. 15:2-5; Luk. 23:3-5; Yoh. 18:33-38)
11A si Yesus isaru nérala wia si gubernur Pilatus. Si gubernur itii é meligau wia ni Sia, “Ni Ko si Kolano né tou Yahudi?” A si Yesus mingkotla, “Ni ko in esa si kimuamé niitu.”
12Taan i sé tonaas né walian wo sé pahtutu'an né tou Yahudi mahkua an totoké néra wia si Yesus, ni Sia én zéi'kan nimingkotla.
13Ang kuan ni Pilatus wia ni Sia, “Zéi'kan pahtalinga-Numa wé, in téntu ang kalakez an ipahtoké néra wia ni Ko?”
14Taan si Yesus é memene-menes uman, taka-takazan si gubernur itii é mengusi-ngusingsing.
Si Yesus im winunu'
(Mrk. 15:6-15; Luk. 23:13-25; Yoh. 18:39–19:16)
15Nimaéndomola kinanaram ni gubernur, sekez i lumé'os um Paskah, ni sia é milot si esaané im wia sé binui, mengiit um paaz né tou lakez. 16In toro niitu, witi untep um bui ém wéwéhan si tou ipahkua-kua ung kaléwo'anna si makangaran Yesus Barabas. 17Pahpaan ni séra é nimaréwoko witu, ang kuan ni Pilatus wia ni séra, “Séi si kapaaz niou in ipilotkuma wia ni kamu, si Yesus Barabas kaapa si Yesus si pahkuan Kristus?” 18Un ulitna éng kata'uano ni Pilatus i ni séra nimayo si Yesus pahpaan uman un téutéu.
19Karegaspé' si Pilatus rimumez witu u rurumezan pahtotozan ulit kaapa zéi'kan am pahwangunen né tou, a si mahayona matumé tou i mékumua wia ni sia in téntii, “Ni ko én tia'mo mahkari-karia sé tou sé mahtoké si tou ulit itii. Pahpaan ni aku én totoz zézéha i nima'ipila si tou itii ing kawengi.” 20Taan pahpaan un aaker né tonaas né walian wo né pahtutu'an né tou Yahudi, sé tou lakez én timotozla i mahaléi si Barabas in ipiloté wo si Yesus én ukumen i maté. 21A si gubernur itii meligau sumaup wia ni séra, “Séi im wia sé zua kenu si kapaaz niou in ipilotkuma wia ni kamu?”
A séra mingkoté, “Si Barabas.”
22Ang kuan ni Pilatus wia ni séra, “Sa téntu, apa u léwo'zéi' im wangunengku wia si Yesus, si pahkuan ing Kristus?” Ni séra péléng éng kimérété, “Salipenola Sia!”
23Ang kuana, “Taan apa a léwo'an winangun-Na?”
Taan ni séra éng karimezna uman taré i mahkérété, “Salipenola Sia!”
24 #
Ul. 21:6-9
I si Pilatus nimilekla in zéi'mo siapa un toro wangunenna, taantaré mahrikoka'moma, sia méndomé un zano an zumanola witu u saru-sarun né tou lakez, ang kumuama, “Ni aku én zéi'kan siapa sinala' im witu un zaha' ni tou kenu, ni kamu sé mamengali niitu!”
25Péléng sé tou itii é nimingkoté, “Éné, iwayamola un zaha'-Na i mapengalin nai wo né oki' nai.”
26A si Pilatus milota si Barabas wia ni séra, taan si Yesus é méipekisaboknama an iayonala i masalipen.
Si Yesus im pahséro'an né suraro
(Mrk. 15:16-20; Yoh. 19:2-3)
27Tumondong niitu, si Yesus méipahwalima né suraro ni Pilatus witi istana ni gubernur, an tawahen néramé péléng sé kasuraro néra i maréwoké witu u makaliklik ni Yesus. 28Ni séra é nimukala ung karai ni Yesus ang karaian nérala ung karai tonton monong. 29A séra mayamla um poporongen ni kolano um panga rintek menulah am wangunen, an iporong nérala wia ni Sia, am pekition nérala teken u lengen-Na kakan. A séra kumuruzla witu u sinaru-Na wo mahséro' wia ni Sia, kuan néra, “Sigi' wangko', é Kolano né tou Yahudi!” 30Sia rura'an nérala a mélwéla un ulu-Na karia un teken niéndomé wia ni Sia. 31Kumawusa Sia im pahséro'an néra, wuka nérala ung karai tonton méikarai wia ni Sia ang karaian nérala sumaup ung karai-Na. A Sia iondol nérama i maisalip.
Si Yesus sinalip
(Mrk. 15:21-32; Luk. 23:26-43; Yoh. 19:17-27)
32I ni séra mahlampang mondolé im witi wanua tua'na, a séra masungkul si tou witi Kirene a méyé makangaran Simon. Si tou itii tinutu' nérala i masaan u salip ni Yesus. 33A séra ikaayola witu un tampa makangaran Golgota, ung kalakoana: Tampa an Tengkora'. 34Ni Sia ém winéhan nérala un anggor sinembor un apezuh in elepen. Im piné'anan-Nala un anggor esem itii, ni Sia é soo i melep niitu.
35 #
Mzm. 22:19
Kumawusa ni Sia i méisalip nérala, ung karai-Na ém pinemété-météng nérala karia i simawut lot.#27:35 Ung kinanaram in toro niitu ni séra limombo'ma um watu zua i mahtata'u séi si niméndo. 36A séra rumumezla witu in tuméiz ni Sia. 37Witu un atas un ulu-Na ém pinakuan um papang pinantikan ung kinawalian ni Sia i niukum: “Si kenumo si Yesus, si Kolano né tou Yahudi”.
38Ni séra kasii é simalipla karia-Na sé zua maremu', si esa ém witu ung kakan wo si esa ém witu ung kawihi-Na.
39 #
Mzm. 22:8, 109:25 Sé tou mahlangkoi witu é mahséro' wia si Yesus. Ni séra é mengusi-ngusingsing i maupi' 40#Mat. 26:61; Yoh. 2:19 wo mahkua, “É ni Ko si kumemu um Walé ni Opo Empung wo rumendai niitu sumaup witu un teluna endo, sa Ko uli-ulit Oki' ni Opo Empung, tumumpamomé im witu u salip itii wo tulungela un tou-Mu!”
41Sé tonaas né walian, sé tou tulap un Torat wo sé pahtutu'an né tou Yahudi kasii é mahséro' wia si Yesus wo mahkua, 42“Sé tou walina én tinulung-Na, taan un tou-Na in esa én zéi'kan katulungan-Na! Sa ni Sia éng Kolano né tou Israel, iwayamola Sia in tumumpamé witu u salip itii, karia in téntu ni kai é ma'éman wia ni Sia. 43#Mzm. 22:9 Un tou-Na méiéré'-Na wia si Opo Empung wo mahkua i ni Sia én Oki' ni Opo Empung. In tarékan, ilekentamokan sa si Opo Empung sumawang ni Sia.”
44Sé tou léwo' méisalip karia-Na kangkasii é mahséro' tanu niitu wia ni Sia.
Si Yesus nimaté
(Mrk. 15:33-41; Luk. 23:44-49; Yoh. 19:28-30)
45Rengané witu un jam mapulu' wo zua i lolambot makaz witu un jam katelu im wengindo, péléng um witi tana' itii é nimarimbengbeng. 46#Mzm. 22:2 Im woo jam katelu im wengindo, si Yesus éng kiméréta kuan-Na, “Eli, Eli, lama sabakhtani?” Ung kalakoana, “Opo Empung-Ku, Opo Empung-Ku, kaa Aku méitula'u-Mu?”
47Kaitalingamé niitu, sé woopira tou makarendai witu é mahkua, “Ni Sia é menawah si Elia.” 48#Mzm. 69:22 A si esaané im wia ni séra rengan maméndomé um wunga karang pahkuan spons, ito'to'mé witu un anggor esem, itundakla witu un dondohan an iwéhéma witu um wiwih ni Yesus wo itu sepsepan-Nama.
49Taan sé tou walina é mahkua, “Iwayamola, ilekentamokan sa si Elia mésumawang ni Sia.”
50A si Yesus kuméréta totoz rimez, an iayo-Nala ung katou-touan-Na.
51 #
Kel. 26:31-33; Im. 16:11-15; Ef. 3:12; Ibr. 9:8, 10:19-22 U roko' méiapé' witi tampa Totoz Lenas witi Walé ni Opo Empung é nimapahzuama witi atas makaz witi wawa'. A méhzo'mé makaz ang kentur watu é nimaweka. 52A lelewengan kasii é nimawuka wo lakez sé tou linenas ni Opo Empung sé nimatémo é méitoumé sumaup ni Opo Empung. 53I si Yesus méitoumé sumaup ni Opo Empung, sé tou linenas ni Opo Empung nimatémo itii é nimondolé im witu u lelewengan a muntepa witi Yerusalem. Im wana lakez sé tou nimilek ni séra.
54Si tonaas né sana atus suraro karia né surarona sé mahtéiz wia si Yesus én totoz maindé' i nimendané un éhzo' wo nimilek péléng a nimamuali, ang kuan néra, “Totoz ulit, si tou kenu én Oki' ni Opo Empung!”
55 #
Luk. 8:2-3
Im witu kangkasii é lakez sé wéwéné mengile-ngileké witi zou'ma. Ni séra é sé wéwéné nimahkiité si Yesus rengané im witi Galilea i mahselewir ni Sia. 56Im wia ni séra ém wéwéhan si Maria tou Magdala, si Maria ina' ni Yakobus wo ni Yusuf wo si ina' né oki' ni Zebedeus.
Si Yesus méileweng
(Mrk. 15:42-47; Luk. 23:50-56; Yoh. 19:38-42)
57I mawengimo a méyé si tou wa'ilan makangaran Yusuf tou Arimatea. Ni sia kasii é nimaéndomo pahtuzu'en ni Yesus. 58Ni sia masimaru wia si Pilatus i mahaléi un awak ni Yesus. Am peréntana ni Pilatus i méhéla wia ni sia un awak ni Yesus. 59A si Yusuf mangémé un awak ni Yesus, a saputennala karia u roko' lenan kulo' weresi. 60An izeta'nala un awak ni Yesus witu u lelewengan weru, u méikiarna witu ung kentur watu. Tumondong niitu an isoro'nama um watu tua'na in ipalot um wosona u lelewengan itii, a sia mangé.
61Taan si Maria tou Magdala wo si Maria walina é nimento'la witu, rimumez simaru u lelewengan itii.
U linewengan si Yesus pahtéizan né suraro
62Masandomé, in endo Sabat, a maréwokla sé tonaas né walian wo sé sana réwok tou Farisi masimaru wia si Pilatus, 63#Mat. 16:21, 17:23, 20:19; Mrk. 8:31, 9:31, 10:33-34; Luk. 9:22, 18:31-33 ang kuan néra, “Tuang, kinagenangan naila i si tantowo itii i menou-noupé' éng kimua, ‘Kumawusa un teluna endo ni Aku é matou sumaup.’ 64Niitumo, peréntana sé tou ni tuang i matuméiz u linewengan ni Sia makaz witu un endo katelu, pahpaan sé pahtuzu'en-Na ém woo mérumemu' un awak-Na wo mahwoka' wia sé tou sa ni Sia é méitoumomé sumaup ni Opo Empung im wia sé nimaté, wo un towo néra kamurian kenu é luméwo'pé'mé ung kataré.”
65Ang kuan ni Pilatus wia ni séra, “Sé kenu sé suraro matuméiz, mangémo wo matéizala lumé'o-lé'os u lelewengan itii.”
66A séra mangé witi lelewengan wo karia a sasawang né mahtéiz itii, u lelewengan itii é sinegel néramé wo tinéizan.
Currently Selected:
:
Highlight
Share
Copy
Want to have your highlights saved across all your devices? Sign up or sign in