Markus 16
16
Si Yesus méitoumé sumaup ni Opo Empung
(Mat. 28:1-8; Luk. 24:1-12; Yoh. 20:1-10)
1I limangkoioma un endo Sabat, si Salomé, si Maria tou Magdala wo si Maria si ina' ni Yakobus é matimelesé u lana mahwou tariis um pahalin witi lelewengan i maisu' un awak ni Yesus. 2In endo kataré witu un duminggu itii, i si endo taré mahserité, ni séra nimangé witi lelewengan. 3Im witi lalan ni séra é mahkua si esa im wia sé walina, “Séi rékén si masumoro' um watu méipalot u lelewengan?” 4Taan ni séra i merétémoma u lelewengan, ileken nérama um watu totoz tua'na itii é mémoikasoro'. 5Ni séra i nimuntepa witu un untep u lelewengan, maileken néra im witu ung kakan ém wéwéhan si tarétumou rimumez kimarai ung karai tonton kulo'. Niitumo ni séra mengompo'. 6Taan si tarétumou itii éng kimuama wia ni séra, “Tia'mo maindé'! Kata'uangku sa ni kamu é menéro si Yesus, si tou Nazaret si sinalip itii. Ni Sia én zéi'mo wia'i. Ni Sia é méitoumomé sumaup ni Opo Empung. Ilekena! Kenumo u zinetaan nérala ni Sia. 7#Mat. 26:32; Mrk. 14:28 Niitumo in tarékan mangémo, maikuala wia sé pahtuzu'en-Na, wo wia si Petrus in téntii, ‘Ni Sia é nimapuunamoma i nimangé witi Galilea. Im wana ni kamu é milek ni Sia tanu u mémoikua-Na wia ni kamu.’ ”
8A séra mondolé im witu u lelewengan itii ang kumara'ma pahpaan ni séra én totoz maindé' makaz i mahgerger. Ni séra én zéi'kan nimahkua-kuama apa im wia sé tou pahpaan un indé' néra. [Péléng a méikuamé itii ém pinerewek néra umana i méisiritama wia si Petrus wo sé kakariana. Kumawusa niitu, si Yesus in esa mengiité sé pahtuzu'en-Na mahwoka' u nuwu' lenas u makaz ing kauré-uré tumoro u méipilot im witu un ukuman wana a singkéla'.]
Si Yesus nimapailek un tou-Na
(Mat. 28:9-10; Yoh. 20:11-18)
9In Duminggu im woondo, si Yesus i nimatoumomé sumaup, ni Sia kataré-taré é nimapailek un tou-Na wia si Maria tou Magdala. I makasa si Yesus é nimoho sé sétang pitu im wia ni sia. 10A si Maria tou Magdala itii makumua a niilekna wia sé mahkii-kiit si Yesus, sé karegas i mahpengasi' wo mengamé-ngamé'. 11Taan in timalingala u siritana i ni sia é nimileké si Yesus si nimatoumomé sumaup, ni séra én zéi'kan ma'éman.
12Kumawusa niitu, i sé zua pahtuzu'en ni Yesus melampang mondol im witi wanua tua'na, si Yesus nimapailek un tou-Na wia ni séra taan ni Sia én zéi'kan kinana'uan nérala pahpaan ni Sia ém pahilekeno im walina. 13A séra mawurima i mapata'u wia sé kakaria néra walina i ni séra é nimahilekanomé karia ni Yesus. Taan sé kakaria néra kasii én zéi'kan ma'éman.
14Ing kamurian, si Yesus é nimapaileka un tou-Na wia sé mapulu' wo esa pahtuzu'en-Na, karegas séra i mahkan. Ni séra é sinéro'-Nala pahpaan ung kaketéhan un até néra wo pahpaan zéi'kan ma'éman wia sé tou nimilekomé ni Sia i nimatoumomé sumaup.
15 #
Kis. 1:8
Ang kuan-Na wia ni séra, “Mangémo wia péléng ung kaayahan, wo iwoka'la u Nuwu' Lé'os ni Opo Empung wia péléng sé tou. 16Séi si ma'éman wo sinarani, ni sia é makailek ung katou-touan makaz ing kauré-uré. Taan séi si zéi'kan ma'éman én ukumen. 17Sé tou ma'éman é mangun a makakompo'en kenu: Moho sé sétang karia u ngaran-Ku, mahnuwu' a nunuwu'en walina an zéi'kampé' pinahnuwu-nuwu' nérala, 18tumion sé ulé' melangu wo zozo' nimelep a melangu taan ni séra én zéi'kan makura. Wo sa séra zumeta'ma u lengen néra wia sé tou saki, sé tou saki itii é malé'os.”
Si Yesus mawénéta mangé witi kasendukan
(Luk. 24:50-53; Kis. 1:9-11)
19 #
Kis. 1:9-11
Makanuwu'la si Yesus wia sé pahtuzu'en-Na, a Sia mawénéta mangé witi kasendukan, a marumumez witu ung kakan ni Opo Empung.
20Tumondong niitu, sé pahtuzu'en ni Yesus mangé wana péléng a saruan i mahwoka' wia sé tou u Nuwu' Lé'os tumoro si Yesus. Karegas niitu, si Mahpiara é mahpaayang karia néra mahwangun a makakompo'en i menté' u Nuwu' Lé'os itii.
Currently Selected:
Markus 16: LAITOM
Highlight
Share
Copy
Want to have your highlights saved across all your devices? Sign up or sign in
Markus 16
16
Si Yesus méitoumé sumaup ni Opo Empung
(Mat. 28:1-8; Luk. 24:1-12; Yoh. 20:1-10)
1I limangkoioma un endo Sabat, si Salomé, si Maria tou Magdala wo si Maria si ina' ni Yakobus é matimelesé u lana mahwou tariis um pahalin witi lelewengan i maisu' un awak ni Yesus. 2In endo kataré witu un duminggu itii, i si endo taré mahserité, ni séra nimangé witi lelewengan. 3Im witi lalan ni séra é mahkua si esa im wia sé walina, “Séi rékén si masumoro' um watu méipalot u lelewengan?” 4Taan ni séra i merétémoma u lelewengan, ileken nérama um watu totoz tua'na itii é mémoikasoro'. 5Ni séra i nimuntepa witu un untep u lelewengan, maileken néra im witu ung kakan ém wéwéhan si tarétumou rimumez kimarai ung karai tonton kulo'. Niitumo ni séra mengompo'. 6Taan si tarétumou itii éng kimuama wia ni séra, “Tia'mo maindé'! Kata'uangku sa ni kamu é menéro si Yesus, si tou Nazaret si sinalip itii. Ni Sia én zéi'mo wia'i. Ni Sia é méitoumomé sumaup ni Opo Empung. Ilekena! Kenumo u zinetaan nérala ni Sia. 7#Mat. 26:32; Mrk. 14:28 Niitumo in tarékan mangémo, maikuala wia sé pahtuzu'en-Na, wo wia si Petrus in téntii, ‘Ni Sia é nimapuunamoma i nimangé witi Galilea. Im wana ni kamu é milek ni Sia tanu u mémoikua-Na wia ni kamu.’ ”
8A séra mondolé im witu u lelewengan itii ang kumara'ma pahpaan ni séra én totoz maindé' makaz i mahgerger. Ni séra én zéi'kan nimahkua-kuama apa im wia sé tou pahpaan un indé' néra. [Péléng a méikuamé itii ém pinerewek néra umana i méisiritama wia si Petrus wo sé kakariana. Kumawusa niitu, si Yesus in esa mengiité sé pahtuzu'en-Na mahwoka' u nuwu' lenas u makaz ing kauré-uré tumoro u méipilot im witu un ukuman wana a singkéla'.]
Si Yesus nimapailek un tou-Na
(Mat. 28:9-10; Yoh. 20:11-18)
9In Duminggu im woondo, si Yesus i nimatoumomé sumaup, ni Sia kataré-taré é nimapailek un tou-Na wia si Maria tou Magdala. I makasa si Yesus é nimoho sé sétang pitu im wia ni sia. 10A si Maria tou Magdala itii makumua a niilekna wia sé mahkii-kiit si Yesus, sé karegas i mahpengasi' wo mengamé-ngamé'. 11Taan in timalingala u siritana i ni sia é nimileké si Yesus si nimatoumomé sumaup, ni séra én zéi'kan ma'éman.
12Kumawusa niitu, i sé zua pahtuzu'en ni Yesus melampang mondol im witi wanua tua'na, si Yesus nimapailek un tou-Na wia ni séra taan ni Sia én zéi'kan kinana'uan nérala pahpaan ni Sia ém pahilekeno im walina. 13A séra mawurima i mapata'u wia sé kakaria néra walina i ni séra é nimahilekanomé karia ni Yesus. Taan sé kakaria néra kasii én zéi'kan ma'éman.
14Ing kamurian, si Yesus é nimapaileka un tou-Na wia sé mapulu' wo esa pahtuzu'en-Na, karegas séra i mahkan. Ni séra é sinéro'-Nala pahpaan ung kaketéhan un até néra wo pahpaan zéi'kan ma'éman wia sé tou nimilekomé ni Sia i nimatoumomé sumaup.
15 #
Kis. 1:8
Ang kuan-Na wia ni séra, “Mangémo wia péléng ung kaayahan, wo iwoka'la u Nuwu' Lé'os ni Opo Empung wia péléng sé tou. 16Séi si ma'éman wo sinarani, ni sia é makailek ung katou-touan makaz ing kauré-uré. Taan séi si zéi'kan ma'éman én ukumen. 17Sé tou ma'éman é mangun a makakompo'en kenu: Moho sé sétang karia u ngaran-Ku, mahnuwu' a nunuwu'en walina an zéi'kampé' pinahnuwu-nuwu' nérala, 18tumion sé ulé' melangu wo zozo' nimelep a melangu taan ni séra én zéi'kan makura. Wo sa séra zumeta'ma u lengen néra wia sé tou saki, sé tou saki itii é malé'os.”
Si Yesus mawénéta mangé witi kasendukan
(Luk. 24:50-53; Kis. 1:9-11)
19 #
Kis. 1:9-11
Makanuwu'la si Yesus wia sé pahtuzu'en-Na, a Sia mawénéta mangé witi kasendukan, a marumumez witu ung kakan ni Opo Empung.
20Tumondong niitu, sé pahtuzu'en ni Yesus mangé wana péléng a saruan i mahwoka' wia sé tou u Nuwu' Lé'os tumoro si Yesus. Karegas niitu, si Mahpiara é mahpaayang karia néra mahwangun a makakompo'en i menté' u Nuwu' Lé'os itii.
Currently Selected:
:
Highlight
Share
Copy
Want to have your highlights saved across all your devices? Sign up or sign in