Markus 9
9
1A si Yesus kumua kasiila wia ni séra, “Uli-ulit ikua-Kuma wia ni kamu, sé woopira im wia ni kamu sé wia un tampa kenu én zéi'kan maté puunala séra nimilek ung kawasa wo ung Kakolanoan ni Opo Empung.”
Si Yesus pahsigi'en wo pahloozen witi wawo ung kentur
(Mat. 17:1-13; Luk. 9:28-36)
2I limangkoiola un enemna endo, si Yesus mahwalima si Petrus, si Yakobus karia ni Yohanes i simosoza witu ung kentur rakék. Im witu én zéi'kan siapa tou walina akaz uman ni séra. In toro niitu ileken nérama si Yesus é nimawalinamoma. 3Ung kinarai-Na é nimakulo'ma meto-petot. Im wia ung kaayahan kenu én zéi'kan siapa tou toro kumemes ung karai wo itu makulo' tanu niitu. 4An ileken nérama si Elia wo si Musa é mahsirita karia ni Yesus. 5Kuan ni Petrus wia si Yesus, “Méster, totoz wangun ni kita im wia un tampa kenu. Ni kai é rumendai un terung telu, un esa én anu ni Méster, un esa én anu ni Musa, wo un esa én anu ni Elia.” 6Zéi'mo kata'uan ni Petrus apa u léwo'zéi' in ikuana, pahpaan ni sia wo sé kakariana én totozo maindé'.
7 #
Mat. 3:17; Mrk. 1:11; Luk. 3:22 Tumondong niitu an tumumpamé u ninahak ang kumungkungé wia ni séra. Wo witu un untep u ninahak itii talingané u nuwu' kimuamé in téntii, “Si kenumo si Oki'-Ku, si ikararaaté-Ku, pahtalingala Sia!”
8Kumompo'mé, i ni séra nimilekla makaliklik, zéi'mo siapa tou walina sé witu, akazokan si Yesus.
9I ni séra nimerosé im witi kentur itii, si Yesus é nimapagenanga wia ni séra, wo séra zéi'kan masumirita wia si séi uman a niilek néra itii, puunala si Oki' ni Tou matoumé sumaup im wia sé nimaté. 10U méipapagenangé itii éng kiniitan néra, taan ni séra é mahliligauan tumoro ung kalakoan “matoumé sumaup im wia sé nimaté.”
11 #
Mal. 4:5; Mat. 11:14 A séra lumigau wia ni Sia, “Kaa sé tou tulap un Torat é mahkua i si Elia é léwo'zéi' mapuunamé i méyé taan si Oki' ni Tou?”
12A si Yesus mingkotla, “Totoz ulit. Si Elia é mapuunamé i mémimek péléng am péléng. Taan kura un tumoro si Oki' ni Tou? Kaa un tumoro ni Sia é méipantik i lakez an zézéha wo mapahséro'an né tou? 13Taan ikua-Kuma wia ni kamu, si Elia é niméyémo wo sé tou é simusama ni sia pahkiit uman um paaz néra, mengiit u méipantik im puuna tumoro ni sia.”
Si Yesus nimoho si sétang simelaz wia si koki'
(Mat. 17:14-21; Luk. 9:37-43)
14I si Yesus karia né telu pahtuzu'en-Na nimawurimoma sumaup wia sé pahtuzu'en-Na walina, ileken nérama lakez sé tou rimimbung wia sé pahtuzu'en-Na itii. Wo im witu ém wéwéhan sé woopira tou tulap un Torat mahéndo-éndoan karia néra. 15I si Yesus niileka né tou lakez, ni séra é méikanganga a merewe-rewek i simungkula ni Sia.
16A si Yesus lumigaula wia ni séra, “Apa um pahéndo-éndoan niou karia né tou tulap un Torat?”
17Si esaané im wia sé tou lakez itii é nimingkotla, “Méster, ni aku é nimahwalimé si koki'ku kenu wia si Méster, pahpaan ni sia é sinelazan ni sétang, si nimangun ni sia nimawowo'. 18Sekez si sétang itii kumawasama wia ni sia, si koki' itii én ipahwasalna witu un tana' wo u sumahna é mahsewu, am waangna éng karékétokan wo un touna é mengesé-ngeséi. Ni aku é nimahaléiola wia sé pahtuzu'en ni Méster wo si sétang itii iwoho nérama, taan ni séra én zéi'kan nimakawawama.”
19Ang kuan ni Yesus wia ni séra, “É kamu sé tou zéi'kan ma'éman, makaz sawisa ni Aku léwo'zéi' i mento' mahwali-wali karia niou? Makaz sawisa ni Aku léwo'zéi' i mezen wia ni kamu? Ipahwalimé wia'i si koki' itii!”
20An ipahwali néramé si koki' itii wia ni Sia. I si sétang itii mileka si Yesus, a si koki' itii rengan i wangunenna ni sétang itii i mengesé-ngeséi, an ikawasala witu un tana' wo mahuli-uliz, karegas niitu u sumahna é mahsewumé.
21A si Yesus lumigaula wia si ama' ni koki' itii, “Urémo sia in téntu?” Am wingkotenala, “Rengané ing koki'pé' ndootuu. 22Wo ni sia é makalakez im pahkéhongena ni sétang itii witu un api kaapa witu un zano i mahwuwunu' ni sia. Taan sa sia toro tulungena ni Méster, tulungené wo iraraaté ndootuumé kai.”
23A si Yesus mingkotla, “Kaa kuanu sa Aku én toro? Péléng am péléng én toro mamuali im wia sé tou ma'éman!”
24A si ama' ni koki' itii rengan ing kimérété, “Ni aku é ma'éman, tulungené ni aku si zéi'kan ma'éman kenu.”
25I si Yesus mileka sé tou éng kalakeznamo i mahréwoké witu, a rekaken-Nama si sétang itii, kuan-Na, “É ko, sétang si nimangun si tou nimawowo' wo lunteng, mondolomé im wia si koki' kenu wo tia'mo mahseselaz sumaup wia ni sia!”
26A si sétang itii mondola karia ing kiméréta wo nimanguna si koki' itii in totoz mengesé-ngeséi. Si koki' itii ém pahileken tanu si tou nimatémo, taka-takazan lakez sé tou mahkua, “Ni sia é nimatémo.” 27Taan si Yesus én timiona u lengen ni koki' itii, wongké-Namé, a si koki' itii rumendaié.
28Kumawusa niitu, si Yesus wo sé pahtuzu'en-Na muntepa witu un walé esa. I ni séra uman sé witu, a séra meligau wia ni Sia, “Kaa ni kai én zéi'kan makawawa i moho si sétang itii?”
29A séra wingkotela ni Yesus, “Si sétang tanu si kenu én toro uman iwoho karia i mengaléi.”
Ung kazua si Yesus nimapata'u ni Sia i maté
(Mat. 17:22-23; Luk. 9:43-45)
30Si Yesus wo sé pahtuzu'en-Na én timula'umé un tampa itii a lumangkoia ung Galilea. Kasoo ni Yesus sé tou walina i mata'uma sa ni Sia é limangkoia witu, 31pahpaan ni Sia éng karegas i mahtuzu' sé pahtuzu'en-Na. Ni Sia kumuala wia ni séra, “Si Oki' ni Tou é maiayo witu ung kawasa né tou, wo ni Sia ém wunu'en néra. Tumondongla niitu, witu un endo katelu ni Sia é matou sumaup.” 32Sé pahtuzu'en ni Yesus én zéi'kan makatulap ung kalakoan u méikua-Namé, taan katéntu néra i lumigau niitu wia ni Sia.
Séi si totoz ipahpuu-puuna
(Mat. 18:1-5; Luk. 9:46-48)
33A si Yesus wo sé pahtuzu'en-Na ikaayola witi Kapernaum. I ni séra witimo walé, si Yesus meligau wia ni séra, “Apa um pahéndo-éndoan niou im witi lalan ing kataré?” 34#Luk. 22:24 Taan ni séra é memene-menes uman, pahpaan ing kataré im witipé' lalan, ni séra é mahéndo-éndoan tumoro séi si totoz ipahpuu-puuna im wia ni séra.
35A si Yesus rumumezla an tumawahmé sé mapulu' wo zua pahtuzu'en-Na. Kuan-Na wia ni séra, “Sa si tou paaz maéndo kataré-taré, ni sia é léwo'zéi' i maéndo totoz kamurian im wana am péléng wo maéndo mahsawa-sawang péléng né tou.”
36A si Yesus tumawahmé si koki' an irendai-Nala witu un unez néra. Rawaken-Nala si koki' itii, ang kua-Na wia ni séra, 37#Mat. 10:40; Luk. 10:16; Yoh. 13:20 “Séi uman si simungkul si koki' tanu si kenu pahpaan ma'éman ni Aku, ni sia é simungkul ni Aku. Séi uman si simungkul ni Aku, zéi'kan ni Aku si sinungkulna taan ni Sia si nimatumé ni Aku.”
Séi si zéi'kan mahsaru ni kita, ni sia éng kakariata
(Luk. 9:49-50)
38A si Yohanes kumuala wia si Yesus, “Méster, ni kai é nimileké si tou mahwoho si sétang karia u ngaran ni Méster, a sia séro'en naimé, pahpaan ni sia én zéi'kan esaané im wia ni kita.”
39Taan kuan ni Yesus wia ni séra, “Ni kamu én tia' mahséro' ni sia! Pahpaan zéi'kan siapa si tou nimangun u makakompo'en karia u ngaran-Ku, wo in toro niitu kangkasii é mahwuwuul u ngaran-Ku. 40#Mat. 12:30; Luk. 11:23 Séi uman si zéi'kan mahsaru ni kita, ni sia éng kakariata. 41#Mat. 10:42 Uli-ulit ikua-Kuma wia ni kamu, séi uman si méhéla wia ni kamu un zano elepen zozo' sana eelepan uman pahpaan ni kamu é mahkii-kiit si Kristus, ni sia én zéi'kan kaliongan um wawaér wia ni sia.”
U mahwangun si tou mahsingkéla'
(Mat. 18:6-9; Luk. 17:1-2)
42Si Yesus kimua kasiila wia ni séra, “Séi uman si nimangun si esaané im wia sé koki' sé ma'éman wia ni Aku kenu in zéi'mo ma'éman wia ni Aku, tawimo u léhé'na apusala um watu tua'na ipahgiling wo mailombo'mé witi tasik.
43 #
Mat. 5:30
Sa u lengenmu kasaru mangunla ni ko i mahsingkéla', ketorenola u lengen itii! Pahpaan, tawimo ni ko menou-nou karia ni Opo Empung karia u lengen pokol kasaru, taan karia u lengen zua méiuntep umana witi naraka, witu un api zéi'kan mahpaté. [44Im witu, sé sapat zéi'kan mahpaté wo un api én zéi'kan mahpaté.] 45Sa un a'ému kasaru mangunla ni ko i mahsingkéla', ketorenola un a'é itii! Pahpaan tawimo ni ko i menou-nou karia ni Opo Empung karia un a'é pokol kasaru, taan karia un a'é zua méiuntepa witi naraka. [46Im witu, sé sapat zéi'kan mahpaté wo un api én zéi'kan mahpaté.] 47Sa um werenmu mangunla ni ko mahsingkéla', suitenola um weren itii! Pahpaan tawimo ni ko muntepa witi Kakolanoan ni Opo Empung karia um weren kasaru uman, taan ni ko é makaweren un zua méiuntep umana witi naraka. 48#Yes. 66:24 Im wana, sé sapat zéi'kan mahpaté, wo un api én zéi'kan mahpaté.
49Péléng sé tou ém wa'wa'en karia am pengalin, niitu én tanu sé tou in asinan karia un api. #9:49 Mengiit um perénta ni Musa, péléng a raragés iragés wia si Opo Empung é léwo'zéi' im pahasinan.
50 #
Mat. 5:13; Luk. 14:34-35 Un asin ém wangun, taan sa un asin én tewango, karia un apa ni kamu mangun niitu maasin sumaup? Niitumo ni kamu é léwo'zéi' maéndo tou lé'os tanu un asin wo menou-noula karia i mahlé'o-lé'osan wo sé tou walina.”
Currently Selected:
Markus 9: LAITOM
Highlight
Share
Copy
Want to have your highlights saved across all your devices? Sign up or sign in
Markus 9
9
1A si Yesus kumua kasiila wia ni séra, “Uli-ulit ikua-Kuma wia ni kamu, sé woopira im wia ni kamu sé wia un tampa kenu én zéi'kan maté puunala séra nimilek ung kawasa wo ung Kakolanoan ni Opo Empung.”
Si Yesus pahsigi'en wo pahloozen witi wawo ung kentur
(Mat. 17:1-13; Luk. 9:28-36)
2I limangkoiola un enemna endo, si Yesus mahwalima si Petrus, si Yakobus karia ni Yohanes i simosoza witu ung kentur rakék. Im witu én zéi'kan siapa tou walina akaz uman ni séra. In toro niitu ileken nérama si Yesus é nimawalinamoma. 3Ung kinarai-Na é nimakulo'ma meto-petot. Im wia ung kaayahan kenu én zéi'kan siapa tou toro kumemes ung karai wo itu makulo' tanu niitu. 4An ileken nérama si Elia wo si Musa é mahsirita karia ni Yesus. 5Kuan ni Petrus wia si Yesus, “Méster, totoz wangun ni kita im wia un tampa kenu. Ni kai é rumendai un terung telu, un esa én anu ni Méster, un esa én anu ni Musa, wo un esa én anu ni Elia.” 6Zéi'mo kata'uan ni Petrus apa u léwo'zéi' in ikuana, pahpaan ni sia wo sé kakariana én totozo maindé'.
7 #
Mat. 3:17; Mrk. 1:11; Luk. 3:22 Tumondong niitu an tumumpamé u ninahak ang kumungkungé wia ni séra. Wo witu un untep u ninahak itii talingané u nuwu' kimuamé in téntii, “Si kenumo si Oki'-Ku, si ikararaaté-Ku, pahtalingala Sia!”
8Kumompo'mé, i ni séra nimilekla makaliklik, zéi'mo siapa tou walina sé witu, akazokan si Yesus.
9I ni séra nimerosé im witi kentur itii, si Yesus é nimapagenanga wia ni séra, wo séra zéi'kan masumirita wia si séi uman a niilek néra itii, puunala si Oki' ni Tou matoumé sumaup im wia sé nimaté. 10U méipapagenangé itii éng kiniitan néra, taan ni séra é mahliligauan tumoro ung kalakoan “matoumé sumaup im wia sé nimaté.”
11 #
Mal. 4:5; Mat. 11:14 A séra lumigau wia ni Sia, “Kaa sé tou tulap un Torat é mahkua i si Elia é léwo'zéi' mapuunamé i méyé taan si Oki' ni Tou?”
12A si Yesus mingkotla, “Totoz ulit. Si Elia é mapuunamé i mémimek péléng am péléng. Taan kura un tumoro si Oki' ni Tou? Kaa un tumoro ni Sia é méipantik i lakez an zézéha wo mapahséro'an né tou? 13Taan ikua-Kuma wia ni kamu, si Elia é niméyémo wo sé tou é simusama ni sia pahkiit uman um paaz néra, mengiit u méipantik im puuna tumoro ni sia.”
Si Yesus nimoho si sétang simelaz wia si koki'
(Mat. 17:14-21; Luk. 9:37-43)
14I si Yesus karia né telu pahtuzu'en-Na nimawurimoma sumaup wia sé pahtuzu'en-Na walina, ileken nérama lakez sé tou rimimbung wia sé pahtuzu'en-Na itii. Wo im witu ém wéwéhan sé woopira tou tulap un Torat mahéndo-éndoan karia néra. 15I si Yesus niileka né tou lakez, ni séra é méikanganga a merewe-rewek i simungkula ni Sia.
16A si Yesus lumigaula wia ni séra, “Apa um pahéndo-éndoan niou karia né tou tulap un Torat?”
17Si esaané im wia sé tou lakez itii é nimingkotla, “Méster, ni aku é nimahwalimé si koki'ku kenu wia si Méster, pahpaan ni sia é sinelazan ni sétang, si nimangun ni sia nimawowo'. 18Sekez si sétang itii kumawasama wia ni sia, si koki' itii én ipahwasalna witu un tana' wo u sumahna é mahsewu, am waangna éng karékétokan wo un touna é mengesé-ngeséi. Ni aku é nimahaléiola wia sé pahtuzu'en ni Méster wo si sétang itii iwoho nérama, taan ni séra én zéi'kan nimakawawama.”
19Ang kuan ni Yesus wia ni séra, “É kamu sé tou zéi'kan ma'éman, makaz sawisa ni Aku léwo'zéi' i mento' mahwali-wali karia niou? Makaz sawisa ni Aku léwo'zéi' i mezen wia ni kamu? Ipahwalimé wia'i si koki' itii!”
20An ipahwali néramé si koki' itii wia ni Sia. I si sétang itii mileka si Yesus, a si koki' itii rengan i wangunenna ni sétang itii i mengesé-ngeséi, an ikawasala witu un tana' wo mahuli-uliz, karegas niitu u sumahna é mahsewumé.
21A si Yesus lumigaula wia si ama' ni koki' itii, “Urémo sia in téntu?” Am wingkotenala, “Rengané ing koki'pé' ndootuu. 22Wo ni sia é makalakez im pahkéhongena ni sétang itii witu un api kaapa witu un zano i mahwuwunu' ni sia. Taan sa sia toro tulungena ni Méster, tulungené wo iraraaté ndootuumé kai.”
23A si Yesus mingkotla, “Kaa kuanu sa Aku én toro? Péléng am péléng én toro mamuali im wia sé tou ma'éman!”
24A si ama' ni koki' itii rengan ing kimérété, “Ni aku é ma'éman, tulungené ni aku si zéi'kan ma'éman kenu.”
25I si Yesus mileka sé tou éng kalakeznamo i mahréwoké witu, a rekaken-Nama si sétang itii, kuan-Na, “É ko, sétang si nimangun si tou nimawowo' wo lunteng, mondolomé im wia si koki' kenu wo tia'mo mahseselaz sumaup wia ni sia!”
26A si sétang itii mondola karia ing kiméréta wo nimanguna si koki' itii in totoz mengesé-ngeséi. Si koki' itii ém pahileken tanu si tou nimatémo, taka-takazan lakez sé tou mahkua, “Ni sia é nimatémo.” 27Taan si Yesus én timiona u lengen ni koki' itii, wongké-Namé, a si koki' itii rumendaié.
28Kumawusa niitu, si Yesus wo sé pahtuzu'en-Na muntepa witu un walé esa. I ni séra uman sé witu, a séra meligau wia ni Sia, “Kaa ni kai én zéi'kan makawawa i moho si sétang itii?”
29A séra wingkotela ni Yesus, “Si sétang tanu si kenu én toro uman iwoho karia i mengaléi.”
Ung kazua si Yesus nimapata'u ni Sia i maté
(Mat. 17:22-23; Luk. 9:43-45)
30Si Yesus wo sé pahtuzu'en-Na én timula'umé un tampa itii a lumangkoia ung Galilea. Kasoo ni Yesus sé tou walina i mata'uma sa ni Sia é limangkoia witu, 31pahpaan ni Sia éng karegas i mahtuzu' sé pahtuzu'en-Na. Ni Sia kumuala wia ni séra, “Si Oki' ni Tou é maiayo witu ung kawasa né tou, wo ni Sia ém wunu'en néra. Tumondongla niitu, witu un endo katelu ni Sia é matou sumaup.” 32Sé pahtuzu'en ni Yesus én zéi'kan makatulap ung kalakoan u méikua-Namé, taan katéntu néra i lumigau niitu wia ni Sia.
Séi si totoz ipahpuu-puuna
(Mat. 18:1-5; Luk. 9:46-48)
33A si Yesus wo sé pahtuzu'en-Na ikaayola witi Kapernaum. I ni séra witimo walé, si Yesus meligau wia ni séra, “Apa um pahéndo-éndoan niou im witi lalan ing kataré?” 34#Luk. 22:24 Taan ni séra é memene-menes uman, pahpaan ing kataré im witipé' lalan, ni séra é mahéndo-éndoan tumoro séi si totoz ipahpuu-puuna im wia ni séra.
35A si Yesus rumumezla an tumawahmé sé mapulu' wo zua pahtuzu'en-Na. Kuan-Na wia ni séra, “Sa si tou paaz maéndo kataré-taré, ni sia é léwo'zéi' i maéndo totoz kamurian im wana am péléng wo maéndo mahsawa-sawang péléng né tou.”
36A si Yesus tumawahmé si koki' an irendai-Nala witu un unez néra. Rawaken-Nala si koki' itii, ang kua-Na wia ni séra, 37#Mat. 10:40; Luk. 10:16; Yoh. 13:20 “Séi uman si simungkul si koki' tanu si kenu pahpaan ma'éman ni Aku, ni sia é simungkul ni Aku. Séi uman si simungkul ni Aku, zéi'kan ni Aku si sinungkulna taan ni Sia si nimatumé ni Aku.”
Séi si zéi'kan mahsaru ni kita, ni sia éng kakariata
(Luk. 9:49-50)
38A si Yohanes kumuala wia si Yesus, “Méster, ni kai é nimileké si tou mahwoho si sétang karia u ngaran ni Méster, a sia séro'en naimé, pahpaan ni sia én zéi'kan esaané im wia ni kita.”
39Taan kuan ni Yesus wia ni séra, “Ni kamu én tia' mahséro' ni sia! Pahpaan zéi'kan siapa si tou nimangun u makakompo'en karia u ngaran-Ku, wo in toro niitu kangkasii é mahwuwuul u ngaran-Ku. 40#Mat. 12:30; Luk. 11:23 Séi uman si zéi'kan mahsaru ni kita, ni sia éng kakariata. 41#Mat. 10:42 Uli-ulit ikua-Kuma wia ni kamu, séi uman si méhéla wia ni kamu un zano elepen zozo' sana eelepan uman pahpaan ni kamu é mahkii-kiit si Kristus, ni sia én zéi'kan kaliongan um wawaér wia ni sia.”
U mahwangun si tou mahsingkéla'
(Mat. 18:6-9; Luk. 17:1-2)
42Si Yesus kimua kasiila wia ni séra, “Séi uman si nimangun si esaané im wia sé koki' sé ma'éman wia ni Aku kenu in zéi'mo ma'éman wia ni Aku, tawimo u léhé'na apusala um watu tua'na ipahgiling wo mailombo'mé witi tasik.
43 #
Mat. 5:30
Sa u lengenmu kasaru mangunla ni ko i mahsingkéla', ketorenola u lengen itii! Pahpaan, tawimo ni ko menou-nou karia ni Opo Empung karia u lengen pokol kasaru, taan karia u lengen zua méiuntep umana witi naraka, witu un api zéi'kan mahpaté. [44Im witu, sé sapat zéi'kan mahpaté wo un api én zéi'kan mahpaté.] 45Sa un a'ému kasaru mangunla ni ko i mahsingkéla', ketorenola un a'é itii! Pahpaan tawimo ni ko i menou-nou karia ni Opo Empung karia un a'é pokol kasaru, taan karia un a'é zua méiuntepa witi naraka. [46Im witu, sé sapat zéi'kan mahpaté wo un api én zéi'kan mahpaté.] 47Sa um werenmu mangunla ni ko mahsingkéla', suitenola um weren itii! Pahpaan tawimo ni ko muntepa witi Kakolanoan ni Opo Empung karia um weren kasaru uman, taan ni ko é makaweren un zua méiuntep umana witi naraka. 48#Yes. 66:24 Im wana, sé sapat zéi'kan mahpaté, wo un api én zéi'kan mahpaté.
49Péléng sé tou ém wa'wa'en karia am pengalin, niitu én tanu sé tou in asinan karia un api. #9:49 Mengiit um perénta ni Musa, péléng a raragés iragés wia si Opo Empung é léwo'zéi' im pahasinan.
50 #
Mat. 5:13; Luk. 14:34-35 Un asin ém wangun, taan sa un asin én tewango, karia un apa ni kamu mangun niitu maasin sumaup? Niitumo ni kamu é léwo'zéi' maéndo tou lé'os tanu un asin wo menou-noula karia i mahlé'o-lé'osan wo sé tou walina.”
Currently Selected:
:
Highlight
Share
Copy
Want to have your highlights saved across all your devices? Sign up or sign in