1 Ioane 3
3
1Imo Iehova mereri. Taaurimo nouri tiaha niro na’i Iehovaro imoido naibaha nimahebidio, nouri imo nou himia mereito nouro niduti. Mabu nouri batibati oubi nei imo umo biahai nouri nei nou umo biahai. 2Mo himia mabu oubi, doihabuo imo Iehova mereri wia imo doo na’i paeaha biahai doihabuo; ata imo umo naiba naimo oiti, nou ta’uwa nou omowaetaiwa imo nou aibo ainaimo‐oiti. 3Ina dubu amidao nouido naibaha iraromodioumo, nei himia kidia nei auwo mea naibaha oitiumo, naiba nou himia kidia meahari. 4Ina dubu amidao ubauba kidia naibaha idodiaiwamowa, bubu neiio naibaha remadauridumo, mabu nouri ubauba kidia nou bubu kemadauriai kidiari. 5Wia rio umori nou nou omowaetairo imo ubauba kidia itateai, wia ubauba kidia noumu ia biahai. 6Dubu amida noumu emidiomowa neiio ubauba kidia idodiaiwamo biahai. Dubu amidao ubauba kidia idodiaiwawa neiio nou eaurimo raihe, ina nei nou umo biahai. 7Mo mere keke, oubi amidao rio imatuhuti tore: dubu nou meamea kidia idodiaiwawa nou meahari naiba nouvia auwo meari. 8Dubu nou ubauba kidia idodiaiwa nou uba urio duburi, nouri kowahoro ta’ui nouowa uba‐urioro ubauba kidia naibaha idodiaiwatuti. Nouri Iehova Mere nou nou omowaetairo, uba‐urio kidodiai na’i imehebutidioi. 9Iehovaro kiahomo oubii, ubauba kidia neiio idodiaiwaumo biahai, nouri Iehova oubi nei noumu emidioumo ina oubi naiba ubauba kidia idodiaiwamo raihe mabu nouri nei Iehovaro kiahomo oubiri. 10Ina nou aibo imo umo naibaha noitiumo oubi nei Iehova mereri wia oubi nei uba‐urio mereri. Dubu nou meamea kidia idodiai tatowa ina nou himia oubi nou auwo niro imahebidioumo biahai, nouvia Iehova mere biahai. 11Nouri wade modobo’i rioo tau orovidioumo kowahoro ta’ui nouowa, imo himia himia niro keremahebidioiha taremahebidiodaimo. 12Imo Keni aibo oitimo raihe. Nouvia ubauba urio mereri wia nouro nou himia niama aiepia; ina teiri epia? Mabu nouri, nou himia kidodiai na’i nei ubari, niamaro kidodiai nana’i nou meahari.
13Nanaio, ina batibati oubio rio oriha iaurimowa, rioo emaeaumo au’e. 14Imo umori korohi batiudo kiiro batito imo tau norowabumo, mabu nouri imo auwo niro eremahebidiomoi imo himia oubiri. Dubu nou niro emahebidio tatowa, nou koihiai batiwa wamidiotuti. 15Dubu nou dubu ataro oriha eauriwa nouvia korowaematuti duburi, ina rio umori korowaematuti dubu kiiro karae karae noumu ia biahai. 16Niro kemahebidio na’i imoo nou aibo umoitimowa mabu nouri Iesu nou himia kiiro nouro imoido naibaha nimaairo; ina nou aibo imo kiiro imo himia oubido imoo kimaaiha imaaimoi. 17Wia nouri dubu nou batibati nana nouowa airimoworoho ina nou himia dubu nou nana tatori wia nana niroi nouro naibaha eauriwa wia nou giopu nouido kokori; Iehova niro na’i teiri roa noumu? 18Mo mere keke, kiao wade ramu wia mototobe wade ramu imoo nou niro imahebidioumo aue; imoo kidodiaiwa nana ramu wia naiheha nana ramu, nou niro tamahebidiodaimo. 19Ina nou aibo imo umoitimowa imo naiheha mereri ta’ui nouowa imo himia giopuo imo hipo iwaiwa; mabu nouri naiba kidia’i imo imini meaha ainaimo imowai nou hohowa. 20Mabu nouri Iehova nou auwori, imo giopu aibo biahai wia nana auwoha nou umori. 21Nanaio, ina imo giopuo uba nana imoido imapoi biahai, imo giopu nou tore biahai Iehovaido. 22Wia nana auwoha imo atodoiwa imoo noudo naibaha nimemedumo mabu nouri nou himia wade modobo imo naibaha nidodiaiwadumo wia nouri nana’i nou idomaito geii nou rimowai, imo naibaha nidodiaiwadumo. 23Wia nouri nou himia wade modobori; Iesu Keriso, nou himia Mere, nou painawa imoo korovidioiha banirovidioumo wia imo himia himia niro keremahebidioiha banere‐mahebidiomo naiba nou imoido wade modoboito nou aroro. 24Ina nouri dubu nou himia wade modobo ridodiaiwawa nouvia noumu emidiodio wia nou noumuri. Wia imo umori nou imomu remidiodio mabu urio nouri nouro imoido tau nimaairo.
Currently Selected:
1 Ioane 3: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
1 Ioane 3
3
1Imo Iehova mereri. Taaurimo nouri tiaha niro na’i Iehovaro imoido naibaha nimahebidio, nouri imo nou himia mereito nouro niduti. Mabu nouri batibati oubi nei imo umo biahai nouri nei nou umo biahai. 2Mo himia mabu oubi, doihabuo imo Iehova mereri wia imo doo na’i paeaha biahai doihabuo; ata imo umo naiba naimo oiti, nou ta’uwa nou omowaetaiwa imo nou aibo ainaimo‐oiti. 3Ina dubu amidao nouido naibaha iraromodioumo, nei himia kidia nei auwo mea naibaha oitiumo, naiba nou himia kidia meahari. 4Ina dubu amidao ubauba kidia naibaha idodiaiwamowa, bubu neiio naibaha remadauridumo, mabu nouri ubauba kidia nou bubu kemadauriai kidiari. 5Wia rio umori nou nou omowaetairo imo ubauba kidia itateai, wia ubauba kidia noumu ia biahai. 6Dubu amida noumu emidiomowa neiio ubauba kidia idodiaiwamo biahai. Dubu amidao ubauba kidia idodiaiwawa neiio nou eaurimo raihe, ina nei nou umo biahai. 7Mo mere keke, oubi amidao rio imatuhuti tore: dubu nou meamea kidia idodiaiwawa nou meahari naiba nouvia auwo meari. 8Dubu nou ubauba kidia idodiaiwa nou uba urio duburi, nouri kowahoro ta’ui nouowa uba‐urioro ubauba kidia naibaha idodiaiwatuti. Nouri Iehova Mere nou nou omowaetairo, uba‐urio kidodiai na’i imehebutidioi. 9Iehovaro kiahomo oubii, ubauba kidia neiio idodiaiwaumo biahai, nouri Iehova oubi nei noumu emidioumo ina oubi naiba ubauba kidia idodiaiwamo raihe mabu nouri nei Iehovaro kiahomo oubiri. 10Ina nou aibo imo umo naibaha noitiumo oubi nei Iehova mereri wia oubi nei uba‐urio mereri. Dubu nou meamea kidia idodiai tatowa ina nou himia oubi nou auwo niro imahebidioumo biahai, nouvia Iehova mere biahai. 11Nouri wade modobo’i rioo tau orovidioumo kowahoro ta’ui nouowa, imo himia himia niro keremahebidioiha taremahebidiodaimo. 12Imo Keni aibo oitimo raihe. Nouvia ubauba urio mereri wia nouro nou himia niama aiepia; ina teiri epia? Mabu nouri, nou himia kidodiai na’i nei ubari, niamaro kidodiai nana’i nou meahari.
13Nanaio, ina batibati oubio rio oriha iaurimowa, rioo emaeaumo au’e. 14Imo umori korohi batiudo kiiro batito imo tau norowabumo, mabu nouri imo auwo niro eremahebidiomoi imo himia oubiri. Dubu nou niro emahebidio tatowa, nou koihiai batiwa wamidiotuti. 15Dubu nou dubu ataro oriha eauriwa nouvia korowaematuti duburi, ina rio umori korowaematuti dubu kiiro karae karae noumu ia biahai. 16Niro kemahebidio na’i imoo nou aibo umoitimowa mabu nouri Iesu nou himia kiiro nouro imoido naibaha nimaairo; ina nou aibo imo kiiro imo himia oubido imoo kimaaiha imaaimoi. 17Wia nouri dubu nou batibati nana nouowa airimoworoho ina nou himia dubu nou nana tatori wia nana niroi nouro naibaha eauriwa wia nou giopu nouido kokori; Iehova niro na’i teiri roa noumu? 18Mo mere keke, kiao wade ramu wia mototobe wade ramu imoo nou niro imahebidioumo aue; imoo kidodiaiwa nana ramu wia naiheha nana ramu, nou niro tamahebidiodaimo. 19Ina nou aibo imo umoitimowa imo naiheha mereri ta’ui nouowa imo himia giopuo imo hipo iwaiwa; mabu nouri naiba kidia’i imo imini meaha ainaimo imowai nou hohowa. 20Mabu nouri Iehova nou auwori, imo giopu aibo biahai wia nana auwoha nou umori. 21Nanaio, ina imo giopuo uba nana imoido imapoi biahai, imo giopu nou tore biahai Iehovaido. 22Wia nana auwoha imo atodoiwa imoo noudo naibaha nimemedumo mabu nouri nou himia wade modobo imo naibaha nidodiaiwadumo wia nouri nana’i nou idomaito geii nou rimowai, imo naibaha nidodiaiwadumo. 23Wia nouri nou himia wade modobori; Iesu Keriso, nou himia Mere, nou painawa imoo korovidioiha banirovidioumo wia imo himia himia niro keremahebidioiha banere‐mahebidiomo naiba nou imoido wade modoboito nou aroro. 24Ina nouri dubu nou himia wade modobo ridodiaiwawa nouvia noumu emidiodio wia nou noumuri. Wia imo umori nou imomu remidiodio mabu urio nouri nouro imoido tau nimaairo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.