لوقا 21
21
هدیۀ اتا بیوه زن فقیر
1عیسی دور ور رِه اِشا و سرمایه دارها رِه دیه که شه هدیه رِه درون صندوق بیت‌المال معبد دم دانه. 2در اون میون اتا بیوه زن فقیر رِه هِم بَدییه که دِتا سکۀ ناچیز صندوق دِله دِمبدا. 3عیسی بائوته: «راستی شما رِه گامبه که این بیوه‌زن فقیر از تموم اونا ویشتِر هادا. 4اینِسّه که اونا همگی از زیادی شه دارایی هادانه اما این زِنا در تنگدستی خودش تموم شه دارایی رِه هادا.»
نشونه‌های پایان زمون حاضر
5وقتی شاگِردون درباره معبد صحبِت کاردِنِه که چجوری با سنگهای زیبا و هدایای وقف بَییه، چنده قشنگ هسته، عیسی ویشونه بائوته: 6«زمانی اِنه که از اونچه اینجه ویننی سنگی بر سنگ دیگه نَموندنه بلکه همه خراب وونه.»
7بَپورسینه: «ای اِستا اینا کی اتفاق کَفنه و نشانۀ نزدیک بَیینِ وِقوع اون چیشیه؟» 8جِواب هِدا: «به‌هوش بوشین که گُمراه نَوویین؛ اینِسّه که خَلِه‌ها به نام مِن اِنّه و گانّه: ‹مِن مسیح هَستِمه› و ‹زِمان موعود بَرِسیه›. از اونا پیروی نَکانیین.
9«و وقتی خَوِر جنگها و آشوبها رِه اِشناننی نَتِرسین. اینِسّه که بایِد اول اینجوری اتفاق دَکِفه امّا پایان کار بلافاصله نَرِسِنه.» 10بعد ویشونه بائوته: «قومی بر قومی دیگه و حکومتی بر حکومتی دیگه راست وونه. 11همه جا زلزله و قحطی و طاعون اِنه و اتّفاق خَله بدی روی دِنه نشونه‌های عجیب از آسمون ظاهر وونه.
12«اما پیش از اینا شِما رِه گرفتار کانّه و اذیت کانّه و شِما رِه تحویلِ رِهبرون مذهبی دِنّه و به‌خاطر پیروی از مِن، شِما رِه پادشاهون و حاکمونِ پَلی وَرِنّه تا شِمسته حکم بَورینِند تا شِمارِه زندانی هاکانند 13و اینجوری فرصت پدا کانّی تا مِه خَوری ویشونجه صحبِت هاکانین. 14شه عزم رِه جزم هاکانین، پیش پیش نگرون نَووشین که چه جوری شه جه دفاع هاکانین. 15اینِسّه که شِما رِه کِلام و حکمت دمبه که هیچ کدوم از شِمه دشمنون نتونند مقاومت یا مخالِفت هاکانند. 16حتی شِمه پی‌یِر و مارون و شِمه برارون و فامیلها و شِمه رَفقون شِما رِه تسلیم دشمن کانّه و اونا بعضی از شما رِه کاشِننه. 17مردِم همه به‌خاطر مه اسم شِمه جه نفرت پدا کانّه. 18اما اتا خال می شِمه سَر جه کم نَوونه. 19با مقاومت صاحبِ حیاتِ ابدی وُنّی.
پیشگویی خرابیِ اورشلیم
20«وقتی بَدینی سپاهیون، اورشلیم رِه به محاصرۀ در بیاردنه، بِدونین خرابی اون نزدیک هَسّه. 21بعد هر کی در یهودیه دَره باید به کوهها فرار هاکانه، اونایی که در اورشلیم دَرِنه اورشلیم جه بیرون بورِن و اونایی که در دشت و صحرا دَرِنه به اورشلیم نیهِند. 22اینِسّه که اون روزها روزهای مکافات اورشلیم هَسّه که درباره اون هر‌چی در کتاب مقدس بنوشته بَییه اتّفاق کَفِنه. 23وای بر زنهای آبستِن و مارونه شیرده در اون روزها! اینِسّه که مصیبتی عظیم دامنگیر اورشلیم وونه و این مردِم به غضب الهی دچار وونّه. 24به دم شمشیر قِرار گِرِننه و در میونه تموم قومهای دیگه به اسیری بَوِرده وونه و اورشلیم بدست غیر یهودیها کَفِنه و پایمال وونه تا زمانی که دوره غیر یهودیها به سَر بیهه.
بردَگِردستن مسیح
25«نیشونه هایی در خِرشید و ماه و ستاره ها پدا وونه. زمین دِله مردِم از جوش و خِروش دریا آشفته و دلنگرون وونه. 26مردِم از اونچه باید در دنیا اتفاق دَکِفه از ترس غَش کانِّه اینِسّه که نیروهای آسمون به لرزه در انّه. 27بعد انسان ریکا رِه ویننه که با قِدرِتِ و شکوه خَلِه زیاد بر اتا ابر اِنه. 28وقتی اینا شِروع بَووهه راست ایست هاکانین و شه سَرها رِه بالا بَیرین اینِسّه که شِمه نجات نزدیک هَسّه!»
29و این مِثال رِه ویشونِسته بیارده: «انجیر دار و دارهایه دیگه رِه در نظِر بَیرین. 30وقتی برگ دِننه توننی بَوینین و بِفهمین که تابستون نزدیک هَسّه. 31هَمینِسته هروقت بَدینی، این چیزها دَرِه اتّفاق کَفِنه، متوجه وونی پادشاهی خِدا نزدیک هسته. 32راستی راستی شما رِه گامبه که تا تموم اینا اتفاق نَکِفه این نسل از بین نَشونه. 33آسمون و زمین از بین شونه اما حرفهای مِن هیچوقت از بین نشونه.
در انتظار بَردِگِردستنه مسیح
34«بهوش بوشین نَکانه عیش و نوش، و مستی و گرفتاریهایه زندگی شِمه دل رِه سنگین هاکانِه و اون روز مِثل اتا دام، یکدفعه شِما رِه غافلگیر هاکانه. 35اینِسّه که این اتفّاق برسَرِ تموم مردِم در همه جای دنیا کفنه. 36پس همیشه مواظب بوشین و دِعا هاکانین تا بتونین از تموم این چیزها که بزودی اتّفاق کَفنه در امان بَمونین و در حِضور انسان ریکا ایست هاکانین.»
37عیسی هر روز معبد دِله تعلیم داهه وشوها شهر جه بیرون شییه و کوه زیتون بالا شو رِه با دعا به صبح رِسِندیه. 38صبح ها مردِم برای گوش هاکاردنه وِنه حرفها معبد دِله جمع بینه.
Currently Selected:
لوقا 21: Maz
Highlight
Share
Copy
Want to have your highlights saved across all your devices? Sign up or sign in
© Mazanmedia
لوقا 21
21
هدیۀ اتا بیوه زن فقیر
1عیسی دور ور رِه اِشا و سرمایه دارها رِه دیه که شه هدیه رِه درون صندوق بیت‌المال معبد دم دانه. 2در اون میون اتا بیوه زن فقیر رِه هِم بَدییه که دِتا سکۀ ناچیز صندوق دِله دِمبدا. 3عیسی بائوته: «راستی شما رِه گامبه که این بیوه‌زن فقیر از تموم اونا ویشتِر هادا. 4اینِسّه که اونا همگی از زیادی شه دارایی هادانه اما این زِنا در تنگدستی خودش تموم شه دارایی رِه هادا.»
نشونه‌های پایان زمون حاضر
5وقتی شاگِردون درباره معبد صحبِت کاردِنِه که چجوری با سنگهای زیبا و هدایای وقف بَییه، چنده قشنگ هسته، عیسی ویشونه بائوته: 6«زمانی اِنه که از اونچه اینجه ویننی سنگی بر سنگ دیگه نَموندنه بلکه همه خراب وونه.»
7بَپورسینه: «ای اِستا اینا کی اتفاق کَفنه و نشانۀ نزدیک بَیینِ وِقوع اون چیشیه؟» 8جِواب هِدا: «به‌هوش بوشین که گُمراه نَوویین؛ اینِسّه که خَلِه‌ها به نام مِن اِنّه و گانّه: ‹مِن مسیح هَستِمه› و ‹زِمان موعود بَرِسیه›. از اونا پیروی نَکانیین.
9«و وقتی خَوِر جنگها و آشوبها رِه اِشناننی نَتِرسین. اینِسّه که بایِد اول اینجوری اتفاق دَکِفه امّا پایان کار بلافاصله نَرِسِنه.» 10بعد ویشونه بائوته: «قومی بر قومی دیگه و حکومتی بر حکومتی دیگه راست وونه. 11همه جا زلزله و قحطی و طاعون اِنه و اتّفاق خَله بدی روی دِنه نشونه‌های عجیب از آسمون ظاهر وونه.
12«اما پیش از اینا شِما رِه گرفتار کانّه و اذیت کانّه و شِما رِه تحویلِ رِهبرون مذهبی دِنّه و به‌خاطر پیروی از مِن، شِما رِه پادشاهون و حاکمونِ پَلی وَرِنّه تا شِمسته حکم بَورینِند تا شِمارِه زندانی هاکانند 13و اینجوری فرصت پدا کانّی تا مِه خَوری ویشونجه صحبِت هاکانین. 14شه عزم رِه جزم هاکانین، پیش پیش نگرون نَووشین که چه جوری شه جه دفاع هاکانین. 15اینِسّه که شِما رِه کِلام و حکمت دمبه که هیچ کدوم از شِمه دشمنون نتونند مقاومت یا مخالِفت هاکانند. 16حتی شِمه پی‌یِر و مارون و شِمه برارون و فامیلها و شِمه رَفقون شِما رِه تسلیم دشمن کانّه و اونا بعضی از شما رِه کاشِننه. 17مردِم همه به‌خاطر مه اسم شِمه جه نفرت پدا کانّه. 18اما اتا خال می شِمه سَر جه کم نَوونه. 19با مقاومت صاحبِ حیاتِ ابدی وُنّی.
پیشگویی خرابیِ اورشلیم
20«وقتی بَدینی سپاهیون، اورشلیم رِه به محاصرۀ در بیاردنه، بِدونین خرابی اون نزدیک هَسّه. 21بعد هر کی در یهودیه دَره باید به کوهها فرار هاکانه، اونایی که در اورشلیم دَرِنه اورشلیم جه بیرون بورِن و اونایی که در دشت و صحرا دَرِنه به اورشلیم نیهِند. 22اینِسّه که اون روزها روزهای مکافات اورشلیم هَسّه که درباره اون هر‌چی در کتاب مقدس بنوشته بَییه اتّفاق کَفِنه. 23وای بر زنهای آبستِن و مارونه شیرده در اون روزها! اینِسّه که مصیبتی عظیم دامنگیر اورشلیم وونه و این مردِم به غضب الهی دچار وونّه. 24به دم شمشیر قِرار گِرِننه و در میونه تموم قومهای دیگه به اسیری بَوِرده وونه و اورشلیم بدست غیر یهودیها کَفِنه و پایمال وونه تا زمانی که دوره غیر یهودیها به سَر بیهه.
بردَگِردستن مسیح
25«نیشونه هایی در خِرشید و ماه و ستاره ها پدا وونه. زمین دِله مردِم از جوش و خِروش دریا آشفته و دلنگرون وونه. 26مردِم از اونچه باید در دنیا اتفاق دَکِفه از ترس غَش کانِّه اینِسّه که نیروهای آسمون به لرزه در انّه. 27بعد انسان ریکا رِه ویننه که با قِدرِتِ و شکوه خَلِه زیاد بر اتا ابر اِنه. 28وقتی اینا شِروع بَووهه راست ایست هاکانین و شه سَرها رِه بالا بَیرین اینِسّه که شِمه نجات نزدیک هَسّه!»
29و این مِثال رِه ویشونِسته بیارده: «انجیر دار و دارهایه دیگه رِه در نظِر بَیرین. 30وقتی برگ دِننه توننی بَوینین و بِفهمین که تابستون نزدیک هَسّه. 31هَمینِسته هروقت بَدینی، این چیزها دَرِه اتّفاق کَفِنه، متوجه وونی پادشاهی خِدا نزدیک هسته. 32راستی راستی شما رِه گامبه که تا تموم اینا اتفاق نَکِفه این نسل از بین نَشونه. 33آسمون و زمین از بین شونه اما حرفهای مِن هیچوقت از بین نشونه.
در انتظار بَردِگِردستنه مسیح
34«بهوش بوشین نَکانه عیش و نوش، و مستی و گرفتاریهایه زندگی شِمه دل رِه سنگین هاکانِه و اون روز مِثل اتا دام، یکدفعه شِما رِه غافلگیر هاکانه. 35اینِسّه که این اتفّاق برسَرِ تموم مردِم در همه جای دنیا کفنه. 36پس همیشه مواظب بوشین و دِعا هاکانین تا بتونین از تموم این چیزها که بزودی اتّفاق کَفنه در امان بَمونین و در حِضور انسان ریکا ایست هاکانین.»
37عیسی هر روز معبد دِله تعلیم داهه وشوها شهر جه بیرون شییه و کوه زیتون بالا شو رِه با دعا به صبح رِسِندیه. 38صبح ها مردِم برای گوش هاکاردنه وِنه حرفها معبد دِله جمع بینه.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Mazanmedia